ﻓﺘﺤﺖ ﺍﻟﺮﺳﺎﻟﻪ ﺑﺄﺳﺘﻐﺮﺍﺏ ﻭﺍﺳﺘﻐﺮﺑﺖ ﺍﻛﺘﺮ ﻟﻤﺎ ﻟﻘﻴﺖ ﺍﻟﻤﺮﺳﻞ ﻟﻲ ﺍﻟﻤﺪﻳﺮ .. ﺳﻬﻴﻞ !!
ﻛﺎﺗﺐ ﻟﻲ : ﻣﺴﺎﺀ ﺍﻟﺨﻴﺮ .. ﺭﺳﻠﺖ ﻟﻴﻚ ﻃﻠﺐ ﻣﻦ ﻳﻮﻣﻴﻦ ﻭﺷﻜﻠﻚ ﻣﺎ ﻛﻨﺘﻲ ﺩﺍﺧﻠﻪ .. ﺑﻌﺘﺰﺭ ﻟﻮ ﺍﺯﻋﺠﺘﻚ
_ ﻻ ﻭﻻﻳﻬﻤﻚ .. ﻓﻌﻼ ﻣﺎﺷﻔﺖ ﺍﻟﻄﻠﺐ ﺍﻻ ﻫﺴﻲ .. ﻭﻣﺴﺎﺀ ﺍﻟﻨﻮﺭ .
_ ﻛﻴﻔﻚ ؟
_ ﺣﻤﺪﻟﻠﻪ ﻭﺍﻧﺖ ؟
_ ﺑﺨﻴﺮ
ﺑﻘﻴﺖ ﺑﻌﺎﻳﻦ ﻟﻠﻤﺤﺎﺩﺛﻪ ﺑﺨﻠﻌﻪ .. ﻟﺴﻪ ﻣﺎﻣﺘﺨﻴﻠﻪ ﺍﻧﻮ ﺍﻟﻮﻟﺪ ﺩﻩ ﺭﺳﻞ ﻟﻲ ﻓﻌﻼ ! ﻏﺮﻳﺐ ﻳﻌﻨﻲ ﻋﺎﻳﺰ ﺷﻨﻮ ؟؟ .. ﻛﻤﺎﻥ ﻟﻴﻬﻮ ﺳﺎﻋﻪ ﺑﻴﻜﺘﺐ ﻣﺎﻋﺎﺭﻓﻪ ﻣﺎﻟﻮ .. ﻳﺎﺍ ﺩﻱ ﺍﻟﻤﺼﻴﺒﻪ ..
ﺭﺳﻞ ﻟﻲ ﻭﻗﺎﻝ : ﺍﻧﺘﻲ ﺷﻐﺎﻟﻪ ﻓﻲ ﺍﻟﺸﺮﻛﻪ ﻣﻦ ﻣﺘﻴﻦ ؟؟
ﻫﺴﻲ ﻋﻠﻴﻚ ﺍﻟﻠﻪ ﺩﻩ ﻛﻠﻮ ﻋﺸﺎﻥ ﺗﻜﺘﺐ ﺍﻟﻜﻠﻤﺘﻴﻦ ﺩﻳﻞ ﺑﺲ
_ ﻗﻔﻠﺖ ﺳﻨﺘﻴﻦ .. ﺳﻨﻪ ﺧﺪﻣﻪ ﻭﺳﻨﻪ ﺷﻐﻞ ﺛﺎﺑﺖ .
_ ﻣﺎﺷﺎﺀ ﺍﻟﻠﻪ ﻛﻮﻳﺲ ﻃﻴﺐ .
_ ﺍﻱ ﺣﻤﺪﻟﻠﻪ ..
_ ﺍﺳﻒ ﻟﻮ ﺍﺯﻋﺠﺘﻚ ﻣﺮﻩ ﺗﺎﻧﻴﻪ
_ ﻻ ﻳﺎﺥ ﺍﺻﻼ ﺻﺎﺣﻴﻪ ﻣﺎﻧﻤﺖ ﻋﺎﺩﻱ ﻳﻌﻨﻲ .
_ ﻟﻴﻪ ﻣﺎﻧﻤﺘﻲ ؟؟
ﺍﻫﺎﺍﺍﺍﺍﺍ ﺩﻩ ﺩﺍﻳﺮ ﻣﻮﺿﻮﻉ ﺷﻜﻠﻮ
_ ﻣﺎﻧﻌﺴﺖ ﻟﺴﻪ
_ ﺍﻳﻮﻭﺍﺍﺍ .. ﺍﻧﺎ ﺯﺍﺗﻲ ﻣﺎﺟﺎﻧﻲ ﻧﻮﻡ .. ﻛﻨﺖ ﺑﻘﻠﺐ ﻓﻲ ﺍﻟﻔﻴﺲ ﻛﺪﻩ ﻭﻟﻘﻴﺖ ﺍﺳﻤﻚ ﻗﺪﺍﻣﻲ ﻭﻋﻤﻠﺖ ﻟﻴﻚ ﻃﻠﺐ ﻃﻮﺍﻟﻲ
_ ﻫﻬﻪ ﻛﻮﻳﺲ ‏( ﺑﺘﺴﻠﻚ ﻟﻴﻬﻮ ‏)
_ ﺷﻜﻠﻚ ﺯﻫﺠﺘﻲ ﻣﻨﻲ .
