ﻭﺍﻗﻊ _ ﺃﺳﺮﺓ 20
ﺑﻘﻠﻢ : ﻧﻌﻤﺔﺧﻀﺮ & ﻧﻎﻡ ﺍﻟﻔﺎﺗﺢ
ﺻﺤﻴﺖ ﺑﺼﻮﺕ ﺗﻠﻔﻮﻧﻲ ﻭﻫﻮ ﺑﻀﺮﺏ ﻋﺎﻳﻨﺖ ﻟﻲ ﺍﻟﺴﺎﻋﻪ ﻟﻘﻴﺘﻬﺎ 2 ﺻﺒﺎﺣﺎً ﺭﻓﻌﺖ ﺍﺷﻮﻑ ﺍﻟﻤﺘﺼﻞ ﺯﻱ ﺍﻟﻮﻗﺖ ﺩﺍ ﻣﻨﻮ ﻟﻘﻴﺘﻬﺎ
ﻧﻌﻤﺔ ﺍﺗﺨﻠﻌﺖ ﺷﺪﻳﺪ ﺍﻟﻤﺼﺤﻴﺔ ﻟﻠﺰﻣﻦ ﺩﺍ ﺷﻨﻮ ﻭﻟﻴﻪ ﻡ ﻧﺎﻣﺖ ﻭﻋﺎﻳﺰﻩ ﻣﻨﻲ ﺷﻨﻮ ﻓﺘﺤﺖ ﺍﻟﺨﻂ ﻗﺎﻟﺖ ﻟﻲ :
ﻛﺮﻳﻢ ﺍﻧﺖ ﻛﻮﻳﺲ ﻭﻛﺎﻧﺖ ﺑﺘﺒﻜﻲ ﺷﺪﻳﺪ ﻡ ﺣﺼﻞ ﻟﻴﻚ ﺷﻲ ﻣﺶ ﻗﺎﻋﺪ ﻓﻲ ﺑﻴﺘﻜﻢ ﻭﻛﻮﻳﺲ ﺻﺎﺡ؟؟ ﻗﻠﺖ ﻟﻴﻬﺎ ﺑﺴﻢ ﺍﻟﻠﻪ ﺍﻟﺤﺎﺻﻞ ﺷﻨﻮ ﺍﻧﺎ ﻛﻮﻳﺲ ﻡ ﻋﻨﺪﻱ ﻋﻮﺟﺔ ﺍﻧﺘﻲ ﻣﺎﻟﻚ ﻭﻟﻴﻪ ﺑﺘﺒﻜﻲ؟ ﻗﺎﻟﺖ ﻟﻲ ﺣﻠﻤﺖ ﺑﻴﻚ ﺍﻧﻚ ﻋﻤﻠﺖ ﺣﺎﺩﺙ ﻭﻣﺘﺎﺍ ﻛﺮﻳﻢ ﻋﻠﻴﻚ ﺍﻟﻠﻪ ﺍﻧﺖ ﻛﻮﻳﺲ ﻣُﺶ؟ﻗﻠﺖ ﻟﻴﻬﺎ ﺍﻱ ﻛﻮﻳﺲ ﺍﻧﺘﻲ ﻛﻴﻒ ﻗﺎﻟﺖ ﻟﻲ ﻛﺮﻳﻢ ﺍﻟﻠﻪ ﻳﺮﺿﻰ ﻋﻠﻴﻚ ﺧﻠﻴﻚ ﻛﻮﻳﺲ ﻭﺍﻧﺘﺒﻪ ﻟﻨﻔﺴﻚ ﻛﻤﺎﻥ ﺍﻧﺖ ﺣﺎﺟﻪ ﻣﻬﻤﻪ ﻋﻨﺪﻱ ﺻﺢ ﺍﺣﻨﺎ ﺑﻌﺪﻧﺎ ﻣﻦ ﺑﻌﺾ ﻛﺘﻴﺮ ﺑﺲ ﻟﺴﻪ ﺍﻧﺖ ﻓﻲ ﺑﺎﻟﻲ ﺩﺍﻳﻤﺎ ﺑﺘﺬﻛﺮﻙ ﺃﻭ ﺑﺎﻷﺻﺢ ﻡ ﺣﺼﻞ ﻧﺴﻴﺘﻚ ﺍﺑﺪﺍ ﻡ ﻋﺎﻳﺰﻩ ﺍﻗﻮﻝ ﻟﻴﻚ ﻧﺮﺟﻊ ﻟﺒﻌﺾ ﺑﺲ ﻋﺎﻳﺰﻩ ﻣﻨﻚ ﺗﻜﻮﻥ ﻛﻮﻳﺲ ﻋﺸﺎﻧﻲ ﺑﺲ؛؛؛؛؛ ﻗﻠﺖ ﻟﻴﻬﺎ ﻡ ﺗﺨﺎﻓﻲ ﻋﻠﻲ ﻭﻳﻨﻌﻤﺔ ﺑﻄﻠﻲ ﻋﻨﺎﺩ ﻭﻗﻮﺓ ﺭﺃﺱ ﺧﻠﻴﻨﺎ ﻧﺮﺟﻊ ﺯﻱ ﻡ ﻛﻨﺎﺍ ﺑﻮﻋﺪﻙ ﺍﻧﻮ ﺡ ﻧﻜﻮﻥ ﺍﺻﺤﺎﺏ ﺑﺲ ﺍﻧﺎ ﻋﺎﺭﻑ ﺍﻧﻚ ﺧﺎﻳﻔﻪ ﺍﻧﻮ ﻋﻼﻗﺘﻨﺎ ﺗﻄﻮﺭ ﺑﺲ ﺍﻧﺎ ﺑﻮﻋﺪﻙ ﺍﻧﻨﺎ ﺡ ﻧﻜﻮﻥ ﻣﺠﺮﺩ ﺃﺻﺤﺎﺏ ﺍﺗﺄﻛﺪﻱ ﻣﻦ ﺍﻟﺤﺎﺟﻪ ﺩﻱ ﻗﺎﻟﺖ ﻟﻲ ﺍﻧﺎ ﺧﺎﻳﻔﻪ ﺷﺪﻳﺪ ﻡ ﻋﺎﺭﻓﻪ ﺍﺗﺼﺮﻑ ﻛﻴﻒ ﺧﻠﻴﻨﻲ ﻓﻲ ﺣﺎﻟﻲ ﻭﺧﻼﺹ ﺍﻧﺎ ﺿﺎﻳﻌﺔ ﻛﺘﻴﺮﺭ ﻭﻗﻔﻠﺖ ﺍﻟﺨﻂ؛؛؛؛؛ﺑﻌﺪ ﻫﻲ ﻗﻔﻠﺖ ﺍﻧﺎ ﻡ ﻗﺪﺭﺕ ﺍﻧﻮﻡ ﺗﺎﻧﻲ ﻓﻀﻠﺖ ﺍﺗﻔﺮﺝ ﻓﻲ ﺻﻮﺭﺗﻬﺎ ﻭﻋﺎﺗﺒﺘﻬﺎ ﻛﺘﻴﺮ ﻋﻠﻰ ﺍﻟﺒﻌﺪ ﺍﻟﺨﻠﻘﺘﻮ ﺑﻴﻨﺎﺗﻨﺎﺍ ﺩﺍ ﻋﻠﻰ ﺍﻟﻤﺴﺎﻓﺎﺕ ﻭﺍﻟﺤﻮﺍﺟﺰ ﺍﻟﻔﺎﺻﻠﻪ ﺑﻴﻨﺎﺍ ﺩﻱ؛؛؛ . ؛ ﺣﻘﻴﻘﻲ ﻧﻌﻤﺔ ﺩﻱ ﺍﺗﺰﺭﻋﺖ ﺟﻮﺍﻱ ﻭﺻﻌﺐ ﺗﻄﻠﻊ ﻣﻨﻲ ﺻﻌﺐ ﺟﺪﺍ
______________________________
________________
ﻋﻨﺪ ﻧﻌﻤﺔ :
ﻡ ﻋﺎﺭﻓﻪ ﺍﻧﺎ ﻟﻴﻪ ﺍﺗﺼﻠﺖ ﻟﻴﻬﻮ ﻟﻴﻪ ﺍﺗﻨﺎﺯﻟﺖ ﻋﻦ ﻛﻞ ﺣﺎﺟﻪ ﻡ ﺑﻨﻜﺮ ﺍﻧﻮ ﺧﻔﺘﺎ ﻋﻠﻴﻬﻮ ﺷﺪﻳﺪ ﺑﺲ ﻛﺎﻥ ﻣﺠﺮﺩ ﻛﺎﺑﻮﺱ ﻡ ﻛﺎﻥ ﺍﺗﺼﻞ ﻟﻴﻬﻮ؛؛؛؛ . ﻳﺎﺭﺑﻲ ﺍﻧﺎ ﺡ ﺍﻋﻤﻞ ﺷﻨﻮ ﺍﺳﻲ ﻫﻞ ﺍﺭﺟﻊ ﻭﻧﺒﻘﻰ ﺃﺻﺤﺎﺏ ﺯﻱ ﻡ ﻛﻨﺎ ﻭﻻﺍ ﺡ ﺍﺣﺒﻮ ﻭﺡ ﻳﻜﺴﺮﻧﻲ ﺯﻱ ﻡ ﻋﻤﻞ ﻣﻌﺎﻱ ﻏﻴﺮﻭ ﺍﺻﻼ ﻛﻞ ﺍﻻﻭﻻﺩ ﺩﻳﻞ ﻛﻠﻬﻢ ﻭﺍﺣﺪ؛؛؛؛ ﻡ ﺗﺮﺟﻌﻲ ﻳﻨﻌﻤﺔ ﺧﻠﻴﻚ ﻭﺍﻋﻴﻪ ﻭﺍﺳﻲ ﺍﺗﺨﻤﺪﻱ ﻧﻮﻣﻲ ﺍﺣﺴﻦ ﻟﻴﻚ؛؛؛؛ﺑﻌﺪ ﺍﻷﻓﻜﺎﺭ ﺟﺎﻃﺖ ﻓﻲ ﺭﺍﺳﻲ ﻗﻌﺪﺗﺎ ﺳﺎﻋﻪ ﺑﻔﻜﺮ ﺡ ﺍﻋﻤﻞ ﺷﻨﻮ ﺑﺲ ﻣﻦ ﻏﻴﺮ ﻓﺎﻳﺪﻩ ﻓﻲ ﺍﻟﻨﻬﺎﻳﻪ ﺍﺳﺘﺴﻠﻤﺖ ﻭﻧﻤﺘﺎ .
