ﺷﺮﺩﻥ
ﺑﻨﻴﺎﺕ ﺍﻟﻔﺮﺡ
ﺗﺒﻌﻦ ﺧﻄﺎﻙ ﻓﻲ ﺳﻜﺔ ﺍﻟﺮﻳﺪﺓ ﺍﻟﻤﺒﺎﺡ
ﻻﺣﻦ ﻧﺠﻮﻣﻚ ﺑﺎﻟﻀﻬﺮ
ﻭﺍﻟﻘﻤﺮﺓ ﻣﺮﻗﺖ ﻓﻲ ﺍﻟﺼﺒﺎﺡ
ﺍﻟﻔﺠﺔ ﻣﺎ ﻛﺎﻧﺖ ﺿﻼﻡ
ﺍﻟﻠﻴﻞ ﺑﻮﻧﺲ ﻓﻲ ﺍﻟﺠﺮﺍﺡ
ﺷﻤﺲ ﺍﻷﻣﻞ ﻣﺸﺮﻭﺭﺓ ﻓﻮﻕ ﻗﻴﻒ ﺍﻟﺤﺰﻥ
ﺑﺘﻘﺎﻟﺪ ﺍﻻﺭﺗﻴﻖ ﻧﻮﺍﺡ
ﻭﺍﻧﺎ ﺟﻮﺓ ﻗﺒﺮ ﺍﻟﻬﻢ ﺑﺼﺎﺭﻉ ﻓﻲ ﺍﻟﺤﻴﺎﺓ
ﻭﺍﺗﺬﻛﺮ ﺍﻟﻌﻤﺮ ﺍﻟﻠﻲ ﺭﺍﺡ
ﺟﻦ ﺍﻟﺴﻨﻴﻦ ﻭﺍﻟﺬﻛﺮﻯ ﻣﺘﺴﺎﺑﻘﺎﺕ ﻋﻠﻲ
ﺷﺎﻳﻼﺕ ﻋﻘﺎﺏ ﺩﻣﻲ ﺍﻟﻤﺒﺎﺡ
ﻭﺍﻟﻔﺎﺗﺤﺔ ﻓﻲ ﺭﻭﺡ ﺍﻟﻐﺮﺍﻡ
ﺻﻴﻮﺍﻥ ﻋﺰﺍﻱ ﺷﻘﺎ ﻣﺴﺎﻣﻲ ﺑﺎﻟﻨﻮﺍﺡ
ﺍﻩ ﻳﺎ ﺯﻣﻦ ﻣﺎﻟﻚ ﻋﻠﻲ
ﺭﺍﻭﻳﻨﻲ ﻣﻦ ﻧﺒﻊ ﺍﻟﺠﺮﺍﺡ
ﺳﺘﻔﺘﺎ ﺍﺣﺴﺎﺳﻲ ﺑﻜﺎ
ﻣﺤﺮﻭﻕ ﺣﺸﺎﻳﺎ ﻭﻫﻤﻲ ﻓﺎﺡ
ﻣﺎ ﺩﺍ ﺍﻟﻤﺼﻴﺮ ﺍﻟﻜﻨﺘﺎ ﺑﺘﻤﻨﺎﻩ ﻭﻃﻦ
ﺳﺎﻋﺔ ﺍﻟﺨﻴﺎﺭﺍﺕ ﻛﻠﻬﺎ ﺻﺎﺡ
ﻭﺍﻧﺎ ﻛﻴﻒ ﺍﻛﻀﺐ ﺭﻳﺪﺗﻲ ﻟﻴﻚ
ﻣﺎ ﻭﺍﺿﺤﺔ ﺫﻱ ﺷﻤﺲ ﺍﻟﺼﺒﺎﺡ
ﻫﻮ ﺍﻟﻨﺎﺱ ﺑﺮﻳﺤﻮ ﺯﻭﻝ ﺩﺣﻴﻦ
ﻣﺎ ﻛﻞ ﺯﻭﻝ ﻣﻤﻜﻮﻥ ﻭﺻﺎﺑﺮ ﻋﻠﻲ ﺍﻟﺠﺮﺍﺡ
ﻭﺍﻧﺎ ﺷﺎﻳﻔﺔ ﺻﻮﺭﺗﻚ ﻓﻲ ﺍﻟﺨﻠﻖ
ﺍﺑﺮﻳﻖ ﻭﺳﺒﺤﺔ ﻭﻧﺎﺱ ﻏﺒﺶ
ﺩﺭﻭﻳﺸﺔ ﻓﻲ ﺣﻠﻘﺔ ﻫﻮﺍﻙ
ﻻﺑﺴﺎﻫﻮ ﺗﻮﺏ ﺭﻳﺪﻙ ﺳﻤﺎﺡ
ﻭﺍﻧﺎ ﻣﺎﺭﻗﺔ ﻣﻦ ﻧﻔﺲ ﺍﻟﺒﻴﻮﺕ
ﺟﺎﻳﺎﻙ ﻣﻦ ﺍﺧﺮ ﺍﻟﻌﺸﻢ
ﻣﺘﻮﻛﻴﺎﻙ ﻟﻲ ﺍﻟﺴﻨﺪ
ﺳﺎﻋﺔ ﺗﻬﺐ ﺭﻳﺢ ﺍﻟﻨﻮﺍﺡ
ﺍﻧﺪﺳﺎ ﻓﻴﻚ ﺃﻧﺎ ﻳﺎ ﻭﻟﺪ
ﻭﺍﺗﻐﻄﻲ ﺑﺬﺍﺗﻚ ﻭﺷﺎﺡ
Somia A Abdalla