ﺍﻟﺼﺒﺎﺡ ﺑﺪﺭﻱ ﻋﺒﺎﺱ ﻗﺎﻡ ﻭﺟﻬﺰ ﻧﻔﺴﻮ ﻭﺟﺎﺀ ﻳﻮﺩﻉ ﻓﺮﺡ ﺍﻟﻜﻌﺐ ﻓﺎﻳﺖ ﺍﻟﺴﻮﻕ ﺍﻟﺸﻌﺒﻲ
ﻓﺮﺡ ﻗﺎﻝ ﻟﻴﻬﻮ ﻟﻮ ﻟﻘﻴﺖ ﺍﻱ ﻓﺮﺻﺔ ﺗﻌﺎﻝ ﻟﻲ ﻫﻨﺎ ﻭﺑﺎﻟﻨﺴﺒﺔ ﻟﻠﺘﺎﺝ ﻣﺎ ﻳﺤﺘﺎﺝ ﺍﻭﺻﻴﻚ
_ ﺗﻮﺻﻴﻨﻲ ﺑﺸﻨﻮ ؟
_ ﺍﻟﻜﻼﻡ ﺍﻟﻘﻠﺘﻮ ﻟﻴﻚ ﻋﻨﻮ . ﻧﺴﻴﺖ ﻭﻟﻼ ﺷﻨﻮ
_ ﻛﻼﻡ ﺷﻨﻮ ﺍﻟﻘﻠﺘﻮ ﻟﻲ ﻋﻨﻮ
_ ﻋﺒﺎﺍﺍﺱ ؟
_ ﺍﻧﺖ ﻣﺎ ﻓﻬﻤﺘﻨﻲ ﻳﺎﺥ . ﻳﻌﻨﻲ ﻛﺄﻧﻲ ﻣﺎ ﻋﺎﺭﻑ ﺷﻲ
_ ﺍﻳﻮﺍﺍﺍﺍ ، ﻻ ﺧﻼﺱ ﺗﻌﺠﺒﻨﻲ ﻛﺪﺍ . ﺍﻫﺎ ﻭﺩﺍﻳﺮ ﺗﻘﻮﻝ ﻟﻴﻬﻢ ﺷﻨﻮ ؟
_ ﺑﻌﻤﻞ ﻟﻴﻬﻢ ﻓﻴﻬﺎ ﻳﺎﺩﻭﻭﻭﺏ ﺟﺎﻱ ﻣﻦ ﺍﻟﺤﻠﺔ
_ ﺑﺲ ﻟﻮ ﻓﻴﻬﻢ ﺯﻭﻝ ﺷﺎﻓﻚ ﻳﻮﻣﻚ ﺍﻟﺠﻴﺖ ﺑﺰﻋﻠﻮﺍ ﻣﻨﻚ
_ ﺷﺎﻓﻨﻲ ﻋﺜﻤﺎﻥ ﻭﺍﻟﻠﻪ ﻭﻛﻮﺭﻙ ﻟﻲ ﻟﻜﻦ ﺍﻧﺎ ﻣﺎ ﺍﺗﻠﻔﺖ ﻋﻠﻴﻬﻮ ﻭﻛﺎﻥ ﺑﻌﻴﺪ ﻣﻨﻲ
_ ﺍﻛﺎﻥ ﻛﺪﺍ ﺗﻘﻮﻝ ﺍﻟﺤﺎﺻﻞ ﺑﺲ
_ ﻣﺎ ﺑﻜﻮﻥ ﻋﺮﻓﻨﻲ ﺩﺍ ﺍﻧﺎ ﻷﻧﻲ ﻣﺸﻴﺖ ﺳﺮﻳﻊ ﻭﻣﺎ ﺍﺗﻠﻔﺖ ﻋﻠﻴﻬﻮ
_ ﻗﻠﺖ ﻛﻮﺭﻙ ﻟﻴﻚ . ﺃﻛﻴﺪ ﻋﺮﻓﻚ ﺩﺍ ﺍﻧﺖ
_ ﺑﺘﺼﺮﻑ ﺍﻧﺎ ، ﻭﻳﻠﻼ ﻣﻊ ﺍﻟﺴﻼﻣﺔ
ﻓﺮﺡ ﻃﻠﻊ ﻣﻌﺎﻫﻮ ﻭﻭﺻﻠﻮﺍ ﺍﻟﻤﻮﻗﻒ ﻭﺭﻛﺐ ﺣﺘﻴﻦ ﺭﺟﻊ ﺍﻟﺒﻴﺖ ﻭﻋﺒﺎﺱ ﻭﺻﻞ ﺍﻟﺸﻌﺒﻲ ﺍﻟﺴﺎﻋﺔ ﺗﻤﺎﻧﻴﺔ ﻭﻣﺎ ﻛﺎﻥ ﻋﺎﺭﻑ ﻭﺩ ﺍﻟﻀﻮ ﺟﺎﺀ ﺍﻟﺨﺮﻃﻮﻡ ﻭﺍﻟﺸﺒﺎﺏ ﻛﻠﻬﻢ ﻋﺎﺭﻓﻨﻮ ﻓﻲ ﺍﻟﺨﺮﻃﻮﻡ ﻭﻟﻴﻬﻮ ﻛﻢ ﻳﻮﻡ ، ﻭﻃﻮﺍﻟﻲ ﺍﻭﻝ ﻣﺎ ﻧﺰﻝ ﻭﺩﺧﻞ ﺍﻟﺴﻮﻕ ﻓﺎﺕ ﻟﻠﺘﺎﺝ ﻓﻲ ﺍﻟﻤﻜﺎﺗﺐ ﻭﻟﺴﻮﺀ ﺣﻈﻮ ﻟﻘﺎﻫﻮ ﻗﺎﻋﺪ ﻭﺑﻌﺪ ﺳﻠﻢ ﻋﻠﻴﻬﻮ ﺍﻟﺘﺎﺝ ﻗﺎﻝ ﻟﻴﻮ ﻭﻳﻨﻚ ﻳﺎﺯﻭﻝ ﻟﻴﻚ ﻛﻢ ﻳﻮﻡ ؟
ﻋﺒﺎﺱ ﺑﻘﻰ ﺫﻛﻲ ﻭﻣﻦ ﺳﺆﺍﻝ ﺍﻟﺘﺎﺝ ﺩﺍ ﻋﺮﻑ ﺍﻧﻮ ﻋﺒﺎﺱ ﺍﻟﻴﻮﻡ ﺩﺍﻙ ﻋﺮﻓﻮ ﻭﻛﻠﻢ ﺍﻟﺘﺎﺝ ﻗﺎﻝ ﻟﺤﺴﻦ ﻳﻘﻮﻝ ﺍﻟﺤﻘﻴﻘﺔ ﺑﺲ ﻭﺍﻟﻜﻀﺐ ﻣﺎ ﺳﻤﺢ
_ ﻟﻲ ﻛﻢ ﻳﻮﻡ ؟ ﻋﺜﻤﺎﻥ ﻭﺭﺍﻙ ؟
_ ﺟﺎﺀ ﻭﺍﺣﺪ ﻗﺮﻳﺒﻚ ﺍﺳﻤﻮ ﻋﻤﺮ ﻗﺎﻝ ﻟﻴﻚ ﻛﻢ ﻳﻮﻡ ﻫﻨﺎ
_ ﻋﻤﺮ ﻭﺩ ﺍﻟﻀﻮ ؟
_ ﻣﺎ ﺑﻌﺮﻓﻮ ﻭﺩ ﻣﻨﻮ ﺑﺲ ﻗﺎﻝ ﺍﺳﻤﻮ ﻋﻤﺮ