_ ﻻﻻ ﻳﺎﺥ ﻣﻌﻘﻮﻟﻪ ﺑﺲ ‏( ﺍﺑﻮ ﺩﻩ ﻣﻌﻂ ‏)
_ ﻃﻴﺐ ﺧﻼﺹ ﺗﺼﺒﺤﻲ ﻋﻠﻰ ﺧﻴﺮ .. ﺣﻤﺸﻲ ﺍﺣﻀﺮ ﺗﻠﻔﺰﻳﻮﻥ ﺷﻮﻳﻪ ﻟﺤﺪ ﻣﺎ ﺍﻧﻌﺲ
_ ﻓﻜﺮﻩ ﺑﺮﺿﻮ .. ﺗﻼﻗﻲ ﺍﻟﺤﻴﺮ
ﺟﻨﺲ ﻣﺤﻦ .. ﺻﺒﺮﻧﻲ ﻳﺎﺍﺍﺍﺭﺏ ..
" ﻃﺒﻌﺎ ﺳﻬﻴﻞ ﻛﺎﻥ ﻋﺎﻳﺰ ﻳﻔﺘﺢ ﻣﻌﺎﻫﺎ ﻣﻮﺿﻮﻉ .. ﻟﻜﻦ ﻫﻲ ﻗﻔﻠﺘﻮ ﺑﺮﺩﻭﺩﻫﺎ ﺍﻟﺒﺎﺭﺩﻩ ﺧﻠﺘﻮ ﻳﻜﺮﻩ ﺍﻟﺴﺎﻋﻪ ﺍﻟﻔﻜﺮ ﻳﺘﻜﻠﻢ ﻓﻴﻬﺎ ﻣﻌﺎﻫﺎ "..
ﺑﺎﻟﺼﺒﺎﺡ ﻣﺸﻴﺖ ﺍﻟﺸﺮﻛﻪ .. ﺣﺎﻭﻟﺖ ﻗﺪﺭ ﻣﺎ ﺍﻗﺪﺭ ﺍﻧﻲ ﺍﺗﻔﺎﺩﺍ ﺣﺴﻦ ﻭﻋﺜﻤﺎﻥ .. ﺑﺲ ﻃﺒﻌﺎ ﻣﺎﻗﺪﺭﺕ . ﺟﻬﺎﺩ ﻗﺎﻝ ﻟﻲ ﺍﻧﻮ ﻋﺎﻳﺰﻳﻦ ﻧﻄﻠﻊ ﺑﻌﺪ ﺍﻟﺸﻐﻞ ﻛﻠﻨﺎ .. ﺑﻲ ﺍﺧﺘﻮ ﻭﻋﻠﻲ ﻭﺧﺎﻟﺪ ﻛﻤﺎﻥ . ﻭﺍﻓﻘﺖ ﻣﺠﺒﺮﻩ ﻃﺒﻌﺎ .. ﺧﻠﺼﻨﺎ ﺍﻟﺸﻐﻞ ﻭﻃﻠﻌﻨﺎ ﻛﻠﻨﺎ ﻭﺭﻛﺒﻨﺎ ﻧﻔﺲ ﺍﻟﻌﺮﺑﻴﻪ ﺣﻘﺖ ﺣﺴﻦ ..
ﺣﺮﻓﻴﺎ ﻧﺤﻨﺎ ﻙ ﺷﻠﻪ ﻓﻲ ﺣﺎﺟﻪ ﺍﺧﺘﻠﻔﺖ ﻓﻴﻨﺎ ﻣﻦ ﺯﻣﺎﻥ .. ﻣﻦ ﺑﺪﺕ ﻗﺼﺺ ﺍﻟﺤﺐ ﺩﻱ ﺧﺮﺏ ﺍﻱ ﺷﻲ ﺣﺘﻲ ﺍﻟﺤﺎﺟﻪ ﺩﻱ ﺍﺛﺮﺕ ﺣﺘﻲ ﻓﻲ ﻣﺤﻤﺪ ﻭﺟﻬﺎﺩ ﺍﻟﻠﻲ ﻫﻢ ﻣﺎﻟﻴﻬﻢ ﻋﻼﻗﻪ ﺍﺻﻼ ﺑﺎﻟﺠﻮﻃﻪ ﺩﻱ ﻛﻠﻬﺎ .. ﺑﺲ ﺍﻧﺎ ﻣﺒﺪﺃ ﺍﻟﺤﺐ ﻋﻨﺪﻱ ﻣﺮﻓﻮﺽ ﻟﻮ ﻛﺎﻥ ﺣﺴﻦ ﺍﻭ ﻋﺜﻤﺎﻥ ﺍﻭ ﺍﻱ ﺣﺪ .. ﻣﺎ ﺍﻧﺎ ﺍﻟﺒﺖ ﺍﻟﻤﻤﻜﻦ ﺗﻜﻮﻥ ﻓﻲ ﻋﻼﻗﻪ .. ﻓﻌﻼ ﺍﻧﺎ ﻣﺎﻣﺴﺘﻌﺪﻩ ﻷﻱ ﻋﻼﻗﺎﺕ ﻭﺍﻟﻠﻪ ..
