رد: شجون_الحب1 رانية محمد أحمد

#شجون_الحب11
بقلمي رانية محمد أحمد

_ هي هي هو انت ترمي لينا هناك كل الشغل في راسنا و تجي تلومنا هنا ؟؟

انت يوم واحد ما قعدت في كرسيك زي الناس

…..و كل شغلك المالي اتنقل لي مكتبنا

… ..
_ هههههه اعمل شنو ما كان عندي طريقة كنت بجهز

…. ..
_ تمام ماشاء الله ربنا يسعدهم

_ بالمناسبة…. .اشتقت ليك والله

….
_ شجون اتخلعت و مشت كلامو و قالت ليهو بالاكتر والله

…. .
قبل تكمل كلامها جهاد جا…. ..سلم علي معاذ….
_ يا مدير كيفك

…. الف مبروك ليها ربنا يسعدها

…. .شجون كيفك ؟؟ ما قلتي مرهقة و تعبانة و ما قادرة تجري يد ولا رجل

… و بدا جهاد يحاكي في صوتها بي طريقة مضحكة

_ شجون ضحكت و قالت ليهو انت ما بتبطل حركاتك دي ؟؟

_ معاذ كان بس بتفرج عليهم و حس انو نظراتهم فيها حاجة

…. .اكيد في شيء بينهم

…. .قال ليهم عن اذنكم

…. ..فضل انو ينسحب عشان ضيقو ما يبين

….
شجون و جهاد قعدو في نفس الطربيزة و اتعشو سوا و مشو. باركو للعرسان سوا

…..و دا كان مضايق معاذ و كل مرة يقول في نفسو…. انا مالي و مالهم ما يحرقو ياخ

…. .

*******
بعد العرس شجون مشت الداخلية و اترمت في السرير و نامت ملأ عينيها خاصة انو العرس كان يوم خميس و صابح الجمعة

…. ..فما فكرت تقوم من السرير الا للصلاة

… ..
_بعد العصركدا اتصل عليها جهاد قال ليها وين انتي ؟؟

……
_قالت ليهو في الداخلية ليه ؟؟ في شنو اليوم الجمعة

…...اي عارف بس كنت عايز اطلع اغير جو شوية ففكرت فيك انتي يا صحبتي

… ...قلت ما صاح اطلع و اخليك مع الأجواء دي

…...و بعدين نحن كنا مدروشين قلت كمكافاة لينا كدا رايك شنو ؟؟ ......
_طيب خلاص انت وين عشان نتلاقى انا ما عندي لا شغلة لا مشغلة

… ..
_رايك شنو نمشي ناكل ايسكريم

… …
_الله خلاص طيب طيب مسافة السكة بس

… …
_شجون اول مرة تتبسط مما جات العاصمة… ...طلعت مع جهاد و قعدو اكلو ايسكريم و اتونسو في مواضيع متفرقة و شجون كانت عارفة انو جهاد زميلها شخص محترم جدا و كلامو في حدود عشان كدا كانت حاسة معاه بالامان و ما كانت خايفة انو يتجاوز حدودو

… ...رجعت شجون الداخلية مرهقة من الحوامة الكتيرة

……
_اول مرة تنوم مجرد ما تخت راسها في المخدة… ….
_مرت الايام رتيبة جدا جدا و مافيها حاجة جديدة بس التغير الوحيد الحصل انو شجون بقى عندها شخص ممكن تستعين بيهو في وقت الشدة ووقت الضيق

…..

********
_في يوم كان بداية الاسبوع و كان مفروض شجون و جهاد يسلمو التقرير في وقتو بس طلعو قبل يخلصو

… ...و معاذ شاف جهاد و شجون و هم طالعين رجع مكتبو و هو برزع الباب بي قوة

… … اتضايق جدا ما عارف ليه

… ...ليه ما سلمو التقرير ؟؟

لكن كويس انا بعرف اوريهم كيف يلتزمو بي شغلهم

… …
_تاني يوم اول ما شجون وصلت الشركة بتاع الاستقبال قال ليها المدير عايزك ضروري قال اول ما تصلي نكلمك

……
_ايوا طيب تمام انا ماشة ليهو...فكرت انو حيتكلم معاها في نفس مواضيعو الكل مرة … ...فعلا مشت دقت الباب
_قال اتفضل… ..شجون دخلت لقت معاذ وشو متغير

…. ..شنو يا استاذة شجون الاستهتار دا ؟؟

وين التقرير الاسبوعي

… …
_شجون دي صبت فيها مطرة

… ...معليش يا استاذ معاذ بس الدوام امس خلص قبل نخلص منو و

… ….
_عايزة تقنعيني انو التقرير الاسبوع دا كان فيهو شغل اكثر من الأسابيع الفاتت ؟؟

ولا انتي ما فاضية من الخلط و الجكس و الحب ؟؟

الحب دا عندو مكانو يا استاذة ما في حرم الشركة ؟؟

…..
_.شجون دي قربت تقع

… ..لالا والله يا أستاذ معاذ

… ….
_انا شايف ونستك و طلعتك و نزلتك مع جهاد ما تكذبي و بعدين دي شركة محترمة يا تشتغلي بي احترام يا تتفضلي نحن ما ناقصين بلاوي

…. ..
_شجون دي انفجرت بالبكاء و مصدومة من الكلام البتقال ليها

…...طوالي اتحركت طالعة….
_.دقيييقة انا ما خلصت كلامي

…. ..انا خلاص قررت اني انقلك قسم تاني منعا للاستهتار

… …
_شجون دي بي صوت مبحوح قالت ليهو حاضر

…. ….
_خلاص اتفضلي

… ….شجون مشت مكتبها و لقت جهاد وقف يسلم عليها بي بشاشتو كالعادة بس اتخلع لما لقي دموعها

…. ..شجون في شنو مالك ؟؟

……
_مافي شي يا جهاد بس عايزة ورقة و قلم

… …
_مد ليها ورقة و هو ببحلق في عيونها المليانة دموع… ...اول مرة يشوفها بالشكل دا

…. ..شجون لو في مشكلة كلميني عشان احلها معاك

…. .مش معتبراني اخوك ولا اي شيء ؟؟

…...بدات شجون تكتب في استقالتها… ...دا شنو البتكتبي فيهو دا ؟؟

…….
_دي استقالة

… ….
_ليه لكن ممكن اعرف السبب ؟؟

_مافي شي قلت ليك بس

… …
_جرت شجون ادت السكرتيرة بتاعة معاذ الاستقالة و طلعت من الشركة… …
_مشت البيت و بدات تلملم في ملابسها و اتصلت علي ابوها

… ....بس ما كان برد

… ...قالت بكون عندو محاضرة ولا مشغول

…. ..رمت التلفون و اترمت في في السرير

…. ...كانت افكارها متدافعة في راسها

…...بين معاذ و اتهاماتو الواضحة ليها و بين رجوعها البيت الحيوجعها اكتر من اي شيء تاني

…… .تلفونها رن رفعت سريع افتكرت دا ابوها رجع ليها بس جاها صوت معاذ متعصب

… …
_دا شنو يا أستاذة الكلام الفارغ الانتي كاتباهو دا ؟؟

_قالت ليهو بي انتصارالانت شايفو و انا مستحيل ارجع للذل و الاهانة

… …
_انتي شكلك ما قريتي الشرط الجزائي الفي العقد المضيتيهو

… ….
_أي شرط ؟؟

و بعدين عقدك دا بلو اشرب مويتو

… …
_تمام تمام ببلو بس برسل ليك صورة منو عشان ما تقولي ما وريتك

… ….
_شجون قفلت الخط قبل ما يقفلو كانها بتتسد حقها

… ….
_اتصل بيها جهاد بس ما ردت عشان عارفة حيتلايق و يقول ليها مالك و ليه و كلام هي ما حتقدر ترد عليهو

…..
_جهاد اتصل كتير بدون ما يلقى اي رد… ….رسل ليها رسالة… .
_افتكرت دي رسالة معاذ الفيها العقد فتحت الرسالة لقتها من جهاد

… …"ممكن تنزلي تحت لاني مشرور لي ساعة "

……
_شجون اتخلعت لبست عبايتها سريع و نزلت لقت جهاد واقف تحت شجرة

… ...مشت سلمت عليهو… ..دا شنو يا ود ؟؟ الجابك شنو

……
_جبتيني انتي دي

……
_.شجون عاينت ليهو بي استغراب

… ...هههه كيف يعني فايق انت ولا شنو

… ….
_ابدا والله بس عايز اعرف ليه قدمتي استقالتك وما تكذبي لاني عارفك تمام؟؟

…….
_ابدا والله بس

…. ….
_اها اها ؟؟ بدينا الكذب ؟؟ احكي بي صراحة

…. ..

تم الإرسال من خلال التطبيق Topic'it

#شجون_الحب12
بقلمي :رانية محمد أحمد

._شجون ما قدرت تقول ليهو كلام معاذ عنهم و انو بينهم في شي

… ...لالا بس معاذ قعد ينهر فيني و قال ليه ما سلمناهو التقرير في وقتو و انو انا بقيت متسيبة

… ….
_طيب التقرير دا مش مسؤولين منو انا و انتي مع بعض ؟؟

ليه سالك انتي و انا لا ؟؟

مش حاجة غريبة

…. …
_شجون اتلبست و حاولت تبرر بس ما عرفت

… ….
_لالا تمام معاذ انا بوريه و بتفاهم معاهو

… ..
_لالا يا جهاد خلينا في حالنا

… …
_طيب و انتي لو استقلتي عشان الموضوع دا انا كمان من بكرة بقدم استقالتي

… …
_لالا يا جهاد ما تربط نفسك بي دي مشكلتي و انا بحلها

…. …
_بس انا مرتبط بيك خلقة I love you

… ….
_شجون اتخلعت من كلمتو دي و عاينت ليهو لقتو بعاين ليها في عيونها

…. …
_دنقرت و ما حاولت تعلق علي كلامو

… ...بدات تحاول تغير في الموضوع و بعدها قلبوها ونسة

…...فجاة جاتها رسالة فيها العقد و شروطو

……" اذا تم الفصل ما حيكون في شروط بس اذا حاول الموظف التخلي عن العمل لاي سبب من الاسباب عليه دفع شرط جزائي و قدرة 70,000"

…….شجون سرحت شوية و اتضايقت و قالت لي جهاد….. اصلا مع الشروط دي ما حاقدر امشي اي مكان

…. .
_قال ليها بس انتي يا شجون ما تخليك حساسة كدا و اقل شيء تزعلي و تستقيلي لانو في الشغل دا ياما حتلاقيك مشاكل اصبري بس

