ﻭﺍﻗﻊ _ ﺃﺳﺮﺓ 1
ﺑﻘﻠﻢ : ﻧﻌﻤﺔﺧﻀﺮ & ﻧﻎﻡ ﺍﻟﻔﺎﺗﺢ
ﻋﺎﻳﻨﻲ ﻱ ﺍﺧﺖ ﺍﻟﺸﺎﻱ ﺩﺍ ﺳﻜﺮﻭ ﻛﺘﻴﺮ ﺍﻧﺎ ﻡ . ﻋﺎﻳﺰﻭ ﻛﺪﻩ ﺩﻓﻘﻴﻬﻮ ﻭﺟﻴﺒﻲ ﻭﺍﺣﺪ ﻏﻴﺮﻭ؛؛؛؛ ﻗﻠﺖ ﻟﻴﻬﻮ ﺣﺎﺿﺮ ﻭﻣﺸﻴﺖ ﻋﻤﻠﺖ ﻟﻴﻬﻮ ﺷﺎﻱ ﺗﺎﻧﻲ ﻭﺟﺒﺘﻮ ﻟﻴﻬﻮ ﻗﺎﻝ ﻟﻲ ﻡ ﻋﺎﻳﺰﻭ ﺑﺮﺩ؛؛؛ ﻡ ﻗﺪﺭﺕ ﺍﺳﺘﺤﻤﻞ ﻗﻠﺖ ﻟﻴﻬﻮ ﻣﺸﻜﻠﺘﻚ ﺷﻨﻮ ﺍﻧﺖ ﻋﺎﻳﺰ ﺗﺸﺮﺑﻮ ﺃﺷﺮﺑﻮ ﻡ ﻋﺎﻳﺰﻭ ﻡ ﺗﺰﻫﺠﻨﻲ ﻛﻞ ﻣﺮﻩ ﻃﺎﻟﻊ ﺑﺤﺎﺟﺔ ﺗﺎﻧﻲ ﻣﺎﻟﻚ؟ ﻗﺎﻝ ﻟﻲ ﺍﻧﺘﻲ ﻣﺠﺮﺩ ﺳﺖ ﺷﺎﻱ ﺭﺧﻴﺼﻪ ﺑﺘﺮﻓﻌﻲ ﺻﻮﺗﻚ ﻋﻠﻲ ﺑﺎﻟﻄﺮﻳﻘﻪ ﺩﻱ ﺣﻖ ﺍﻻﻛﻞ ﻡ ﻻﻗﻴﻬﻮ ﺍﻧﺎ ﺳﻴﺪ ﺳﻴﺪﻙ ﻳﺒﺖ؛؛؛ ﻗﻠﺖ ﻟﻴﻬﻮ ﺻﺢ ﺍﻧﺎ ﺷﻐﺎﻟﻪ ﺳﺖ ﺷﺎﻱ ﺑﺲ ﻋﻤﺮﻭ ﺍﻟﺸﻐﻞ ﻡ ﻛﺎﻥ ﻋﻴﺐ ﻭﺍﻧﺎ ﻏﺎﻟﻴﻪ ﺷﺪﻳﺪ ﻓﻲ ﻧﻈﺮﻱ ﻡ ﺑﻬﻤﻨﻲ ﺇﺫﺍ ﻛﻨﺖ ﻓﻲ ﻧﻈﺮﻙ ﺭﺧﻴﺼﻪ ﻱ ﺍﺳﺘﺎﺫ ﻭﻣﺸﻴﺖ ﻗﻌﺪﺗﺎ ﻣﺤﻠﻲ ﻭﻫﻮ ﺭﻛﺐ ﻋﺮﺑﻴﺘﻮ ﻭﻃﻠﻊ؛؛؛؛ ﻋﺎﺩﻱ ﺑﺤﺼﻞ ﻣﻌﺎﻧﺎ ﻛﻞ ﺩﺍ ﺍﺣﻨﺎﺍ ﻳﻮﻣﻲ٠ ﺑﻨﻮﺍﺟﻬﻪ ﻣﻴﻪ ﻭﺍﺣﺪ ﺯﻳﻮ ﺑﺲ ﻻﺯﻡ ﻧﺴﺘﺤﻤﻞ ﻻﻧﻮ ﺍﺣﻨﺎ ﻣﺤﺘﺎﺟﻴﻦ ﺍﺳﺘﻐﻔﺮﺗﺎﺍ ﺭﺑﻨﺎ ﻛﺘﻴﺮ ﻭﻗﻠﺖ ﻳﺎﺭﺏ ﺍﺳﺘﺮﻧﺎ ﻭﻡ ﺗﺠﻌﻠﻨﺎ ﻓﻲ ﻳﻮﻡ ﻣﻦ ﺍﻟﻨﺎﺱ
ﻛﺎﺳﺮﻳﻦ ﺍﻟﺨﻮﺍﻃﺮ
..............
