ﻛﻨﺖ ﻣﻔﺘﻜﺮﻩ ﺍﻟﺴﻌﺎﺩﻩ … ﺑﺘﺒﻘﻰ ﻓﻰ ﺍﻟﻤﺎﻝ ﺍﻟﻮﻓﻴﺮ
ﺃﻭ ﻧﺠﺎﺡ ﺑﺎﻫﺮ ﺗﺤﻘﻖ .… ﺃﻭ ﺳﻔﺮ ﺃﺻﺒﺢ ﻣﺼﻴﺮ
ﺑﺲ ﻟﻘﻴﺖ ﺇﻧﻮ ﺍﻟﺴﻌﺎﺩﻩ … ﻟﻮ ﺗﻌﻴﺶ ﻓﻰ ﺣﺐ ﻛﺒﻴﺮ
ﻭﺗﻠﻘﻰ ﺯﻭﻝ ﻳﺼﺒﺢ ﻣﻼﺫﻙ ﻭﻳﺒﻘﻰ ﻓﻰ ﺍﻟﺤﻮﺑﺎﺕ ﻧﺼﻴﺮ
ﺗﺒﻘﻰ ﺇﻧﺖ ﺷﺮﻳﻚ ﺣﻴﺎﺗﻮ ﻭﻳﺒﻘﻰ ﻋﻠﻰ ﻗﻠﺒﻚ ﺃﻣﻴﺮ
ﻭﻓﻰ ﺩﺟﻰ ﺍﻟﻬﻢ ﺍﻟﻤﺴﺘﻒ ﻳﺒﻘﻰ ﻫﻮ ﺍﻟﺒﺪﺭ ﺍﻟﻤﻨﻴﺮ
ﻫﻤﺴﻮ ﺯﻱ ﺻﻮﺕ ﺍﻟﻜﻤﻨﺠﺔ ﻭﺭﻳﻘﻮ ﺯﻯ ﻃﻌﻢ ﺍﻟﻌﺼﻴﺮ
ﻃﻴﻔﻮ ﺣﺎﺿﺮ ﻓﻰ ﺍﻟﺰﻭﺍﻳﺎ ﻭﻓﻰ ﺍﻟﻠﻴﺎﻟﻰ ﻳﻜﻮﻥ ﺳﻤﻴﺮ
ﻭﻟﻮ ﻳﻐﻴﺐ ﻳﻮﻡ ﻋﻦ ﺣﻴﺎﺗﻨﺎ ﻳﺒﻘﻰ ﺟﺪ ﻣﻮﺿﻮﻉ ﺧﻄﻴﺮ
ﺍﻟﺴﻌﺎﺩﻩ ﺍﻟﺼﺎﺩﻗﺔ ﻓﻌﻼً ﺑﺘﺒﻘﻰ ﺑﻲ ﺇﻧﺴﺎﻥ ﺟﺪﻳﺮ
ﺗﻌﺘﺮﻳﻨﺎ ﻋﻠﻴﻬﻮ ﻟﻬﻔﺔ ﻭﻧﺬﺭﻑ ﺍﻟﺪﻣﻊ ﺍﻟﻐﺰﻳﺮ
ﺃﺻﻠﻮ ﻣﺎﻟﺤﺐ ﺍﻟﺨﺮﺍﻓﻲ ﺑﻴﺒﺪﺃ ﺑﺎﻟﻮﺟﻊ ﺍﻟﺼﻐﻴﺮ
***
ﻭﻳﺎ ﻣﺘﻴﻢ ﺃﻋﺮﻑ ﺇﻧﻮ ﻣﺎﻓﻰ ﺭﻳﺪﻩ ﺑﻼ ﻋﺬﺍﺏ
ﻭﺑﻴﻦ ﻣﺸﺎﻋﺮﻙ ﻭﺍﻟﺴﻌﺎﺩﻩ ﺃﻟﻒ ﺣﻴﻄﻪ ﻭﺃﻟﻒ ﺑﺎﺏ
ﻭﻏﺎﻟﺒﺎً ﺗﻠﻘﻰ ﺍﻟﺨﻴﺎﻧﺔ ﻭﺍﺭﺩﺓ ﻣﻦ ﺃﻗﺮﺏ ﻗﺮﺍﺏ
ﺍﻟﺤﺒﺎﻳﺐ ﻣﺎﺑﺪﻭﻣﻮ ﻭﺑﺮﺿﻮ ﻣﺎﺑﺪﻭﻣﻮ ﺍﻟﺼﺤﺎﺏ