_ ﻳﺎﻫﻮ ﻳﺎﻫﻮ ﻭﻓﺎﺕ ﻭﻳﻦ ؟
_ ﺧﻠﻴﻨﺎ ﻣﻨﻮ ﻫﻮ . ﺍﻧﺖ ﻛﻨﺖ ﻭﻳﻦ ؟
_ ﻓﻲ ﺑﺤﺮﻱ ﻭﻟﻲ ﺗﻼﺗﺔ ﻳﻮﻡ ، ﻭﺍﻟﺤﺼﻞ ﺍﻧﻲ ﺑﻌﺮﻑ ﻭﺍﺣﺪ ﺻﺎﺣﺒﻲ ﻓﻲ ﻣﺪﻧﻲ ﻭﺍﺑﻮﻫﻮ ﺿﺎﺑﻂ ﻭﻭﺭﻳﺘﻮ ﺑﻤﺸﻜﻠﺘﻲ ﻣﻊ ﺍﻟﻨﺠﻮﻣﻲ ﻭﻫﻮ ﺭﺳﻠﻨﻲ ﻟﻀﺎﺑﻂ ﺻﺎﺣﺒﻮ ﻫﻨﺎ ﻭﺟﻴﺘﻮ ﻭﻣﺎ ﺟﻴﺘﻜﻢ ﺍﻭﻝ ﻋﺸﺎﻥ ﺧﻔﺖ ﻧﺎﺱ ﺍﻟﻨﺠﻮﻣﻲ ﻭﺍﻟﻌﺴﻜﺮﻱ ﺍﻟﻤﻌﺎﻫﻮ ﺩﻳﻞ ﻳﺸﻮﻓﻮﻧﻲ ﻭﻳﻌﻤﻠﻮﺍ ﻟﻲ ﻣﺸﻜﻠﺔ ﻭﺩﺍ ﻛﻞ ﺍﻟﺤﺎﺻﻞ
_ ﺍﻧﺖ ﻭﺻﻠﺖ ﻫﻨﺎ ﻛﺎﻥ ﺗﺠﻲ ﺗﺪﻳﻨﻲ ﺧﺒﺮ ﻭﺗﻔﻮﺕ
_ ﻣﺎ ﻗﻠﺖ ﻟﻴﻚ ﺧﻔﺖ ﺩﻳﻠﻚ ﻳﺸﻮﻓﻮﻧﻲ ﻳﺎﺥ
_ ﻳﺎ ﺯﻭﻝ ﻣﺎ ﻣﺸﻜﻠﺔ ﺗﻤﺎﻡ ﺗﻤﺎﻡ
_ ﻭﺍﻟﻤﺸﻜﻠﺔ ﺧﻼﺱ ﺍﻧﺤﻠﺖ
_ ﺁﻱ ﻛﻠﻤﻨﻲ ﺍﻟﻨﺠﻮﻣﻲ ﺑﺲ ﺟﻤﺎﻋﺘﻚ ﺩﻳﻞ ﺩﻗﻮﻫﻮ ﻭﻫﻮ ﺯﻋﻼﻥ ﻣﻨﻚ
_ ﻣﺎ ﻳﺰﻋﻞ ﻳﺎﺥ ﻭﺍﻥ ﺷﺎﺀ ﺍﻟﻠﻪ ﻳﻄﺮﺷﻖ ﺍﻛﺎﻥ ﺯﻋﻼﻥ . ﺍﻫﺎ ﺍﻟﺸﻐﻞ ﻛﻴﻒ ؟
_ ﺷﻐﻞ ﺷﻨﻮ ؟
_ ﺍﻟﺪﻛﺎﻥ
_ ﺍﻟﺪﻛﺎﻥ ﺍﺟﺮﻭﻫﻮ ﺍﺻﺤﺎﺑﻚ ﺑﺘﺎﻋﻴﻦ ﺍﻟﻄﺒﻠﻴﺔ ﻧﺎﺱ ﻋﺒﺪ ﺍﻟﻘﻴﻮﻡ ﺍﻣﺶ ﻋﻠﻴﻬﻢ
_ ﺍﻟﺸﻨﻄﺔ ﺩﻱ ﺑﺨﻠﻴﻬﺎ ﻋﻨﺪﻙ ﻫﻨﺎ
_ ﻻ ﻻ ﺷﻴﻠﻬﺎ ﻣﻌﺎﻙ ﺍﻧﺎ ﻣﺎ ﻗﺎﻋﺪ ﻭﺑﻤﺮﻕ
_ ﻭﻟﻼ ﺍﻗﻮﻝ ﻟﻴﻚ ﺟﺎﻱ ﺍﻟﻤﻔﺘﺎﺡ ﺍﻧﻤﺶ ﺍﻭﺩﻳﻬﺎ ﺍﻟﺒﻴﺖ
_ ﺧﺘﻬﺎ ﻋﻨﺪ ﻋﺜﻤﺎﻥ ﻓﻲ ﺍﻟﻄﺒﻠﻴﺔ ﻳﻠﻼ ﺍﻧﺎ ﻣﺎﺭﻕ
_ ﺳﻤﺢ ﺍﻟﻤﻔﺘﺎﺡ ﻋﺸﺎﻥ ﺍﻧﺎ ﺍﻣﻜﻦ ﺍﻣﺶ ﺍﻟﺒﻴﺖ ﺑﻌﺪ ﺷﻮﻳﺔ
_ ﻣﺸﻐﻮﻝ ﺍﻧﺎ ﻳﺎﺥ
ﺍﻟﺘﺎﺝ ﺳﺎﺏ ﻋﺒﺎﺱ ﻭﺍﻗﻒ ﻭﻣﺮﻕ ﻭﺃﺑﻰ ﻳﺪﻳﻬﻮ ﺍﻟﻤﻔﺘﺎﺡ ﺣﻖ ﺍﻟﺒﻴﺖ ﻭﻋﺒﺎﺱ ﻭﻗﻒ ﻣﺴﺎﺍﺍﺍﻓﺔ ﻭﻓﺎﺕ ﻟﻌﺜﻤﺎﻥ ﻓﻲ ﺍﻟﻄﺒﻠﻴﺔ ﻋﺜﻤﺎﻥ ﺳﻠﻢ ﻋﻠﻴﻬﻮ ﺳﻼﻡ ﺑﺎﺭﺩ ﻭﻭﻧﺴﺔ ﻣﺎ ﺍﺗﻮﻧﺲ ﻣﻌﺎﻫﻮ ﺷﻐﺎﻝ ﻳﺮﺗﺐ ﻓﻲ ﺍﻟﻄﺒﻠﻴﺔ
_ ﻣﺎﻟﻚ ﺁ ﻋﺜﻤﺎﻥ ؟
_ ﻣﺎﻟﻲ ؟
_ ﻣﺘﻐﻴﺮ ﻣﻌﺎﻱ ﻣﺎﻟﻚ ؟
_ ﻻ ﻣﺘﻐﻴﺮ ﻭﻻ ﺷﻲ ﺩﺍﻳﺮﻧﻲ ﺍﻋﻤﻞ ﺷﻨﻮ ﻳﻌﻨﻲ ؟
_ ﻣﺎ ﻋﺎﺭﻑ ﺑﺲ ﺯﻱ ﺍﻟﻔﻲ ﺣﺎﺟﺔ
_ ﺣﺎﺟﺔ ﺯﻱ ﺷﻨﻮ ؟
