رد: شجون_الحب1 رانية محمد أحمد

اسفة على التاخير

#شجون_الحب6
بقلمي:رانية محمد أحمد

بتاعين الاستقبال الاتنين عاينو لي بعض

……
اتعينتي ؟؟

……
_سكتت و حست بالغباء

…….
_اسمك منو طيب

……
_ قالت ليهم اسمي شجون معتصم ابراهيم……
_التاني قال ليها اوووو شجون انتي عندك مواعيد مع المدير الساعة تمنية و اسي الساعة ماشة علي عشرة اتاخرتي شديد

…. ..
،_معليش و الله ما لقيت مواصلات و قبل تكمل كلامها جا طالع واحد من جوة و قال ليهم اها الفطور جاهز دخلوهو

….. .
_قالو ليهو…. يا دوك الاستاذة دي شجون المفروض تقابلها الساعة 8

……
_عاين ليها من فوق لي تحت و قال ليهم….. .انت قلت الساعة 8اسي الساعة كم ؟؟

…...وقف عاين ليها و مشي

……
_شجون حست بي ضيق و احراج و حاجات كتيرة و بقت متغايظة و طلعت سريع ركبت رجعت الداخلية النازلة فيها….. .اتصلت علي ابوها و قالت ليهو اساسا ديل ما عايزين يشغلوني ولا حاجة و حكت ليهو الحصل

…. ..
_ابوها قال ليها انتي الغلطانة انتي فاكرة الناس ما فاضية لي زول غيرك ؟؟

الناس دي عندها شغل و مشاغل و انتي جاية علي كيفك و عايزة المدير يقابلك ؟؟

ما حاسة انك بتبالغي ؟؟

……
_.خلاص يا ابوي انا خليتو ما عايزة اشتغل بي الذلة و الاهانة

……
_يابت هوي ما عايز كلام فارغ اطلعي بدري و امشي شوفي الحاصل شنو فاهمة ؟؟

…….
_حاضر حاضر يا ابوي

…. ..
********
_شجون اليوم البعدو من النجمة صحت و جرت ركبت سريع ووصلت الساعة سبعة و نص لقت حتي المدير ما وصل و قعدت في الاستقبال

… …
_بعد مسافة زي تمنية الا عشرة المدير جا داخل و عاين ليها و ابتسم قال ليها

…..شجون مش كدا ؟؟

……
_قالت ليهو ايوة…. ..تعالي وراي

…. ..مشت وراهو لحدي ماوصلو المكتب فتحو و شغل المكيف و هي واقفة تعاين

….. .اتفضلي اقعدي

…… جات قعدت…. .قال ليها تشربي شنو

….. .
_قالت ليهو لالا ولا حاجة شكرا بي ضيق كدا

…. ..
_لالا اكيد شاي الصباح ما شربتيهو

…. طلب ليها شاي بي لبن و اداها ورق تمضي فيهو…… قال ليها طبعا نحن ما بنعين زول من غير معاينات و منافسة شريفة و امور الواسطات و المحسوبية دي ما عندنا

….
_شجون هنا صلحت شنطتها عشان تقوم تمشي

…. …
_قال ليها اقري العقود القدامك دي كويس و بعدين لو لقيتي نفسك بتقدري تواصلي معانا خلاص لو لا برضو ماف مشكلة

…. .بس اهم حاجة عندنا هنا الوقت…… لازم تدي الوقت الأهمية و المواعيد كمان مهمة

…. ..
_شجون قلبت الورق و لقت انهم عقود عمل…. ..يعني الشركة في الحقيقة حتتعاقد معاها بي شروط محددة و شجون انبسطت جدا و خاصة لما لقت المرتب مغري

……
_ قال ليها انتي عارفة حتكوني مسؤولة من شنو ؟؟

……
_قالت ليهو ايوة فاهمة

……
_ اي قرش يطلع او يدخل الشركة انتي مسؤولةانك تسجليه بي دقة تامة و غير كدا عايز تقرير اسبوعي بالشغل في البداية حتنضغطي بس حتتعودي علي جو الشغل

….. _قالت ليهو حاضر ان شاء الله

…….
*******
طلعت برة و لقت المكتب بتاعها مليان دفاتر….. .بدات تقلب في الدفاتر….. كانت كلها حسابات قديمة و كل دفتر بمثل شهر…. ..فهمت كيف تكتب الاعمدة و ترصها….. ._جا واحد سلم عليها و قال ليها انا الحاكون مساعدك و افهمك الشغل

…… جر الكرسي الجنبها و قال ليها انا جهاد و انتي شجون مش كدا ؟؟

…..
_ايوة…..
_فتح الكمبيوتر الفي الكتب و بدا ينقل في اخر الطلبيات و الحسابات و الفروقات و الارباح و دوامة من الحاجات و قال ليها لازم الليلة التقرير يمشي للمدير

….. .
_اليوم داك شجون ما فطرت بقت بتنزل في الداتا في الكمبيوتر…… بس واجهتها مشكلة كبيرة……. الايرادات فيها نقص كبير….. .قدر ما راجعت ورقها مع الداتا الدخلتها ابت تظبط معاها…… فتشت لي مساعدها لقتو طلع…. .سالت منو في الاستقبال…..
_ قالو ليها الدوام خلص و هو طلع…….
و لا شالت تلفونو ولا اي شيء و ما عارفة تتصرف كيف….. .بقت متوترة و هي بتراجع

….. في الاخر وصلت لي قرار….. .بس تهدأ و تحسب بالالة الحاسبة

….. ..بدات تحسب واحدة واحدة اخدت منها ساعة عشان تكتشف انها فوتت رقمين ما كتبتهم نسبه لانهم بتشابهو مع القبلهم

….. .كانت مبسوطة انها لقت الحل كانها وجدت الكنز و شالت التقرير و مشت مكتب المدير الكان بابو موارب تقريبا

….. .
_قبل تدق الباب سمعت صوت صدمها

. …..
_.انت ليه بقيت كدا يا معاذ حرام عليك والله البتعملو فيني دا

……
_ اسمعي هنا يا يسرى انا ما وعدتك بي حاجة

……
_.بس انا بحبك و انا متاكدة انك انت كمان بتحبني

…….
_ يسرى اطلعي عشان ابوي لو عرف انك بتجي هنا حيفصلني بي بساطة

……الفضول دفع شجون انها تعاين للحاصل جوة شنو بالضبط

……
_بي راحة مدت راسها و شافت يسري و هي ماسكة ازرار قميص معاذ

……
_ليه ما نرجع لي ايام زمان يا معاذ ياخ

…….
_ دي ايام مشت و انتهت و رجاء اطلعي و اقفلي الباب وراك

…...هنا شجون اتخلعت و خافت و دقت الباب سريع

……
_معاذ لز يسري و مشي علي المكتب و قعد في الكرسي و قال اتفضل

……
_دخلت شجون و مدت التقرير لي معاذ و عايزة تطلع بس قال ليها. …...اتاخرتي في تسليمو بس كويس انك خلصتيه اليوم

….. .
_.قالت ليهو شكرا و عن اذنك و طلعت

….. .
_.دي شنو دي ؟؟ موظفة جديدة ولا شنو ؟؟ confused

غريبة يا معاذ ما قاعد تشغل معاك الاشكال دي ؟؟

….
_شجون لما وصل لي مسامعها كلام يسري كانت الدمعة حتنزل من عينها Crying or Very sad

….. ..مشت شالت شنطتها و طلعت سريع…… طول الموصلات كانت بتفكر

…….هي شنو الفيها غلط عشان يسري تقول كدا ؟؟

…...بقت تتذكر في يسري….. لبسها طريقة كلامها لونها الاساور الفي يدها المكياج

…… عاملة بالضبط زي نجمات السنما

…...بدات تفكر في طبيعة العلاقة بين المدير و البت دي

…… كانت متمادية معاهو لي ابعد الحدود

…… بقت تقول انا مالي مالهم اساسا انا من التفكير في يوسف و شادن أجي ازحم رأسي بي ديل ؟؟

…….
********
لما وصلت الداخلية سلمت علي البنات و دخلت غرفتها…… رقدت شوية شادن اتصلت بيها Crying or Very sad

… ..لي لحظة اترددت ترد عليها بس في الاخر قررت ترد

. …..
_ازيك يابت كيفك اخبارك شنو

……
_الحمدلله بخير والله كيفك انتي و ناس البيت

….. ..
_الحمدلله نحن بخير اها كيف الشغل الجديد معاك ؟؟

……
_الحمدلله والله كويس……
_انتي كيفك يا شادن و الجامعة كيف

……
_دا الانا اتصلت ليك عشانو

… ..

تم الإرسال من خلال التطبيق Topic'it

#شجون_الحب7
بقلمي :رانية محمد أحمد

ابوي متضايق لاني ما نزلت لسة

……
_طيب السبب شنو مش راجلك مسافر طوالي انزلي لانكم وعدتو ابوي انك تواصلي و لا غيرتي رايك

……
_انا حامل يا شجون و صراحة ما بقدر علي جري الجامعة دا

…….
_شجون انقطعت من العالم لي ثواني

… ...ما قادرة تستوعب ولا تصدق

… ..معقول شادن اختها حامل من حبيب عمرها ؟؟ Crying or Very sad

معقول مافي امل يرجعو ليها تاني ؟؟

معقول خلاص انقطع الامل.

….
_.شجووون انتي معاي ؟؟ الوووو؟؟ confused

…….
_ايوة ايوة معاك يا شادن…...الف مبروك ربنا يتم علي خير و تقومي لينا بالسلامة

… …
_ الله يسلمك حبيبتي و عقبال ما نفرح بيك يارب….. ..طيب اعمل شنو في الحالة دي انا ؟؟

……
_والله يا شادن ما عارفة اقنعي بابا او. حاولي انزلي …….بس

…. ..
شجون بدون ما تحس نزلت التلفون و قفلت الخط و قفلت التلفون

… …
_ياربي انا عيبي شنو ؟؟ مشكلتي شنو ؟؟ نفسي افهم الشد يوسف لي شادن شنو ؟؟

…..حست كلمة "يوسف " بتوجعها في قلبها

…...اكيد يا بتي طبيعي ينجزب لي شادن

… ...انتي شنو قدامها بالله ؟؟

كدي عايني لي نفسك في المراية

… ….شجون كرهت نفسها و حاسة بي عدم ثقة و ضيق و ضنك و حست انها أتعس انسان علي وجه الارض

…...اشمعنا شادن مبسوطة في حياتها و سعيدة و انا لا ؟؟

ليه دائما بتلقى الفي مرادها و انا لا ؟؟

…...حتي اول ما حبت حبيبها طلع من نصيبها

… ...حست بي حسد ناحية شادن بدات تبكي بي قهر

… ..اكيد انا عندي مشكلة او فيني حاجة

… ...ليه ربنا ما بستجيب لي ؟؟

انا دعيت كتير انو يوسف يكون من نصيبي

… ...حست بانو ما كان لازم تقنع ابوها ابدا كان ممكن تكون عندها فرصة مع يوسف ولو ضعيفة المهم في امل Crying or Very sad

… ...انتي الوداك تتشالقي و تعملي فيها مثالية شنو ؟؟

…...نامت و دمعتها في عينها Crying or Very sad

… ...صحت الصباح و طلعت علي المكتب

… ….وصلت لقت جهاد قاعد في المكتب

… …
_سلمت عليهو و قعدت

……
_جهاد حس بالبؤس في وش شجون

…
_ قال ليها .أنتي امس خلصتي الشغل براك ليه ؟؟

…..كنتي تنتظريني انا كنا نخلصو اليوم

… …
_ما مشكلة انا كنت عايزة اثبت نفسي

… …..جهاد انقع بالضحك

…..شجون احتارت و ضحكت معاهو…..

…….جهاد بقى مبحلق فيها مسافة….. شجون اتضايقت و دنقرت راسها

……
_جهاد انتبه لي نفسو و قال ليها احم .بس يا شجون دا مافي صالحك

… ..تشتغلي لي زمن اكتر من الدوام المحدد

….و بعدين دي شركة خاصة يعني ما بدوك اي قرش زيادة حتي لو متي في الشغل موت عشان كدا انا ما برهق نفسي بطلع في زمن الدوام المحدد و الشغل ملحوق

… …
_ههههه مالك محموق كدا انت ؟؟

و بعدين المدير قال نسلمو الشغل في اليوم دا

… …
_يا بت المدير دا بتكلم ساكت و هو ما عارف الحاصل في الواقع و بعدين انا قبل كدا غبت يوم و بي عذر خصم مني يوم

…..لو جيتي تسعة و نص بخصمو منك اليوم دا بتحينو الفرص و جنهم قروش و بحاولو يستنذفو الموظفين عشان يستفيدو

… …..
_قعدو يتونسو جهاد و شجون و بدات تتكون بينهم علاقة صداقة اكتر من زمالة

… ….
*******
اخر اليوم جهاد طلع برضو خلي شجون في الكتب و هي بقت مصرة تخلص حد معين و تطلع… ...بعد خلاص جاية طالعة صادفت معاذ في الرسبشن… ..
_اووووو شجون الموظفة المجتهدة

_شجون ردت و عليكم السلام

_ انتي ماشة علي ياتو اتجاه عشان اخدت في طريقي

… .._ لالا ماف داعي انا بصل بإذن الله

_ يابت ما بتلقي مواصلات بسهولة في الوقت دا خليني اوصلك

…. .عموما نحن اهل قبل نكون شركاء عمل

… …
_ شجون كانت عايزة تعترض بس معاذ مرق قدامها و قال ليها تعالي وراي و اشر بي مفتاح العربية و فتحها

… ..
_ شجون بي خجل ركبت و قالت ليه ما عايزة اعطلك

_ لالا ياخ نحن المعطلنك لانك زولة مجتهدة ماشاء الله عليك

…. .اها الخرطوم مش كدا ؟؟

_ ايوة صاح داخلية (..) ..

_ ايوااا تمام يا ستي…. .
طول الطريق معاذ بحاول يدردش معاها و هي بترد بالقطارة

….
_ معاذ احتار فيها شديد

… ...مالها ياربي ؟؟ البت دي غريبة ما زي ناس يسري و البنات البعرفهم

……
_عاين ليها و قال ليها ما عرفناك اكتر

…..
_ ردت بي بساطة و قالت ليهو انت مش بتعرف بابا؟؟ معناها بتعرفني

_ معاذ اندهش من الرد الاتملصت بيهو بي ذكاء

… ..لالا انتي شخصيتك اكيد مختلفة عن والدك

… .اي زول ليهو شخصية خاصة بيهو زي البصمة ولا شنو ؟؟

_ ايوة اي زول عندو شخصية لكن بتكون ممتدة من والديهو

… ..يعني انت مثلا انا لما اشوفك ممكن اقول ابوك و امك كيف عاملين

… ..و اهلك و اخواتك ممكن استشف افكارهم منك

…..
_ معاذ قال ليها لالا ابدا والله دا كلام ما منطقي لانو في ناس كويسين اولادهم بطلعو كعبين او اهل كعبين و اولادهم يكونو كويسين

… …
_ لالا انا ما بقصد كدا

…...انت عندك طموحات و افكار محددة بتحددها تربيتك… ..انت لو ابوك طموح و متطلع و بفكر في المستقبل انت حتكون عكسو

… ..ما عندك طموح و لا مستقبل لانك لقيت حقك جاهز بعني صحيت من نومك لقيت كومك

…… ما حتكون بي نفس حماس الوالد بالعكس يمكن تفكر كيف تستمتع بالعندك دا و بس

…. .
_ معاذ اندهش من افكارها و طريقة كلامها

…..حس انها اكبر من عمرها

… …
_ و بعدين ممكن تلقي زول مسكين و جيعان و ما عندو شي و ابوهو الليل كلو سكران بس يجي الاول و يدخل افضل الكليات

… ..ليه ؟؟ عشان هو من صغير اتكون جواهو هدف انو يغير الهو فيهو دا و يحاول يرتقي بي نفسو و اسرتو و الهدف دا بتسجل في عقلو الباطن ممكن يكون هو ما شاعر بيهو بس هو ماشي على تنفيذو

… ..
_ والله افكارك صاح بس جبتي الكلام دا من وين قريتي علم نفس ولا حاجة ؟؟

_ ابدا انا درست محاسبة بس بقرا كتب و بتطلع

…. ..
_ معاذ حس انو اقل منها و بدا يفكر هو متين فتح كتاب و قراهو بعد خلص الجامعة

… ..
_ بعد شوية معاذ وقف…. ..شجون اتخلعت

…. .
نزل سريع و جرى قدامو و وقف ليهو بنت و جراها من يدها

…. .
_ شجون بقت مفتحة عيونها كبار قلبها قال ليها نطي بالشباك

…. ..في شنو يا استاذ ؟؟

_ فتح ألباب الورا و لز البت دخلها جوة و البت بقت تنبذ فيهو

… ..
_ ما هدا انت سايق ليك واحدة ما معروف موديها وين ؟؟ شكلكم ماشين…. .(......)

…...شجون اتصدمت و صلحت شنطتها و قالت ليهو معليش يا استاذ انا حانزل اواصل بي ركشة ولا اي شيء

… …
_ معاذ زهجان و دمو فائر قال ليها اوع تنزلي دقيقة

…. .اتلفت علي البت المرمية ورا و اداها كف لمن صرخت

… ..انتي ما اتربيتي لكن انا بربيك اصبري لي

… ..

تم الإرسال من خلال التطبيق Topic'it

#شجون_الحب8
بقلمي : رانية محمد احمد

_ انت واحد تافه و بس كدي اهبشني عشان افتح فيك بلاغ

…. .
_شجون بقت كلها بترجف

…..
_ معليش يا شجون دي اختي الصغيرة

… ..
_ طيب ما ممكن تضربها كدا عملت شنو هي ؟؟

_ بضربها ياخ و لسة هي شافت حاجة بس نصل البيت بكسر راسها دا

… ..
_ لالا يا معاذ الضرب ما بحل حاجة كدي انت حصل اتفاهمت معاها ؟؟

حصل سالتها من حالها من احوالها ؟؟

حصل قعدت معاها قعدة اخوية كدا و شفت هي هدفها شنو في الحياة

…. ..
_ الموضوع ما بستحمل فلسفتك دي يا شجون بالله

…..و بعدين انا فاضي ليها ياخ ؟؟عندي مليون حاجة في رأسي دا شاغلاني

_ مروة اتاثرت بي كلام شجون و اتفقعت بالبكاء

……
_ كيف ما فاضي ؟؟ يعني الواحد يقول انا ما فاضي اربي و عايز اولادو يطلعو متربين ؟؟

انت متخلف ؟؟

طلعت الكلمة من شجون بي انفعال و ضيق

…..
_ معاذ عاين ليها شوية و هو عيونو محمرات زي الشرار شجون حست لي لحظة انو حيديها كف زي اختو

… ..
_ اسمح لي اقول ليك انك غلط و البت دي هي الصاح اوعك تمد يدك عليها

… ..
_ شجوووووون

… ...معاذ قالها بي صوت جهور و لف الدركسون بي قوة

… ..الحالة قلت انك بت عاقلة وواعية و مثقفة ؟؟ تقولي هي ما غلط ؟؟

الجابها هنا شنو اولا جامعتها في امدرمان و ساكنين بحري و ما قالت أنها جاية الخرطوم لي اي سبب من الاسباب و انتي عارفة لقيتها مع شماسة ساي لافة معاهم ما بعرف عملت شنو اكتر ؟؟

_ شجون اتغاظت و قالت ليهو

…. .كلووو منك انت دا …. انت الوصلها لي كدا

…...ابوك خلي ليك اخوانك امانة انت ما راعيت الامانة بي اخلاص

…. .
_ معاذ بقى ساكت و ما عايز يرد

…. ..
شجون وصلت الداخلية و عاينت لي مروة بي عطف و خايفة عليها كانو حيدوقها هي معاها Crying or Very sad

…. ..قالت ليهو. ممكن تخليها معاي ؟؟

_ معاذ اتخلع قال ليها منو دي ؟؟ مروة ؟؟ ابدا والله ما ممكن

_ بس شجون فتحت الباب و قالت لي مروة تعالي

… ...و عاينت لي معاذ بالشباك و قالت ليهو يلا درب السلامة و حتشكرني

… …
_ معاذ هدا شوية و بدا يفكر انو فعلا شجون عندها افكار يمكن تقدر تاثر علي اختو و لو شوية

…..
_ شجون مسكت مروة من يدها و دخلتها معاها الداخلية و دخلتها غرفتها

… …
_قالت ليها خشي استحمي و غيري ملابسك دي

… .

_مروة قشقشت دموعها و فعلا دخلت استحمت و شجون ادتها قميص تلبسو…. .
_شجون قالت ليها اقعدي اسرح ليك شعرك

… …
_قالت ليها لالا دا استايل عملتو قريب

… …
_قالت ليهو اوكي ما مشكلة

… ..
_مروة قالت ليها انا أسفة علي الكلام القلتو فيك قبيل

… …
_لالا يابتي ولا يهمك كلنا بنغلط في الحكم علي الناس من اول لحظة

….. انا كمان لما معاذ ركبك العربية افتكرتك واحدة ما كويسة و معاذ جابرك علي شي

… …
_مروة ابتسمت شوية

… …
_ شجون قالت ليها اها احكي لي مالك انتي ليه بتعملي كدا ؟؟ الحصل شنو خلاك تتصرفي تصرفات طايشة زي دي ؟؟ انتي ما صغيرة يا مروة ماشاء الله عليك

…. ..
_البت سرحت شوية و ما ردت

…..
_ خلاص يا ستي. ما تحكي احكي ليك انا

… ...بدات شجون تحكي ليها عن قصتها و حبها لي يوسف و الحصل كلو

… ..مروة كانت بتسمع فيها بي حماس مبالغ فيهو

… ...بعد شجون خلصت …..
_ وااااو ،،، قصتك دي ولا في الافلام

… ...طيب كيف قادرة تتعايشي مع الموضوع دا ؟؟

و لسة بتحبيه ؟؟

ولا خلاص ؟؟

……
_ بحاول ربك يهون

…..
_ مروة سكتت و عاينت ليها و قالت ليها انتي عارفة انا فاقدة شنو ؟؟ فاقدة ابوي

… . اصلا ماف زول زي ابوي الله يرحمو

… ..مافي احن منو و انا ما عارفة اغطي فرقتو في حياتي كيف

….. معاذ اخوي همو نفسو و اي زول في البيت همو نفسو و بس و كل واحد عندو غرفة قافلها عليهو و خلاص Crying or Very sad

… ...ابوي كان لو قلت اه يا راسي بجيب لي الحبوب لحدي عندي و معاها كباية موية

… ...انا فاقدة الاهتمام دا فاقدة النقطة دي و اتاكدت انو ماف زول حيسدها و دا الواجعني جوووة قلبي

