ﻟﻮ ﺑﺘﻌﺮﻑ ﺷﻮﻗﻲ ﻟﻴﻚ
ﻣﺎ ﺑﺘﺘﺎﺧﺮ ﺷﻮﻳﻪ
ﻭﻟﻮ ﺑﺘﻌﺮﻑ ﻗﻴﻤﺘﻮ ﺣﻮﺑﻲ
ﻛﻨﺖ ﻣﺎ ﺍﺗﻨﻜﺮﺗﺎ ﻟﻴﺎ
ﻭ ﻛﻞ ﻣﺎﺗﻨﺎﺩﻳﻚ ﻋﻴﻮﻧﻲ
ﺍﻧﺖ ﺭﺍﻓﺾ ﻟﻴﻬﺎ ﺟﻴﻪ
ﻧﻔﺴﻲ ﻳﻮﻡ ﺍﻟﻘﺎﻙ ﻗﺮﺑﻲ
ﻭ ﺗﻠﻤﺲ ﺍﻳﺪﻳﻨﻚ ﺍﻳﺪﻳﺎﺍ
ﻭ ﻧﺒﺪﺍ ﻣﺸﻮﺍﺭ ﺍﻟﻤﺤﺒﻪ
ﻣﺴﻜﻨﻚ ﻳﺼﺒﺢ ﻋﻴﻨﻴﺎﺍ
ﺑﺲ ﻭﺣﺎﺗﻚ ﺍﻧﺖ ﺭﺍﺍﻓﺾ
ﺗﻘﺴﻰ ﺗﺘﻌﺰ ﻋﻠﻴﺎ
ﻓﺎﻛﺮ ﺍﻧﻲ ﻗﻠﻴﻞ ﻣﻜﺎﻧﺎﺍ
ﻭﺍﻧﺖ ﺳﺎﻛﻦ ﻓﻲ ﺍﻟﺜﺮﻳﺎﺍ
ﻭﻧﺎﺳﻲ ﺍﻧﻮ ﺍﻟﺪﻧﻴﺎ ﻓﺎﻧﻴﻪ
ﻻ ﺩﺍﻳﻤﻪ ﻟﻴﻚ ﻭﻻ ﺣﺘﻰ ﻟﻴﺎﺍ ..

ﺍﻧﺎ ﻳﺎﺥ ﺣﺒﻴﺘﻚ ﻭﺍﺳﺘﻨﻴﺘﻚ
ﻭﺍﺗﺨﻴﻠﺖ ﺍﻟﺪﻧﻴﺎ ﻣﻌﺎﺍﺍﺍﻙ
ﺍﺗﻤﻨﻴﺘﻚ ﻭ ﺍﺗﺮﺟﻴﺘﻚ
ﻭﺍﺗﺸﻮﻗﺖ ﻋﺸﺎﻥ ﺍﻟﻘﺎﺍﺍﻙ
ﺍﺗﻮﺳﻠﺘﻚ ﻳﻮﻡ ﻛﻠﻤﺘﻚ
ﻭﺍﺗﻨﺴﻤﺘﻚ ﺍﺻﻠﻲ ﻭﺷﻤﺘﻚ
ﻓﻲ ﺍﻋﻤﺎﻕ ﻭ ﺩﻭﺍﺧﻠﻲ ﺭﺳﻤﺘﻚ
ﺟﻮﻩ ﺍﻟﻘﻠﺐ ﺍﻟﻌﺎﺷﻘﻚ ﺩﺍﻙ

