ﺑﺘﺒﺪﻝ ﻣﻊ ﺍﻻﻳﺎﻡ



ـــــ
ﺑﺘﺘﺒﺪﻝ ﻣﻊ ﺍﻷﻳﺎﻡ
ﺣﺮﺍﻡ ﻳﺎ ﻏﺎﻟﻰ ﺗﺘﻨﻜﺮ
ﻭﻧﺘﻘﺎﺑﻞ ﺑﺪﻭﻥ ﻛﻠﻤﺎﺕ
ﻭﻻ ﻟﻤﺴﺔ ﺣﻨﺎﻥ ﺗﺴﺄﻝ
ﺭﺑﻴﻌﻰ ﺟﻔﺖ ﺍﺯﻫﺎﺭﻭ
ﺟﻔﻨﻰ ﺍﻟﻠﻴﻠﻪ ﺍﺗﺒﻠﻞ
ﻧﺴﻴﺘﻨﺎ ﺧﻼﺹ
ﺑﻨﻨﺴﺎﻙ ﻳﻮﻡ ﺍﺗﺬﻛﺮ
ﺗﺤﺎﻭﻝ ﺗﺴﺘﻌﻴﺪ ﻋﺸﻚ
ﺗﻠﻘﻲ ﺍﻟﻠﻴﻞ ﻋﻠﻴﻚ ﻳﺴﻬﺮ
ﻭﻳﺎﻣﺎ ﺍﻟﻠﻴﻞ ﻳﻄﻮﻝ ﺑﻴﻚ
ﻋﻠﻲ ﺍﻟﻀﻴﻌﺘﻮ ﺗﺘﺤﺴﺮ
ﺣﺮﺍﻡ ﻳﺎ ﻏﺎﻟﻰ ﺗﺘﻨﻜﺮ
ﻣﺼﻴﺮﻙ ﺑﻜﺮﻩ ﺗﻄﺮﺍﻧﺎ
ﻭﻣﺼﻴﺮﻭﺍ ﺯﻣﺎﻧﻚ ﻳﺘﻐﻴﺮ
ﺗﺠﻴﻨﻲ ﻭﻳﺤﻀﻨﻚ ﻗﻠﺒﻰ
ﺍﻗﻮﻝ ﻣﺎ ﻛﻨﺘﺎ ﺗﺘﻨﻜﺮ
ﻭﺩﻣﻮﻉ ﺍﻟﺤﺴﺮﻩ ﻟﻮ ﺑﺘﺠﻴﺐ
ﺍﻟﻀﻴﻌﺘﻮ ﻛﺎﻥ ﺍﻛﺘﺮ
ﺣﺮﺍﻡ ﻳﺎ ﻏﺎﻟﻰ ﺗﺘﻨﻜﺮ

ﺩﻧﻴﺎ ﺍﻟﻤﺤﺒﺔ



~ ~ ~
ﻓﻲ ﺑﻌﺪﻙ ﻳﺎ ﻏﺎﻟﻲ ﺃﺿﻨﺎﻧﻲ ﺍﻷﻟﻢ
ﻭﻋﺸﺖ ﻣﻊ ﺍﻟﻠﻴﺎﻟﻲ ﻻ ﺣﺐ ﻻ ﻧﻐﻢ
ﻭﻳﻦ ﻳﺎ ﻧﻮﺭ ﻋﻴﻮﻧﻲ ﻛﻢ ﻃﻮﻟﻨﺎ ﻛﻢ
*
ﻣﻦ ﻟﻤﺴﺎﺕ ﺣﻨﺎﻧﻚ ﺧﻼﺹ ﺗﻤﻴﻨﺎ ﺩﻭﺭ
ﺃﻳﺎﻡ ﻣﺮﺓ ﺧﺎﻟﻴﺔ ﻣﻦ ﻃﻌﻢ ﺍﻟﺴﺮﻭﺭ
ﻛﻞ ﻣﺎ ﻏﻨﻰ ﺷﺎﺩﻱ ﺩﻭﺑﻨﻲ ﺍﻟﺸﻌﻮﺭ
ﻭﺃﻗﻮﻝ ﻳﺎ ﺭﻳﺖ ﺣﺒﻴﺐ ﻟﻮ ﻓﻲ ﺍﻟﻄﻴﻒ ﻳﺰﻭﺭ
*
ﻟﻮ ﻛﺎﻥ ﺍﻟﺘﻤﻨﻲ ﺑﻴﻨﻔﻊ ﻛﻞ ﺣﺒﻴﺐ
ﻣﺎ ﻛﺎﻥ ﺍﻟﺴﻌﺎﺩﺓ ﺑﻘﺖ ﻗﺴﻤﺔ ﻭﻧﺼﻴﺐ
ﻭﻻ ﻗﻠﻮﺑﻨﺎ ﺍﻟﺤﻴﺎﺭﻯ ﻣﻊ ﺍﻻﻳﺎﻡ ﺗﺸﻴﺐ
ﻭﻻ ﻋﺎﺵ ﻗﻠﺒﻲ ﺗﺎﻳﻪ ﻓﻲ ﺣﺒﻚ ﻏﺮﻳﺐ
*
ﻻ ﺗﺴﺄﻝ ﻣﺸﺎﻋﺮﻙ ﻟﻴﻪ ﻋﻴﻨﻲ ﺑﻜﻦ
ﻳﻮﻡ ﻭﺩﻋﻨﻲ ﺣﺴﻨﻚ ﻭﻻﺯﻣﻨﻲ ﺍﻟﺸﺠﻦ
ﺑﺎﻛﺮ ﻳﺎ ﺣﺒﻴﺒﻲ ﻳﻌﻠﻤﻚ ﺍﻟﺰﻣﻦ
ﻟﻴﻪ ﺩﻧﻴﺎ ﺍﻟﻤﺤﺒﺔ ﻟﻠﻌﺸﺎﻕ ﻭﻃﻦ

ﻟﻮﺍﺣﺒﻚ
----
ﻟﻮ ﺃﺣﺒﻚ ﺃﻧﺎ ﺍﻟﻌﻤﺮ ﻛﻠﻮ
ﺑﺮﺿﻮ ﺷﺎﻋﺮ ﻣﺎ ﻛﻔﺎﻧﻲ
ﺍﻧﺖ ﻓﺎﻛﺮ ﻟﻠﻌﻮﺍﻃﻒ
ﻇﺎﻫﺮﺓ ﻓﻲ ﺭﻭﺣﻲ ﻭﻛﻴﺎﻧﻲ
ﻭﺍﻟﻤﺤﺒﺔ ﺍﻟﺒﻴﻦ ﺿﻠﻮﻋﻲ
ﺧﺎﻟﺪﺓ ﺑﺮﻭﻳﻬﺎ ﺑﺤﻨﺎﻧﻲ
ﺇﻥ ﻣﺴﺎﻫﺮ ﺑﺎﻟﻲ ﻓﻴﻬﺎ
ﻭﺍﻥ ﻧﺴﻴﺖ ﻛﺎﻧﺖ ﺃﻣﺎﻧﻲ
ﻣﺸﺘﺮﻳﻬﺎ ﺑﻲ ﺷﺒﺎﺑﻲ
ﻭﺍﻟﺸﺒﺎﺏ ﻣﺎ ﺑﺠﻴﻨﻲ ﺗﺎﻧﻲ
*
ﺑﻴﻦ ﺷﻔﺎﻳﻔﻚ ﺍﺑﺘﺴﺎﻣﺔ
ﺯﻱ ﻗﻤﺮ ﺿﻮﺍ ﻓﻲ ﺣﻴﺎﺗﻲ
ﻭﻛﻞ ﺑﺴﻤﺔ ﺑﺘﺰﻳﺪ ﺷﺠﻮﻧﻲ
ﻭﻣﺎ ﻓﻲ ﺯﻭﻝ ﻳﺮﺣﻢ ﺷﺘﺎﺗﻲ
ﻟﻤﺎ ﺗﺤﻜﻲ ﺍﻟﺸﻮﻕ ﻋﻴﻨﻴﺎ
ﺃﻭ ﺗﻌﺎﺗﺒﻚ ﺍﻏﻨﻴﺎﺗﻲ
ﻛﻠﻤﺔ ﺣﻠﻮﺓ ﻣﻦ ﻟﺴﺎﻧﻲ
ﻓﻴﻬﺎ ﺃﺟﻤﻞ ﺫﻛﺮﻳﺎﺗﻲ
ﺑﺲ ﺑﻨﻈﺮﺓ ﺑﺘﺮﺩ ﻋﻠﻴﺎ
ﻭﻣﻦ ﺑﻌﻴﺪ ﺗﻠﻬﻢ ﺳﻜﺎﺗﻲ
*
