ﻋﺎﺩﻯ ﺯﻯ ﻣﺎ ﺭﺍﺣﻮ ﻏﻴﺮﻙ
ﺑﺮﺿﻮ ﻋﺎﺩﻯ ﺗﺮﻭﺣﻰ ﺫﺍﺗﻚ
ﻋﺎﺩﻯ ﺯﻯ ﻣﺎ ﺧﺎﻧﻮ ﻗﺒﻠﻚ
ﺧﻮﻧﻰ ﻣﺎ ﺑﺘﻔﺮﻕ ﻭﺣﺎﺗﻚ
ﺑﻜﺮﻩ ﺑﻨﺴﻰ ﻭﺍﻧﺘﻰ ﺗﻨﺴﻰ
ﻭﻏﻴﺮﻯ ﻳﻤﻼ ﻋﻠﻴﻚ ﺣﻴﺎﺗﻚ
ﻛﻨﺘﻰ ﻏﻠﻄﻪ ﻭﺃﺣﻠﻰ ﺻﺪﻓﻪ
ﻭﻫﺴﻪ ﺫﻛﺮﻯ ..
ﻭﺑﻜﺮﻩ ﺑﻨﺴﻒ ﺫﻛﺮﻳﺎﺗﻚ ..
ﻭ ﺍﻟﻘﺪﺭ ﺍﻟﻠﻴﻨﺎ ﺟﺎﺑﻚ
ﺑﻜﺮﻩ ﻳﺎﺧﺪﻙ ﺑﻰ ﺭﻓﺎﺗﻚ ..
ﻭ ﺍﻟﺮﺳﺎﻳﻞ ﺍﻟﺒﻴﻨﻰ ﺑﻴﻨﻚ
ﺃﺷﺮﺑﻴﻬﺎ ﻣﻊ ﺍﻣﻨﻴﺎﺗﻚ ..
ﻭ ﺍﻧﺴﻰ ﺍﻧﻮ ﺍﻟﺒﻴﻨﺎ ﻳﺮﺟﻊ
ﺃﺻﺤﻰ ﻳﺎ ﻫﻮﻯ ﻣﻦ ﺳﺒﺎﺗﻚ ..
ﻭ ﺍﻟﻌﻴﻮﻥ ﺍﻟﺨﺎﻧﻮ ﺑﺎﻛﺮ
ﻳﻔﻘﺪﻧﻰ ﻭﺣﺎﺕ ﻏﻼﻭﺗﻚ ..
ﺩﻯ ﺍﻟﻌﻴﻮﻥ ﺍﻟﻜﻨﺖ ﺭﺩﺗﻦ
ﻭ ﺍﻟﺴﺤﺮ ﻓﻰ ﺍﺑﺘﺴﺎﻣﺘﻚ ..
ﻭ ﺍﻟﻌﻬﻮﺩ ﺍﻟﺒﻴﻨﻰ ﺑﻴﻨﻚ
ﻭ ﺍﻟﻬﺪﺍﻳﺎ ﺍﻟﻤﻨﻰ ﺟﺎﺗﻚ ..
ﻟﻤﻠﻤﻴﻬﺎ ﻭ ﻛﻮﻣﻴﻬﺎ
ﻫﻨﺎﻙ ﻓﻰ ﺩﻭﻻﺏ ﺣﻴﺎﺗﻚ ..
ﻭ ﻳﺎﻧﻰ ﺭﺍﺣﻞ ﻣﺎﻧﻰ ﺭﺍﺟﻊ
ﻭ ﺍﻟﻘﻄﺎﺭ ﺍﻟﻠﻴﻠﻪ ﻓﺎﺗﻚ

ﺑﺮﻳﺪﻙ ﻗﺪﺭ ﻣﺎﺗﺮﻣﺶ
ﺟﻔﻮﻥ ﺧﻠﻖ ﺍﻟﻠﻪ ﻟﻴﻞ ﻭﻧﻬﺎﺭ ...