ﺍﻟﺸﺎﻋﺮﻩ ﻫﺎﺟﺮ ﺑﺖ ﻛﺴﻼ

ﻟﻮ ﻋﻴﻮﻧﻚ ﺗﺮﺿﻰ ﺗﺴﻤﺢ
ﺍﻧﻲ ﺍﺗﻘﺮﺏ ﺷﻮﻳﻪ
ﻛﻠﻤﻪ ﻣﻨﻲ ﻭﻛﻠﻤﻪ ﻣﻨﻚ
ﻳﺎﺧﻲ ﻣﺎﺗﺒﺨﻞ ﻋﻠﻴﺎ
ﺍﺻﻠﻲ ﻣﻦ ﻣﺎ ﺷﻮﻓﺖ ﺷﺨﺼﻚ
ﻟﺴﻪ ﺻﻮﺭﺗﻚ ﻓﻲ ﻋﻴﻨﻴﺎﺍ
ﻳﺎﺟﻤﻴﻞ ﺍﺩﻳﻨﻲ ﻓﺮﺻﻪ
ﺍﺣﻜﻲ ﻟﻴﻜﺎ ﻭ ﺗﺤﻜﻲ ﻟﻴﺎﺍﺍ
ﻭ ﻧﺒﺪﺍ ﻣﺸﻮﺍﺭ ﺍﻟﻤﺤﺒﻪ
ﺍﺑﻘﻰ ﻟﻴﻚ ﻣﺼﺪﺭ ﺳﻌﺎﺩﻩ
ﻭﺗﺒﻘﻰ ﻣﺼﺪﺭ ﻓﺮﺣﻪ ﻟﻴﺎﺍ
ﻣﺎ ﺑﻨﺴﻤﺢ ﻟﻌﺰﻭﻝ
ﻳﺨﺮﺏ ﺍﻟﺮﻳﺪﻩ ﺍﻟﻘﻮﻳﻪ
ﻳﻤﻜﻦ ﺍﻻﻳﺎﻡ ﺩﻱ ﺗﺠﻤﻊ
ﻭ ﺍﻟﺰﻭﺍﺝ ﻳﺼﺒﺢ ﻫﻮﻳﻪ
ﺑﺲ ﻋﻴﻮﻧﻚ ﺗﺮﺿﻰ ﺗﺴﻤﺢ
ﺍﻧﻲ ﺍﺗﻘﺮﺏ ﺷﻮﻳﻪ

ﺍﻧﺎ ﻣﺎﺍﺗﺨﻴﻠﺘﻚ ﻳﻮﻡ ﺗﻨﺴﺎﺍﻧﻲ
ﻭﺗﻨﺴﻰ ﺍﻟﺮﻳﺪﻩ ﻭﺗﺒﻘﻰ ﺍﻧﺎﻧﻲ
ﺗﺨﻠﻖ ﺑﻴﻨﻲ ﻭﺑﻴﻨﻚ ﻓﺠﻮﻩ
ﻭﻣﺎﻓﻲ ﺟﻮﺍﺏ ﻣﻨﻚ ﻳﻄﺎﺭﺍﻧﻲ
ﻛﻨﺖ ﺍﻟﺮﻳﺪ ﻭﺍﺳﺒﺎﺏ ﺍﻟﻔﺮﺣﻪ
ﻭﺑﺮﺿﻚ ﻛﻨﺖ ﺷﺮﻳﻚ ﺍﺣﺰﺍﻧﻲ
ﻣﺎ ﺣﺒﻴﺖ ﺍﻧﺎ ﻏﻴﻴﺮﻙ ﺍﺑﺪﺍ
ﻭﻣﺎﻓﻲ ﻏﺮﺍﻡ ﻣﻦ ﺑﻌﺪﻙ ﺗﺎﺍﺍﺍﺍﻧﻲ
ﻛﻴﻒ ﺍﺗﻨﻜﺮ ﻳﺎﺍﺍﺍﺧﻲ ﻋﻠﻴﻜﺎ
ﻭﺍﻧﺎ ﻓﻲ ﻗﺮﺑﻚ ﺷﻮﻓﺖ ﻣﻜﺎﻧﻲ
ﻭﻣﺎﺿﺎﺭﻳﺖ ﺍﺧﻼﺻﻲ ﻋﻠﻴﻜﺎﺍ
ﻭ ﻣﺎ ﺟﺎﻓﻴﺘﻚ ﺷﺎﻥ ﺗﺠﻔﺎﻧﻲ
ﻭ ﺍﻧﺎ ﻣﺎﻛﻨﻴﺖ ﺍﻟﺤﺐ ﻟﻐﻴﻴﻴﺮﻙ
ﻭﻻ ﻋﺸﻤﺖ ﺍﻧﺴﺎﻥ ﻓﻲ ﺣﻨﺎﻧﻲ
ﻭ ﺯﻱ ﻣﺎﺻﻮﻧﺖ ﻣﻌﺎﻙ ﺍﻟﺮﻳﺪﻩ
ﻣﻔﺮﻭﺽ ﺗﺨﻠﺺ ﻣﺎﺗﻨﺴﺎﻧﻲ