ﻭﺻﻠﻨﺎ ﺍﻟﻤﺤﻞ ﻭﻟﻘﻴﻨﺎ ﺧﺎﻟﺪ ﻭﻋﻠﻲ ﻭﺳﻤﺮ ﻗﺎﻋﺪﻳﻦ ﺑﻴﺘﻮﻧﺴﻮ ﻭﻣﺒﺴﻮﻃﻴﻦ .. ﺳﻠﻤﻨﺎ ﻋﻠﻴﻬﻢ ﻭﻗﻌﺪﻧﺎ .. ﻓﻀﻠﻨﺎ ﻧﺘﻮﻧﺲ ﻋﺎﺩﻱ ﺑﺎﻟﺮﻏﻢ ﻣﻦ ﻣﺸﺎﺭﻛﻪ ﻋﺜﻤﺎﻥ ﻭﺣﺴﻦ ﺍﻟﻜﺎﻧﺖ ﻗﻠﻴﻠﻪ ﺷﺪﻳﺪ .. ﺣﺎﻭﻟﺖ ﻗﺪﺭ ﻣﺎ ﺍﻗﺪﺭ ﻣﺎ ﺍﺭﻛﺰ ﻣﻌﺎﻫﻢ ﻭﺍﺗﻌﺎﻣﻞ ﺑﻄﺒﻴﻌﺘﻲ ﻭﺍﻧﺴﻲ ﺍﻱ ﺷﻲ ﺑﺪﺭ ﻣﻨﻬﻢ ..
ﺧﻠﺺ ﺍﻟﻴﻮﻡ ﺑﺨﻴﺮ ﻣﻦ ﻏﻴﺮ ﺍﻱ ﺍﺣﺘﻜﺎﻙ ﻣﻊ ﺍﻱ ﻭﺍﺣﺪ ﻣﻦ ﺍﻟﺸﺒﺎﺏ .. ﻭﻫﻢ ﺍﻛﻴﺪ ﺣﺴﻮ ﺍﻧﻲ ﻣﺘﻌﻤﺪﻩ ﺍﻧﻲ ﺍﺑﻌﺪ ﻣﻨﻬﻢ ﻭﺍﻗﻠﻞ ﺗﻌﺎﻣﻠﻲ ﻣﻌﺎﻫﻢ .. ﺑﺲ ﺍﻻﺳﺘﻐﺮﺑﺘﻮ ﺍﻧﻬﻢ ﻣﺎﺣﺎﻭﻟﻮ ﻳﺘﻜﻠﻤﻮ ﻣﻌﺎﻱ ﺍﺑﺪﺍ ﻭﺧﻠﻮﻧﻲ ﻋﻠﻰ ﺭﺍﺣﺘﻲ ﻟﻼﺧﺮ .. ﻭﺑﺎﻟﺮﻏﻢ ﻣﻦ ﺩﻩ ﻛﻠﻮ .. ﺍﻻ ﺍﻧﻲ ﺍﺑﺪﺍ ﻣﺎ ﺍﺭﺗﺤﺖ ﻟﺘﺼﺮﻓﻬﻢ ﺩﻩ .. " ﺑﺘﻘﺼﺪ ﻋﺜﻤﺎﻥ ﻭﺣﺴﻦ ﺑﺲ "..
ﺭﺟﻌﺖ ﻣﻊ ﺧﺎﻟﺪ ﻭﻋﻠﻲ ﻟﻠﺒﻴﺖ .. ﻃﺒﻌﺎ ﺑﻌﺪ ﻣﺤﺎﻭﻻﺕ ﺍﻧﻲ ﺍﺭﺟﻊ ﺑﻴﺘﻲ ﺑﺲ ﻓﻲ ﺍﻻﺧﻴﺮ ﻛﻼﻣﻬﻢ ﻫﻢ ﺍﻟﻤﺸﻰ ﻓﻲ ﺍﻻﺧﻴﺮ .. ﺍﻭﻝ ﻣﺎﺩﺧﻠﻨﺎ ﺍﻟﺒﻴﺖ ﻛﺎﻧﺖ ﺧﺎﻟﺘﻲ ﻗﺎﻋﺪﻩ ﻭﻓﺎﺗﺤﻪ ﺍﻟﺘﻠﻔﺰﻳﻮﻥ ﺑﺮﺍﻫﺎ .. ﺍﻭﻝ ﻣﺎﺷﺎﻓﺘﻨﻲ ﺑﺪﺕ ﺗﺘﻜﻠﻢ : ﻭﺍﻟﻠﻪ ﻣﺎﺷﺎﺀ ﺍﻟﻠﻪ .. ﻓﺎﺗﺤﻴﻦ ﻟﻴﻜﻢ ﺍﻟﺒﻴﺖ ﺩﻩ ﻓﻨﺪﻕ ﻭﻻ ﺷﻨﻮ ؟ ﺍﻟﻌﺎﻳﺰ ﻳﺘﺄﺧﺮ ﺍﺣﺴﻦ ﻣﺎﻳﺠﻲ ﻋﺪﻳﻞ ﺑﻌﺪﺍ .. ﺻﻴﺎﻋﻪ ﺍﺧﺮ ﺍﻟﺰﻣﻦ ﻛﻤﺎﻥ .
ﻋﻠﻲ ﻃﻮﺍﻟﻲ ﺭﺩ ﻭﻗﺎﻝ : ﺻﻴﺎﻋﻪ ﺷﻨﻮ ﻳﺎ ﺍﻣﻲ ﺍﺳﺘﻬﺪﻱ ﺑﺎﻟﻠﻪ .. ﺍﻧﺘﻲ ﺷﺎﻳﻔﻪ ﺍﻟﺴﺎﻋﻪ ﻛﻢ ؟ ﺍﻟﻤﻐﺮﺏ ﻣﺎ ﺍﺫﻥ .. ﺍﻧﺘﻲ ﻋﺎﻳﺰﻩ ﺗﺸﺎﻛﻠﻲ ﻭﺧﻼﺹ ؟؟
ﻧﻬﻲ : ﻳﺎﻭﻟﺪ ﺍﺣﺘﺮﻡ ﻧﻔﺴﻚ .. ﻛﻴﻒ ﺗﺘﻜﻠﻢ ﻣﻌﺎﻱ ﻛﺪﻩ ﻧﺴﻴﺖ ﺍﻧﺎ ﺍﻣﻚ ! ؟؟ .. ﻭﻻ ﺧﻼﺍﺹ ﺟﺎﺕ ﺍﻟﺒﺖ ﺩﻱ ﻭﺧﺮﺑﺖ ﻃﺒﻌﻚ ﺍﻧﺖ ﻭﺍﺧﻮﻙ .. ﻣﻦ ﺯﻣﺎﻥ ﺍﻧﺎ ﺑﻘﻮﻝ ﻟﻴﻜﻢ ﺍﻟﺒﺖ ﺩﻱ ﻛﻌﺒﻪ ﺍﺑﻌﺪﻭ ﻣﻨﻬﺎ ﻣﺎﻋﺎﻳﺰﻳﻦ ﺗﻔﻬﻤﻮ .. ﺧﻠﻮﻫﺎ ﺗﻨﻔﻌﻜﻢ ﻫﺴﻲ ..
ﻋﻠﻲ ﻭﺧﺎﻟﺪ ﻛﺎﻧﻮ ﻋﺎﻳﺰﻳﻦ ﻳﺘﻜﻠﻤﻮ ﻟﻜﻦ ﺍﻧﺎ ﻭﻗﻔﺘﻬﻢ ﻭﺍﺗﻜﻠﻤﺖ ﺍﻧﺎ : ﻣﻤﻜﻦ ﺍﻓﻬﻢ ﻳﺎﺧﺎﻟﺘﻲ ﺍﻧﺎ ﻛﻌﺒﻪ ﻓﻲ ﺷﻨﻮ ؟ ﻋﻤﻠﺖ ﻟﻴﻚ ﺷﻨﻮ ؟ ﺑﺲ ﻓﻬﻤﻴﻨﻲ ﻣﻤﻜﻦ ﻭﻻ ﻻ ؟؟
ﻧﻬﻲ : ﻓﻲ ﻭﺣﺪﻩ ﻣﺤﺘﺮﻣﻪ ﺗﻜﻮﻥ ﻋﺎﻳﺸﻪ ﺣﻴﺎﺗﻬﺎ ﻛﻠﻬﺎ ﻭﺳﻂ ﺍﻭﻻﺩ؟؟ ﻳﻮﻡ ﺑﺎﻟﻐﻠﻂ ﻣﺎﺷﻔﺘﻚ ﻣﻊ ﺑﺖ ﻳﺎﺧﻲ ؟ ﻻﻣﻪ ﺍﻭﻻﺩ ﺍﻟﺸﻤﺎﺳﻪ ﺣﻮﻟﻴﻨﻚ ﻭﻗﺎﻋﺪﻩ ﻭﻋﺎﻣﻠﻪ ﻧﻔﺴﻚ ﻣﺤﺘﺮﻣﻪ؟؟ ﻫﻬﻬﻬﻪ ﻣﺎﺑﻌﻴﺪ ﺍﺻﻼ ﺗﻜﻮﻧﻲ ....