ﺑﺮﻳﺪﻙ ﻗﺪﺭ ﻣﺎﺷﺎﻓﺖ ﻋﻴﻮﻥ
ﻭﺍﻣﺘﺪﺕ ﺍﻻﺑﺼﺎﺭ ...
ﺑﺮﻳﺪﻙ ﺯﻱ ﺩﻋﺎ ﺍﻟﻮﺍﻟﺪﻳﻦ
ﻭﺿﺤﻜﺔ ﻳﺘﺎﻣﻲ ﺻﻐﺎﺭ..
ﺑﺠﺮﻭ ﻋﻠﻲ ﻫﺪﻭﻡ ﺍﻟﻌﻴﺪ
ﻭﻳﺠﺮﻭﺍ ﻋﻠﻲ ﺍﻟﻐﺮﻳﺐ ﻭ ﺍﻟﺠﺎﺭ

ﻓﻲ ﻧﺎﺱ ﺗﺪﻳﻚ ﺇﺣﺴﺎﺱ ﺍﻟﺒﻬﺠﺔ
ﻭﺗﻤﺴﺢ ﺗﻌﺐ ﺍﻟﺪﻧﻴﺎ ﺍﻷﻏﺒﺮ ،
ﻧﺎﺱ ﻟﻮ ﺷﻔﺖ ﺳﻤﺎﺣﺔ ﺫﻭﻗﻬﺎ
ﻣﺎﺑﺘﻘﻮﻟﻚ ﻏﻴﺮ ﺍﺗﻔﻀﻞ ،
ﻧﺎﺱ ﻓﻲ ﺭﺍﻳﻬﺎ ﺳﺪﻳﺪﺓ ﻭﻓﺎﻫﻤﺔ
ﻣﺎﺑﺘﺒﻮﺡ ﺑﻲ ﻗﻮﻵ ﺃﺷﺘﺮ ،
ﻭﻧﺎﺱ ﺃﺳﺒﺎﺏ ﺍﻟﻔﺮﺣﺔ ﺍﻟﻐﺎﻣﺮﺓ
ﻭﺑﻴﻬﻢ ﻋﻤﺮﻧﺎ ﺃﺻﺒﺢ ﺃﺧﻀﺮ
ﻭﻧﺎﺱ ﺷﺎﻳﻠﻨﻬﻢ ﻓﻲ ﺟﻮﺍﻧﺎ
ﺯﻫﻮﺭ ﻭﺷﺘﻮﻝ ﻭﺷﺠﺮﺁ ﻣﺜﻤﺮ ،
ﻭﻧﺎﺱ ﻓﻲ ﻋﻴﻮﻧﻬﻢ ﺷﻮﻕ ﻭﻣﺤﺒﺔ
ﻭﺩﻳﻤﺔ ﺣﻴﺎﺗﻨﺎ ﻣﻌﺎﻫﻢ ﺃﻧﻀﺮ ،
ﻧﺎﺱ ﺃﺗﺸﺮﻑ ﺃﻧﻲ ﻣﻌﺎﻫﻢ
ﻭﺩﺍﻳﻤﺂ ﺑﻴﻬﻢ ﺃﻛﺒﺮ ﻭﺃﻓﺨﺮ

ﺭﺩ ﺍﻟﺠﻤﻴﻞ ﻗﺎﺳﻲ ﻭﺻﻌﺐ
ﻣﻦ ﺯﻭﻝ ﻣﻼﻣﺤﻪ ﻣﺰﻳﻔﺔ
ﺯﻭﻝ ﻓﻲ ﺍﻟﻘﻠﺐ ﺯﺍﺭﻉ ﻫﻮﺍﻩ
ﻭﺑﺘﻐﺎﺑﻰ ﻓﻴﻚ ﺍﻟﻤﻌﺮﻓﺔ
ﺻﺪﻗﻨﻲ ﻣﺎ ﺭﺍﺟﻴﻚ ﺗﺤﻦ
ﻭﻻ ﻳﻮﻡ ﺗﺒﺎﺩﻟﻨﻲ ﺍﻟﻮﻓﺎ
ﺍﻋﻠﻨﺖ ﻓﻲ ﻗﻠﺒﻲ ﺍﻟﺤﺪﺍﺩ
ﻭﻓﺮﺷﺖ ﻟﻴﻚ ﺻﻴﻮﺍﻥ ﻭﻓﺎﺓ