_ ﻋﻠﻴﻚ ﺍﻟﻠﻪ ﻣﺎﻟﻚ ﻭﻓﻲ ﺷﻨﻮ
_ ﻋﺒﺎﺱ . ﺍﻧﺎ ﺯﻭﻝ ﻭﺍﺿﺢ ﺁ ﻋﺒﺎﺱ ﻣﺎ ﺑﻌﺮﻑ ﺍﻟﻠﻒ ﻭﺍﻟﺪﻭﺭﺍﻥ ﻭﺍﻧﺖ ﻋﺎﺭﻑ ﺍﻟﻜﻼﻡ ﺩﺍ ﺻﺎﺡ ؟
_ ﻋﺸﺎﻥ ﻛﺪﺍ ﺍﻧﺎ ﻗﻠﺖ ﻟﻴﻚ ﻓﻲ ﺷﻨﻮ
_ ﻳﺎﺧﻲ ﺍﻧﺎ ﻭﺍﻟﻠﻪ ﺯﻋﻼﻥ ﻣﻨﻚ ﻋﺸﺎﻥ ﻛﻮﺭﻛﺖ ﻟﻴﻚ ﻳﻮﻣﻚ ﺍﻟﺠﻴﺖ ﻭﺳﻔﻬﺘﻨﻲ ﻭﺍﻧﺎ ﻣﻦ ﺍﻟﻴﻮﻡ ﺩﺍﻙ ﻗﻨﻌﺖ ﻣﻨﻚ
_ ﻣﺎ ﺳﻤﻌﺘﻚ ﻳﺎﺥ
_ ﺳﻤﻌﺘﻨﻲ ﻣﺎ ﺗﻜﻀﺐ ﺳﺎﻱ ﻭﺍﻧﺖ ﻣﺎ ﻛﻨﺖ ﺑﻌﻴﺪ ﻣﻨﻲ ﺷﺪﻳﺪ ﻭﺍﻧﺎ ﺷﻔﺘﻚ ﻣﻦ ﺳﺎﻋﺘﻚ ﺍﻟﻨﺰﻟﺖ ﻣﻦ ﺍﻟﺒﺺ ﻭﺗﺘﻠﺒﺪ ﻭﻟﻤﻦ ﺷﻔﺘﻚ ﻣﺎ ﺟﻴﺖ ﺟﺎﻱ ﻗﻤﺖ ﻣﺸﻴﺖ ﻟﻴﻚ ﻭﻟﻘﻴﺘﻚ ﻣﺎﺭﻕ ﻣﻦ ﺍﻟﺴﻮﻕ ﻭﻛﻮﺭﻛﺖ ﻟﻴﻚ ﻭﺳﻤﻌﺘﻨﻲ
_ ﺧﻼﺱ ﺍﻧﺎ ﺑﻌﺘﺬﺭ ﻟﻴﻚ ﻭﺍﻧﺎ ﻣﺸﻴﺖ ﺳﺮﻳﻊ ﻋﺸﺎﻥ ﺧﻔﺖ ﻣﻦ ﺍﻟﻮﻫﻢ ﺩﻳﻞ ﻭﺍﺣﺪ ﻣﻨﻬﻢ ﻳﺸﻮﻓﻨﻲ ﻭﻣﺎ ﺩﺍﻳﺮﻫﻢ ﻳﻌﺮﻓﻮﻧﻲ ﺟﻴﺖ ﺍﻟﺨﺮﻃﻮﻡ
_ ﺑﺮﺿﻮ ﻣﺎ ﺻﺎﺡ ﻣﻨﻚ ﺍﻛﺎﻥ ﺗﻘﻴﻒ ﻭﺗﻔﻬﻤﻨﻲ ﺍﻧﺎ ﻣﺎ ﺩﺍﻳﺮ ﻣﻨﻚ ﺷﻲ
_ ﻳﺎ ﺯﻭﻝ ﻛﺪﻱ ﻟﺒﻌﺪﻳﻦ ﺑﻨﺘﻔﺎﻫﻢ ﻓﻲ ﺍﻟﻤﻮﺿﻮﻉ ﺩﺍ ﻭﺍﻧﺎ ﻣﺎﺷﻲ ﻟﻌﺒﺪ ﺍﻟﻘﻴﻮﻡ
_ ﻟﻮ ﺑﺘﺴﻤﻊ ﻛﻼﻣﻲ ﻣﺎ ﺗﻤﺶ ﻟﻴﻬﻮ
_ ﻟﺸﻨﻮ ؟
_ ﺍﻣﺲ ﺍﻛﺎﻥ ﺑﻨﻀﻢ ﻣﻊ ﺧﻀﺮ ﻋﻨﻚ ﻭﻫﻮ ﻋﺎﺭﻓﻚ ﺑﺘﺠﻲ ﺍﻟﻠﻴﻠﺔ ﻭﻗﺎﻝ ﻟﻴﻬﻮ ﻳﺸﻐﻠﻚ ﻣﻌﺎﻫﻢ ﻭﺧﻀﺮ ﺃﺑﻰ ﻭﻗﺎﻝ ﻣﺎ ﺩﺍﻳﺮ ﻳﺸﻐﻠﻚ ﻭﻫﻮ ﻭﺍﻟﺼﺪﻳﻖ ﺷﺎﻛﻠﻮ ﻋﺒﺪ ﺍﻟﻘﻴﻮﻡ ﺯﻳﻴﻴﻦ ﻭﻗﺎﻝ ﻟﻮ ﺟﻴﺖ ﺍﻟﺪﻛﺎﻥ ﺑﻄﺮﺩﻙ
_ ﺍﻧﺎ ﻣﺎﺷﻲ ﻟﻌﺒﺪ ﺍﻟﻘﻴﻮﻡ ﺍﺳﻠﻢ ﻋﻠﻴﻬﻮ ﻣﺎ ﻣﺎﺷﻲ ﻋﺸﺎﻥ ﺷﻐﻞ
_ ﻋﻠﻲ ﻛﻴﻔﻚ ﻭﺍﻧﺎ ﻭﺭﻳﺘﻚ ﻋﺸﺎﻥ ﺗﻜﻮﻥ ﻋﺎﺭﻑ ﺑﺲ
_ ﻣﺎ ﻣﺸﻜﻠﺔ ﻳﺎﺥ ﺍﻧﺎ ﺯﺍﺗﻲ ﻣﺎ ﺩﺍﻳﺮ ﺍﺷﺘﻐﻞ ﻣﻌﺎﻫﻢ . ﻃﻴﺐ ﻣﻤﻜﻦ ﺗﺨﻠﻲ ﻟﻲ ﺍﻟﺸﻨﻄﺔ ﺩﻱ ﻋﻨﺪﻙ ﻫﻨﺎ ﻭﻟﻼ ﻓﻲ ﻣﺸﻜﻠﺔ ؟
_ ﻃﻮﺍﻟﻲ ﻳﺎﺥ . ﺍﻟﻤﺸﻜﻠﺔ ﺷﻨﻮ ؟
ﻋﺒﺎﺱ ﻓﻲ ﺍﻟﻄﺮﻳﻖ ﻟﻌﺒﺪ ﺍﻟﻘﻴﻮﻡ ﺷﺎﻑ ﺍﻟﺴﻮﻕ ﺩﺍ ﻛﻠﻮ ﻣﺘﻐﻴﺮ ﻭﻣﺎ ﻳﺎﻫﻮ ﺍﻟﺴﻮﻕ ﺍﻟﻜﺎﻥ ﺷﻐﺎﻝ ﻓﻴﻬﻮ ﻣﻊ ﺍﻧﻮ ﻣﻦ ﻳﻮﻡ ﻓﺎﺭﻗﻮ ﻟﻬﺴﻲ ﻣﺎ ﺗﻢ ﺍﺳﺒﻮﻋﻴﻦ
ﺍﻟﺘﺎﺝ ﻣﺎ ﺍﺩﺍﻫﻮ ﺭﻳﻖ ﺣﻠﻮ ﻭﻻ ﺍﺩﺍﻫﻮ ﺍﻟﻤﻔﺘﺎﺡ ﻭﻋﻤﻠﻬﺎ ﻭﺍﺿﺤﺔ ﻳﻌﻨﻲ ﺍﻓﻬﻢ ﻳﺎ ﻓﻬﻴﻢ ﻣﺎ ﺩﺍﻳﺮ ﻳﺴﻜﻦ ﻣﻌﺎﻭ
ﻭﻋﺜﻤﺎﻥ ﺯﺍﺗﻮ ﻗﺎﺑﻠﻮ ﻣﻘﺎﺑﻠﺔ ﻣﺎ ﻟﺬﻳﺬﺓ ﻟﻜﻦ ﺍﻟﻜﻮﻳﺲ ﺍﻧﻮ ﺍﻛﺎﻥ ﻭﺍﺿﺢ ﻣﻌﺎﻫﻮ ﻭﻭﺭﺍﻫﻮ ﺍﻧﻮ ﺯﻋﻼﻥ ﻣﻨﻮ ﻓﻲ ﺷﻨﻮ ﻭﻣﺎ ﻛﺘﻢ ﺯﻋﻠﻮ ﻭﺳﻜﺖ ﺑﻴﻬﻮ ﺳﺎﻱ . ﻭﺑﺮﺿﻮ ﻛﻮﻳﺲ ﺍﻧﻮ ﻭﺭﺍﻫﻮ ﺑﺎﻟﻜﻼﻡ ﺍﻟﻘﺎﻟﻮ ﺧﻀﺮ ﻟﻌﺒﺪ ﺍﻟﻘﻴﻮﻡ ﻋﺸﺎﻥ ﻣﺎ ﻳﻤﺸﻲ ﻭﻳﻨﺤﺮﺝ ﻭﻻﻧﻮ ﺟﺎﻱ ﻭﻧﻴﺘﻮ ﺍﻟﺸﻐﻞ ﻭﺍﻣﺲ ﺑﺎﻟﻠﻴﻞ ﺍﻛﺎﻥ ﺑﺘﺨﻴﻞ ﺭﻭﺣﻮ ﺷﻐﺎﻝ ﻓﻲ ﺍﻟﺪﻛﺎﻥ ﻭﻗﺎﻝ ﺍﺣﺴﻦ ﻟﻴﻬﻮ ﻣﻦ ﺍﻟﺠﺮﻱ ﺑﺎﻟﻜﺮﺗﻮﻧﺔ ﻟﻠﺰﺑﺎﻳﻦ ﻓﻲ ﺍﻟﺸﻤﺶ ﺍﻟﺤﺎﺭﺓ ﻭﺍﻟﺰﺣﻤﺔ ﺟﻤﺐ ﺍﻟﺒﺼﺎﺕ ﻧﺼﺖ ﻧﻬﺎﺭ
ﻭﺻﻞ ﺍﻟﺪﻛﺎﻥ ﻭﻛﺎﻥ ﻛﺎﺍﺍﺍﺷﻲ ﻭﻟﻘﻰ ﺧﻀﺮ ﺑﺮﺍﻫﻮ ﻓﻲ ﺍﻟﺪﻛﺎﻥ ﻭﺧﻀﺮ ﺯﻭﻝ ﻧﺎﺷﻒ ﺧﻼﺱ ﻭﻣﺎ ﺑﺠﺎﻣﻞ ﺯﻭﻝ ﻓﻲ ﺷﻐﻠﻮ ﻭﻣﺼﻠﺤﺘﻮ ﻭﺯﻭﻝ ﺍﺗﺠﺎﻫﻮ ﻭﺍﺣﺪ ﻭﻣﻦ ﺷﺎﻓﻮ ﺳﺎﻱ ﺍﺗﺬﻛﺮ ﺍﻟﺼﺪﻳﻖ ﺍﺧﻮ ﻋﺒﺪ ﺍﻟﻘﻴﻮﻡ ﻧﻔﺲ ﺍﻟﻔﺼﻴﻠﺔ ﻭﺍﻟﻄﺒﺎﻉ ﻭﻧﻔﺲ ﺍﻟﻤﻼﻣﺢ ﻭﺍﻟﺸﺒﻪ ﻭﺷﻮ ﻣﻄﺎﻭﻝ ﻭﺩﻳﻤﺔ ﺻﺎﺭﻳﻬﻮ
ﺧﻀﺮ ﺳﻠﻢ ﻋﻠﻴﻬﻮ ﺳﻼﻡ ﺑﺎﺍﺍﺍﺭﺩ ﻭﺳﻼﻡ ﺯﻭﻝ ﻣﺎ ﺑﻌﺮﻓﻮ ﺍﺻﻼ ، ﻭﻋﺒﺎﺱ ﻗﺎﻝ ﻟﻴﻬﻮ ﻭﻳﻦ ﻋﺒﺪ ﺍﻟﻘﻴﻮﻡ ؟
_ ﻣﺎﻟﻮ ؟
_ ﻣﺎ ﻣﻠﻮ ﺷﻲ ﺩﺍﻳﺮ ﺍﺳﻠﻢ ﻋﻠﻴﻬﻮ
_ ﻣﺸﻰ ﻳﻔﻄﺮ ﺍﻣﺶ ﻟﻴﻬﻮ ﻭﻟﻼ ﺍﺳﺘﻨﺎﻭ ﺑﺮﺓ ﻓﻲ ﺍﻟﺼﺎﻟﺔ
_ ﺗﻤﺎﻡ
ﻋﺒﺎﺱ ﻣﺮﻕ ﻭﻓﺘﺶ ﻟﺤﺴﻦ ﺳﻴﺪ ﺍﻟﻔﺘﺮﻳﻨﺔ ﻣﺎ ﺷﺎﻳﻔﻮ ﻭﺩﺧﻞ ﺳﺄﻝ ﺧﻀﺮ
_ ﺍﻧﺖ ﺣﺴﻦ ﺑﺘﺎﻉ ﺍﻟﻔﺘﺮﻳﻨﺔ ﺍﻟﻠﻜﺎﻥ ﺑﺪﺧﻠﻬﺎ ﻫﻨﺎ ﻣﺎ ﺷﺎﻳﻔﻮ . ﻓﺎﺕ ﻭﻳﻦ ؟
_ ﻣﺎ ﺑﻌﺮﻓﻮ ﻳﺎﺥ
ﻭﻣﺎ ﺑﻌﺮﻓﻮ ﻳﺎﺥ ﺩﻱ ﺯﺍﺗﻬﺎ ﺧﻀﺮ ﻗﺎﻟﻬﺎ ﺑﻄﺮﻳﻘﺔ ﺗﻜﺮﻩ ﺍﻟﺰﻭﻝ ﻓﻲ ﺍﻟﺴﺆﺍﻝ ﻭﻓﻲ ﺍﻟﻜﻼﻡ ﻣﻌﺎﻫﻮ ﻭﻋﺒﺎﺱ ﺳﻜﺖ ﻭﻋﺎﻳﻦ ﻟﻴﻬﻮ ﻣﺴﺎﺍﺍﺍﻓﺔ ﻭﺧﻀﺮ ﻃﻮﺍﻟﻲ ﺣﺪﺭ ﻟﻴﻬﻮ ﻭﺻﺮﺻﺮ ﻭﺷﻮ ﻭﻗﺎﻝ ﻟﻴﻬﻮ ﺑﺘﻌﺎﻳﻦ ﻟﻲ ﻣﺎﻟﻚ ﻛﺪﺍ ﻫﺎ ؟ ﺗﻌﺎﻝ ﺃﻛﻠﻨﻲ ﺗﻌﺎﻝ ﺃﻛﻠﻨﻲ ﻋﻠﻴﻚ ﺍﻟﻠﻪ