ﻭﻫﻨﺎ ﺍﻧﺎ ﻣﺎﻗﺪﺭﺕ ﺍﺳﺘﺤﻤﻞ ﻭﻣﺸﻴﺖ ﻋﻠﻴﻬﺎ ﻭﺑﺪﻭﻥ ﺷﻌﻮﺭ ﻣﻨﻲ ﺍﺩﻳﺘﻬﺎ ﻛﻒ .. ﺍﻳﻮﺓ ﺿﺮﺑﺘﻬﺎ .. ﺿﺮﺑﺖ ﺧﺎﻟﺘﻲ ﺍﻻﻛﺒﺮ ﻣﻨﻲ ﺍﻟﻤﻔﺮﻭﺽ ﻓﻲ ﺍﻟﺤﺎﻻﺕ ﺍﻟﻄﺒﻴﻌﻴﻪ ﺍﻧﻲ ﺍﺣﺘﺮﻣﻬﺎ ﻳﻌﻨﻲ .. ﺑﺲ ﺩﻱ ﻋﻤﺮﻫﺎ ﻣﺎﻛﺎﻧﺖ ﺧﺎﻟﺘﻲ ﻭﻻ ﺩﻱ ﻛﺎﻧﺖ ﺣﺎﻟﻪ ﻃﺒﻴﻌﻴﻪ ﺍﺑﺪﺍ .. ﺑﻌﺪﻫﺎ ﺍﻧﻔﺠﺮﺕ ﻓﻴﻬﺎ ﻭﻗﻠﺖ : ﻋﺎﻳﺰﻩ ﺗﺘﻬﻤﻴﻨﻲ ﻓﻲ ﺷﺮﻓﻲ ﻛﻤﺎﻥ ؟؟ ! ﻟﻠﺪﺭﺟﻪ ﺩﻱ ؟؟ ﺍﻻﻧﺘﻲ ﺑﺘﻘﻮﻟﻲ ﻋﻠﻴﻬﻢ ﺍﻭﻻﺩ ﺷﻤﺎﺳﻪ ﺩﻳﻞ ﻫﻢ ﺍﻟﺴﺎﻋﺪﻭﻧﻲ ﻭﻭﻗﻔﻮ ﻣﻌﺎﻱ .. ﻋﻤﻠﻮ ﻭﺍﺟﺒﻚ ﺍﻧﺘﻲ .. ﺍﻟﻮﺍﺟﺐ ﺍﻟﻤﻔﺮﻭﺽ ﺍﻱ ﺧﺎﻟﻪ ﻃﺒﻴﻌﻴﻪ ﺗﻌﻤﻠﻮ .. ﺗﻘﻴﻒ ﻣﻊ ﺑﺖ ﺍﺧﺘﻬﺎ ﺍﻟﻤﺎﻋﻨﺪﻫﺎ ﻻ ﺳﻨﺪ ﻭﻻ ﺿﻬﺮ ﻓﻲ ﺍﻟﺪﻧﻴﺎ ﺩﻱ .. ﺑﺲ ﻟﻼﺳﻒ ﺑﺪﻝ ﻣﺎﺗﻜﻮﻧﻲ ﻟﻲ ﺳﻨﺪ ﻛﻨﺘﻲ ﺍﻧﺘﻲ ﻣﺼﺪﺭ ﺍﻻﻟﻢ ﻓﻲ ﺣﻴﺎﺗﻲ .. ﻣﺎﻛﻔﺎﻙ ﻛﻞ ﺷﻲ ﻋﻤﻠﺘﻴﻪ ﻓﻴﻨﻲ ؟؟ ﻣﺎﻛﻔﺎﻙ ﻃﺮﺩﻙ ﻟﻲ ﺯﻣﺎﻥ ؟ ﻋﺎﻳﺰﻩ ﺍﻛﺘﺮ ﻣﻦ ﻛﺪﻩ ﺷﻨﻮ؟؟ ﺍﻃﻠﻌﻲ ﻣﻦ ﺣﻴﺎﺗﻲ ﺧﻼﺹ ﺍﻧﺎ ﻣﺎﻋﺎﻳﺰﻩ ﺍﺷﻮﻓﻚ ﺍﺑﺪﺍ .. ﻣﺎﻋﺎﻳﺰﺯﻩ ﻣﺎﺍﺍﺍﺍﻋﺎﻳﻴﺰﻩ ﻛﻔﺎﺍﺍﺍﺍﺍﺍﻳﻪ ..
***
ﻣﺮ ﺷﻬﺮ .. ﺑﺲ ﻓﻲ ﺍﻟﺸﻬﺮ ﺩﻩ ﺍﺗﻐﻴﺮﺕ ﺣﺎﺟﺎﺕ ﻛﺘﻴﺮ ..
Flash back :
ﻃﻠﻌﺖ ﻣﻦ ﺑﻴﺘﻬﻢ ﻣﻦ ﻏﻴﺮ ﻣﺎ ﺍﻓﻬﻢ ﺍﻱ ﺷﻲ .. ﻣﺎﺭﺩﻳﺖ ﻋﻠﻰ ﻋﻤﻮ ﻓﺨﺮﻱ ﻭﻻ ﺍﻭﻻﺩﻭ .. ﺍﻧﺎ ﺗﻌﺒﺎﻧﻪ ﻟﺪﺭﺟﻪ ﺣﺘﻲ ﻣﺎﻋﺎﻳﺰﻩ ﺍﻱ ﺣﺪ ﻳﺰﻛﺮﻧﻲ ﺑﺨﺎﻟﺘﻲ ﻭﻋﻤﺎﻳﻴﻠﻬﺎ .. ﺣﺘﻲ ﻟﻮ ﻛﺎﻧﻮ ﺍﻭﻻﺩﻫﺎ .. ﺻﺢ ﻫﻢ ﻣﺎﻟﻴﻬﻢ ﺯﻧﺐ ﺑﺲ ﺍﻧﺎ ﻣﺎﻗﺎﺩﺭﻩ ﺍﺳﺘﺤﻤﻞ ﻭﻻ ﺷﻲ
ﻭﺍﻟﻠﻪ .. ﻛﻞ ﺍﻟﺒﺘﻤﻨﺎﻩ ﻓﻲ ﺍﻟﻠﺤﻈﻪ ﺩﻱ ﺍﻧﻲ ﺍﺑﻌﺪ .. ﺍﺑﻌﺪ ﻣﻦ ﻛﻞ ﺍﻻﻧﺎ ﻋﺎﻳﺸﺎﻩ ﺩﻩ .. ﻭﻣﺎﻟﻘﻴﺖ ﺣﻞ ﺍﻻ ﺍﻧﻲ ﺍﺳﺎﻓﺮ ..