ﻭﻟﻮ ﻛﻨﺖ ﻳﻮﻡ ﻧﻮﺭ ﻟﻲ ﺩﻧﺎﻱ
ﺻﺪﻗﻨﻲ ﻧﻮﺭﻙ ﺍﻧﻄﻔﻰ
ﻭﺳﻜﺔ ﺧﻄﺎﻭﻳﻚ ﺍﻟﺸﺘﺮ
ﺍﻟﻌﻠﻤﺖ ﺭﻭﺣﻲ ﺍﻟﺠﻔﺎ
ﺣﺮﻣﺖ ﺍﻣﺸﻲ ﻋﻠﻴﻬﺎ ﻳﻮﻡ
ﻭﻣﻦ ﻭﺟﻌﺘﻚ ﻗﻠﺒﻲ ﺍﻛﺘﻔﻰ
ﻣﺎ ﺍﻧﺎ ﻛﻨﺖ ﻟﻴﻚ ﻃﻠﺔ ﺷﻌﺎﻉ
ﻭﻟﻴﻚ ﺍﻻﻏﺎﻧﻲ ﺑﺎﻟﻔﻬﺎ
ﻭﻟﻲ ﺍﻟﺪﻧﻴﺎ ﻛﻠﻬﺎ ﻗﻠﺖ ﻓﻴﻚ
ﺍﻧﻚ ﺣﺮﻭﻓﻲ ﺍﻟﻮﺍﺭﻓﺔ
ﻭﻇﻠﻠﺖ ﻗﻠﺒﻚ ﺑﺎﻟﺤﻨﺎﻥ
ﺍﻃﻴﺎﻑ ﻣﺸﺎﻋﺮ ﻣﺘﺮﻓﺔ
ﻭﺭﺳﻤﺖ ﻃﻴﻔﻚ ﻓﻲ ﺍﻟﺨﻴﺎﻝ
ﺳﻤﻴﺘﻚ ﺍﻟﻨﺪﻯ ﻭﺍﻟﺼﻔﺎ
ﻭﺍﺳﺮﺟﺖ ﻛﻞ ﺧﻴﻞ ﺍﻟﺤﻠﻢ
ﻭﻛﻞ ﺍﻟﻤﻌﺎﻧﻲ ﻣﺴﺘﻔﺔ
ﻭﻣﺸﻴﺖ ﻋﻠﻲ ﻭﻋﺪﺍ ﻣﻌﺎﻙ
ﺑﺎﻧﻮ ﻓﻲ ﺣﺒﻚ ﺩﻓﺎ
ﺑﺲ ﻟﻼﺳﻒ ....
ﻛﻞ ﺍﻟﻤﻌﺎﻧﻲ ﺑﻘﺖ ﺣﺮﻭﻓﻬﺎ ﻣﻜﺘﻔﺔ
ﻭﻧﻴﺮﺍﻥ ﻫﻮﺍﻙ ﻓﻴﻨﻲ ﺍﺑﺘﺪﺕ
ﺗﺤﺮﻕ ﺳﻨﻴﻨﻲ ﻭﺗﺨﺴﻔﻬﺎ
ﻭﺣﻠﻔﺖ ﺑﻲ ﺷﺮﻑ ﺍﻟﻐﺮﺍﻡ
ﺍﻧﻚ ﺧﻼﺹ ﻫﻢ ﻭﺍﺧﺘﻔﻰ
ﻣﺎ ﺭﺍﺟﻲ ﻣﻦ ﻗﻠﺒﻚ ﺣﻨﺎﻥ
ﺧﻄﻮﺍﺕ ﺭﺟﻮﻋﻲ ﻣﻜﻠﻔﺔ
ﺍﺫﻥ ﺍﺑﻘﻰ ﻣﺎﺭﻕ ﻣﻨﻲ ﻓﻮﺕ
ﺍﻧﺎ ﺭﺍﻳﺘﻲ ﻫﺴﺔ ﻣﺮﻓﺮﻓﺔ
ﻭﺍﻋﻠﻨﺖ ﺑﻌﺪﻙ ﺍﻧﺘﺼﺎﺭﻱ
ﻭﺍﻧﻬﺰﺍﻡ ﻫﺬﻱ ﺍﻻﻣﺎﻧﻲ ﺍﻟﻤﺘﺮﻓﺔ
...
