ﻗﺪﻟﺔ ﻳﺎﻣﻮﻻﻯ ﻓﻰ ﺍﻟﺒﻠﺪ ((
ﺍﻟﻌﻄﺎ ﻋﻠﻰ ﺍﻟﻌﻄﺎ - ﺍﻟﺒﺮﻛﻞ
ﺍﻟﺸﻤﺎﻝ ﻓﻮﻕ ﻋﺪﻟﻮ ﺍﻟﻌﻠﻲ
ﻭﻓﻮﻕ ﻋﺪﻳﻠﻮ ﺍﻟﺰﺭﻋﻮ ﻭﺳﻘﻰ
ﺍﻟﻠﻪ ﻳﺠﻤﻊ ﺷﻤﻞ ﺍﻟﺠﻤﻴﻊ
ﻭﻓﻰ ﺷﻤﺎﻟﻨﺎ ﻳﺘﻢ ﺍﻟﻠﻘﺎﺀ
ﻛﻞ ﺯﻭﻝ ﻭﺳﻂ ﺍﻫﻠﻮ ﺍﻟﻴﻄﻮﻑ
ﻳﺴﻌﻰ ﺑﻴﻦ ﺍﺻﺤﺎﺑﻮ ﺍﺻﺪﻗﺎﻩ
ﻗﺪﻟﺔ ﻳﺎﻣﻮﻻﻯ ﻓﻰ ﺍﻟﺒﻠﺪ
ﺍﻣﺸﻰ ﺣﺎﻓﻰ ﺍﻟﺮﺍﺱ ﺣﺎﻟﻘﻪ
ﺍﺑﺪﺍ ﺑﺎﻟﺤﺎﻣﺪﺍﺏ ﺍﻟﻄﻮﺍﻑ
ﻭﺭﻏﻢ ﻛﻞ ﺍﻟﺤﺎﺻﻞ ﻭﺑﻘﻰ
ﺍﻟﺴﻼﻡ ﻣﻄﺒﻮﻕ ﻳﺎﺑﻴﻮﺕ
ﺷﺘﺘﻪ ﺍﻟﺘﻬﺠﻴﺮ ﻓﺮﻗﻪ
ﻭﺍﻟﺴﻼﻡ ﻣﻦ ﻓﻮﻕ ﻟﻠﺴﻼﻡ
ﻛﻢ ﺟﺰﻳﺮﺓ ﺍﻟﺴﺪ ﻏﺮﻗﻪ
ﻓﻰ ﺍﻟﺠﺰﻳﺮﺓ ﺗﺮﺝ ﺍﻟﻤﺒﻴﺖ
ﻓﻰ ﺩﻣﻴﺮﺓ ﺍﻟﻨﻴﻞ ﺧﺎﻧﻘﺔ
ﺭﻏﻢ ﺿﻴﻖ ﺍﻟﺤﺎﻝ ﻭﺍﻟﻤﺤﻞ
ﺍﻟﻜﺮﻳﻢ ﺭﺑﻨﺎ ﺭﺍﺯﻗﻪ
ﻭﻣﺸﻴﺔ ﻟﻠﻜﺎﺳﻨﺠﺮ ﺍﻟﻜﻮﻉ
ﻟﻠﻤﺪﻳﺢ ﻭﻋﻮﺍﻟﻢ ﺍﻟﻨﻘﺎﺀ
)) (( 1
ﻓﻰ ﺍﻟﻌﻨﺎﺑﺮ ﻓﻰ ﺍﻟﺴﻮﻳﻘﺎﺕ
ﻻﻓﻰ ﺣﺠﺔ ﻭﻻ ﻧﻘﻨﻘﻪ
ﻓﻰ ﺍﻟﻜﺮﻳﻤﺔ ﻛﺮﻳﻤﺔ ﺍﻟﻠﻤﺔ
ﺍﻟﺨﻠﻮﻕ ﺍﻟﺴﻮﻕ ﺳﺎﻳﻘﻪ
ﺍﻟﻘﺒﺎﺋﻞ ﺗﻘﺪﻝ ﺳﻮﺍ
ﻓﻰ ﺍﻧﺒﺴﺎﻁ ﻻ ﺿﻨﻰ ﻻﺷﻘﺎﺀ
ﻗﺮﻗﺮﺍﺑﻦ ﻃﺎﻕ ﺑﺎﻟﺪﺭﺏ
