ﻭﺍﻗﻊ _ ﺍﺳﺮﺓ 10
ﺑﻘﻠﻢ : ﻧﻌﻤﺔﺧﻀﺮ & ﻧﻎﻡ ﺍﻟﻔﺎﺗﺢ
ﻗﺎﻟﺖ ﻟﻲ ﺍﻧﺎ ﺭﺑﻴﺘﻚ ﻛﺪﺍ ؟؟ ﺧﺘﻴﺖ ﺛﻘﺘﻲ ﻓﻴﻚ ﻋﺸﺎﻥ ﻛﺪﺍ ؟؟ ﻗﻠﺖ ﻟﻴﻬﺎ ﺍﻣﻲ ﺍﺳﻤﻌﻴﻨﻲ ،، ﻗﺎﻟﺖ ﻟﻲ ﻓﻲ ﺷﻨﻮ ﻋﺎﻳﺰﺓ ﺗﻘﻮﻟﻴﻬﻮ ﻳﺎﻧﻌﻤﻪ ﻓﻲ ﺷﻨﻮ ﺗﺎﻧﻲ ؟؟ ﻋﺎﻳﺰﺓ ﺗﺠﻴﺒﻲ ﻟﻲ ﺍﻟﻔﻀﻴﺤﺔ ﻟﺤﺪﻱ ﻋﻨﺪﻱ ﺑﻌﺪ ﻋﻤﺮﻱ ﺩﺍ ؟؟ ﺩﺍﻳﺮﺓ ﻳﻘﻮﻟﻮ ﺩﻳﻚ ﻧﻌﻤﻪ ﺳﺖ ﺍﻟﺸﺎﻱ ﺑﺖ ﻣﻨﺎﻝ ﻧﺎﺯﻟﺔ ﻣﻦ ﻋﺮﺑﻴﺔ ﻃﺎﻟﻌﺔ ﻟﻌﺮﺑﻴﺔ ؟؟ ﺩﺍﻳﺮﺓ ﺗﻔﻀﺤﻴﻨﻲ ﻣﺎﻟﻚ ﺍﻧﺎ ﻋﻤﺮﻱ ﺩﺍ ﻛﻠﻮ ﻗﺎﻋﺪﺓ ﻣﺴﺘﻮﺭﺓ ﻣﺎﻟﻚ ﻳﺎﻧﻌﻤﻪ ﻣﺶ ﻛﻔﺎﻳﺔ ﻋﻠﻲ ﺍﺑﻮﻙ ﺍﻟﻤﺎﻋﺎﺭﻓﺔ ﺧﺒﺮﻭ ﻋﺎﻳﺶ ﻭﻻﻣﻴﺖ ﻭﻻﻛﻔﺎﻳﺔ ﻋﻠﻲ ﺍﻟﻤﺮﺽ ﺍﻟﻬﺎﺩﻱ ﺣﻴﻠﻲ ﻭﺗﺠﻲ ﺍﻧﺘﻲ ﺗﺘﻤﻲ ﻟﻲ ﺍﻟﻨﺎﻗﺺ ؟؟ ﻛﺎﻧﺖ ﺑﺘﺘﻜﻠﻢ ﻭﻣﻨﻔﻌﻠﺔ ﻭﺑﺘﺠﻮﻁ ﺷﺪﻳﺪ ﺭﻏﻢ ﺍﻧﻬﺎ ﻣﺎﻋﺎﺭﻓﺔ ﺷﻲ ﺣﺴﻴﺖ ﺍﻧﻬﺎ ﺍﻧﻔﺠﺮﺕ ﻭﻗﺎﻟﺖ ﻛﻼﻡ ﺳﺎﻛﺘﻪ ﺑﻴﻬﻮ ﻣﻦ ﺳﻨﻴﻦ ﻛﺄﻧﻬﺎ ﺑﺘﻔﺮﻍ ﻛﻞ ﺍﻟﻮﺟﻊ ﺍﻟﺠﻮﺍﻫﺎ ،، ﻗﻠﺖ ﻟﻴﻬﺎ ﻭﺍﻧﺎ ﺑﺒﻜﻲ ﻭﻧﻔﺴﻲ ﻣﺎﻗﺎﺩﺭﺓ ﺍﺷﻴﻠﻮ ﻋﻤﺮﻫﺎ ﺍﻣﻲ ﻣﺎﺟﺎﻃﺖ ﻓﻴﻨﻲ ﻛﺪﺍ ﻳﻤﻪ ﻭﺍﻟﻠﻪ ﺍﻟﻌﻈﻴﻢ ﻣﺎﻓﻲ ﺣﺎﺟﺔ ﻛﻌﺒﺔ ﺯﻱ ﺍﻻﻧﺘﻲ ﺍﻟﺨﺎﺗﺎﻫﺎ ﻓﻲ ﺑﺎﻟﻚ ﻳﺎ ﻳﻤﻪ ﺍﺳﻤﻌﻴﻨﻲ ﺑﺲ ﻭﺧﻠﻴﻨﻲ ﺍﺣﻜﻲ ﺑﺪﻳﺖ ﺍﺣﻜﻲ ﻟﻴﻬﺎ ﻭﺍﻧﺎ ﺑﺒﻜﻲ ﻗﺎﻟﺖ ﻟﻲ ﻟﻲ ﻣﺎﻗﻠﺘﻲ ﻟﻲ ﻣﻦ ﺍﻟﺒﺪﺍﻳﺔ ؟؟ ﻣﺶ ﺍﻧﺎ ﺍﻣﻚ ﻭﻣﻔﺮﻭﺽ ﺗﻮﺭﻳﻨﻲ ﺍﻱ ﺷﻲ ﺑﺤﺼﻞ ﻣﻌﺎﻙ ؟ ﺑﻌﺪﻳﻦ ﺍﻧﺘﻲ ﺍﻟﻀﻤﻨﻚ ﻟﻴﻬﺎ ﺷﻨﻮ ﺑﺖ ﻧﺎﺱ ﻏﺮﻳﺒﺔ ﺯﻱ ﺩﻱ ﺍﻟﺰﻣﻦ ﺩﺍ ﻣﺎ ﻣﺎﻓﻴﻬﻮ ﺍﻣﺎﻥ ﻳﺎﺑﺘﻲ ﻭﺍﻟﻠﻪ ﻣﺎﻓﻴﻬﻮ ،، ﻭﻗﻌﺖ ﻓﻲ ﺣﻀﻨﻬﺎ ﻭﺑﻘﻴﺖ ﺍﺑﻜﻲ ﺷﺪﻳﺪ ﻭﻫﻲ ﺑﻘﺖ ﺗﺒﻜﻲ ﻣﻌﺎﻱ ﻗﺎﻟﺖ ﻟﻲ ﺳﺎﻣﺤﻴﻨﻲ ﻳﺎﺑﺘﻲ ﻏﻠﻄﺖ ﻭﺍﻟﻠﻪ ﻭﺭﻣﻴﺖ ﻋﻠﻴﻚ ﻛﻼﻡ ﻛﺘﻴﺮ ﻣﺎﺗﺴﺘﺎﻫﻠﻴﻪ ﻳﻌﻨﻲ ﺍﻧﺘﻲ ﻓﻮﻕ ﻟﻬﻤﻚ ﻭﻗﺮﺍﻳﺘﻚ ﻭﺷﻐﻠﻚ ﺟﻴﺖ ﺍﺗﻬﻤﺘﻚ ﺳﺎﻱ ﺍﻋﻔﻲ ﻟﻲ ﻳﺎﺑﺘﻲ ﻗﻠﺖ ﻟﻴﻬﺎ ﻳﻤﻪ ﺧﻼﺹ ﺍﻧﺎ ﺩﻱ ﺍﻟﻤﻌﻠﻴﺶ ﻭﺍﻟﻠﻪ ﻛﺎﻥ ﻣﻔﺮﻭﺽ ﺍﻛﻠﻤﻚ ﻣﻦ ﺍﻻﻭﻝ ﺗﻘﺮﻳﺒﺎ ﺍﻟﻴﻮﻡ ﺩﺍ ﺍﻛﺘﺮ ﻳﻮﻡ ﺍﺭﺗﺤﺖ ﻓﻴﻬﻮ ﺑﻌﺪ ﺑﻜﻴﺖ ﻓﻲ ﺣﻀﻦ ﺍﻣﻲ ﺣﺴﻴﺖ ﻧﻔﺴﻲ ﺍﺭﺗﺤﺖ ﺷﺪﻳﺪ ﺭﻗﺪﺕ ﻓﻲ ﺭﺟﻮﻟﻬﺎ ﻭﺑﻘﺖ ﺗﻘﺮﺍ ﻟﻲ ﻗﺮﺍﻥ ،، ﻗﺎﻟﺖ ﻟﻲ ﺍﻟﻠﻴﻠﺔ ﻣﺎﺗﻤﺸﻲ ﺍﻟﺸﻐﻞ ﺍﺻﻼ ﺑﻜﺮﺓ ﺍﻟﺠﻤﻌﺔ ﺑﺘﻜﻮﻧﻲ ﺷﻐﺎﻟﺔ ﻣﻦ ﺍﻟﺼﺒﺎﺡ ﺧﻠﻴﻚ ﻗﺎﻋﺪﺓ ﺍﻟﻠﻴﻠﺔ ﻗﻠﺖ ﻟﻴﻬﺎ ﻃﻴﺐ .