ﺭﺩ ﺍﻟﺠﻤﻴﻞ ﻗﺎﺳﻲ ﻭﺻﻌﺐ
ﻣﻦ ﺯﻭﻝ ﻣﻼﻣﺤﻪ ﻣﺰﻳﻔﺔ

ﻓﻲ ﺍﻧﺘﻈﺎﺭﻙ ﻟﻤﺎ ﺗﻮﻋﺪ ..
ﻳﺎﺍﻟﺒﺘﻮﻋﺪ ﻭﺩﻳﻤﻪ ﺗﻨﺴﻰ ..
ﻣﺎﺑﻤﻞ ﺑﺮﺟﺎﻛﺎ ﺑﺼﺒﺮ ..
ﻣﻬﻤﺎ ﺗﺠﻔﻰ ﻋﻠﻲ ﻭﺗﻘﺴﻰ ..
ﻣﺎﻏﺮﻳﺐ ﻣﻴﻌﺎﺩﻱ ﺗﻨﺴﻰ ..
ﻛﻢ ﻣﻴﻌﺎﺩ ﻗﺒﺎﻟﻮ ﻣﺮﻩ ..
ﻭﺗﻘﻄﻊ ﺍﻟﻮﻋﺪ ﺍﻻﻛﻴﺪ ..
ﻭﻟﺴﻪ ﻣﺎﺍﻓﻮﻳﺘﻮ ﻣﺮﻩ ..
ﻣﻬﻤﺎ ﺗﻜﺴﻒ ﻟﻲ ﻗﻠﻴﺒﻲ ..
ﺗﻠﻘﻰ ﻟﻲ ﻟﻘﻴﺎﻙ ﺍﺻﺮﻩ ..
ﻳﺨﻠﻖ ﺍﻻﻋﺰﺍﺭ ﻭﻳﺴﺎﻣﺤﻚ ..
ﻭﻳﺮﺟﻰ ﺑﻲ ﺷﻮﻗﺎ ﺍﺣﺮﻩ ..
ﻳﺎﺍﻟﻤﺨﻴﺐ ﺩﻳﻤﺎ ﻇﻨﻲ ..
ﺑﺮﺿﻲ ﻣﺎﺑﻨﺴﺎﻙ ﻭﺑﻘﻨﻊ ..
ﻭﻟﻤﺎ ﺗﻮﻋﺪ ﺗﺎﻧﻲ ﺑﻌﺸﻢ ..
ﻭﺍﻻﻣﻞ ﺟﻮﺍﻳﺎ ﺑﻄﻠﻊ ..
ﺍﺣﺸﺪ ﺍﻻﺣﺴﺎﺱ ﻭﺍﺟﻴﻠﻚ ..
ﺗﺎﻧﻲ ﻟﻲ ﺭﺅﻳﺎﻛﺎ ﺑﻄﻤﻊ ..
ﻭﺍﻫﻴﺊ ﺍﻟﻌﻴﻨﻴﻦ ﺗﺸﻮﻓﻚ ..