ﻳﺎﺥ ﺍﺗﺨﻴﻞ ﻟﻤﻦ ﺗﺮﺳﻢ ﺯﻭﻝ ﻓﻲ ﺑﺎﻟﻚ
ﺗﺒﺪﺍ ﺗﻔﻜﺮ ﻭﻳﻴﻴﻦ ﺗﻠﻘﺎﻫﻮﻭ
ﺯﻭﻝ ﺑﺘﻌﻠﻖ ﻓﻴﻮ ﺍﻣﺎﺍﺍﺍﺍﻟﻚ
ﺯﻭﻝ ﻻ ﺷﻮﻓﺘﻮ ﻭﻻ ﺍﺗﺤﺴﺴﺘﻮﻭ
ﺯﻭﻝ ﻣﺘﻤﻜﻦ ﺳﺎﻛﻨﻮ ﺧﻴﺎﺍﺍﻟﻚ
ﺗﻤﺸﻲ ﺗﺰﻭﺭﻭ ﺗﺸﻮﻑ ﺍﺧﺒﺎﺍﺍﺭﻭ
ﺯﻭﻝ ﻓﻲ ﻓﺮﺣﻚ ﻳﺘﺸﺒﺎﺍﺍﻟﻚ
ﻛﻞ ﺍﻟﻨﺎﺱ ﺣﻠﻮﻳﻦ ﻣﻦ ﺣﻮﻟﻚ
ﻭ ﺗﻠﻘﺎﻫﻮ ﺍﻟﺴﺎﻛﻦ ﺍﻓﻜﺎﺍﺍﺭﻙ

ﺧﻠﻲ ﺍﻟﻨﺎﺱ ﺍﻟﻤﺎﺑﺘﺪﻭﺭﻙ
ﺍﺑﻌﺪ ﻣﻦ ﺍﻟﻤﺎﺑﻲ ﺳﺮﻭﺭﻙ
ﺍﺣﺬﺭ ﻣﻦ ﺍﻟﻌﺎﻣﻞ ﺻﺤﺒﻚ
ﺑﻜﺮﺍ ﻳﻠﺨﺒﻂ ﻟﻴﻜﺎ ﺍﻣﻮﺭﻙ
ﺟﺎﻓﻲ ﺍﻟﺒﺤﺴﺪ ﻟﻴﻚ ﻃﻮﺍﻟﻲ
ﻭﺍﻧﺴﻰ ﺍﻟﻄﺎﻟﻊ ﻟﻴﻚ ﻓﻲ ﺍﻟﻌﺎﻟﻲ
ﺻﺎﺣﺐ ﺯﻭﻝ ﻟﻔﺮﺣﻚ ﺷﺎﺭﻱ
ﻭﻧﻔﺾ ﺣﺰﻧﻚ ﺍﻭﻋﻪ ﺗﻀﺎﺭﻱ
ﺍﻟﺰﻭﻝ ﺍﻥ ﻗﺎﻝ ﻟﻴﻚ ﻋﻦ ﺍﺯﻧﻚ
ﻗﻮﻝ ﻟﻴﻬﻮ ﺍﺗﻔﻀﻞ ﻃﻮﺍﺍﺍﻟﻲ
ﻭﺍﻟﻨﺎﺱ ﺍﻟﺘﻘﺸﺮ ﺑﻲ ﺍﺳﻤﻚ
ﺑﻴﻊ ﺑﻲ ﺍﺳﻤﻬﺎ ﺍﻧﺖ ﺗﺴﺎﺍﺍﺍﻟﻲ