ﻛﻦ ﻣﺠﺎﻣﻞ ﻳﺎ ﺣﺒﻴﺒﻲ
ﻭﻳﻜﻔﻲ ﺍﻧﻚ ﺗﺼﻄﻔﻴﻨﻲ
ﻋﺸّﻲ ﺧﺎﻭﻱ ﺑﺎﻟﻠﻴﺎﻟﻲ
ﻭﺍﻟﻨﻬﺎﺭ ﺑﺸﻬﺪ ﺍﻧﻴﻨﻲ
ﺍﻟﻀﻼﻡ ﺑﻜﺘﺐ ﻋﻠﻴﻬﻮ
ﺑﻲ ﺣﺮﻭﻑ ﺍﻟﻨﻮﺭ ﺣﻨﻴﻨﻲ
ﻭﺍﻟﻨﺠﻮﻡ ﺗﺸﻬﺪ ﺿﻨﺎﻳﺎ
ﻭﺗﻘﺮﺍ ﻓﻴﻚ ﻟﻤﺤﺔ ﺿﻨﻴﻨﻲ
ﻣﺘﻴﻦ ﺗﻌﻮﺩ ﺃﻳﺎﻡ ﻫﻨﺎﻳﺎ
ﻭﺗﺎﻧﻲ ﺗﺮﺟﻊ ﺗﺼﻄﻔﻴﻨﻲ

ﺣﻨﻴﻦ ﻳﺎﻟﻴﻞ
-----
ﺣﻨـــﻴﻦ ﻳﺎ ﻟﻴﻞ .
ﻳﺎ ﺳﺎﺗﺮ ﻋﻴﻮﻥ ﺍﻟﻨﺎﺱ
ﺃﻫﻢ ﻓﻴﻚ ﻭ ﺃﻧﺎﺟﻴﻚ
ﻭﺃﺳﺎﻓﺮ ﻓﻲ ﺑﺤﻮﺭﻙ ﺩﻳﻚ
ﻻ ﺑﺘﻌﺐ ﻣﻦ ﺍﻹﺳﻔﺎﺭ
ﻭﻻ ﺑﻐﺸﺎﻧﻲ ﻣﺮﻭ ﻧﻌﺎﺱ
ﻷﺗﻲ ﺑﻐﺎﺯﻝ ﺍﻟﻨﺠﻤﺔ
ﻏﺰﻝ ﺑﻘﻮﺍﻓﻲ ﻣﻨﺴﺠﻤﺔ
ﻭﺣﺠﻮﺓ ﺑﺼﻮﺭﺓ ﻣﻨﺘﻄﻤﺔ
ﻭﺑﻴﻬﺎ ﺃﺩﻏﺪﻍ ﺍﻹﺣﺴﺎﺱ
ﺣﻨـــﻴﻦ ﻳﺎ ﻟﻴﻞ ... ﻳﺎ
ﻳﺎ ﺳﺎﺗﺮ ﻋﻴﻮﻥ ﺍﻟﻨﺎﺱ
ﺑﺮﺍﻱ ﺳﻬﺮﺍﻥ ﻛﻤﺎﻥ ﺯﻳﻚ
ﺑﻼﻗﻲ ﻋﺰﺍﻱ ﻓﻲ ﺭﻳﺪﻙ
ﺍﻗﺎﻟﺪ ﻓﻲ ﺍﻟﻨﺠﻮﻡ ﻭﺣﺪﻱ
ﻭﺃﻏﻨﻲ ﻳﺎ ﻟﻴﻞ ﻣﻮﺍﻭﻳﻞ
ﺃﺻﺎﺭﻉ ﺍﻟﻤﻮﺝ ﻭﺍﻟﺘﻴﺎﺭ
ﺃﻏﺎﻟﺐ ﺍﻟﺪﻣﻌﺔ ﻣﺎ ﺗﻨﻬﺎﺭ
ﺃﺳِــــﺮ ﺍﻟﺒﺴﻤﺔ ﻋﺸﺎﻥ
ﺗﻀﻮﻱ ﻟﻲ ﻓﻲ ﺍﻟﻤﺸـﻮﺍﺭ
ﺣﻨـــــــــــــــــﻴﻦ ﻳﺎ ﻟﻴﻞ
ﻳﺎ ﺣﻨــــــــــــﻴِـــــﻦ