ﻭﺃﻭﻋﺎ ﺗﺘﻐﺮﺍ ﺑﺠﻼﻟﻚ ﻣﻬﻤﺎ ﺗﻜﺒﺮ ﻓﻰ ﺍﻟﻤﻮﺩﺓ
ﺑﺮﺿﻮ ﺁﺧﺮﻙ ﻛﻮﻡ ﺗﺮﺍﺏ
**
ﺍﻟﺴﻌﻴﺪ ﻓﻰ ﺍﻟﺪﻧﻴﺎ ﻓﻌﻼً … ﻳﻠﻘﻰ ﺯﻭﻝ ﻳﺤﻔﻆ ﻏﻴﺎﺑﻮ
ﻭﻟﻮ ﺣﻘﻴﻘﺔ ﺍﻟﺤﻆ ﺗﺒﺴﻢ … ﻳﺒﻘﻰ ﻣﻦ ﺇﺧﻼﺹ ﺻﺤﺎﺑﻮ
ﻭﺧﻠﻰ ﺑﺎﻟﻚ ﻣﻦ ﻗﻠﻴﺒﻚ … ﻭﺃﻭﻋﺎ ﺗﺠﺮﻯ ﻭﺭﺍ ﺳﺮﺍﺑﻮ
ﺍﻟﻤﺤﺒﺔ ﻛﺘﻴﺮ ﺑﺘﻮﺟﻊ .… ﻭﺃﺣﻠﻰ ﻣﺎﻓﻲ ﺍﻟﺤﺐ ﻋﺬﺍﺑﻮ
ﻭﻟﻮ ﻋﺮﻓﺘﺎ ﺍﻟﺸﻮﻕ ﻭﻧﺎﺭﻭ .… ﺗﺎﻧﻴﺄﺻﻼً ﻣﺎﺑﺘﻬﺎﺑﻮ
ﻭﺗﻠﻘﻰ ﺃﻋﺬﺍﺭ ﻟﻠﺒﺮﻳﺪﻙ … ﻭﺗﺤﺘﻤﻞ ﺟﻮﺭﻭ ﻭﻋﺘﺎﺑﻮ
ﺍﻟﻐﺮﺍﻡ ﻓﻰ ﺃﺻﻠﻮ ﺣﺎﻭﻯ … ﻭﺣﻆ ﻗﻠﻴﺒﻚ ﻓﻰ ﺟﺮﺍﺑﻮ
**
ﻭﻧﺤﻦ ﻫﺴﺔ ﺧﻼﺹ ﻋﺮﻓﻨﺎ … ﻗﺼﺔ ﺍﻟﺤﺐ ﺍﻟﺤﻘﻴﻘﻲ
ﺇﻳﺪﻯ ﻓﻰ ﺇﻳﺪﻙ ﻣﺼﻴﺮﻫﺎ … ﻭﺳﻜﺘﻚ ﺻﺒﺤﺖ ﻃﺮﻳﻘﻲ
ﻭﺍﻟﺠﻤﻴﻞ ﻓﻰ ﺭﻳﺪﻧﺎ ﺇﻧﻚ … ﻛﻨﺖ ﻓﻰ ﺍﻷﻭﻝ ﺻﺪﻳﻘﻰ
ﻭﻓﺎﻫﻢ ﺃﻓﻜﺎﺭﻱ ﻭﻇﺮﻭﻓﻲ .… ﻭﻧﻮﻉ ﺑﺮﻭﺩﻱ ﻭﻟﻮﻥ ﺣﺮﻳﻘﻲ
ﺍﻟﺘﻌﺎﻳﺶ ﻓﻴﻨﺎ ﻣﺒﺪﺃ .… ﻭﺇﻧﺖ ﻓﻰ ﺍﻷﺣﻼﻡ ﺭﻓﻴﻘﻰ
ﺍﻟﻠﻪ ﻳﺤﻔﻆ ﻟﻴﻨﺎ ﺭﻳﺪﻧﺎ .… ﻭﺑﻴﻚ ﻳﺪﻭﻡ ﺯﻫﺮﻱ ﻭﺭﺣﻴﻘﻲ .
ﺗﻠﻮﻳﺢ