ﻓﻮﺿﻲ _ ﺑﺪﺍﺧﻠﻲ
# farha_ishag
#9
ﺷﻠﺖ ﺗﻠﻔﻮﻧﻲ ﻭﺇﺗﺼﻠﺖ ﻝ ﺭﻳﻔﺎﻝ، ﻗﻠﺖ ﻟﻴﻬﺎ ﺃﻧﺰﻟﻲ ﻟﻲ ﺍﻟﻌﻤﺎﺭﺓ ﺗﺤﺖ ﻭﺟﻴﺒﻲ ﻟﻲ ﻣﻔﺘﺎﺡ ﺍﻟﻌﺮﺑﻴﺔ ﺑﺘﺎﻋﺘﻚ ﻣﻌﺎﻙ ،ﻧﺰﻟﺖ ﺟﺎﺕ ﻭﻗﺖ ﺷﺎﻓﺘﻨﻲ ﻗﺎﻟﺖ ﻟﻲ ﺑﺴﻢ ﺍﻟﻠﻪ ﻳﺎﺑﺖ ﻣﺎﻟﻚ؟ ﻗﻠﺖ ﻟﻴﻬﺎ ﻣﺎﻓﻲ ﺣﺎﺟﺔ،ﻋﺎﻭﺯﺓ ﻣﻔﺘﺎﺡ ﻋﺮﺑﻴﺘﻚ ﻭﺡ ﺃﺗﺼﻞ ﻟﻴﻚ ﺗﺠﻲ ﺗﺸﻴﻠﻴﻬﺎ ﻣﻨﻲ ﺑﻜﺮﺓ، ﻗﺎﻟﺖ ﻟﻲ ﻣﺎﺷﺔ ﻭﻳﻦ ﺃﺧﺮ ﺍﻟﻠﻴﻞ ﺩﺓ؟ ﻗﻠﺖ ﻟﻴﻬﺎ ﺭﻳﻔﺎﻝ ﺃﺳﺌﻠﺘﻚ ﺩﻱ ﻛﻠﻬﺎ ﺡ ﺃﺭﺩ ﻟﻴﻚ ﺑﻜﺮﺓ، ﻭﺻﻬﻴﺐ ﻟﻮ ﺳﺂﻟﻚ ﻗﻮﻟﻲ ﻟﻴﻬﻮ ﻣﺎﻋﺎﺭﻓﺔ، ﻗﺎﻟﺖ ﻟﻲ ﻓﺮﺣﺔ ! ﺇﺳﺘﻬﺪﻱ ﺑﺎﻟﻠﻪ، ﻟﻮ ﺯﻋﻼﻧﺔ ﻣﻦ ﺻﻬﻴﺐ ﻣﺎﺗﻄﻠﻌﻲ ﻣﻦ ﺍﻟﺒﻴﺖ ﻭﺣﺘﻲ ﻟﻮ ﺍﻟﻤﺸﻜﻠﺔ ﻛﺒﻴﺮﺓ ﻟﻠﺪﺭﺟﺔ ﺩﻱ ﺡ ﺗﻤﺸﻲ ﻭﻳﻦ ﻳﻌﻨﻲ ! ﻗﻠﺖ ﻟﻴﻬﺎ ﺭﻳﻔﺎﻝ ﺍﻟﺰﻣﻦ ﺇﺗﺂﺧﺮ ﺃﻃﻠﻌﻲ ﻳﻼ، ﻗﺎﻟﺖ ﻟﻲ ﺟﻨﻴﺘﻲ ﺇﻧﺘﻲ ﻣﺎﺡ ﺃﺧﻠﻴﻚ ﺑﺮﺍﻙ، ﻗﻠﺖ ﻟﻴﻬﺎ ﻋﺎﻳﻨﻲ،ﻣﻌﺎﻱ ﺻﺤﺒﺎﺗﻲ ﻓﻲ ﺩﺍﺧﻠﻴﺔ ﺑﻴﺠﺎﻱ ﻗﺮﻳﺒﺔ، ﺡ ﺍﻣﺸﻲ ﻟﻴﻬﻢ ﻫﺴﻲ ﻭﺍﻟﺼﺒﺎﺡ ﺡ ﺍﻭﺭﻳﻚ ﺍﻟﺒﻴﺤﺼﻞ، ﺇﻃﻤﻨﻲ ﻭﺃﺭﺟﻌﻲ ،ﻭﺯﻱ ﻡ ﻗﻠﺖ ﻟﻴﻚ ﺻﻬﻴﺐ ﻣﺎﺗﻜﻠﻤﻴﻬﻮ ﻓﻬﻤﺘﻲ ! ، ﻗﺎﻟﺖ ﻟﻲ ﺑﺲ ! ﻗﻠﺖ ﻟﻴﻬﺎ ﺑﻼﺵ ﺑﺲ ﻭﻻ ﻏﻴﺮﻭ ﺍﻃﻠﻌﻲ ﻳﻼ، ﺷﻠﺖ ﻣﻨﻬﺎ ﺍﻟﻤﻔﺘﺎﺡ ﻭﻃﻠﻌﺖ،، ﻡ ﻛﺎﻥ ﻋﻨﺪﻱ ﺻﺤﺒﺘﻲ ﻓﻲ ﺩﺍﺧﻠﻴﺔ ﻭﻻ ﻏﻴﺮﻭ ﺑﺲ ﻋﻠﺸﺎﻥ ﻣﺎﺗﺨﺎﻑ ﻗﻠﺖ ﻟﻴﻬﺎ ﻛﺪﺓ،ﻃﻠﻌﺖ ﺑﺎﻟﻌﺮﺑﻴﺔ ﻭﺃﻧﺎ ﻣﺎﻋﺎﺭﻓﺔ ﻧﻔﺴﻲ ﻣﺎﺷﻮ ﻓﻀﻠﺖ ﻣﺎﺷﺔ ﻓﻲ ﺍﻟﺸﻮﺍﺭﻉ ﻟﺤﺪﻱ ﻡ ﺧﻄﺮ ﻟﻲ ﻓﻲ ﺑﺎﻟﻲ ﺑﻴﺘﻨﺎ ﺩﻭﺭﺕ ﻭﻃﻮﺍﻟﻲ ﻣﺸﻴﺖ ﻋﻠﻴﻬﻮ .. ﻭﻗﻔﺖ ﻗﺪﺍﺍﻡ ﺑﻴﺘﻨﺎ ،ﺍﻟﺒﻴﺖ ﻛﺎﻥ ﻣﻈﻠﻢ ،ﻓﺘﺤﺖ ﺍﻟﺒﺎﺏ ﺍﻟﺨﺎﺭﺟﻲ ﻣﺎﻓﻲ ﺣﺮﻛﺔ، ﻭﻛﺄﻧﻲ ﺷﺎﻳﻔﺔ ﺃﻣﻲ ﻭﺃﺑﻮﻱ ﻗﺎﻋﺪﻳﻦ، ﺭﻳﺤﺔ ﺃﺑﻮﻱ ﻟﺴﺔ، ﻭﺻﻮﺕ ﺃﻣﻲ ﺑﺎﺑﺎ ﺭﺑﻨﺎ ﺃﺧﺬ ﺃﻣﺎﻧﺘﻮ ﻭﻣﺎﻣﺎ ﺑﻌﻴﺪﺓ ﻣﻨﻲ ﺩﺧﻠﺖ ﺟﻮﺓ ﺯﻱ ﻡ ﺍﻟﺒﻴﺖ ﻗﻔﻠﻨﺎﻫﻮ ﺑﻌﺪ ﻣﺎﻣﺎ ﺳﺎﻓﺮﺕ ﻗﺎﻋﺪ، ﺩﺧﻠﺖ ﺟﻮﺓ ﻓﺘﺤﺖ ﺍﻟﺒﺎﺏ ﻭﻣﺎﻛﻨﺖ ﺧﺎﻳﻔﺔ ﺍﺑﺪﺍً، ﺩﺧﻠﺖ ﻏﺮﻓﺔ ﻧﺎﺱ ﻣﺎﻣﺎ ﻭﻫﻨﺎ ﺇﺗﻔﻘﻌﺖ ﺑﻜﺎﺀ ﺑﺠﺪ ﺃﻋﻈﻢ ﻓﻘﺪ ﺍﻟﻮﺍﻟﺪﻳﻦ ﺑﻜﻴﻴﺖ ﺯﻳﻦ ﻭﻃﻠﻌﺖ ﻛﻞ ﺍﻟﻜﺎﻥ ﻣﻜﺒﻮﺕ ﺟﻮﺍﻱ، ﻣﻦ ﻓﻘﺪﻱ ﻭﺷﻮﻗﻲ ﻟﻴﻬﻢ، ﻭﻣﻦ ﺣﺮﻗﺔ ﺻﻬﻴﺐ، ﻭﺧﺬﻻﻧﻮ ﻟﻲ، ﻭﻋﻦ ﺃﻱ ﺃﻟﻢ ﻣﻜﺒﻮﺕ ﺟﻮﺍﻱ ﻓﺮﻏﺘﻮﺍ ﻓﻲ ﻟﺤﻈﺘﻬﺎ ،ﺣﺴﻴﺖ ﺑﻴﻬﻢ ﻙ ﺃﻧﻬﻢ ﻣﺤﺘﻮﻳﻨﻲ ﻓﻲ ﺍﻟﻠﺤﻈﺔ ﺩﻱ، ﺑﻌﺪ ﺧﻠﺼﺖ ﺑﻜﻲ ﻗﻤﺖ ﺇﺗﻮﺿﻴﺖ ﻭﺻﻠﻴﺖ ﻭﻧﻤﺖ ﻓﻲ ﺍﻟﻤﺼﻼﻳﺔ ﻣﻦ ﻏﻴﺮ ﻡ ﺃﺷﻌﺮ ......
ﺻﺤﻴﺖ ﺍﻟﺼﺒﺎﺡ ﻃﻠﻌﺖ ﺗﻠﻔﻮﻧﻲ ﻟﻘﻴﺖ ﻛﻤﻴﺔ ﻛﻤﻴﺔ ﻣﻜﺎﻟﻤﺎﺕ ﻣﻦ ﺻﻬﻴﺐ ﻭﺳﻨﺪﺱ ﻭﺭﻳﻔﺎﻝ ﻭﻋﻤﻮ ﻋﺒﺪﺍﻟﺮﺣﻤﻦ ﻭﺗﻮﻟﻴﺐ،،ﺍﻭﻝ ﺣﺎﺟﺔ ﻋﻤﻠﺘﻬﺎ ﺭﺟﻌﺖ ﻟﻌﻤﻮ ﻋﺒﺪﺍﻟﺮﺣﻤﻦ، ﻭﻣﻦ ﺻﻮﺗﻮ ﻛﺎﻥ ﻣﻠﻬﻮﻑ، ﻗﻠﺖ ﻟﻴﻬﻮ ﻋﻤﻮ ﻋﺒﺪﺍﻟﺮﺣﻤﻦ ﻗﺎﻝ ﻟﻲ ﻟﻲ ﻳﺎﺑﺘﻲ !ﻭﺇﻧﺘﻲ ﻭﻳﻦ ﻳﺎﺥ ﻗﻄﻌﺘﻲ ﻗﻠﻮﺑﻨﺎ ﺍﻟﻠﻴﻞ ﻛﻠﻮ ﺑﻨﻔﺘﺶ ﻋﻠﻴﻚ ،ﻗﻠﺖ ﻟﻴﻬﻮ ﺃﻧﺎ ﺡ ﺃﻭﺭﻳﻚ ﺑﺲ ﺭﺟﺎﺀﺍً ﻣﺎﺗﻜﻠﻢ ﺣﺪ ﻭﺧﺎﺻﺔً ﺻﻬﻴﺐ،ﺳﻜﺖ ﻣﺴﺎﻓﺔ ﻭﻗﺎﻝ ﻟﻲ ﻛﻮﻭﻳﺲ ﻛﻮﻭﻳﺲ ﺍﻫﺎ ﻭﻳﻦ ﺍﻧﺘﻲ؟ ﻗﻠﺖ ﻟﻴﻬﻮ ﻓﻲ ﺑﻴﺘﻨﺎ ﻗﺎﻝ ﻟﻲ ﺭﺟﻌﺘﻲ ﺑﻴﺘﻚ ﻳﻌﻨﻲ؟ ﻗﻠﺖ ﻟﻴﻬﻮ ﻻ، ﻓﻲ ﺑﻴﺖ ﺃﻣﻲ ﻭﺃﺑﻮﻱ ﻗﺎﻝ ﻟﻲ ﺧﻼﺹ ﻛﻮﻳﺲ ﺟﺎﻱ ﻋﻠﻴﻚ ﻣﺎﺗﻄﻠﻌﻲ، ﻗﻠﺖ ﻟﻴﻬﻮ ﻣﺎﻓﻲ ﺣﺪ ﻳﻌﺮﻑ ﻟﺤﺪﻱ ﻣﺎﺗﺼﻠﻨﻲ، ﻗﺎﻝ ﻟﻲ ﺣﺎﺿﺮ ﻣﺎﺗﻄﻠﻌﻲ ﺟﺎﻳﻴﻚ ....
ﻟﺒﺴﺖ ﻋﺒﺎﻳﺘﻲ ﻃﻠﻌﺖ ﺍﻟﺴﻮﺭ ﺍﻟﺨﺎﺭﺟﻲ ﻧﻈﻔﺖ ﺍﻟﻘﻌﺪﺓ، ﻭﺭﺟﻌﺖ ﻟﻲ ﺫﻛﺮﻳﺎﺗﻨﺎ ﺍﻟﺒﻨﻘﻀﻴﻬﺎ ﻫﻨﺎ ﻣﻊ ﺑﻌﺾ ﺃﺳﺘﻐﻔﺮﺕ ﺭﺑﻲ ﻭﻗﻌﺪﺕ، ﺷﻮﻳﺔ ﻭﺇﺗﺼﻞ ﻟﻲ ﻋﻤﻮ ﻋﺒﺪﺍﻟﺮﺣﻤﻦ ،ﻗﻠﺖ ﻟﻴﻬﻮ ﺃﺩﺧﻞ ﺍﻧﺎ ﻓﻲ ﺍﻟﺤﺪﻳﻘﺔ ﺑﺮﺓ، ﺟﺎﻧﻲ ﺩﺍﺧﻞ، ﻗﺎﻝ ﻟﻲ ﻓﺮﺣﺔ ! ﻗﻤﺖ ﺳﻠﻤﺖ ﻋﻠﻴﻬﻮ ﻭﻗﻌﺪ، ﻗﺎﻝ ﻟﻲ ﻭﻗﻌﺘﻲ ﻗﻠﺒﻲ ﻳﺎﺑﺘﻲ ﺍﻥ ﺷﺎﺀ ﺍﻟﻠﻪ ﺧﻴﺮ ﻭﻟﻴﻪ ﻃﻠﻌﺘﻲ ﺑﺎﻟﻄﺮﻳﻘﺔ ﺩﻱ ! ﻗﻠﺖ ﻟﻴﻬﻮ ﻋﻤﻮ ﺇﺗﻄﻤﻦ ﺍﻧﺎ ﻛﻮﻳﺴﺔ، ﻃﻴﺐ ﺇﻧﺖ ﺯﻭﻝ ﻋﺰﻳﺰ ﻋﻠﻲ ﻭﺯﻱ ﺃﺑﻮﻱ ،ﻓﺎ ﺃﻧﺎ ﻋﻨﺪﻱ ﻛﻼﻡ ﺣﺎﺑﺔ ﺍﻛﻠﻤﻚ ﺑﻴﻬﻮ،ﺳﻜﺖ ﻣﺴﺎﻓﺔ ،ﻗﺎﻝ ﻟﻲ ﻭﺍﺻﻠﻲ ! ﻗﻠﺖ ﻟﻴﻬﻮ ﺃﻧﺎ ﻋﺎﻭﺯﺓ ﺃﺗﻄﻠﻖ ﻣﻦ ﺻﻬﻴﺐ ﻭﻋﺎﻭﺯﺓ ﺃﺳﺎﻓﺮ ﺍﻟﺴﻌﻮﺩﻳﺔ، ﻭﻣﺎﻛﻠﻤﺖ ﻏﻴﺮﻙ ﺑﺎﻟﻤﻮﺿﻮﻉ ﺩﺓ ﻭﻻ ﺣﺘﻲ ﺍﻣﻲ، ﻗﺎﻝ ﻟﻲ ﻃﻼﻕ ﻭﺳﻔﺮ؟ ﻣﺎﻟﻜﻢ ﻳﺎﺑﺘﻲ، ﺍﻟﺒﻴﻮﺕ ﺩﻱ ﻛﻠﻬﺎ ﻣﺸﺎﻛﻞ ﺑﺲ ﺑﺘﺘﺤﻠﻲ ﺑﺎﻟﻬﺪﺍﻭﺓ ﻭﻣﺎ ﻣﻦ ﺃﻭﻝ ﻣﺸﻜﻠﺔ ﺇﻧﺘﻲ ﻃﻮﺍﻟﻲ ﺗﺘﺴﺤﺒﻲ، ﺍﻷﺯﻭﺍﺝ ﻋﻤﻮﻣﺎً ﺑﺘﻤﺮ ﺑﻴﻬﻢ ﻣﺸﺎﻛﻞ ﻭﻣﻨﺎﻗﺸﺎﺕ ﺑﺲ ﺑﻴﺤﻠﻮﻫﺎ ﺑﺎﻟﻬﺪﺍﻭﺓ ﻭﻣﻦ ﻏﻴﺮ ﺗﺪﺧﻞ، ﻫﺴﻲ ﺍﻧﺎ ﻣﺎﻋﺎﻭﺯ ﺍﻋﺮﻑ ﺍﻟﺴﺒﺐ ﺑﺲ ﻻﺯﻡ ﺗﺮﺟﻌﻲ ﺑﻴﺘﻚ ﻭﺗﺘﻨﺎﻗﺸﻲ ﻣﻊ ﺯﻭﺟﻚ ﻓﻲ ﺑﻴﺘﻜﻢ ﻫﻨﺎﻙ، ﻗﻠﺖ ﻟﻴﻬﻮ ﻋﻤﻮ ﻋﺒﺪﺍﻟﺮﺣﻤﻦ ،ﻛﻼﻣﻚ ﻋﻠﻲ ﻋﻴﻨﻲ ﻭﺭﺍﺳﻲ ،ﺑﺲ ﺃﻧﺎ ﺧﻼﺹ ،ﻗﺮﺭﺕ ﻭﺇﻧﺘﻬﻴﺖ ،ﺃﻧﺎ ﺻﻬﻴﺐ ﺛﺎﻧﻲ ﻣﺎﻋﻨﺪﻱ ﻟﻴﻬﻮ ﺭﺟﻌﺔ ،ﻭﻟﻮ ﻣﺎﻋﺎﻭﺯ ﻳﺪﻳﻨﻲ ﻭﺭﻗﺘﻲ ﺃﻧﺎ ﺡ ﺃﻋﺮﻑ ﺃﺷﻴﻠﻬﺎ ﻣﻨﻮ ﻛﻴﻒ،، ﻗﺎﻝ ﻟﻲ ﻳﺎﺭﺏ ﻳﻬﺪﻱ ﺳﺮﻛﻢ ﻣﺎﻟﻜﻢ ﺍﻧﺘﻮ ﺍﻻﺛﻨﻴﻦ ﺍﻟﺤﺼﻞ ﻋﻠﻴﻜﻢ ﺷﻨﻮ ؟ ﻗﻠﺖ ﻟﻴﻬﻮ ﺩﺓ ﺍﻻﻓﻀﻞ ﻟﻲ ﻭﻟﻴﻬﻮ ،ﻭﺃﻧﺎ ﺡ ﺃﻗﻄﻊ ﺍﻟﺘﺬﻛﺮﺓ ﺑﻜﺮﺓ ﻭﺑﺎﻟﻜﺜﻴﺮ ﺧﻼﻝ ﺍﻹﺳﺒﻮﻉ ﺩﺓ ﺡ ﺃﻗﻮﻡ، ﻭﺍﻟﺸﺮﻛﺎﺕ ﻭﺍﻟﺒﻴﺖ ﻭﻛﻞ ﺣﺎﺟﺔ ﺗﺤﺖ ﺗﺼﺮﻓﻚ ﻟﺤﺪﻱ ﻡ ﺭﺑﻨﺎ ﻳﻬﻮﻧﻬﺎ ﻭﻧﺸﻮﻑ ﺍﻟﻠﻲ ﺑﻴﺤﺼﻞ ،ﻗﺎﻝ ﻟﻲ ﻳﺎﺑﺘﻲ ﺭﻭﻗﻲ ﻛﺪﺓ ﻣﺎﺑﺘﺘﺤﻞ ،ﻗﻠﺖ ﻟﻴﻪ ﺩﺓ ﺍﻟﺤﻞ ﺍﻟﻮﺣﻴﺪ ﻋﻠﺸﺎﻥ ﻣﺎﺗﺤﺎﻭﻝ ﻣﻌﺎﻱ ﺍﻧﺎ ﻣﺎﻋﻨﺪﻱ ﺭﺟﻌﺔ ﻟﺼﻬﻴﺐ ،ﺇﺗﻨﻬﺪ ﻭﺳﻜﺖ ﻛﺪﺍﺍﺍﺍﺍ، ﻗﺎﻝ ﻟﻲ ﺇﻧﺘﻲ ﻳﺎﺑﺘﻲ ﻛﺪﺓ ﺭﺍﺟﻌﻲ ﻧﻔﺴﻚ ﻭﺷﻮﻓﻲ ﻗﺮﺍﺭﻙ ﺩﺓ ،ﻗﻠﺖ ﻟﻴﻬﻮ ﻻ ﺃﺑﺪﺍً ﺩﺓ ﺍﺧﺮ ﻗﺮﺍﺭ ﻋﻨﺪﻱ، ﺍﺛﻨﺎﺀ ﻣﺎﺑﻨﺘﻜﻠﻢ ﺻﻬﻴﺐ ﺟﺎﺀ ﺩﺍﺧﻞ ،ﻗﺎﻝ ﻟﻲ ﻭﺭﻗﺘﻚ؟ ﺟﺪﺍً ﻭﺭﻗﺘﻚ ﺑﺪﻳﻚ ﻟﻴﻬﺎ ﻫﺎ ﻃﺎﻟﺒﺔ ﺣﺎﺟﺔ ﺛﺎﻧﻲ؟ ﻗﻠﺖ ﻟﻴﻬﻮ ﻫﻪ ﻻ ﺳﻼﻣﺘﻚ ﺑﺲ ﻭﺭﻗﺘﻲ ﺗﺼﻠﻨﻲ ،ﻗﺎﻝ ﻟﻲ ﺟﺪﺍً، ﻳﻼ ﻳﺎﺃﺑﻮﻱ، ﺃﺑﻮﻫﻮ ﻗﺎﻝ ﻟﻴﻬﻮ ﺩﺓ ﻛﻼﻡ ﺷﻨﻮ ﻳﺎﻭﻟﺪ؟ ﺗﻌﺎﻝ ﺃﻗﻌﺪ ﺇﺗﻔﺎﻫﻢ ﻣﻊ ﻣﺮﺗﻚ ﺩﻱ، ﺇﻧﺘﻮ ﻗﺪﺭ ﺣﺎﻟﺘﻜﻢ ﺩﻱ ﺇﻻ ﻃﺮﻑ 3 ﻳﺘﺪﺧﻞ ﺑﻴﻨﻜﻢ !ﺗﻌﺎﻝ ﺃﻗﻌﺪ ﻭﻣﺎﺡ ﺗﻄﻠﻊ ﻟﺤﺪﻱ ﻡ ﺗﺼﻠﻮﺍ ﻟﺤﻞ ﻣﻦ ﻏﻴﺮ ﺇﺳﺘﻬﺘﺎﺭ ﻓﺎﻫﻤﻨﻲ ﺇﻧﺘﻮ ! ﻭﺍﻧﺎ ﻗﺎﻋﺪ ﺑﺮﺓ ﻣﻨﺘﻈﺮﻛﻢ ،ﻋﻤﻮ ﻋﺒﺪﺍﻟﺮﺣﻤﻦ ﻃﻠﻊ ﻭﺟﺎﺀ ﺻﻬﻴﺐ ﻗﻌﺪ ﻣﻜﺎﻧﻮ، ﻗﻌﺪ ﻗﺼﺎﺩﻱ ﻓﻲ ﺍﻟﻜﺮﺳﻲ ﻭﺑﻘﻲ ﻳﻌﺎﻳﻦ ﻟﻲ، ﻗﻠﺖ ﻟﻴﻬﻮ ﻣﺎﺃﻇﻦ ﻓﻲ ﺣﺎﺟﺔ ﺡ ﻧﺘﻨﺎﻗﺶ ﻓﻴﻬﺎ، ﻗﺎﻝ ﻟﻲ ﻭﻻ ﺍﻧﺎ ﻋﻨﺪﻱ ﺣﺎﺟﺔ ﺃﻧﺎﻗﺸﻬﺎ،ﺑﻌﺪ ﻣﺴﺎﻓﺔ ﻗﺎﻝ ﻟﻲ ﺣﺘﻲ ﻟﻮ ﺳﺎﻓﺮﺗﻲ ﻭﺭﻗﺘﻚ ﺡ ﺗﺼﻠﻚ ،ﻗﻠﺖ ﻟﻴﻬﻮ ﺡ ﺗﻜﻮﻥ ﻣﺎﻗﺼﺮﺕ ،ﺃﺩﺍﻧﻲ ﻧﻈﺮﺓ ﻣﺎﻗﺪﺭﺕ ﺃﻓﻬﻤﻬﺎ ﻭﻃﻠﻊ . .....