ﻭﻳﺎﺣﺮﺍﻡ ﺑﺎﻟﺪﻣﻌﻪ ﺗﺮﺟﻊ

ﺗﺸﻴﻞ ﻳﺎﻗﻠﺒﻲ ﻫﻢ ﺍﻟﻨﺎﺱ
ﻭ ﻣﺎ ﻻﻗﻲ ﺍﻟﺒﺸﻴﻞ ﻫﻤﻚ
ﺗﻮﺍﺳﻲ ﻭ ﺗﻤﻨﻊ ﺍﻟﺪﻣﻌﺎﺕ
ﻭ ﺯﺍﺭﻑ ﺍﻧﺖ ﻣﻦ ﺩﻣﻚ
ﻣﻨﻮ ﺍﻟﺒﻐﺸﺎﻙ ﻭﻛﺖ ﺗﺤﺘﺎﺝ
ﻣﻨﻮ ﺍﻟﻌﺎﻳﺶ ﻣﻌﺎﻙ ﻫﻤﻚ
ﺗﻔﺮﺡ ﻓﻲ ﻗﻠﻮﺏ ﺍﻟﻨﺎﺱ
ﻭ ﺃﻧﺖ ﺍﻟﻔﺮﺣﻪ ﺑﺘﺴﻤﻚ

ﻭﺍﺣﺸﺎﻧﻲ ﺷﻮﻓﺘﻚ ﻭﻃﻠﺘﻚ
ﻭﺍﺍﺍﺣﺸﻨﻲ ﺑﺎﻟﺠﺪ ﺍﻟﻬﻈﺎﺍﺍﺍﺍﺭ
ﻟﻤﺤﺔ ﻋﻴﻮﻧﻚ ﻓﻲ ﺍﻟﺴﻜﻮﺕ
ﺣﺎﺍﺍﻝ ﺍﻟﺘﻌﺎﺍﺑﻴﺮ ﺍﻟﻜﺘﺎﺍﺭ
ﺑﺴﻤﺔ ﺧﺪﻭﺩﻙ ﻭﺍﻟﺨﺠﻞ
ﻭﺑﺮﺍﺀﺓ ﺍﻟﻨﺎﺍﺍﺱ ﺍﻟﺼﻐﺎﺭ
ﺩﻫﺸﺔ ﺣﻨﺎﻧﻚ ﻳﻮﻡ ﺍﺟﻴﻚ
ﻭﺍﻟﻘﻪ ﺍﻟﻜﻼﻡ ﺍﻧﺎ ﻛﻠﻮ ﻃﺎﺍﺭ
ﻋﺎﺭﻓﻨﻲ ﻭﺍﻟﺸﻮﻕ ﻭﺍﻟﺤﻨﻴﻦ
ﻃﻮﺍﻟﻲ ﻧﺤﻦ ﻧﻔﺴﻨﺎ ﺣﺎﺍﺍﺭ
ﻃﻴﺐ ﺷﻨﻮ ﺍﻻﺧﺮ ﻣﺠﻴﻴﻚ
ﻳﺎﺍﺍ ﺳﻴﺪﻱ ﻃﺎﺍﺍﻝ ﺍﻻﻧﺘﻈﺎﺭ

ﻋﻨﺪﻙ ﻣﺎﻧﻊ ... ؟؟
ﺍﺭﺳﻢ ﻓﻲ ﻋﻴﻨﻴﻚ ﺍﺣﻼﻡ ..
ﻭﺍﻓﺘﺢ ﺑﻴﻦ ﻭﺟﻨﺎﺗﻚ ﺷﺎﺭﻉ ..
ﻋﻨﺪﻙ ﻣﺎﻧﻊ ... ؟؟
ﺍﻋﺒﺮ ﺟﻮﺍ ﻣﺪﺍﺧﻞ ﺩﺍﺧﻠﻚ ..
ﻭﺃﺳﻜﻦ ﺑﻴﻦ ﺍﻟﺸﻮﻕ
ﻭﺩﻭﺍﺧﻠﻚ ...
ﻭﺍﻋﻤﻞ ﻫﻮﺩﺝ ﻣﻦ ﺗﺤﻨﺎﻧﻚ
ﻭﺍﻃﺮﺯﻭ ﺑﺎﻟﺒﺴﻤﺎﺕ ﺍﻟﺤﻠﻮﺓ ..
