ﻭﺍﻗﻊ _ ﺃﺳﺮﺓ 18
ﺑﻘﻠﻢ ﻧﻌﻤﺔﺧﻀﺮ & ﻧﻐﻢ ﺍﻟﻔﺎﺗﺢ
ﺍﺳﻒ ﻟﻮ ﻋﻤﻠﺖ ﻟﻴﻚ ﻣﺸﺎﻛﻞ ﻗﻠﺖ ﻟﻴﻬﻮ ﺣﺼﻞ ﺧﻴﺮ ﺑﺲ ﺯﻱ ﻡ ﻭﺭﻳﺘﻚ ﻡ ﻳﻨﻔﻊ ﻧﺘﻮﺍﺻﻞ ﻣﻊ ﺑﻌﺾ ﺗﺎﻧﻲ ﻟﻮ ﺭﺑﻨﺎ ﺭﺍﺩ ﺍﻧﻮ ﻧﺘﻼﻗﻰ ﺗﺎﻧﻲ ﺧﻼﺹ ﻟﻮ ﻻﺍ ﺧﻼﺹ ﺣﺼﻞ ﺧﻴﺮ ﻟﻮ ﺳﻤﺤﺖ ﻡ ﺗﺘﻌﺮﺽ ﻟﻲ ﺗﺎﻧﻲ ﻭﻻ ﺗﻈﻬﺮ ﻗﺪﺍﻣﻲ ﻗﺎﻝ ﻟﻲ ﺭﺍﺣﺘﻚ ﺍﻛﻴﺪ ﻭﺍﺳﻒ ﻣﺮﻩ ﺗﺎﻧﻴﻪ . ﻭﻣﺸﻰ؛؛؛؛؛ ﻡ ﺯﻋﻠﺖ ﺍﺑﺪﺍ ﻋﻠﻰ ﻛﻼﻣﻲ ﺍﻟﻘﻠﺘﻮ ﻟﻴﻬﻮ ﺩﺍ ﺭﻏﻢ ﺃﻧﻮ ﻛﺎﻥ ﺟﺎﺭﺡ ﺷﻮﻳﻪ ﻻﻧﻮ ﻫﻮ ﻡ ﻏﻠﻄﺎﻧﻪ ﺑﺲ ﺍﻧﺎ ﻛﻤﺎﻥ ﻡ ﻻﺯﻡ ﺍﻛﺴﺮ ﻛﻼﻡ ﺍﺑﻮﻱ ﺭﺟﻌﺖ ﺑﻴﺘﻨﺎ ﺳﻠﻤﺖ ﻋﻠﻰ ﺍﺑﻮﻱ ﻭﻗﻌﺪﺕ ﺍﻗﺮﺍﺍ ﺷﻮﻳﻪ؛؛؛؛
............................................................................
ﻧﻌﻤﺔ ﻃﻠﺒﺖ ﻧﺒﻌﺪ ﻣﻦ ﺑﻌﺾ ﺑﺲ ﻡ ﻋﺎﺭﻑ ﻛﻴﻒ ﺡ ﺍﻗﺪﺭ ﻣﻦ ﺩﻭﻧﻬﺎ ﺧﺼﻮﺻﻲ ﺍﻧﻮ ﺍﻟﻔﺘﺮﻩ ﺍﻟﻔﺎﺗﺖ ﺩﻱ ﺍﺗﻌﻮﺩﺕ ﻋﻠﻴﻬﺎ ﻛﺘﻴﺮ ﺷﺪﻳﺪ ﺍﻧﺎ ﻡ ﺑﻠﻮﻣﻬﺎ ﻷﻧﻮ ﺍﻛﻴﺪ ﻋﻨﺪﻫﺎ ﺃﺳﺒﺎﺑﻪ ﺍﻟﺨﺎﺹ ﺑﺲ ﻋﻠﻰ ﺍﻻﻗﻞ ﻛﺎﻥ ﺗﻮﺭﻳﻨﻲ ﺍﻟﺴﺒﺐ ﻡ ﺗﺨﻠﻴﻨﻲ ﺗﺎﻳﻪ ﻭﻡ ﻋﺎﺭﻑ ﺣﺎﺟﺔ ﺑﺎﻟﻄﺮﻳﻘﻪ ﺍﻧﺎ ﻡ ﺯﻋﻼﻥ ﻣﻨﻬﺎ ﻭﻻ ﻋﻤﺮﻱ ﺡ ﺍﺯﻋﻞ ﻣﻨﻬﺎ ﺑﺲ ﺍﻫﻢ ﺣﺎﺟﺔ ﺭﺍﺣﺘﻬﺎ ﻣﺪﺍﻡ ﻋﺎﻳﺰﺍﻧﻲ ﺍﺑﻌﺪ ﺡ ﺍﺑﻌﺪ؛ ﻗﻄﻊ ﺗﻔﻜﻴﺮﻭ ﺻﻮﺕ ﺑﻜﺮﻱ ﻭﻫﻮ ﺑﻘﻮﻝ ﻟﻴﻬﻮ ﻣﺎﻟﻚ ﻳﺸﺎﺏ ﺳﺮﺣﺎﻥ ﻭﻳﻦ ﻗﺎﻝ ﻟﻴﻬﻮ ﻧﻌﻤﺔ ﺍﺧﺘﺎﺭﺕ ﺍﻧﻮ ﻧﺒﻌﺪ ﻣﻦ ﺑﻌﺾ ﻗﺎﻝ ﻟﻴﻬﻮ ﺍﻫﺎ ﻭﻳﻌﻨﻲ ﺷﻨﻮ ﻡ ﺍﻭﻝ ﺑﺖ ﻭﻻ ﺍﺧﺮ ﺑﺖ ﻭﺣﻮﺍﺀ ﻭﻻﺩﻩ ﻳﺼﺤﺒﻲ ﻣﺶ ﻛﻨﺘﻮ ﺃﺻﺤﺎﺏ ﺑﺲ ﻋﺎﺩﻱ ﺍﻧﺴﺎﻫﺎ ﻭﺍﻧﺖ ﻛﻤﺎﻥ ﺍﺻﺤﺎﺑﻚ ﻛﺘﺎﺭ ﻳﻌﻨﻲ ﻣﺎ ﺡ ﺗﻔﺮﻕ ﻣﻌﺎﻙ ﺍﺻﻼ ﻗﻠﺖ ﻟﻴﻬﻮ ﺑﻜﺮﻱ ﺍﺣﺘﻔﻆ ﺑﻜﻼﻣﻚ ﻟﻨﻔﺴﻚ ﻭﻃﻠﻌﺖ ﻏﺮﻓﺘﻲ ﻛﻨﺖ ﺯﻋﻼﻧﻪ ﺷﺪﻳﺪ ﻣﻦ ﻛﻼﻡ ﺑﻜﺮﻱ ﻛﻴﻒ ﻳﻘﻮﻝ ﻟﻲ ﻛﺪﻩ ﻫﻮ ﻡ ﻋﺎﺭﻑ ﺍﻧﻮ ﻧﻌﻤﺔ ﻣﺎﻑ ﺯﻳﻬﺎ ﻭﻣﺴﺘﺤﻴﻞ ﻳﻜﻮﻥ ﻓﻲ ﻡ ﻋﺎﺭﻑ ﺍﻧﻬﺎ ﺍﻟﻮﺣﻴﺪﻩ ﺍﻟﻤﺨﺘﻠﻔﻪ ﻓﻲ ﻛﻞ ﺍﺻﺤﺎﺑﻲ ﻭﺍﺣﺴﻦ ﻭﺣﺪﻩ ﻓﻴﻬﻢ ﻡ ﺑﻨﻜﺮ ﺍﻧﻮ ﺍﺻﺤﺎﺑﻲ ﻛﻮﻳﺴﻴﻦ ﺑﺲ ﻡ ﺯﻱ ﻧﻌﻤﺔ ﺍﻛﻴﺪ ﻧﺼﻬﻢ ﺑﻬﺘﻢ ﺑﺎﻟﻤﻈﻬﺮ ﻭﺍﻟﺸﻜﻞ ﻭﻓﻲ ﺧﺴﺎﺳﺎﺕ ﺗﺤﺖ ﺗﺤﺖ ﺑﻴﻨﺎﺗﻬﻢ ﻧﻌﻤﺔ ﻛﺎﻧﺖ ﺻﺮﻳﺤﻪ ﻣﻌﺎﻱ ﺷﺪﻳﺪ ﻡ ﻋﻨﺪﻫﺎ ﻋﻼﻗﻪ ﺑﺎﻟﻤﻈﻬﺮ ﻭﻻ ﺍﻟﺸﻜﻞ ﻋﻤﺮﻫﺎ ﻡ ﻃﻤﻌﺖ ﻓﻲ ﻗﺮﻭﺷﻲ ﻋﻜﺲ ﺭﻳﻢ ﻭﻣﻌﻈﻢ ﺍﻟﺒﻨﺎﺕ ﺍﻟﺒﻌﺮﻓﻬﻢ ﺻﺎﺡ ﺍﺣﻨﺎ ﻋﻼﻗﺘﻨﺎ ﻡ ﻃﻮﻟﺖ ﺑﺲ ﺍﺧﺪﺕ ﻣﻜﺎﻥ ﻋﺎﻟﻲ ﻓﻲ ﻗﻠﺒﻲ ﻡ ﻋﻨﺪﻱ ﺣﺎﺟﺔ ﺍﻗﻮﻻﺍ ﻏﻴﺮ ﺭﺑﻨﺎ ﻳﺴﻌﺪﻫﺎ ﻭﻳﻮﻓﻘﻬﺎ ﺑﺲ .
_ ﺍﻳﺎﻡ ﺍﻻﻣﺘﺤﺎﻧﺎﺕ ﻋﺪﺕ ﺑﺴﻼﻡ ﺍﻟﺤﻤﺪﻟﻠﻪ ﺍﻟﻠﻴﻠﻪ ﺁﺧﺮ ﻳﻮﻡ ﻭﺡ ﺍﺧﻠﺺ ﻋﻬﺪ ﻋﺎﺯﻣﺎﻧﻲ ﻃﻠﻌﻪ؛؛؛؛ ﻛﺮﻳﻢ ﻣﻦ ﻳﻮﻡ ﻡ ﺍﺗﻼﻗﻴﻨﺎﺍ ﺗﺎﻧﻲ ﻡ ﺃﺗﻌﺮﺽ ﻟﻲ ﻭﺩﻱ ﺣﺎﺟﻪ ﻛﻮﻳﺴﻪ ﺃﻧﺎ ﻓﻘﺪﺗﻮ ﺷﻮﻳﻪ ﺑﺲ ﺍﺗﺠﺎﻭﺯﺗﻮ ﺍﻧﺎ ﻣﻦ ﻃﺒﻌﻲ ﺑﻘﺪﺭ ﺃﺗﺠﺎﻭﺯ ﺍﻱ ﺯﻭﻝ ﻣﻬﻤﺎ ﻛﺎﻥ ﻧﻮﻉ ﻋﻼﻗﺘﻨﺎ ﺷﻨﻮ ﺍﻟﺤﻤﺪﻟﻠﻪ؛؛؛؛ . ﺑﻌﺪ ﻃﻠﻌﺖ ﻣﻦ ﺍﻻﻣﺘﺤﺎﻥ ﻟﻘﻴﺖ ﻋﻬﺪ ﺑﺮﺍﺍ ﻗﺎﻟﺖ ﻟﻲ ﻧﻘﻮﻝ ﺍﻧﻚ ﺡ ﺗﺒﻘﻲ ﺍﺣﻼﺍ ﺑﺮﻟﻮﻣﻪ ﻗﺮﻳﺐ ﻳﺤﻠﻮﻩ ﻗﻠﺖ ﻟﻴﻬﺎ ﺭﺑﻨﺎ ﻳﺠﻴﺐ ﺍﻟﻨﺘﻴﺠﺔ ﻭﺗﻌﺪﻱ ﻋﻠﻰ ﺧﻴﺮ ﺑﺲ ﻗﺎﻟﺖ ﻟﻲ ﻫﺎﺍ ﺍﻟﻌﻮﻳﺮﻩ ﺩﻱ ﺍﻧﺎ ﻭﺍﺛﻘﻪ ﻣﻨﻚ ﻭﺡ ﺗﺘﻔﻮﻗﻲ ﺍﻛﻴﺪ ﺍﺭﺡ ﺍﺭﻛﺒﻲ ﻭﻋﻨﺪﻱ ﻣﻌﺎﻙ ﻣﻮﺍﺿﻴﻊ ﻛﺘﻴﺮﻩ ﻛﻨﺖ ﻣﻨﺘﻈﺮﻩ ﺗﺨﻠﺼﻲ ﺍﻣﺘﺤﺎﻧﺎﺕ ﺑﻔﺎﺭﻍ ﺍﻟﺼﺒﺮ ﻗﻠﺖ ﻟﻴﻬﺎ ﺍﻫﺎ ﺧﻠﺼﺖ ﻳﻼ ﺍﺣﻜﻲ ﻟﻲ ﺍﻟﺸﻤﺎﺭ ﺣﺮﻗﻨﻲ ﻗﺎﻟﺖ ﻟﻲ ﻟﻤﻦ ﻧﺼﻞ ﻣﺸﻴﻨﺎ ﺷﺎﺭﻉ ﺍﻟﻨﻴﻞ ﺑﺲ ﻡ ﺟﺎﺕ ﺏ ﺍﻟﺤﺘﻪ ﺍﻟﻜﻨﺖ ﺷﻐﺎﻟﻪ ﻓﻴﻬﺎ ﻭﻣﺮﺍﺕ ﺍﻣﻲ ﺑﺘﺠﻴﻬﺎ ﻋﺸﺎﻥ ﻡ ﺗﺬﻛﺮﻧﻲ ﻋﺮﻓﺖ ﺃﻧﻮ ﺍﺗﻌﻤﺪﺕ ﺗﻌﻤﻞ ﻛﺪﻩ؛؛؛؛ ﺟﺎﺑﺖ ﻗﻬﻮﺓ ﻭﺟﺎﺕ ﻗﻌﺪﺕ ﺟﻨﺒﻲ ﻭﺑﺪﺕ ﺗﺤﻜﻲ ﻟﻲ ﻗﺎﻟﺖ ﺇﻧﻬﺎ ﺍﺭﺗﺒﻄﺖ ﻣﻊ ﺑﻜﺮﻱ ﻭﻃﺮﺡ ﻟﻴﻬﺎ ﻗﺒﻞ ﻓﺘﺮﻩ ﻭﻫﻲ ﻋﺸﺎﻥ ﺑﺘﺤﺒﻮ ﻭﺍﻓﻘﺖ ﻃﻮﺍﻟﻲ ﻗﻠﺖ ﻟﻴﻬﺎ ﻣﺶ ﺑﻜﺮﻱ ﺑﺘﺎﻉ ﺑﻨﺎﺕ ﻭﺍﻧﺘﻲ ﻋﺎﺭﻓﻪ ﻃﺒﻌﻮ ﻗﺎﻟﺖ ﻟﻲ ﻳﺒﺖ ﺗﺎﺏ ﻣﻦ ﺣﺮﻛﺎﺗﻮ ﺩﻳﻚ ﻭﻛﻔﺮ ﻋﻦ ﻏﻠﻄﻮ ﻭﺍﻧﺎ ﻣﺒﺴﻮﻃﻪ ﻣﻌﺎﻫﻮ ﺷﺪﻳﺪ ﻭﺍﻻﺣﻼﺍﺍﺍ ﻣﻦ ﻛﺪﻩ ﻟﻤﻦ ﺣﻜﻴﺖ ﻟﻴﻬﻮ ﺍﻧﻮ ﺍﻧﺎ ﺍﺗﺤﺮﺷﻮ ﺑﻲ ﻭﺍﻏﺘﺼﺒﻮﻧﻲ ﻭﺍﻧﺎ ﺷﺎﻓﻌﻪ ﻡ ﻗﺎﻝ ﺣﺎﺟﺔ ﻭﺍﺗﻘﺒﻞ ﺍﻟﻤﻮﺿﻮﻉ ﻭﻗﺎﻝ ﺍﻧﻮ ﺍﻧﺎ ﻡ ﻋﻨﺪﻱ ﺫﻧﺐ ﻓﻲ ﺍﻟﻤﻮﺿﻮﻉ ﻭﺍﻟﻤﻬﻢ ﺍﻧﻮ ﺑﺤﺒﻨﻲ ﻛﺎﻧﺖ ﺑﺘﺤﻜﻲ ﻭﻋﻴﻮﻧﺎ ﺑﺘﻠﻤﻊ ﺷﻮﻓﺖ ﺍﻟﻔﺮﺣﻪ ﻓﻲ ﻋﻴﻮﻧﻬﺎ ﺣﻀﻨﺘﻬﺎﺍ ﻭﻗﻠﺖ ﻟﻴﻬﺎﺍﺍﺍ ﻓﺮﺣﺖ ﻟﻴﻚ ﺷﺪﻳﺪ ﺭﺑﻨﺎ ﻳﺠﻤﻌﻜﻢ ﺑﺎﻟﺤﻼﻝ ﻗﺎﻟﺖ ﻟﻲ ﺍﻟﻠﻬﻢ ﺍﻣﻴﻦ ﻳﺎﺭﺏ
ﺳﺄﻟﺘﻨﻲ ﻣﻦ ﻋﻼﻗﺘﻲ ﺑﻜﺮﻳﻢ ﺣﻜﻴﺖ ﻟﻴﻬﺎ ﺍﻟﺤﺼﻞ ﻛﻠﻮ ﻗﺎﻟﺖ ﻟﻲ ﻛﺮﺭ ﻋﻠﻲ ﻛﻴﻒ ﻳﺤﺼﻞ ﻣﻌﺎﻙ ﻛﻞ ﺩﺍ ﻭﻡ ﺗﻮﺭﻳﻨﻲ ﻗﻠﺖ ﻟﻴﻬﺎ ﻣﺎ ﺣﺒﻴﺖ ﺍﺷﻐﻞ ﻟﻴﻚ ﺑﺎﻟﻚ ﺣﺎﺟﺔ ﻭﻋﺪﺕ ﻗﺎﻟﺖ ﻟﻲ ﺡ ﺗﻌﻤﻠﻲ ﺷﻨﻮ ﺍﺳﻲ ! ؟ ﻗﻠﺖ ﻟﻴﻬﺎ ﻭﻻ ﺷﻲ ﺍﻧﺎ ﺍﺗﺠﺎﻭﺯﺗﻮ ﻭﺧﻼﺹ ﻫﻮ ﻋﻨﺪﻭ ﻣﻜﺎﻥ ﻓﻲ ﺣﻴﺎﺗﻲ ﻡ ﻧﺎﻛﺮﻩ ﺑﺲ ﻛﻤﺎﻥ ﻡ ﺣﺎﺟﺔ ﺍﺳﺎﺳﻴﻪ ﻓﺎﻟﻤﻮﺿﻮﻉ ﻋﺎﺩﻱ ﻗﺎﻟﺖ ﻟﻲ ﻧﻌﻤﺔ ﺍﻧﺘﻲ ﺟﺎﺩﻩ ﻛﻴﻒ ﻳﻌﻨﻲ ﺍﻟﻤﻮﺿﻮﻉ ﻋﺎﺩﻱ ﻫﻮ ﺻﺤﺒﻚ ﻭﻛﻨﺘﻮ ﻗﺮﺍﺏ ﻣﻦ ﺑﻌﺾ ﺷﺪﻳﺪ ﻗﻠﺖ ﻟﻴﻬﺎ ﻛﻨﺎﺍ ﻭﺍﺳﻲ ﻡ ﻛﺪﻩ ﻛﺮﻳﻢ ﻛﺎﻥ ﻓﺘﺮﻩ ﺣﻠﻮﻩ ﻓﻲ ﺣﻴﺎﺗﻲ ﻭﺍﻧﺘﻬﻰ ﻋﻠﻰ ﻛﺪﻩ ﻗﺎﻟﺖ ﻟﻲ ﻃﻴﺐ ﻃﻴﺐ ﺧﻠﻴﺘﻚ ﺍﺻﻼ ﺭﺍﺳﻚ ﻗﻮﻱ ﻭﻡ ﺑﺘﻘﻨﻌﻲ ﺍﺑﺪﺍ ﺍﺭﺡ ﻣﺎﺷﻴﻦ ﺍﻟﻤﻼﻫﻲ ﻗﻠﺖ ﻟﻴﻬﺎ ﻡ ﺟﺎﺩﻩ ﺍﻛﻴﺪ ﺩﻱ ﺷﻨﻮ ﺃﻣﻮﺭ ﺍﻟﺸﻔﻊ ﺩﻱ ﻗﺎﻟﺖ ﻟﻲ ﺍﺳﻜﺘﻲ ﻳﺸﺎﻓﻌﻪ ﺍﻧﺘﻲ ﺍﺭﺡ ﺑﺲ؛؛؛ ﻣﺸﻴﻨﺎ ﺍﻟﻤﻼﻫﻲ ﻭﻟﻌﺒﻨﺎ ﻛﺘﻴﺮ ﻭﺣﻀﺮﻧﺎ ﻓﻠﻢ ﻭﺍﻛﻠﻨﺎ ﺑﻴﺘﺰﺍ ﻭﻓﺸﺎﺭ ﻛﺎﻥ ﻳﻮﻡ ﺣﻠﻮ ﺷﺪﻳﺪ ﻋﻬﺪ ﻏﻴﺮﺕ ﻧﻔﺴﻴﺎﺗﻲ ﻛﻠﻬﺎ ﻭﻣﻠﺘﻨﻲ ﻃﺎﻗﻪ ﻭﺭﺟﻌﺘﻨﻲ ﻃﻔﻠﻪ ﻣﻦ ﺍﻭﻝ ﺑﻌﺪﻫﺎ ﺭﺟﻌﻨﺎ ﺍﻟﺒﻴﺖ ﻋﻬﺪ ﺩﺧﻠﺖ ﺳﻠﻤﺖ ﻋﻠﻰ ﺍﺑﻮﻱ ﻭﻃﻠﻌﺖ؛؛؛؛ ﻣﺎﺯﻥ ﻭﻣﺰﻥ ﻗﺎﻟﻮ ﻟﻲ ﺍﺧﻴﺮﺍ ﺧﻠﺼﺘﻲ ﺍﺷﺘﻘﻨﺎ ﻟﻴﻚ ﻭﺍﺷﺘﻘﺘﻨﺎ ﻷﻣﻲ ﺡ ﻧﻤﺸﻲ ﻟﻴﻬﺎ ﻣﺘﻴﻦ ﻗﻠﺖ ﻟﻴﻬﻢ ﺡ ﻧﻤﺸﻲ ﻟﻴﻬﺎ ﺑﻜﺮﻩ ﺍﻧﺘﻈﺮﻭ ﺍﻏﻴﺮ ﻣﻼﺑﺴﻲ ﻭﻧﺠﻲ ﻧﺘﻮﻧﺲ؛؛؛؛؛ ﺩﺧﻠﺖ ﺟﻮﺍﺍ ﻭﺟﻴﺘﻬﻢ ﻟﻘﻴﺖ ﺍﺑﻮﻱ ﻣﻄﻠﻊ ﺍﻟﻜﺸﺘﻴﻨﻪ ﻭﻗﺎﻝ ﺡ ﻧﻠﻌﺐ ﻗﻠﺖ ﻟﻴﻬﻮ ﻟﻲ ﺯﻣﻦ ﻣﻨﻬﺎ ﺍﺭﺡ ﺑﻌﺪ ﻟﻌﺒﻨﺎ ﺍﺗﻮﻧﺴﻨﺎﺍ ﻛﺘﻴﺮ ﺑﻌﺪﻫﺎ ﺍﺧﻮﺍﻧﻲ ﻣﺸﻮ ﻧﺎﻣﻮ ﻭﺍﻧﺎ ﻗﻌﺪﺕ ﺟﻨﺐ ﺍﺑﻮﻱ ﻗﺎﻝ ﻟﻲ ﻳﺒﺘﻲ ﻟﻮ ﺣﺎﺑﻪ ﺗﺘﻜﻠﻤﻲ ﻣﻊ ﻛﺮﻳﻢ ﻡ ﻋﻨﺪﻱ ﻣﺸﻜﻠﻪ ﺍﻟﻮﻟﺪ ﻃﻠﻊ ﻣﺤﺘﺮﻡ ﺍﻧﺎ ﻇﻠﻤﺘﻮ ﻃﻠﻊ ﺣﻔﻴﺪ ﺣﺠﻪ ﻣﺮﻳﻢ ﺟﺎﺭﺗﻨﺎ ﺩﻱ ﻭﻫﻢ ﻧﺎﺱ ﻣﺎﺷﺎﺀ ﺍﻟﻠﻪ ﺳﻤﻌﺘﻬﻢ ﺣﻠﻮﻩ ﻡ ﻋﻨﺪﻫﻢ ﺣﺎﺟﻪ ﻛﻌﺒﻪ ﻗﻠﺖ ﻟﻴﻬﻮ ﻛﺮﻳﻢ ﺩﺍ ﺍﻧﺎ ﻗﻔﻠﺖ ﺻﻔﺤﺘﻮ ﺧﻼﺹ ﻗﺎﻝ ﻟﻲ ﻋﻠﻰ ﻛﻴﻔﻚ ﺑﺲ ﻟﻮ ﻋﺸﺎﻧﻲ ﺍﻧﺎ ﻡ ﻋﻨﺪﻱ ﻣﺸﻜﻠﻪ ﻗﻠﺖ ﻟﻴﻬﻮ ﺍﻟﻤﻮﺿﻮﻉ ﺧﻠﺺ ﺧﻼﺹ ﻭﻋﺎﻳﺰﻩ ﺍﻛﻠﻤﻚ ﺍﻧﻮ ﺡ ﺍﻧﺰﻝ ﺷﻐﻞ ﻣﻦ ﺍﻷﺳﺒﻮﻉ ﺍﻟﺠﺎﻱ ﻗﺎﻝ ﻟﻲ ﺍﻧﺎ ﺷﻐﺎﻝ ﻣﺎﻑ ﺩﺍﻋﻲ ﻗﻠﺖ ﻟﻴﻬﻮ ﺍﻟﻤﺼﺎﺭﻳﻒ ﻛﺘﻴﺮﻩ ﻭﺭﺍﺗﺒﻚ ﻣﺎ ﺑﻜﻔﻲ ﻗﺎﻝ ﻟﻲ ﻋﺪﻳﻠﺔ ﺧﻼﺹ ﺗﻠﻔﻮﻧﻲ ﺿﺮﺏ ﺍﺳﺘﺄﺫﻧﺖ ﻣﻦ ﺃﺑﻮﻱ ﻭﺩﺧﻠﺖ ﺭﺩﻳﺖ ﻛﺎﻧﺖ ﻧﻐﻢ ﺍﺗﻮﻧﺴﺖ ﻣﻌﺎﻱ ﻛﺘﻴﺮ ﻭﻗﺎﻟﺖ ﺇﻧﻬﺎ ﻋﻨﺪﻫﺎ ﻟﻲ ﻣﻔﺎﺟﺄﻩ ﻗﻠﺖ ﻟﻴﻬﺎ ﻭﺭﻳﻨﻲ ﺍﺳﻲ ﻡ ﺑﻘﺪﺭ ﺍﻧﺘﻈﺮ ﻗﺎﻟﺖ ﻟﻲ ﻻﻻﻻ ﻓﻲ ﺍﻟﻮﻗﺖ ﺍﻟﻤﻨﺎﺳﺐ ﻭﻗﻔﻠﺖ ﻋﻠﻰ ﻛﺪﻩ ﻭﺍﻧﺎ ﻧﻤﺖ ﻃﻮﺍﻟﻲ .