ﻋﺒﺎﺱ ﻣﺎ ﺍﺗﻜﻠﻢ ﻣﻌﺎﻫﻮ ﺗﺎﻧﻲ ﻭﻓﺎﺕ ﺩﺧﻞ ﺍﻟﺪﻛﺎﻥ ﺍﻟﺠﻤﺒﻮ ﻭﺳﺄﻝ ﺳﻴﺪﻭ ﻣﻦ ﺣﺴﻦ ﺑﺘﺎﻉ ﺍﻟﻔﺘﺮﻳﻨﺔ ﻗﺎﻝ ﻟﻴﻬﻮ ﻓﻲ ﺍﻟﺼﺎﻟﺔ ﺩﻳﻴﻴﻚ ﺍﻟﻔﻴﻬﺎ ﺍﻟﺪﻛﺎﻛﻴﻦ ﺣﻘﺎﺕ ﺍﻟﺴﺎﻋﺎﺕ
ﻭﻋﺒﺎﺱ ﻓﺎﺕ ﻟﻴﻬﻮ ﻟﻘﺎﻫﻮ ﻗﺎﻋﺪ ﻭﺣﺴﻦ ﻣﻦ ﺷﺎﻓﻮ ﻓﺮﺡ ﻭﺳﻠﻢ ﻋﻠﻴﻬﻮ ﺳﻼﻡ ﻗﻮﻭﻭﻱ ﺍﻟﺘﻘﻮﻝ ﺑﻌﺮﻓﻮ ﻣﻦ ﺯﻣﺎﺍﺍﻥ ﻭﻫﻮ ﻻﻗﺎﻫﻮ ﻭﻗﻌﺪ ﻣﻌﺎﻫﻮ ﻳﻮﻡ ﻭﺍﺣﺪ ﺑﺲ ﻭﺍﻛﺎﻥ ﻣﺒﺴﻮﻁ ﺧﻼﺱ ﺑﺸﻮﻓﺘﻮ ﻟﻌﺒﺎﺱ ﺩﻱ
_ ﻭﻳﻦ ﻳﺎ ﺯﻭﻝ ﺍﻧﺖ ﻣﻦ ﺩﻳﻚ ﻭﻋﻴﻚ ؟ ﻭﺍﻟﻠﻪ ﻣﺸﺘﺎﻗﻴﻦ ﻭﺣﻤﺪﺍ ﻟﻠﻪ ﻋﻠﻰ ﺍﻟﺴﻼﻣﺔ ؟
_ ﺍﻟﻠﻪ ﻳﺴﻠﻤﻚ ﻭﺍﻟﻠﻪ
ﻭﻗﻌﺪﻭﺍ ﻳﺘﻮﻧﺴﻮﺍ ﻭﻳﻨﻀﻤﻮﺍ ﻗﺮﻳﺐ ﺭﺑﻊ ﺳﺎﻋﺔ ﻭﻋﺒﺎﺱ ﻭﺭﺍﻫﻮ ﺍﻟﺤﺼﻞ ﻣﻌﺎﻫﻮ ﻛﻠﻮ ﻭﺑﺎﻟﻤﺨﺘﺼﺮ ﺍﻟﻤﻔﻴﺪ ﻭﺍﻟﺴﺮﻳﻊ ﻭﻗﺎﻝ ﻟﻴﻬﻮ ﺍﻧﺖ ﻣﺎﻟﻚ ﺍﺗﺤﻮﻟﺖ ﺑﺠﺎﻱ ؟
_ ﺧﻀﺮ ﻗﺎﻝ ﺩﺍﻳﺮ ﺍﻳﺠﺎﺭ
_ ﺍﻳﺠﺎﺭ ﺷﻨﻮ ؟
_ ﺍﻳﺠﺎﺭ ﻓﻲ ﺑﻴﺘﺎﻥ ﺍﻟﻔﺘﺮﻳﻨﺔ ﺟﻮﺓ ﺍﻟﺪﻛﺎﻥ ﺣﻘﻮ
_ ﺑﺎﻟﻠﻪ ﻋﻠﻴﻚ ﻗﺎﻝ ﻛﺪﺍ ؟
_ ﺁﻱ ﻭﺍﻟﻠﻪ ﻭﺟﺎﺏ ﺳﺎﻋﺎﺕ ﻛﻤﺎﻥ ﻭﺍﻛﺴﺴﻮﺍﺭﺍﺕ ﻭﺯﻣﺎﻥ ﺍﻟﻨﺠﻮﻣﻲ ﻣﺎ ﻛﺎﻥ ﺑﺠﻴﺒﻬﻦ ﻭﺩﺍ ﻣﻦ ﺷﺎﻓﻨﻲ ﺷﻐﺎﻝ ﻭﺑﺒﻴﻊ ﻛﻮﻳﺲ ﻣﺸﻰ ﺟﺎﺑﻦ ﻭﻗﺎﻝ ﺩﺍﻳﺮ ﺍﻳﺠﺎﺭ ﻋﺸﺎﻥ ﺍﺯﺡ ﻣﻨﻮ
_ ﻳﺎﺥ ﺍﻟﺮﺯﻕ ﻋﻨﺪ ﺯﻭﻝ ؟
_ ﻋﻨﺪ ﺍﻟﻠﻪ ﺑﺲ . ﻟﻜﻦ ﺩﺍ ﺯﻭﻝ ﺟﻴﻌﺎﻥ ﺳﺎﻱ
_ ﻭﻋﺒﺪ ﺍﻟﻘﻴﻮﻡ ﺍﻛﺎﻥ ﺭﺍﻳﻮ ﺷﻨﻮ ؟
_ ﻣﺎ ﻛﺎﻥ ﺭﺍﺿﻲ ﻭﺷﺎﻛﻞ ﺧﻀﺮ ﻟﻜﻦ ﺗﻘﻮﻝ ﺷﻨﻮ ، ﻋﺒﺪ ﺍﻟﻘﻴﻮﻡ ﺯﻭﻝ ﻃﻴﺐ ﻭﻛﻮﻳﺲ ﻭﺍﻟﻠﻪ ﻭﻗﺎﻋﺪ ﻳﺠﻴﻨﻲ ﻫﻨﺎ ﻭﻳﻘﻌﺪ ﻣﻌﺎﻱ ﻭﻳﺤﻜﻲ ﻟﻲ ﻋﻨﻚ ، ﺍﻟﺰﻭﻝ ﺩﺍ ﺑﺮﻳﺪﻙ ﻳﺎ ﻋﺒﺎﺱ ﻭﻣﺸﻴﺘﻚ ﺩﻱ ﻓﺮﻗﺖ ﻋﻠﻴﻬﻮ ﺷﺪﻳﺪ ﻭﻃﻮﺍﺍﺍﻟﻲ ﺑﺘﺬﻛﺮﻙ
_ ﻫﺴﻲ ﺍﻧﺎ ﺟﺎﻱ ﻫﻨﺎ ﻋﺸﺎﻥ ﺍﺳﻠﻢ ﻋﻠﻴﻬﻮ
_ ﺍﻫﺎ ﻭﺑﺘﺸﺘﻐﻞ ﻭﻳﻦ ؟ ﻃﺒﻌﺎ ﺧﻀﺮ ﻣﺎ ﺡ ﻳﺸﻐﻠﻚ ﻣﻌﺎﻫﻢ ﺍﻛﻴﺪ
_ ﺁﻱ ﻋﺎﺭﻓﻮ ﻭﻫﺴﻲ ﻟﻤﻦ ﺟﻴﺖ ﺍﺳﻠﻢ ﻋﻠﻴﻬﻮ ﻭﺳﺄﻟﺘﻮ ﻣﻨﻚ ﺍﻛﺎﻥ ﺩﺍﻳﺮ ﻳﺸﺎﻛﻠﻨﻲ
_ ﺩﺍ ﺯﻭﻝ ﻋﻮﻳﺮ ﺳﺎﻱ ﻭﻣﺮﺿﺎﻥ ﻗﺮﻭﺵ ، ﺍﻫﺎ ﻣﺎ ﻭﺭﻳﺘﻨﻲ ﺑﺘﺸﺘﻐﻞ ﺷﻨﻮ ﻭﻭﻳﻦ ؟
_ ﻣﺎ ﻋﺎﺭﻑ ﻭﺍﻟﻠﻪ ﻟﺴﺔ ، ﺍﻟﻤﺸﻜﻠﺔ ﺍﻟﺘﺎﺝ ﺑﺮﺿﻮ ﺍﻇﻨﻮ ﺑﻘﻰ ﺯﻱ ﺧﻀﺮ ﺩﺍ
_ ﻛﻴﻒ ؟
_ ﻃﺒﻌﺎ ﺍﻧﺎ ﻛﻨﺖ ﺳﺎﻛﻦ ﻣﻌﺎﻫﻮ ﻭﻗﺒﻴﻞ ﻟﻤﻦ ﺟﻴﺖ ﻭﻻﻗﻴﺘﻮ ﻗﻠﺖ ﻟﻴﻬﻮ ﺟﺎﻱ ﻣﻔﺘﺎﺡ ﺍﻟﺒﻴﺖ ﺃﺑﻰ ﻭﻋﻤﻠﻬﺎ ﻇﺎﻫﺮﺓ ﻭﻋﺮﻓﺘﻮ ﻣﺎ ﺩﺍﻳﺮﻧﻲ ﺍﺳﻜﻦ ﻣﻌﺎﻭ ﺗﺎﻧﻲ
_ ﻣﺎﻟﻮ ﻣﻌﺎﻙ ؟
_ ﻋﻠﻤﻲ ﻋﻠﻤﻚ
_ ﺍﻣﻜﻦ ﻓﻲ ﺯﻭﻝ ﻭﺻﻞ ﻟﻴﻬﻮ ﻛﻼﻡ
_ ﻻ ﻻ ﻣﺎﻓﻲ ﺷﻲ ﻭﺯﻭﻝ ﻣﻨﻮ ﻭﻛﻼﻡ ﺷﻨﻮ ؟
_ ﻗﻠﺖ ﻟﻴﻚ ﺍﻣﻜﻦ
_ ﻻ ﻻ ﻓﻲ ﺟﺎﺟﺔ ﺗﺎﻧﻴﺔ ﺍﻧﺎ ﻣﺎ ﻋﺎﺭﻓﻬﺎ ﺷﻨﻮ ، ﻟﻜﻦ ﻣﺎ ﻣﺸﻜﻠﺔ ﺍﻟﺒﻴﻮﺕ ﺭﺍﻗﺪﺓ ﻣﺎ ﻭﻗﻔﺖ ﻋﻠﻴﻬﻮ ﻫﻮ
_ ﻭﺍﻟﻠﻪ ﺭﺍﺍﺍﺍﺍﻗﺪﺓ ﻭﻟﻮ ﺩﺍﻳﺮ ﺗﺴﻜﻦ ﺍﻧﺎ ﺑﻌﺮﻑ ﻟﻲ ﺷﺒﺎﺏ ﺷﻐﺎﻟﻴﻦ ﻣﻌﺎﻧﺎ ﻫﻨﺎ ﻭﺍﻭﻻﺩ ﻣﻤﺘﺎﺯﻳﻦ ﺧﻼﺱ ﻛﻠﻬﻢ ﻭﺳﺎﻛﻨﻴﻦ ﻗﺮﻳﺐ ﻭﺑﺴﻮﻗﻚ ﺍﻭﺩﻳﻚ ﺗﺴﻜﻦ ﻣﻌﺎﻫﻢ ﻭﺍﺧﻴﺮ ﻟﻴﻚ ﻣﻦ ﺍﻟﺘﺎﺝ ﺩﺍ ﺑﻤﻴﺔ ﻣﺮﺓ
_ ﺗﻤﺎﻡ ﻭﺍﻧﺎ ﻣﺎ ﻋﻨﺪﻱ ﻣﺎﻧﻊ ﺑﻤﺶ ﻣﻌﺎﻙ ﻃﻮﺍﻟﻲ ﺑﺲ ﺑﻌﺪ ﺃﻻﻗﻲ ﻋﺒﺪ ﺍﻟﻘﻴﻮﻡ ﻭﺍﺷﻮﻑ ﺍﻟﻮﺿﻊ ﺑﺮﺳﻰ ﻋﻠﻲ ﺷﻨﻮ ﻓﻲ ﺍﻻﻭﻝ
_ ﻣﻊ ﺧﻀﺮ ﻓﻲ ﺍﻟﺪﻛﺎﻥ ﻣﺎ ﻟﻘﻴﺘﻮ ؟
_ ﻣﺎ ﻟﻘﻴﺘﻮ ﻭﺧﻀﺮ ﻗﺎﻝ ﻟﻲ ﻣﺸﻰ ﻳﻔﻄﺮ
_ ﺑﻜﻮﻥ ﺟﺎﺀ ﺑﻌﺪ ﻛﺪﺍ ، ﺍﻣﺶ ﻻﻗﻴﻬﻮ ﻭﺗﻌﺎﻝ ﻟﻲ ﻫﻨﺎ
ﻭﺩ ﺍﻟﺴﺖ ﻓﻲ ﺍﻟﺤﻠﺔ ﺑﻌﺪ ﺷﺎﻝ ﺍﻟﻘﺮﻭﺵ ﺑﺎﻟﻠﻴﻞ ﻣﻦ ﺣﺎﺝ ﺍﺑﺮﺍﻫﻴﻢ ﻭﻣﺸﻰ ﺍﻟﺒﻴﺖ ﺍﻣﻮ ﻗﺎﻟﺖ ﻟﻴﻬﻮ ﻋﻤﻚ ﺣﺎﺝ ﺍﻟﻀﻮ ﺟﺎﺀ ﻫﻨﺎ ﻳﺴﻌﻞ ﻣﻨﻚ ﻭﻗﺎﻝ ﻟﻲ ﺑﻌﺪ ﺗﺠﻲ ﺍﻭﺭﻳﻚ ﺗﻤﺶ ﻟﻴﻬﻮ ﺩﺍﻳﺮﻙ ﻗﺎﻝ
_ ﻣﺎﻟﻮ ﺩﺍﻳﺮ ﺷﻨﻮ ﺩﺍ ؟
_ ﻣﺎ ﺑﻌﺮﻓﻮ ﺍﻣﺶ ﻟﻴﻬﻮ ﺷﻮﻓﻮ ﺩﺍﻳﺮﻙ ﻓﻲ ﺷﻨﻮ ؟
_ ﺣﺎﺝ ﺍﻟﻀﻮ ﻭﻟﻼ ﻋﻤﺮ ﻭﻟﺪﻭ ؟