…. ...بدات مروة تبكي و شجون بكت معاها Crying or Very sad

… …
_امك وين يا مروة ؟؟

_امي موجودة بس ما زي ابوي ما بعرف

…. .
_ انتي طالما اتاكدي انو الفقد دا ماف زول بسدو ليه مواصلة في البتعملي فيهو Crying or Very sad

……
_ في شخص ممكن يكون قريب لي بابا و ممكن ألقى منو نفس الاهتمام دآ بس معاذ رفضو بدون ما يفكر حتي

… ..
_ اللهو منو ؟؟ confused

احكي لي عنو يمكن اقدر اغير تفكير اخوك

_ ما حتقدري لانو الولد دا ما سوداني

هو من جنوب السودان بس زول راقي جدا و فاهم و عاقل و ما حصل سمعت منو كلمة غلط

… ..
_ شجون بقت مبحلقة في مروة مسافة

… ...مسلم يعني ؟؟

_ ايوة مسلم و اي شيء كان بدرسني انجليزي في المدرسة و انا كنت مبهورة بيهو

و حبيتو صراحة

من كل قلبي I love you

و هو كمان بادلني نفس الشعور

و كان محاوطني بي اهتمام مبالغ فيه و خايفني اضيع من يدو في اي لحظة

…. .بس ما فقدنا الامل تماما

… ..
_ طيب يا ستي انا حاقنع ليك معاذ بس عندي هديتي

_ مروة عاينت ليها بي امل كبير و الله لو عملتي كدا عيوني ليك و انا حالتزم بي اي كلمة تقوليها لي

_ طيب عندنا خطة واحد ‘‘‘ و خطة بديلة

…. .
_ اها كيف

_ اولا حنجي لي معاذ بالحسني و لو ما جا معانا بالحسنى…. .نجيهو بالضغط و نستعمل القوة

_ خلاصا ها حنعمل شنو قولي

… …
********
الصباح شجون مشت المكتب عادي و اول ما وصلت المكتب جهاد كان في انتظارها

… ...بس ما مشت عليهو طوالي اول دخلت مكتب معاذ و قعدت قبلها… ...جهاد حس بي ضيييق شديد

… ..و لا حتى جات سلمت ولا صبحت عليهو Crying or Very sad

… ..و شنو الشي البينها و بين المدير معاذ ؟؟

#في مكتب معاذ
_ لالا انا الزول دا ما بنفع معاي

و دا ما راي انا و بس راي الاسرة كلها

و بعدين نحن ناس متعصبين من ناحية القبايل دي

… ..
_ لكن يا معاذ انت عارف انو حرام ؟؟

لا فرق بين عربي
_ معاذ قاطعها و كمل ليها ….ولا اعجمي الا بالتقوى,,

عازف الكلام دا كلو و اذا جاءكم من ترضون دينه و خلقه فزوجوه

….
_ طيب و المشكلة وين مثلا ؟؟ confused

_ المشكلة في المجتمع الاحنا عايشين فيهو ما بقبل القصة دي

و حيلسنو علينا و حيقولو حملها

عشان كدا زوجوها ليه

… او يقولو اتزوجتو زواج مصلحة

او يقولو اشتراها بالقروش

ما حيتفهمو نقطة انهم اختارو بعض و كدا

……
_ دا كلو ما مهم اهم شيء سعادة اختك و دا اختيارها

… ..
_ اذا اختيارها غلط نحن نقبل ؟؟

لا طبعا الموضوع دا منتهي يا شجون ما تفتحيهو لي تاني لووو سمحتي

_ طيب كدا انت حتضيع مروة اختك و حتدمر مستقبلها لانو البتعمل فيهو دا كلو بي سبب القصة دي

…..
_ معاذ وقف علي حيلو و هو متضايق و قال ليها…. .خلي مستقبلها يدمر

و تضيع زاتو ما مهم

المهم الناس و المجتمع ما يفتح خشمو و يلسن علينا

… ..و لو سمحتي دي مواعيد عمل شكرا جزيلا

… ..

تم الإرسال من خلال التطبيق Topic'it

#شجون_الحب9
بقلمي : رانية محمد أحمد

_ شجون وقف علي حيلها و طلعت من المكتب و العبرة خانقاها

و متضايقة جدا من طريقة كلام معاذ معاها و حست انها اتدخلت في موضوع ما بخصها Crying or Very sad

… ..
_ الليلة وين من قبيل يا شجون ؟؟

الحاصل شنو

_ والله تمام الحمدلله قاعدة

… ...و دموعها جرت بدون ما تحس

…. .
_ جهاد اتخلع و بحلق عيونو كبار و همس ليها

…. ..بالمناسبة انا الليلة من الصباح منتظر اشوف ضحكتك

الامس لانها ما فارقت بالي

… ..
_ شجون اتخلعت و بقت تعاين ليهو باستغراب و عملت نفسها ما فاهمة

و ما ردت عشان ما عايزة تفهم

_ معقول تكافئيني بي دموعك دي ؟؟؟

حرام عليك والله

….انا اصلا كج و نحس و اي حاجة افكر فيها بتطير

… ..… ..
_ شجون ابتسمت شوية و قالت ليهو ممكن نطلع من هنا انا مخنوقة و ما بعرف زول هنا غيرك

…. ..
_ جهاد انبسط جدا و فعلا طلعها اكلو في مطعم بعيد كدا و اثناء ما هم قاعدين جا معاذ ماري و لمحهم

… ...وقف عاين ليهم مسافة و مشى

… …

*******
_اها يا شجون الحصل شنو ؟؟ اتكلمتي معاهو ؟؟

_ ايوة اتكلمت معاهو بس

…. .
_ مروة عيونها اتملت دموع Crying or Very sad

…. ..انا كنت عارفة انو ما حيوافق بالحسنى و لا بالضغط ولا حيوافق اصلا انسي الموضوع

… ..
_ يابتي نحن لسة في البداية لازم نمشي للخطة البديلة و إن شاء الله يحصل الفي بالك

… ..
_يا زولة انا قنعانة بس نجرب مالو ؟؟

…..
_ خلاص يلا وين عامر ؟؟

_ اي منتظرنا تحت ارح نمشي

_ يلا
……
نزلت شجون مع مروة و لاقت عامر…. ..شجون بقت فاحتة خشمها كبير

….. .كان شاب مدهش فعلا و عندها حق مروة تحبو

… ...طول في عرض و اناقة و كان لابس قميص ابيض ناصع بنطلون جينز و شكلو رغم لونو بس وجيه و بسمتو بيضاء ناصعة و الساعة في يدو و الخاتم الفضة

… ...مروة مشت سلم عليها و شجون مندهشة

…. ..
_ مروة جات لي شجون اها رايك شنو ؟؟

_ واااو ماشاء الله ياخ الولد دا لميتي فيهو وين ؟؟

_ ههههههه انا هينة ؟؟

_ ياخ ربنا يسعدكم و الله حاليا متمنية يكون من نصيبك بالجد

… ..
_ ركبو العربية بتاعت عامر كانت صغيرة كدا لكن انيقة زي سيدها

… .
_ طلعو مشو استديو و اتصورو الاتنين بي ملابس عرسان و رجعو

…. ..
_ مروة قالت لي شجون انا بمشي البيت بعد كدا

…. .
_ ابدا والله ما بتمشي لانو اخوك حيكتلك انا الليلة نهرني و فار فيني فورة

…. .
_ قالت ليها و الله يا شجون اعفي لي تاعباك معاي شديد لكن انتي الرجعتي لي الامل

و رجعتي لي حب حياتي تاني

و عندي كمية من الطاقة الإيجابية

و ما حنياس لا انا ولا عامر

…. ..ان شاء الله ربنا يسهل عليكم…..
_اللهم امين يارب… .

******
شجون الصباح صحت لقت مروة مافي صحت بي تكاسل و تلفونها كان بتصل

…..
_ ردت بي نعاس…. .الووووو

_ايوة يا شجون معاك معاذ

…..
_ شجون اتخلعت و نطت و اتعدلت

… ...عايز تسال من مروة صاح ؟؟

في الحفظ و الصون ما تخاف عليها

_ هههههه لالا ابدا ما كدا

…. ..بس…. اااااا… ..وين انتي ؟؟

_ انا في الداخلية في حاجة ؟؟ الوقت لسة بدري

… .
_ اي عارف بس ممكن تمري علي في المكتب ؟؟

_ ان شاء الله ضروري بإذن الله تعالى

…..

*******
شجون لما وصلت الشركة لاقت جهاد في البوابة و مشت معاهو المكتب و قعدو شوية

… ...معاذ جا ماري لقاهم قاعدين

… ..اتغاااظ ……
_صباح الخير شباب كيفكم ؟؟

_ الحمدلله… ..شجون قالت ليهو كيفك يا أستاذ معاذ

… .
_ الحمدلله…. علي اساس اني قلت ليك عايزك ضروري في المكتب

…..
_ شجون اتخلعت من نظرتو و صرة وشو

….
_ حاضر يا استاذ جاية حالا

…. .
_ جهاد عاين لي معاذ في عينو و معاذ عاين لي جهاد بي نفس الطريقة

…. ..

*******
شجون وصلت مع معاذ المكتب و بدأ يسال فيها من حالها و طلب ليها قهوة

…. .
_ معاذ اتكلم معاها كلام عادي جدا و مافيهو اي جديد و هي محتارة هو كان عايزها في شنو و ما قادرة تسال

… ..
_طبعا انا بحب الناس المثقفين و بحب اتونس معاهم و نتكلم في مواضيع هادفة و عجبتني افكارك ممكن يعني استفيد منك

…. .
_ شجون ابتسمت بي خجل و قالت ليهو

…. .انا ما لي الدرجة دي لكن

… .
_ يا ستي ما لي الدرجة دي بس انا افكارك البنااءة دي عاجباني يعني لو سمحت ظروفك

….
_ لالا ماف مشكلة

… .
_ عرض عليها كم منتج و قال ليها عايز طريقة لي تسويق المنتجات دي حاجة و فكرة تكون مبتكرة

…. .
_ شجون فعلا بدات تفكر معاهو و وصلت لي انو المنتجات دي الناس ما بتحتاج ليها كتير

…. ..
_ لكن يا شجون المنتجات دي نااادرة عديل عشان كدا انا انجذبت ليها

_ ابدا يا أستاذ انت الخسران رغم ندرتها بس الناس هنا في السودان ما بتحتاج ليها كتير لانو عندها بدائل بلدية و الزول اكيد ما بخسر قروش كتيرة في حاجة مفعولها نفس المنتج البلدي

… ...انت القرار المفروض تاخدو يا اما يرفعك السما او ينزلك الارض…. لانو المنتجات مكدسة

… ..انت لو صدرتها حتكسب جدا و لو حاولت توقفها حتخسر كتير

….
_ بس المنتج السوداني ما مشكرنو عشان كدا حيكون ضياع للزمن

… .
_ منو القال ليك ؟؟ نحن في مجال التجميل معروفين عالميا انو منتجاتنا كويسة و لو صدرت لي السعودية بس كتجربة و شوف البحصل

… ..
_ طيب الا ارسل عينات مبدئيا و اشوف الاقبال

…. .