...........................................................................
ﺍﻱ ﻳﻨﻐﻢ ﻧﻌﻤﺔ ﻛﻴﻒ ﺍﺗﺼﻠﺘﻲ ﻟﻴﻬﺎ ! ؟ ﻗﺎﻟﺖ ﻟﻴﻬﻮ ﻛﻮﻳﺴﻪ ﻳﻜﺮﻳﻢ ﺍﺳﻲ ﻛﻨﺖ ﺑﺘﻮﻧﺲ ﻣﻌﺎﻫﺎ ﺍﻧﺘﻮ ﻣﺎﻟﻜﻢ ﺍﻟﺤﺼﻞ ﻟﻴﻜﻢ ﺷﻨﻮ ﻗﺎﻝ ﻟﻴﻬﺎ ﻭﻻﺍ ﺷﻲ ﺑﺲ ﺑﻌﺪﻧﺎ ﻣﻦ ﺑﻌﺾ ﻛﺪﻩ ﺍﺣﺴﻦ ﻗﺎﻟﺖ ﻟﻴﻬﻮ ﺍﻧﺖ ﻣﺒﺴﻮﻁ ﻛﺪﻩ ﻗﺎﻝ ﻟﻴﻬﺎ ﻣﺪﺍﻡ ﻫﻲ ﻣﺒﺴﻮﻃﻪ ﺍﻧﺎ ﺡ ﺍﻛﻮﻥ ﻣﺒﺴﻮﻁ ﻗﺎﻟﺖ ﻟﻴﻬﻮ ﺑﺎﻟﺠﺪ ﺍﻧﺖ ﻡ ﻛﻮﻳﺲ ﻓﻲ ﺷﻨﻮ؟ ﻗﺎﻝ ﻟﻴﻬﺎ ﺍﺣﺴﺎﺱ ﺗﺘﻌﻮﺩ ﻋﻠﻰ ﺯﻭﻝ ﻭ ﻓﺠﺄﺓ ﻳﺒﻌﺪ ﻣﻨﻚ ﺑﻌﺪ ﻡ ﺍﻧﺖ ﺗﻜﻮﻥ ﺧﻄﻄﺖ ﻟﺤﺎﺟﺎﺕ ﻛﺘﻴﺮﻩ ﺑﻴﻨﻚ ﻭﺑﻴﻦ ﻧﻔﺴﻚ ﺍﻧﻮ ﺗﻌﻤﻠﻮﻫﺎ ﻣﻊ ﺑﻌﺾ ﺍﻧﺎ ﻡ ﻓﺎﻫﻢ ﺣﺎﺟﺔ ﻳﻨﻐﻢ ﺿﺎﻳﻊ ﺷﺪﻳﺪ ﻗﺎﻟﺖ ﻟﻴﻬﻮ ﺍﻧﺖ ﺑﺘﺤﺒﻬﺎ ﻭﻡ ﺗﻨﻜﺮ؛؛؛؛ ﻗﺎﻝ ﻟﻴﻬﺎ ﻓﻌﻼ ﺣﺒﻴﺘﻬﺎﺍ ﺭﻏﻢ ﺍﻧﻲ ﺣﺎﻭﻟﺖ ﻡ ﺍﺣﺒﻬﺎ ﺑﺲ ﺍﻟﺤﺐ ﺑﺠﻲ ﻣﻦ ﺩﻭﻥ ﺃﺳﺒﺎﺏ ﻭﺍﻧﺎ ﻓﺠﺄﺓ ﻟﻘﻴﺘﻬﺎ ﻗﺮﻳﺒﻪ ﻟﻲ ﻭﻋﻘﻠﻲ ﻡ ﻗﺎﺩﺭ ﻳﺴﺘﻮﻋﺐ ﻓﻜﺮﻩ ﺍﻧﻬﺎ ﺗﺒﻌﺪ ﺍﺑﺪﺍ ﺍﻧﺘﻲ ﻋﺎﺭﻓﻪ ﺍﻧﺎ ﻛﺮﻫﺖ ﻛﻞ ﺍﻟﺒﻨﺎﺕ ﻡ ﻗﺎﺩﺭ ﺍﺗﻌﺎﻣﻞ ﻣﻌﺎﻫﻢ ﻭﻟﻮ ﺣﺎﻭﻟﺖ ﺍﺗﻜﻠﻢ ﻣﻊ ﻭﺣﺪﻩ ﺃﻭ ﺍﺩﺧﻞ ﻓﻲ ﻋﻼﻗﻪ ﺑﺘﺬﻛﺮ ﻧﻌﻤﺔ ﻭﺍﻟﺒﺮﺍﺀﻩ ﺍﻟﻌﻨﺪﻫﺎﺍ ﻭﺿﺤﻜﺘﻬﺎ ﺍﻟﻌﻔﻮﻳﻪ ﻭﻛﻞ ﺷﻲ ﻓﻴﻬﺎ ﻭﺑﺒﻌﺪ ﺑﺲ ﺍﻧﺘﻲ ﻋﺎﺭﻓﻪ ﺍﻧﻮ ﺍﻧﺎ ﻣﻦ ﺷﺪﻩ ﻡ ﻣﺸﺘﺎﻕ ﻟﻴﻬﺎ ﻃﻠﺒﺖ ﺻﻮﺭﻩ ﻟﻴﻬﺎ ﻣﻦ ﻋﻬﺪ ﻭﺑﻘﻴﺖ ﺍﺷﻮﻓﻬﺎ ﻛﻞ ﻳﻮﻡ ﻗﺒﻞ ﻡ ﺍﻧﻮﻡ ﺣﺘﻰ ﺑﻘﺪﺭ ﺍﻧﻮﻡ ﻣﺮﺗﺎﺡ ﻧﻌﻤﺔ ﺩﺧﻠﺖ ﺭﺗﺒﺖ ﺣﻴﺎﺗﻲ ﺑﺲ ﺑﻌﺪ ﺍﺧﺘﻔﺖ ﺍﻧﺎ ﺟﻮﻃﺔ ﺗﺎﻧﻲ ﻣﻦ ﺍﻭﻝ ﻗﺎﻟﺖ ﻟﻴﻬﻮ ﺭﺑﻨﺎ ﻳﻬﺪﻱ ﺳﺮﻛﻢ ﺑﺲ ﻡ ﻋﺎﺭﻓﻪ ﺍﻗﻮﻝ ﺷﻨﻮ ﻗﺎﻝ ﻟﻴﻬﺎ ﻡ ﺗﻘﻮﻟﻲ ﺣﺎﺟﻪ ﺍﻧﺎ ﻓﺎﻫﻢ ﻋﻠﻴﻚ ﻳﻼ ﺳﻼﻡ ﻭﻗﻔﻞ ﺍﻟﺨﻂ ﻟﻘﻰ ﺑﻜﺮﻱ ﻭﺭﺍﻫﻮ؛؛؛؛ ﺑﻜﺮﻱ ﻗﺎﻝ ﻟﻴﻬﻮ ﺳﻤﻌﺖ ﻛﻞ ﺷﻲ؛؛؛ . ﻳﻌﻨﻲ ﺩﺍ ﺍﻟﺴﺒﺐ ﺍﻟﻐﻴﺮ ﻛﺮﻳﻢ ﻭﺧﻼﻙ ﺗﻜﻮﻥ ﺳﺮﺣﺎﻥ ﺍﻟﻴﻮﻡ ﻛﻠﻮ ﻭﻗﻌﺖ ﻓﻲ ﺍﻟﺤﺐ ﻭﻡ ﺳﻤﻴﺖ ﻳﺼﺤﺒﻲ ﻭﻗﻌﺖ ﻗﺎﻝ ﻟﻴﻬﻮ ﺍﻟﻔﺎﻳﺪﻩ ﺷﻨﻮ ﻣﻦ ﺇﻧﻚ ﺗﺤﺐ ﺯﻭﻝ ﻡ ﺩﺍﻳﺮﻙ ﻭﻻﺍ ﻣﺘﻘﺒﻞ ﻭﺟﻮﺩﻙ ﻓﻲ ﺣﻴﺎﺗﻮ ﻣﺎﻑ ﻓﺎﻳﺪﻩ ﻓﻲ ﺍﻟﻤﻮﺿﻮﻉ ﻭﻃﻠﻊ ﺑﺮﺍﺍ ﺍﻟﺒﻴﺖ ؛؛؛؛ ﺑﻘﻰ ﺳﺎﻳﻖ ﻭﻻﻓﻲ ﻓﻲ ﺍﻟﺸﻮﺍﺭﻉ ﻓﺠﺄﺓ ﺍﻟﺪﺭﺏ ﺳﺎﻗﻮ ﻟﺤﺪﻱ ﺑﻴﺖ ﻧﺎﺱ ﻧﻌﻤﺔ ﻋﺎﻳﻦ ﻣﻦ ﺑﻌﻴﺪ ﻭﺭﺟﻊ ﺭﻛﺐ ﻭﻣﺸﻰ ﺗﻮﺗﻲ ﻛﺎﻥ ﻗﺎﻋﺪ ﻭﺑﻔﻜﺮ ﻭﺭﺍﺳﻮ ﺡ ﻳﻄﻖ ﻣﻦ ﺍﻟﺘﻔﻜﻴﺮ ﺍﻟﻤﻔﺮﻁ؛؛ ﻗﺮﺭ ﻳﺘﺼﻞ ﻟﻴﻬﺎ ﻭﺍﻟﻴﺤﺼﻞ ﻳﺤﺼﻞ ﺍﺗﺼﻞ ﻟﻴﻬﺎ ﻣﻦ ﺭﻗﻢ ﻏﺮﻳﺐ ﺍﻟﻤﻜﺎﻟﻤﻪ ﺍﻷﻭﻝ ﻡ ﺭﺩﺕ ﻟﻤﻦ ﺷﺎﻓﺘﻮ ﺍﺗﺼﻞ ﻛﺘﻴﺮ ﺭﺩﺕ ﻟﻴﻬﻮ ﻗﺎﻝ ﻟﻴﻬﺎ ﻣﺸﺘﺎﻕ ﻟﻴﻚ ﻭﻗﻔﻞ ﺍﻟﺨﻂ؛؛ﺍﻟﺼﻮﺕ ﺑﻘﻰ ﻟﻴﻬﺎ ﻣﺄﻟﻮﻑ ﺑﺲ ﻡ ﻋﺮﻓﺖ ﺩﺍ ﻣﻨﻮ ﻡ ﺭﻛﺰﺕ ﻣﻊ ﺍﻟﻤﻮﺿﻮﻉ ... ؛؛؛؛؛ﻛﺮﻳﻢ ﺑﻌﺪ ﻗﺎﻝ ﻟﻴﻬﺎ ﻛﺪﻩ ﺍﺭﺗﺎﺡ ﺷﻮﻳﻪ ﺭﻏﻢ ﺍﻧﻮ ﻡ ﺍﺗﻜﻠﻢ ﻣﻌﺎﻫﺎ ﻛﺘﻴﺮ ﻭﻻ ﻫﻲ ﻋﺮﻓﺘﻮ ﺑﺲ ﺣﺲ ﺑﺮﺍﺣﻪ ﻋﺠﻴﺒﻪ ﻛﺪﻩ ﺭﺟﻊ ﺷﻘﺘﻮ ﻡ ﻣﺸﻰ ﺑﻴﺖ ﻧﺎﺱ ﺑﻜﺮﻱ؛؛؛؛ ﺍﻟﺼﺒﺎﺡ ﻃﻠﻊ ﻋﻠﻰ ﺷﻐﻠﻮ ﻋﻠﻰ ﺍﻷﻗﻞ ﻳﻤﻜﻦ ﻳﺒﻄﻞ ﺗﻔﻜﻴﺮ ﻭﻳﺒﻘﻰ ﺍﺣﺴﻦ ..