ﻭﺑﻲ ﺃﻟﻮﺍﻥ ﺍﻟﻄﻴﻒ ﻭﺣﻨﺎﻧﻚ
ﻋﻨﺪﻙ ﻣﺎﻧﻊ؟؟؟
ﺍﺑﻘﻲ ﻣﻌﺎﻙ ﺍﻟﻀﻠﻤﺔ
ﻭﺿﻲ ..
ﻭﺍﺑﻘﻲ ﻟﻴﻚ ﺻﺤﺎﺭﻱ
ﻭﻓﺊ ..
ﻭﻟﻤﺎ ﺗﻤﻮﺕ ﺍﻟﻌﺎﻃﻔﺔ
ﺟﻮﺍﻙ ..
ﺍﺑﻘﻲ ﻟﻴﻚ ﺍﻟﺠﺰﺀ ﺍﻟﺤﻲ ..
ﻭﺃﺑﻘﻲ ﻟﻴﻬﺎ ﺍﻟﻨﻔﺲ ﺍﻟﻄﺎﻟﻊ ..
ﻋﻨﺪﻙ ﻣﺎﻧﻊ .. ؟؟
ﻣﻬﻤﺎ ﻳﺤﺼﻞ ﻋﺎﻳﺰ
ﺃﺣﺒﻚ ..
ﻏﺼﺒﺎ ﻋﻨﻚ .. ﺑﺮﺿﻮ
ﺑﺢ -------.
ﻭﻟﻮ ﺍﻟﺤﺐ ﺍﺗﺨﺘﺎ ﻓﻲ ﻛﻔﺔ
ﺣﺐ ﺍﻟﻨﺎﺱ ﺇﺗﺨﺘﺎ ﻓﻲ ﻛﻔﺔ ..
ﺣﺐ ﺍﻟﻜﻮﻥ .. ﺣﺎ ﻳﻮﺯﻧﻮ ﺣﺒﻚ ..
ﻳﺎ ﺗﺤﻨﺎﻥ ﻣﻘﺮﻭﻥ ﺑﺎﻹﻟﻔﺔ ..
ﻋﺎﻳﺰ ﺍﻭﺻﻞ ﺑﻴﻚ ﺍﻟﻀﻔﺔ ..
ﻗﺒﻞ ﺃﻣﻮﺍﺝ ﺍﻟﺸﻮﻕ ﻣﺎ ﺗﺴﺎﺭﻉ ..
ﻋﻨﺪﻙ ﻣﺎﻧﻊ

ﺍﻧﺖ ﺻﺎﺩﻕ ﻓﻲ ﻛﻼﻣﻚ
ﻭﻻ ﺑﺲ ﺑﺘﻘﻴﺲ ﻏﺮﺍﻣﻚ ?
ﻭﻻ ﺩﺍﻳﺮ ﺗﻌﺮﻑ ﺍﻧﻮ
ﺍﻧﺖ ﺍﻳﻪ ﻣﻘﺪﺍﺭ ﻛﻤﺎﻟﻚ ?
ﺍﻧﺖ ﻓﻲ ﻛﻞ ﺍﻟﻮﺟﻮﺩ
ﺗﺴﺤﺮ ﺍﻟﻨﺎﺱ ﺑﺠﻤﺎﻟﻚ
ﺗﻘﻠﺐ ﻣﻌﺎﻧﺎﺓ ﺍﻟﻐﻼﺑﺔ
ﻭﺗﺸﺪﻩ ﺍﻟﻨﺎﺱ ﺑﺪﻻﻟﻚ
ﻣﺎ ﺍﻧﺖ ﻓﻲ ﻃﺒﻌﻚ ﻓﺮﻳﺪ
ﻓﻲ ﺍﻟﺒﺸﺮ ﻗﻂ ﻣﺎ ﻟﻘﻮﻙ
ﻭﻟﻤﺎ ﻓﻜﺮﻭﺍ ﻳﻮﺻﻔﻮﺍ
ﺳﻤﺢ ﺍﻟﺨﺼﺎﻝ ﻣﺎ ﺍﻧﺼﻔﻮﻙ
ﻣﺎ ﺍﻧﺖ ﺍﻛﺒﺮ ﻣﻦ ﻛﻼﻣﻨﺎ
ﻛﻴﻔﻦ ﺑﻴﻘﺪﺭﻭﺍ ﻳﻮﺻﻔﻮﻙ
ﺗﻠﻮﻣﻮﺍ ﻋﻠﻲ ﻫﺠﺮﺍﻧﻲ !!??