ﺍﻻﻣﺎﻧﻰ ﺍﻟﻠﻪ ﺣﻘﻘﺎ
ﺑﺮﻛﻠﻴﻨﺎ ﺍﻟﻔﻮﻕ ﻭﺍﻟﺘﺤﺖ
ﺍﻟﻨﺼﻴﺤﺔ ﺑﻘﻮﻟﻪ ﺍﻣﺮﻗﻪ
ﻣﻦ ﻛﺘﺮﺕ ﺍﻟﺮﻳﺪ ﻭﺍﻟﻮﻟﻒ
ﺍﻟﺪﻣﻮﻉ ﺟﺎﺭﻯ ﻣﺮﻗﺮﻗﻪ
ﻓﻰ ﺷﺒﺎ ﻭﻋﺴﻮﻡ ﻗﺒﻞ ﺍﻓﻮﺕ
ﺍﻟﺒﻴﻮﺕ ﺑﻴﺖ ﺑﻴﺖ ﺍﻃﺮﻗﻪ
ﻓﻴﻬﺎ ﺍﻗﺎﻟﺪ ﺍﻟﻨﺎﺱ ﻣﻦ ﻃﺮﻑ
ﺍﻟﺨﻠﻮﻕ ﻣﻦ ﺟﻢ ﺍﻋﺎﻧﻘﻪ
ﺍﻏﺸﻰ ﻣﺮﻭﻯ ﺷﺮﻕ ﺑﻤﺰﺍﺝ
ﻭﻗﺎﺳﻰ ﺍﻓﻮﺕ ﻣﺮﻭﻯ ﻭﺍﻓﺎﺭﻗﻪ
2)) ((
ﻓﻰ ﺍﻟﻄﺮﻳﻒ ﺍﻧﺠﻤﻪ ﺍﻧﺠﺒﺪ
ﻋﻠﻰ ﻣﻬﻠﺘﻰ .. ﺷﻨﻰ ﺍﻟﻼﺣﻘﻪ
ﻣﻬﻠﺔ ﻳﻤﻬﻠﻪ ﺭﺏ ﺍﻟﻌﺒﺎﺩ
ﻻ ﻳﻨﻘﺼﻪ ﻻ ﻳﻤﺤﻘﻪ
ﻓﻰ ﺟﺒﺎﻝ ﻛﺠﺒﻰ ﺍﻟﺼﺎﻧﻰ ﺍﺻﻦ
ﻓﻰ ﺟﺮﻭﻓﻪ ﻭﺗﺸﺎﺷﻘﻪ
ﺩﺍﺟﻰ ﻓﻰ ﺍﻟﺪﺗﻰ ﺍﻧﺎ ﻟﻠﺪﻏﺶ
ﺍﻟﺼﺒﺎﺡ ﻓﻰ ﺍﻟﻜﺮﻭ ﺍﺷﺮﻗﻪ
ﺍﻣﺸﻰ ﺍﺯﻭﺭﻩ ﻣﻘﺎﺑﺮ ﺍﻟﻤﻠﻮﻙ
ﻭﺍﻟﻄﺮﺍﺑﻴﻞ ﺍﻟﺸﺎﻫﻘﻪ
ﻓﻰ ﺿﺤﻰ ﺍﻟﺪﻫﺴﻴﺮﻩ ﺍﻟﻮﻫﻴﻂ
ﺍﺷﺮﺏ ﺍﻟﺠﺒﻨﺔ .. ﻭﺍﻃﺒﻘﻪ
ﺍﻟﻔﻄﻮﺭ ﻓﻰ ﻧﻴﻤﺎﺕ ﻧﻤﺮ
ﻭﺍﻟﻘﺮﺍﺭﻳﺺ ﺗﺠﻰ ﻣﺎﺭﻗﻪ
ﻳﺎﻫﺎ ﺍﺻﺎﻟﺔ ﺍﻟﺰﻭﻣﺔ ﺍﻟﺰﻣﺎﻥ
ﺧﻠﺪﻩ ﺍﻟﺘﺎﺭﻳﺦ ﻭﺛﻘﺔ
ﻓﻰ ﺍﻟﺴﻤﺎﺡ ﻭﺍﻟﺠﻮﺩ ﻭﺍﻟﻜﺮﻡ
ﻗﺎﺳﻰ ﺗﺎﻧﻰ ﺑﻠﺪ ﺗﻠﺤﻘﻪ
)) (( 3
ﻓﻰ ﻣﻘﺎﺷﻰ ﺣﺰﻳﻤﺔ ﺍﻟﻴﻘﺎﻥ
ﻓﻰ ﻧﻔﻮﺱ ﺭﺑﻰ ﻣﻮﻓﻘﻪ
ﺍﻟﺘﺮﺍﺑﻠﺔ ﺍﺣﺒﺎﺏ ﺍﻻﺭﺽ
ﺍﻻﻳﺪﻳﻦ ﻭﺍﺭﻣﻲ ﻣﻨﺒﻘﻪ
ﺍﻟﺘﻘﺎﻧﺖ ﻧﺎﺯﻩ ﺑﺎﻟﻨﺰ
ﻭﻛﻞ ﺯﻭﻝ ﺑﻮﻏﺘﻮ ﻣﺒﻮﻏﻪ
ﺧﻴﺮ ﻋﻠﻰ ﺍﻟﻤﺤﻔﻮﺭ ﻭﺍﻟﺒﺨﻴﺖ
ﺯﻭﻝ ﺳﻌﻴﺪ ﻭﺑﺨﻴﺖ ﺍﻟﻠﻘﻰ
ﻣﺮﺳﻰ ﻋﺰ ﺍﻟﻌﺰ ﻓﻰ ﺍﻟﻤﻘﻞ
ﻳﺎ ﺍﻟﻨﻌﻴﻢ ﻳﺎ ﺍﻟﺤﺎﻝ ﺍﻟﺘﻘﺎ
ﺍﻟﺼﻼﻩ ﻋﻠﻰ ﺍﻟﻨﺒﻰ ﻳﺎ ﺑﻠﺪ
ﺍﻟﻜﺮﻡ ﻓﻴﻬﺎ ﻣﺒﺎﻟﻐﻪ
ﺑﻰ ﺿﺒﻴﺤﺘﻮ ﺍﻟﺰﻭﻝ ﺍﻟﻔﻘﻴﺮ
ﺣﻤﺮﺍﺀ ﺍﻳﺪﻭ ﺍﻟﺪﻡ ﺻﺒﻐﻪ
ﺯﻯ ﺗﻜﻨﻮ ﻭﻻ ﺳﻮﻩ ﺷﻰﺀ
ﻣﻦ ﻣﺮﺍﺣﻮ ﻭﻗﺖ ﻳﻄﻠﻘﻪ
)) (( 4
ﻳﺤﻤﺪﻭ ﺍﻟﻠﻪ ﺍﻫﺎﻟﻰ ﺍﻟﺤﺠﻴﺮ
ﻛﻞ ﺯﻭﻝ ﻣﺴﺮﺗﻮ ﻧﻮﺭﻗﻪ
ﻋﺒﻮ ﺧﻤﻮ ﺍﻟﺮﻭﺱ ﻭﺍﻟﺘﺒﻦ
ﺍﻟﻘﻤﺢ ﻣﺮﺻﻮﺹ ﻓﻰ ﺍﻟﺘﻘﺔ
ﺍﻻﻧﺎﻗﻰ ﺷﺮﺍﺑﻦ ﻣﺴﺢ
ﺗﺎﻧﻰ ﻗﺎﻡ ﺑﺘﻖ ﺑﺘﻘﻪ
ﺍﻟﺴﻼﻡ ﺍﻫﻞ ﺍﻟﻠﻪ ﺍﻟﻜﺮﺍﻡ
ﻓﻰ ﺍﻻﺭﺍﻙ ﻭﺍﻟﺒﺮﺻﺔ ﺍﻟﺘﻘﺎﻩ
ﺍﻻﺋﻤﺔ ﺍﻟﺼﺎﺡ ﺍﻟﺼﺤﺎﺡ
ﺍﻟﻤﺼﺎﺩﺭ ﺍﻟﺼﺎﺡ ﺍﻟﺜﻘﺎﺓ
ﺍﻟﺸﻴﻮﺥ ﺍﻭﻻﺩ ﺍﻟﺸﻴﻮﺥ
ﻗﺎﺩﺭﻳﻦ ﻭﺍﻻﻳﺪ ﻻﺣﻘﻪ
ﺳﻴﺮﺓ ﺍﻟﻜﺮﻓﺎﺏ ﻓﻰ ﺍﻟﻜﻼﻡ
ﺍﻟﺤﺮﻭﻑ ﺑﺮﺿﺎﺀ ﺗﻨﻄﻘﻪ
