ﻫﻨﺎﺀ ﻧﺎﺩﺭ ﻣﺤﻤﺪ
ﺍﻟﺤﺮﻭﻑ ﻣﻜﺘﻈﺔ ﺗﻜﺘﺐ
ﻏﻴﻢ ﺩﻣﻮﻋﻲ ﺍﻟﺒﺎﻗﻲ ﺩﻓّﺎﻕ
ﺍﻟﻔﺆﺍﺩ ﻓﻲ ﺣﺴﺮﺓ ﻧﺎﺩﻡ
ﺷﻮﻗﻲ ﻟﻴﻚ ﻭﺣﻨﻴﻨﻲ ﻣﺎ ﺭﺍﻕ
ﺍﻟﺰﻣﻦ ﻳﺎﺭﻳﺘﻮ ﻳﺮﺟﻊ
ﻭﺑﺎﺏ ﻟﻘﺎﻙ ﻳﺎ ﺭﻳﺘﻮ ﻃﺮّﺍﻕ
ﻫﻮ ﺍﻟﻔﺆﺍﺩ ﺍﻟﺨﺎﺳﺮ ﺍﻟﻴﻮﻡ
ﺣﺒﻲ ﻟﻴﻚ ﺍﻟﻠﺴﺔ ﻣﺎ ﺿﺎﻕ
ﻛﻨﺖ ﻓﺎﻛﺮﺓ ﺍﻟﺪﻧﻴﺎ ﺑﺘﺠﻮﺩ
ﻛﻨﺖ ﺻﻤﺎﺍ ﻭﻋﻴﻨﻲ ﻋﻤﻴﺎﺀ
ﺑﺲ ﻃﻠﻊ ﻫﻮ ﻓﺆﺍﺩﻱ ﻣﺤﺴﻮﺭ
ﻭﺗﺎﻧﻲ ﺣﺒﻚ ﻣﺎ ﻫﻮ ﻟﻴﺎ
ﺿﻘﺖ ﺩﻭﻧﻚ ﻭﺟﻌﺔ ﺍﻟﺒﻴﻦ
ﻓﻲ ﺍﻟﻌﺬﺍﺏ ﻳﻜﻮﻳﻨﻲ ﻛﻴﺎ
ﻭﻳﺎ ﺣﺒﻴﺐ ﺍﻧﺎ ﺁﺳﻔﺔ ﺑﺎﻟﺤﻴﻞ
ﻭﺩﻭﻥ ﻫﻮﺍﻙ ﺍﻧﺎ ﻛﻴﻒ ﺡ ﺍﺣﻴﺎ ! ؟
ﻗﻠﺒﻲ ﻫﻮ ﺍﻟﻤﻔﺘﻮﻥ ﻓﻲ ﺣﺒﻚ
ﻗﻠﺒﻲ ﻣﻐﻤﻮﻡ ﻟﺴﻪ ﻣﺎ ﻓﺎﻕ
ﻳﺎ ﺟﻤﻴﻞ ﻳﺎ ﺍﺣﻠﻰ ﻣﺮﻳﻮﺩ
ﺳﻜﺮﺍً ﻓﻲ ﺍﻟﺤﻠﻖ ﻋﺸﺮﺍﻕ
ﻳﻮﻣﻲ ﺍﻇﻠﻢ ﻭﻟﻴﻠﻲ ﺳﻮّﺩ
ﻭﻧﻮﺭ ﻓﺠﺮﻧﺎ ﺍﻟﻤﺎ ﻫﻮ ﺷﺮّﺍﻕ
ﺍﻟﻀﻤﻴﺮ ﺍﻟﻠﻴﻠﺔ ﻧﺎﺩﻡ
ﻭﺍﻟﻔﺆﺍﺩ ﻟﻠﺒﺮﻛﺔ ﻣﺤّﺎﻕ
ﺍﻧﺎ ﺑﺮﺍﻳﺎ ﻋﻤﻠﺘﻬﻮ ﺍﻟﺒﻴﻦ
ﺍﻧﺎ ﺑﺮﺍﻳﺎ ﺍﻛﻠﺘﻬﻮ ﺍﻟﻨﻢ
ﻳﺎ ﻓﺆﺍﺩ ﺑﺎﻟﻮﺟﻌﺔ ﺣﺴﻴﺖ
ﻛﻨﺖ ﺭﺍﻓﻊ ﺍﻟﺮﺍﺱ ﻫﻮ ﻓﻮﻕ ﻛﻢ
ﺍﻧﺎ ﺑﺮﺍﻳﺎ ﺍﻟﻀﻘﺘﻬﻮ ﺍﻟﻮﻳﻞ
ﺑﺎﻗﻲ ﻟﻲ ﺣﻨﻈﻞ ﻭﻋﻠﻘﻢ
ﻳﺎ ﺣﺮﻭﻑ ﻳﺎﺥ ﺑَﺮِّﺩِﻱ ﺍﻟﺸﻮﻕ
ﻭﺍﺑﻘﻲ ﻟﻲ ﺁﻫﺎﺗﻲ ﺑﻠﺴﻢ
ﻳﺎﻛﺎ ﺍﺷﺒﻪ ﺑﺎﻟﻶﻟﻲ
ﻭﻳﺎﻛﺎ ﺍﺟﻤﻞ ﻃﻴﻒ ﻏﺸﺎﻧﺎ
ﺍﻏﻠﻰ ﻣﻦ ﻋﻴﻨﻲ ﻳﺎ ﻏﺎﻟﻲ
