ﺃﻧﺖ ﻟﻤﺎ ﺧﻼﺹ ﻛﺒﺮﺕ ﺩﺍﻳﺮ ﺗﺴﻴﺒﻨﻰ ﺍﻋﻴﺶ ﺑﺮﺍﻳﺎ
ﺩﺍﻳﺮ ﺗﻔﺎﺭﻗﻨﻰ ﻭﺗﻬﺎﺟﺮ ﻭﺍﻟﺤﺰﻥ ﻳﺼﺒﺢ ﺟﺰﺍﻳﺎ
ﻛﻴﻒ ﻳﻬﻮﻥ ﻟﻚ ﺗﺤﺰﻥ ﺃﻣﻚ ﺷﺎﻥ ﺗﺤﻘﻖ ﻟﻴﻚ ﻏﺎﻳﺎ
ﻛﺎﻥ ﻣﺴﺎﻓﺮ ﻋﺸﺎﻥ ﻋﻼﺟﻰ ﺑﻠﻘﻰ ﻓﻰ ﺷﻮﻓﺘﻚ ﺩﻭﺍﻳﺎ
ﻭﻛﺎﻥ ﻋﺸﺎﻥ ﺗﺴﻘﻴﻨﺎ ﻣﺎﻟﻚ ﻧﺤﻦ ﺑﻰ ﺣﻨﻚ ﺭﻭﺍﻳﺎ
ﻛﺎﻥ ﻋﺸﺎﻥ ﻛﺮﻋﻴﻨﺎ ﺭﺍﺣﻞ ﻧﺤﻦ ﺑﻰ ﺑﻌﺪﻙ ﺣﻔﺎﻳﺎ
ﻛﺎﻥ ﻣﻬﺎﺟﺮ ﻋﺸﺎﻥ ﺗﻌﺮﺱ ﺧﻴﺮ ﺃﺑﻮﻙ ﻣﺎﻟﻰ ﺍﻟﺘﻜﺎﻳﺎ
ﻭﺧﻴﺮﻭ ﻭﺍﻓﺮ ﺍﺑﻮﻙ ﻳﺤﻤﺪﻭ ﻣﺮﺍﺣﻮ ﻣﻠﻴﺎﻥ ﺑﺎﻟﺴﻌﺎﻳﺎ
ﻭﺑﺎﻟﻘﺮﻭﺵ ﺍﻟﺠﻴﺐ ﻣﺠﻜﻦ ﻭﻟﺴﻊ ﺑﺮﺿﻮ ﺍﻟﺠﺎﻳﺎ ﺟﺎﻳﺎ
******
ﺑﺮﺿﻮ ﻣﻨﻚ ﻣﺎ ﺑﻘﺼﺮ ﺑﺤﻔﺮ ﺃﺩﻳﻚ ﺍﻟﻤﻌﺎﻳﺎ
ﻛﺎﻥ ﺩﻩ ﻛﻠﻮ ﻛﻤﺎﻥ ﺷﻮﻱ ﺑﺘﻠﻘﻰ ﻓﻰ ﺩﻫﺒﻰ ﺍﻟﻜﻔﺎﻳﻪ
ﺍﺻﻠﻰ ﻣﻦ ﺳﻮﻳﺘﻮ ﻧﺎﺫﺭﻩ ﻳﺒﻘﻰ ﻟﻰ ﺍﻳﺎﻡ ﻗﺴﺎﻳﺎ
ﺧﺎﺗﺎ ﻟﻠﺰﻣﻦ ﺍﻟﺒﻌﺎﻧﺪ ﻟﻰ ﺳﻌﺎﺗﻚ ﻳﺎ ﻋﺸﺎﻳﺎ
ﺃﻧﺖ ﻣﻦ ﺷﺒﻴﺖ ﺻﻐﻴﺮ ﺭﺍﺳﻲ ﻣﺎ ﺑﺘﺤﺘﺎﺝ ﻭﺻﺎﻳﺎ
ﻣﺎ ﺣﺼﻞ ﺧﻴﺒﺘﺎ ﻇﻨﻲ ﻭﻻ ﻓﺸﻞ ﻓﻴﻚ ﺯﻳﻦ ﻏﻨﺎﻳﺎ