*******
جهاد كان في انتظار شجون و كان جواهو خوف و توتر و ضيق ما عارف مصدرو شنو

… ...ليه معاذ دا بقي يطلبها كتير كدا ؟؟

بينهم في شنو ؟؟

معقول يكون ؟؟

_ معاذ بعد شجون طالعة منو قال ليها… ..انتي يا شجون مخطوبة ؟؟

…..
_ شجون اتخلعت و احتارت في السؤال

…. .و ردت بي تردد… ..لا ابدا

… ..
_ غريبة انتي زولة ذكية ماشاء الله و مكسب لي اي زول يرتبط بيك

….
_ شجون هنا خجلت و قالت ليهو شكرا.و فتحت الباب عشان تطلع

… ..
_ بس معاذ وقفها بي سؤال طاير… ..ولا في شخص في بالك ؟؟

ولا بتفكري في شخص معين

…. .
_ هنا شجون ما ردت و قالت ليه عن اذنك يا أستاذ معاذ

… …
_ معاذ اتضايق من عدم اجابتها

……

******
جهاد بي غادي كان خلاص طالع بس رفض انو يطلع الا هي تجي

…. ..
_ مالك يا جهاد الليلة اتاخرت ؟؟

_ ابدا والله كنت منتظرك بس و شنطتك هنا فقلت ما اخليها تتسرق ولا شي

_ شجون ابتسمت و شالت شنطتها و طلعت مع جهاد

…. .مشو مع بعض الموقف و اتفارقو في محطة…. ..
*******
شجون لما رجعت الداخلية ما لقت مروة رجعت …..اتصلت بيها بس تلفونها مقفول

…. ..
_ قعدت شوية كدا تتقلب و تتلفت و تقول يمكن قاعدة تتونس مع عامر في مكان

… ..
_ معاذ جاتو كمية من الصور في تلفونو فيها اختو عروس و جنبها عريسها عامر

…. ..اتخلع و قرب يكسر التلفون

…. .
اتصل بي مروة بس تلفرنها مقفول

…. .اتصل بي شجون طوالي…. ...الوووو شجون مروة وين ؟؟

_ مالك بسم الله في شنو ؟؟

تم الإرسال من خلال التطبيق Topic'it

#شجون_الحب10
بقلمي : رانية محمد أحمد

_ انا جاي عليك في الطريق بقول ليك مروة السجم دي معاك ؟؟

_ ابدا والله جيت لقيتها مافيشة في شنو الحصل شنو ؟؟

عايزها في حاجة ؟؟

_ انتظري انا في الطريق انا في الطريق

… ..
_ شجون من الخلعة و الخوف من الحيحصل لبست عبايتها و شالت تلفونها و وقفت لي معاذ برة الداخلية

…..كانت بترجف زي القصبة و خائفة تتكشف انو هي السبب و انها حرضتها تعمل كدا

… …
_ اول ما وصل كبس الفرملة لمن سمعها الشارع كلو

… .
_ شجون فضلت تهاجمو اول عشان تمتص غضبو

… .في شنووو مالك هايج كدا؟ عملت شنو تاني

….
_ شوفي بي عينك انتي شوفي

_ شجون عاينت للصور الاصلا عارفاها مسبقا

…دي نتيجة قوة راسك

…. دي النتيجة المنطقية يا اخوي كنت منتظر شنو و احمد ربك انها اتزوجتو عديل ما حامت معاهو من وراك

…. و بعدين و الله الود دا محترم

… ..و محترم شديد كمان و زول بخاف ربو لانو اتزوجها علي سنة الله و رسوله و ما عمل حاجة تدخلو في الحرام

دا لو واحد من الانت عاجبنك و شايف لونهم السمح دا كان لعب بيها يومين و رماها و في بطنها طفل

…. ..
_ معاذ الضيق الكان حاسي بيهو هدا شوية بي كلام شجون

…. ..بس يا شجون المشكلة ما هنا المشكلة امي لو عرفت حتطب تموت

…..ما بتجيها عوجة ارح انا بمشي معاك و بحل القضية دي كلها

…. ..معاذ حس بي راحة شوية من كلام شجون و ركبت معاهو و مشي بيها البيت

…. ..
_سلمت عليهم و قعدت…. ..
_معاذ كلم امو و بدأت تكورك

…. ..
_شجون جرت ليها قالت ليها لالا يا امي مافي داعي لي دا كلو اصلا مروة ما عملت حاجة حرام كلووو حلال في حلال و الولد مسلم ما كافر و بعدين اتزوجها ما لف عليها ساي

…. …
_المرأة بدات تجقلب

… ..الناااس يقولو علينا شنو ؟؟

المجتمع ؟؟ الاهل

…… وووووب خالاتك

… …
_ شجون هنا اتدخلت و قالت ليهم انا عندي ليكم حل مبسط جدا انا بقنع ليكم مروة تجي هي و زوجها بس انتو تعزمو الناس تحبسوها اسبوعين كدا و تعقدو ليها هنا في بطن البيت دا و اي زول تاني يفتح خشمو تقطعو ليهو لانو ما غلطت حلال

…. ..
_ معاذ اقتنع و قال ليها انا موافق علي الحل دا بس هي تجي و ما تمشي معاهو مكان بي ورانا

….و نعمل فكرتك دي

… ..
_ لالا خلوها علي انا بحاول ليها تلفونها مقفول لكن لمن تفتح تلفونها انا بحل الموضوع دا

‘......
_ الام ما اقتنعت و قالت ليهم لالا الناس ما بترحينا Crying or Very sad

…..
_ شجون قالت ليها طيب افضل انو البت تمشي مكان و الناس تتكلم في عرضكم و تقول هربت مع الراجل ولا تعقدو ليها انتو و يقولو اللي يقولوهو بس المهم اتزوجت و عقدو ليها اهلها

….
_ هو دا راجل ؟؟ ما تامي راجل اصلا دا واحد

…. (..)
_ شجون هنا قالتها بي انفعال…. ...راااااجل والله لانو لو ما راجل ما كان عرسها كان لف بيها و لعب بيها خاصة انو عارف انو بنتكم ميتة فيهو و ممكن تعمل اي شيء عشان تكون معاهو

…. .فالراجل ما قصر عديل و عداهو العيب

…. .
_ يا امي شجون كلامها صاح و منطقي و دا افضل حل حاليا

….
_ خلاص يا شجون بس خليها تجي انتي

…. ..
_ شجون خافت و قالت ليهم بس توعدوني انو ما تاذوها و لا تضايقو زوجها

…..لانو نحن ما عارفين ممكن يعملو شنو لو ضايقناهم

… .
_ معاذ قال ليها ليك علي من اول ما يجو اعقد ليهم و اعزم كل الناس علي العقد و الليلة الكبيرة تكون بعد اسبوعين من العقد زي ما اتفقنا

…. .
_ شجون هنا اتطمنت شديد. و معاذ رجعها الداخلية …. ..
_هناك في الداخلية شجون رسلت رسالة لي مروة و كتبت ليها فيها…. .تم الامر بي نجاح

…. .بعدها طوالي اتصلت بيها مروة…. .
_ شجوووون عليك الله الموضوع كمل ؟؟

ما بصدق و امي ؟؟ امي اكعب من معاذ

….
_ امك زاتها موافقة يا ستي و مجرد ما تجي حيعقدو ليكم بس تعالو

….
_ تمام يا ستي والله ما عارفة اشكرك كيف ياخ

…. .
_ يا بت تشكري لي شنو يلا يا أستاذة زحي النمط بتاع الهاتف المغلق دا و من بكرة تمشي معاي البيت

…. .
_ مروة كانت في قمة السعادة و ما مصدقه اساسا الحاصل معاها

…. ..اتمنت لي شجون كمان السعادة من كل قلبها

… ..

*********
اليوم البعدو كان يوم جمعة و شجون ساقت مروة ودتها ليهم في البيت…. ..معاذ رغم انو متضايق منها شديد بس حاول يمسك اعصابو و اتكلم معاها بي برود

…. ….
امها جات طايرة…. .
_ عايزة تفضحينا و تجرسينا مع الناس ؟؟؟

عايزة تعملي لينا سمعة يا تافهة يا قليلة الادب

…. ..و كانت عايزة تضربها بس شجون وقفت ليها

_و قالت ليها هدي نفسك البت بقت في زمة راجل ما بنقدر نعمل حاجة

…. ..
_ معاذ قال لي شجون شكرا ليك ما قصرتي معانا تعبناك معانا

….
_.قالت ليهم مافي تعب ولا حاجة

…..مروة دي زي اختي

… ...مروة ابتسمت ليها

… …
_ اها يا مروة وين ابو النسب ؟؟

….
_ واقف برة قال ما بخش الا انتو تسمحو ليهو

…. .
_ فعلا معاذ بي نفسو مشي ليهو و سلم عليهو و دخلو البيت و ضيفو

… ...اتونس معاهو و اتعرف بيهو

…. .اكتشف انو زول ظريف جدا و محترم

…… معاذ لام نفسو انو ما اتعرف عليهو من زمان ولا حتى حاول يقابلو

….. .لقي انو زول مثقف جدا و متطلع و طموح و عندو أهداف

…. ..و اكتشف انو عامر ما أتربى في السودان ولا جنوب السودان اسرتو اصلا مستقرة في اوربا و ابوهو رجع السودان بعد اتفاقية السلام و كان عندو نفوذ سياسي

و بعذ الانفصال ابوهو رجع و كانو كلهم ضد الانفصال

…..عامر كان مدير معهد لغة انجليزية كان اسسو لما ابوهو كان في السودان I love you

…..بعد اهلو رجعو فرنسا هو فضل يواصل شغلو

…. .
.
********
العصر بعد الناس اتجمعو كلهم و اهل مروة و خالاتها جو و كلهم يتهامزو و يتلامزو و ما مصدقين الحاصل دا

…. ..
_ شنو يا جماعة المفاجآت دي ؟؟

_ردت عليهم ام مروة قالت ليهم ولا مفاجأة ولا شيء كلكم عارفين الموضوع دا ليهو سنتين و نحن كنا رافضين بس اقتنعنا

…. .اهم شيء سعادة مروة بتي و الولد هدا ارجل من اي راجل جا بالباب

…. ..
_ كلهن قعدن يتلفتن و ما قدرن يردن

_ واحدة قالت ليها و اها حتعيش وين مروة ؟؟ في جوبا و لا ملكال ؟؟

_ شجون ردت عليها و قالت ليها في فرنسا يا خالة

… ...ربنا يدي بنتك الزيو مع انو الله اعلم تلقي تاني زي دا

…. ..دا بجي حبة في الدستة

…. ..
ام معاذ انبسطت من شجون و بقت تضحك

…. .
_ بعد عقدو لي عامر و مروة I love you

…. .مروة قالت لي اهلها أنها عايزة شجون تقعد معاها فترة الأسبوعين دي

…. ..
_بس شجون رفضت و قالت ليها بجيك زيارات بس ما بقدر اقعد ابوي ما برضى

…. ..
_شجون بعدها رجعت البيت و حست انها انجزت

…. ..كانت مبسووطة جدا كانو عقدو ليها هي

…. .

*******
لم نزلو الشغل بقت مشغولة شديد و الشغل ضاغط عليها جدا

….بس معاها كان جهاد في فترة الاسبوعين دي معاذ كان بطلع بدري و نادر يلاقيها لانو كان مشغول بي تجهيزات العرس

…. ..و شجون كانت متواصلة مع مروة و مع ضغط الشغل كل يوم تقول ماشة ليها بس تحس انها مرهقة و عايزة ترجع تنوم بس

… ...بعد الاسبوعين شجون مشت العرس

…. ..كان عرس فخم و معاذ حرص انو اي شيء يكون بي فخامة الاسرة و الغريبة امهم كانت مبسوطة و كل مرة تزغرد

…. ..شجون اول ما وصلت الصالة معاذ جا سلم عليها

……
_ شنو مختفية كدا ؟؟ ما قلتي بتجينا ؟؟

تم الإرسال من خلال التطبيق Topic'it

#شجون_الحب11
بقلمي رانية محمد أحمد

_ هي هي هو انت ترمي لينا هناك كل الشغل في راسنا و تجي تلومنا هنا ؟؟

انت يوم واحد ما قعدت في كرسيك زي الناس

…..و كل شغلك المالي اتنقل لي مكتبنا

… ..
_ هههههه اعمل شنو ما كان عندي طريقة كنت بجهز

…. ..
_ تمام ماشاء الله ربنا يسعدهم

_ بالمناسبة…. .اشتقت ليك والله

….
_ شجون اتخلعت و مشت كلامو و قالت ليهو بالاكتر والله

…. .
قبل تكمل كلامها جهاد جا…. ..سلم علي معاذ….
_ يا مدير كيفك

…. الف مبروك ليها ربنا يسعدها

…. .شجون كيفك ؟؟ ما قلتي مرهقة و تعبانة و ما قادرة تجري يد ولا رجل

… و بدا جهاد يحاكي في صوتها بي طريقة مضحكة

_ شجون ضحكت و قالت ليهو انت ما بتبطل حركاتك دي ؟؟

_ معاذ كان بس بتفرج عليهم و حس انو نظراتهم فيها حاجة

…. .اكيد في شيء بينهم

…. .قال ليهم عن اذنكم

…. ..فضل انو ينسحب عشان ضيقو ما يبين

….
شجون و جهاد قعدو في نفس الطربيزة و اتعشو سوا و مشو. باركو للعرسان سوا

…..و دا كان مضايق معاذ و كل مرة يقول في نفسو…. انا مالي و مالهم ما يحرقو ياخ

…. .

*******
بعد العرس شجون مشت الداخلية و اترمت في السرير و نامت ملأ عينيها خاصة انو العرس كان يوم خميس و صابح الجمعة

…. ..فما فكرت تقوم من السرير الا للصلاة

… ..
_بعد العصركدا اتصل عليها جهاد قال ليها وين انتي ؟؟

……
_قالت ليهو في الداخلية ليه ؟؟ في شنو اليوم الجمعة

…...اي عارف بس كنت عايز اطلع اغير جو شوية ففكرت فيك انتي يا صحبتي

… ...قلت ما صاح اطلع و اخليك مع الأجواء دي

…...و بعدين نحن كنا مدروشين قلت كمكافاة لينا كدا رايك شنو ؟؟ ......
_طيب خلاص انت وين عشان نتلاقى انا ما عندي لا شغلة لا مشغلة

… ..
_رايك شنو نمشي ناكل ايسكريم

… …
_الله خلاص طيب طيب مسافة السكة بس

… …
_شجون اول مرة تتبسط مما جات العاصمة… ...طلعت مع جهاد و قعدو اكلو ايسكريم و اتونسو في مواضيع متفرقة و شجون كانت عارفة انو جهاد زميلها شخص محترم جدا و كلامو في حدود عشان كدا كانت حاسة معاه بالامان و ما كانت خايفة انو يتجاوز حدودو

… ...رجعت شجون الداخلية مرهقة من الحوامة الكتيرة

……
_اول مرة تنوم مجرد ما تخت راسها في المخدة… ….
_مرت الايام رتيبة جدا جدا و مافيها حاجة جديدة بس التغير الوحيد الحصل انو شجون بقى عندها شخص ممكن تستعين بيهو في وقت الشدة ووقت الضيق

…..

********
_في يوم كان بداية الاسبوع و كان مفروض شجون و جهاد يسلمو التقرير في وقتو بس طلعو قبل يخلصو

… ...و معاذ شاف جهاد و شجون و هم طالعين رجع مكتبو و هو برزع الباب بي قوة

… … اتضايق جدا ما عارف ليه

… ...ليه ما سلمو التقرير ؟؟

لكن كويس انا بعرف اوريهم كيف يلتزمو بي شغلهم

… …
_تاني يوم اول ما شجون وصلت الشركة بتاع الاستقبال قال ليها المدير عايزك ضروري قال اول ما تصلي نكلمك

……
_ايوا طيب تمام انا ماشة ليهو...فكرت انو حيتكلم معاها في نفس مواضيعو الكل مرة … ...فعلا مشت دقت الباب
_قال اتفضل… ..شجون دخلت لقت معاذ وشو متغير

…. ..شنو يا استاذة شجون الاستهتار دا ؟؟

وين التقرير الاسبوعي

… …
_شجون دي صبت فيها مطرة

… ...معليش يا استاذ معاذ بس الدوام امس خلص قبل نخلص منو و

… ….
_عايزة تقنعيني انو التقرير الاسبوع دا كان فيهو شغل اكثر من الأسابيع الفاتت ؟؟

ولا انتي ما فاضية من الخلط و الجكس و الحب ؟؟

الحب دا عندو مكانو يا استاذة ما في حرم الشركة ؟؟

…..
_.شجون دي قربت تقع

… ..لالا والله يا أستاذ معاذ

… ….
_انا شايف ونستك و طلعتك و نزلتك مع جهاد ما تكذبي و بعدين دي شركة محترمة يا تشتغلي بي احترام يا تتفضلي نحن ما ناقصين بلاوي

…. ..
_شجون دي انفجرت بالبكاء و مصدومة من الكلام البتقال ليها

…...طوالي اتحركت طالعة….
_.دقيييقة انا ما خلصت كلامي

…. ..انا خلاص قررت اني انقلك قسم تاني منعا للاستهتار

… …
_شجون دي بي صوت مبحوح قالت ليهو حاضر

…. ….
_خلاص اتفضلي

… ….شجون مشت مكتبها و لقت جهاد وقف يسلم عليها بي بشاشتو كالعادة بس اتخلع لما لقي دموعها

…. ..شجون في شنو مالك ؟؟

……
_مافي شي يا جهاد بس عايزة ورقة و قلم

… …
_مد ليها ورقة و هو ببحلق في عيونها المليانة دموع… ...اول مرة يشوفها بالشكل دا

…. ..شجون لو في مشكلة كلميني عشان احلها معاك

…. .مش معتبراني اخوك ولا اي شيء ؟؟

…...بدات شجون تكتب في استقالتها… ...دا شنو البتكتبي فيهو دا ؟؟

…….
_دي استقالة

… ….
_ليه لكن ممكن اعرف السبب ؟؟

_مافي شي قلت ليك بس

… …
_جرت شجون ادت السكرتيرة بتاعة معاذ الاستقالة و طلعت من الشركة… …
_مشت البيت و بدات تلملم في ملابسها و اتصلت علي ابوها

… ....بس ما كان برد

… ...قالت بكون عندو محاضرة ولا مشغول

…. ..رمت التلفون و اترمت في في السرير

…. ...كانت افكارها متدافعة في راسها

…...بين معاذ و اتهاماتو الواضحة ليها و بين رجوعها البيت الحيوجعها اكتر من اي شيء تاني

…… .تلفونها رن رفعت سريع افتكرت دا ابوها رجع ليها بس جاها صوت معاذ متعصب

… …
_دا شنو يا أستاذة الكلام الفارغ الانتي كاتباهو دا ؟؟

_قالت ليهو بي انتصارالانت شايفو و انا مستحيل ارجع للذل و الاهانة

… …
_انتي شكلك ما قريتي الشرط الجزائي الفي العقد المضيتيهو

… ….
_أي شرط ؟؟

و بعدين عقدك دا بلو اشرب مويتو

… …
_تمام تمام ببلو بس برسل ليك صورة منو عشان ما تقولي ما وريتك

… ….
_شجون قفلت الخط قبل ما يقفلو كانها بتتسد حقها

… ….
_اتصل بيها جهاد بس ما ردت عشان عارفة حيتلايق و يقول ليها مالك و ليه و كلام هي ما حتقدر ترد عليهو

…..
_جهاد اتصل كتير بدون ما يلقى اي رد… ….رسل ليها رسالة… .
_افتكرت دي رسالة معاذ الفيها العقد فتحت الرسالة لقتها من جهاد

… …"ممكن تنزلي تحت لاني مشرور لي ساعة "

……
_شجون اتخلعت لبست عبايتها سريع و نزلت لقت جهاد واقف تحت شجرة

… ...مشت سلمت عليهو… ..دا شنو يا ود ؟؟ الجابك شنو

……
_جبتيني انتي دي

……
_.شجون عاينت ليهو بي استغراب

… ...هههه كيف يعني فايق انت ولا شنو

… ….
_ابدا والله بس عايز اعرف ليه قدمتي استقالتك وما تكذبي لاني عارفك تمام؟؟

…….
_ابدا والله بس

…. ….
_اها اها ؟؟ بدينا الكذب ؟؟ احكي بي صراحة

…. ..

تم الإرسال من خلال التطبيق Topic'it

#شجون_الحب12
بقلمي :رانية محمد أحمد

._شجون ما قدرت تقول ليهو كلام معاذ عنهم و انو بينهم في شي

… ...لالا بس معاذ قعد ينهر فيني و قال ليه ما سلمناهو التقرير في وقتو و انو انا بقيت متسيبة

… ….
_طيب التقرير دا مش مسؤولين منو انا و انتي مع بعض ؟؟

ليه سالك انتي و انا لا ؟؟

مش حاجة غريبة

…. …
_شجون اتلبست و حاولت تبرر بس ما عرفت

… ….
_لالا تمام معاذ انا بوريه و بتفاهم معاهو

… ..
_لالا يا جهاد خلينا في حالنا

… …
_طيب و انتي لو استقلتي عشان الموضوع دا انا كمان من بكرة بقدم استقالتي

… …
_لالا يا جهاد ما تربط نفسك بي دي مشكلتي و انا بحلها

…. …
_بس انا مرتبط بيك خلقة I love you

… ….
_شجون اتخلعت من كلمتو دي و عاينت ليهو لقتو بعاين ليها في عيونها

…. …
_دنقرت و ما حاولت تعلق علي كلامو

… ...بدات تحاول تغير في الموضوع و بعدها قلبوها ونسة

…...فجاة جاتها رسالة فيها العقد و شروطو

……" اذا تم الفصل ما حيكون في شروط بس اذا حاول الموظف التخلي عن العمل لاي سبب من الاسباب عليه دفع شرط جزائي و قدرة 70,000"

…….شجون سرحت شوية و اتضايقت و قالت لي جهاد….. اصلا مع الشروط دي ما حاقدر امشي اي مكان

…. .
_قال ليها بس انتي يا شجون ما تخليك حساسة كدا و اقل شيء تزعلي و تستقيلي لانو في الشغل دا ياما حتلاقيك مشاكل اصبري بس

… …
_طيب ان شاء الله ربنا كريم

…..
_جهاد وقف و قال ليها يلا انا بعد كدا بمشي نتلاقى بكرة في الشركة

… …
_طيب تمام مع السلامة

…. ..شجون حست كلام جهاد و تلميحاتو و نظراتو كانت ما طبيعية الليلة دي

… ...حاولت تطنش الموضوع و تخليهو عادي

…..بعد المغرب ابوها اتصل بيها و سلمت عليهو عادي كانو مافي حاجة و اتونست معاهو و قفلت

……
********
_.الصباح بدري شجون لبست و طلعت علي الشركة و كانت متضايقة كونها راجعة تاني بعد عرفت نظرة معاذ ليها عاملة كيف

… ...دخلت الشركة عادي و مشت مكتبها الجديد النقلوها فيهو و الموظفات بقو يعاينو ليها

...سلمت عليهم و قعدت

… ...المكتب كلو بنات بس

… ...ما عارفة طبيعة الشغل ولا عارفة هي قاعدة هنا بتعمل في شنو

…..بدات تسال في البنات عن طبيعة الشغل و بداو يتكلمو و يذكرو ليها مصطلحات علمية عمرها ما سمعت بيها بس شكلها معروفة عند الكل الا هي