......................................
ﺻﺤﻴﺖ ﺑﺼﻮﺕ ﻣﺰﻥ ﻭﻣﺎﺯﻥ ﺑﺘﺸﺎﻛﻠﻮ ﻓﻲ ﺍﻝ ﺡ ﻳﻨﻀﻒ ﺍﻟﺒﻴﺖ ﻣﻨﻮ ﻓﻴﻬﻢ ﻋﺎﻳﻨﺖ ﻟﻴﻬﻢ ﻭﺿﺤﻜﺖ ﻗﻠﺖ ﻟﻴﻬﻢ ﻋﺎﻳﻨﻮ ﻣﻦ ﻏﻴﺮ ﺷﻜﻞ ﻗﺴﻤﻮﻫﻮ ﺑﻴﻨﺎﺗﻜﻢ ﻣﺰﻥ ﺍﻟﺤﻮﺵ ﻭﺍﻟﻤﻄﺒﺦ ﻭﻣﺎﺯﻥ ﺍﻟﻐﺮﻓﻪ ﻭﺍﻟﻌﺮﻳﺸﻪ ﺷﻮﻓﺘﻮ ﺍﻟﻤﻮﺿﻮﻉ ﺳﺎﻫﻞ ﻛﻴﻒ ﺍﻗﺘﻨﻌﻮ ﺑﻜﻼﻣﻲ ﻭﺑﺪﻭ ﺷﻐﻞ ﻣﺸﻴﺖ ﺑﺮﺍﺍ ﺍﺑﻮﻱ ﻛﺎﻥ ﻣﺎﻑ ﺷﺮﺑﺖ ﺍﻟﺸﺎﻱ ﻭﻗﻌﺪﺗﺎ ﺍﻋﺎﻳﻦ ﻟﻠﺴﻤﺎﺀ ﻋﻨﺪﻱ ﻋﺎﺩﻩ ﻫﺒﻠﺔ ﺑﺘﻜﻠﻢ ﻣﻊ ﺍﻟﺸﻤﺲ ﺑﺎﻟﻨﻬﺎﺭ ﻭﺑﺎﻟﻠﻴﻞ ﺑﺘﻜﻠﻢ ﻣﻊ ﺍﻟﻨﺠﻮﻡ ﺃﺛﻨﺎﺀ ﻡ ﺑﺘﻜﻠﻢ ﻓﺠﺄﺓ ﺍﺗﺬﻛﺮﺕ ﻛﺮﻳﻢ ﻭﻗﻠﺒﻲ ﻭﺟﻌﻨﻲ ﻋﻠﻰ ﺍﻟﻄﺮﻳﻘﻪ ﺍﻟﺨﻠﻴﺘﻮ ﺑﻴﻬﺎ ﺑﻌﺪ ﻡ ﺍﺗﻌﻮﺩﻧﺎﺍ ﻋﻠﻰ ﺑﻌﺾ ﺍﺳﺘﻐﻔﺮﺕ ﻛﺘﻴﺮ ﺑﻌﺪﻫﺎ ﻣﺎﺯﻥ ﻭﻣﺰﻥ ﻗﺎﻟﻮ ﺧﻠﺼﻮ ﻗﻠﺖ ﻟﻴﻬﻢ ﺍﻟﺒﺴﻮ ﻧﻤﺸﻲ ﻟﻲ ﻳﻤﻪ؛؛؛ .. ﻣﺸﻴﻨﺎ ﺍﻟﻤﻘﺎﺑﺮ ﻗﺒﻞ ﻡ ﻧﺪﺧﻞ ﺣﺰﺭﺗﻬﻢ ﻡ ﻳﺒﻜﻮ ﺍﺑﺪﺍ ﻷﻧﻬﺎ ﺡ ﺗﺘﻌﺬﺏ ﻟﻮ ﺑﻜﻮ؛؛؛؛ . ﺷﻠﻨﺎ ﺍﻟﻔﺎﺗﺤﻪ ﻋﻠﻰ ﺭﻭﺣﻬﺎﺍﺍ ﻭﺩﻋﻴﻨﺎ ﻟﻴﻬﺎ ﻛﺘﻴﺮﺭ ﺑﻌﺪﻫﺎ ﺭﺟﻌﻨﺎ ﺍﻟﺒﻴﺖ ﻟﻘﻴﺖ ﻋﻬﺪ ﻭﺍﻗﻔﻪ ﺟﻨﺐ ﺍﻟﺒﺎﺏ ﺳﻠﻤﺖ ﻋﻠﻴﻨﺎ ﻭﺩﺧﻠﻨﺎ .. ؛؛؛؛؛؛ ﺃﺩﺕ ﺍﺧﻮﺍﻧﻲ ﺗﺎﺑﻴﻦ ﻭ ﻗﺎﻟﺖ ﻟﻴﻬﻢ ﺩﻳﻞ ﺟﺎﺑﺘﻢ ﻟﻴﻜﻢ ﺍﻣﻲ ﻛﺎﻧﺖ ﻣﺴﺎﻓﺮﻩ ﻓﺮﺣﻮ ﻛﺘﻴﺮ ﻭﺷﻜﺮﻫﻮ ﻭﺩﺧﻠﻮ ﻳﻠﻌﺒﻮ ﺟﻮﺍ؛؛؛؛ ﻗﻠﺖ ﻟﻴﻬﺎﺍ ﻋﻬﺪ ﻟﻴﻪ ﻛﺪﻩ ﻗﺎﻟﺖ ﻟﻲ ﺍﻧﺘﻲ ﺯﺍﺗﻚ ﺟﺎﺑﺖ ﻟﻴﻚ ﻗﻠﺖ ﻟﻴﻬﺎ ﻡ ﻗﺼﺪﻱ ﻛﺪﻩ ﻗﺼﺪﻱ ﻣﺎﻑ ﺩﺍﻋﻲ ﻟﻠﺘﻌﺐ ﻗﺎﻟﺖ ﻟﻲ ﺗﻌﺐ ﺷﻨﻮ ﻣﺶ ﻗﻠﺘﻲ ﻧﺤﻦ ﺃﻫﻞ ﻳﻼ ﺍﻣﺴﻜﻲ ﻭﻡ ﻋﺎﻳﺰﻩ ﻛﻠﻤﻪ ﺍﺩﺗﻨﻲ ﺗﻠﻔﻮﻥ ﻭﻛﻴﺲ ﻓﻴﻬﻮ ﺟﻼﺑﻴﻪ ﻭﺷﺒﺸﺐ ﻷﺑﻮﻱ ﻗﻠﺖ ﻟﻴﻬﺎ ﺧﺠﻼﻧﻪ ﻣﻨﻚ ﻭﺍﻟﻠﻪ ﻡ ﻛﺎﻥ ﻓﻲ ﺩﺍﻋﻲ ﻗﺎﻟﺖ ﻟﻲ ﻡ ﺑﻴﻨﺎﺗﻨﺎﺍ ﻧﺤﻦ ﻭﺍﺣﺪ ﺍﺻﻼ ﺍﻣﻲ ﺑﺘﺴﻠﻢ ﻋﻠﻴﻚ ﻭﻗﺎﻟﺖ ﺡ ﺗﺠﻴﻜﻢ ﻳﻮﻡ؛؛؛ . ﻗﻠﺖ ﻟﻴﻬﺎ ﻫﻲ ﻋﻼﻗﺘﻪ ﻣﻌﺎﻙ ﻛﻴﻒ ﻗﺎﻟﺖ ﻟﻲ ﺣﻠﻮﻩ ﺷﺪﻳﺪ ﺑﻘﺖ ﺻﺤﺒﺘﻲ ﺣﺘﻰ ﻭﺭﻳﺘﻬﺎ ﻋﻼﻗﺘﻨﺎ ﺍﻧﺎ ﻭﺑﻜﺮﻱ ﻗﻠﺖ ﻟﻴﻬﺎ ﻣﺶ ﻗﻠﺖ ﻟﻴﻚ ﺯﻣﺎﻥ ﺡ ﻳﺤﺼﻞ ﻛﻞ ﺧﻴﺮ ﺍﻫﻮ ﺍﻓﺮﺣﻲ ﺍﻱ ﺣﺎﺟﻪ ﺯﺑﻄﺖ ﺭﺑﻨﺎ ﻡ ﺑﻨﺴﻰ ﺯﻭﻝ ﻗﺎﻟﺖ ﻟﻲ ﻟﻮ ﻡ ﺍﻧﺘﻲ ﻡ ﻛﻨﺖ ﺡ ﺍﻋﺮﻑ ﺍﻋﻤﻞ ﺷﻲ ﺍﻧﺘﻲ ﻧﻌﻤﺔ ﺑﺎﻟﺠﺪ ﺑﺨﺘﻲ ﺍﻧﻲ ﻋﺮﻓﺘﻚ ﺑﺨﺘﻲ ﺷﺪﻳﺪ؛؛؛؛ ﺣﻀﻨﺘﻬﺎﺍﺍ ﻭﺑﻜﻴﻨﺎﺍ ﺳﻮﺍﺍ؛؛؛؛ ﻋﻬﺪ ﻗﺎﻟﺖ ﻟﻲ ﺍﻧﺘﻲ ﻋﻮﺽ ﺭﺑﻨﺎ ﻟﻲ ﺭﺑﻨﺎ ﺧﺘﺎﻙ ﻓﻲ ﻃﺮﻳﻘﻲ ﻋﺸﺎﻥ ﺍﻋﺮﻑ ﺍﻟﻨﻮﺭ ﻋﻦ ﻃﺮﻳﻘﻚ ﻟﻮ ﻡ ﺍﻧﺘﻲ ﻛﻨﺖ ﺡ ﺍﻛﻮﻥ ﺗﺎﻳﻬﻪ ﻟﺤﺪﻱ ﺍﺳﻲ ﻗﻠﺖ ﻟﻴﻬﺎ ﻭﺍﻧﺘﻲ ﺍﺣﻼﺍ ﺍﺧﺖ ﺍﻋﺮﻓﻬﺎ ﺷﻜﺮﺍ ﻟﻠﺼﺪﻓﻪ ﺍﻟﺠﻤﻌﺘﻨﺎ ﻣﻊ ﺑﻌﺾ ﺑﻌﺪﻫﺎ ﻭﺩﻋﺘﻨﻲ ﻗﺎﻟﺖ ﻣﺘﻔﻘﻪ ﺗﻄﻠﻊ ﻣﻊ ﺑﻜﺮﻱ ﻗﻠﺖ ﻃﻴﺐ ﻳﻼﺍ ﻗﺎﻟﺖ ﻟﻲ ﺧﻠﻲ ﺑﺎﻟﻚ ﻣﻦ ﻧﻔﺴﻚ ﻗﻠﺖ ﻟﻲ ﺃﻣﻮﺭ ﺍﻟﻤﺮﺗﺒﻄﻴﻦ ﺩﻱ ﺧﻠﻴﻨﻲ ﻣﻨﻬﺎ ﻳﻼ ﺍﻣﺸﻲ ﻣﺸﻴﺖ ﺧﺘﻴﺖ ﺍﻟﺘﻠﻔﻮﻥ ﺍﻟﺠﺪﻳﺪ ﻓﻲ ﺍﻟﺸﺎﺣﻦ ﺻﻠﻴﺖ ﻭﻗﺮﻳﺖ ﻗﺮﺃﻥ ﺑﻌﺪﻫﺎ ﺍﺑﻮﻱ ﺟﺎﺍﺍ ﻋﻤﻠﺖ ﻟﻴﻬﻮ ﺍﻟﻐﺪﺍﺀ ﻭﺟﻴﺖ ﻗﻌﺪﺕ ﺟﻨﺒﻮ ﺣﻜﻴﺖ ﻟﻴﻬﻮ ﺑﻌﻬﺪ ﻗﺎﻝ ﻟﻲ ﺑﺎﺭﻙ ﺍﻟﻠﻪ ﻓﻴﻬﺎ ﻭﺭﺑﻨﺎ ﻳﺤﻔﻈﻬﺎ ﻭﻳﺴﻌﺪﻫﺎ ﺍﻧﺎ ﻋﻨﺪﻱ ﻣﻌﺎﻙ ﻣﻮﺿﻮﻉ ﻣﻬﻢ ﻗﺒﻴﻞ ﻭﺍﻧﺎ ﻓﻲ ﺍﻟﺸﻐﻞ ﺟﺎﻧﻲ