… …
_طيب ان شاء الله ربنا كريم

…..
_جهاد وقف و قال ليها يلا انا بعد كدا بمشي نتلاقى بكرة في الشركة

… …
_طيب تمام مع السلامة

…. ..شجون حست كلام جهاد و تلميحاتو و نظراتو كانت ما طبيعية الليلة دي

… ...حاولت تطنش الموضوع و تخليهو عادي

…..بعد المغرب ابوها اتصل بيها و سلمت عليهو عادي كانو مافي حاجة و اتونست معاهو و قفلت

……
********
_.الصباح بدري شجون لبست و طلعت علي الشركة و كانت متضايقة كونها راجعة تاني بعد عرفت نظرة معاذ ليها عاملة كيف

… ...دخلت الشركة عادي و مشت مكتبها الجديد النقلوها فيهو و الموظفات بقو يعاينو ليها

...سلمت عليهم و قعدت

… ...المكتب كلو بنات بس

… ...ما عارفة طبيعة الشغل ولا عارفة هي قاعدة هنا بتعمل في شنو

…..بدات تسال في البنات عن طبيعة الشغل و بداو يتكلمو و يذكرو ليها مصطلحات علمية عمرها ما سمعت بيها بس شكلها معروفة عند الكل الا هي

… ...عملت فيها فاهمة و ما ردت تاني

… …
_بعد شوية جاتهم واحدة قالت ليهم الحقو الحقو في شكلة لي رب السماء الشركة كلها بي غادي انتو قاعدين هنا

… …
_كلهن لبسن طرحن و جرو يشوفو الحاصل

… ..
_الفضول خلي شجون برضو تمشي تشوف في شنو بالضبط

… ….مشت سالت الناس المتلمة

… ..في شنو يا جماعة الحاصل شنو

… ...كلهم بقو يعاينو ليها و اتبسمو ؟؟

…….في واحدة اشرت عليها من بعيد و كل الناس بقت تعاين ليها

…...شجون اتخلعت ؟؟ في شنو يا خوانا ؟؟

…...لما عاينت للبتشاكلو لقتهم جهاد و معاذ و في اللحظة الجات فيها شجون الاتنين عاينو ليها و سكتو

… ….
_في واحدة من بنات المكتب الكانت معاهم قالت ليها دي انتي شجون؟؟

_قالت ليها ايوة مالو في شنو! ؟

….
_.قالت ليها تعالي اوريك

… ..
_مشت معاها شجون و في اللحظة ديك معاذ قال لي جهاد للاسف حنستغني عنك و تاني الشركة دي ما تعتبها

… …
_جهاد قال ليهو وليه للاسف ؟؟

ولا اسفا عليكم ولا شيء ربنا كريم

… ...يا بت يا شجون معقول ما عارفة معاذ و جهاد بتشاكلو فيك ؟

…….
_شجون ضحكت ضحكة خفيفة

… ..بتشاكلو فيني انا ؟؟ كيف يعني

…….
_عديل الشركة كلها سمعتهم و معاذ بقول لي جهاد تبعد عن شجون و جهاد قال ليها تبعد عنها انت

……
_انتو فاهمين غلط والله ما

… ..
_قبل ما تكمل كلامها جهاد جا شايل شنطتو و جرا شجون من يدها

… ...شجون اتخلعت و بقى جاريها عشان تطلع من الشركة و هي بتحاول توقفو عشان تفهم في شنو

… ….معاذ شافهم طالعين و جهاد ماسكها

… ….كورك ليها يا شجون تعالي هنا ممنوع تطلعي في مواعيد العمل

… …
_جهاد وقف و عاين ليهو و سب ليهو بي ألفاظ نابية

….
_شجون نتلت منو يدها… ….في شنووووو؟؟ مالك ؟؟

……
_شجون انا عايز أسألك بس سؤال واحد انتي بتحبي معاذ و بينكم في حاجة

… …
_شجون اتصمت و ما قدرت ترد

… …
_ايواااا ؟؟ يعني في بينكم شي و داسة مني ؟؟

……
_قالت ليهو لالا مافي بينا حاجة ابدا بالعكس

… …
_طيب…... انا بحبك يا شجون ممكن تمشي معاي ؟؟

…..
_شجون اتخلعت و اتلخبطت

… ...قالت ليهو أمشي معاك وين ؟؟

ما بقدر و بعدين الشروط دي انا بدل اخفف الحمل علي أبوي معقولة اتقل عليهو و المبلغ كبير انا

… ….
_جهاد أتضايق قال ليها بي عصبية

… ..فهمت فهمت خلاص خلاص عن اذنك

… …
_بقت تنادي عليهو بس ما رد و مشي

… .. شجون رجعت دخلت الشركة و مشت مكتب معاذ و دخلت بدون استئذان

…. ...دا شنو الانت قلتو دا ؟؟

انا ما في بيني وبينك اي شيء و انا مستحيل اقبل الناس تتكلم علي كلام زي دا

… …
_شجون ممكن تسمعيني للاخر ؟؟

…….
_اسمع شنو ؟؟ انا ما فاهمة يومين بس يحصل فيهم مشاكل قدر دا ؟؟

……
_يعنى انتي بتحبي جهاد ؟!

……
_شجون سكتت و بقت مخلوعة

… …
_ليه سكتي ؟؟ يعني فعلا في بينكم حاجة ؟؟

…….
_ياخ مافي بينا اي شيء و كمان ما بيني و بينك اي شيء

… ..
_لالا بينا في حاجات كتيرة

… …
_شجون اتخلعت محتارة

…شنو دي الحاجات دي ما فهمتك

……
_انا خطبتك يا شجون من ابوك وهو موافق

… …
_شجون مصدومة

… …
_كيف يعني ؟؟ و انت بتخطب بدون ما تاخذ راي ؟؟

بعدين متين انا وافقت عشان تخطبني ؟؟

هو الخطوبة دي بالساهل كدا ؟؟

اول تسالني انا من رأى بعدين تمشي تكلم ابوي

……
_شجون ممكن تسمعيني

….. انا من عرفتك بقيت ما طبيعي

…. .تصدقي انا مرات بجي المكتب بس عشان أشوفك والاقيك و اتكلم معاك؟؟ Crying or Very sad

…..كنت مكابر و متجاهل احساسي بيك بس لما شفتك مع جهاد حسيت نفسي عايز اجن من الضيق

….. .كنت خائف علاقتك بيهو تتطور او تكون اصلا متطورة

…. ..ما عرفت اتصرف كيف عشان كدا ردت فعلي كانت عنيفة شوية انا آسف

…. .بس والله بحبك يا شجون و ما اظن تلقي زول يشيل ليك الحب دا كلو Crying or Very sad

…. ...انا خائف

…. ..خائف اخسرك بي طريقة ما طبيعية

…. ..حاسي اني حاجن

…. ..بتصرف تصرفات اساسا ما حقتي

…. .مشكلتي الصباح كانت مع جهاد ما بعرف انا قلت ليهو شنو بس عايز ابعدو خاصة بعد اتاكدت انو بكن ليك مشاعر

…. ..انا عارف تصرفاتي غبية بس اعمل شنو

… ..حاسي اني مخنوق

…. .ما قادر اتصور المكان دا و انتي ما فيهو

…. اول مرة احس اني ضعيف كدا و ما املك قراري Crying or Very sad

…...حاسي اني تايه و ما عندي مرسى غيرك

…...شجون أرجوك ما تكسريني Crying or Very sad

…. ما حاكذب و اقول ليك انتي الأنثي الوحيدة في حياتي بس انتي الاميز و الاحب

… ...عاين ليها و و لقي تعابير وشها متعاطفة معاهو Crying or Very sad

… ..شجون حست انو معاذ بتكلم عنها تماما و بقى جواها نزاع معقول تكسر قلبو زي ما يوسف كسرها ؟؟

…...إحساس مؤلم ما بترضاهو لا لي عدو ولا لي صديق

… …

تم الإرسال من خلال التطبيق Topic'it

#شجون_الحب13
بقلمي:رانية محمد أحمد

_قرب منها و قعد في الارض…….تقبلي تتزوجيني علي سنة الله و رسوله ؟؟

… …
_شجون وقفت علي حيلها و قالت ليهو فاجئتني بي كلامك دا و بعدين حتي لو بتحبني ما ممكن تظلم جهاد بالطريقة دي

… …
معاذ قرب منها و مسكها من يدها …...شجون اتصدمت لي لحظة …..حاول يقرب منها … .. بس شجون لزتو و قالت ليهو انت واحد تافه دي الامانة القال ليك عليها ابوي ؟؟

…..
_.لالا يا شجون ما تفهمي غلط انا بس والله انجرفت و من زمان نفسي بس

… ...
_اسكت دي الحركات البتعملها مع كل البنات صحباتك؟؟

…. .و جرت شجون على الباب

_معاذ جري علي الباب ووقف فيهو عشان يمنعها تطلع

… …
_عليك الله أبعد من الباب

… …
_شجون عليك الله حني علي حالي انا لو خسرتك حاموت

… …
_طيب ما تحترم نفسك و لا شايفني زولة ما محترمة او ممكن تعاملها زي ما بتعامل البنات البجوك هنا

… …
_ما قاصد قلت ليك

……
_شجون سكتت و هي خايفة جدا و متضايقة و حاسة انو كاتم علي نفسها

…..طيب حافكر في عرضك تمام ؟؟ بس انا حاليا مرهقة حارجع القضارف

… ….
_لالا يا شجون اوع تكوني زعلانة Crying or Very sad

… ….
_لالا قلت ليك خلاص بس اديني فترة ارجع بيتنا هناك الجو صافي شوية و ممكن افكر بي راحتي

… …
_طيب بس ما تتاخري علي

……
_طيب ان شاء الله

… …
_شجون طلعت من الباب و مشت المكتب شالت شنطتها و الناس كلها كانت بتعاين ليها و يتوشوشو و دا شي مضايقها جدا و ما قادرة تشرح ليهم واحد واحد

…...طلعت مشت الداخلية… …
_بعد وصلت بي عشرة دقائق اتصل بيها معاذ… ...الوووو كيفك وصلتي كيف ؟؟

…...ا
_لحمدلله تمام

… ..
_انا اسف يا شجون والله ما بيدي

…. ..
_تمام حصل خير

… …
_طيب حتسافري متين ؟؟

……
_بكرة ان شاء الله

……
_خلاص انا بقطع ليك التذكرة تمام

… …
_لالا مافي داعي

…..
_لا لا في داعي انتي خطبيتي

… …
_شجون سكتت و ما ردت علي كلمتو

……
_و حاوصلك بي نفسي كمان

… …
_طيب ان شاء الله ربنا يسهل

… …
_تمام بتصل بيك بعدين لما ارجع البيت

… …
_طيب… ..قفلت الخط و بدات تفكر… ...افكارها مشوشة تماما

… ...معقول تكسر قلب معاذ ؟؟ ولا تكسر جهاد ؟؟

بتحاول تشوف هي عايزة شنو بالضبط

… ..
_عاينت للتلفون و اتصلت بي جهاد… ..الوووو جهاد كيفك

… …
_الحمدلله بخير انتي كيف

… …
_كويسة… …الحمدلله… ..
_كيف معاذ معاك ؟؟

……
_ما فهمتك

…. ..
_اقصد…. .أقصد مبسوطة معاهو ؟؟

…….
_انا زوجتو عشان تسالني السؤال دا ؟؟

……
_لا حتكوني…. …
_شنو الخلاك متأكد كدا ؟؟

……
_باين باين… ….
_جهاد انا مسافرة ماشة بيتنا

… …
_مسافرة متين ؟؟

……
_بكرة ان شاء الله… …
_تمام توصلي بالسلامة… …
_شجون حست بي ردود جهاد باردة شديد

… ...طيب مع السلامة اشوف وشك بي خير

. ……
_قفل بدون ما يرد علي كلامها… ..

