ﻧﺎﺭﻳﻤﺎﻥ _ ﺍﻟﻔﺎﺗﺢ _ ﺳﻠﻴﻤﺎﻥ
ﻧﺎﺩﻳﺖ ﻋﻠﻴﻚ
ﻏﺎﻟﺒﺖ ﺩﻣﻌﻲ
ﻭﻓﻲ ﺍﻟﻐﻴﺎﺏ ﺣﺴﺮﺍﺕ ﺑﻜﻴﺖ
ﻧﺎﺩﻳﺖ ﻋﻠﻴﻚ
ﻭﺍﻧﺎ ﺑﺎﻧﻴﻪ ﻟﻴﻚ ﻓﻲ ﺩﺍﺧﻠﻲ ﺑﻴﺖ
ﺩﻗﻴﺘﻮَ ﺑﺎﺏ ﻗﻠﺒﻚ ﻛﺘﻴﺮ
ﺻﻮﺗﻲ ﺑﻴﺠﻴﻚ ﻭﺻﺪﺍﻱ ﻳﻌﻴﺪ
ﺑﻨﺪﻩ ﻋﻠﻴﻚ ﻭﺍﻧﺖ ﺍﻟﻐﺮﺍﻡ ﻭﺍﺟﻤﻞ ﻛﻼﻡ
ﻭﺍﺣﻼﻣﻲ ﻓﻴﻚ ﻟﻮ ﺍﻧﺖ ﺟﻴﺖ
ﻧﺎﺩﻳﺖ ﻋﻠﻴﻚ
ﻭﺍﻧﺎ ﺭﻭﺣﻲ ﺯﻱ ﺍﺭﺿﺎً ﻳﺒﺎﺏ
ﻳﺎﻏﺎﻟﻲ ﻣﺎﻟﻴﻬﺎ ﺍﻟﻴﺒﺎﺱ ...
ﺷﺘﺖ ﺑﺬﻭﺭﻙ ﻓَﻲَ ﺍﻟُﻤﺴﺎﻡ
ﺍﺳﻘﻴُﻬﺎ ﻭﺍﺭﻭﻳﻬﺎ ﺍﻟﺤﻮﺍﺱ ...
ﺭﺍﺟﻴﺎﻙ ﻣﺴَﺘَّﻔﺔ ﺑﺎﻟﻌﺸﻢ
ﻳﺒﻘﺎﻟﻲ ﺷﺨﺼﻚ ﻫﻮ ﺍﻻﺳﺎﺱ
ﻧﺎﺩﻳﺘﻚ ﻋﻠﻴﻚ
ﻭﺍﻧﺎ ﻓﻲ ﻫﻮﺍﻙ ﻗﻠﺒﻲ ﺍﺗﺴﺮﻕ
ﺩﺳﺪﺱ ﺩﻣﻴﻌﺎﺗﻮ ﺍﻧﺸﺮﻕ ...
ﺷﺎﻟﺖ ﺟﻤﻴﻞ ﺣﻠﻤﻮ ﺍﻟﻀﻔﺎﻑ
ﻭﺍﻧﺎ ﺑﺎﻟﻔﺮﺍﻕ ﻣﻠﻴﺎﻥ ﻏﺮﻕ .
ﺻﻮﺗﻮ ﺑﻴﻨﺎﺩﻱ ﻋﻠﻴﻚ .. ﺗﻌﺎﻝ !
.. ﺍﺭﺟﻊ ﺗﻌﺎﻝ ...
ﻟﻜﻨﻮ ﻣﺨﻨﻮﻕ ﻣﺎﻣﺮﻕ .
ﻧﺎﺩﻳﺖ ﻋﻠﻴﻚ
ﻭﻓﺘﺤﺖ ﻟﻴﻚ ﺍﺑﻮﺍﺏ ﺣﻨﻴﻦ .
ﻭﺍﻟﺸﻮﻕ ﻣﻌﺎﻫﺎ ﺿﻠﻒ ﺿﻠﻒ
ﻣﺎﻟﻴﻨﻲ ﺑﻲ ﺷﻮﻕ ﺍﻟﺴﻨﻴﻦ ..
ﺣﺎﺳﺎﻫﻮ ﺻﺒﺮﻱ ﻣﻌﺎﻙ ﺿﻌﻒ ...
ﻭﺍﻧﺎ ﻗﻠﺒﻲ ﻗﺎﻝ ﻃﻌﻢ ﺍﻟﺤﻨﻴﻦ
ﺑﻴﻚ ﻓﻲ ﻣﻌﺎﻧﻴﻬﻮ ﺍﺧﺘﻠﻒ