ﺧﻼﻝ ﻳﻮﻣﻴﻦ ﺃﻧﺎ ﺟﻬﺰﺕ ﻧﻔﺴﻲ ﻭﺣﺎﺟﺎﺗﻲ ﻭﺣﻮﻟﺖ ﻟﺠﺎﻣﻌﺔ ﺍﻟﻤﻠﻚ ... ، ﻭﻗﻄﻌﺖ ﺗﺬﻛﺰﺗﻲ ﻭﺗﻘﺮﻳﺒﺎً ﺧﻠﺼﺖ ﻣﻦ ﻛﻞ ﺷﻲ، ﺟﺎﺗﻨﻲ ﺳﻨﺪﺱ ﻭﻣﻌﺎﻫﺎ ﺗﻮﻟﻴﺐ ﻋﺴﻲ ﻳﻘﻨﻌﻮﻧﻲ ﺃﻏﻴﺮ ﺭﺍﻳﻲ ،ﻭﻗﺖ ﻟﻘﻮﻧﻲ ﻣﺼﺮﺓ ﻭﺩﻋﻮﻧﻲ ﻭﻃﻠﻌﻮﺍ
،ﻛﻠﻤﺖ ﺍﻣﻲ ﺇﻧﻲ ﺟﺎﻳﺔ ﺯﻳﺎﺭﺓ ﺑﺲ ﻡ ﻛﻠﻤﺘﻬﺎ ﺑﺎﻟﺴﺒﺐ ﺍﻟﺤﻘﻴﻘﻲ ﻗﻠﺖ ﻟﺤﺪﻱ ﻡ ﺃﺻﻠﻬﺎ ...
ﺭﺍﺑﻊ ﻳﻮﻡ ﻣﻦ ﺍﻟﻤﺸﻜﻠﺔ ﺃﻧﺎ ﻛﻨﺖ ﻓﻲ ﺍﻟﻤﻄﺎﺭ ﻭﺩﺍﺧﻠﺔ ﻋﻠﻲ ﺻﺎﻟﺔ ﺍﻟﻤﻐﺎﺩﺭﺓ ،ﺳﺎﻣﻌﺔ ﺻﻮﺕ ﺑﺖ ﺑﺘﻘﻮﻝ ﻓﺮﺣﺔ؟ ﺇﺗﻠﻔﺖ ﻟﻘﻴﺘﻬﺎ ﺑﺖ ﺻﻐﻴﺮﺓ، ﻗﺎﻟﺖ ﻟﻲ ﺇﻧﺘﻲ ﻓﺮﺣﺔ ؟ﻗﻠﺖ ﻟﻴﻬﺎ ﺍﻳﻮﺓ ،ﻣﺪﺕ ﻟﻲ ﻇﺮﻑ ﻗﺎﻟﺖ ﻟﻲ ﻣﻌﻠﻴﺶ ﻭﺟﺮﺕ، ﻓﺘﺤﺖ ﺍﻟﻈﺮﻑ ﻟﻘﻴﺘﻬﺎ ﻭﺭﻗﺔ ﺍﻟﻄﻼﻕ ﻳﻌﻨﻲ ﺧﻼﺹ ﺃﻱ ﺷﻲ ﺇﻧﺘﻬﻲ ،ﻣﺎﻋﺎﺭﻓﺔ ﺑﺲ ﻣﺎﺣﺴﻴﺖ ﺏ ﺃﻱ ﺷﻌﻮﺭ ﻓﻲ ﻭﻗﺘﻬﺎ، ﻙ ﺃﻧﻲ ﻛﻨﺖ ﻣﺠﺮﺩﺓ ! ...