ﻭﺩﺍﻙ ﻫﻮﺍﻙ ﺍﻟﻠﻴﻠﺔ ﺟﺎﻧﺎ
ﻭﺟﻌﺔ ﺍﻟﺸﻮﻕ ﻓﻲ ﺍﻟﺪﻭﺍﺧﻞ
ﻭﻭﺟﻌﺔ ﺍﻟﻬﻢ ﺍﻟﻄﻮﺍﻧﺎ
ﻗﻠﺒﻲ ﻫﻮ ﺑﺎﻟﻌﺒﺮﺓ ﻣﺨﻨﻮﻕ
ﻭﻳﺎﻫﻮ ﻓﻲ ﺍﻻﺧﺮ ﺑﻜﺎﻧﺎ
ﺍﻟﺒﺪﺍﻳﺎﺕ ﻭﺍﻟﻨﻬﺎﻳﺎﺕ
ﻭﺍﻟﺘﻔﺎﺻﻴﻞ ﺣﺎﻓﻈﻦ ﺻﻢ
ﺍﻟﺨﻄﺎﺑﺎﺕ ﻭﺍﻟﺤﻜﺎﻳﺎﺕ
ﻗﻠﺒﻲ ﻟﻴﻚ ﻣﺮﻫﻮﻥ ﻭﺍﺑﻜﻢ
ﻧﺠﻤﺔ ﺍﻟﻠﻴﻞ ﺷﺎﻣﺘﺔ ﻓﻮﻗﻲ
ﻭﺑﺪﺭﻱ ﻏﺎﺏ ﻋﻦ ﻋﻴﻨﻲ ﺣﺮّﻡ
ﻣﺎ ﺑﻴﻄﻠﻊ ﺍﻻ ﻣﺎ ﻳﻜﻮﻥ
ﻋﺸﻘﻚ ﺍﻟﻠﻲ ﺭﻭﺣﻲ ﻫﻮ ﺩﻣﺪﻡ
ﺍﻛﺘﺸﻔﺖ ﻓﺆﺍﺩﻱ ﻣﻜﺒﻮﻝ
ﻓﻲ ﻫﻮﺍﻙ ﻭﻓﻲ ﻏﺮﺍﻣﻚ
ﺩﺍﺏ ﻋﺮﻓﺖ ﻭﺩﺍﺑﻲ ﺣﺴﻴﺖ
ﻣﺎﻓﻲ ﺯﻱ ﺭﻗﺔ ﻛﻼﻣﻚ
ﺍﻟﺤﻤﺎﻡ ﻟﻲ ﺣﺎﻟﻲ ﺣﻦّ
ﻭﺍﻟﻨﺴﻴﻢ ﺍﺭﺳﻞ ﺟﻤﺎﻟﻚ
ﻳﺎﺧﻲ ﻳﺎﺭﻳﺖ ﻟﻮ ﺑﻴﺮﺟﻊ
ﻟﻲ ﻭﺻﺎﻟﻚ ﻭﻟﻲ ﻣﻨﺎﻟﻚ
ﺑﻴﻦ ﺍﺣﺰﺍﻥ ﺍﻟﻤﻮﺍﺟﻊ
ﻋﻴﻨﻲ ﺑﺪﻝ ﺍﻟﺪﻣﻊ ﻛﺎﻥ ﺩﻡ
ﺭﻭﺣﻲ ﻫﻲ ﺍﻻﺧﺘﺎﺭﺕ ﺍﻟﺒﻴﻦ
ﺭﻭﺣﻲ ﺩﺑﻠﺖ ﺻﺎﺑﻬﺎ ﺍﻟﻬﻢ
ﻛﻴﻒ ﻫﻲ ﺗﻌﺸﻖ ﻓﺮﻗﺔ ﻭﺑﻌﺎﺩ
ﻟﻠﺠﻤﻴﻞ ﺍﻟﺒﺸﺒﻪ ﺍﻟﻨﺠﻢ
ﻭﺍﻟﻌﺸﻖ ﻳﺎ ﻏﺎﻟﻲ ﻟﻴﻚ ﺩﺍﻡ
ﻗﻠﺒﻲ ﻟﻲ ﺍﺣﺰﺍﻧﻲ ﻟﻤﻠﻢ
ﻛﺎﻥ ﺗﺸﻮﻑ ﻳﺎ ﻏﺎﻟﻲ ﻋﻴﻨﻲ
ﻭﻛﻴﻔﻮ ﺃﻟﻢ ﺍﻟﻔﺮﻗﺔ ﺣﻞَّ
ﻭﻛﺎﻥ ﺗﺸﻮﻑ ﺍﻟﺼﺒﺮ ﻣﻌﺪﻭﻡ
ﻭﺻﺒﺮﻱ ﻗﻮﻟﺘﻲ ﺩﻱ ﻗﺴﻤﺔ ﺍﻟﻠﻪ
ﻭﻣﻨﻴﺔ ﻳﺎ ﻋﻴﻨﻲ ﻓﺆﺍﺩﻱ
ﺗﺴﻌﺪ ﺍﻟﺴﻌﺪ ﺍﻟﻤُﺤﻠﻰ
ﻭﻧﻠﻘﻰ ﻋﻨﺪ ﺍﻟﺠﻨﻪ ﻣﻮﻋﺪ
ﻳﺎ ﺣﺒﻴﺐ ﻭﺩﻋﺘﻚ ﺍﻟﻠﻪ
ﻭﻳﺎ ﺣﺒﻴﺐ ﻭﺩﻋﺘﻚ ﺍﻟﻠﻪ