ﻳﺎ ﺳﺎﺗﺮ ﻋﻴﻮﻥ ﺍﻟﻨـــــــﺎﺱ

ﻻﻫﻤﺎﻙ ﻋﺬﺍﺑﻨﺎ
+++
ﻛﻠﻤﺎﺕ : ﻳﻮﺳﻒ ﻣﺤﻤﺪ ﻳﻮﺳﻒ
ﺃﻟﺤﺎﻥ : ﺯﻳﺪﺍﻥ ﺇﺑﺮﺍﻫﻴﻢ
ﻻ ﻫﻤﺎﻙ ﻋﺬﺍﺑﻨﺎ
ﻻ ﺩﻣﻮﻋﻨﺎ ﻭﺷﻘﺎﻧﺎ
ﻧﻬﺪﻳﻚ ﺍﻟﻤﺸﺎﻋﺮ ﻭﺗﺨﻮﻥ ﺍﻷﻣﺎﻧﺔ
ﻋﺎﺭﻑ ﺭﻳﺪﻧﺎ ﻟﻴﻬﻮ ﻛﻢ ﻗﺎﺳﻴﻨﺎ ﻓﻴﻬﻮ
ﻟﻮ ﻏﺎﺏ ﻣﻦ ﻋﻴﻮﻧﺎ ﺩﻗﻴﻘﺔ ﺩﻗﻴﻘﺔ ﻧﺨﺎﻑ ﻋﻠﻴﻬﻮ
ﺃﺻﺒﺢ ﻟﻴﻨﺎ ﻣﺮﺳﻰ ﻧﺮﺗﺎﺡ ﻓﻲ ﻋﻴﻨﻴﻬﻮ
ﺗﻤﺸﻲ ﺗﺨﻮﻧﺎ ﺇﻧﺖ ﺗﻘﻮﻝ ﺗﺘﻬﻨﻰ ﺑﻴﻬﻮ
ﻓﻲ ﺳﺎﻋﺔ ﻏﻴﺎﺑﻚ ﻧﺴﺄﻝ ﻭﻳﻦ ﺗﻜﻮﻥ
ﻭﺳﺪﻧﺎﻙ ﺭﻣﻮﺷﻨﺎ ﻭﺷﻠﻨﺎﻙ ﻓﻲ ﺍﻟﻌﻴﻮﻥ
ﻛﻴﻒ ﻳﺮﺿﻴﻚ ﺿﻤﻴﺮﻙ ﺗﺘﻨﻜﺮ ﺗﺨﻮﻥ
ﺍﻟﻌﺸﺮﺓ ﺍﻟﻜﺎﻧﺖ ﺑﺒﺘﺤﺪﻯ ﺍﻟﻈﻨﻮﻥ
ﺳﺒﺘﺎ ﻣﺼﻴﺮﻧﺎ ﺿﺎﻳﻊ ﻣﺮﺳﺎﻩ ﺍﻟﻌﺪﻡ
ﻓﻲ ﺑﺤﻮﺭ ﺍﻟﺴﺮﺍﺏ ﺑﺎﻟﺪﻣﻌﺎﺕ ﻭﻫﻢ
ﻋﺸﺎﻥ ﺁﻣﺎﻟﻨﺎ ﻓﻴﻚ ﻗﻠﺒﻨﺎ ﻣﺎ ﻇﻠﻢ
ﺧﻼﺹ ﻋﺮﻑ ﺍﻟﺤﻘﻴﻘﺔ
ﻭﻣﺎ ﺑﻔﻴﺪ ﺍﻟﻨﺪﻡ
ﻻ ﻫﻤﺎﻙ ﻋﺬﺍﺑﻨﺎ
ﻻ ﺩﻣﻮﻋﻨﺎ ﻭﺷﻘﺎﻧﺎ
ﻧﻬﺪﻳﻚ ﺍﻟﻤﺸﺎﻋﺮ ﻭﺗﺨﻮﻥ ﺍﻷﻣﺎﻧﺔ

ﻟﻴﻪ ﻛﻞ ﺍﻟﻌﺬﺍﺏ
_
ﻛﻠﻤﺎﺕ : ﺍﻟﺘﺠﺎﻧﻲ ﺣﺎﺝ ﻣﻮﺳﻰ
ﻟﻴﻪ ﻛﻞ ﺍﻟﻌﺬﺍﺏ ﻟﻴﻪ ﻛﻞ ﺍﻷﻟﻢ