.................
ﻋﻬﺪ ﺭﺟﻌﺖ ﺍﻟﺒﻴﺖ ﻟﻘﺖ ﺍﺑﻮﻫﺎ ﺳﻜﺮﺍﻥ ﺯﻱ ﻛﻞ ﻣﺮﺓ ﻭﺻﻮﺗﻮ ﻫﻮ ﻭﺍﻣﻬﺎ ﻃﺎﻟﻊ ﺍﻟﺸﺎﺭﻉ ﻭﺍﺧﺘﻬﺎ ﺍﻟﺼﻐﻴﺮﺓ ﻭﺍﻗﻌﺔ ﻓﻲ ﺍﻻﺭﺽ ﻭﺗﺘﺒﻜﻲ ﺑﺄﻋﻠﺊ ﺻﻮﺕ ﻋﻨﺪﻫﺎ ،، ﺭﻓﻌﺘﻬﺎ ﻣﻦ ﺍﻻﺭﺽ ﻭﺧﺸﺖ ﻏﺮﻓﺘﻬﺎ ﻭﻗﻔﻠﺖ ﺍﻟﺒﺎﺏ ﺑﻘﺖ ﺗﺤﺎﻭﻝ ﺗﺴﻜﺖ ﻓﻴﻬﺎ ﺑﺲ ﻣﺎﻗﺎﺩﺭﺓ ﺑﻌﺪ ﺷﻮﻳﺔ ﺷﺒﻪ ﻧﺎﻣﺖ ﻣﻊ ﺍﻟﺒﻜﺎﺀ ،، ﻋﻬﺪ ﺑﻘﺖ ﺗﻘﻮﻝ ﻳﺎﺭﺑﻲ ﺍﻧﺎ ﻋﻤﻠﺖ ﺷﻨﻮ ﻓﻲ ﺣﻴﺎﺗﻲ ﺩﻱ ﻟﻤﻦ ﺍﺗﻌﺎﻗﺐ ﺑﻲ ﺍﻡ ﻭﺍﺏ ﺯﻱ ﺩﻳﻞ ﺍﻧﺎ ﺍﺫﻧﺒﺖ ﺷﻨﻮ ﻳﺎﺭﺑﻲ
................
ﻛﺮﻳﻢ ﻓﻲ ﻃﺮﻳﻘﻮ ﻟﺸﻘﻪ ﻧﺎﺱ ﺑﻜﺮﻱ ﺑﺪﻭﺭ ﻓﻲ ﺭﺍﺳﻮ ﺍﻟﻒ ﺳﺆﺍﻝ ﻳﺎﺭﺑﻲ ﻧﻌﻤﻪ ﺩﻱ ﻇﺮﻭﻓﻬﺎ ﺷﻨﻮ ؟ ﺍﻟﺒﺖ ﺩﻱ ﻭﺭﺍﻫﺎ ﻗﺼﺔ ﻻﺯﻡ ﺍﻋﺮﻓﻬﺎ،، ﻓﺠﺎﺀﺓ ﺧﻄﺮﺕ ﻓﻲ ﺑﺎﻟﻮ ﻧﻐﻢ ﻝ ﺍﻧﻮ ﻫﻲ ﺍﻟﻜﺎﻧﺖ ﺑﺘﻌﺮﻓﻬﺎ ﻓﻲ ﺍﻻﻭﻝ ،، ﺭﺟﻊ ﻟﺒﻜﺮﻱ ﻭﻧﻐﻢ ،، ﺍﻭﻝ ﻣﺎﺩﺧﻞ ﻟﻘﺊ ﻧﻐﻢ ﻗﺎﻝ ﻟﻴﻬﺎ ﻭﻳﻦ ﻳﺎﻧﻐﻮﻡ ﻛﻴﻔﻚ ؟ ﻗﺎﻟﺖ ﻟﻴﻬﻮ ﺍﻟﺤﻤﺪﻟﻠﻪ ﻛﺄﻧﻮ ﺭﺟﻌﺖ ﺑﺪﺭﻱ ،، ﻗﺎﻝ ﻟﻴﻬﺎ ﺍﻱ ﻋﺎﻳﺰ ﺍﺳﺄﻟﻚ ﻣﻦ ﺣﺎﺟﺔ ﻗﺎﻟﺖ ﻟﻴﻬﻮ ﺍﺗﻔﻀﻞ ،، ﻗﺎﻝ ﻟﻴﻬﺎ ﻋﺎﻳﺰﻙ ﺗﺤﻜﻲ ﻟﻲ ﺍﻱ ﺣﺎﺟﺔ ﻋﻦ ﺍﻟﺒﺖ ﻧﻌﻤﻪ ﺩﻱ ﻗﺎﻟﺖ ﻟﻴﻬﻮ ﻭﺍﻟﻠﻪ ﺍﻟﺒﻌﺮﻓﻮ ﺍﻧﻬﺎ ﺑﺲ ﺷﻐﺎﻟﻪ ﻓﻲ ﺷﺎﺭﻉ ﺍﻟﻨﻴﻞ ﻭﻛﺪﺍ ﻏﻴﺮ ﻛﺪﺍ ﻣﺎﺑﻌﺮﻑ ﺷﻲ ﺍﻭ ﻣﺎﺣﻜﺖ ﻟﻲ ﺷﻲ ،، ﻛﺮﻳﻢ ﻗﺎﻝ ﻟﻴﻬﺎ ﺣﺎﻭﻟﻲ ﺍﻋﺮﻓﻲ ﻋﻨﻬﺎ ﺣﺎﺟﺔﺓ ﻭﺣﻜﺊ ﻟﻴﻬﺎ ﺍﻧﻮ ﺷﺎﻓﻬﺎ ﺑﻤﻼﺑﺲ ﺍﻟﻤﺪﺭﺳﺔ ﻭﻫﻲ ﻃﺎﻟﻌﺔ ﺍﻟﺼﺒﺎﺡ ﻭﻟﺠﻴﺘﻬﺎ ﺍﻟﻌﻴﺎﺩﺓ ﻣﻊ ﻋﻬﺪ ،، ﻗﺎﻟﺖ ﻟﻴﻬﻮ ﻏﺮﻳﺒﺔ ﻭﺍﻟﻠﻪ ﺭﺑﻨﺎ ﻳﻌﻴﻨﻬﺎ ﺑﺲ .
......................
ﻧﻤﺖ ﺟﺎﺗﻨﻲ ﺻﺤﻴﺔ ﻗﺮﻳﺐ ﺍﻟﻤﻐﺮﺏ ﻗﻤﺖ ﺍﺗﻮﺿﻴﺖ ﻭﺻﻠﻴﺖ ﺍﻟﻌﺼﺮ ﻭﻧﻀﻔﺖ ﺍﻟﺒﻴﺖ ﻭﺭﺷﻴﺖ ﺍﻻﺭﺽ ،، ﺟﻬﺰﺕ ﺍﻟﻐﺪﺍﺀ ﻗﻠﺖ ﺑﻤﺎ ﺍﻧﻲ ﻗﺎﻋﺪﺓ ﺑﺪﺭﻱ ﺍﻟﻠﻴﻠﺔ ﻧﺘﻐﺪﺍ ﺑﺪﺭﻱ ﻭﻧﻨﻮﻡ ﺑﺪﺭﻱ ﻋﺸﺎﻥ ﺍﻟﺼﺒﺎﺡ ﺍﻗﻮﻡ ﻣﺮﺗﺎﺣﺔ ،، ﺧﺘﻴﺖ ﺍﻟﻐﺪﺍﺀ ﻭﻗﻌﺪﻧﺎ ﻧﺎﻛﻞ ﻭﻧﺘﻮﻧﺲ ،، ﺍﻟﺒﺸﻮﻑ ﻛﻤﻴﺔ ﺍﻟﻔﺮﺣﺔ ﺍﻟﻔﻲ ﻭﺷﻨﺎ ﺑﻴﻘﻮﻝ ﺍﻧﻨﺎ ﻋﺎﻳﺸﻴﻦ ﻓﻲ ﻗﺼﺮ ﺍﻟﺤﻤﺪﻟﻠﻪ ﻋﻤﺮﻫﺎ ﻳﻮﻡ ﺍﻟﻀﺤﻜﺔ ﺩﻱ ﻣﺎﻓﺎﺭﻗﺘﻨﺎ ﺑﻌﺪ ﺍﻟﻐﺪﺍﺀ ﻟﻤﻴﺖ ﺍﻟﻌﺪﺓ ﻋﺸﺎﻥ ﺍﻏﺴﻠﻬﺎ ﻣﺰﻥ ﻗﺎﻟﺖ ﻟﻲ ﺍﻧﺎ ﺑﻐﺴﻠﻬﺎ ﻗﻠﺖ ﻟﻴﻬﺎ ﻃﻴﺐ ﺍﻧﺎ ﻫﻌﻤﻞ ﻟﻴﻨﺎ ﺷﺎﻱ ﺍﺣﻤﺮ ﻭﺍﻣﻲ ﻗﺎﻟﺖ ﻫﺘﻌﻤﻞ ﺯﻻﺑﻴﺔ ،، ﻋﻤﻠﻨﺎﻫﺎ ﻭﻗﻌﺪﻧﺎ ﺍﺗﻮﻧﺴﻨﺎ ﻟﺤﺪ ﺑﻌﺪ ﺍﻟﻤﻐﺮﺏ ﺑﻌﺪﻫﺎ ﻗﻤﺖ ﻗﺮﻳﺖ ﻭﻣﺰﻥ ﻭﻣﺎﺯﻥ ﺑﺮﺿﻮ ﻗﻌﺪﻭ ﻳﻘﺮﻭ ﺍﻟﻌﺸﺎﺀ ﺍﺫﻥ ﺻﻠﻴﻨﺎ ﻭﺭﻗﺪﻧﺎ ﻧﻤﻨﺎ ،، ﺭﻏﻢ ﺍﻧﻲ ﻛﻨﺖ ﻣﺼﻠﻴﺔ ﻭﻣﺘﺤﺼﻨﺔ ﺑﺎﻟﻠﻴﻞ ﺻﺤﻴﺖ ﻋﻠﺊ ﻛﺎﺑﻮﺱ ﻗﻤﺖ ﻣﺨﻠﻮﻋﺔ ﺑﻘﻴﺖ ﺍﺳﺘﻐﻔﺮ ﻭﺭﺟﻌﺖ ﻧﻤﺖ ﺗﺎﻧﻲ ،، ﺷﻔﺖ ﺍﺑﻮﻱ ﻑ ﺍﻟﻨﻮﻡ ﺯﻣﺎﻥ ﻛﻨﺖ ﺑﺸﻮﻓﻮ ﺑﺲ ﻟﻴﻬﻮ ﻓﺘﺮﺓ ﺑﻘﺊ ﻣﺎﺑﺠﻴﻨﻲ ﻗﺎﻝ ﻟﻲ ﻳﺎﻧﻌﻤﻪ ﺧﻠﻲ ﺑﺎﻟﻚ ﻣﻦ ﺍﻣﻚ ﻭﺍﺧﻮﺍﻧﻚ ﺷﺪﻳﺪ ﻳﺎﺑﺘﻲ ﻭﺭﺑﻨﺎ ﻳﺴﺘﺮﻙ ﺩﻧﻴﺎ ﻭﺍﺧﺮﻩ ﻭﺑﻘﺊ ﻳﻮﺻﻴﻨﻲ ﻋﻠﻴﻬﻢ ﺷﺪﻳﺪ ﺻﺤﻴﺖ ﺍﻟﺼﺒﺎﺡ ﺷﺒﻪ ﻣﺰﻋﻮﺟﻪ ﻣﻦ ﺍﻟﺤﻠﻢ ﺩﺍ ﻳﻌﻨﻲ ﻫﻮ ﺑﻮﺻﻴﻨﻲ ﻛﺪﺍ ﻟﻴﻪ ؟ ﻣﻌﻘﻮﻝ ﺗﻜﻮﻥ ﺣﺎﺻﻠﺔ ﻟﻴﻬﻮ ﺣﺎﺟﺔ ؟؟
ﻧﺘﻼﻗﺊ