ﻻ ﻓﻲ ﺯﻭﻝ ﻗﺮﺍﻧﺎ ﻣﺮﻩ
ﻻ ﻓﻲ ﺯﻭﻝ ﺭﺍﺟﻊ ﻣﻌﺎﻧﺎ ..
ﻛﻨﺎ ﻧﺘﻌﺐ ﻭﻧﺸﻘﻲ ﻧﺤﻨﺎ
ﻛﻠﻮ ﺷﺎﻥ ﻧﻨﺠﺢ ﺑﺮﺍﻧﺎ !!..
ﺍﻟﻔﻄﻮﺭ ﺑﻲ ﻛﺴﺮﻩ ﺑﺎﻳﺘﻪ
ﻭﻣﻮﻳﻪ ﺣﺎﺭﻩ ﻣﻊ ﺍﻟﺴﺨﺎﻧﻪ ..
ﻭﺑﺮﺿﻮ ﻧﺤﺘﺮﻡ ﺍﻟﻤﻌﻠﻢ
ﻭﻟﻴﻬﻮ ﻓﻲ ﺍﻟﻮﺟﺪﺍﻥ ﻣﻜﺎﻧﺎ !!..
ﺍﻟﻤﻌﻠﻢ ﻛﺎﻥ ﻣﺮﺑﻲ
ﻭﻛﺎﻥ ﺑﺪﺭﺱ ﺑﻲ ﺍﻣﺎﻧﻪ ..
ﻛﺎﻥ ﻧﺰﻭﻍ ﺳﺎﻋﺔ ﻧﺸﻮﻓﻮ
ﻓﻲ ﺍﻟﻔﺮﻳﻖ ﻟﻮﻳﻮﻡ ﻏﺸﺎﻧﺎ !!..
ﻻﻓﻲ ﻣﺪﺭﺳﻪ ﺧﺎﺻﻪ ﺍﺻﻼ
ﻻ ﻓﻲ ﺗﺮﺣﻴﻞ ﻻ ﺇﻋﺎﻧﻪ ..
ﻛﻨﺎ ﺩﺍﻳﻤﺂ ﻓﻲ ﺍﻻﻭﺍﺋﻞ
ﺭﻏﻢ ﺍﺗﻌﺎﺑﻨﺎ ﻭﺷﻘﺎﻧﺎ !!..
ﻛﺎﻥ ﻃﻮﺍﺑﻴﺮ ﺍﻟﺼﺒﺎﺡ
ﻓﻴﻬﺎ ﺍﻧﺸﺎﺩﻧﺎ ﻭﻏﻨﺎﻧﺎ ..
ﻛﻨﺎ ﻧﺤﺘﺮﻡ ﺍﻟﻜﺒﻴﺮ
ﻭﺍﻟﺼﻐﻴﺮ ﻧﺪﻳﻮ ﻣﻜﺎﻧﻪ !!..
ﻳﺎ ﺣﻠﻴﻠﻚ ﻳﺎ ﺯﻣﺎﻥ
ﻭﻳﺎ ﺣﻠﻴﻞ ﺍﻳﺎﻡ ﺻﺒﺎﻧﺎ ..
ﻛﻨﺎ ﺑﻨﺤﺶ ﻟﻲ ﻏﻨﻤﻨﺎ
ﻭﻧﺪﻱ ﻏﻨﻢ ﺍﻟﻨﺎﺱ ﻣﻌﺎﻧﺎ !!..
ﻭﻟﻤﺎ ﻧﻠﻌﺐ ﻛﻨﺎ ﻧﻠﻌﺐ
ﻭﻛﻠﻮ ﺯﻭﻝ ﻳﺴﻤﻊ ﺻﺪﺍﻧﺎ ..
ﺍﻟﻜﺒﻴﺮ ﻓﻲ ﺍﻟﺤﻠﻪ ﻭﺍﻟﻲ
ﻭﺍﻱ ﺯﻭﻝ ﺗﻠﻘﻲ ﺍﺣﺘﻮﺍﻧﺎ !!..
ﺍﻟﻨﻬﺎﺭ ﻧﻤﺸﻲ ﺍﻟﺠﻨﺎﻳﻦ
ﻧﻤﺸﻲ ﻧﺨﺮﺕ ﺑﺮﺗﻜﺎﻧﻪ ..
ﻭﺍﻟﻌﺼﻴﺮ ﻓﻲ ﺍﻟﺤﻠﻪ ﻧﻠﻌﺐ
ﻟﻮﻏﺮﻳﺐ ﻣﻦ ﺑﺮﻩ ﺟﺎﻧﺎ !!..
ﻫﺴﻪ ﺭﺍﺣﺖ ﻛﻞ ﺣﺎﺟﻪ
ﻭﺍﻟﻨﻔﻮﺱ ﺻﺒﺤﺖ ﻣﻼﻧﻪ ..
ﻳﺎﺣﻠﻴﻞ ﺗﻌﻠﻴﻢ ﺯﻣﺎﻥ
ﻫﺴﻊ ﺍﻟﺘﻌﻠﻴﻢ ﺍﻫﺎﻧﻪ !!..
ﺍﻣﺎ ﺗﺪﻓﻊ ﻭﻻ ﺗﻤﺮﻕ
ﻭﺍﻟﻀﻌﻴﻒ ﻣﺎﻋﻨﺪﻭ ﺧﺎﻧﻪ ..
ﻏﺎﻳﺘﻮ ﺭﺑﻚ ﻫﺴﺎ ﻳﺴﺘﺮ
ﺍﻟﺘﻘﻮﻝ ﻗﺪﺭ ﺍﻟﻠﻪ ﺟﺎﻧﺎ !!..
ﺇﻻ ﻫﺴﻪ ﺍﻟﺪﻧﻴﺎ ﺧﺮﺑﺖ
ﻭﻣﺎﺷﻲ ﺭﺍﺟﻊ ﻣﺴﺘﻮﺍﻧﺎ