ﺍﻧﺎ ﺍﻟﻼﻳﻢ ﺟﻔﺎﻙ ﺳﻨﻴﻦ
ﺟﻔﻴﺘﻨﻲ ﻭﺗﻤﺸﻲ ﻗﺪﺍﻣﻲ
ﺗﺴﻮﻱ ﺍﻟﺸﻴﻦ ﻭﺍﻗﻮﻝ ﺁﻣﻴﻦ
ﻭﺍﻛﺘﻢ ﺟﻮﻭﻭﻩ ﻓﻲ ﻗﻠﺒﻲ
ﺍﺧﺎﻑ ﻣﻦ ﻋﻮﺩﻙ ﺍﻟﻴﺎﺳﻤﻴﻦ
ﻭﺑﻴﻦ ﺍﺻﺤﺎﺑﻲ ﺗﺘﻘﺪﻝ
ﻭﺗﺘﺒﺨﺘﺮ ﺟﻨﺎ ﺍﻟﻮﺯﻳﻦ
ﺗﺴﺎﻟﻢ ﺍﻟﻜﻞ ﻭﺗﺘﻘﺎﻟﺪ
ﻭﺍﻧﺎ ﺍﻟﻔﻲ ﺍﻟﻨﺎﺭ ﺷﻮﻳﺘﻨﻲ ﺳﻨﻴﻦ
ﻭﻫﺴﻲ ﺗﻘﻮﻝ ﺍﻧﺎ ﻣﺴﺎﻓﺮ
ﺗﻮﺩﻉ ﺧﺎﻟﻴﻲ ﻗﻠﺒﻲ ﺣﺰﻳﻦ
ﺑﻌﺪ ﻣﺎ ﻗﻠﺖ ﻗﺮﺑﺖ
ﻭﺍﻗﻴﻒ ﺍﻧﺘﻈﺮﻭﺍ ﺑﺎﻟﺴﺎﻋﺎﺕ
ﺍﻗﻮﻝ ﻳﻤﻜﻦ ﻳﻤﺮ ﺑﻴﺠﺎﻱ
ﻭﺍﻇﻔﺮ ﻣﻨﻮ ﺑﻨﻈﺮﺍﺕ
ﻭﺍﻣﻨﻲ ﻗﻠﻴﺒﻲ ﺑﺎﻟﻠﻘﻴﺎ
ﻭﺍﻗﻮﻝ ﻳﺎ ﻗﻠﺒﻲ ﺍﻧﺴﺎ ﺍﻟﻔﺎﺕ
ﻭﻟﻤﺎ ﺧﻴﺎﻟﻮ ﻳﻈﻬﺮ ﻟﻲ
ﻛﻴﻒ ﺗﺘﺴﺎﺭﻉ ﺍﻟﺪﻗﺎﺕ
ﻭﻓﻲ ﺍﻻﺧﺮ ﺑﻘﺎ ﻣﺴﺎﻓﺮ
ﻣﺎ ﺭﺍﻋﻰ ﺍﻟﻘﺪﻳﻢ ﻭﺍﻟﻔﺎﺕ
ﻭﻻ ﺧﺘﺎﻧﻲ ﻓﻲ ﺑﺎﻟﻮ
ﻭﻻ ﺳﻠﻢ ﻋﻠﻰ ﺍﻻﻣﻮﺍﺕ
ﻳﺎﺧﻲ ﺍﻥ ﺷﺎﺀﺍﻟﻠﻪ ﺷﻴﻞ ﻓﺎﺗﺤﺔ
ﺑﺮﺿﻮ ﺑﺤﺴﻬﺎ ﺍﻟﺮﺣﻤﺎﺕ
ﺑﺪﻝ ﻣﺎﺗﻤﺸﻲ ﺗﺴﻼﻧﻲ
ﻭﺗﺒﺨﻞ ﺣﺘﻰ ﺑﺎﻟﻨﺴﻤﺎﺕ

ﻟـــﻤــﺎ ﺯﻭﻝ ﻳــﻨــﺴـــﺎﻛــ ﺑــــﺮﺍﻫــﻮ
ﺍﻭﻋـــﺔ ﺗــﺎﻧـﻲ ﺗــﻜــﻮﺱ ﺭﺿــﺎﻫـﻮ
ﺳــﻴــﺒـﻮ ﻳــﺮﺣـﻞ ﻳـﻤﺸـﻲ ﻣـﻨـﻜـ
ﺍﻭﻋـــــــﺔ ﺗــــﻨــﺪﻣـ ﺑــــﻲ ﻭﺭﺍﻫـــﻮ