… ...عملت فيها فاهمة و ما ردت تاني

… …
_بعد شوية جاتهم واحدة قالت ليهم الحقو الحقو في شكلة لي رب السماء الشركة كلها بي غادي انتو قاعدين هنا

… …
_كلهن لبسن طرحن و جرو يشوفو الحاصل

… ..
_الفضول خلي شجون برضو تمشي تشوف في شنو بالضبط

… ….مشت سالت الناس المتلمة

… ..في شنو يا جماعة الحاصل شنو

… ...كلهم بقو يعاينو ليها و اتبسمو ؟؟

…….في واحدة اشرت عليها من بعيد و كل الناس بقت تعاين ليها

…...شجون اتخلعت ؟؟ في شنو يا خوانا ؟؟

…...لما عاينت للبتشاكلو لقتهم جهاد و معاذ و في اللحظة الجات فيها شجون الاتنين عاينو ليها و سكتو

… ….
_في واحدة من بنات المكتب الكانت معاهم قالت ليها دي انتي شجون؟؟

_قالت ليها ايوة مالو في شنو! ؟

….
_.قالت ليها تعالي اوريك

… ..
_مشت معاها شجون و في اللحظة ديك معاذ قال لي جهاد للاسف حنستغني عنك و تاني الشركة دي ما تعتبها

… …
_جهاد قال ليهو وليه للاسف ؟؟

ولا اسفا عليكم ولا شيء ربنا كريم

… ...يا بت يا شجون معقول ما عارفة معاذ و جهاد بتشاكلو فيك ؟

…….
_شجون ضحكت ضحكة خفيفة

… ..بتشاكلو فيني انا ؟؟ كيف يعني

…….
_عديل الشركة كلها سمعتهم و معاذ بقول لي جهاد تبعد عن شجون و جهاد قال ليها تبعد عنها انت

……
_انتو فاهمين غلط والله ما

… ..
_قبل ما تكمل كلامها جهاد جا شايل شنطتو و جرا شجون من يدها

… ...شجون اتخلعت و بقى جاريها عشان تطلع من الشركة و هي بتحاول توقفو عشان تفهم في شنو

… ….معاذ شافهم طالعين و جهاد ماسكها

… ….كورك ليها يا شجون تعالي هنا ممنوع تطلعي في مواعيد العمل

… …
_جهاد وقف و عاين ليهو و سب ليهو بي ألفاظ نابية

….
_شجون نتلت منو يدها… ….في شنووووو؟؟ مالك ؟؟

……
_شجون انا عايز أسألك بس سؤال واحد انتي بتحبي معاذ و بينكم في حاجة

… …
_شجون اتصمت و ما قدرت ترد

… …
_ايواااا ؟؟ يعني في بينكم شي و داسة مني ؟؟

……
_قالت ليهو لالا مافي بينا حاجة ابدا بالعكس

… …
_طيب…... انا بحبك يا شجون ممكن تمشي معاي ؟؟

…..
_شجون اتخلعت و اتلخبطت

… ...قالت ليهو أمشي معاك وين ؟؟

ما بقدر و بعدين الشروط دي انا بدل اخفف الحمل علي أبوي معقولة اتقل عليهو و المبلغ كبير انا

… ….
_جهاد أتضايق قال ليها بي عصبية

… ..فهمت فهمت خلاص خلاص عن اذنك

… …
_بقت تنادي عليهو بس ما رد و مشي

… .. شجون رجعت دخلت الشركة و مشت مكتب معاذ و دخلت بدون استئذان

…. ...دا شنو الانت قلتو دا ؟؟

انا ما في بيني وبينك اي شيء و انا مستحيل اقبل الناس تتكلم علي كلام زي دا

… …
_شجون ممكن تسمعيني للاخر ؟؟

…….
_اسمع شنو ؟؟ انا ما فاهمة يومين بس يحصل فيهم مشاكل قدر دا ؟؟

……
_يعنى انتي بتحبي جهاد ؟!

……
_شجون سكتت و بقت مخلوعة

… …
_ليه سكتي ؟؟ يعني فعلا في بينكم حاجة ؟؟

…….
_ياخ مافي بينا اي شيء و كمان ما بيني و بينك اي شيء

… ..
_لالا بينا في حاجات كتيرة

… …
_شجون اتخلعت محتارة

…شنو دي الحاجات دي ما فهمتك

……
_انا خطبتك يا شجون من ابوك وهو موافق

… …
_شجون مصدومة

… …
_كيف يعني ؟؟ و انت بتخطب بدون ما تاخذ راي ؟؟

بعدين متين انا وافقت عشان تخطبني ؟؟

هو الخطوبة دي بالساهل كدا ؟؟

اول تسالني انا من رأى بعدين تمشي تكلم ابوي

……
_شجون ممكن تسمعيني

….. انا من عرفتك بقيت ما طبيعي

…. .تصدقي انا مرات بجي المكتب بس عشان أشوفك والاقيك و اتكلم معاك؟؟ Crying or Very sad

…..كنت مكابر و متجاهل احساسي بيك بس لما شفتك مع جهاد حسيت نفسي عايز اجن من الضيق

….. .كنت خائف علاقتك بيهو تتطور او تكون اصلا متطورة

…. ..ما عرفت اتصرف كيف عشان كدا ردت فعلي كانت عنيفة شوية انا آسف

…. .بس والله بحبك يا شجون و ما اظن تلقي زول يشيل ليك الحب دا كلو Crying or Very sad

…. ...انا خائف

…. ..خائف اخسرك بي طريقة ما طبيعية

…. ..حاسي اني حاجن

…. ..بتصرف تصرفات اساسا ما حقتي

…. .مشكلتي الصباح كانت مع جهاد ما بعرف انا قلت ليهو شنو بس عايز ابعدو خاصة بعد اتاكدت انو بكن ليك مشاعر

…. ..انا عارف تصرفاتي غبية بس اعمل شنو

… ..حاسي اني مخنوق

…. .ما قادر اتصور المكان دا و انتي ما فيهو

…. اول مرة احس اني ضعيف كدا و ما املك قراري Crying or Very sad

…...حاسي اني تايه و ما عندي مرسى غيرك

…...شجون أرجوك ما تكسريني Crying or Very sad

…. ما حاكذب و اقول ليك انتي الأنثي الوحيدة في حياتي بس انتي الاميز و الاحب

… ...عاين ليها و و لقي تعابير وشها متعاطفة معاهو Crying or Very sad

… ..شجون حست انو معاذ بتكلم عنها تماما و بقى جواها نزاع معقول تكسر قلبو زي ما يوسف كسرها ؟؟

…...إحساس مؤلم ما بترضاهو لا لي عدو ولا لي صديق

… …

تم الإرسال من خلال التطبيق Topic'it

#شجون_الحب13
بقلمي:رانية محمد أحمد

_قرب منها و قعد في الارض…….تقبلي تتزوجيني علي سنة الله و رسوله ؟؟

… …
_شجون وقفت علي حيلها و قالت ليهو فاجئتني بي كلامك دا و بعدين حتي لو بتحبني ما ممكن تظلم جهاد بالطريقة دي

… …
معاذ قرب منها و مسكها من يدها …...شجون اتصدمت لي لحظة …..حاول يقرب منها … .. بس شجون لزتو و قالت ليهو انت واحد تافه دي الامانة القال ليك عليها ابوي ؟؟

…..
_.لالا يا شجون ما تفهمي غلط انا بس والله انجرفت و من زمان نفسي بس

… ...
_اسكت دي الحركات البتعملها مع كل البنات صحباتك؟؟

…. .و جرت شجون على الباب

_معاذ جري علي الباب ووقف فيهو عشان يمنعها تطلع

… …
_عليك الله أبعد من الباب

… …
_شجون عليك الله حني علي حالي انا لو خسرتك حاموت

… …
_طيب ما تحترم نفسك و لا شايفني زولة ما محترمة او ممكن تعاملها زي ما بتعامل البنات البجوك هنا

… …
_ما قاصد قلت ليك

……
_شجون سكتت و هي خايفة جدا و متضايقة و حاسة انو كاتم علي نفسها

…..طيب حافكر في عرضك تمام ؟؟ بس انا حاليا مرهقة حارجع القضارف

… ….
_لالا يا شجون اوع تكوني زعلانة Crying or Very sad

… ….
_لالا قلت ليك خلاص بس اديني فترة ارجع بيتنا هناك الجو صافي شوية و ممكن افكر بي راحتي

… …
_طيب بس ما تتاخري علي

……
_طيب ان شاء الله

… …
_شجون طلعت من الباب و مشت المكتب شالت شنطتها و الناس كلها كانت بتعاين ليها و يتوشوشو و دا شي مضايقها جدا و ما قادرة تشرح ليهم واحد واحد

…...طلعت مشت الداخلية… …
_بعد وصلت بي عشرة دقائق اتصل بيها معاذ… ...الوووو كيفك وصلتي كيف ؟؟

…...ا
_لحمدلله تمام

… ..
_انا اسف يا شجون والله ما بيدي

…. ..
_تمام حصل خير

… …
_طيب حتسافري متين ؟؟

……
_بكرة ان شاء الله

……
_خلاص انا بقطع ليك التذكرة تمام

… …
_لالا مافي داعي

…..
_لا لا في داعي انتي خطبيتي

… …
_شجون سكتت و ما ردت علي كلمتو

……
_و حاوصلك بي نفسي كمان

… …
_طيب ان شاء الله ربنا يسهل

… …
_تمام بتصل بيك بعدين لما ارجع البيت

… …
_طيب… ..قفلت الخط و بدات تفكر… ...افكارها مشوشة تماما

… ...معقول تكسر قلب معاذ ؟؟ ولا تكسر جهاد ؟؟

بتحاول تشوف هي عايزة شنو بالضبط

… ..
_عاينت للتلفون و اتصلت بي جهاد… ..الوووو جهاد كيفك

… …
_الحمدلله بخير انتي كيف

… …
_كويسة… …الحمدلله… ..
_كيف معاذ معاك ؟؟

……
_ما فهمتك

…. ..
_اقصد…. .أقصد مبسوطة معاهو ؟؟

…….
_انا زوجتو عشان تسالني السؤال دا ؟؟

……
_لا حتكوني…. …
_شنو الخلاك متأكد كدا ؟؟

……
_باين باين… ….
_جهاد انا مسافرة ماشة بيتنا

… …
_مسافرة متين ؟؟

……
_بكرة ان شاء الله… …
_تمام توصلي بالسلامة… …
_شجون حست بي ردود جهاد باردة شديد

… ...طيب مع السلامة اشوف وشك بي خير

. ……
_قفل بدون ما يرد علي كلامها… ..