ﺍﺳﻤﻲ ﻧﻌﻤﺔ ﻋﻤﺮﻱ 17 ﺳﻨﻪ ﻣﻤﺘﺤﻨﻪ ﺷﻬﺎﺩﻩ ﺳﻮﺩﺍﻧﻴﻪ ﻭﺷﻐﺎﻟﻪ ﺳﺖ ﺷﺎﻱ ﻓﻲ ﺷﺎﺭﻉ ﺍﻟﻨﻴﻞ ‏( ﺭﻏﻢ ﺍﻟﺤﺎﺟﺎﺕ ﺍﻟﺒﺘﺤﺼﻞ ﻓﻴﻬﻮ ﺑﺲ ﻗﻌﺪ ﺍﺳﺘﺤﻤﻞ ﻋﺸﺎﻥ ﺍﻫﻠﻲ ﻭﺭﺑﻨﺎ ﻣﻌﺎﻱ ﻭﺭﺿﺎ ﺍﻣﻲ ﻣﺒﺎﺭﻳﻨﻲ ﻣﺤﻞ ﺍﻣﺸﻲ ‏) ﻋﻨﺪﻱ ﺑﺲ ﻣﺰﻥ ﻭﻣﺎﺯﻥ ﺗﻮﺃﻡ ﻣﻤﺘﺤﻨﻴﻦ ﺗﺎﻣﻦ؛؛؛ ﺍﺑﻮﻱ ﺧﻀﺮ ﺭﺍﺟﻞ ﻗﻮﻱ ﻭﻣﻌﺎﻓﺮ ﻓﻲ ﺍﻟﺤﻴﺎﻩ ﺩﻱ ﻋﻤﺮﻭ 55 ﻛﺎﻥ ﻣﻌﺎﻧﺎ ﻛﻮﻳﺲ ﻟﺤﺪﻱ ﻗﺒﻞ ﺳﻨﻪ ﺑﻌﺪﻫﺎ ﻡ ﻋﺎﺭﻓﻬﻮ ﻣﺸﻰ ﻭﺧﻼﻧﺎﺍ ﻭﻳﻦ ﺑﺲ ﺩﺍﻳﻤﺎ ﺑﺪﻋﻲ ﺭﺑﻨﺎ ﺍﻧﻮ ﻳﻜﻮﻥ ﻛﻮﻳﺲ ؛؛؛ ﺍﻣﻲ ﻣﻨﺎﻝ ﻋﻤﺮﻫﺎ 40 ﺳﻨﻪ ﻋﻨﺪﻫﺎ ﻛﺎﻧﺴﺮ ﻓﻲ ﺍﻟﺜﺪﻱ ‏( ﻣﻔﺮﻭﺽ ﺗﻌﻤﻞ ﻋﻤﻠﻴﻪ ﺑﺲ ﻋﺸﺎﻥ ﻭﺿﻌﻨﺎ ﻡ ﻗﺪﺭﺕ ﺗﻌﻤﻼﺍ ‏) ﺳﺎﻛﻨﻴﻦ ﻓﻲ ﺑﻴﺖ ﻓﻲ ﺍﻣﺒﺪﻩ ﺍﻟﺴﺒﻴﻞ ﺇﺟﺎﺭ ﻭﻫﻮ ﺷﺒﻪ ﺡ ﻳﻘﻊ ﺑﺲ ﺳﺎﺗﺮﻧﺎ ﺍﻟﺤﻤﺪﻟﻠﻪ؛؛؛ﺑﻄﻠﻊ ﺍﻟﺼﺒﺎﺡ ﺍﻣﺸﻲ ﺍﺟﻴﻴﺐ ﺣﺎﺟﺎﺕ ﺍﻟﺒﻴﺖ ﺑﻌﺪﻫﺎ ﺑﻤﺸﻲ ﺍﻟﻤﺪﺭﺳﻪ ﻭﻟﻤﻦ ﺍﺟﻲ ﺭﺍﺟﻌﺔ ﻣﻦ ﺍﻟﻤﺪﺭﺳﻪ ﺑﻤﺸﻲ ﺍﺷﺘﻐﻞ ﻭﺣﺎﻟﻨﺎ ﻣﺴﺘﻮﺭ ﻧﺤﻤﺪ ﺭﺑﻨﺎ ﺍﻧﺎ ﻗﻌﺪ ﺍﻗﺮﺍ ﻭﺍﺻﺮﻑ ﻋﻠﻰ ﺍﻟﺒﻴﺖ ﻭﺑﺸﺮﺡ ﻻﺧﻮﺍﻧﻲ ﺍﻟﺤﺎﺟﺎﺕ ﺍﻟﺼﻌﺒﻪ ﻋﻠﻴﻬﻢ ﻭﺣﻴﺎﺗﻨﺎ ﺣﻠﻮﻩ ﺭﻏﻢ ﺍﻟﺘﻌﺐ ﺍﻟﺤﺎﺻﻞ ﺑﺲ ﻧﻘﻮﻝ ﺍﺣﺴﻦ ﻣﻦ ﻧﺎﺱ ﻛﺘﺎﺭ ﻻﺯﻡ ﻧﺤﻤﺪ ﺭﺑﻨﺎ ﻓﻲ ﻧﺎﺱ ﻡ ﻻﻗﻴﻦ ﻳﺎﻛﻠﻮ ﻭﻻ ﻻﻗﻴﻦ ﻣﻜﺎﻥ ﻳﺴﻜﻨﻮ ﻓﻴﻬﻮ ﺣﺘﻰ ﺍﺑﻮﻱ ﻋﻠﻤﻨﺎ ﻧﻌﺎﻳﻦ ﻟﻼﻗﻠﻪ ﻣﻨﻨﺎ ﻭﻡ ﻧﻌﺎﻳﻦ ﻟﻠﻔﻮﻗﻨﺎ ﺍﺑﺪﺍ ﻭﻡ ﻧﺤﺴﺪ ﺯﻭﻝ ﻋﻠﻰ ﺣﺎﺟﺔ ﻡ ﻋﻨﺪﻧﺎ ﻋﺸﺎﻥ ﺭﺑﻨﺎ ﻳﺒﺎﺭﻙ ﻟﻴﻨﺎ ﺍﻟﻌﻨﺪﻧﺎﺍ؛؛؛
_ ﻗﻌﺪﺗﺎ ﺍﻓﻜﺮ ﻓﻲ ﻛﻼﻡ ﺍﻟﻮﻟﺪ ﻭﻛﻴﻒ ﻫﻮ ﻛﺴﺮ ﺧﺎﻃﺮﻱ ﺑﻜﻠﻤﺘﻮ ﺍﻟﻘﺎﻟﻬﺎﺍ ﺩﻱ ﻧﺴﻰ ﺍﻧﻮ ﺍﻟﻜﻠﻤﺔ ﺍﻟﺴﻴﺌﻪ ﺑﺘﻔﻀﻞ ﻓﻲ ﺍﻟﻘﻠﺐ ﺍﺳﺘﻐﻔﺮﺕ ﻭﻗﻠﺖ ﻟﻨﻔﺴﻲ ﻡ ﻫﻮ ﻋﺎﺩﻱ ﻳﻨﻌﻤﺔ ﻋﺎﺩﻱ ﻳﺎﺗﻮ ﻳﻮﻡ ﺑﺘﺰﻋﻠﻲ ﻣﻦ ﻧﺎﺱ ﻡ ﺑﺘﺴﺘﺎﻫﻞ ﻻﺯﻡ ﻡ ﺗﺮﻛﺰﻱ ﻣﻊ ﺣﺎﺟﺎﺕ ﺯﻱ ﺩﻱ ﻗﻄﻊ ﺗﻔﻜﻴﺮﻱ ﺻﻮﺕ ﺑﺖ ﻗﺎﻟﺖ ﻟﻲ ﻟﻮ ﺳﻤﺤﺘﻲ ﻱ ﺍﺧﺖ ﻣﻤﻜﻦ ﻗﻬﻮﺓ ﻗﻠﺖ ﻟﻴﻬﺎ ﺣﺎﺿﺮ ﺍﺗﻔﻀﻠﻲ ﻛﺎﻧﺖ ﺑﺖ ﺳﻤﺤﻪ ﻋﻤﺮﻫﺎ ﻳﻜﻮﻥ 18 ﻛﺪﻩ ﺟﻤﻴﻠﻪ ﺷﺪﻳﺪ ﻭﺍﺳﻠﻮﺑﻬﺎﺍ ﺭﺍﻗﻲ ﺟﺪﺍً ﻋﻤﻠﺖ ﻟﻴﻬﺎ ﺍﻟﻘﻬﻮﺓ ﻭﺍﺩﻳﺘﻬﺎ ﻟﻴﻬﺎ ﻗﺎﻟﺖ ﻟﻲ ﺗﺴﻠﻤﻲ ﻭﺷﺎﻟﺘﻬﺎ ﻣﻨﻲ؛؛؛ﺭﺟﻌﺖ ﻣﺤﻠﻲ ﻭﺧﻠﻴﺘﻬﺎ ﺑﺘﺸﺮﺏ ﺑﺲ ﻓﺠﺄﺓ ﺍﻟﺒﺖ ﺟﺎﻫﺎ ﺗﻠﻔﻮﻥ ﻭﻗﻌﺪﺕ ﺗﺒﻜﻲ ﻣﺸﻴﺖ ﻟﻴﻬﺎ ﺍﺩﻳﺘﻬﺎ ﻣﻮﻳﻪ ﻭﻓﻀﻠﺖ ﺍﻫﺪﻱ ﻓﻴﻬﺎ ﺑﺲ ﻛﺎﻧﺖ ﺑﺘﺒﻜﻲ ﺑﺤﺮﻗﻪ ﻗﻠﺖ ﻟﻴﻬﺎﺍﺍ ﻣﻌﻠﻴﺶ ﺍﻧﺎ ﺍﺳﻔﻪ ﻋﻠﻰ ﺍﻟﺤﺎﺻﻞ ﻣﻌﺎﻙ ﻟﻮ ﺣﺒﻴﺘﻲ ﻣﻤﻜﻦ ﺗﺤﻜﻲ ﻟﻲ؛؛؛؛ﻗﺎﻟﺖ ﻟﻲ ﺧﻄﻴﺒﻲ ﺍﻧﻔﺼﻞ ﻣﻨﻲ ﻗﺒﻞ ﻣﺪﻩ ﻭﺍﺳﻲ ﺻﺤﺒﻲ ﺍﺗﺼﻞ ﻟﻲ ﻗﺎﻝ ﻟﻲ ﺭﺳﻠﺖ ﻟﻴﻚ ﺻﻮﺭ ﺷﻮﻓﻴﻬﺎﺍ ﻭﻃﻠﻌﺖ ﺻﻮﺭ ﻡ ﻛﻮﻳﺴﻪ ﻟﻴﻬﻮ ﻣﻊ ﺍﻟﺒﻴﺴﺖ ﺑﺘﺎﻋﺘﻲ ﺷﻮﻓﻲ ﻋﺎﻳﻨﺖ ﻟﻠﺼﻮﺭ ﻛﺎﻧﺖ ﻣﻘﺮﻓﻪ ﺷﺪﻳﺪ ﺣﺎﻭﻟﺖ ﺃﻫﺪﻳﻬﺎ ﺷﻮﻳﻪ ﻭﺍﺗﻜﻠﻤﺖ ﻣﻌﺎﻫﺎ ﻛﺘﻴﺮ ﻟﺤﺪﻱ ﻡ ﻫﺪﺕ ﺍﻟﺤﻤﺪﻟﻠﻪ ﻭﻗﺪﺭﺕ ﺗﺮﺟﻊ ﺑﻴﺘﻬﻢ ﺷﻠﺖ ﺭﻗﻤﻬﺎ ﻋﺸﺎﻥ ﺍﻃﻤﻦ ﻋﻠﻴﻬﺎ؛؛؛ ﺑﻌﺪ ﻣﺸﺖ ﺍﻧﺎ ﻟﻤﻴﺖ ﻋﺪﺗﻲ ﻭﻗﻔﻠﺘﻬﺎ ﻭﻣﺸﻴﺖ ﻭﻗﻔﺖ ﺳﺎﻋﻪ ﻟﻠﻤﻮﺍﺻﻼﺕ ﺣﺘﻰ ﻗﺪﺭﺕ ﺍﺻﻞ ﺍﻟﺒﻴﺖ ﺍﻭﻝ ﻡ ﺩﺧﻠﺘﺎ ﻣﺸﻴﺖ ﺳﻠﻤﺖ ﻋﻠﻰ ﺍﻣﻲ ﻭﺍﺩﻳﺘﻬﺎﺍ ﺍﻻﺩﻭﻳﻪ ﻭﻣﺸﻴﺖ ﺍﺳﺘﺤﻤﻴﺖ ﻭﺻﻠﻴﺖ ﺍﻟﻌﺸﺎﺀ ﻭﺭﻗﺪﺕ ﻋﺸﺎﻥ ﺍﻧﻮﻡ ﺟﺎﻧﻲ ﻣﺎﺯﻥ ﺷﺎﻳﻞ ﻛﺘﺎﺏ ﺭﻳﺎﺿﻴﺎﺕ ﻗﺎﻝ ﻟﻲ ﺍﺷﺮﺡ ﻟﻴﻬﻮ ﻗﻠﺖ ﻟﻴﻬﻮ ﺣﺎﺿﺮ ﺍﻭﻝ ﻡ ﺑﺪﻳﺖ ﺍﺷﺮﺡ ﻟﻴﻬﻮ ﺟﺎﺗﻨﻲ ﻣﺰﻥ ﺑﺮﺿﻮ ﻗﺎﻟﺖ ﺍﺷﺮﺡ ﻟﻴﻬﺎ ﻋﻠﻮﻡ ﻗﻠﺖ ﻟﻴﻬﺎ ﺑﻌﺪ ﺍﺧﻠﺺ ﻣﻦ ﻣﺎﺯﻥ ﺑﺸﺮﺡ ﻟﻴﻚ ﺍﺳﻲ ﺍﻧﺘﻲ ﺍﻗﺮﻱ ﺑﺮﺍﻙ ﻗﺎﻟﺖ ﻟﻲ ﻃﻴﺐ ﻭﻣﺸﺖ ﺷﺮﺣﺖ ﻟﻤﺎﺯﻥ ﻟﺤﺪﻱ ﻡ ﻓﻬﻢ ﻭﺍﺩﻳﺘﻮ ﺗﻤﺎﺭﻳﻦ ﻳﺤﻠﻬﺎﺍﺍ ﻭﺑﺪﻳﺖ ﺍﻗﺮﻱ ﻣﺰﻥ ﺧﻠﺼﺖ ﻣﻨﻬﻢ ﺍﻻﺗﻨﻴﻦ ﺍﻟﺴﺎﻋﻪ 11 ﻗﻠﺖ ﻟﻴﻬﻢ ﺡ ﺍﻋﻤﻞ ﻟﻴﻜﻢ ﺍﻟﻌﺸﺎﺀ ﻭﺑﻌﺪ ﺩﺍ ﻧﻮﻣﻮ ﻛﻔﺎﻳﻪ ﻗﺮﺍﻳﺔ ﺩﺧﻠﺖ ﺍﻟﻤﻄﺒﺦ ﻟﻘﻴﺖ ﻓﻲ ﺑﺎﻗﻲ ﻓﻮﻝ ﺳﺨﻨﻮ ﻭﻭﺩﻳﺖ ﻷﻣﻲ ﻛﺒﺎﻳﻪ ﻟﺒﻦ ﻭﺍﺻﺮﻳﺖ ﻋﻠﻴﻬﺎ ﺗﺎﻛﻞ ﻣﻌﺎﻫﺎ ﻋﻴﺸﻪ؛؛؛ ﻭﺍﻧﺎ ﻭﺍﺧﻮﺍﻧﻲ ﺃﻛﻠﻨﺎ ﺑﻌﺪ ﺧﻠﺼﻨﺎﺍ ﺍﻛﻞ ﻣﺎﺯﻥ ﻗﺎﻝ ﻟﻲ ﻣﺰﻥ ﺍﻧﺘﻲ ﻧﻀﻔﻲ ﺍﻟﺒﻴﺖ ﻭﺍﻧﺎ ﺡ ﺍﻏﺴﻞ ﺍﻟﻌﺪﻩ ﻧﻌﻤﺔ ﺩﻱ ﺗﻌﺒﺎﻧﻪ ﻗﻠﺖ ﻟﻴﻬﻢ ﻻﻻ ﻡ ﺗﻌﺒﺎﻧﻪ ﺍﻧﺘﻮ ﻧﻮﻣﻮ ﺍﻧﺎ ﺡ ﺍﻋﻤﻞ ﻛﻞ ﺩﺍ ﻗﺎﻝ ﻟﻲ ﻻﻻ ﺍﻧﺘﻲ ﺩﺍﻳﻤﺎ ﺑﺘﺴﻌﺪﻳﻨﺎ ﺧﻠﻴﻚ ﺍﺳﻲ ﻣﺮﺗﺎﺣﺔ ﻧﺤﻦ ﺡ ﻧﺸﺘﻐﻞ ﻡ ﺗﺘﻌﺒﻲ ﻛﻔﺎﻳﻪ ﻋﻠﻴﻚ ﺗﻌﺐ ﺑﺮﺍ ﺍﻧﺘﻲ ﻋﺎﺭﻓﻪ ﻱ ﺍﺧﺘﻲ ﺍﻧﺎ ﻟﻤﻦ ﺍﺑﻘﻰ ﻣﻬﻨﺪﺱ ﻣﺎ ﺡ ﺗﺘﻌﺒﻲ ﺗﺎﻧﻲ ﻭﺡ ﺍﻋﻤﻞ ﻟﻴﻨﺎ ﺑﻴﺖ ﺳﻤﺢ ﻭﺍﻱ ﺯﻭﻝ ﻳﻜﻮﻥ ﻋﻨﺪﻭ ﻏﺮﻓﻪ ﺑﺮﺍﻫﻮ ﻗﻠﺖ ﻟﻴﻬﻮ ﺭﺑﻨﺎ ﻛﺮﻳﻢ ﻋﻠﻴﻨﺎ ﺧﻠﻲ ﺃﻣﻠﻚ ﻓﻴﻬﻮ ﻛﺒﻴﺮ ﻭﺃﻛﻴﺪ ﺍﻧﺖ ﺡ ﺗﺒﻘﻰ ﺍﺯﺑﻂ ﻣﻬﻨﺪﺱ ﻭﺍﺛﻘﻪ ﻓﻴﻚ؛؛؛ ﻣﺰﻥ ﻗﺎﻟﺖ ﻟﻲ ﻭﺍﻧﺎﺍﺍ ﺡ ﺍﺑﻘﻰ ﺃﻛﺒﺮ ﻣﺤﺎﻣﻲ ﻭﺩﺍﻳﻤﺎ ﺡ ﺍﻗﻴﻒ ﻣﻊ ﺍﻟﺤﻖ ﻗﻠﺖ ﻟﻴﻬﺎ ﻗﺎﺩﺭﻩ ﻱ ﺍﺧﺘﻲ ﻗﺎﺩﺭﻩ ﺣﻀﻨﻮﻧﻲ ﺍﻻﺗﻨﻴﻦ ﻭﻗﺎﻟﻮ ﻟﻲ ﺍﻧﺘﻲ ﺡ ﺗﻜﻮﻧﻲ ﺩﻛﺘﻮﺭﻩ ﺷﺎﻃﺮﻩ ﻡ ﺍﻧﺘﻲ ﺍﺧﺘﻨﺎﺍ ﺍﻟﺤﻠﻮﻩ ﻗﻠﺖ ﻟﻴﻬﻢ ﺭﺑﻨﺎ ﻳﺨﻠﻴﻜﻢ ﻟﻲ ﻭﻳﺤﻔﻆ ﻟﻴﻨﺎ ﺳﺖ ﺍﻟﻜﻞ ﺍﻣﻲ ﻋﺎﻳﻨﺖ ﻟﻲ ﻭﺍﺑﺘﺴﻤﺖ ﻭﻫﺰﺕ ﻟﻲ ﺭﺃﺳﻬﺎ ﻧﻈﺎﻡ ﺍﻟﻠﻪ ﻳﺮﺿﻰ ﻋﻠﻴﻚ ﻣﺰﻥ ﻭﻣﺎﺯﻥ ﺩﺧﻠﻮ ﻋﻠﻰ ﺍﻟﻤﻄﺒﺦ ﻭﺍﻧﺎ ﻗﻌﺪﺗﺎ ﺟﻨﺐ ﺍﻣﻲ ﻭﺭﻗﺪﺗﺎ ﻓﻲ ﺭﺟﻮﻟﻬﺎﺍﺍ ﻛﺎﻧﺖ ﺑﺘﻤﺴﺢ ﻟﻲ ﻋﻠﻰ ﺷﻌﺮﻱ ﻭﺑﺘﻘﻮﻝ ﻟﻲ ﻋﺎﻓﻴﻪ ﻭﺭﺍﺿﻴﻪ ﻣﻨﻚ ﻳﺒﻴﺘﻲ ﺭﺑﻨﺎ ﻳﺴﻌﺪﻙ ﻣﺤﻞ ﺗﻘﺒﻠﻲ؛؛؛ ﻗﻠﺖ ﻟﻴﻬﺎﺍ ﻡ ﺗﻨﺴﻴﻨﻲ ﻣﻦ ﺍﻟﺪﻋﻮﺍﺕ ﺑﺲ ﻭﻣﺸﻴﺖ ﺷﻠﺖ ﻛﺘﺒﻲ ﻭﺑﺪﻳﺖ ﺍﻗﺮﺍ ﺍﻧﺘﻬﻴﺖ ﺍﻟﺴﺎﻋﻪ 2 ﻧﻤﺖ ﻃﻮﺍﻟﻲ ﻭﺻﺤﻴﺖ ﺍﻟﺴﺎﻋﻪ 5 ﺻﻠﻴﺖ ﻭﻋﻤﻠﺖ ﺍﻟﺸﺎﻱ ﻭﺻﺤﻴﺖ ﺍﺧﻮﺍﻧﻲ ﻳﻠﺒﺴﻮ ﻭﺍﻧﺎ ﻣﺸﻴﺖ ﺍﻋﻤﻞ ﻟﻴﻬﻢ ﺍﻟﻔﻄﻮﺭ ﻟﻤﻦ ﺧﻠﺼﺖ ﺟﻴﺖ ﻟﻘﻴﺖ ﻣﺎﺯﻥ ﻻﺑﺲ ﺷﺒﺸﺐ ﺑﻴﺖ ﻗﻠﺖ ﻟﻴﻬﻮ ﻟﻲ ﻡ ﻻﺑﺲ ﺟﺰﻣﺘﻚ ﻭﺭﺍﻧﻲ ﻟﻴﻬﺎ ﺍﻧﻬﺎ ﺍﺗﻘﻄﻌﺖ ﻗﻠﺖ ﻟﻴﻬﻮ ﻣﻌﻠﻴﺶ ﺑﺠﻴﺐ ﻟﻴﻚ ﻏﻴﺮﻫﺎﺍﺍ . ﻗﺮﻳﺐ ﻗﺎﻝ ﻟﻲ ﻻﻻ ﻡ ﺿﺮﻭﺭﻱ ﺷﺒﺸﺒﻲ ﺩﺍ ﺳﻤﺢ ﻭﺍﺣﻼ ﻣﻦ ﺃﻱ ﻣﺎﺭﻙ ﺯﺍﺗﻮ ﻭﻗﺎﻝ ﻟﻤﺰﻥ ﻟﻮ ﺧﻠﺼﺘﻲ ﺍﺭﺡ ﻧﺸﺮﺏ ﺍﻟﺸﺎﻱ ﻣﻊ ﺍﻣﻲ ﻗﺎﻟﺖ ﻟﻴﻬﻮ ﻳﻼﺍ ﻭﻋﺎﻳﻦ ﻟﻲ ﻭﻗﺎﻝ ﻟﻲ ﻋﺎﻣﻼﻫﻮ ﻡ ﻣﺤﺘﺎﺟﺔ ﻋﺰﻭﻣﻪ ﺻﺢ؛؛؛ ﻗﻠﺖ ﻟﻴﻬﻮ ﺍﺭﺡ ﻳﺸﻘﻰ ﺍﻃﻠﻊ ﻗﺪﺍﻣﻲ ﺑﺎﺳﻮ ﺍﻣﻲ ﻓﻲ ﺭﺃﺳﻬﺎ ﻭﺷﺮﺑﻨﺎﺍ ﺍﻟﺸﺎﻱ ﻣﻊ ﺑﻌﺾ ﻭﺍﻣﻲ ﻛﺎﻧﺖ ﺑﺘﺪﻋﻲ ﻟﻴﻨﺎ ﺩﻋﻮﺍﺕ ﺣﻠﻮﻩ ﺯﻳﻬﺎﺍ ﻛﺪﻩ ﺑﻌﺪ ﺧﻠﺼﻨﺎ ﻣﻦ ﺍﻟﺸﺎﻱ ﻣﺎﺯﻥ ﻭﻣﺰﻥ ﻃﻠﻌﻮ ﺍﻟﻤﺪﺭﺳﻪ ﻭﺍﻧﺎ ﺩﺧﻠﺖ ﺍﻟﻤﻄﺒﺦ ﻋﻤﻠﺖ ﻟﻴﻬﺎ ﺍﻟﻔﻄﻮﺭ ﻭﻋﻤﻠﺖ ﻟﻴﻬﺎ ﻋﺼﻴﺮ ﻭﺟﻬﺰﺕ ﻧﻔﺴﻲ ﻭﻗﻠﺖ ﻟﻴﻬﺎ ﻳﻤﻪ ﺍﻟﻔﻄﻮﺭ ﺟﺎﻫﺰ ﻣﻌﻠﻴﺶ ﻷﻧﻚ ﺑﺘﺸﺮﺑﻲ ﻧﻔﺲ ﻧﻮﻉ ﺍﻟﻌﺼﻴﺮ ﻛﻞ ﻳﻮﻡ ﺑﺲ ﻛﻞ ﺣﺎﺟﻪ ﺡ ﺗﺘﺼﻠﺢ ﻗﺎﻟﺖ ﻟﻲ ﻣﻦ ﻳﺪﻙ ﻃﻌﻤﻮ ﻏﻴﺮ ﻭﻛﻔﺎﻳﻪ ﺍﻧﻚ ﻋﺎﻣﻼﻫﻮ ﺍﻧﺘﻲ ﻡ ﺗﺸﻴﻠﻲ ﻫﻤﻲ ﺃﻧﺎ ﻛﻮﻳﺴﻪ ﻳﻼﺍ ﺍﻣﺸﻰ ﻣﺪﺭﺳﺘﻚ ﻡ ﺗﺘﺎﺧﺮﻱ ﻭﺩﻋﺘﻬﺎ ﻭﻃﻠﻌﺖ ﻋﻠﻰ ﺍﻟﻤﺪﺭﺳﻪ ﻭﻙ ﺍﻟﻌﺎﺩﻩ ﺡ ﺍﻭﺍﺟﻬﺎﺍﺍ ﺍﻟﺒﺤﺼﻞ ﻛﻞ ﻳﻮﻡ
ﺭﺍﻳﻜﻢ ﻣﻬﻢ ﻳﺨﻮﺍﻧﺎﺍﺍ ﻡ ﺗﻘﻮﻟﻮ ﻟﻲ ﺗﻢ ﻭﺧﻼﺹ ﻛﺎﻥ ﻋﺠﺒﺘﻜﻢ ﻋﻠﻘﻮ ﻋﺸﺎﻥ ﻧﻮﺍﺻﻞ ﻓﻴﻬﺎﺍﺍ
ﻧﻠﺘﻘﻲ