ﻳﺎﺯﻭﻝ ﻳﺎﻧﻴﻞ
ﻳﺎﻣﻄﺮﻩ ﺗﺸﻴﻞ
ﺍﺷﺠﺎﺭ ﻭﻧﺨﻴﻞ
ﻳﺎﺯﻭﻝ ﻣﺸﺘﺎﻕ
ﻭﺍﻟﺸﻮﻕ ﺣﺮﺍﺍﻕ
ﺍﻟﻠﻴﻞ ﺍﻟﻄﺎﺍﺍﺍﺍﻝ
ﻭﻧﺠﻮﻣﻮ ﻛﺘﺎﺍﺍﺭ
ﻓﺎﻗﺪ ﻋﻴﻨﻴﻦ
ﺳﻴﺪ ﺍﻻﻧﻈﺎﺍﺍﺍﺭ
ﺑﻴﻚ ﺭﺍﺡ ﺍﻟﺒﺎﻝ
ﻭﺩﺭﺗﻮ ﻭﺩﺍﺍﺍﺭ
ﻭﺍﻧﺎﺯﺍﺗﻲ ﺑﻼﻙ
ﺣﺎﻳﺮ ﻣﺤﺘﺎﺍﺍﺍﺭ
ﻻ ﻧﺴﻤﻪ ﻟﻴﻞ
ﻻ ﻓﺮﺣﻪ ﻧﻬﺎﺍﺍﺍﺭ
ﺍﺭﺟﻌﻠﻲ ﺗﻌﺎﻝ
ﺿﻮﻱ ﺍﻻﺳﺤﺎﺍﺍﺭ
ﻭﺧﻠﻲ ﺍﻻﻓﺮﺍﺡ
ﻟﻲ ﺍﻗﺮﺏ ﺟﺎﺍﺍﺭ
ﻭﺍﻟﺮﻳﺪ ﻳﺼﺒﺢ
ﻣﻦ ﺍﻟﺰﻭﺍﺍﺍﺭ
ﻳﻮﻣﺎﺗﻲ ﻳﺰﻭﺭ
ﻟﻮ ﺷﺨﺼﻚ ﺯﺍﺍﺍﺭ

مافي بيت من دون مشاكل
ومافي سكه بدون عذاااب
مافي فرحه تدوم معاااكا
ومافي حزن يزيل عتاب
مافي اخلاص دون موده
ومافي غلطه بدون حساب
الخلوق في الكون سكونا
والنجوم ارضه السحاااب
مافي زول طيبانه نفسو
يجور على الناس القراب
ومافي زول في الدنيا عاقل
يقول على العصفور غراب
و البساااعد غيرو يكسب
راحه في زمن العذااب
والبي يحسد في رفقيوو
في الاخره يتلقى العقاااب
ومافي زول في الدنيا دايم
وماف حقيقه مع السراااب
دي المشاااااكل مااااحبابا
و ماحباب زمن الخرااااب

كلماتي ليك انا بهتفه
والريده ليكا بوصفه
بوصل حدود المستحيل
شان قيمتي عندك اعرفه
واكتب عشانك اغنياااات
اوتار هواااك انا بعزفه
افضل اسامر في النجوم
والقمره افضل شاااايفه
يحرم على عيني المنااام
والسهره في اسمك دفه
كان نومت بلقاك ف المنام
و احلامي بيك متكيييفه
لوقولت يوم تمشي تفوت
تحرقني بنااارو الجفااااا
صدق قليبي واراك يموت
ودقاتو ااااانت توقفه
كل الطموح خاتيهو فيك
وامالي فيييكا مستفه
والله لو تفضل معاي
الدنيا ليكا بجااازفه
انا بيك اتقنت الغرااام
وبلاكا فاااااقد المعرفه

خايف اقول مشتاق اليك
تجهلني تجهل شوقي ليك
تصدمني بي قسوه كلام
تحرمني من نظره عينيك
تجعلني اصغر من صغير
لمن اكون في حوجه ليك
تكويني بي نار الفراااق
تسقيني من مر المزااق
عارف شعور الاشتياااق
زي الغريق و الاختناااق
واللحظه اصعب يوم اكون
في انتظارك وفي رجاااك
افضل اسائل في الخلوق
وين الجميل شنو الحصل
الساعه مرت مااااا وصل
والتانيه عدت وما اتصل
التالته فارقني السكون
راودني احساس بجنون
والدنيا خسرت احلى لون
صدق بعد حصل الحصل
عاين هدااك الشوق وصل
شوق لجمال المااا حصل
شوق لعيونك و النظرر
اسمعني ياخ بالمتخصرر
انت الحبيب المنتظرر.