********
شجون فعلا كانت في موقف لا تحسد عليه

… ...اي غلطة ممكن تندم علي اختيارها

… ...بعد شوية فكرت انو كل شيء قسمة لو مافي بينا قسمة مافي شي بحصل

… ..الصباح بدري رتبت شجون شنطتها و لبست وودعت زميلاتها في الداخلية و طلعت

… ….نزلت تحت لقت معاذ واقف بالعربية تحت

… ...مما شافها نزل وسلم عليها و رفع ليها الشنطة و فتح ليها الباب

… ...قعدت و هي ساكتة

… …
_معاذ قال ليها ممكن تزحي يدك ؟؟ …..
_ابتسمت قالت ليهو اسي يدي دي جنبك

… ..
_قال ليها عشان ما تزعلي مني بعدين

… …
_انت شكلك متعود ؟؟

…….
_لالا ما قصة كدا بس انتي لو عارفة الحب الجواي ليك كان حتقدري موقفي

. ……
_شجون قلبها رف… ...اتذكرت حبها لي يوسف

… ...و قالت ليهو عارفة

……
_مستحيل تكوني عارفة و حتي لو عارفة ما حاسة

… …
_شجون سكتت نزلها في الميناء البري و اشتري ليها سندوتشات و عصير و قال ليها ياريت لو بقدر اسافر معاك كان حتكون احلي سفرة I love you

بس ما مشكلة الايام جاية بإذن الله اخدك مكان بعيد عن العالم دا

… …
_شجون حست بي احاسيس غريبة و جديدة و كلامو كان بستقبلو قلبها زي العسل

… ..
_طيب مع السلامة لانو انا اتاخرت علي الشركة سلمي علي ابوك

…..
_طيب يوصل ان شاء الله

… …
_ودعها معاذ و مشى

… …
_طلعت تلفونها و هي مترددة هل تتصل بي جهاد ؟؟

ولا لا

… ...بقت تقول في نفسها اصلا هو ما شغال بيك ما تشغلي نفسك بيهو كتير

… …
_بعد شوية أثناء ما واقفة و ماسكة شنطتها سمعت صوت جهاد من ورها و هو بقول ليها… ...شنو يعني عايزة تسافري بدون ما تودعيني

…
_شجون اول ما سمعت صوتو قلبها دق

…..فرحت بي شوفتو جدا

و قالت ليهو ما انت عامل فيها تقيل اعمل ليك شنو

… …
_ابتسم ليها و قال ليها شنو الخلاك تقولي كدا ؟؟

……
_شجون عاينت ليهو شوية و هو مدنقر فيها

… ...اول مرة تلاحظ لي ملامحو

...ما حصل ملت عينها فيهو

… ..حاسة انها مبسوطه معاهو اكتر من معاذ ما عارفة ليه

… ...عيونو فيها لمعة خاصة

… ..يمكن دا حبو ليها

…..و جهاد كان بعاين ليها بي نفس الطريقة.

…...قال ليها ما جاوبتي يعني ؟

… …
_اها امس ساعة اتصلت بيك كنت بتتكلم بي برود

… …
_كنت متضايق

… …
_من شنو ؟؟

…..
_من حقيقة انك ما حتكوني لي

… ….
_شجون ما قدرت تديهو جواب قاطع بس سكتت

… …
_اخد جهاد نفس عميق و قال ليها شفتي واقعي مؤلم كيف ؟؟

……أولا عاطل و في جيبي في عشرة جنيه

و بودع في حبيبتي الاصلا ما حتكون لي

…. . ما قادر اتصور الانا فيه

… ..
_فكرت اجيب ليك هدية حتي لو وردة بس الحمدلله

… …
_شجون قالت ليهو شفت جيتك دي احلي هدية ما تتصور انا فرحت بي شوفتك كيف

… …
_جهاد عاين ليها مسافة و دخل يديهو في جيوبو

…...ما تعشميني فيك يا شجون بالله

… …
_شجون قعدت تضحك

…...و قبلت عاينت للبص خلاص اتملا

… ….
_هي بعد كدا انا استأذن

… ….
_جهاد عاين ليها بي شغف

. …..كان نفسي اودعك بي طريقتي

… …
_شجون ابتسمت

… ….اتلفتت رفعت شنطتها بس جهاد جراها من يدها و رفعها لي حضنو… ...شجون اتصدمت من حركتو السريعة بس كانت مبسوطة و هي في كتفو و ما مانعت هي نفسها خجلت من نفسها ليه عملت كدا.

….
_نطت و نزلت و قالت ليها مع السلامة

… ...شجون ركبت البص و هي في قمة السعادة

…...معقول دا يكون اخر لقاء بينها و بين جهاد ؟؟

ليه هي مبسوطة كدا ؟؟

…...و كل الطريق كان تفكيرها كلو في جهاد

…

تم الإرسال من خلال التطبيق Topic'it

اسفة علي التاخير والله كنت بكتب في الحلقة

#شجون_الحب14
بقلمي : رانية محمد أحمد

...أثناء الطريق اتصل بيها معاذ… …
_اها حبيبو وصلتي وين ؟؟

…..
_انا لسة في مدني… …
_طيب اول ما تصلي كلميني

……
_طيب

… .
_وصلت شجون قريب المغرب البيت… …
_دقت الباب… ..
_جا سامي فتح ليها الباب

… ...اوووو شجون سلم عليها سامي و دخلت سلمت علي امها و الدموع في عيونها

. …..
_و ابوها سلم عليها مبسوووط

… ..دي شنو المفاجآت دي ؟؟

…....
_قالت ليهو أخدت اجازة ارتاح شوية

… …
_بسم الله انتي تسعة شهور ما تميتيها

… …
_والله حاسة اني تميت تسعة سنين

… …
_لقت شادن و سلمت عليها و لقتها تقيلة شوية

……
_الغير متوقع لقت يوسف قاعد كان جا يتغدى معاهم سلمت عليه بي ابتسامة عريضة و قالت ليهو كيف اهلك

…...شجون كانت في قمة السعادة لانها ما اتاثرت بي وجودو

و لا هز فيها شعرة حست اخيرا انها اتخلصت منو

…...دا كان اكتر نصر بالنسبة ليها في اليوم دا كان ماليها حب شخص تاني و ماف زول فارق معاها غيرو

…
_بس يوسف كان جواهو احاسيس غريبة

… ..شجون اتغيرت ما نفس شجون الشافها اول ما جا.

…...دي واحدة واثقة شديد …...و بدا يدقق في ملامحها لاول مرة رغم لونها الاسمر بس ملامحها كان جميلة

… ...رموشها عيونها خدودها خشمها

…. ..حتي قوامها

… ..يوسف كان بتفحص و يدقق فيها بي طريقة غريبة و هي كانت بتتونس معاهم عادي و تحكي ليهم بي شغلها و طبيعتو

… …
_بعد خلاص شبعومن الونسة مشت غرفتها و بداو شادن و امها يساعدو فيها ترتب حاجاتها في دولابها و امها بقت تمسح ليها في شعرها مشتاقة ليها و شادن تزرزر فيها اها مافي زول كدا ولا كدا

… …
_شجون قالت ليها لو في حاجة بحكي ليك بس الزي دا معقول يجيب عريس بالسهولة دي ؟؟

……
_يابت ما تقولي كدا مالك يا شجون حلاتك و الله

…..
_.شجون أثناء الونسة نامت بدون ما تحس… ..

*******
الصباح بدري ابوها ناداها … ...قال ليها انا معاذ كلمني و قال لي حيجيب اهلو و يجي يتقدم

… ….
_دا شنو يا ابوي انا أصلا لسة ما وافقت

… …
_كيف يعني ما وافقتي ؟؟ معاذ قال لي متفقين امس اتصل شكلو لقي تلفونك مقفول اتصل علي و اتطمن عليك

… …
_.لا لا يا ابوي انا قلت ليهو حامشي البيت افكر بي هدوء ما اديتو كلمة والله

_ كيف يعني عندك فيهو راي مثلا ؟؟ انا شايف انو مناسب جدا و حيقدر يسعدك و يوفر ليك حياة كويسة…..
_ شجون لي لحظة حست بي شجاعة انها تقول الفي قلبها….. .صراحة يا ابوي انا ما موافقة عليهو و ما حاسة اني حاكون سعيدة معاهو

…. … …
_معتصم اتصدم و قعد في السرير

…. ..كيف يعني ما عايزاهو ؟؟

مالو يعني ؟؟

ماف كلام زي دا يا شجون انا ما حاخليك علي كيفك في الموضوع دا انا فاهم انتي لسة عايشة في الماضي و ما عايزة تنسيهو لكن انا شايف افضل قرار انك توافقي

… …
،_لالا ابدا ما بوافق و بعدين انا نسيت الموضوع القديم الانت بتفكر فيهو دا و شلتو من راسي خلاص بس برضو ما عايزة معاذ

… ….ا
_لسبب شنو لكن يا شجون ؟؟

زول وضعو فل ماشاء الله حيعيشك عيشة ما اظن كنتي تحلمي بيها

… …
_برضو يا ابوي انا ضحيت مرة ما بقدر اضحي تاني

…... ...العبرة خنقتها و دموعها رقرقو Crying or Very sad

… …
_طيب لكن انا ما ممكن اشوفك بتدمري حياتك و ترفضي فرصة زي دي و اكون ساكت كدا ؟؟

……
_ما تخاف يا ابوي انا عارفة انا عايزة شنو بس ما معاذ

… …
_يعني عندك زول تاني غيرو ؟؟ confused

……
_شجون اتلبشت و اتوترت

… ….صراحة ما متأكدة

… …
_ما متاكدة من شنو بالضبط ؟؟

…..
_لما لقت صوت ابوها علا قالت ليهو …...ايوة في زول تاني بس ما جاهز لسة

… ….
_ايواااا اها و بعدين ؟؟ حيجهز سنة كم دا كمان و هل عندو مقدرات معاذ ؟؟

……
_.لالا ما للدرجة دي بس Crying or Very sad

… ….
_ما عايز اسمع اي كلمة و اختيارك لو كان غلط انا بعارضك فيهو و ما تفكري

… …
_طلع معتصم و هو متضايق جدا

و شجون بتبكي

… ….معقول لكن انا اضحي كم مرة ؟؟ Crying or Very sad

…...انا ما عندي اي شيء لي معاذ دا

… ...مشت سريع غرفتها و قفلت الباب

… ...فتشت التلفون لقتو طافي… ...شحنتو و قعدت تفكر… ...معقول خلاص أنسى جهاد ؟؟

ياربي انا أنسى كم مرة

… ...أنتي اصلا غبية ما تتعلقي بي زول و خلاص

… ...التلفون فتح سريع فتشت تلفون جهاد. …...اتصلت عليهو كم مرة ما رد

… ...رمت التلفون …...بعد عشرة دقائق اتصل عليها جهاد I love you

…...ا
_الوووو شجون كيفك وصلتي ؟؟

……
_لحمدلله اي وصلت ياداب بتسال ؟؟

…….
_والله معليش ما كان عندي رصيد و اساسا كنت في معاينة و خلاص قبلوني الحمدلله

… …
_الحمدلله فرحت ليك والله

… ...سكتت شجون مسافة

… …
_شجون في شنو مالك ؟؟

…..صوتها وصلو انها بتبكي

…. ..جهاد اتخلع

…. .في شنو حبيبتي

… …
_عايزة اقول ليك اني ما عايزة معاذ ولا عمري فكرت فيهو

… …
_جهاد دا حس انو دا يوم الفرج

… ...طيب البخليك تبكي شنو

……
_لاني بحبك انت و ما عارفة أعمل شنو

… …
_جهاد دا قرب يبكي و قعد ليهو في مسطبة و قال ليها بي ضحكة

…. ..ما تعملي حاجة حبيني بس

. …
_قعدت تضحك وسط دموعها

قالت ليهو انا جادة ابوي مصر علي معاذ رغم رفضي ليهو

… …
_طيب محلولة انا بحلها انتي خلاص مهمتك انتهت

…. ..
_اها طيب كيف ؟؟

…….
_اديني رقم ابوك و انا بتفاهم معاهو

… …
_شجون اتخلعت و خافت

… ...لكن بس ما عارفة.