********
شجون فعلا كانت في موقف لا تحسد عليه

… ...اي غلطة ممكن تندم علي اختيارها

… ...بعد شوية فكرت انو كل شيء قسمة لو مافي بينا قسمة مافي شي بحصل

… ..الصباح بدري رتبت شجون شنطتها و لبست وودعت زميلاتها في الداخلية و طلعت

… ….نزلت تحت لقت معاذ واقف بالعربية تحت

… ...مما شافها نزل وسلم عليها و رفع ليها الشنطة و فتح ليها الباب

… ...قعدت و هي ساكتة

… …
_معاذ قال ليها ممكن تزحي يدك ؟؟ …..
_ابتسمت قالت ليهو اسي يدي دي جنبك

… ..
_قال ليها عشان ما تزعلي مني بعدين

… …
_انت شكلك متعود ؟؟

…….
_لالا ما قصة كدا بس انتي لو عارفة الحب الجواي ليك كان حتقدري موقفي

. ……
_شجون قلبها رف… ...اتذكرت حبها لي يوسف

… ...و قالت ليهو عارفة

……
_مستحيل تكوني عارفة و حتي لو عارفة ما حاسة

… …
_شجون سكتت نزلها في الميناء البري و اشتري ليها سندوتشات و عصير و قال ليها ياريت لو بقدر اسافر معاك كان حتكون احلي سفرة I love you

بس ما مشكلة الايام جاية بإذن الله اخدك مكان بعيد عن العالم دا

… …
_شجون حست بي احاسيس غريبة و جديدة و كلامو كان بستقبلو قلبها زي العسل

… ..
_طيب مع السلامة لانو انا اتاخرت علي الشركة سلمي علي ابوك

…..
_طيب يوصل ان شاء الله

… …
_ودعها معاذ و مشى

… …
_طلعت تلفونها و هي مترددة هل تتصل بي جهاد ؟؟

ولا لا

… ...بقت تقول في نفسها اصلا هو ما شغال بيك ما تشغلي نفسك بيهو كتير

… …
_بعد شوية أثناء ما واقفة و ماسكة شنطتها سمعت صوت جهاد من ورها و هو بقول ليها… ...شنو يعني عايزة تسافري بدون ما تودعيني

…
_شجون اول ما سمعت صوتو قلبها دق

…..فرحت بي شوفتو جدا

و قالت ليهو ما انت عامل فيها تقيل اعمل ليك شنو

… …
_ابتسم ليها و قال ليها شنو الخلاك تقولي كدا ؟؟

……
_شجون عاينت ليهو شوية و هو مدنقر فيها

… ...اول مرة تلاحظ لي ملامحو

...ما حصل ملت عينها فيهو

… ..حاسة انها مبسوطه معاهو اكتر من معاذ ما عارفة ليه

… ...عيونو فيها لمعة خاصة

… ..يمكن دا حبو ليها

…..و جهاد كان بعاين ليها بي نفس الطريقة.

…...قال ليها ما جاوبتي يعني ؟

… …
_اها امس ساعة اتصلت بيك كنت بتتكلم بي برود

… …
_كنت متضايق

… …
_من شنو ؟؟

…..
_من حقيقة انك ما حتكوني لي

… ….
_شجون ما قدرت تديهو جواب قاطع بس سكتت

… …
_اخد جهاد نفس عميق و قال ليها شفتي واقعي مؤلم كيف ؟؟

……أولا عاطل و في جيبي في عشرة جنيه

و بودع في حبيبتي الاصلا ما حتكون لي

…. . ما قادر اتصور الانا فيه

… ..
_فكرت اجيب ليك هدية حتي لو وردة بس الحمدلله

… …
_شجون قالت ليهو شفت جيتك دي احلي هدية ما تتصور انا فرحت بي شوفتك كيف

… …
_جهاد عاين ليها مسافة و دخل يديهو في جيوبو

…...ما تعشميني فيك يا شجون بالله

… …
_شجون قعدت تضحك

…...و قبلت عاينت للبص خلاص اتملا

… ….
_هي بعد كدا انا استأذن

… ….
_جهاد عاين ليها بي شغف

. …..كان نفسي اودعك بي طريقتي

… …
_شجون ابتسمت

… ….اتلفتت رفعت شنطتها بس جهاد جراها من يدها و رفعها لي حضنو… ...شجون اتصدمت من حركتو السريعة بس كانت مبسوطة و هي في كتفو و ما مانعت هي نفسها خجلت من نفسها ليه عملت كدا.

….
_نطت و نزلت و قالت ليها مع السلامة

… ...شجون ركبت البص و هي في قمة السعادة

…...معقول دا يكون اخر لقاء بينها و بين جهاد ؟؟

ليه هي مبسوطة كدا ؟؟

…...و كل الطريق كان تفكيرها كلو في جهاد

…

تم الإرسال من خلال التطبيق Topic'it

اسفة علي التاخير والله كنت بكتب في الحلقة

#شجون_الحب14
بقلمي : رانية محمد أحمد

...أثناء الطريق اتصل بيها معاذ… …
_اها حبيبو وصلتي وين ؟؟

…..
_انا لسة في مدني… …
_طيب اول ما تصلي كلميني

……
_طيب

… .
_وصلت شجون قريب المغرب البيت… …
_دقت الباب… ..
_جا سامي فتح ليها الباب

… ...اوووو شجون سلم عليها سامي و دخلت سلمت علي امها و الدموع في عيونها

. …..
_و ابوها سلم عليها مبسوووط

… ..دي شنو المفاجآت دي ؟؟

…....
_قالت ليهو أخدت اجازة ارتاح شوية

… …
_بسم الله انتي تسعة شهور ما تميتيها

… …
_والله حاسة اني تميت تسعة سنين

… …
_لقت شادن و سلمت عليها و لقتها تقيلة شوية

……
_الغير متوقع لقت يوسف قاعد كان جا يتغدى معاهم سلمت عليه بي ابتسامة عريضة و قالت ليهو كيف اهلك

…...شجون كانت في قمة السعادة لانها ما اتاثرت بي وجودو

و لا هز فيها شعرة حست اخيرا انها اتخلصت منو

…...دا كان اكتر نصر بالنسبة ليها في اليوم دا كان ماليها حب شخص تاني و ماف زول فارق معاها غيرو

…
_بس يوسف كان جواهو احاسيس غريبة

… ..شجون اتغيرت ما نفس شجون الشافها اول ما جا.

…...دي واحدة واثقة شديد …...و بدا يدقق في ملامحها لاول مرة رغم لونها الاسمر بس ملامحها كان جميلة

… ...رموشها عيونها خدودها خشمها

…. ..حتي قوامها

… ..يوسف كان بتفحص و يدقق فيها بي طريقة غريبة و هي كانت بتتونس معاهم عادي و تحكي ليهم بي شغلها و طبيعتو

… …
_بعد خلاص شبعومن الونسة مشت غرفتها و بداو شادن و امها يساعدو فيها ترتب حاجاتها في دولابها و امها بقت تمسح ليها في شعرها مشتاقة ليها و شادن تزرزر فيها اها مافي زول كدا ولا كدا

… …
_شجون قالت ليها لو في حاجة بحكي ليك بس الزي دا معقول يجيب عريس بالسهولة دي ؟؟

……
_يابت ما تقولي كدا مالك يا شجون حلاتك و الله

…..
_.شجون أثناء الونسة نامت بدون ما تحس… ..

*******
الصباح بدري ابوها ناداها … ...قال ليها انا معاذ كلمني و قال لي حيجيب اهلو و يجي يتقدم

… ….
_دا شنو يا ابوي انا أصلا لسة ما وافقت

… …
_كيف يعني ما وافقتي ؟؟ معاذ قال لي متفقين امس اتصل شكلو لقي تلفونك مقفول اتصل علي و اتطمن عليك

… …
_.لا لا يا ابوي انا قلت ليهو حامشي البيت افكر بي هدوء ما اديتو كلمة والله

_ كيف يعني عندك فيهو راي مثلا ؟؟ انا شايف انو مناسب جدا و حيقدر يسعدك و يوفر ليك حياة كويسة…..
_ شجون لي لحظة حست بي شجاعة انها تقول الفي قلبها….. .صراحة يا ابوي انا ما موافقة عليهو و ما حاسة اني حاكون سعيدة معاهو

…. … …
_معتصم اتصدم و قعد في السرير

…. ..كيف يعني ما عايزاهو ؟؟

مالو يعني ؟؟

ماف كلام زي دا يا شجون انا ما حاخليك علي كيفك في الموضوع دا انا فاهم انتي لسة عايشة في الماضي و ما عايزة تنسيهو لكن انا شايف افضل قرار انك توافقي

… …
،_لالا ابدا ما بوافق و بعدين انا نسيت الموضوع القديم الانت بتفكر فيهو دا و شلتو من راسي خلاص بس برضو ما عايزة معاذ

… ….ا
_لسبب شنو لكن يا شجون ؟؟

زول وضعو فل ماشاء الله حيعيشك عيشة ما اظن كنتي تحلمي بيها

… …
_برضو يا ابوي انا ضحيت مرة ما بقدر اضحي تاني

…... ...العبرة خنقتها و دموعها رقرقو Crying or Very sad

… …
_طيب لكن انا ما ممكن اشوفك بتدمري حياتك و ترفضي فرصة زي دي و اكون ساكت كدا ؟؟

