ﻳﺎ ﺩﻧﻴﺎ ﺍﺩﻳﻨﺎﻙ ﺃﻣﺎﻥ
ﻓﺎﻛﺮﻳﻦ ﻧﻌﻴﺸﻚ ﺑﺎﻟﻬﻨﺎ
ﻗﺎﻳﻠﻴﻦ ﺧﻼﺹ ﺁﻥ ﺍﻻﻭﺍﻥ
ﻓﻴﻚ ﺍﻟﺴﻌﺎﺩﺓ ﺣﻨﻀﻤﻨﺎ
ﺇﺭﺗﺤﻨﺎ ﻟﻴﻚ ﻋﺸﻨﺎﻙ ﻓﺮﺡ
ﻋﺸﻨﺎﻙ ﻏﺮﺍﻡ ﺃﺟﻤﻞ ﻏﻨﺎ
ﻋﺸﻨﺎﻙ ﻣﻨﺴﺠﻤﻴﻦ ﺣﻨﺎﻥ
ﻭﺍﻟﻜﺎﻥ ﺑﺪﺍﻳﺔ ﻣﻄﻤﻨﺔ
ﺭﻭﺳﻤﺘﻲ ﻓﻲ ﻭﺷﻚ ﻛﻤﺎﻥ
ﺯﻳﻒ ﺍﻟﻒ ﺿﺤﻜﺔ ﻣﻠﻮﻧﺔ
ﻛﻞ ﺍﻟﺒﺸﺮ ﻋﺎﺷﺖ ﺿﻴﺎﻉ
ﻭﺟﺮﺕ ﻭﺭﺍ ﺍﻟﻬﻮﺍ ﻭﺍﻻﻧﺎ
ﺑﺎﺩﺭﺗﻲ ﺑﺎﻟﺰﻳﻒ ﻭﺍﻟﺨﺪﺍﻉ
ﺟﺎﺯﻳﺘﻲ ﺃﻭﺟﺎﻉ ﺍﻟﻀﻨﻰ
ﺑﺎﺍﻟﻐﺘﻲ ﻳﺎﺍﺥ ! ﺃﻓﺸﻠﺘﻲ ﺟﺪ
ﻗﺼﺮﺗﻲ ﺟﺪ ﻓﻲ ﺣﻘﻨﺎ
ﺣﺮﻗﺘﻲ ﻓﻲ ﺟﺘﺖ ﺍﻟﺒﺸﺮ
ﻧﺎﺭﻙ ﺗﻬﺐ ﺑﻲ ﺃﻟﺴﻨﺔ
ﺍﻧﺎ ﻟﻮ ﻋﻠﻲ ﻣﺎ ﻋﺎﻓﻴﺔ ﻟﻴﻚ !
ﻣﺎ ﺷﻔﺘﺎ ﻓﻴﻚ ﻏﻴﺮ ﺍﻟﻌﻨﺎ
ﻭﺍﻻﻧﻜﺴﺮ ﻣﺎﻟﻴﻮ ﺻﻼﺡ
ﻭﺍﻟﺮﺍﺡ ﺧﻼﺍﺍﺹ ﻓﺎﺕ ﻛﻢ ﺳﻨﺔ ؟ !
ﻭﺍﻟﻠﻪ ﺇﺳﻤﻚ ﺩﻧﻴﺎ ﺑﺲ
ﻣﺎﻟﻚ ﻛﻤﺎﻥ ﻣﺘﻔﺮﻋﻨﺔ ؟؟ !
ﻭﺍﺻﻼ ﺧﻼﺍﺹ ﻓﺎﺽ ﺑﻴﻨﺎ ﺟﺪ
ﺍﺻﻠﻚ ﻣﻨﺎﻓﻘﺔ ﻣﻠﻌﻨﺔ
ﻭﻣﺼﻴﺮﻙ ﺍﻧﺘﻲ ﺣﺘﻔﻨﻲ ﻳﻮﻡ
ﻣﺎ ﺗﺨﺎﻓﻲ ﻳﺎﺥ ﻣﻦ ﺭﺑﻨﺎ
ﻭﺍﻻﺧﺮﺓ ﻣﻨﻚ ﺟﺪ ﺃﺧﻴﺮ
ﻣﺎ ﻓﻴﻬﺎ ﺟﻮﺭ ﻻ ﻣﻨﺤﻨﻰ
ﺑﺲ ﻓﻴﻬﺎ ﻛﻞ ﺍﻟﻨﺎﺱ ﺳﻮﺍﺀ
ﻻ ﺯﻭﻝ ﺧﺴﺮ ﻻ ﺇﻧﺤﻨﻰ
ﻣﺎﺷﻴﻴﻦ ﺧﻼﺹ ﺩﺍﺭ ﺍﻟﻨﻌﻴﻢ
ﺳﺒﻨﺎﻙ ﺩﻧﻴﺎ ﻣﻤﺤﻨﺔ
ﻣﺎ ﺷﻔﻨﺎ ﻓﻴﻚ ﻏﻴﺮ ﻛﻞ ﺿﺮ
ﺭﺍﻳﺤﻴﻴﻦ ﺧﻼﺹ ﻭﺩﻩ ﺣﺪﻧﺎ