……
_قلت ليك اديني الرقم و اطلعي منها

… …
_طيب برسلو ليك في رسالة

…...
_طيب تمام

… ...شجون رسلت ليهو الرقم و قعدت متوترة و خايفة

… …
_جهاد وصل البيت و قعد مع ناس البيت و كلمهم بالحاصل

… …
_امو فرحت جدا قالت ليهو اخيرا يا جهاد عايز تفرحني

…. ..
_ابوهو و اخوهو الكبير قالو ليهو نحن مستعدين من الالف للياء

… …
_قال ليهم بس خلاص خلوني اتصل بي ابوها اول و احدد معاهو معاد

… ….
_خلاص تمام

… ..

*********
_معقول يا معتصم ؟؟

و ليه ما كلمتني من البداية ؟؟ Crying or Very sad

انا اخر زول يعرف انو شجون جاين يخطبوها الجمعة الجاية ؟؟

……
_يا نجاة افهمي البت معاندة و انا ما عندي حل غير اني اضغط عليها

… …
_كيف رافضة ؟؟ مالها ؟؟

….
_ما بعرف انا ما بجبرها بس بضغط عليها عشان توافق انتي كدي حاولي معاها و شوفي فهمها شنو

… ..
_طيب انا بشوف الحاصل شنو

… ..
_تلفون معتصم رن… …
_نجاة مشت لي شجون في غرفتها و بدأت تجرجر فيها و تسالها ليه رافضة معاذ

… …
_قالت ليها يا امي أولا الزول دا جنو بنات و عندو صحبات كتار

و دي اول حاجة انا مضايقاني منو و بعدين هو شايف انو بي قروشو ممكن يعمل العايزو

و غير دا كلو حاسة بيهو كانو بجبرني عليه

و انا اصلا ما قدرت احبو قدر ما حاولت حتي اعطف عليهو بس ما قدرت

… ….
_يابتي لكن لي متين حتقعدي ؟؟

……
_يا امي منو القال انا حاقعد في زول تاني و انا عايزاهو بس ابوي ما عايز يسمعني confused

… …

تم الإرسال من خلال التطبيق Topic'it

#شجون_الحب15
بقلمي : رانية محمد أحمد

********
_منو معاي ؟؟

….
_انا جهاد سليمان حسن كنت زميل شجون في الشركة

… …
_اهلا وسهلا

… …
_كنت عايز اخد منك موعد عشان اجي ازوركم في البيت عشان تتعرفو بالاسرة

… ….
_ما فهمتك ؟؟

……
_اقصد يعني اتقدم لي شجون بنتك

… …
_يا زول انت منو و شجون عرفتك من وين و اصلك و فلصك انا ما بعرفك

… …
_ايوة يا عمي ما بتعرفني لكن حتعرفني ان شاء الله

… …
_يا زول شجون دي مخطوبة ما كلمتك انها مخطوبة ؟؟

…..
_ابدا والله ما كلمتني

… …
_لالا مخطوبة لي واحد بنعرفو و مننا و فينا السلام عليكم و قفل الخط

… …
_جهاد اتصدم من كلام معتصم ابو شجون وحس بي احباط مبالغ فيهو Crying or Very sad

… …
_اتصل بي شجون بس ما قدرت ترد لانو امها كانت قاعدة معاها

… …
_شادن جاتهم داخلة قالت ليهم شنو يا جماعة الليلة كلامكم كلو وسوسة ابوي قبيل مسك شجون في الغرفة البي غادي و اسي انتي يا امي الحاصل شنو ان شاء الله خير ولا انا خلاص بقيت ما من ناس البيت دا

… …
_امها قالت ليها الجمعة شجون جاين يخطبوها

…. …
_هي ماشاء الله تبارك الله ربنا يتمم علي خير ان شاء الله و الله فرحت ليك من قلبي

… …
_بس انا ما موافقة

… …
_لييه ؟؟ مالك يا شجون ؟؟ و العريس دا من وين أصلا ؟؟

……
_بداو يحكو ليها الحاصل …..
_.و انتي يا شجون ليه رافضاهو إذا وضعو كويس و ابوي بعرفو ؟

…..
_شادن انا ما عايزاهو فهمتيني ؟؟

انا حاتزوجو و لا حاتزوج وضعو و عرفتو لي ابوي ؟؟

……
_يا زولة كدي استخيري و كلو لي خير

… …
_شادن و نجاة مرقو من شجون و خلوها براها… ...شجون طوالي رفعت التلفرن و اتصلت بي جهاد.

……
_حكي ليها جهاد كلام ابوها بالضبط

… …
_شجون بدات تبكي و دموعها عشرة عشرة

… …
قال ليها والله لو في بينا قسمة ماف شيء بقيف في طريقنا بس لو ما كان في قسمة ما بنتلاقى تاني

…. ...انا بس عايز منك حاجة واحدة اقيفي معاي و اصبري عشان نتلاقى

… …
_ان شاء الله ربنا يسهل بس انت ما تخذلني

… …
_لا لا انا اصلا ما حاخذلك ولا حاخليك مهما حصل

… ….
_شجون كلام جهاد طمنها شوية

… ...جهاد عايزة أسألك سؤال

… …
_اها شنو ؟؟

اسألي

……
_انت ليه حبيتني انا ؟؟

مش كان قدامك بنات الشركة الحمراء و الصفرا و اشكال الوان

… …
_القلب و ما يريد ما عارف بس حبيتك انتي.

……
_ليه ؟؟

…….
_والله ما عارف صراحة ما انا الاخترتك

… …
_شجون اتخلعت

… ..كيف يعني منو الاختارني ؟؟

…….
_اختارك قلبي

…….
_انا بحبك I love you

… ….
_يا سلااام ياخ و انا كمان بحبك الله يلاقينا

… …
_ انت شنو قصتك مع نتلاقى دي ؟؟ ياخ يمكن نتلاقى في اي شارع حتى لو ما اتلمينا

…. قول ربنا يلمنا

_انتي فاهمة كلمة تلاقي غلط بالمناسبة

……
_ كيف يعني شنو مثلا ؟؟

_ ما اسي …..بعد نتلاقي بوريك معناها الحقيقي

*******
شادن بعد وصلت بيتها قالت لي يوسف…. .طبعا يا يوسف لازم تجيب لي توب جديد و شبشب

… …
_ليه الجد شنو ؟؟

……
_شجون اختي جاين يخطبوها الجمعة الجاية

…....
_عليك الله؟؟؟

و دا منو دا الجاي يخطبها دا ؟؟

……
_واحد ماشاء الله وزنو تقيل عندو شركة ادوية

… …
_و اها و ابوك وافق عليهو ؟؟

معقول طوالي كدا ابوك وافق ؟؟

……
_هي هو جاي من طرف ابوي زاااتو كيف ما يوافق

……
_معقول ؟؟ و اها وشجون عايزاهو ؟؟

…….
_دي المشكلة شجون رافضة ما بعرف ليه و طلعت فيهو مليون عيب و ابوي مصر

… …..
_طيب ليه لكن ابوك ما مفروض يجبرها علي حاجة هي ما عايزاها

و يخليها بي راحتها و الله ابوك بالغ في دي و بعدين الحالة ابوك دكتور جامعي

يعني دا تصرف ما تصرف زول واعي

… ….
_شادن احتارت في الدفاع المستميت البدافعو يوسف لي شجون

. ……
_الموضوع دا كلو في الاخر قسمة ما في زول بقدر يحدد البحصل شنو

… …
_لالا والله ابوك في دي بالغ عديل

… …
_قدر ما شادن تقفلو يعيد ليها الكلام لمن نامو

… ….
_يوسف حقيقة كان قافلة معاهو بي سبب موضوع شجون دا و كان بتجيهو ذكريات قديمة و بتذكر شجون الشافها اول ما رجعت من الخرطوم

… … .. اتذكر امو لما جاتو قالت ليهو… ...شجون شنو يا يوسف الزرقاء دي ؟؟

شادن حلاتة والله

… ….فعلا والله يا امي زي ما قلتي شادن أحلى بس

… …بري بري شجون دي اصلي ما عجبتني

… ..يوسف فعلا باري كلام امو رغم انو طول السنين دي عايش بي حب شجون بي نفس الطريقة الكانت عايشة بيها شجون رغم انو عرف بنات بس كانت شجون في قمة القائمة

… ...بس لما رجع و شاف اختها ضرب بي سنين الحب دي كلها عرض الحائط و بدات اسي تنهش في قلبو و متضايق من الخسارة دي

… …

*******
_انت يا جهاد اسمعني هنا انا شايف انو الناس ديل نمشي ليهم في بلدهم ديك و نقعد مع ابوها عديل بنجضو ليك الكلام دا

… …
_طيب كويس يا جابراخوي ادوني فرصة اسبوع كدا و نمشي ليهم

… …
_هي سفرة يوم واحد بس يا جهاد انا بالعربية بوديكم و اجيبكم

… …
_طيب ربنا يسهل انا بادي شغل جديد ما ممكن أغيب الا نمشي يوم جمعة ولا كدا

… …
_طيب خلاص الجمعة الجاية علينا دي

… …
_جهاد نط لالا يا جماعة ما دي خلونا نمشي البعدها

… …
_اخوهو الكبير قال ليهو انا راجع ابو ظبي احسن تسرع في موضوعك دا قبل ارجع

…….
_طيب ان شاء الله ربنا يسهل الجمعة البعد الجاية دي

… …
_طيب خير خلاص ربنا يسهل… ....

*******
كل البيت بدا يجهز لي الخطوبة الموعودة الا شجون اصلا ما مستعدة و ما عايزاها و اتصلت علي معاذ و رسلت ليهو بس مابرد

… …
_اخر مرة اتصلت بيهو رد عليها بي ضيق

… ..
_شنو يا معاذ ياخ انا بتصل من متين ؟؟ confused

……
_معليش التلفون بعيد

… ..
_عايزة اقول ليك انو

… ..
_عارف يا شجون انك ما موافقة على عرضي

و ما مشكلة يا زولة

بس ابوك ما قال كدا فما من الرجالة اني ما اجي في الموعد

لازم اصل البيت و انتي ترفضي حتي انا اقدر اخلي الموضوع

لكن ما تفكري اني ممكن اتصل بي ابوك اقول ليهو خلاص يا عمي ما جاي و أنسى الفكرة

… ....
_شجون قنعت و قالت ليهو خير خير طيب

…. ..شجون بقت ما عندها حل غير الانتظار و الترقب

… …

*******
_في اليوم الموعود شجون كانت متضايقة جدا و خايفة و ما عارفة تتصرف كيف

… …
_فعلا المساء وصلو ناس معاذ و اهلو و ابوها استقبلهم و معاهو سامي و يوسف و شادن و امها يتجارو بي جاي و بي جاي …..
_بعدها جات ام معاذ داخلة و سلمت علي شجون و شادن و نجاة

… ...قعدت جنب شجون و قالت ليها ماشاء الله ربنا يحفظ

…...والله مما معاذ ولدي كلمني قلت ليهو زيييين ما اخترت شجون دي انا بعتبرها زي مروة بتي واحد

…….والله يا شجون يابتي فكرت فيك لي معاذ قبل هو يفكر فيك زاتو

… …
_شجون فجاة بقت تبكي

… …
_مالك يابتي ؟؟

_سكتت ساي

… ...شجون اتشجعت و حست انو دي اللحظة المناسبة انها تنقذ مصيرها و تغير حياتها و الضغط الهي فيهو

… ..طوالي رفعت عينها و قالت ليها صراحة يا خالتو….. انا كمان معتبراك زي امي و مروة اختي الصغيرة و كمان معاذ زي اخوي سامي و صراحة انا ما معتبرة معاذ اكتر من اخ بس هو شكلو فهم الاخوة البينا دي غلط

……

تم الإرسال من خلال التطبيق Topic'it

ﻣﻮﺍﺿﻴﻊ ﺫﺍﺕ ﺻﻠﺔ