ﺑﺰﺭﻉ ﻓﻲ ﺍﻟﻤﺤﺒﺔ ﻭﺣﺼﺎﺩﻱ ﺍﻟﻌﺸﻢ
ﻟﻴﻪ ﻛﻞ ﺍﻟﻌﺬﺍﺏ ﻟﻴﻪ ﻛﻞ ﺍﻷﻟﻢ
ﻟﺴﻪ ﺍﻟﻔﺮﻗﺔ ﺣﺎﺻﻠﺔ ﻭﺑﻘﺎﺳﻲ ﺍﻷﻟﻢ
ﺍﻟﺪﺭﺏ ﺍﻟﻤﺸﻴﺘﻮ ﻣﺸﻴﺘﻮ ﻋﺸﺎﻧﻚ
ﻋﺬﺏ ﻭﺯﻳﺪ ﻋﺬﺍﺑﻚ ﻳﺎ ﺳﻠﻄﺎﻥ ﺯﻣﺎﻧﻚ
ﻋﺬﺏ ﻭﺯﻳﺪ ﻋﺬﺍﺑﻚ ﻳﺎ ﺟﺒﺎﺭ ﺯﻣﺎﻧﻚ
ﻛﻞ ﻣﺎ ﺃﺟﻴﻚ ﺩﺍﻧﻲ ﻛﺎﻳﺲ ﻟﻲ ﺣﻨﺎﻧﻚ
ﺗﺒﻌﺪ ﻣﻨﻲ ﺗﻘﺴﻰ ﻭﺗﺰﻳﺪ ﺍﻷﻟﻢ ﺃﻟﻢ
ﻟﻮ ﺗﻌﺮﻑ ﻳﺎ ﻇﺎﻟﻢ ﺑﺤﺒﻚ ﻗﺪﺭ ﺇﻳﻪ
ﺑﺤﺒﻚ ﻭﺍﻟﻠﻪ ﻋﺎﻟﻢ ﺩﻩ ﺣﺐ ﺍﺣﺘﺮﺕ ﻓﻴﻪ
ﺑﺤﺒﻚ ﺯﻱ ﻋﻴﻮﻧﻲ ﻭﻟﻮ ﺳﺄﻟﻮﻧﻲ ﻟﻴﻪ
ﻷﻧﻚ ﻓﻲ ﻋﻴﻮﻧﻲ ﻓﻲ ﻋﻴﻮﻧﻲ ﺍﻷﻟﻢ
ﻋﺬﺏ ﻓﻴﻨﻲ ﺑﺎﻟﻎ ﻭﺯﻳﺪ ﻣﻨﻮ ﺍﻟﻜﺘﻴﺮ
ﻟﻮ ﻳﺮﺿﻴﻚ ﺁﺫﺍﻱ ﻋﺬﺏ ﻳﺎ ﺃﻣﻴﺮ
ﻗﺎﻟﻮ ﺍﻟﺒﻬﻮﺍ ﺩﺍﻳﻤﺎً ﻳﺎﻣﺎ ﻳﺸﻮﻑ ﻛﺘﻴﺮ
ﻭﺷﻔﺖ ﻏﻼﻭﺗﻲ ﻋﻨﺪﻙ ﻭﺣﺒﻴﺖ ﺍﻷﻟﻢ
ﻟﻴﻪ ﻛﻞ ﺍﻟﻌﺬﺍﺏ ﻟﻴﻪ ﻛﻞ ﺍﻷﻟﻢ
ﺑﺰﺭﻉ ﻓﻲ ﺍﻟﻤﺤﺒﺔ ﻭﺣﺼﺎﺩﻱ ﺍﻟﻌﺸﻢ
ﻟﻴﻪ ﻛﻞ ﺍﻟﻌﺬﺍﺏ ﻟﻴﻪ ﻛﻞ ﺍﻷﻟﻢ
ﻟﺴﻪ ﺍﻟﻔﺮﻗﺔ ﺣﺎﺻﻠﺔ ﻭﺑﻘﺎﺳﻲ ﺍﻷﻟﻢ
ﻟﺴﻪ ﺍﻟﻔﺮﻗﺔ ﺣﺎﺻﻠﺔ ﻭﺑﻘﺎﺳﻲ ﺍﻷﻟﻢ
ﻟﺴﻪ ﺍﻟﻔﺮﻗﺔ ﺣﺎﺻﻠﺔ ﻭﺑﻘﺎﺳﻲ ﺍﻷﻟﻢ