)) (( 5
ﻭﺍﻣﺸﻰ ﻓﻄﻦ ﺍﻟﺒﺎﺭ ﻭﺍﻡ ﺩﺭﻕ
ﻓﻰ ﺍﻟﺤﻨﻴﻦ ﺭﻭﺣﻰ ﺍﺩﺭﺩﻗﻪ
ﺟﻠﺴﻪ ﺟﺎﻟﺴﻪ ﺍﺟﻠﺴﻪ ﻓﻰ ﺟﻼﺱ
ﺍﻟﻤﺸﺎﻋﺮ ﺻﺎﺩﻗﺔ ﺍﺩﻟﻘﺔ
ﺍﻟﻠﻪ ﺭﺑﻨﺎ ﺍﻛﺮﻡ ﺟﻼﺱ
ﺯﺍﺩﺓ ﺭﻭﻧﻖ ﻓﻮﻕ ﺭﻭﻧﻘﻪ
ﺍﻟﻠﻪ ﺍﺩﻩ ﺍﻟﻨﺎﻓﻌﺎﺏ ﻋﻠﻢ
ﻛﻞ ﺻﻐﻴﺮ ﻭﻛﺒﻴﺮ ﻧﺎﺑﻐﺔ
ﻋﻠﻤﺎﺀ ﻓﻰ ﺍﻟﺘﻔﺴﻴﺮ ﻭﺍﻟﺤﺪﻳﺚ
ﻭﻓﻰ ﺍﻟﺒﻴﺎﻥ ﻭﺍﺻﻮﻝ ﺍﻟﻠﻐﺔ
ﻗﺎﺋﻤﺔ ﻓﻰ ﺍﻟﻌﻔﺎﺽ ﻓﻰ ﺍﻟﺮﻣﺎﻝ
ﺍﻟﺸﺘﻮﻝ ﺧﻀﺮﺍﺀ ﻣﺒﺘﻘﻪ
ﻛﻮﺭﻯ ﻛﻨﺎﺭ ﻣﻮﺭﻩ ﻭﺍﻟﻬﻮ
ﺍﻻﻫﻞ ﻣﻨﻄﻘﺔ ﻣﻨﻄﻘﺔ
ﻛﻠﻤﺎ ﺩﻗﻪ ﻧﻘﺮ ﻧﻘﻰ
ﻭﺻﻔﻘﺘﻮ ﺍﻟﺼﻔﺎﻕ ﺻﻔﻘﺎ
ﻓﻴﻬﺎ ﻳﺼﺒﺤﻮﺍ ﻋﻠﻰ ﻣﺎﻳﺮﺍﻡ
ﻳﻤﺴﻮﺍ ﻭﺍﻻﺣﻮﺍﻝ ﺭﺍﻳﻘﻪ
)) (( 6
ﻭﻳﺎﻫﻮ ﺣﺎﻟﻦ ﺍﻫﺎﻟﻰ ﺍﻟﺸﻤﺎﻝ
ﻣﻬﻤﺎ ﻛﺎﻥ ﺍﻟﺤﺎﻝ ﻣﺎﺑﻘﻰ
ﺍﻟﻐﻨﻰ ﺍﻟﺴﺎﻛﻦ ﻓﻰ ﻗﺼﺮ
ﻭﺍﻟﻔﻘﻴﺮ ﺍﻟﻔﻰ ﻛﺮﻗﻪ
ﻛﻠﻬﻦ ﻭﺍﺣﺪ ﻭﺯﻯ ﺑﻌﺾ
ﺍﻟﻘﻠﻮﺏ ﺭﺑﻨﺎ ﺗﺎﻓﻘﻪ
ﻭﺑﺎﻟﻴﻘﺎﻥ ﻭﺍﻟﺮﺿﺎﺀ ﻭﺍﻟﻘﺒﻮﻝ
ﺍﻟﺼﻼﺕ ﺍﻟﺤﻦ ﻋﻤﻘﻪ
ﻭﻧﺤﻦ ﺷﻠﻨﺎ ﺳﻤﺎﺕ ﺍﻟﺸﻤﺎﻝ
ﻭﻛﻞ ﻣﻼﻣﺢ ﻫﺎ ﺍﻟﻤﻨﻄﻘﺔ
ﺍﺳﻌﻴﺘﻰ ﺍﻟﺤﺎﺿﺮ ﺗﻠﻴﺪ
