ﺻﺪﻕ ﺍﻟﻘﺎﻝ ﺟﺮﻭﺣﻚ ﻣﺎﺑﺘﻮﺟﻊ ﺯﻭﻝ
ﻭﺻﺪﻕ ﺍﻟﻘﺎﻝ ﻫﻤﻮﻣﻚ ﻟﻮﺷﻜﻴﺖ ﺑﺘﻄﻮﻝ
ﻣﺎﻛﻞ ﺍﻟﻜﻼﻡ ﺍﻟﺒﻨﻔﻌﻚ ﻣﻌﺴﻮﻝ
ﻭﻣﺎﻛﻞ ﺍﻟﺼﺪﺍﻉ ﺑﻴﻌﺎﻟﺠﻮ ﺍﻟﺒﻨﺪﻭﻝ
ﻭﻣﺎﻛﻞ ﺍﻟﺘﺮﻳﺪﻭ ﻣﺆﻛﺪ ﺇﻧﻮ ﺑﺮﻳﺪﻙ
ﻭﻣﺎﻛﻞ ﺍﻟﺒﻴﻀﺮﺏ ﻟﻴﻚ ﺑﻬﻤﻮ ﺟﺪﻳﺪﻙ
ﺍﻟﺮﻳﺪ ﺑﺎﻟﻐﺼﺐ ﻻﺑﻨﻔﻌﻚ ﻻﺑﻔﻴﺪﻙ
ﻭﺯﻭﻻ ﻣﺎﻫﻮ ﻟﻴﻚ ﺃﺧﺘﺎﻫﻮ ﻭﺃﺭﻓﻊ ﺇﻳﺪﻙ
ﻭﻣﺎﻛﻞ ﺍﻟﺒﻴﻀﺤﻚ ﻟﻴﻚ ﺗﺒﻘﻰ ﺣﺒﻴﺒﻮ
ﻭﻣﺎﻛﻞ ﺍﻟﺒﻴﻐﻠﻂ ﻣﺮﻩ ﺇﻧﺖ ﺗﺴﻴﺒﻮ
ﺍﻷﻳﺎﻡ ﻛﺘﻴﺮﻩ ﻭﻛﻞ ﺯﻭﻝ ﺑﺘﺼﻴﺒﻮ
ﻭﺍﻟﺮﺍﺟﻞ ﻣﻮﺍﻗﻒ ﻣﺎﺑﻴﻘﻴﻤﻮ ﺟﻴﺒﻮ
ﻭﻣﺎﻛﻞ ﺍﻟﺒﻘﺎﺑﻠﻚ ﺑﻲ ﺑﺸﺎﺷﻪ ﻳﻐﺮﻙ
ﻭﻣﺎﻛﻞ ﺍﻟﺒﺼﺎﺣﺒﻚ ﺗﺪﻳﻬﻮ ﺣﺎﻻ ﺳﺮﻙ
ﺍﻟﻠﻴﻠﻪ ﺍﻟﺒﻴﻀﺤﻚ ﻟﻴﻚ ﻭﻳﻘﺎﺳﻤﻚ ﻣﺮﻙ
ﺑﺎﻛﺮ ﻳﺎﻫﻮ ﺯﺍﺗﻮ ﺍﻟﻔﻲ ﺍﻟﻨﻬﺎﻳﻪ ﺑﻴﻀﺮﻙ
ﻭﻣﺎﻛﻞ ﺍﻟﺒﻤﺪ ﺇﻳﺪﻳﻬﻮ ﻗﺎﺻﺪ ﻳﺴﻠﻢ
ﻭﻣﺎﻛﻞ ﺍﻟﻤﺴﻚ ﻗﻠﻤﻮ ﻭﻛﺘﺎﺏ ﻣﺘﻌﻠﻢ
ﻣﺎﺗﺠﺮﺡ ﻣﺸﺎﻋﺮ ﺍﻟﻨﺎﺱ ﻭﻟﻴﻬﺎ ﺗﺄﻟﻢ
ﻭﻓﻜﺮ ﻓﻲ ﺍﻟﺤﺴﺎﺏ ﻳﻮﻡ ﻗﺒﺮﻙ ﻳﺒﻘﻰ ﻣﻀﻠﻢ
ﻭﻣﺎﻛﻞ ﺍﻟﺒﺘﺤﻠﻢ ﺑﻴﻬﻮ ﺩﺍﻳﻤﺎ ﺳﺎﺍﺍﺍﻫﻞ
ﻭﻣﺎﻛﻞ ﺍﻟﺒﻘﻮﻟﻮ ﺍﻟﻨﺎﺱ ﺣﻘﻴﻘﻪ ﻭﺣﺎﺻﻞ
ﻣﺎﺗﺼﺪﻕ ﻛﻼﻡ ﺍﻟﻨﺎﺱ ﻭﺩﻳﻤﻪ ﺗﺠﺎﻣﻞ
ﻭﻟﻮ ﺟﻨﻮ ﺍﻟﺨﻠﻮﻕ ﺧﻠﻴﻚ ﺑﺮﺍﻙ ﺍﻟﻌﺎﻗﻞ