ﺗﺎﺟﻮﺝ ﺩﺭﻭﻳﺶ
ﻳﻤﻪ ﺳﺖ ﺍﻟﻜﺴﺮﻩ
ﺧﻤﺎﺭﻙ ﺍﻟﺼﺒﺮ ﻭﺍﻟﺤﻴﺎﺓ ﺍﻟﻤﺮﻩ
ﻣﻘﺎﺑﻠﻪ ﺍﻟﺤﻄﺐ ﻭﺍﻟﻨﻴﺮﺍﻥ
ﺗﻌﺮﻛﻲ ﺍﻟﺼﺎﺝ ﺑﺎﻟﻄﺎﻳﻮﻕ
ﺗﻌﻮﺳﻲ ﺍﻟﻄﺮﻗﻪ ﺑﻲ ﺧﺒﺮﻩ
ﺗﺮﺻﻲ ﻃﺮﻗﻪ ﻓﻮﻕ ﻃﺮﻗﻪ
ﻭﺍﻟﻴﻮﻡ ﻛﻠﻮ ﻗﺎﻋﺪﻩ ﻣﻨﺘﻈﺮﻩ
ﺗﻘﻮﻟﻲ ﺍﻟﺮﺯﻕ ......... ﻋﻨﺪ ﺍﻟﻠﻪ
ﻭﺃﺣﻤﺪ ﺍﻟﻠﻪ ﻣﺎﺷﺎﻳﻠﻪ ﻫﻢ ﺑﻜﺮﻩ
ﻳﻤﻪ ﺳﺖ ﺍﻟﻜﺴﺮﻩ
ﺑﺎﻟﻜﺴﺮﻩ ..... ﻓﺘﺤﺘﻲ ﺍﻟﺒﻴﺖ
ﻋﻠﻤﺘﻲ ﻣﺤﻤﺪ ﻭﺃﺣﻤﺪ ﺍﻭﻻﺩﻙ
ﺇﻗﺒﺎﻝ ... ﻓﺘﺤﻴﻪ ... ﻭ ﺍﻟﺴﺮﻩ
ﺗﻘﺴﻤﻲ ..... ﻟﻠﺠﻴﺮﺍﻥ ﻭﺍﻟﺤﺒﺎﻥ
ﻭﺣﻖ ﺍﻟﺒﻴﻊ ﺗﻤﺮﻗﻴﻮ ﺑﺮﺭﺭﺭﺭﺭﺭﻩ
ﻗﻨﻮﻋﻪ .... ﻛﺮﻳﻤﻪ .. ﺑﺎﻟﻔﻄﺮﺓ
ﺗﻘﻮﻟﻲ ﺍﻟﺨﻴﺮ ﻣﺎﺭﺍﺍﺍﺍﺍﺍﺍﺍﺍﺍﻗﺪ
ﻭﺍﻟﺰﺍﺩ ﺑﻜﻔﻲ ﺍﻟﻤﻴﻪ ﻭﺍﻟﻌﺸﺮﻩ
ﻳﻤﻪ ﺳﺖ ﺍﻟﻜﺴﺮﻩ
ﺍﻡ ﺍﻟﻔﺮﻳﻖ ﻛﻠﻮﻭﻭﻭﻭﻭ
ﺣﻨﻴﻨﻪ ﻭﺑﺎﻗﻴﻪ ﻋﻠﻲ ﺍﻟﻌﺸﺮﻩ
ﺗﺴﺎﻋﺪ ........... ﺍﻟﻤﺤﺘﺎﺝ
ﺗﻔﻚ ...... ﺍﻟﺒﻘﺠﻪ . ﻭﺍﻟﺼﺮﻩ
ﺗﺪﻳﻦ ............. ﺍﻟﻤﺤﻤﻮﻝ
ﻭﺍﻟﻤﺎﻋﻨﺪﻭ ﻳﺠﻴﺐ ﺑﻜﺮﻩ
ﺗﻘﻮﻝ ﺍﻟﺪﻧﻴﺎ ﻓﻴﻬﺎ ﺷﻨﻮ
ﺑﻜﺮﻩ ﻧﻔﻮﻭﻭﻭﻭﻭﻭﻭﻭﻭﺕ
ﻭﺗﺒﻘﻲ ﺍﻟﺴﻴﺮﻩ ﻭﺍﻟﺬﻛﺮﻱ
ﺣﻨﻴﻨﻪ ﺃﻣﻲ ﺳﺖ ﺍﻟﻜﺴﺮﻩ
ﻃﻴﺒﻪ ﺃﻣﻲ ﺳﺖ ﺍﻟﻜﺴﺮﻩ
ﻳﻤﻪ ﺳﺖ ﺍﻟﻜﺴﺮﻩ ﻣﻦ ﺃﺟﻤﻞ ﺍﻟﻘﺼﺎﺋﺪ ﺍﻟﻜﺘﺒﺘﻬﺎ ﺑﺲ ﻟﻸﺳﻒ
ﻣﺎﻟﻘﺖ ﺇﻫﺘﻤﺎﻡ ﻣﻦ ﺍﻟﻘﺎﺭﺉ ﻓﻘﺮﺭﺗﻪ ﺍﻧﺰﻟﻪ ﺗﺎﻧﻲ ﻭﺍﻧﺎ ﻭﺍﺛﻘﻪ ﺍﻧﻬﺎ ﺡ ﺗﺄﺧﺪ ﺃﻛﺒﺮ ﻛﻤﻴﻪ ﻣﻦ ﺍﻻﻳﻜﺎﺕ ﻭﺍﻟﻤﺸﺎﺭﻛﺎﺕ .. ﻣﺎﻋﺸﺎﻧﻲ ﻋﺸﺎﻥ ﺍﻻﻣﻬﺎﺕ ﺍﻟﻜﺎﺩﺣﺎﺕ ﺍﻟﺘﻌﺒﻮ ﻓﻲ ﺗﺮﺑﻴﺔ ﺍﻭﻻﺩﻡ ﻭﺩﻩ ﺍﻗﻞ ﺗﻘﺪﻳﺮ ﻟﻴﻬﻢ