_ ﺣﺎﺝ ﺍﻟﻀﻮ ﻗﻠﺖ ﻟﻴﻚ
_ ﻣﺎﻟﻮ ﺩﺍ ﻳﺎﺥ . ﻛﺪﻱ ﺍﻧﻤﺶ ﻟﻴﻬﻮ ﻭﺍﺟﻲ
ﻭﺩ ﺍﻟﺴﺖ ﻣﺮﻕ ﻭﻣﻊ ﺩﻗﺘﻮ ﻟﻠﺒﺎﺏ ﺟﺎﻫﻮ ﺣﺎﺝ ﺍﻟﻀﻮ ﻣﺎﺭﻕ ﻭﻭﻗﻒ ﻣﻌﺎﻫﻮ ﺟﻤﺐ ﺍﻟﺒﺎﺏ ﻭﻗﺎﻝ ﻟﻴﻬﻮ ﺑﺼﺢ ﻗﺒﻴﻠﻚ ﺟﻴﺖ ﻫﻨﺎ ﺩﺍﻳﺮﻟﻚ ﻗﺮﻭﺵ ؟
_ ﻗﺒﻴﻞ ﺁﻱ ﻭﺟﻴﺖ ﺍﺳﺘﻠﻔﻦ ﻣﻦ ﻋﻤﺮ ﻭﻟﺪﻙ ﻟﻜﻦ ﻫﺴﻲ ﻣﺎ ﺩﺍﻳﺮ ﻭﻟﻘﻴﺘﻦ ﺍﻟﺤﻤﺪ ﻟﻠﻪ
_ ﻟﻘﻴﺘﻦ ﻭﻳﻦ ؟
_ ﻣﺸﻴﺖ ﻟﺤﺎﺝ ﺍﺑﺮﺍﻫﻴﻢ ﺍﻟﻠﻪ ﻳﺪﻳﻬﻮ ﺍﻟﻌﺎﻓﻴﺔ ﻭﻣﺎ ﻗﺼﺮ
_ ﺳﻤﺢ ﻫﺎﻙ ﺩﻳﻞ
_ ﻗﻠﺖ ﻟﻘﻴﺘﻦ ﺁ ﻋﻤﻲ ﺍﻟﻀﻮ ﻭﺑﻘﻀﻦ ﻟﻲ ﻏﺮﺿﻲ ﺗﺐ ﻭﺍﻟﻠﻪ
_ ﻏﺮﺿﻚ ﺷﻨﻮ ﻫﻮ ﻛﺎﻥ ؟
_ ﺩﺍﻳﺮ ﺍﺳﺎﻓﺮ ﺑﻴﻬﻦ ﻭﻋﻤﻲ ﺣﺎﺝ ﺍﺑﺮﺍﻫﻴﻢ ﺍﺩﺍﻧﻲ ﻟﻴﻬﻦ
_ ﺳﻤﺢ ﻫﺎﻙ ﺩﻳﻞ ﺑﺮﺿﻦ ﺷﻴﻠﻦ
_ ﻋﻨﺪﻱ ﺁ ﺣﺎﺝ ﻭﺍﻟﻠﻪ ﻛﺘﺮ ﺧﻴﺮﻙ
_ ﻳﻌﻨﻲ ﺗﺸﻴﻞ ﺣﻘﺎﺕ ﺣﺎﺝ ﺍﺑﺮﺍﻫﻴﻢ ﻭﻣﺎ ﺗﺸﻴﻞ ﺣﻘﺎﺗﻲ ﺍﻧﺎ ؟ ﻭﺍﻧﺎ ﻣﺎ ﺯﻳﻮ ﻭﻭﺍﺣﺪ ﺁ ﻭﻟﺪﻱ ﺍﻟﻔﺮﻕ ﺷﻨﻮ ؟
_ ﻭﺍﻟﻠﻪ ﻣﺎﻓﻲ ﺍﻱ ﻓﺮﻕ ﻭﺍﻻﺗﻨﻴﻦ ﺍﺑﻮﺍﺗﻲ ﻋﺪﻳﻞ ﻭﺍﻧﺎ ﺟﻴﺖ ﻫﻨﺎ ﻓﻲ ﺍﻟﻠﻮﻝ ﺣﺘﻴﻦ ﻣﺸﻴﺖ ﻟﻴﻬﻮ ، ﺑﺲ ﻣﻌﺎﻱ ﺍﻟﺒﻜﻔﻨﻲ ﻭﺑﺰﻳﺪﻥ
_ ﻗﺒﻴﻠﻚ ﻣﺎ ﻻﻗﻴﺘﻨﻲ ﺍﻧﺎ ، ﻭﺍﻛﺎﻥ ﻣﺎﻙ ﺩﺍﻳﺮﻥ ﺍﺩﻳﻬﻦ ﻻﻣﻚ ﺍﺗﺘﺼﺮﻑ ﺑﻴﻬﻦ ﺍﺣﺴﻦ ﻣﻦ ﺗﺴﺎﻓﺮ ﻭﺗﺨﻠﻴﻬﺎ ﺑﺮﺍ ﻗﺮﻭﺵ
ﻭﺩ ﺍﻟﺴﺖ ﺳﻜﺖ ﺳﺎﻱ ﻭﺷﺎﻝ ﺍﻟﻘﺮﻭﺵ ﻭﺳﻠﻢ ﻟﺤﺎﺝ ﺍﻟﻀﻮ ﻓﻲ ﺭﺍﺳﻮ ﻭﻓﺎﺕ ﻭﺗﺎﻧﻲ ﺣﻨﺒﻚ ﻭﺯﺭﺯﺭ ﻭﻣﺸﻰ ﺩﺧﻞ ﺍﻟﺪﻳﻮﺍﻥ ﺍﻧﺒﻄﺢ ﻭﺳﺮﺡ
ﻭﻗﻌﺪ ﻳﺒﻜﻲ ﻭﺑﻜﻰ ﻋﻠﻲ ﺭﻭﺣﻮ ﻭﻋﻠﻲ ﺍﻟﻌﻮﻻﻕ ﺍﻟﻠﻜﺎﻥ ﻓﻮﻗﻮ ﻟﻮ ﻣﺎ ﺍﻟﺸﺮﺍﺏ ﺩﺍ ﺍﻛﺎﻥ ﺑﻜﻮﻥ ﻋﻨﺪﻭ ﺍﻛﺘﺮ ﻣﻦ ﺃﺏ ﻭﺍﻛﺎﻧﻮﺍ ﻋﻮﺿﻮﻫﻮ ﻓﻘﺪ ﺍﺑﻮﻫﻮ
ﻭﻗﻌﺪ ﻳﺘﺬﻛﺮ ﻓﻲ ﺍﺑﻮﻫﻮ ﺍﻟﻮﻛﺖ ﺩﺍﻙ ﺍﻛﺎﻥ ﺻﻐﻴﺮ ﻟﻤﻦ ﺍﺑﻮﻫﻮ ﻣﺎﺕ ﻭﺑﺘﺬﻛﺮﻭ ﺭﻫﺎﺏ ﺭﻫﺎﺏ ﻭﺣﺘﻰ ﻣﻼﻣﺤﻮ ﻭﺻﻮﺭﺗﻮ ﺭﺍﺣﺖ ﻣﻨﻮ ﻭﺑﻘﻰ ﺗﺨﻴﻠﻬﺎ ﺗﺨﻴﻞ ﻭﻛﻞ ﺍﻟﻌﺎﺭﻓﻮ ﻭﺑﺘﺬﻛﺮﻭ ﺍﻧﻮ ﺍﺑﻮﻫﻮ ﺍﻛﺎﻥ ﺯﻭﻝ ﻃﻴﺐ ﺧﻼﺱ ﻭﻟﻬﺴﻲ ﺍﻟﻨﺎﺱ ﺑﺸﻬﺪﻭﺍ ﻟﻴﻬﻮ ﻭﺑﺘﺬﻛﺮﻭﺍ ﻓﻲ ﻃﻴﺒﺘﻮ ﻭﺍﻛﺎﻥ ﺑﺸﻮﺵ ﻭﺩﻳﻤﺔ ﺑﺎﺳﻢ ﻭﺿﺎﺣﻚ ،
ﻭﺩ ﺍﻟﺴﺖ ﻗﺪﺭ ﻣﺎ ﺣﺎﻭﻝ ﻳﺘﺬﻛﺮ ﻣﻼﻣﺢ ﺍﺑﻮﻫﻮ ﻣﺎ ﻗﺪﺭ ﻟﻜﻦ ﺍﻟﻠﻴﻠﺔ ﺷﻌﺮ ﺑﻴﻬﻮ ﺗﺐ ﻭﻻﻗﺎﻫﻮ ﻭﺷﺎﻓﻮ ﻓﻲ ﺣﺎﺝ ﺍﺑﺮﺍﻫﻴﻢ ﺍﻟﺒﻌﺪ ﻣﺎ ﺍﺩﺍﻫﻮ ﺍﻟﻘﺮﻭﺵ ﻗﻠﺪﻭ ﻗﻮﻭﻭﻱ ﻭﻗﺎﻝ ﻟﻴﻬﻮ ﺍﻋﻔﻰ ﻟﻲ ﺁ ﻭﻟﺪﻱ ﻭﻟﻤﻦ ﻭﺩﻋﻮ ﺍﻛﺎﻥ ﻭﺻﻴﺘﻮ ﻟﻴﻬﻮ ﺍﻧﻮ ﻳﺒﻘﻰ ﻋﺸﺮﺓ ﻋﻠﻲ ﺭﻭﺣﻮ ﻭﺍﻧﻮ ﻳﺒﻘﻰ ﻃﻴﺐ ﻭﻛﻠﺲ ﺯﻱ ﺍﺑﻮﻫﻮ ﺍﻟﻤﺮﺣﻮﻡ ، ﻭﺷﺎﻓﻮ ﺑﺮﺿﻮ ﻓﻲ ﺣﺎﺝ ﺍﻟﻀﻮ ﺍﻟﺠﺎﺀ ﻋﻘﺒﻮ ﻓﻲ ﺍﻟﺒﻴﺖ ﻋﺸﺎﻥ ﻳﺪﻳﻬﻮ ﺍﻟﻘﺮﻭﺵ ﻭﺷﻤﺎ ﻓﻮﻗﻮ ﺭﻳﺤﺔ ﺍﺑﻮﻫﻮ ﻟﻤﻦ ﺳﻠﻢ ﻟﻴﻬﻮ ﻓﻮﻕ ﺭﺍﺳﻮ ،
ﺍﻻﺗﻨﻴﻦ ﺩﻳﻞ ﺍﺩﻭﻫﻮ ﺩﺭﺱ ﻟﻮ ﻗﺮﺃ ﻋﻤﺮﻭ ﻛﻠﻮ ﻓﻲ ﺃﻋﻈﻢ ﺍﻟﺠﺎﻣﻌﺎﺕ ﻣﺎ ﻛﺎﻥ ﺑﺪﺭﺳﻮﻫﻮ ﻟﻴﻬﻮ
ﻭﻧﺎﻡ ﻗﺒﻠﻮ ﻓﻲ ﻋﻨﻘﺮﻳﺒﻮ ﺩﺍﻙ ﻭﺍﻟﻠﻴﻠﺔ ﺍﻟﺼﺒﺎﺡ ﻗﺎﻡ ﻓﺠﺮ ﻭﻓﺎﺕ ﺻﻠﻰ ﺍﻟﺼﺒﺢ ﻓﻲ ﺍﻟﺠﺎﻣﻊ ﻭﺣﺎﺝ ﺍﻟﻜﺮﺍﺏ ﻟﻤﻦ ﺷﺎﻓﻮ ﺍﻧﺒﺴﻂ ﻭﺍﺗﻜﻴﻒ ﺑﺲ ﻣﺎ ﻧﻀﻢ ﻣﻌﺎﻫﻮ ﻗﺎﻳﻠﻮ ﺑﺠﻴﻬﻮ ﻟﻠﺸﻐﻞ
ﻭﻭﺩ ﺍﻟﺴﺖ ﺟﺎﺀ ﻣﻦ ﺍﻟﺠﺎﻣﻊ ﺷﺮﺏ ﺍﻟﺸﺎﻱ ﻭﺷﺎﻝ ﻟﻴﻬﻮ ﻏﻴﺎﺭ ﻭﺍﺣﺪ ﺑﺲ ﻭﻓﻲ ﻛﻴﺲ ﻧﺎﻳﻠﻮﻥ ﻭﻭﺩﻉ ﺍﻣﻮ ﻭﺍﺧﻮﺍﻧﻮ ﻭﻗﺴﻢ ﻟﻴﻬﺎ ﺍﻟﻘﺮﻭﺵ ﺍﻟﻌﻨﺪﻭ ﻭﻓﺎﺕ
ﻭﻟﻤﻦ ﻭﺻﻞ ﻣﺪﻧﻲ ﺭﺍﺳﻮ ﺷﻄﺐ ﻭﻳﻘﺒﻞ ﻭﻳﻦ ﻣﺎ ﻋﺎﺭﻑ
ﺍﻟﻤﻬﻢ ﻣﺎ ﺩﺍﻳﺮ ﻳﻘﻌﺪ ﻓﻲ ﻣﺪﻧﻲ ﻧﻬﺎﺋﻲ ﻻﻧﻮ ﺑﻌﺮﻑ ﻓﻴﻬﺎ ﻣﺠﺮﻣﻴﻦ ﻛﺘﺎﺭ ﻭﺍﺻﺤﺎﺑﻮ ﺟﺘﻚ ﻋﻮﺍﻟﻴﻖ ﻭﺣﺮﺍﻣﻴﺔ ﻭﺍﻛﺎﻥ ﻟﻤﻮﺍ ﻓﻮﻗﻮ ﺑﺮﺟﻊ ﺗﺎﻧﻲ ﻟﻠﺸﺮﺍﺏ ﻭﺍﻟﺴﺮﻗﺔ ﻭﻗﺎﻝ ﻳﺎ ﺍﻟﺨﺮﻃﻮﻡ ﻳﺎ ﺍﻟﺸﺮﻕ ﺑﻮﺭﺳﻮﺩﺍﻥ ﻭﻟﻼ ﻛﺴﻼ ﻭﻟﻼ ﺍﻟﻐﺮﺏ ﻭﻛﻠﻬﻦ ﻋﻨﺪﻭ ﻭﺍﺣﺪ ﺑﺲ ﻫﻮ ﺯﻭﻝ ﺩﺍﻳﺮ ﻳﻄﺶ ﻭﻳﺒﻌﺪ ﺃﻱ ﻓﺠﺔ ﻭﻳﺠﻲ ﺭﺍﺟﻊ ﻣﻨﻬﺎ ﺑﻘﺮﻭﺵ
ﻳﺘﺒﻊ ...
ﻧﺸﻮﻑ ﺑﺎﻛﺮ ﻓﺎﻳﺖ ﻭﻳﻦ ﺍﻟﺴﺎﻳﺐ ﺩﺍ ﺃﻛﺎﻥ ﺑﻘﻴﻨﺎ ﺷﺪﺍﺩ ﺍﻥ ﺷﺎﺀ ﺍﻟﻠﻪ