ﻻﺗﺴﻴﺐ ﺃﻣﻚ ﺗﻬﺎﺟﺮ ﻳﻤﻪ ﻣﺤﺘﺎﺟﻲ ﺍﻟﺤﻤﺎﻳﺎ
******
ﻻﺗﺴﻴﺒﻨﻰ ﻭﺭﺍﻙ ﺗﺮﺣﻞ ﺍﻧﺖ ﻳﺎﻙ ﺿﻠﻰ ﻭﺿﺮﺍﻳﺎ
ﺃﻧﺖ ﻓﻮﻕ ﺍﻟﺤﻮﺑﺔ ﻣﻘﻨﻊ ﺍﻧﺖ ﻟﻠﻤﻜﺸﻮﻑ ﻏﻄﺎﻳﺎ
ﺩﺍﻳﺮﻱ ﻣﻨﻚ ﺗﺒﻘﻰ ﺟﻨﺒﻲ . ﺟﻨﺒﻲ ﻓﻰ ﻓﺮﺣﻰ ﻭﻓﻰ ﺑﻼﻳﺎ
ﺩﺍﻳﺮﻱ ﻛﺎﻥ ﻗﺤﻴﺖ ﺍﺗﺒﻨﻚ ﺍﺭﻓﻊ ﺍﻗﺴﻤﻠﻚ ﻏﺘﺎﻳﺎ
ﺃﻧﺖ ﺳﺎﻋﺔ ﺗﺒﻘﻲ ﺟﻨﺒﻲ ﺗﺒﻘﻲ ﺿﻠﻲ ﻭﺗﻮﺏ ﻗﻔﺎﻳﺎ
ﻭﻣﺎ ﺑﺨﺎﻑ ﻇﻠﻢ ﺍﻟﻠﻴﺎﻟﻲ ﻭﺃﻧﺖ ﻳﺎﻙ ﻋﻜﺎﺯ ﻋﻤﺎﻳﺎ
******
ﺩﺍﻳﺮﻱ ﺃﻗﻀﻰ ﻋﻤﻴﺮﻱ ﺟﻨﺒﻚ ﺃﺻﻠﻮ ﻗﺎﺭﺏ ﻟﻠﻨﻬﺎﻳﺎ
ﺧﺎﻳﻔﻲ ﻛﺎﻥ ﺳﺎﻓﺮﺗﺎ ﺗﺮﺟﻊ ﺗﻠﻘﻲ ﻓﺎﺿﻲ ﺍﻟﺒﻴﺖ ﺑﻼﻳﺎ
ﺣﻴﻨﺎ ﻣﺎ ﺑﺘﻨﻔﻊ ﻗﺮﻭﺷﻚ ﻭﻣﺎ ﺗﺠﻴﺐ ﻟﻚ ﺃﻡ ﺳﻮﺍﻳﺎ
ﻣﺎﻧﻲ ﻋﺎﺭﻓﻲ ﺳﺒﺐ ﺭﺣﻴﻠﻚ ﻳﺎ ﻭﻟﻴﺪﻱ ﺷﻨﻮ ﺍﻟﺤﻜﺎﻳﺔ
ﺍﻻ ﺗﺒﻘﻲ ﺑﺮﺍﻙ ﺷﺎﻳﻒ ﻓﻲ ﻓﺮﺍﻕ ﺍﻟﻮﺍﻟﺪﺓ ﻏﺎﻳﻪ
ﻣﺎ ﺑﻌﺎﺗﺒﻚ ﻭﻣﺎ ﺑﻠﻮﻣﻚ ﻟﻮ ﺭﺣﻠﺖ ﺑﻠﻘﻲ ﻓﻲ ﺍﻷﻣﺜﺎﻝ ﻋﺬﺍﻳﺎ
ﻋﻠﻲ ﺣﺠﺮ ﺩﺍﻳﻤﺎ ﻗﻠﻴﺒﻚ ﻭﻗﻠﻴﺒﻲ ﻛﻠﻮ ﻋﻠﻴﻚ ﺟﻨﺎﻳﺎ