ﻭﻟﻴﻨﺎ ﻋﺰ ﻭﺍﻣﺠﺎﺩ ﺳﺎﺑﻘﺔ
ﻣﺮﻭﻯ ﻳﺎﻫﺎ ﺍﻻﻡ ﺍﻟﺮﺅﻭﻡ
ﺩﺍﺋﻤﺎ ﻭﺿﺎﺀ ﻭﻣﺸﺮﻗﻪ
ﻗﺒﻠﺔ ﺍﻻﻧﻈﺎﺭ ﻣﻦ ﺯﻣﺎﻥ
ﻣﺎﻓﻰ ﺟﻴﻼ ﻗﺎﻡ ﻣﺎﻟﻘﻰ
ﺍﻻ ﻓﻴﻬﺎ ﺍﻟﻌﺰ ﺍﻟﻌﺰﻳﺰ
ﻭﺍﻟﺸﻤﺎﻝ ﺑﻤﺮﻭﻯ ﺍﺭﺗﻘﺎﺀ
)) (( 7
ﻧﻮﺭﻯ ﻣﺤﺮﻳﺔ ﻋﻠﻰ ﺍﻟﺪﻭﺍﻡ
ﻭﻧﻮﺭﻯ ﺩﺍﺋﻤﺎ ﻣﻮﺿﻊ ﺛﻘﺔ
ﻓﻴﻬﺎ ﻃﺎﻕ ﺍﻟﺤﺲ ﻗﺮﻗﺮﺍﺏ
ﻗﺮﻗﺮﺍﺑﺎ ﺟﺎﻯ ﻳﺸﺮﻗﻪ
ﻣﻮﻗﺪﺓ ﻧﺎﺭ ﻗﺮﺁﻧﻪ ﺍﻟﻒ ﻋﺎﻡ
ﻻ ﻫﺒﻮﺏ ﻻ ﻫﻮﺍﺀ ﺑﻘﺒﻘﻪ
ﻧﻮﺭﻯ ﺟﺎﻣﻊ ﻭﺧﻠﻮﻩ ﻭﻣﺴﻴﺪ
ﻭﺍﻟﻠﻪ ﻣﻦ ﺍﻟﻨﺎﺭ ﻳﻌﺘﻘﻪ
ﺍﻏﺸﻰ ﻓﻰ ﺍﻟﺴﻘﺎﻯ ﻭﺍﻟﺪﻭﻳﻢ
ﻧﻔﺴﻰ ﺍﻫﺪﻳﻬﺎ ﻭﺍﺭﻭﻗﻪ
ﺍﻟﺼﻼﺡ ﻫﺎﺑﻰ ﻣﻦ ﺍﻟﻘﺒﺐ
ﺭﻭﺣﻰ ﻣﻦ ﺭﻳﺤﺘﻮ ﺍﻋﺒﻘﻪ
ﻭﺗﺎﻧﻰ ﺍﺻﺪ ﻣﺮﻭﻯ ﺍﺟﻴﻬﺎ ﺻﺎﺩ
ﻳﺎﻫﺎ ﺍﻣﻰ ﺍﻻﻧﺎ ﺑﻌﺸﻘﻪ
ﺟﺎﺭﻯ ﺧﻮﺭ ﺍﺑﻮﺩﻭﻡ ﻣﻦ ﺯﻣﺎﻥ
ﺿﺎﺭﺑﻪ ﺍﻣﻮﺍﺟﻮ ﺍﻟﻼﺷﻘﻪ
ﻳﺴﻘﻰ ﺗﺎﻻ ﺍﻟﺨﻼﺀ ﻭﺍﻟﺠﺮﻭﻑ
ﻳﺪﻟﻖ ﺍﻟﻤﻮﻳﺔ ﻳﺪﻓﻘﻪ
ﺑﻴﻨﻮ ﺑﻴﻦ ﺍﻟﻨﻴﻞ ﻭﺩ ﻗﺪﻳﻢ
ﻓﻰ ﺳﻮﺍﻟﻴﺘﻮ ﺍﻟﺴﺎﺳﻘﻪ
)) (( 8
ﻓﻰ ﺍﻟﺪﺑﻴﺒﺔ ﻭﻓﺘﻨﺔ ﺍﻧﺒﺴﺎﻁ
ﺑﺎﻟﺤﻴﺎﺓ ﺍﻟﻤﺎﻫﺎ ﻣﺠﻮﺑﻘﻪ
