ﻣﻤﻜﻦ ﺗﻘﺘﻞ ﺯﻭﻝ ﺑﺮﺍﺣﻪ
.
ﻣﻦ ﻏﻴﺮ ﻣﺎ ﺗﺘﺤﺎﻛﻢ ﺯﺍﺗﻮ
.
ﻭﻣﻤﻜﻦ ﺗﺴﺮﻕ ﻗﻠﺒﻮ ﺗﺒﻴﻌﻮ
.
ﻭﺗﻤﺸﻲ ﺗﻠﺨﺒﻂ ﻟﻴﻮ ﺩﻗﺎﺗﻮ
.
ﻭﻣﻤﻜﻦ ﺯﻭﻝ ﻳﻬﻮﺍﻙ ﻭﺗﺨﻮﻧﻮ
.
ﻭﺟﺮﺣﻚ ﻳﺼﺒﺢ ﻟﻴﻮ ﻣﺄﺳﺎﺗﻮ
.
ﻭ ﻳﻔﻀﻞ ﻏﺼﺒﺂ ﻋﻨﻮ ﺑﺮﻳﺪﻙ
.
ﻻﻧﻚ ﺭﻭﺣﻮ ﻭ ﻣﻌﻨﻲ ﺣﻴﺎﺗﻮ
.
ﻭﺑﺮﺿﻮ ﺑﺪﻝ ﻡ ﺗﻮﻓﻲ ﻭﺗﺨﻠﺺ
.
ﺗﻤﺸﻲ ﺗﻔﺘﺶ ﻓﻲ ﻏﻠﻄﺎﺗﻮ
.
ﻋﺸﺎﻥ ﺑﺲ ﺗﺜﺒﺖ ﺇﻧﻮ ﺑﺨﻮﻧﻚ
.
ﻭ ﻳﺒﻘﻲ ﺿﻤﻴﺮﻙ ﻓﺮﺻﻪ ﻭﺟﺎﺗﻮ
.
ﺇﻧـﻮ ﻳـﺮﻳـﺢ ﻧـﻔـﺴـﻮ ﺷﻮﻳﻪ
.
ﻣﻦ ﺗﺄﻧـﻴـﺒـﻮ ﻭﻣـﻦ ﺍﻧﺎﺗﻮ
.
ﻭﻳﻜﻮﻥ ﻋﺎﺭﻑ ﺍﻧﻚ ﺧﺎﻳﻦ
.
ﻗﻠﺒﻚ ﻇﺎﻫﺮﻩ ﺷﺪﻳﺪ ﺑﺼﻤﺎﺗﻮ
.
ﻭﻟﻤﻦ ﻋﻴﻨﻚ ﺗﺠﻲ ﻓﻲ ﻋﻴﻨﻮ
.
ﺇﻧﺖ ﺑﺘﺨﺠﻞ ﻣﻦ ﻧﻈﺮﺍﺗﻮ
.
ﺍﻛﺘﺮ ﺣﺎﺟﻪ ﺑﺘﻘﺘﻞ ﺇﻧﻚ
.
ﺗﻠﻘﺎﻫﻮ ﺷﺎﻳﻠﻚ ﻓﻲ ﺣﺪﻗﺎﺗﻮ
.
ﺇﻧﺖ ﺗﺨﻮﻧﻮ ﻭ ﻫﻮﺍ ﻳﺼﻮﻧﻚ
.
ﻳﺎﺧﻲ ﺩﻱ ﺣﺎﺟﻪ ﺗﺤﻴﺮ ﺯﺍﺗﻮ
.
ﺣﺎﺟﻪ ﺗﺨﻠﻲ ﺍﻟﻮﺍﺣﺪ ﻳﻜﺮﻩ
.
ﻣﻌﻨﻲ ﺍﻟﺮﻳﺪ ﻓﻲ ﻛﻞ ﺣﺎﻻﺗﻮ
.
ﻟﻮ ﻛﺎﻥ ﺻﺎﺩﻕ ﻭﻻ ﻣﺰﻳﻒ
.
ﺍﺻﻠﻮ ﺍﻟﺤﺐ ﻣﺘﻨﺎﻗﻀﻪ ﺻﻔﺎﺗﻮ