ﻣﺸﻴﺖ ﻓﻲ ﺍﻻﻭﻝ ﻟﺒﻴﺘﻲ ﻟﻤﻴﺖ ﻛﻞ ﺣﺎﺟﺎﺗﻲ ﻭﻗﺮﻭﺷﻲ .. ﺩﺧﻠﺖ ﺍﻟﻨﺖ ﻋﺸﺎﻥ ﺍﺷﻮﻑ ﺍﻟﺮﺣﻼﺕ ﺍﻟﻤﺘﻮﻓﺮﻩ ﺯﻱ ﺍﻟﻮﻗﺖ ﺩﻩ ﺷﻨﻮ .. ﺷﻔﺖ ﺳﻌﺮﻫﺎ .. ﻟﻘﻴﺘﻮ ﻟﻼﺳﻒ ﻣﺎﻗﺪﺭ ﺍﻟﻘﺮﻭﺵ ﺍﻟﻌﻨﺪﻱ .. ﺑﺲ ﺍﻟﺤﺎﺟﻪ ﺩﻱ ﻣﺎﺧﻠﺘﻨﻲ ﺍﺗﻨﺎﺯﻝ ﻋﻦ ﻓﻜﺮﺗﻲ ﺍﺑﺪﺍ .. ﻣﺸﻴﺖ ﻟﺨﺎﻟﺘﻮ ﺳﻌﺪﻳﻪ .. ﺩﻗﻴﺖ ﺍﻟﺒﺎﺏ ﻓﺘﺤﺖ ﻟﻲ ﻫﺒﻪ ﻃﻮﺍﻟﻲ ﺩﺧﻠﺖ ﻣﻦ ﻏﻴﺮ ﻣﺎ ﺍﺳﻠﻢ ﺣﺘﻲ .. ﺩﻣﻮﻋﻲ ﻓﻲ ﻋﻴﻮﻧﻲ ﻭﺣﺎﻟﺘﻲ ﻛﻠﻤﻪ ﺻﻌﺒﻪ ﺑﺴﻴﻄﻪ ﻓﻴﻬﺎ .. ﻟﻘﻴﺖ ﺧﺎﻟﺘﻮ ﻗﺎﻋﺪﻩ ﺟﺮﻳﺖ ﻋﻠﻴﻬﺎ ﻭﺣﻀﻨﺘﻬﺎ ﻭﺑﻘﻴﺖ ﺍﺑﻜﻲ ﻭﺍﺑﻜﻲ .. ﻓﺠﺄﻩ ﻛﻞ ﺍﻟﺒﻴﺖ ﺍﺗﻠﻤﻰ ﻓﻮﻕ ﺭﺍﺳﻲ ..
ﺍﻧﺎ ﻣﺎﻛﻨﺖ ﻋﺎﻳﺰﻩ ﺍﺿﻌﻒ .. ﻣﺎﻛﺎﻧﺖ ﺩﻱ ﻧﻴﺘﻲ .. ﺑﺲ ﻣﺎﻗﺪﺭﺕ .. ﺣﺴﻴﺖ ﺍﻧﻲ ﻋﺎﻳﺰﻩ ﺍﺑﻜﻲ ﻋﺎﻳﺰﻩ ﺍﻓﺮﻍ ﻭﻟﻮ ﺷﻮﻳﻪ ﻣﻦ ﺍﻻﻟﻢ ﺍﻟﺠﻮﺍﻱ ..
ﺧﺎﻟﺘﻮ ﺳﻌﺪﻳﻪ : ﺑﺴﻢ ﺍﻟﻠﻪ ﻳﺎﺑﺘﻲ ﻣﺎﻟﻚ ﻓﻲ ﺷﻨﻮ؟؟ ﻫﺎﺍﻩ؟؟ ﻧﻮﺭ ؟؟ ﻳﺎﺑﺘﻲ ﺭﺩﻱ ﻋﻠﻲ ﻣﺎﺗﻮﻗﻔﻲ ﻟﻲ ﻗﻠﺒﻲ ﺍﻧﺘﻲ ﻛﻮﻳﺴﻪ ؟؟
ﻧﻮﺭ : ﺥ .. ﺧﺎﻟﺘﻮ .. ﻉ .. ﻋﺎﻳﺰﻩ .. ﻋﺎﻳﺰﻩ ..
ﻣﺎﻛﻨﺖ ﻗﺎﺩﺭﻩ ﺍﻛﻤﻞ ﺟﻤﻠﺔ ﻋﻠﻰ ﺑﻌﺾ .. ﻣﺎﻛﻨﺖ ﻗﺎﺩﺭﻩ ﺍﺗﻨﻔﺲ ﺣﺘﻰ .. ﻛﺄﻧﻮ ﻓﻲ ﺣﺠﺮ ﻭﺍﻗﻊ ﻓﻲ ﻗﻠﺒﻲ ﻭﺍﻧﺎ ﻣﺎﻗﺎﺩﺭﻩ ﺍﺷﻴﻠﻮ .. ﺣﺠﺮ ﺗﻘﻴﻞ .. ﺗﻘﻴﻞ ﺷﺪﻳﺪ ..