ﻧﺎﺱ ﻛﻼﻣﻪ ﻣﻘﻔﻰ ﻭﺷﻌﺮ
ﻭﻋﻨﺪﻫﻢ ﻣﻘﺪﺭﺓ ﻓﺎﺋﻘﺔ
ﻭﻳﺎﻫﺎ ﺗﻨﻘﺎﺳﻰ ﺍﻟﻤﻦ ﺯﻣﺎﻥ
ﺣﻜﻤﺔ ﺍﻟﻠﻪ ﺍﻟﺨﺎﻟﻘﻪ
ﺍﻻﺻﺎﻟﺔ ﺍﻟﺠﻮﺩ ﻭﺍﻟﻜﺮﻡ
ﻳﻮﺕ ﺳﻜﺎﻛﻴﻨﺔ ﻣﻄﺮﻗﻪ
ﻭﻳﺎﻗﺮﻳﺮ ﺍﻻﺭﺽ ﺍﻟﻘﺮﻳﺮ
ﻭﺍﻻﺭﺽ ﺧﺼﺒﺔ ﻣﺸﻘﻘﻪ
ﺑﺘﻘﺖ ﺍﺷﻌﺎﺭ ﻭﺍﻏﻨﻴﺎﺕ
ﺍﻟﻨﻘﻰ ﻣﺒﺴﻮﻁ ﻧﻘﻨﻘﻪ
ﺷﻴﺨﻨﺎ ﺷﻲ ﻟﻠﻪ ﻳﺎ ﺣﺴﻦ
ﺍﻟﻘﻮﺍﻓﻰ ﺍﻧﺠﺪﻩ ﻭﺍﻟﺤﻘﻪ
ﺷﻴﺦ ﻭﻋﻤﺪﺓ ﺷﻮﻳﺎﺕ ﻋﻠﻴﻚ
ﻳﺎ ﺍﻻﻣﺎﻡ ﺍﻟﺪﺍﺑﻰ ﺍﻻﻏﺎ
ﻣﻨﻮ ﺷﻠﻨﺎ ﻃﺮﻳﻘﺔ ﺍﻟﺸﻌﺮ
ﻭﺍﻟﻄﺮﻳﻘﺔ ﺍﻟﻜﺎﻥ ﻃﺎﺭﻗﻪ
9)) ((
ﻟﻠﺼﻼﺡ ﺍﻟﻔﻮﻗﻮ ﺍﻟﺼﻼﺡ
ﻭﺍﻟﻨﻔﻮﺱ ﺻﺎﻓﻰ ﻭﺻﺎﺩﻗﻪ
ﻓﻰ ﺧﻼﻭﻯ ﺍﻟﺸﻴﺦ ﺍﻟﻌﻮﺽ
ﻧﻔﺴﻰ ﺗﺴﺒﻘﻨﻰ ﻭﺍﺳﺒﻘﻪ
ﻓﻰ ﺟﻨﺎﺋﻦ ﺍﻣﺮﻯ ﺍﻟﺠﺪﻳﺪﺓ
ﺍﻟﺸﺘﻮﻝ ﺻﻔﺮ ﻣﺸﺮﻗﻪ
ﺍﻭﺳﻠﻰ ﻣﺴﺎﻭﻯ ﺍﻗﺎﻟﺪﻥ
ﺍﻟﺪﻣﻮﻉ ﺍﻻ ﺍﻣﺮﺗﻘﻪ
ﺩﻳﻚ ﺳﺮﺍﻳﺎ ﺍﻟﺴﻴَّﺪ ﻋﻠﻲ
ﻋﺎﻟﻰ ﻓﻮﻕ ﻣﺮﻓﻮﻉ ﺑِﻴﺮَﻗَﺔ
ﺍﻃﺮﺍﻩ ﻋﺰ ﺍﻟﻌﺰ ﺍﻟﻘﺒﻴﻞ
ﻋﺰ ﻣﻬﻴﺮﻩ ﻭﺍﻟﻤﻌﺎﺭﻙ ﻭﺧﻨﺎﺩﻗﻪ
ﻭﺩﺍﻭﻯ ﺻﻮﺗﻮ ﺻﻠﻴﻞ ﺍﻟﺴﻴﻮﻑ
ﻭﺍﻟﻤﺪﺍﻓﻊ ﻭﺑﻨﺎﺩﻗﻪ