……
_ما تخاف يا ابوي انا عارفة انا عايزة شنو بس ما معاذ

… …
_يعني عندك زول تاني غيرو ؟؟ confused

……
_شجون اتلبشت و اتوترت

… ….صراحة ما متأكدة

… …
_ما متاكدة من شنو بالضبط ؟؟

…..
_لما لقت صوت ابوها علا قالت ليهو …...ايوة في زول تاني بس ما جاهز لسة

… ….
_ايواااا اها و بعدين ؟؟ حيجهز سنة كم دا كمان و هل عندو مقدرات معاذ ؟؟

……
_.لالا ما للدرجة دي بس Crying or Very sad

… ….
_ما عايز اسمع اي كلمة و اختيارك لو كان غلط انا بعارضك فيهو و ما تفكري

… …
_طلع معتصم و هو متضايق جدا

و شجون بتبكي

… ….معقول لكن انا اضحي كم مرة ؟؟ Crying or Very sad

…...انا ما عندي اي شيء لي معاذ دا

… ...مشت سريع غرفتها و قفلت الباب

… ...فتشت التلفون لقتو طافي… ...شحنتو و قعدت تفكر… ...معقول خلاص أنسى جهاد ؟؟

ياربي انا أنسى كم مرة

… ...أنتي اصلا غبية ما تتعلقي بي زول و خلاص

… ...التلفون فتح سريع فتشت تلفون جهاد. …...اتصلت عليهو كم مرة ما رد

… ...رمت التلفون …...بعد عشرة دقائق اتصل عليها جهاد I love you

…...ا
_الوووو شجون كيفك وصلتي ؟؟

……
_لحمدلله اي وصلت ياداب بتسال ؟؟

…….
_والله معليش ما كان عندي رصيد و اساسا كنت في معاينة و خلاص قبلوني الحمدلله

… …
_الحمدلله فرحت ليك والله

… ...سكتت شجون مسافة

… …
_شجون في شنو مالك ؟؟

…..صوتها وصلو انها بتبكي

…. ..جهاد اتخلع

…. .في شنو حبيبتي

… …
_عايزة اقول ليك اني ما عايزة معاذ ولا عمري فكرت فيهو

… …
_جهاد دا حس انو دا يوم الفرج

… ...طيب البخليك تبكي شنو

……
_لاني بحبك انت و ما عارفة أعمل شنو

… …
_جهاد دا قرب يبكي و قعد ليهو في مسطبة و قال ليها بي ضحكة

…. ..ما تعملي حاجة حبيني بس

. …
_قعدت تضحك وسط دموعها

قالت ليهو انا جادة ابوي مصر علي معاذ رغم رفضي ليهو

… …
_طيب محلولة انا بحلها انتي خلاص مهمتك انتهت

…. ..
_اها طيب كيف ؟؟

…….
_اديني رقم ابوك و انا بتفاهم معاهو

… …
_شجون اتخلعت و خافت

… ...لكن بس ما عارفة.

……
_قلت ليك اديني الرقم و اطلعي منها

… …
_طيب برسلو ليك في رسالة

…...
_طيب تمام

… ...شجون رسلت ليهو الرقم و قعدت متوترة و خايفة

… …
_جهاد وصل البيت و قعد مع ناس البيت و كلمهم بالحاصل

… …
_امو فرحت جدا قالت ليهو اخيرا يا جهاد عايز تفرحني

…. ..
_ابوهو و اخوهو الكبير قالو ليهو نحن مستعدين من الالف للياء

… …
_قال ليهم بس خلاص خلوني اتصل بي ابوها اول و احدد معاهو معاد

… ….
_خلاص تمام

… ..

*********
_معقول يا معتصم ؟؟

و ليه ما كلمتني من البداية ؟؟ Crying or Very sad

انا اخر زول يعرف انو شجون جاين يخطبوها الجمعة الجاية ؟؟

……
_يا نجاة افهمي البت معاندة و انا ما عندي حل غير اني اضغط عليها

… …
_كيف رافضة ؟؟ مالها ؟؟

….
_ما بعرف انا ما بجبرها بس بضغط عليها عشان توافق انتي كدي حاولي معاها و شوفي فهمها شنو

… ..
_طيب انا بشوف الحاصل شنو

… ..
_تلفون معتصم رن… …
_نجاة مشت لي شجون في غرفتها و بدأت تجرجر فيها و تسالها ليه رافضة معاذ

… …
_قالت ليها يا امي أولا الزول دا جنو بنات و عندو صحبات كتار

و دي اول حاجة انا مضايقاني منو و بعدين هو شايف انو بي قروشو ممكن يعمل العايزو

و غير دا كلو حاسة بيهو كانو بجبرني عليه

و انا اصلا ما قدرت احبو قدر ما حاولت حتي اعطف عليهو بس ما قدرت

… ….
_يابتي لكن لي متين حتقعدي ؟؟

……
_يا امي منو القال انا حاقعد في زول تاني و انا عايزاهو بس ابوي ما عايز يسمعني confused

… …

تم الإرسال من خلال التطبيق Topic'it

#شجون_الحب15
بقلمي : رانية محمد أحمد

********
_منو معاي ؟؟

….
_انا جهاد سليمان حسن كنت زميل شجون في الشركة

… …
_اهلا وسهلا

… …
_كنت عايز اخد منك موعد عشان اجي ازوركم في البيت عشان تتعرفو بالاسرة

… ….
_ما فهمتك ؟؟

……
_اقصد يعني اتقدم لي شجون بنتك

… …
_يا زول انت منو و شجون عرفتك من وين و اصلك و فلصك انا ما بعرفك

… …
_ايوة يا عمي ما بتعرفني لكن حتعرفني ان شاء الله

… …
_يا زول شجون دي مخطوبة ما كلمتك انها مخطوبة ؟؟

…..
_ابدا والله ما كلمتني

… …
_لالا مخطوبة لي واحد بنعرفو و مننا و فينا السلام عليكم و قفل الخط

… …
_جهاد اتصدم من كلام معتصم ابو شجون وحس بي احباط مبالغ فيهو Crying or Very sad

… …
_اتصل بي شجون بس ما قدرت ترد لانو امها كانت قاعدة معاها

… …
_شادن جاتهم داخلة قالت ليهم شنو يا جماعة الليلة كلامكم كلو وسوسة ابوي قبيل مسك شجون في الغرفة البي غادي و اسي انتي يا امي الحاصل شنو ان شاء الله خير ولا انا خلاص بقيت ما من ناس البيت دا

… …
_امها قالت ليها الجمعة شجون جاين يخطبوها

…. …
_هي ماشاء الله تبارك الله ربنا يتمم علي خير ان شاء الله و الله فرحت ليك من قلبي

… …
_بس انا ما موافقة

… …
_لييه ؟؟ مالك يا شجون ؟؟ و العريس دا من وين أصلا ؟؟

……
_بداو يحكو ليها الحاصل …..
_.و انتي يا شجون ليه رافضاهو إذا وضعو كويس و ابوي بعرفو ؟

…..
_شادن انا ما عايزاهو فهمتيني ؟؟

انا حاتزوجو و لا حاتزوج وضعو و عرفتو لي ابوي ؟؟

……
_يا زولة كدي استخيري و كلو لي خير

… …
_شادن و نجاة مرقو من شجون و خلوها براها… ...شجون طوالي رفعت التلفرن و اتصلت بي جهاد.

……
_حكي ليها جهاد كلام ابوها بالضبط

… …
_شجون بدات تبكي و دموعها عشرة عشرة

… …
قال ليها والله لو في بينا قسمة ماف شيء بقيف في طريقنا بس لو ما كان في قسمة ما بنتلاقى تاني

…. ...انا بس عايز منك حاجة واحدة اقيفي معاي و اصبري عشان نتلاقى

… …
_ان شاء الله ربنا يسهل بس انت ما تخذلني

… …
_لا لا انا اصلا ما حاخذلك ولا حاخليك مهما حصل

… ….
_شجون كلام جهاد طمنها شوية

… ...جهاد عايزة أسألك سؤال

… …
_اها شنو ؟؟

اسألي

……
_انت ليه حبيتني انا ؟؟

مش كان قدامك بنات الشركة الحمراء و الصفرا و اشكال الوان

… …
_القلب و ما يريد ما عارف بس حبيتك انتي.

……
_ليه ؟؟

…….
_والله ما عارف صراحة ما انا الاخترتك

… …
_شجون اتخلعت

… ..كيف يعني منو الاختارني ؟؟

…….
_اختارك قلبي

…….
_انا بحبك I love you

… ….
_يا سلااام ياخ و انا كمان بحبك الله يلاقينا

… …
_ انت شنو قصتك مع نتلاقى دي ؟؟ ياخ يمكن نتلاقى في اي شارع حتى لو ما اتلمينا

…. قول ربنا يلمنا

_انتي فاهمة كلمة تلاقي غلط بالمناسبة

……
_ كيف يعني شنو مثلا ؟؟

_ ما اسي …..بعد نتلاقي بوريك معناها الحقيقي

*******
شادن بعد وصلت بيتها قالت لي يوسف…. .طبعا يا يوسف لازم تجيب لي توب جديد و شبشب

… …
_ليه الجد شنو ؟؟

……
_شجون اختي جاين يخطبوها الجمعة الجاية

…....
_عليك الله؟؟؟

و دا منو دا الجاي يخطبها دا ؟؟

……
_واحد ماشاء الله وزنو تقيل عندو شركة ادوية

… …
_و اها و ابوك وافق عليهو ؟؟

معقول طوالي كدا ابوك وافق ؟؟

……
_هي هو جاي من طرف ابوي زاااتو كيف ما يوافق

……
_معقول ؟؟ و اها وشجون عايزاهو ؟؟

…….
_دي المشكلة شجون رافضة ما بعرف ليه و طلعت فيهو مليون عيب و ابوي مصر

… …..
_طيب ليه لكن ابوك ما مفروض يجبرها علي حاجة هي ما عايزاها

و يخليها بي راحتها و الله ابوك بالغ في دي و بعدين الحالة ابوك دكتور جامعي

يعني دا تصرف ما تصرف زول واعي

… ….
_شادن احتارت في الدفاع المستميت البدافعو يوسف لي شجون

. ……
_الموضوع دا كلو في الاخر قسمة ما في زول بقدر يحدد البحصل شنو

… …
_لالا والله ابوك في دي بالغ عديل

… …
_قدر ما شادن تقفلو يعيد ليها الكلام لمن نامو

… ….
_يوسف حقيقة كان قافلة معاهو بي سبب موضوع شجون دا و كان بتجيهو ذكريات قديمة و بتذكر شجون الشافها اول ما رجعت من الخرطوم