ﺧﺎﻟﺘﻮ ﺳﻌﺪﻳﻪ : ﺑﺮﺍﺣﻪ ﻛﺪﻱ ﺍﻫﺪﻱ .. ﻫﺎﻙ ﺍﺷﺮﺑﻲ ﺍﻟﻤﻮﻳﻪ ﺩﻱ .. ﻳﻼ ﺍﺣﻜﻲ ﺑﺮﺍﺍﺣﻪ ﻓﻲ ﺷﻨﻮ ؟؟
ﻧﻮﺭ : ﺧﺎﻟﺘﻮ ﺍﻧﺎ ﻋﺎﻳﺰﻩ ﺍﺳﺎﻓﺮ ﻭﺍﺭﺟﻮﻙ ﻣﺎﺗﺴﺄﻟﻴﻨﻲ ﺍﻱ ﺷﻲ .. ﺍﻧﺎ ﻧﻘﺼﺘﻨﻲ ﻗﺮﻭﺵ ﻭﻣﺎﻋﻨﺪﻱ ﺯﻭﻝ ﺍﻃﻠﺐ ﻣﻨﻮ ﻏﻴﺮﻙ ﺍﻧﺘﻲ .. ﻭﺍﻛﻴﺪ ﺣﺮﺟﻌﻬﺎ ﻟﻴﻚ ﻓﻲ ﺍﻗﺮﺏ ﻭﻗﺖ ...
ﻋﺒﺪﺍﻟﺮﺣﻤﻦ : ﻧﻮﺭ ﺍﻧﺘﻲ ﺟﻨﻴﺘﻲ ؟؟ ﻋﺎﻳﺰﻩ ﺗﺴﺎﻓﺮﻱ ﻭﻳﻦ ؟؟ ﻭﻛﻴﻒ ﺍﺻﻼ ﻗﺮﺭﺗﻲ ﻛﺪﻩ ﻭﻣﺘﻴﻦ ﺯﺍﺗﻮ ؟؟ ﺍﻟﺤﺼﻞ ﺷﻨﻮ ﻟﻜﻞ ﺩﻩ ؟؟
ﺍﻧﺎ ﻛﻨﺖ ﺯﻱ ﺍﻟﻤﺠﻨﻮﻧﻪ .. ﻣﺎﺭﺩﻳﺖ ﻭﻻ ﺳﻤﻌﺖ ﺍﺻﻼ ﻛﻼﻡ ﻋﺒﺪﺍﻟﺮﺣﻤﻦ .. ﺗﺮﻛﻴﺰﻱ ﻛﻠﻮ ﻛﺎﻥ ﻓﻲ ﺧﺎﻟﺘﻮ ﺑﺲ .
ﺧﺎﻟﺘﻮ ﺳﻌﺪﻳﻪ : ﻧﻮﺭ ﺍﻧﺎ ﻣﺎﻋﻨﺪﻱ ﻣﺸﻜﻠﻪ ﻳﺎﺑﺘﻲ ﻟﻜﻦ ..
ﻋﺒﺪﺍﻟﺮﺣﻤﻦ ﻗﺎﻃﻌﻬﺎ ﻭﻗﺎﻝ : ﻣﺎﻋﻨﺪﻙ ﻣﺸﻜﻠﻪ ﻛﻴﻒ ﻳﺎﺍﻣﻲ ؟؟ ﻋﺎﻳﺰﺍﻫﺎ ﺗﺴﺎﻓﺮ ﺑﺮﺍﻫﺎ ﻷﻭﻝ ﻣﺮﻩ ﻓﻲ ﺣﻴﺎﺗﻬﺎ ؟؟ ﻭﻫﻲ ﺑﺎﻟﺤﺎﻟﻪ ﺩﻱ ؟؟ ﻣﺴﺘﺤﻴﻞ ﺗﺘﺤﺮﻛﻲ ﻣﻦ ﻫﻨﺎ ﻳﺎﻧﻮﺭ ﻓﺎﻫﻤﻪ .. ﻟﺤﺪ ﻣﺎﺗﻔﻬﻤﻴﻨﺎ ﺍﻟﺤﺼﻞ ﺷﻨﻮ .
ﻧﻮﺭ : ﻋﺒﺪﺍﻟﺮﺣﻤﻦ ﻟﻮ ﺳﻤﺤﺖ ..
ﻋﺒﺪﺍﻟﺮﺣﻤﻦ : ﻭﻻ ﻛﻠﻤﻪ ..
ﻣﺸﻰ ﻋﻠﻲ ﺑﺎﺏ ﺍﻟﺸﺎﺭﻉ ﻗﻔﻠﻮ ﺑﺎﻟﻤﻔﺘﺎﺡ ﻭﺷﺎﻝ ﺍﻟﻤﻔﺘﺎﺡ ﻣﻌﺎﻩ ﻓﻲ ﺟﻴﺒﻮ ﻭﺟﺎ ..