ﻭﺻﻠﻨﺎ ﺍﻧﺎ ﻛﺎﻥ ﻣﻌﺎﻱ ﻋﻨﻮﺍﻥ ﺍﻟﺒﻴﺖ ﻋﻠﺸﺎﻥ ﻡ ﻣﻌﺎﻱ ﺷﺮﻳﺤﺔ ﺧﻂ، ﻃﻠﻌﺖ ﻟﻘﻴﺖ ﻟﻲ ﺑﺘﺎﻉ ﺗﺎﻛﺴﻲ ﺳﻮﺩﺍﻧﻲ ،ﻗﻠﺖ ﻟﻴﻬﻮ ﻳﺎﻋﻢ ﻣﻤﻜﻦ ﺗﻮﺻﻠﻨﻲ ﺍﻟﻌﻨﻮﺍﻥ ﺩﺓ؟ ﻗﺎﻝ ﻟﻲ ﻛﻮﻳﺲ ﻳﺎﺑﺘﻲ ﺃﺳﺎﺳﺎً ﻗﺮﻳﺐ ﻣﻦ ﻫﻨﺎ، ﺭﻓﻊ ﻟﻲ ﺷﻨﻄﺘﻲ ﻭﺇﺗﺤﺮﻛﻨﺎ، ﻗﺎﻝ ﻟﻲ ﻣﺎﻟﻚ ﺍﻟﻈﺎﻫﺮ ﻋﻠﻴﻚ ﻣﻬﻤﻮﻣﺔ ﻛﺪﺓ ﻳﺎﺑﺘﻲ ! ﺍﻟﺪﻧﻴﺎ ﺩﻱ ﻣﺎﻣﺴﺘﺎﻫﻠﺔ ﺗﺰﻋﻠﻲ ﻋﻠﻴﻬﺎ ،ﺃﻱ ﺣﺎﺟﺔ ﺑﻨﻤﺮ ﺑﻴﻬﺎ ﺩﻱ ﻛﻠﻬﺎ ﺇﺧﺘﺒﺎﺭﺍﺕ ﻣﻦ ﺭﺏ ﺍﻟﻌﺎﻟﻤﻴﻦ، ﻑ ﻻﺯﻡ ﺇﻧﺖ ﺗﻜﻮﻥ ﺻﺒﻮﺭ ﻭﺗﻨﺠﺢ ﻓﻲ ﻛﻞ ﺍﻹﺧﺘﺒﺎﺭﺍﺕ ﺩﻱ، ﻭﺑﻌﺪ ﺃﻱ ﺣﺎﺟﺔ ﻛﻌﺒﺔ ﻓﻲ ﺣﻴﺎﺗﻨﺎ ﺭﺑﻨﺎ ﺩﺍﻳﻤﺎً ﺑﻴﻜﻮﻥ ﻣﺨﺒﻲ ﻟﻴﻨﺎ ﺍﻟﺤﻠﻮ ﻑ ﺇﻧﺘﻲ ﻣﺎﺗﺨﻠﻲ ﺍﻟﺤﺰﻥ ﺩﺓ ﻳﺴﻴﻄﺮ ﻋﻠﻴﻚ ﻭﻋﻴﺸﻲ ﺣﻴﺎﺗﻚ ﻭﺃﻋﻤﻠﻲ ﺍﻟﻌﺎﻭﺯﺓ ﺗﻌﻤﻠﻴﻬﻮ، ﻭﻣﺎﺗﻌﺼﻲ ﺭﺑﻨﺎ ﻭﺃﺩﻋﻲ ﺑﻜﻞ ﺇﻟﺤﺎﺡ ﻷﻱ ﺷﻲ ﻧﻔﺴﻚ ﻓﻴﻬﻮ، ﻭﺷﻮﻓﻲ ﺭﺑﻨﺎ ﺡ ﻳﻘﻴﻒ ﻣﻌﺎﻙ ﻛﻴﻒ ﻗﻠﺖ ﺷﻜﺮﺍً ﻟﻴﻚ ﺑﺎﻟﺠﺪ ﻳﺎﻋﻤﻲ ﻭﻛﻼﻣﻚ ﻛﻠﻮ ﺻﺢ ﺭﺑﻨﺎ ﻳﺴﻌﺪﻙ ﺩﻧﻴﺎ ﻭﺃﺧﺮﺓ، ﺇﺑﺘﺴﻢ ﻗﺎﻝ ﺍﻣﻴﻦ ﻳﺎﺑﺘﻲ ﻭﺭﺑﻨﺎ ﻳﻬﻨﻴﻚ ﻓﻲ ﺣﻴﺎﺗﻚ ﻭﻳﺴﻌﺪﻙ ﻳﺎﺭﺏ، ﻭﺇﻧﺘﻲ ﺣﻠﻮﺓ ﻳﺎﺥ ﻭﺷﻚ ﺩﺓ ﺃﻓﺮﺩﻳﻬﻮﺍ ﺷﻮﻳﺔ، ﺿﺤﻜﺖ ﻟﻴﻬﻮ ﻭﻗﻠﺖ ﻟﻴﻬﻮ ﺇﻥ ﺷﺎﺀ ﺍﻟﻠﻪ " ﻭﺃﻧﺎ ﺑﺴﻤﻊ ﻓﻲ ﻛﻼﻡ ﺍﻟﻌﻢ ﺩﺓ ﺣﺴﻴﺖ ﻙ ﺇﻧﻮ ﺑﻴﻌﺮﻑ ﺍﻱ ﺣﺎﺟﺔ ﻋﻨﻲ ﻭﺑﻴﺤﺎﻭﻝ ﻳﻮﺻﻞ ﻟﻲ ﻣﻌﻠﻮﻣﺔ ،ﻭﻓﻌﻼً ﻭﺻﻠﻬﺎ ﻟﻲ، ﻗﻠﺖ ﺳﺒﺤﺎﻥ ﺍﻟﻠﻪ ﻙ ﺃﻧﻲ ﺑﺲ ﻛﻨﺖ ﻣﺤﺘﺎﺟﺔ ﺍﻟﻜﻼﻡ ﺩﺓ ! ﻗﺎﻝ ﻟﻲ ﻭﺻﻠﻨﺎ ﻳﺎﺑﺘﻲ، ﻗﻠﺖ ﻟﻴﻬﻮ ﺷﻜﺮﺍً ﻟﻴﻚ، ﺟﻴﺖ ﺃﻃﻠﻊ ﻟﻴﻬﻮ ﺍﻟﻘﺮﻭﺵ، ﻗﺎﻝ ﻟﻲ ﻻ ﻳﺎﺑﺘﻲ ﻣﺎﻋﺎﻭﺯﻫﺎ ﻭﺍﻟﻠﻪ ﺧﻠﻴﻬﺎ ﻣﻌﺎﻙ، ﻗﻠﺖ ﻟﻴﻬﻮ ﻻ ﻳﺎﻋﻢ ﻡ ﺗﺨﺎﻑ ﺍﻧﺎ ﻋﺎﻣﻠﺔ ﺣﺴﺎﺑﻲ ﻭﻣﻐﻴﺮﺓ ﺍﻟﻌﻤﻠﺔ،ﻗﺎﻝ ﻟﻲ ﺍﻧﺎ ﺣﻠﻔﺖ، ﻧﺰﻝ ﻟﻲ ﺷﻨﻄﺘﻲ ﻭﻣﺸﻲ، " ﻗﻠﺖ ﺑﺎﻟﻠﻪ ﻫﻮ ﻟﺴﺔ ﻓﻲ ﻧﺎﺱ ﻃﻴﺒﻴﻦ ﻛﺪﺓ ! "
ﻟﻘﻴﺖ ﻧﻔﺴﻲ ﻭﺍﻗﻔﺔ ﻗﺪﺍﻡ ﻓﻠﺔ ﻛﺒﻴﺮﺓ ﺷﺪﻳﻴﺪ ﻭﻣﻦ ﺷﻔﺘﻬﺎ ﺇﺗﺬﻛﺮﺗﻬﺎ ....
ﻓﻼﺵ ﺑﺎﻙ :
ﺃﺑﻮﻱ ﺩﻱ ﺷﻨﻮ ﺍﻟﺼﻮﺭﺓ ﺩﻱ؟ ﺩﺓ ﺑﻴﺘﻨﺎ ﺍﻟﺠﺪﻳﺪ، ﻣﻨﺘﻈﺮﻧﻚ ﺗﺨﻠﺼﻲ ﺍﻟﺠﺎﻣﻌﺔ ﻭﺡ ﻧﻤﺸﻲ ﺍﻟﺴﻌﻮﺩﻳﺔ،ﺿﺤﻜﺖ ﻗﻠﺖ ﻟﻴﻬﻮ ﻱ ﺍﺑﻮﻱ ﺑﻌﺪ ﺃﺧﻠﺺ ﺍﻟﺠﺎﻣﻌﺔ ﻳﺎﺩﺍﺏ ﺍﻟﻤﻌﻂ ﺡ ﻳﺒﺪﺁ ﺍﻧﺎ ﻋﻨﺪﻱ ﺣﺎﺟﺎﺕ ﻛﺜﻴﺮﺓ ﻭﻛﺒﻴﺮﺓ ﻻﺯﻡ ﺃﺣﻘﻘﻬﺎ ،ﻋﺎﻳﻦ ﺑﻲ ﺏ ﺇﺑﺘﺴﺎﻣﺔ ﻗﺎﻝ ﻟﻲ ﺃﺣﻼﻣﻚ ﺩﻱ ﻛﻠﻬﺎ ﺡ ﺗﺤﻘﻘﻴﻬﺎ ﺇﻥ ﺷﺎﺀ ﺍﻟﻠﻪ ﻭﺡ ﺗﺘﺬﻛﺮﻱ ﻛﻼﻣﻲ ﺩﺓ ،ﻗﻠﺖ ﻟﻴﻬﻮ ﺇﻥ ﺷﺎﺀ ﺍﻟﻠﻪ، ﻗﻠﺖ ﻟﻴﻬﻮ ﻳﻌﻨﻲ ﺍﻟﻔﻠﺔ ﺍﻟﺤﻠﻮﺓ ﺩﻱ ﺡ ﺗﺮﻭﺡ ﺳﺎﻱ؟ ﻗﺎﻝ ﻟﻲ ﺡ ﻧﻤﺸﻲ ﺍﺟﺎﺯﺍﺕ ﻭﺡ ﻧﺴﻮﻱ ﻟﻴﻚ ﻓﻴﻬﺎ ﻋﺮﺳﻚ، ﺿﺤﻜﺖ ﻭﻗﻠﺖ ﻟﻴﻬﻮ ﻋﺮﺱ ﻡ ﻇﻨﻴﺖ ﺑﺲ ﺍﻻﺟﺎﺯﺍﺕ ﺣﻠﻮﻭ ،ﻗﺎﻝ ﻟﻲ ﺡ ﻧﻤﺸﻲ ﻣﻊ ﺑﻌﺾ ﺇﻥ ﺷﺎﺀ ﺍﻟﻠﻪ ،ﻗﻠﺖ ﻟﻴﻬﻮ ﻃﻴﺐ ﺇﻥ ﺷﺎﺀ ﺍﻟﻠﻪ ....
# ﺑﺎﻙ
ﺣﺴﻴﺖ ﻋﻠﻲ ﺩﻣﻮﻋﻲ ﺑﺘﻨﺰﻝ ﻭﺍﻧﺎ ﻭﺍﻗﻔﺔ ﻓﻲ ﻣﻜﺎﻧﻲ ﻭﺑﻌﺎﻳﻦ ﻟﻠﻔﻠﺔ،ﻏﻤﻀﺖ ﻋﻴﻮﻧﻲ ﺇﺳﺘﻐﻔﺮﺕ ﻭﻣﺴﺤﺖ ﺩﻣﻮﻋﻲ ﻭﺿﺮﺑﺖ ﺍﻟﺠﺮﺱ، ﻓﺘﺤﺖ ﻟﻲ ﺍﻟﺒﺎﺏ ﺍﻟﺤﺒﺸﻴﺔ، ﻗﻠﺖ ﻟﻴﻬﺎ ﻭﻳﻦ ﻣﺎﻣﺎ ﻧﻔﺤﺎﺕ؟ ﻗﺎﻟﺖ ﻟﻲ ﻣﺎﻣﺎ ﻧﻔﻬﺎﺕ ﺟﻮﺓ، ﻗﻠﺖ ﻟﻴﻬﺎ ﻃﻴﺐ ﻃﻴﻴﺐ ﺍﺳﻜﺘﻲ ﺳﺎﻱ ﻭﺗﻌﺎﻟﻲ ﻭﺭﺍﻱ، ﺳﺎﻣﻌﺔ ﺻﻮﺕ ﻣﺎﻣﺎ ﺑﺘﻘﻮﻝ ﻟﻴﻬﺎ ﻣﻴﻦ ﻳﺎﻣﺎﻧﺪﻟﻴﻦ؟ ﻳﺎﺑﺖ ! ﻣﺎﻧﺪﻟﻴﻦ؟ ،ﺑﺲ ﺟﻴﺖ ﻇﺎﻫﺮﺓ ﻟﻴﻬﺎ ﻭﺻﺮﺧﺖ ﻣﺎﺍﺍﺍﻣﺎﺍ ﻣﻦ ﺍﻟﺼﺪﻣﺔ ﺧﺘﺖ ﻳﺪﻫﺎ ﻋﻠﻲ ﺧﺸﻤﻬﺎ ﻭﺑﻘﺖ ﺗﻌﺎﻳﻦ ﻟﻲ ﺑﺲ، ﺿﺤﻜﺖ ﻗﻠﺖ ﻟﻴﻬﺎ ﻡ ﻣﺸﺘﺎﻗﺔ ﻟﻲ ﻳﻌﻨﻲ؟ ﻗﺎﻟﺖ ﻟﻲ ﺑﺘﻲ، ﻃﻮﺍﻟﻲ ﺟﺮﻳﺖ ﻋﻠﻴﻬﺎ ﺣﻀﻨﺘﻬﺎ ﻣﻌﺎﺭﻓﺔ ﻟﻜﻢ ﻓﺘﺮﺓ ﺍﻧﺎ ﻭﻣﺎﻣﺎ ﻣﺎﺳﻜﻴﻦ ﺑﻌﺾ ﻭﺑﻨﺒﻜﻲ ،ﺑﺲ ﺍﻟﻌﺎﺭﻓﺎﻫﻮ ﻓﻲ ﻭﻗﺘﻬﺎ ﺇﻧﻲ ﻛﻨﺖ ﺑﺤﺎﺟﺔ ﻟﻠﺤﻀﻦ ﺩﺓ ﺷﺪﻳﻴﺪ ﻭﻓﺎﻗﺪﺍﻫﻮ ،ﺑﻘﻴﺖ ﺍﺑﻜﻜﻜﻲ ﻭﺍﺑﻜﻲ ﺑﺤﺮﻗﺔ، ﻟﺤﺪﻱ ﻣﺎﺑﻘﺖ ﺗﻬﺪﻱ ﻓﻴﻨﻲ ﻫﻲ ﻗﻠﺖ ﻟﻴﻬﺎ ﻣﺎﻣﺎ ﻛﻮﻳﺴﺔ ﺇﻧﺘﻲ؟ ﻗﺎﻟﺖ ﻟﻲ ﻛﻮﻳﺴﺴﺴﺔ ﻛﻮﻳﺴﺔ ﻳﺎﺑﺘﻲ، ﺇﻧﺘﻲ ﻛﻴﻔﻚ، ﻗﻠﺖ ﻟﻴﻬﺎ ﺍﻧﺎ ﺗﻤﺎﻡ ﺍﻟﺤﻤﺪﺍﻟﻠﻪ،ﻗﻠﺖ ﻟﻴﻬﺎ ﻣﺸﺘﺎﻗﺔ ﻟﻴﻚ ﻭﺍﻟﻠﻪ، ﻭﺑﻘﻴﻨﺎ ﻧﺒﻜﻲ ﻣﻦ ﺛﺎﻧﻲ، ،ﻗﺎﻟﺖ ﻟﻲ ﻛﻔﺎﻳﺔ ﻛﻔﺎﻳﺔ ﻳﺎﺑﺘﻲ، ﻣﺴﺤﺖ ﺩﻣﻮﻋﻲ ﻭﻗﺎﻟﺖ ﻟﻲ ﻣﺎﺣﺪﺩﺗﻲ ﻟﻲ ﺇﻧﻚ ﺟﺎﻳﺔ ﻣﺘﻴﻦ ﺑﺎﻟﻈﺒﻂ ﻋﺸﺎﻥ ﻛﺪﺓ ﺇﺗﻔﺎﺟﺎﺀﺕ، ﻭﻭﻳﻨﻮ ﺻﻬﻴﺐ ﻡ ﺟﺎﺀ ﻣﻌﺎﻙ ﺇﻓﺘﻜﺮﺗﻮﺍ ﺡ ﻳﺠﻲ ! ﻗﻠﺖ ﻟﻴﻬﺎ ﻣﺎﻣﺎ ﺍﻧﺎ ﺗﻌﺒﺎﻧﺔ ﺑﺠﺪ ﻭﺡ ﺃﺣﻜﻲ ﻟﻴﻚ ﺑﻌﺪﻳﻦ ﻛﻜﻜﻜﻠﻞ ﺷﻲ، ﻗﺎﻟﺖ ﺍﻥ ﺷﺎﺀ ﺍﻟﻠﻪ ﺧﻴﺮ، ﻃﻴﺐ ﺍﺭﺡ ﻣﻌﺎﻱ ﺍﻃﻠﻌﻚ ﻏﺮﻓﺘﻚ، ﻧﺎﺩﺕ ﻭﺍﺣﺪﺓ ﻣﻦ ﺍﻟﺒﻨﺎﺕ ﺗﺮﻓﻊ ﻣﻌﺎﻫﺎ ﺍﻟﺸﻨﻄﺔ ﻗﻠﺖ ﻟﻴﻬﺎ ﺧﻠﻴﻬﺎ ﺍﻧﺎ ﺑﺸﻴﻠﻬﺎ ﻣﻌﺎﻫﺎ، ﻃﻠﻌﻨﺎ ﺍﻟﻐﺮﻓﺔ ،ﻗﻠﺖ ﻟﻴﻬﺎ ﻣﺮﻫﻘﺔ ﺡ ﺃﺧﺬ ﻟﻲ ﺣﻤﺎﻡ، ﻗﺎﻟﺖ ﻟﻲ ﻃﻴﺐ ﺍﺟﻴﻴﺐ ﻟﻴﻚ ﺍﻟﻌﺼﻴﺮ ﻭﺃﺟﻲ، ﻗﻠﺖ ﻟﻴﻬﺎ ﻃﻴﺐ ..
ﻃﻠﻌﺖ ﻣﻦ ﺍﻟﺤﻤﺎﻡ ﻟﻘﻴﺘﻬﺎ ﻗﺎﻋﺪﺓ ﻭﺧﺎﺗﺔ ﻟﻲ ﺍﻟﻜﺒﺎﻳﺔ ،ﺷﺮﺑﺖ ﻣﻨﻬﺎ ﺷﻮﻳﺔ ،ﻗﻠﺖ ﻟﻴﻬﺎ ﻣﺎﻣﺎ ﻋﺎﻭﺯﺓ ﺍﻧﻮﻡ ﻋﻠﻲ ﺭﺟﻠﻴﻚ ،ﻗﺎﻟﺖ ﻟﻲ ﺗﻌﺎﻟﻲ ﻳﺎﺑﺘﻲ ،ﺭﻗﺪﺗﻨﻲ ﻋﻠﻲ ﺭﺟﻮﻟﻬﺎ ﻭﺑﺘﻤﺴﺢ ﻋﻠﻲ ﺷﻌﺮﻱ، ﺑﻌﺪﻫﺎ ﻣﺎﺣﺴﻴﺖ ﻋﻠﻲ ﻧﻔﺴﻲ ﻧﻤﺖ ﻣﺘﻴﻦ ﺍﻭ ﻛﻴﻒ، ﺃﻣﺎﻥ ﻭﺭﺍﺣﺔ ﺑﺎﻟﺠﺪ ﻛﻨﺖ ﻓﺎﻗﺪﺍﻫﺎ ! .....