… … .. اتذكر امو لما جاتو قالت ليهو… ...شجون شنو يا يوسف الزرقاء دي ؟؟

شادن حلاتة والله

… ….فعلا والله يا امي زي ما قلتي شادن أحلى بس

… …بري بري شجون دي اصلي ما عجبتني

… ..يوسف فعلا باري كلام امو رغم انو طول السنين دي عايش بي حب شجون بي نفس الطريقة الكانت عايشة بيها شجون رغم انو عرف بنات بس كانت شجون في قمة القائمة

… ...بس لما رجع و شاف اختها ضرب بي سنين الحب دي كلها عرض الحائط و بدات اسي تنهش في قلبو و متضايق من الخسارة دي

… …

*******
_انت يا جهاد اسمعني هنا انا شايف انو الناس ديل نمشي ليهم في بلدهم ديك و نقعد مع ابوها عديل بنجضو ليك الكلام دا

… …
_طيب كويس يا جابراخوي ادوني فرصة اسبوع كدا و نمشي ليهم

… …
_هي سفرة يوم واحد بس يا جهاد انا بالعربية بوديكم و اجيبكم

… …
_طيب ربنا يسهل انا بادي شغل جديد ما ممكن أغيب الا نمشي يوم جمعة ولا كدا

… …
_طيب خلاص الجمعة الجاية علينا دي

… …
_جهاد نط لالا يا جماعة ما دي خلونا نمشي البعدها

… …
_اخوهو الكبير قال ليهو انا راجع ابو ظبي احسن تسرع في موضوعك دا قبل ارجع

…….
_طيب ان شاء الله ربنا يسهل الجمعة البعد الجاية دي

… …
_طيب خير خلاص ربنا يسهل… ....

*******
كل البيت بدا يجهز لي الخطوبة الموعودة الا شجون اصلا ما مستعدة و ما عايزاها و اتصلت علي معاذ و رسلت ليهو بس مابرد

… …
_اخر مرة اتصلت بيهو رد عليها بي ضيق

… ..
_شنو يا معاذ ياخ انا بتصل من متين ؟؟ confused

……
_معليش التلفون بعيد

… ..
_عايزة اقول ليك انو

… ..
_عارف يا شجون انك ما موافقة على عرضي

و ما مشكلة يا زولة

بس ابوك ما قال كدا فما من الرجالة اني ما اجي في الموعد

لازم اصل البيت و انتي ترفضي حتي انا اقدر اخلي الموضوع

لكن ما تفكري اني ممكن اتصل بي ابوك اقول ليهو خلاص يا عمي ما جاي و أنسى الفكرة

… ....
_شجون قنعت و قالت ليهو خير خير طيب

…. ..شجون بقت ما عندها حل غير الانتظار و الترقب

… …

*******
_في اليوم الموعود شجون كانت متضايقة جدا و خايفة و ما عارفة تتصرف كيف

… …
_فعلا المساء وصلو ناس معاذ و اهلو و ابوها استقبلهم و معاهو سامي و يوسف و شادن و امها يتجارو بي جاي و بي جاي …..
_بعدها جات ام معاذ داخلة و سلمت علي شجون و شادن و نجاة

… ...قعدت جنب شجون و قالت ليها ماشاء الله ربنا يحفظ

…...والله مما معاذ ولدي كلمني قلت ليهو زيييين ما اخترت شجون دي انا بعتبرها زي مروة بتي واحد

…….والله يا شجون يابتي فكرت فيك لي معاذ قبل هو يفكر فيك زاتو

… …
_شجون فجاة بقت تبكي

… …
_مالك يابتي ؟؟

_سكتت ساي

… ...شجون اتشجعت و حست انو دي اللحظة المناسبة انها تنقذ مصيرها و تغير حياتها و الضغط الهي فيهو

… ..طوالي رفعت عينها و قالت ليها صراحة يا خالتو….. انا كمان معتبراك زي امي و مروة اختي الصغيرة و كمان معاذ زي اخوي سامي و صراحة انا ما معتبرة معاذ اكتر من اخ بس هو شكلو فهم الاخوة البينا دي غلط

……

تم الإرسال من خلال التطبيق Topic'it

#شجون_الحب16
بقلمي :رانية محمد أحمد

_المرأة اتخلعت و قالت ليها كيفن كلامك دا ؟؟ يعني الليلة نحن جاين نخطب منو ؟؟ و كلامك دا ما كان تقوليهو من الاول

_ والله يا خالتو قلتو لي معاذ مليون مرة بس صراحة ابوي هو المصر و انا صراحة ما حصل فكرت في معاذ امتر من اخ

…….
_ تقثدي يعني انتي جابرنك ؟؟ خلاص ما تخافي مافي حاجة بتم غضبا عنك يابتي

… ..
_ و ابوك عارف انك ما موافقة ؟؟

_ شجون وامت ليها بي راسها انو ايوة عارف

… …
_لالا خلاص اطمني ما بحصل شي انتي ما عايزاهو

… ..المراة مرقت و هي ساكتة ساي

… ...بعد شوية استاذنو و قالو ليهم خلاص نلقاكم في ساعة خير و ما قالو ولا كلمة و لا طلبو و لا حددو حاجة بس خلو الهدايا و الحلاوة و طلعو

… …
_بعد طلعو امهم قالت ليهو ليه يا معاذ تدخلنا في موقف ضيق زي دا ؟؟

_ قال ليها يا امي قدري موقفي انا وعدت ابوها قبل ما هي ترفض و ما قدرت اتصرف
_كان تكلمنا نحنا نتصرف

… .و هي زاتها مالها رافضاك ؟؟

انت بتترفض ولا بتتعيب ؟؟

لكن متعوسة ساي مخيرة

… …
_معاذ كان اليوم دا بالنسبة ليهو كانو نهاية العالم

… ...و شايف و متأكد انو ما حيلقي زي شجون تاني

… …

*******,
_شجون دخلت غرفتها و ابوها ما سالها بس نجاة مشت كلمتو بالحاصل

… …
_جا طوالي على شجون

… ...انتي بت غبية و مخيرة غايتو براك خربتي علي نفسك

… ....
_ يا ابوي انا من حقي اختار صاح ؟؟

ولا بس شادن من حقها تختار و العايزاهو يحصل و انا لا ؟؟

_ معتصم رخي الحبل شوية لما انهارت شجون بالبكاء

… ...قرب منها و قال ليها لكن انتي الظاهر ما عارفة مصلحتك وين

… .
_ حتي لو ما عارفة مصلحتي دا إختياري خليني احس شوية اني انتصرت في الحياة دي

… …
_ طيب تمام ماف مشكلة اشوف اختيارك بس انا البحكم في الاخر

… ..
_ شجون قشت دموعها و قالت ليهو حاضر

… …

*******
كان في خوف و قلق شديد من شجون و من جهاد كمان في الفترة دي

…. ...خايفين من الحيحصل بكرة

… …
_يوسف قال لي شادن اها الموضوع شكلو خرب صاح ؟؟

_ و انت مالك فرحان كدا ؟ شمتان ولا شنو ؟؟

_لالا ما قصدي كدا لكن ابوك غلط و دا الصاح المفروض يحصل… .

_ الله يعين بس شجون عندها زول في راسها الظاهر لانو رفضها دا لي سبب لانو صراحة معاذ دا ما بتفوت

_ تقصدي شنو يعني ليه مالو ؟؟ في راسو ريشة ؟؟

_ اي صراحة في راسو اكتر من ريشة

… ...مال و اخلاق ووجاهة و

… ..
_ شادن ما تحترمي نفسك انا ما عاجبك ولا شنو

_ لالا والله ما بقصد انت براك سالتني

…..
_خلاص ارح سريع بالله و فكينا من درامات اهلك دي

…..

********
جهاد كلم شجون انو جاين يوم الجمعة بس ما تكلم زول من ناس البيت حيجو مفاجأة و كدا

… ...شجون كانت خائفة من المفاجئة دي و فضلت تكلم ابوها

… ..
_ اها يا شجون زولك دا جاي متين ؟؟

_ قال بجي الجمعة الجاية دي

_ خلاص تمام نشوف البحصل

… .
_ان شاء الله

شجون كانت حاسة انو ما حيحصل خير بس قالت انا متأكدة السنة دي النصر حيكون لي لانو السنة الفاتت كنت الخسرانة Crying or Very sad

… ..كانت شجون واثقة من نصر ربنا ليها كل ما تتذكر كيف كانت السنة الفاتت مؤلمة بالنسبة ليها

… ..
********
في اليوم الموعود ناس شجون كانو جاهزين و جهاد مع اخوانو و ابوهو وصلو العصر و شجون كانت بتوصف ليهم بالتلفون

… ...لحدي ما وصلو… …

*******
_لما وصلو شجون كانت في غرفتها ما طلعت منها خالص و خايفة و متوترة من الجاي رغم ثقتها

…...:كانت اطول ساعات انتظار في حياتها و ما قادرة تتصل بي جهاد تسالو ولا قادرة تطلع برة تشوف الحاصل

_شادن و امها جو داخلين الاتنين لي غرفتها و زغرتو بي صوت واحد و بدو يباركو ليها

… …
_وهي محتارة الحصل شنو يا جماعة ؟؟ في شنو

… .كانت متأكدة انو ابوها وافق من فرحتهم دي

… ….امها حضنتها و بقت تبكي Crying or Very sad

… …
_ شجون قومي البسي حاجة كويسة عشان تسلمي علي راجلك و اخوانو و ابوهو

…. ..
_ شجون لي لحظة وقفت متصلبة ؟؟؟

راجلك ؟؟ راجل منو يا امي تقصدي خطيبي

_ شادن ردت عليها بي ضحكة و هي بتفتش في الدولاب

… ...يابت راجلك عديل الخلانا نزغرد شنو ابوي خاف انك تنطي من كلامك عشان كدا عقد ليك

… …
_ ياااابت ؟؟

ما علي اساس ابوي رافض و ما عايز يقابل جهاد ؟؟

_ امهم قالت ليها يا شادن اقعدي احكي ليها بالتفصيل الحصل و انا بمشي اجهز ليك كيك و حاجات ياكلوها الضيوف

… …
_ شادن طلعت ليها فستان ظريف كدا بس شجون رفضت تلبسو

… ..دا كان الفستان اللبستو يوم جو ناس يوسف

… ...قالت ليها لالا عندي عباية حلوة كدا بلبسها

…. ..بس انتي اقعدي احكي لي الحصل… ..بالتفصيل الممل

……
يا ستي مما وصلو ….
#فلاش_باك

_ السلام عليكم كيفكم

……
_اهلا وسهلا

… …
_معتصم وقف مسافة و بقي يعاين لي ابو جهاد

…….حاج سليمان معقول ؟؟

_ معتصم ؟؟

……
_بداو يتحاضنو و سلام و دموع… ...لا حول ولا قوة الا بالله… ...ايام ياخ

… ….اتفضلو لي جوة

… ..
_سليمان عرفو بي اولادو و جهاد كان مبسوط و البسمة ما فارقت وشو

… ..

*******
_ايام ياخ والله ياحاج سليمان شوف زمان كنا شباب ياخ

…….تتذكر كنا قوين كيف

و كنا عندنا شجاعة مبالغة و الله لا بتهمنا الغام و لا دانات

… …
_كانو مسميننا كتيبة الرعد تقول لي ؟؟

……
_يا سلام ياخ كنا حربين جد

… ….
اتضح انو سليمان و معتصم اتلاقو في حرب الجنوب زمان و كانو في نفس الكتيبة و كان بينهم مودة و عاطفة مبالغ فيها و عندهم أصدقاء استشهدوا …..حاج سليمان بعد الضيافة و كدا قال لي معتصم اها دا ولدي خريج هندسة حاسوب و حاليا شغال في شركة ((..)) و امورو واضحة الحمدلله و انت زي ما عارف كان لاقي بنتك في شركة معاذ محجوب

…. ..
_.يا زول بدون مقدمات كتيرة انا اديتكم و اسي دي صلاة المغرب نعقد طوالي لو جاهزين عشان لا البت تنط ولا الولد ينط و نحدد العرس

… …
_ يا زول جاهزين ما عندنا اي مشكلة نعقد طوالي دا الكلام النجيض

_قام اخو جهاد مبسوط قال ليهم دا الكلام و ليك علي الشيلة كلها و الريحة من دبي و شهر العسل في اي مكان يختاروه

… …
_جهاد دا وشو انفرد و انشرح و بقي ما عارف يودي آلسعادة الجواهو وين حاسي بانها حتدفق

… ….

******
_لما الرجال طلعو لي صلاة المغرب و كلمو النسوان انهم حيعقدو

… ..شادن جات جارية دايرة تكلم شجون بس امها مسكتها قالت ليها خليها نعملها ليها مفاجاة بعدين

… …

******
_بس يا ستي دا كل الحصل

…. .ليلا البسي سريع عشان تسلمي علي نسابتك

… …
_اثناء ما بتكلمو شجون و شادن …..يوسف كورك لي شادن من برة

… …
_شجون قالت ليها امشي انا بلبس اسي و بجي

…. .
_ شادن مرقت لي يوسف

…..نعم يا يوسف في شنو

… ...اسمعي هنا يابت الناس يا تجي معاي البيت يا تقعدي قبلك و ما بتلزميني

… ..

تم الإرسال من خلال التطبيق Topic'it

#شجون_الحب17
بقلمي : رانية محمد أحمد

_ بسم الله الرحمن الرحيم مالك يا يوسف حصل شنو لي دا كلو ؟؟

_ يوسف بي غضب اها قررتي شنو ؟؟

_ يوسف ممكن تفهمني الحاصل ؟؟

_ يوسف طوالي مشي علي باب الشارع طوالي شادن جرت بي وراهو

… ..

*******
_ شجون نجاة جات ساقتها سلمت علي اهل راجلها و جهاد سلم عليها في يدها و ضغطتها ليها لمن خجلت دنقرت

… ...ا
_ اها يابتي العرس حيكون بداية شهر أربعة الجاي دا

… ..ادناكم شهرين مناسبات ؟؟

_ شجون خجلت و عاينت لي امها

… …
_ نجاة قالت ليهم بالحيل بقضننا نجهزها ليكم

… ....
_خلاص علي بركة الله

… ..ربنا يتمم علي خير

…..

*******
_ في شنو يا يوسف يعني ممكن افهم خليتني اخليهم في الوقت دا confused

_ اسمعي يا شادن ياانا يا اهلك ديل لانو انا ما بقبل الاهانة فهمتي ؟؟

_ منو الاهانك و كيف تخيرني خيار زي دا ؟؟

الحصل شنو بالضبط ؟؟

_ اولا انتو الزول دا غريب و ما بتعرفوهو كويس و اتكلمت مع ابوك قلت ليهو نحن ما بنعرفو كيف تديهو قال لي بعرف ابوهو

….. .قلت ليهو يا حاج ما ترمي بنتك ساكت و كونك بتعرف ابوهو ما معناها بتعرفو هو مش كلام منطقي ؟؟

_ منطقي

_ تخيلي رد ابوك كان شنو ؟؟

قال لي انت اساسا دخلك شنو ؟؟

ما تدخل فينا و دا شي ما بخصك

……
_ شادن اتخلعت

…. .معقول ابوي قال ليك كدا ؟؟

_ اي والله و انا اتحرجت جدا و معاملني كاني ما من الاسرة دي

و انا اسي دي يابت الناس بخيرك يا تقعدي معاي انا هنا يا اما تمشي ليهم و انتهي البيان

… .
_ شادن بلعت ريقها و ما عرفت تقرر و لا تقول شنو

,,,,

********
شجون الصباح بدري قالت لي امها…. .وينها شادن من امس ما جات ؟؟

…...
_بري والله ما بعرفها لكن بتجي خليها بي راحتها

…. .
_شجون طلعت الحوش وقفت لما شافت جهاد في الحوش الفي النص

…. ..
_ مما شافها ابتسم

و هي خجلت

…. ..شنو ياخ ما عايزة تصبحي علينا ولا شنو ؟؟

_ جات سلمت عليهو

…. ..
_ياخ في مراة بتسلم علي راجلها كدا ؟؟

…….
_شجون دنقرت و سكتت

… ..
_يا زولة خير بمشيها ليك حاليا

…. ..
_شجون أثناء ما واقفة مع جهاد اتذكرت اول مرة لاقت فيها يوسف نفس المكان

…. ..
_ هي انتي سرحتي وين ؟؟

_ لالا ما سرحت بسمع فيك

_ ياخ والله اول مرة الحظ يضرب معاي كدا

…..انا ما مصدق

… ..حاسي انو ربنا جمع شقاوتي في الدنيا دي كلها و بدلها لي سعادة

…. .
_ هي انا ماشة امي ما تفقدني

…. .
_ طيب يا ستي نحن بعد كدا بنسافر

…..
_ توصلو بالسلامة

…
_ ناشفة كدا ؟؟ كويس

_ شجون ضحكت و دخلت جوة

… .
بعد الشاي علي طول طلعو ناس جهاد و اهلو و شجون كانت في غرفتها بتتراسل معاهو بالواتساب

……
_غير صورة الواتساب و كتب فيها بي خط عريض…. ..شجون قلبي ينبض بحبك

…. ..

*******
بعد الضهر كدا شجون سمعت صوت شادن برة

…. ..طلعت تسلم عليها لقتها متغيرة و ما طبيعية

… .
_ شدو وين من الصباح ؟؟

_ لالا والله بس انتي عارفة الحمل و كدا تعبانة شوية

_ يا زولة ما مشكلة ربنا يحلك بالسلامة

… .
_ شادن دخلت اخدت ليها حاجة و طلعت علي طول

…. .
_ شجون عاينت لي امها و امها عاينت ليها

…. ...مالها ياربي ؟؟ في زول قال ليها حاجة ؟؟

_ والله ما عارفة امس دي كانت بتحكي لي و راجلها جا كورك ليها و مشت علي طول

….
_ ياربي تكون متشاكلة مع راجلها ؟؟

_ كدي يا امي دقيقة امشي ليها اشوف مالها ؟؟

_ هوووي يا شجون اوعك ابوك يمكن ما يقبل ما تمشي ليها

…. .
_ يا امي في شنو ؟؟

اختي و عايزة أشوف مالها دي فيها حاجة ؟؟

_ امها لما لقتها بتكورك سكتت خلتها

… ….

********
شجون دقت ليهم الباب كدا جا يوسف فتح الباب

…. ..
_ شادن قاعدة ؟؟

_ لالا مافيشة انتي عايزاها في شنو ؟؟

_ لما تجي بس قول ليها شجون عايزاك ضروري في موضوع مهم خليها تجيني

…...و اتلفتت شجون طالعة لما سمعت يوسف و هو بقول…. .
_ والله يا شجون طلعتي ما هينة

…. ..جايبة راجلين في اسبوعين ؟؟

انا لو ابوك و الله اوريك حاجة

…. .
_ شجون اتخلعت من كلامو لمن رجليها ما شالوها حست انها حتقع

…. .
_ تقصد شنو ما فهمتك ؟؟

و شنو راجلين دي ؟؟

_ لالا انتي فااااهمة و انا فاهم

…. ..تسعة شهور في الخرطوم براك ؟؟

و ابتسم بي طرف خشمو

_ يا ود الناس ما تحترم نفسك ؟؟

نحن محترمنك عشان نسيبنا و راجل بتنا بس لو اتطاولت نحن بنوريك

… .
_ تحترموني غصبا عنكم

…..غصبا عنكم تحترموني

…. ..المحترم دا اصلا بفرض احترامو علي الناس

……
_ و انت غصبا عن ابو اهلك تحترمنا كمان

…….
_ انتو بتكم في يدي بس انتو ماسكين علي شنو ؟؟

_ شجون بقت مبهوتة في تفكيرو و طريقة كلامو

…. .كيف يعني بتنا في يدك ؟؟

انت بتنا زوجتك بي احترامك ليها لكن لو حاولت تقلل من احترامك ليها طوالي نجي نسوقها منك و نخليك تقابل الحيطان

… ..
_ لالا ياخ انا لو طلقتها مشكلة

… ....احسن ليك يا شجون تسكتي و تحترمي نفسك و تعدي اليوم دا علي خير و الا انا براي بوصلها عندكم البيت

… …
_ شجون عايزة ترد بس جات شادن من وراهو و هي بتبكي Crying or Very sad

…...كفاية يا شجون عليك الله اقصري الشر و ما تخربي بيتي Crying or Very sad

…. ..
_ شجون بقت مبهوتة و ما قادرة تتكلم و خائفة علي اختها الزول دا يكون عمل فيها حاجة ولا ضربها

…. .
_ شادن انتي ما سمعتي الاهانة الموجها لي ؟؟

و لي بيتنا ؟؟

دا واحد قليل ادب و. ما محترم

…. .
_ شجون ارجوووووك خلاص امشي البيت Crying or Very sad

… …
_ شجون المغصة كانت حتشقها وهي راجعة و ما عارفة تتصرف كيف

…. ..

********
شادن اسمعي هنا انا اهلك ديل خنقوني والله و ما قادر اتحمل واحد فيهم قولي ليهم تاني ما يجونا

…. ..
_ شادن اتخلعت و بقت تعاين ليهو

…. ..يوسف انت قلت انا ما أمشي ليهم قلت ماشي ما مشكلة

…. .بس كيف اسي اقول ليهم ما تجو ؟؟

_ ما انتي لو ما مشيتي هم حيجو و انا صراحة ما طايق واحد فيهم هنا في البيت دا

…...انا راجلك و بقيت خلاص وليك و اهلك ما عندهم عليك حاجة مفروض تسمعي كلامي انا

…. في الاسلام كدا ما جايب حاجة من عندي انا

…….وانا لو قلت ليك ابوك ما تدخليهو ما بتدخليهو البيت دا

.
_ شادن غلبها كلو كلو و بقت تتلفت و مسكت التلفون

…. .
اتصلت بي شجون… ..الووو شجون كيفك

….
_ شجون بي لهفة قالت ليها شادن ؟؟

اوع يكون الحيوان دا بضربك ؟؟

مالو هو ؟؟

مشكلتو شنو ؟؟

ليه قال لي انك مافي ؟؟

و ليه بطاعن بالطريقة الوقحة دي ؟؟

تم الإرسال من خلال التطبيق Topic'it

#شجون_الحب18
(الحلقة الأخيرة)
بقلمي :رانية محمد احمد

_ شجون عايزة بس اقول ليك انو هو حاسي بالاهانة من ابوي

…. .ابوي قال ليهو كلام ما حلو و قمة الاهانة و انا ما قادرة اصلح القصة دي و بس عايزة اقول ليك

…. .انو

…… شفتي هو متعقد شوية من ناس البيت و كدا Crying or Very sad

…. ...فقال لي ما عايز

…. ...أنو

…. ..يعني

…. ..اصلا هو شفتي ما بدور زول يجيهو في البيت طبعو كدا بتضااااايق

…. ..
_ شجون بقت فاتحة خشمها و ساكتة

…. ..بسم الله الرحمن الرحيم مالو دا يعني ؟؟

عيان ؟؟

_ افهميني يا شجون ارجوك انا بيتي حيتخرب

…..
_ طول ما أنتي بتتهددي بي كلامو حيذلك و يهينك و ينتقم فيك و يفرغ فيك عقدو

…. ..انا صراحة ما كنت قايلاهو كدا ؟؟ سبحاااان مغير الأحوال

…….لكن انا عايزة اعرف ابوي قال ليهو شنو بالضبط ؟؟

_ صراحة ابوي بالغ يا شجون

…. ..قال ليهو ما تتدخل فينا

….
_ ما فهمتك بالنسبة لي شنو ؟

_ صراحة هو يوسف ما موافق علي زواجك من جهاد فلما قال رايو بي صراحة لي ابوي فقام ابوي قال ليهو الكلمة دي

…. ..
_ هو صحي دخل امو شنو في قصتي دي ؟؟

لا اخوي و لا ولي و لا ببقي لي لا من قريب لا من بعيد مجرد زوج أختي و فقط

سلطتو دي يختي يفرضها عليك في البيت لكن ما علي بيتنا كلو

… ...مفروض تشرحي ليهو انو فعلا ما ليهو دخل في قصة زي دي

…. .
_ يخسي عليك يا شجون هو ما مننا و فينا معقول ابوي يعقد كدا بدون ما ياخد رايو ؟؟ Crying or Very sad

ليه يعني ؟؟؟

و حتي لما يجي يقول رايو يقولو ليهو ما ليك دخل ؟؟

_ شجون اتمغصت و بقت ساكتة و قالت ليها يا زولة خير امسكي قوي بس

…. .كويس؟

بالهنا و الشفاء و قفلت الخط

…. ..

*********
_عدت فترة و شجون بتجهز في نفسها للعرس و شادن خالص ما جات و بتتحجج لي امها بي انو هي تعبانة مع الحمل و كدا

….. شجون أصلا ما لامتها و لا سألتها

….. ..
_بس يوم قبل زواج شجون بي أسبوعين…. معتصم مشي بيت ناس شادن عشان يتاكد من بتو و يسلم عليها لانها طولت ما جات عليهم

…….
_ لقي الباب مطبول من برة

…. ..اتصل علي شادن و قال ليها يا بتي انتي و ين الايام دي اشتقنا ليك عديل كدا ؟؟

سافرتي بدون ما تكلمينا ولا شنو ؟؟

_ لالا والله يا ابوي موجودة في البيت بس تعب الحمل انت عارف بقيت تقيلة شديد

…. ..الحركة من السرير دا يا الله

…. .
_ طيب وقت الحركة غالباك حايمة وين الليلة ؟؟

_ بري والله ما حايمة قاعدة في البيت

… …
_ معتصم احتار هي بتكذب ليه ؟؟

_ طيب تعالي افتحي لي الباب وقت قاعدة

…. ..
_ شادن دي اتخلعت خلعة و بقت تتلفت

…. ..ما اصلا

…. .انت عارف

…. ..والله يا ابوي

…. ...يوسف مافيش و

… .
_ يابت يوسف انا ما عايز اقابلو عايز اشوفك أنتي حتوقفيني كتير هنا ولا شنو ؟؟

_ والله يا ابوي انت عارف

…..
_ معتصم بي نهرة قال ليها

…. ..شادن انتي وين ؟؟

ليه بتكذبي و تقولي في البيت ؟؟

سريع وين انتي انا بجي عليك

…. ..
_ والله يا ابوي مافي مكان في البيت

…. .و طلعت برة عشان تطرد شكوك أبوها Crying or Very sad

…. .و من ورا الباب

…. ..هدي انا يا ابوي

… ..
_ ابوها اتخلع و نزل التلفون

…...يوسف قافلك جوة يعني ؟؟

_ لالا والله يا ابوي انا قاعدة اخاف بقول ليهو اقفلني من برة عشان م

…..
_شادن اوع تكذبي علي

…. ..انا ياداب فهمت راجلك التافه دا

…. .دا واحد مريض و شكاك انتظري انا بادو ليك

….. .
_ شادن دخلت جوة و هي بترجف كلها زي القصبة و خايفة بيتها يخرب

…..

_ معتصم مشي لي حاج احمد في البيت و دق ليهم الباب و قال لي حاج احمد الا تجي معاي اسي دي

… …
_ فعلا لما حاج احمد وصل لقي الباب مقفول

_ معتصم قال ليهو انا بتي ما بتقعد مع ولدك تاني ولا ثانية

…. .نحن ما ناقصين مرض و قرف بالله

…. ..
_ معتصم اتصل بي سامي ولدو و جو كسرو الطبلة و كسرو الباب و دخلو ساقو شادن و هي بتبكي

…. ..وصلت البيت شجون مما شافتها جايبنها ابوها و سامي اتخلعت

…. ..
في شنو يا ابوي ؟؟ شادن مالها ؟؟.

_ شادن دخلت و بقت تبكي و مقلقة

…. .شجون تشيل و تهدئ فيها

…. ..انا بس خايفة من ردت فعلو لما يجي و يلقى الباب مكسور

…..
_ شجون قالت ليها…. .انتي يا اختي من متين بتتقفلي كدا ؟؟

معقول ؟؟

طبعا ما اتخيلت يوسف دا كدا ؟؟

_ والله يا شجون في الاول ما كان كدا بس اكتشفت الموضوع شوية شوية تلاتة شهور كدا

…. .في الاول كنا بنتشاكل يوميا

…..تاني فكرت في الفي بطني و قلت اصبر بس دي قسمتي

……
_ قسمتك ما قلنا شي بس انتي كان تكلمي ابوي عشان يتصرف معاهو ما ممكن تعيشي بالطريقة دي و حتي لو حجتك انك ما عايزة الطلاق

…..ممكن المسألة تتحل بدون طلاق

…. ..
_ مستحيل يا شجون يا اختي الراجل دا اقل شيء بطلقك بطلقك الطلاق دا عندو زي شربة الموية

…..
_ شجون عاينت ليها و قالت ليها حصل طلقك ؟؟

_ لالا ما حصل بس كتير بجيب سيرته

_ لانو عارفك خائفة من الطلاق بقى يهددك بيهو بس لو قويتي يوم واحد قلبك و قلتي ليهو طلقني ما بقدر أعيش بالطريقة دي كان اتغير

……
_ يا شجون والله مزعلو كلام ابوي

…… ما حصل منعني اجي بيتنا بالعكس مرات براهو بقول لي بدل تقعدي براك طول اليوم امشي اقعدي مع امك

_ طيب و القفيل دا ؟؟

برضو جديد ولا بي سبب ابوي برضو ؟؟

_ والله يا شجون هو بس من خوفو علي ما اكتر

انتي ما بتعرفيهو بخاف علي شديد

*******
_يوسف جا البيت فعلا و لقي ألباب مكسور و ماف زول

…. ..اتخلع و بقى قلبو يدق

…. .
_ابوهو جاهو قال ليهو شرفت ؟؟ انا مش قلت ليك تاني ما تقفلها و لو اهلها عرفو حتندم ؟؟

_ يوسف بقى يعاين لي ابوهو و عيونو حمر

…. ..ما من حقهم يسوقوها و هي لسة في عصمتي

…. ..والله اجييبها بالقانون فاكرين نفسهم شنو ؟؟

_ يوسف مشي بيتهم و لقي ابوها و اخوها قاعدين

…..
_ سلام عليكم يا جماعة

_ ابوها قال ليهو لا سلام لا كلام تفك البت دي بس

…. .
_ يوسف اتخلع و بقى يتلفت

…. ..عاين لي سامي

……. كلام شنو يا اخونا ؟؟

…..سامي ما تقول حاجة ؟؟

_ سامي عاين ليهو قوي و قال ليهو انت براك سويتها في نفسك

و انا مع كلام أبوي لانو ما ممكن قمة الاهانة ياخ

...لو خائف عليها خليها تجي تقيل معانا هنا و لا تمشي لي ناس امك بي غادي

…. .لكن تقفلها ؟؟ ما عندنا معاك اي كلام تطلقها بس و تسلمنا ورقتها

……
_ يا اخونا اسي هي حامل كيف اطلقها و غير كدا انا والله بس خائف عليها ما اكتر ما تفتكرو انا كدا بهينها و لا كلام زي دا حتي اسالوها

…. .
_ معتصم وقف علي حيلو و قال ليهو انا قلت ليك كلامي و غيرو ما عندي كلام و اتفضل بالله تجي تسلمنا ورقتها بس تاني ما تجي تدق الباب دا فاهم ؟؟

_ يوسف رجع البيت و اول ما وصل ضرب لي شادن و بقى يجوط

…. .أهلك قالو طلقها بعدين لما تستلمي ورقتك ما انا الطلقتك ديل أهلك اجبروني فهمتي يابت الناس ؟؟

و شادن بقت تبكي بي حرقة و ما عارفة تتصرف كيف

…. .قفل الخط و بقى يشلت في الحاجات القدامو من الزهج

…. ..
_ شجون بقت تواسي في اختها و مسخت عليها عرسها زاتو و ما قادرة تعمل اي شيء Crying or Very sad

…. ..