_ ﺻﺤﻴﺖ ﺍﻟﺼﺒﺎﺡ ﺑﺼﻮﺕ ﻣﺰﻥ ﻭﻫﻲ ﺑﺘﻘﻮﻝ ﻟﻲ ﻗﻮﻣﻲ ﺍﻟﻮﻗﺖ ﺍﺗﺄﺧﺮ ﺍﻟﻀﻬﺮ ﺃﺫﻥ ﻧﺎﻳﻤﻪ ﻟﻴﻪ ﻫﺴﻲ ﻣﻌﻘﻮﻟﻪ ﻭﺗﻠﻔﻮﻧﻚ ﺩﺍ ﻣﻦ ﻗﺒﻴﻞ ﺑﻀﺮﺏ؛؛؛؛؛؛ﻗﻠﺖ ﻟﻴﻬﺎ ﺍﻟﻀﻬﺮ ﺍﺫﻥ ﻗﺎﻟﺖ ﻟﻲ ﺍﻱ ﻗﺒﻴﻞ ﺍﺳﻲ ﺍﻟﺴﺎﻋﻪ 1 ﻳﻼﺍ ﻗﻮﻣﻲ؛؛؛؛ ﻗﻤﺘﺎ ﻃﻮﺍﻟﻲ ﻟﻘﻴﺖ ﺍﺑﻮﻱ ﻗﺎﻋﺪ ﺑﺮﺍﺍ ﻭﺷﻜﻠﻮ ﻣﻬﻤﻮﻡ ﺷﺪﻳﺪ ﻗﻠﺖ ﻟﻴﻬﻮ ﺻﺒﺎﺡ ﺍﻟﺨﻴﺮ ﺭﺩ ﻋﻠﻲ ﻭﻗﺎﻝ ﻟﻲ ﺧﻴﺮ ﻧﺎﻳﻤﻪ ﻟﺤﺪﻱ ﺍﺳﻲ ﻛﻮﻳﺴﻪ ﺍﻧﺘﻲ ﻗﻠﺖ ﻟﻴﻬﻮ ﻋﺎﻓﻴﻪ ﺍﻟﺤﻤﺪﻟﻠﻪ ﺑﺲ ﺇﺭﻫﺎﻕ ﻗﺎﻝ ﻟﻲ ﺍﻟﺤﻤﺪﻟﻠﻪ ﻗﻠﺖ ﻟﻴﻬﻮ ﻣﺎﻟﻚ ﺷﻜﻠﻚ ﺣﺰﻳﻦ ﻛﺪﻩ ﻗﺎﻝ ﻟﻲ ﺍﻧﺘﻲ ﻋﺎﺭﻓﻪ ﻳﺒﺘﻲ ﺍﻧﺎ ﻡ ﻫﺎﻳﻦ ﻋﻠﻲ ﺍﺑﻌﺪ ﻣﻨﻜﻢ ﺑﺲ ﻋﺎﻳﺰ ﻣﺼﻠﺤﺘﻜﻢ ﻭﺍﻟﻠﻪ ﻋﺎﻳﺰ ﺍﻋﻴﺸﻜﻢ ﻓﻲ ﺑﻴﺖ ﺳﻤﺢ ﻭﻋﺎﻳﺰﻛﻢ ﺗﻌﻴﺸﻮ ﺍﺣﺴﻦ ﻋﻴﺸﻪ ﻡ ﻧﻔﺴﻲ ﺍﺑﻌﺪ ﺑﺲ ﺍﻟﻈﺮﻭﻑ ﻑ ﻋﺸﺎﻥ ﻛﺪﻩ ﺍﻋﻔﻮ ﻟﻲ ﻭﺑﺎﻟﺬﺍﺕ ﺍﻧﺘﻲ ﻣﻦ ﺻﻐﻴﺮﻩ ﻡ ﻋﺸﺘﻲ ﻃﻔﻮﻟﺘﻚ ﺯﻱ ﺍﻟﺒﺎﻗﻴﻦ ﺩﺍﻳﻤﺎ ﺍﻟﻤﺴﺆﻟﻴﻪ ﻛﺎﻧﺖ ﻋﻠﻴﻚ ﻣﻌﻠﻴﺶ ﺑﺲ؛؛؛؛؛ ﻗﻠﺖ ﻟﻴﻬﻮ ﻳﺄﺑﻪ ﺍﻧﺖ ﻟﻴﻪ ﺑﺘﻘﻮﻝ ﻛﺪﻩ ﺍﻧﺎ ﻣﺒﺴﻮﻃﻪ ﻭﺍﻟﻠﻪ ﻛﻔﺎﻳﻪ ﺍﻧﻲ ﻋﺸﺖ ﻣﻌﺎﻛﻢ ﻭﻛﻔﺎﻳﻪ ﺍﻧﻜﻢ ﺍﻫﻠﻲ ﺍﻟﺠﺒﺘﻮﻧﻲ ﻋﻠﻰ ﺍﻟﺪﻧﻴﺎ ﺩﻱ ﻋﻠﻤﺘﻮﻧﻲ ﺍﻟﺼﺎﺡ ﻗﺒﻞ ﺍﻟﻐﻠﻂ ﺍﻧﺘﻮ ﺍﻟﻌﻤﻠﺘﻮ ﻣﻨﻲ ﺯﻭﻟﻪ ﺍﺗﺮﺑﻴﺖ ﻋﻠﻰ ﻣﺒﺎﺩﺋﻜﻢ ﻟﻮ ﻗﺪﻣﺖ ﻟﻴﻜﻢ ﻋﻤﺮﻱ ﻛﻠﻮ ﺡ ﺍﻛﻮﻥ ﺑﺮﺿﻮ ﻣﻘﺼﺮﻩ ﻓﻲ ﺣﻘﻜﻢ ﻭﺍﺧﻮﺍﻧﻲ ﺡ ﻳﻜﻮﻧﻮ ﻓﻲ ﻋﻴﻮﻧﻲ ﻟﺤﺪﻱ ﻡ ﺗﺮﺟﻊ ﻡ ﺗﺨﺎﻑ ﺍﺑﺪﺍ ﻗﺎﻝ ﻟﻲ ﺍﻧﺎ ﻣﻄﻤﻦ ﺷﺪﻳﺪ ﺍﻧﻬﻢ ﻣﻌﺎﻙ ﻭﺣﺘﻰ ﻡ ﺧﺎﻳﻒ ﻋﻠﻴﻜﻢ ﺍﺑﺪﺍ ﻋﺎﺭﻓﻚ ﻗﺪﺭ ﺍﻟﻤﺴﺆﻭﻟﻴﻪ ﺩﻱ ﺑﺲ ﻋﺎﻳﺰ ﻣﻨﻚ ﺣﺎﺟﻪ ﻭﺣﺪﻩ ﻭﺑﺘﻤﻨﻰ ﺗﻌﻤﻠﻴﻬﺎ ﻗﻠﺖ ﻟﻴﻬﻮ ﻋﻴﻮﻧﻲ ﻟﻴﻚ ﺍﻃﻠﺐ؛؛؛؛؛؛ﻗﺎﻝ ﻟﻲ ﺭﺟﻌﻲ ﻋﻼﻗﺘﻚ ﺑﻜﺮﻳﻢ ﺍﻧﺎ ﻟﻼﻥ ﺣﺎﺳﺲ ﺑﺎﻟﺬﻧﺐ ﺗﺠﺎﻫﻜﻢ ﺍﻧﺘﻮ ﺍﻻﺗﻨﻴﻦ ﺧﻠﻴﻨﻲ ﺍﺳﺎﻓﺮ ﻣﺮﺗﺎﺡ ﻗﻠﺖ ﻟﻴﻬﻮ ﺍﻧﺖ ﻡ ﻋﻨﺪﻙ ﺫﻧﺐ ﺯﻱ ﻡ ﻗﻠﺖ ﻟﻴﻚ ﻭﻋﻠﻰ ﺍﻟﻌﻤﻮﻡ ﺍﻧﺎ ﻛﻨﺖ ﺑﻔﻜﺮ ﻓﻲ ﺍﻟﻤﻮﺿﻮﻉ ﺩﺍﺍ ﺑﺲ ﻡ ﻟﻘﻴﺖ ﻟﻲ ﺣﻞ ﻭﻣﺪﺍﻡ ﺍﻧﺖ ﻗﻠﺖ ﻛﺪﻩ ﻛﻼﻣﻚ ﻋﻠﻰ ﻋﻴﻨﻲ ﻭﺭﺍﺳﻲ؛؛؛؛؛؛ . ﻭﺡ ﺍﻋﻤﻞ ﺍﻟﻘﻠﺘﻮ ﺑﺎﺳﻨﻲ ﻓﻲ ﺭﺍﺳﻲ ﻭﻗﺎﻝ ﻟﻲ ﺭﺑﻨﺎ ﻳﺤﻔﻈﻚ ﻳﺴﺖ ﺍﻟﺒﻨﺎﺕ .
ﺷﻠﺘﺎ ﺗﻠﻔﻮﻧﻲ ﺍﺷﻮﻑ ﺍﻻﺗﺼﻞ ﻣﻨﻮ ﻟﻘﻴﺖ ﻓﻲ ﻛﻢ ﻣﻜﺎﻟﻤﻪ ﻣﻦ ﻋﻬﺪ ﺭﺟﻌﺖ ﻟﻴﻬﺎ ﻗﺎﻟﺖ ﻟﻲ ﺍﻧﺎ ﻭﻣﺎﻣﺎ ﺟﺎﻳﺒﻴﻦ ﺍﻟﻐﺪﺍﺀ ﻭﺡ ﻧﺠﻲ ﻋﻠﻴﻜﻢ ﻡ ﺗﻌﻤﻠﻲ ﺣﺎﺟﻪ ﻗﻠﺖ ﻟﻴﻬﺎ ﻟﻲ ﻡ ﻭﺭﻳﺘﻴﻨﻲ ﻣﻦ ﺑﺪﺭﻱ ﻗﺎﻟﺖ ﻟﻲ ﻳﺒﺖ ﻗﻠﺖ ﻟﻴﻚ ﻡ ﺗﻌﻤﻠﻲ ﺣﺎﺟﻪ ﺟﺎﻳﻴﻦ ﻛﻞ ﺷﻲ ﻧﺤﻨﺎ ﺑﺲ ﺍﻋﻤﻠﻲ ﻟﻴﻨﺎ ﻗﻬﻮﺓ ﻭﻓﺸﺎﺭ ﻣﻦ ﺗﺤﺖ ﻳﺪﻙ ﻗﻠﺖ ﻟﻴﻬﺎ ﺣﺎﺿﺮ ﻭﻗﻔﻠﺖ ﻣﻨﻬﺎ . ﻛﻠﻤﺖ ﺍﺑﻮﻱ ﻳﺠﻴﺐ ﻟﻲ ﻓﺸﺎﺭ ﻭﻗﻠﺖ ﻟﻤﺰﻥ ﺗﻨﺼﻒ ﺍﻟﻌﺮﻳﺸﻪ ﻭﻃﻠﺒﺖ ﻣﻦ ﻣﺎﺯﻥ ﻳﺮﺵ ﺍﻟﺤﻮﺵ ﻭﺩﺧﻠﺖ ﺭﺗﺒﺖ ﺍﻟﻤﻄﺒﺦ ﻭﻏﺴﻠﺖ ﺍﻟﻌﺪﻩ ﺍﻧﺘﻬﻴﺖ ﺍﻟﻌﺼﺮ ﻛﺪﻩ؛؛؛؛؛ﺳﻤﻌﺖ ﺻﻮﺕ ﺍﻟﺒﺎﺏ ﺑﻀﺮﺏ ﻣﺎﺯﻥ ﻣﺸﻰ ﻓﺘﺤﻮ ﺟﺎﺕ ﻋﻬﺪ ﺩﺍﺧﻠﻪ ﻭﻛﺎﻧﺖ ﻣﺤﺠﺒﺔ ﺍﺳﺘﻐﺮﺑﺖ ﻃﺒﻌﺎ ﻋﻬﺪ ﺩﻱ ﻡ ﺣﺼﻞ ﻟﺒﺴﺖ ﻃﺮﺣﺔ ﺯﺍﺗﻮ ﻟﻤﻦ ﺗﺘﺤﺠﺐ ﻛﻤﺎﻥ ﻋﺎﻳﻨﺖ ﻟﻴﻬﺎ ﺑﺎﺳﺘﻐﺮﺍﺏ ﻧﻈﺎﻡ ﺩﺍ ﺷﻨﻮ ؛؛؛؛؛ ﺣﻀﻨﺘﻨﻲ ﻭﻗﺎﻟﺖ ﻟﻲ ﺍﺗﺤﺠﺒﺖ ﻳﺒﺖ ﺍﺗﺤﺠﺒﺖ ﺍﺗﺨﻴﻠﻲ ﺑﺤﻜﻲ ﻟﻴﻚ ﺑﻌﺪﻳﻦ ﺩﻱ ﻣﺎﻣﺎ ﺳﻠﻤﻲ ﻋﻠﻴﻬﺎ؛؛؛؛ ﺳﻠﻤﺖ ﻋﻠﻰ ﺍﻣﻬﺎ ﻭﻓﻀﻠﺘﻬﻢ ﻣﺰﻥ ﺩﺧﻠﺖ ﺟﺎﺑﺖ ﻟﻴﻬﻢ ﻣﻮﻳﻪ ﻭﻋﺼﻴﺮ ﻭﺍﻧﺎ ﺩﺧﻠﺘﺎ ﻋﻤﻮﺩ ﺍﻻﻛﻞ ﺍﻟﻤﻄﺒﺦ ﻭﺭﺟﻌﺖ ﺍﺗﻮﻧﺲ ﻣﻌﺎﻫﻢ ؛؛؛؛؛؛ ﺍﻣﻬﺎ ﻗﺎﻟﺖ ﻟﻲ ﻃﺒﻌﺎ ﻋﻬﺪ ﺍﻟﻴﻮﻡ ﻛﻠﻮ ﺑﺘﺤﻜﻲ ﻟﻴﻨﺎ ﻋﻨﻚ ﻭﺑﺘﺤﺒﻚ ﺷﺪﻳﺪ ﻗﻠﺖ ﻟﻴﻬﺎ ﻭﺍﻧﺎ ﺑﺤﺒﻬﺎ ﺍﻟﻒ ﻭﺍﻟﻠﻪ؛؛؛؛ ﻗﺎﻟﺖ ﻟﻲ ﺣﻼﺗﻚ ﻣﺎﺷﺎﺀ ﺍﻟﻠﻪ ﺭﺑﻨﺎ ﻳﺤﻔﻈﻚ ﻟﻴﻬﺎ ﺣﻖ ﺗﺤﺒﻚ ﻭﺍﻧﺎ ﻣﻦ ﻛﺘﺮﺕ ﻛﻼﻣﻬﺎ ﻋﻨﻚ ﺣﺒﻴﺘﻚ ﻳﺒﺘﻲ ﻗﻠﺖ ﻟﻴﻬﺎ ﺗﺴﻠﻤﻲ ﻳﺨﺎﻟﺘﻮ ﻭﺑﺎﻟﻤﻨﺎﺳﺒﺔ ﺷﻜﺮﺍ ﻛﺘﻴﺮ ﻋﻠﻰ ﺍﻟﻬﺪﺍﻳﺔ ﺭﺑﻨﺎ ﻳﺴﻌﺪﻙ ﻗﺎﻟﺖ ﻟﻲ ﻋﻠﻰ ﺷﻨﻮ ﺍﻧﺘﻮ ﺯﻱ ﻋﻬﺪ ﺑﺘﻲ ﻭﻭﺍﺣﺪ ﻣﺎﻑ ﺑﻴﻨﺎﺗﻨﺎﺍ ﺷﻜﺮ؛؛؛؛؛ ﺍﺑﻮﻱ ﺟﺎﺍ ﺳﻠﻢ ﻋﻠﻴﻬﻢ ﻭﻃﻠﻊ ﻃﻮﺍﻟﻲ؛؛؛؛؛ ﺩﺧﻠﺖ ﺍﺟﻬﺰ ﺍﻟﻐﺪﺍﺀ ﻋﻬﺪ ﺟﺎﺕ ﺳﺎﻋﺪﺗﻨﻲ ﻗﺎﻟﺖ ﻟﻲ ﺍﻧﺎ ﻡ ﺿﻴﻔﻪ ﻡ ﺗﻨﺴﻲ ﺍﻟﺒﻴﺖ ﺑﻴﺘﻲ ﺑﺮﺿﻮ؛؛؛؛؛ ﻗﻠﺖ ﻟﻴﻬﺎ ﻓﻌﻼ ﺍﻟﺒﻴﺖ ﺑﻴﺘﻚ ﺑﺲ ﺑﺘﺒﺎﻟﻐﻮ ﺍﻻﻛﻞ ﺩﺍ ﻛﺘﻴﺮ ﺷﺪﻳﺪ ﻗﺎﻟﺖ ﻟﻲ ﻣﺎﻟﻮ ﺑﻘﻌﺪ ﻗﻠﺖ ﻟﻴﻬﺎ ﻃﻴﺐ ﻃﻴﺐ ﻋﻤﻠﺖ ﺻﻴﻨﻴﻪ ﻟﻴﻨﺎ ﻭﻭﺣﺪﻩ ﻷﺑﻮﻱ ﻭﻣﺎﺯﻥ ﻛﻠﻤﺖ ﻣﺰﻥ ﺗﻨﺎﺩﻱ ﻣﺎﺯﻥ ﻳﺠﻲ ﻳﺸﻴﻞ ﺍﻟﺼﻴﻨﺔ ﻭﺍﻧﺎ ﺷﻠﺖ ﺣﻘﺘﻨﺎ؛؛؛؛؛ ﺑﺪﻳﻨﺎ ﺍﻛﻞ ﻭﻗﻠﺖ ﻟﺨﺎﻟﺘﻮ ﻣﻨﻰ ﺍﻛﻠﻚ ﺣﻠﻮ ﺷﺪﻳﺪ ﺗﺴﻠﻢ ﻳﺪﻙ ﻗﺎﻟﺖ ﻟﻲ ﺑﺎﻟﻬﻨﺎ ﻳﺎﺭﺏ؛؛؛؛ ﺑﻌﺪ ﺃﻛﻠﻨﺎ ﺟﺒﺘﺎ ﺍﻟﻘﻬﻮﺓ ﻭﺍﻟﻔﺸﺎﺭ ﻭﺍﺗﻮﻧﺴﻨﺎ ﻛﺘﻴﺮ ﺻﺮﺍﺣﻪ ﺧﺎﻟﺘﻮ ﻣﻨﻰ ﺩﻱ ﻋﺴﻞ ﺷﺪﻳﺪ ﻛﻞ ﻡ ﻳﺠﻲ ﺻﻮﺕ ﺇﺷﻌﺎﺭ ﻣﻦ ﺗﻠﻔﻮﻥ ﻋﻬﺪ ﺑﺘﻘﻮﻝ ﻟﻴﻬﺎﺍ ﺣﺒﻴﺐ ﺍﻟﻘﻠﺐ ﻡ ﻗﺎﺩﺭ ﻳﻨﺘﻈﺮ ﻭﻻ ﺷﻨﻮ ﺭﺩﻱ ﻟﻴﻬﻮ ﻳﻤﻜﻦ ﻡ ﻗﺎﺩﺭ ﻳﺘﻨﻔﺲ ﻳﺎﺥ ﻭﺍﻟﻮﻧﺴﻪ ﻃﺎﻟﺖ ﻟﺤﺪﻱ ﺍﻟﻌﺸﺎﺀ ﺑﻌﺪﻫﺎ ﺧﺎﻟﺘﻮ ﻣﻨﻲ ﻗﺎﻟﺖ ﻟﻲ ﺑﻌﺪ ﺍﺫﻧﻚ ﻳﺒﺘﻲ ﺍﻧﺎ ﺡ ﺍﻣﺸﻲ؛؛؛؛؛ ﺍﻟﻌﺎﺷﻘﻪ ﺍﻟﺤﺎﻳﺮﻩ ﺩﻱ ﺡ ﺗﻘﻌﺪ ﻣﻌﺎﻙ ﻗﻠﺖ ﻟﻴﻬﻮ ﺣﻠﻮﻩ ﺍﻟﻌﺎﺷﻘﻪ ﺍﻟﺤﺎﻳﺮﻩ ﺩﻱ ﺑﺲ ﻳﻼﺍﺍ ﺍﺣﺴﻦ ﺷﻲ ﻟﻲ ﺯﻣﻦ ﻣﻨﻬﺎ ﺍﺷﺘﻘﺖ ﻟﻮﻧﺴﺘﺎ ﻣﻊ ﺑﻌﺾ ﻭﺩﻋﺘﻨﺎ ﻭﻃﻠﻌﺖ؛؛؛؛؛؛ ﻗﻠﺖ ﻟﻌﻬﺪ ﺍﻣﻚ ﻋﺴﻞ ﻋﺴﻞ ﻗﺎﻟﺖ ﻟﻲ ﻋﺎﺟﺒﺎﻙ ﺍﻟﺘﺸﻐﻴﻠﻪ ﺩﻱ ﻳﻌﻨﻲ ﻋﺎﺟﺒﻚ ﻗﻠﺖ ﻟﻴﻬﺎ ﺍﻱ ﻋﺎﺟﺒﺎﻧﻲ ﻗﺎﻟﺖ ﻟﻲ ﻭﺳﺨﻪ ﺣﻘﻴﺮﻩ ﻗﻠﺖ ﻟﻴﻬﺎ ﺑﺤﺒﻚ ﻱ ﺍﻟﻌﺎﺷﻘﻪ ﺍﻟﺤﺎﻳﺮﻩ ﺍﻧﺘﻲ ؛؛؛؛؛ . ﺣﻤﺮﺕ ﻟﻲ ﻭﺩﺧﻠﺖ ﺟﻮﺍﺍﺍ ﻟﻤﻴﺖ ﺍﻟﻌﺪﻩ ﻏﺴﻠﺘﻬﺎ ﻭﻧﻀﻔﺖ ﺍﻟﺒﻴﺖ ﺗﺎﻧﻲ ﺍﺑﻮﻱ ﻗﺎﻝ ﻟﻲ ﻣﺰﻥ ﺗﻌﺎﻟﻲ ﺍﺭﻗﺪﻱ ﻣﻌﺎﻧﺎ ﺍﻧﺎ ﻭﻣﺎﺯﻥ ﺍﺻﻼ ﻛﻠﻬﺎ ﻳﻮﻣﻴﻦ ﻭﺡ ﺍﺳﺎﻓﺮ ﻗﺎﻟﺖ ﻟﻴﻬﻮ ﺣﺎﺿﺮ ﻻﺣﻈﺖ ﻟﻠﻜﺴﺮﻩ ﻓﻲ ﻋﻴﻮﻥ ﺍﺑﻮﻱ ﻭﺍﺣﺴﺎﺱ ﺍﻟﻔﻘﺪ ﻓﻲ ﻋﻴﻮﻥ ﻣﺰﻥ ﻛﺄﻧﻪ ﺑﺘﻘﻮﻝ ﻟﻴﻬﻮ ﻡ ﺗﻤﺸﻲ ﻗﻠﺖ ﻟﻲ ﺍﺑﻮﻱ ﺡ ﺗﻘﺮﺍ ﻟﻴﻬﻢ ﻗﺼﻪ ﺻﺎﺡ ﻗﺎﻝ ﻟﻲ ﺃﻛﻴﺪ ﺍﻛﻴﺪ ﻭﻛﻢ ﻭﺣﺪﻩ ﻡ ﻭﺣﺪﻩ ﺑﺲ ﺗﻌﺎﻟﻲ ﺳﺎﻕ ﻣﺰﻥ ﻭﻃﻠﻌﻮ ﺑﺮﺍﺍ؛؛؛؛؛ . ﺍﻧﺎ ﺑﻌﺪ ﺧﻠﺼﺖ ﻣﺸﻴﺖ ﻟﻌﻬﺪ ﻟﻘﻴﺘﻬﺎ ﺑﺘﺘﻜﻠﻢ ﺏ ﺍﻟﺘﻠﻔﻮﻥ ﻭﺑﺘﻀﺤﻚ ﻵﺧﺮ ﺿﺮﺱ ﻗﺎﻟﺖ ﻟﻴﻬﻮ ﺑﻜﺮﻱ ﺣﺒﻴﺒﻲ ﺡ ﺍﺭﺟﻊ ﻟﻴﻚ ﺑﻌﺪﻳﻦ ﻭﻗﻔﻠﺖ ؛؛؛؛ ﻗﻠﺖ ﻟﻴﻬﺎ ﻗﻔﻠﺘﻲ ﻟﻴﻪ ﻡ ﺗﻮﺍﺻﻠﻲ ﻋﻠﻴﻚ ﺍﻟﻠﻪ ﻗﺎﻟﺖ ﻟﻲ ﺍﺳﻜﺘﻲ ﻳﻬﺒﻠﻪ ﻋﺎﻳﺰﻩ ﺍﺣﻜﻲ ﻟﻴﻚ ﻗﺼﺔ ﺍﻟﺤﺠﺎﺏ ﻗﻠﺖ ﻟﻴﻬﺎ ﺍﻫﺎ ﺍﺣﻜﻲ ؛؛؛؛؛ ﻗﺎﻟﺖ ﻟﻲ ﺣﻠﻤﺖ ﺑﻮﺣﺪﻩ ﺟﺎﺗﻨﻲ ﻓﻲ ﺍﻟﺤﻠﻢ ﻭﻗﺎﻟﺖ ﻟﻲ ﻟﻮ ﻋﺎﻳﺰﻩ ﺗﻌﺮﺳﻲ ﺣﺒﻴﺒﻚ ﺳﺮﻋﻪ ﻻﺯﻡ ﺗﺘﺤﺠﺒﻲ ﻗﻠﺖ ﻟﻴﻬﺎ ﺟﻨﻴﺘﻲ ﺍﻧﺘﻲ ﺻﺢ ﻭﻻ ﻧﺴﻴﺖ ﺍﻧﺘﻲ ﻣﻦ ﻳﻮﻣﻚ ﻣﺠﻨﻮﻧﺔ ﻛﻴﻒ ﺑﺘﺼﺪﻗﻲ ﻛﻼﻡ ﺯﻱ ﺩﺍ ﻭﻛﺪﻩ ﻡ ﺻﺎﺡ ﻟﻮ ﻋﺎﻳﺰﻩ ﺗﺘﺤﺠﺒﻲ ﻋﺸﺎﻥ ﻛﺪﻩ ﻓﻜﻴﻬﻮ ﺳﺎﻱ ﺑﺲ ﻟﻮ ﻋﺸﺎﻥ ﺭﺑﻨﺎ ﺍﺗﺤﺠﺒﻲ ﻗﺎﻟﺖ ﻟﻲ ﻭﺍﺗﺤﺠﺒﺖ ﻋﺸﺎﻥ ﺭﺑﻨﺎ ﺑﺮﺿﻮ ﻫﻮ ﺭﻏﻢ ﺍﻏﻼﻃﻲ ﺩﻳﻚ ﻛﻠﻬﺎ ﻟﺴﻪ ﻛﺮﻳﻢ ﻋﻠﻲ ﻭﺍﺩﺍﻧﻲ ﺍﻟﺒﺤﺒﻮ ﻭﺡ ﻳﺠﻤﻌﻨﺎ ﻓﻲ ﺑﻴﺖ ﻭﺍﺣﺪ ﻣﺘﺄﻛﺪﻩ ﺍﻥ ﺷﺎﺀ ﺍﻟﻠﻪ ﻗﻠﺖ ﻟﻴﻬﺎ ﻳﺎﺭﺏ؛؛؛؛؛ ﻭﺑﻤﻨﺎﺳﺒﻪ ﻛﺮﻳﻢ ﺩﻱ ﻗﺮﺭﺕ ﺍﺭﺟﻊ ﻟﻴﻬﻮ ﻗﻌﺪﺕ ﺗﻨﻄﻂ ﻭﻗﺎﻟﺖ ﻟﻲ ﺍﺧﻴﺮﺍ ﻳﻨﻌﻤﺔ ﺍﺧﻴﺮﺍ ﻓﺮﺣﺖ ﺷﺪﻳﺪ ﻗﻠﺖ ﻟﻴﻬﺎ ﺡ ﺗﻘﻌﻲ ﻛﻔﺎﻳﻪ ﻗﺎﻟﺖ ﻟﻲ ﺍﻧﺎ ﻣﺒﺴﻮﻃﻪ ﺷﺪﻳﺪ ﻭﺍﻟﻠﻪ ؛؛؛ﻗﻠﺖ ﻟﻴﻬﺎ ﻡ ﺗﻔﺮﺣﻲ ﺳﺎﻱ ﻳﻤﻜﻦ ﻡ ﻳﻮﺍﻓﻖ ﻗﺎﻟﺖ ﻟﻲ ﻡ ﻛﻠﻤﺘﻴﻬﻮ ﻟﺴﻪ ﺍﻧﺘﻲ ﺍﺳﻲ ﺍﺗﺼﻠﻲ ﻛﻠﻤﻴﻬﻮ ﻗﻠﺖ ﻟﻴﻬﺎ ﺡ ﺍﻛﻠﻤﻮ ﺍﻧﻮ ﻧﺘﻼﻗﻰ ﻭﻛﺪﻩ؛؛؛؛؛ ﺻﺮﺍﺣﻪ ﺍﺷﺘﻘﺖ ﺍﻧﻲ ﺍﺷﻮﻓﻮ
؛؛؛؛؛؛؛ ﻗﺎﻟﺖ ﻟﻲ ﻓﺎﺻﻠﻪ ﻣﻦ ﻳﻮﻣﻚ ﻳﻼ ﺍﺗﺼﻠﻲ ﺳﺮﻋﻪ؛؛؛؛ ﺍﺗﺼﻠﺖ ﻗﻠﺖ ﻟﻴﻬﻮ ﻻﺯﻡ ﺍﺷﻮﻓﻚ ﺑﻜﺮﻩ ﻓﺎﺿﻲ ﻗﺎﻝ ﻟﻲ ﺃﻓﻀﻰ ﻟﻴﻚ ﻣﺨﺼﻮﺹ؛؛؛؛ . ﻋﻤﻠﺖ ﻓﻴﻬﺎ ﻡ ﻣﺮﻛﺰﻩ ﻭﻗﻠﺖ ﻟﻴﻬﻮ ﺣﻠﻮ ﻧﺘﻼﻗﻰ ﻓﻲ ﻣﺤﻞ ﺷﻐﻠﻲ ﺑﻜﺮﻩ ﻗﺎﻝ ﻟﻲ ﺗﻤﺎﻡ ﻭﺍﺳﻤﻌﻲ ﺍﺷﺘﻘﺖ ﻟﻴﻚ ﻭﺍﻟﻠﻪ ﻗﻠﺖ ﻟﻴﻬﻮ ﻳﻼ ﻟﺒﻜﺮﻩ ﻭﻗﻔﻠﺖ ؛؛؛ . ﻛﻨﺖ ﻓﺎﺗﺤﺔ ﺍﻻﺳﺒﻴﻜﺮ ﻋﻬﺪ ﻗﺎﻟﺖ ﻟﻲ ﺍﺣﻴﻲ ﻣﻨﻚ ﻗﺎﻝ ﻣﺸﺘﺎﻕ ﻟﻴﻚ ﻣﺎﻟﻚ ﻡ ﺭﺩﻳﺘﻲ ﻟﻴﻬﻮ ﻗﻠﺖ ﻟﻴﻬﺎ ﻋﻬﺪ ﺧﻼﺹ ﻳﺎﺥ ﻗﺎﻟﺖ ﻟﻲ ﺍﻟﺤﻤﺪﻟﻠﻪ ﺑﺲ ﻣﻨﻚ ﻭﺷﺎﻟﺖ ﺗﻠﻔﻮﻧﻬﺎ ﻭﻣﺸﺖ ﺍﻟﺴﺮﻳﺮ ﺍﻟﺘﺎﻧﻲ ﻗﻠﺖ ﻟﻴﻬﺎ ﻋﺎﻳﺰﻩ ﺗﺒﺪﻱ ﺍﻣﻮﻭﺭ ﺍﻟﺨﻠﻂ ﺩﻱ ﻛﻮﻳﺲ ﻭﺍﻟﻠﻪ ﺿﺤﻜﺖ ﻭﺳﻔﻬﺘﻨﻲ ﺍﻟﻜﻠﺒﻪ؛؛؛؛؛؛ﻓﺘﺢﺕ ﺍﻟﺸﺒﻜﻪ ﻟﻘﻴﺖ ﻛﺮﻳﻢ ﺧﺎﺗﻲ ﺍﺳﺘﻮﺭﻱ ﻭﻛﺎﺗﺐ ﻓﻴﻬﻮ :
ﻛﺄﻥ ﺳﻤﺎﻉ ﺻﻮﺗﻬﺎ ﺍﻟﻤﻬﺮﺏ ﺍﻟﻮﺣﻴﺪ ﻣﻦ ﻛﻞ ﻫﺬﺍ ﺍﻟﺒﺆﻭﺱ .
ﻛﺴﺮﻩ