ﻋﺒﺪﺍﻟﺮﺣﻤﻦ : ﻟﻮ ﻣﺎﺣﻜﻴﺘﻲ ﻟﻴﻨﺎ ﻣﻦ ﻫﻨﺎ ﻣﺎﺣﺘﻄﻠﻌﻲ ﺯﺍﺗﻮ .. ﻳﻼ ﺣﺘﻨﻮﻣﻲ ﻋﻨﺪﻧﺎ ﻉ ﺍﻻﻗﻞ ﻧﻜﻮﻥ ﻣﻄﻤﻨﻴﻨﻲ ﻋﻠﻴﻚ .
ﻟﻼﺳﻒ ﺍﻧﺎ ﻣﺎﻛﻨﺖ ﻋﺎﻳﺰﻩ ﺩﻩ ﻳﺤﺼﻞ ﻟﻜﻦ ﻫﻮ ﺍﻟﺨﻼﻧﻲ ﺍﻋﻤﻞ ﻛﺪﻩ .. ﻣﺎﻭﻗﺖ ﻋﻨﺎﺩﻭ ﻳﻌﻨﻲ ﻛﻔﺎﻳﻪ ﺍﻻﻧﺎ ﻓﻴﻪ ..
ﺻﺮﺧﺖ ﻓﻴﻪ ﻷﻭﻝ ﻣﺮﻩ ﻓﻲ ﺣﻴﺎﺗﻲ .. ﻭﻗﻠﺖ : ﻋﺒﺪﺍﻟﺮﺣﻤﻦ ﺩﻩ ﻣﺎﻭﻗﺘﻚ ﻭﺍﻟﻠﻪ ﺟﻴﺐ ﺍﻟﻤﻔﺘﺎﺡ ﺩﻩ ﻭﺍﻓﺘﺢ ﻟﻲ ﺍﻟﺒﺎﺏ ﺍﻧﺎ ﻋﺎﻳﺰﻩ ﺍﻃﻠﻊ ..
ﻋﺒﺪﺍﻟﺮﺣﻤﻦ : ﻗﻠﺖ ﻟﻴﻚ ﻻ .. ﻗﺎﻝ ﻛﻼﻣﻮ ﻭﻗﺎﻡ ﻋﺎﻳﺰ ﻳﻤﺸﻲ ﻟﻐﺮﻓﺘﻮ .. ﺍﻧﺎ ﺟﺮﻳﺖ ﻭﺭﺍﻫﻮ ﻭﻭﻗﻔﺘﻮ ﻋﺸﺎﻥ ﺍﺷﻴﻞ ﺍﻟﻤﻔﺘﺎﺡ ﺑﺲ ﻣﺎﻗﺪﺭﺕ ﻻﻧﻮ ﺯﺣﺎ ﻣﻨﻲ ﻃﻮﺍﻟﻲ ﻭﻗﺎﻝ ﻟﻲ : ﻣﺎﺣﺘﺴﺎﻓﺮﻱ .. ﺍﻓﻬﻤﻲ ﻣﺴﺘﺤﻴﻞ ﺗﺴﺎﻓﺮﻱ ﺍﻟﻠﻴﻠﻪ .. ﻋﺸﺎﻥ ﻛﺪﻩ ﺍﻣﺸﻲ ﻧﻮﻣﻲ ﻫﺴﻲ ﻭﺑﻜﺮﻩ ﻧﺘﻔﺎﻫﻢ .
ﻧﻮﺭ : ﺍﻧﺖ ﺑﺼﻔﺘﻚ ﺷﻨﻮ ﺑﺘﺄﻣﺮﻧﻲ !! ﺍﻧﺎ ﻛﻼﻣﻲ ﺍﺻﻼ ﻣﺎﻣﻌﺎﻙ .. ﻃﻠﻌﻨﻲ ﻣﻦ ﻫﻨﺎ ﺍﻧﺎ ﻋﺎﻳﺰﻩ ﺍﻣﺸﻲ ﺑﻴﺘﻲ .
ﻋﺒﺪﺍﻟﺮﺣﻤﻦ : ﻭﻃﻲ ﺻﻮﺗﻚ .. ﻣﺎﺗﻌﻤﻠﻲ ﻟﻲ ﻓﻴﻬﺎ ﻣﺠﻨﻮﻧﻪ .. ﺍﻧﺎ ﺍﺟﻦ ﻣﻨﻚ ﻭﺍﻧﺘﻲ ﻋﺎﺭﻓﻪ ﻛﺪﻩ ﻛﻮﻳﺲ .. ﻣﺎﺗﻌﺎﻧﺪﻱ ﺍﻣﺸﻲ ﻧﻮﻣﻲ ﻭﺑﻜﺮﻩ ﻧﺘﻜﻠﻢ ... ﻳﻼ ﺗﺼﺒﺤﻮ ﻋﻠﻰ ﺧﻴﺮ ﻳﺎﺟﻤﺎﻋﻪ ..
ﺧﻼﻧﻲ ﻭﻃﻠﻊ ﻏﺮﻓﺘﻮ ﺑﻜﻞ ﺑﺮﻭﺩ ... ﻭﺍﻧﺎ ﻫﻨﺎ ﻋﺎﻳﺰﻩ ﺍﺗﻘﻄﻊ ﻣﻦ ﺍﻟﻐﻴﻆ