*******
_يوسف بقي كل يوم يتصل بي شادن ……
_انتي عارفة أهلك عايزين يفرقونا من بعض

…. ..و انا بحبك و ما حاخليك بس انتي شوفي اهلك ديل ليه بعملو لينا كدا ؟؟

_و شادن كلامو دا بقتل قلبها و بخليها تبكي بلا عدل

…. .
_بس يوسف حقيقة عايز رجوع شادن اكترمنها هي نفسها و كان مشتاق ليها بس غالبو يعتذر و يعترف بي غلطو لي نسابتو

…. .
_ يوم عرس شجون الصباح بدري جا يوسف و اعتذر لي معتصم و قال ليهو و الله انا شادن دي بشيلها في عيوني انت لو عايز بس ترجع بيتها

…… و دي اخر مرة تاني ما بعمل كدا و لو حصل مني اي غلط تاني بعمل البتقولو عليه

….. .
_معتصم كان رافض
_ بس شجون اتكلمت معاهو و قالت ليهو لالا يا ابوي شادن عايزاهو و عندها منو طفل لسة ما اتولد خلي الفرحة الليلة تكون فرحتين عليك الله يا ابوي ما تكسرها و تخرب بيتها

…. .
_ بيتها اساسا مخروب و الود دا انا اصلا ما اطمنت ليهو من اول ما خطبها

…..فهمتو ليك راجل سطحي و ما عندو عقل

…. ..
_ لالا يا ابوي خلاص البقي بقي و دي قسمتها بس عزانا انهم بحبو بعض بدليل انو ما طلقها ولا حيستغني عنها Crying or Very sad

…. ..
_كلام شجون اثر في معتصم و شادن كمان حست انو زوجها فعلا متمسك بيها

…..و الكلام الكان بزعلها كتير منو كان تهويش ساي

…….رجعت ليها ثقتها في نفسها الكسرها جواها زمان

…. …
_فعلا كان اليوم داك الفرحة فرحتين و شادن كانت لابسة اخر توب

و شبشب

_و شجون قعدوها بالعصر بالبلدي و جا جهاد استلمها و ساقها الخرطوم

…. ..
_و هناك كانو منتظرنهم بالاحتفال الكبير

…. ..
******
_هي دا شنو ؟؟ تاني حالبس ؟؟

_قال ليها خشي خشي غيري ملابسك دي عشان تلبسي الزفاف

…. ..
_شجون اتلفتت لقتو قفل الباب

…. ..هي دا شنو ؟؟ اطلع خليني اغير

….
_جهاد قعد يضحك

…… يابت انا راجلك شنو اطلع دي

……
_ شجون بقت مخلوعة

…. طيب خليهو ما حاغير

…. ..
_ شكلك كدا حتخربي لينا الحفلة و اليوم دا كلو

…. .خلاص طالع بس ادس وين من الناس البرة دي

…. …
_ ههههه ما بعرف مشكلتك

….
_ بعد شجون لبست الزفاف و كانت بتحاول تلف الطرحة و ما عرفت

…. ...بقت قاعدة

…. ..
_ جهاد جا داخل قال ليها خلاص

…. ..انبهر بي شعرها

… ..بقي بعاين ليها

. ……
_هي ؟؟ يا ود اسمع جاي نادي واحدة من برة تلبسني دي

…. ..
_ سبحان الله

…. ...سبحان الذي سواك

…. . جيبيها انا بسويها ليها

…. .مسك الطرحة و بقى يسأل فيها

…. .اها كيف بي جاي ولا بي جاي

…. ...دي بعملوها كيف دي

…. .
_ شجون بقت تضحك قالت ليهو انا زاتي ما عارفاها صراحة

_طيب خلاص بنادي ليك زول من برة

…… .مشي جهاد نادي اختو و جا

……
_ يا جماعة دا شنو ؟؟ اتاخرتو شديد دبست ليها الطرحة

…..
_ لالا يا نسيبة ولا سببيبة ما تطلع من شعرها دا

….
يا ود الطرحة اصلا كدا

…. .
_ لالا تمشي تجيبي طرحة تتصرفي الشعر دا ما يظهر كدا

…
_ شجون بقت ساكتة و تتبسم

…...نسيبة مشت تتصرف و تجيب حاجة يغطو بيها شعر شجون

…. ..
_جهاد بقي قاعد مع شجون منتظرين الطرحة

…… و بدون ما يشعر بقي يملس في شعرها

…. ..شجون حست بي كهربا من المشاعر في راسها

…….و فجاة جهاد فاجئها بي سؤال

_ اوع يكون ما حقك الشعر دا لاني حا حرد العرس دا

_ شجون ضربتو و بقت تضحك لمن بطنها وجعتها …….احرد طيب خلاص النلبس امشي بيتنا

_ جهاد جراها من شعرها و ضماها عليهو….. .و باسها في راسها
_ انت بس قول عايز تتأكد…. .

_اختو جات قالت ليهم :احم احم

_ اها لقيتي الطرحة؟؟

_ايوة دقيقة اظبطها ليها

…. ..فعلا اختو ظبطت ليها الطرحة و قالت ليهم يلا الناس منتظرين اتاخرتو شديد

…..
_ جهاد مسك يد شجون و طلعو على الناس

….. ..باركو ليهم و بدات الحفلة

…. ..كانت لحظات توتر و قلق بالنسبة للاتنين

…….

********
_بعد خلصت الحفلة و طلعو من الصالة جهاد اتخلع لما شاف عربية طويلة جات وقفت قدام الصالة عشان تاخد العروسين

…… بقى يتلفت

…. .اكيد دي ما العربية الحاتاخدهم لانو عندو واحد صاحبو سايق العربية

……. اتلفت لقي صاحبو يضحك و يعاين ليهو

…. ..
_جا وقف جنبو و وشوش ليهو قال ليهو …...قالو دي هدية لكن من منو ؟؟ الله اعلم ؟؟

…..
_ جهاد بقي يضحك قال ما عارف دا منو الممكن يعمل كدا و فتح لي شجون الباب ركبت و ركب بي وراها

…. …
لقو جوة العربية ورد طبيعي و معاهو ظرف…… جهاد فتح الظرف لقي مكتوب برة شجون

…. ..عاين لي شجون مسافة

…. .دا منو العمل ليك الهدية دي ؟؟

جهاد كان خائف من الفي بالو (يكون دا معاذ)

….
_شجون فتحت الظرف و برضو خايفة لانو جهاد ما حيرضي

…. .لقت مكتوب من مروة

( حبيبتي الف الف مبروك ياريت لو كنت جنبك عشان اقيف معاك زي ما وقفتي معاي…. .اهم شيء انك تكوني سعيدة و مبسوطة…. ..ربنا يسعدكم و يهنيكم و دي هدية بسيطة

…….لازم تعملي لي زيارة

ملحوظة :
(المحبة بينا مهما كان و مهما حصل I love you

) الامضاء :مروة

_جهاد لما شاف الامضااء ارتاح نفسيا و ابتسم و قال ليها شكلها بتعزك البت دي

…. ..
_شجون ضحكت و قالت ليهو حبيبة قلبي دي ياخ

_نفسي افهم انتي رفضتي اخوها ليه بتعمل كدا ؟؟ البينكم شنو يعني؟؟

_ قصة طويلة بحكيها ليك بعدين

_ تحت الرسالة لقت تذاكر لي فرنسا I love you

#ملحوظة :

**********
الحياة بين النسيان و الذكريات…. ...مجبورين احيانا ننسي و تحيانا مجبورين نتذكر…. ...مرات الذكريات بتكون مكان راحة الزول بهرب من الم الحياة فيها…. ..و في ناس بتتمني تنسي و تحمد ربنا علي نسيان الماضي…. ..
_ الحياة بين الجارح و المجروح…. ...انت يا جارح يا مجروح…. ..مافي حاجة في النص…. ..في كتار الاتمنوك و انت متمني ناس تانية…. ..و كتير البحبوك و انت بالك في مكان تاني…. .
_ اذا ربنا حرمك من حاجة اكيد لي خير و انت ما حتحس بالخير دا الا تحصل عليهو و تقول يا سلاااام بركة الحصل لي زمان كدا عشان الاقي فلان او الاقي علان…. .لو ما حصل الشي الفلاني ما كان لاقيت الناس البتحبهم…. كان حتكون في مكان تاني….
_ خلق الانسان عجولا…. ..اي زول في الدنيا دي مستعجل علي رزقو و عايز اي شيء يحصل سريع….. .و في ناس بتقول وين الخير في القصة الحصلت معاي دي ؟؟ وين الخير ؟ لو صبرت حتعرف الخير …...بس الصبر…. ...يوم ليك و يوم عليك….. .في اليوم الليك ما تنسي ربنا عشان ما ينساك في اليوم العليك و يبقي يوم اسود ما تطلع ليهو شمس…. ..
_في ناس ما بتتذكر ربنا الا تقع في كرب عظيم…. ..بس مجرد ما يجيها الفرج تنسي تحمد ربنا…. .
_ الدنيا دي امتحان كبير مليان اختبارات صغيرة صغيرة …….اذا وقعت في الضيق قول يارب و اذا طلعت بر الامان قول الحمدلله…. …
_ في ناس بتدي نفسها صلاحيات اكبر من حقتها…. ...زي زوج الاخت مثلا ما عندو الصلاحيات العاملنها ليهو الناس…. ..اي نسيب بس ما بقدر يتحكم في البيت كلو…. ..مرتو و بس….. .كونو يوافق علي زواج اخواتها او لا دا شي اصلا ما من صلاحياتو و لا عندو الصلاحية يحكم اي حكم في بيت نسابتو…. .لكن في ناس فاكرين نفسهم حيورثو …..كمان برضو ما ننسي نسوان الاخوان…. عايزين يدخلو في كل صغيرة و كبيرة و لو ما دخلوهم حيزعلو….. .اي زول يعرف قدر نفسو و يدخل نفسو في حتات ضيقة…. ..
في امان الله

#رانية_محمد_احمد 22.سبتمبر 2018
الي اللقاء

تم الإرسال من خلال التطبيق Topic'it

ﻣﻮﺍﺿﻴﻊ ﺫﺍﺕ ﺻﻠﺔ