ﺍﻟﺒﻔﻮﺗﻨﺎ ﻭﻳﻤﺸﻲ ﻏﺎﺩﻱ
ﻣﺎ ﺑﻨﻜﻮﺱ ﻟﻲ ﻗﺮﺑﻮ ﺧﻄﻮﻩ
ﻭﺍﻟﺒﺠﻴﻨﺎ ﻳﺰﻭﺭﻧﺎ ﻋﺎﺩﻱ
ﺑﻠﻘﻲ ﻓﻴﻨﺎ ﻣﺤﻨﻪ ﺣﻠﻮﻩ
ﺍﻟﻤﻌﺎﻧﺎ ﺑﻨﺒﻘﻲ ﺟﻨﺒﻮ
ﻣﺎ ﺑﻨﻔﺘﺶ ﺯﻭﻝ ﻧﻜﻮﺳﻮ
ﻭﺍﻟﺒﻜﻮﺳﻨﺎ ﺑﻨﺒﻘﻲ ﺷﻮﻓﻮ
ﻣﺎ ﺑﻨﻬﻤﺶ ﺯﻭﻝ ﻧﺪﻭﺳﻮ
ﺍﻟﻒ ﻣﺮﺣﺐ ﺑﺎﻟﺒﺠﻴﻨﺎ
ﺩﺍﺭﻧﺎ ﻣﻔﺘﻮﺡ ﻟﻲ ﺟﻠﻮﺳﻮ
ﻧﻜﺮﻡ ﺍﻟﻨﺎﺱ ﺯﻱ ﻋﻴﻮﻧﺎ
ﻭﺩﺍﺭﻧﺎ ﺑﻲ ﻃﻴﺒﺘﻨﺎ ﻋﺎﻣﺮ
ﻛﻞ ﺯﻭﻝ ﻧﻬﺪﻳﻬﻮ ﺭﻳﺪﻩ
ﻭﻣﺎ ﺑﻨﺨﻴﺮ ﺯﻭﻝ ﻧﺠﺎﻣﻞ
ﻭﺍﻟﺒﻘﺪﺭ ﺭﻳﺪﻧﺎ ﻟﻴﻬﻮ
ﻳﺒﻘﻲ ﻧﺎﻫﻲ ﻭﻓﻴﻨﺎ ﺍﻣﺮ
ﺍﻟﺒﺠﻴﻚ ﻣﻦ ﻧﻔﺴﻮ ﺍﻫﻼ
ﻭﺍﻟﺒﺴﻴﺒﻚ ﻓﺎﺭﻗﻮ ﺳﻴﺒﻮ
ﻭﺍﻟﺒﻔﻮﺕ ﻣﻦ ﻧﻔﺴﻮ ﻭﻓﺮ
ﻭﺍﻟﻠﻪ ﻳﻌﺪﻝ ﻟﻴﻬﻮ ﻃﺮﻳﻘﻮ
ﻭﺍﻟﺒﺸﻴﻠﻚ ﻓﻲ ﻋﻴﻮﻧﻮ
ﺍﻟﻘﻠﺐ ﺩﺍﺭﻭ ﻭﺭﺣﻴﺒﻮ