ﻣـــﺪﺍﻣـ ﺑــــﺮﺍﻭ ﺍﺧــــﺘــــﺎﺭ ﻃـﺮﻳـﻘﻮ
ﻭﺑــــﺪﻝ ﺍﻟــﻘــــﻠــــﺐ ﺍﻟــﻬـــﻮﺍﻫــﻮ
ﻣــــﺎﺑــﻴـــﺴـﺗــﺎﻫــﻞ ﺩﻣــــﻮﻋــﻜــ
ﻭﻫــﻲ ﺯﺍﺗــﺔ ﻣـﺎ ﺑﺘــﻔﺮﻕ ﻣـﻌـﺎﻫـﻮ
ﻭﻟـــﻮ ﺑــﻘـــﺪٌﺭ ﻳـــﻮﻣـ ﻣــﺸــﺎﻋـﺮﻛـ
ﺍﻟــﻔـــﺮﺍﻕ ﻣـــﺎﻛـــــﺎﻥ ﺑــــﺪﺍﻫـــــﻮ !!
ﻭﺍﻟـــﻘـــﻠــﻴــﺐ ﺍﻟـــﻜـــﺎﻥ ﺑــﺮﻳــــﺪﻭ
ﻳــﺒـــﻘــﻰ ﻟــﻴـــﻬـ ﺍﻟــﺠﻮﺭ ﺟـﺰﺍﻫـﻮ؟
ﺑـــﻜــــﺮﺓ ﻳــﻌــــﺮﻓـ ﺍﻧـــــﻮ ﻇـــﺎﻟـــﻢ
ﻭﺍﻟـــﻐــــﺮﻭﺭ ﺍﻟـــﻔـــﻴــــﻮ ﻋــﻤـﺎﻫـﻮ
ﻭﺗــــﺎﻧــﻲ ﻳـــﺮﺟــﻊ ﻟــﻴــــﻜـ ﻧـﺎﺩﻣـ
ﺍﻭﻭﻭﻋﻪ ﺗــﺮﺣـﻤـ ﻟﻲ ﺑــﻜﺎﺍﺍﺍﺍﺍﺍﻫــﻮ
ﺳــﻴــﺒــﻮ ﻳـــﻌــﺮﻓـ ﺍﻧــﺖ ﻗــﻴـﻤﺘـﻜـ
ﻣــﺶ ﺯﻣــــﺎﻥ ﺣـــﺒــﻜـ ﻧــﺴـﺎﻫـﻮ؟؟
ﺗــﺎﻧــﻲ ﻟـــﻴـــﻬـ ﺭﺍﺟـــﻊ ﻋـﺸﺎﻧـﻜـ
ﺑــﻌــــﺪ ﺍﻳــــﻪ ﺣــﺒــﻜـ ﻃــــﺮﺍﻫــــﻮ
ﺑـــــﻌــــﺪ ﻣـــــــﺎ ﺧـــــﻼﻛـ ﺗـــﻨــﺰﻓـ
ﻭﺩﺭﺑــﻮ ﻣـــﻦ ﻏــﻴــﺮﻛـ ﻣــﺸــﺎﻫــﻮ