ﻫﻰ ﻣﻌﺮﻛﺔ ﻛﻮﺭﺗﻰ ﺑﺘﺘﻨﺴﻰ
ﺣﻴﺔ ﺟﻮﺍﻧﺎ ﺣﻘﺎﺋﻘﻪ
ﻛﻮﺭﺗﻰ ﻧﺎﻟﺖ ﻗﺼﺐ ﺍﻟﺴﺒﻖ
ﻭﺍﺭﻓﻊ ﺍﻻﻭﺳﻤﺔ ﻓﻰ ﺍﻟﻮﻏﻰ
ﻭﺗﻈﻬﺮ ﺍﻟﺒﺎﺳﺎ ﻭﻣﻦ ﺑﻌﻴﺪ
ﺗﻈﻬﺮ ﺍﺷﺠﺎﺭﻩ ﺍﻟﺒﺎﺳﻘﻪ
ﻭﻓﻰ ﺍﻟﻐﺮﻳﺒﺔ ﺍﻧﺎ ﻣﻮ ﺯﻭﻝ ﻏﺮﻳﺐ
ﺍﻟﻌﻼﻗﺔ ﺍﻟﺪﻡ ﺟﺮﺗﻘﻪ
)) ((10
ﻓﻴﻬﺎ ﻣﻨﺼﻮﺭﻛﺘﻰ ﺍﺗﻤﻬﻞ
ﻓﻰ ﻃﺮﻳﻘﻰ ﺍﻟﻰ ﺍﻟﻤﻠﺘﻘﻰ
ﻭﻓﻰ ﺍﻟﺸﻤﺎﻝ ﺍﻧﺎ ﻣﻬﻤﺎ ﺍﻗﻮﻝ
ﻭﻟﻮ ﻛﺘﺒﺖ ﺍﻟﻒ ﻣﻌﻠﻘﻪ
ﻭﻓﻮﻕ ﻋﻮﺍﻟﻰ ﺍﻟﺸﻴﺦ ﺍﻟﻬﺪﻯ
ﻓﻮﻕ ﺑﻴﺎﺽ ﺷﻴﺨﻨﺎ ﺍﻋﻠﻘﻪ
ﻣﺘﻞ ﺍﻛﻨﻰ ﻭﻻ ﻗﻠﺖ ﺷﻰﺀ
ﻣﻦ ﺍﻣﺎﻧﻰ ﻣﻨﺎﻯ ﺍﻧﻄﻘﻪ
ﻭﻳﺎﻫﻮ ﺣﺎﻟﻦ ﺍﻫﻞ ﺍﻟﺸﻤﺎﻝ
ﺟﻴﺮﺓ ﺭﺑﻨﺎ ﻣﺎﻳﻔﺮﻗﻪ
ﺣﻠﻔﺎ ﻭﺍﻟﺴﻜﻮﺕ ﻭﺍﻟﻤﺤﺲ
ﻭﺍﻟﺪﻧﺎﻗﻠﺔ ﺍﻟﺴﺮﻭﺭﺍﺏ .. ﺑﺪﻳﺮﻳﻪ .. ﺷﻮﺍﻳﻘﻪ
ﻭﺍﻟﻬﻮﺍﻭﻳﺮﺍﻟﻤﻨﺎﺹﻳﺮ ﺍﻟﺮﺑﺎﻃﺎﺏ
ﻭﺍﻭﻻﺩ ﺟﻌﻞ ﺍﻟﻘﺒﺎﺋﻞ ﻓﻰ ﺑﻮﺗﻘﻪ
ﻭﻧﺤﻦ ﻣﻮ ﺟﻴﺮﺍﻥ ﻧﺤﻦ ﺍﻫﻞ
ﻭﻓﻰ ﺍﻻﻫﻞ ﺍﺧﻮﺍﻥ ﺍﺷﻘﺎﺀ
ﺻﺎﻓﻴﺔ ﺻﺎﻓﻴﺔ ﺍﻟﻨﻴﺔ ﺑﻴﻀﺎﺀ
ﻣﺎﻓﻰ ﺯﻭﻻ ﻧﻴﺘﻮ ﺯﺭﻗﺎﺀ
ﻭﻓﻰ ﻗﻠﻮﺑﻨﺎ ﻧﺸﻴﻠﻮ ﺍﻟﺸﻤﺎﻝ
ﺯﻯ ﻣﺎ ﺷﺎﻳﻼﻧﺎ ﺍﻟﻤﻨﻄﻘﺔ