ﺃﻫﻮ ﻛﺎﻥ ﺣﻠﻢ؟ !)
ﺑﺲ ﻗﻠﺒﻲ ﻣﻨﻚ ﻣﺎ ﺳﻠﻢ ..
ﺭﻏﻢ ﺍﻟﻤﺴﺎﻓﺎﺕ ﻭﺍﻟﻈﺮﻭﻑ .. ﻣﺸﺘﺎﻗﺔ ﻟﻴﻚ ﻭﺇﻧﺖ ﺍﻟﻤﻬﻢ ..
ﺧﻠﻴﻨﻲ ﺟﻮﺍﻙ ﺯﻱ ﺯﻣﺎﻥ .. ﺑﻴﻨﺎﺗﻨﺎ ﻣﺎ ﺍﻧﻘﻄﻊ ﺍﻟﻌﺸﻢ ..
ﻣﺤﺘﺎﺟﺔ ﺑﺎﻟﻚ ﻟﻲ ﻳﻄﻮﻝ .. ﺗﻬﻮﺍﻧﻲ ﻟﻜﻦ ﺑﻲ ﻓﻬﻢ ..
ﺍﻟﺒﻴﻨﻲ ﺑﻴﻨﻚ ﺳﺮ ﻧﺒﻴﻞ .. ﻭﺇﺣﺴﺎﺱ ﻋﻠﻰ ﺍﻟﻘﻠﺐ ﺍﺗﺮﺳﻢ ..
ﻭﺃﻧﺎ ﻣﻦ ﻋﺮﻓﺘﻚ ﻳﺎ ﺟﻤﻴﻞ .. ﻭﺩﻋﺖ ﺃﻃﻴﺎﻑ ﺍﻟﻮﻫﻢ ..
ﻭﺍﻟﻮﺍﻗﻊ ﺃﺻﺒﺢ ﺑﻴﻚ ﻧﻀﻴﺮ .. ﻭﺍﻟﺪﻧﻴﺎ ﻣﻮﺳﻴﻘﻰ ﻭﻧﻐﻢ ..
ﺑﺲ ﻛﻨﺖ ﻋﺎﺭﻓﻚ ﻃﻴﻒ ﺧﻴﺎﻝ .. ﻣﺮﺍﺕ ﺣﻠﻢ ﻣﺮﺍﺕ ﻋﻠﻢ ..
ﻭﺃﻧﺎ ﻗﻠﺒﻲ ﻣﻨﻚ ﻣﺎﺍﺍﺍﺍﺳﻠﻢ !
****
ﻗﺼﺔ ﻫﻮﺍﻙ ﻭﺍﻟﺬﻛﺮﻳﺎﺕ .. ﺳﺎﻗﻮﻧﻲ ﻟﻲ ﺣﺪ ﺍﻟﺠﻨﻮﻥ ..
ﻭﺑﻘﻴﺖ ﻣﻘﺴﻢ ﻛﻠﻮ ﻳﻮﻡ .. ﺑﻴﻦ ﺍﻟﻬﻮﺍﺟﺲ ﻭﺍﻟﻈﻨﻮﻥ ..
ﻳﺎ ﺍﻟﺒﻴﻚ ﺭﺑﻴﻊ ﻋﻤﺮﻱ ﺑﻴﻄﻮﻝ .. ﻳﻮﻡ ﻓﺮﻗﺘﻚ ﺷﻔﺖ ﺍﻟﻤﻨﻮﻥ ..
ﻏﺮﺩ ﻣﻌﺎﻙ ﻋﺼﻔﻮﺭ ﻫﻨﺎﻱ .. ﻟﻜﻦ ﻭﺭﺍﻙ ﻫﺠﺮ ﺍﻟﻐﺼﻮﻥ ..
ﻋﻠﻤﺘﻨﻲ ﺍﻟﺤﺐ ﻭﺍﻟﻬﻴﺎﻡ .. ﻭﻭﺭﻳﺘﻨﻲ ﻓﻲ ﺍﻟﺨﺬﻻﻥ ﻓﻨﻮﻥ ..
ﻭﺯﻱ ﻣﺎ ﺿﺤﻜﺖ ﻛﺘﻴﺮ ﻣﻌﺎﻙ .. ﺍﻟﻠﻴﻠﺔ ﺑﻜﻴﺖ ﺍﻟﻌﻴﻮﻥ ..
ﻭﺯﻱ ﻣﺎ ﻋﺮﻓﺖ ﺗﺴﻴﺐ ﻫﻮﺍﻱ .. ﺃﻧﺎ ﻏﻴﺮ ﻫﻮﺍﻙ ﺑﺒﻘﻰ ﻭﺑﻜﻮﻥ ..
ﻭﻟﻮ ﻫﺎﻧﺖ ﺍﻷﻳﺎﻡ ﻋﻠﻴﻚ .. ﺷﺨﺼﻚ ﻋﻠﻰ ﺧﺎﻃﺮﻱ ﺑﻴﻬﻮﻥ ..
ﺑﺲ ﻗﻠﺒﻲ ﻣﻨﻚ ﻣﺎﺍﺍﺍﺍﺍ ﺳﻠﻢ ..
*****
ﺟﺮﺣﻚ ﺑﻴﺘﺎﻭﺭ ﻓﻲ ﺣﺸﺎﻱ .. ﻻ ﺍﺭﺗﺤﺖ ﻣﻨﻮ ﻭﻻ ﺷﻔﻴﺖ ..
ﻭﺃﻧﺎ ﻳﻮﻡ ﻃﺮﻳﺖ ﺣﺒﻲ ﺍﻟﻜﺒﻴﺮ .. ﻣﻦ ﻏﻴﺮ ﺷﻌﻮﺭ ﻧُﺤﺖ ﻭﺑﻜﻴﺖ ..
ﺧﺎﻃﺮﻱ ﺍﻟﻜﺴﻴﺮ ﻳﻮﻡ ﻣﺎ ﺍﻧﺠﺒﺮ .. . ﻻﻗﺪﺭﺕ ﺃﻃﺮﻯ ﻭﻻ ﻧﺴﻴﺖ ..
ﺣﺎﻭﻟﺖ ﻳﺎ ﻣﺎ ﻛﺘﻴﺮ ﻣﻌﺎﻙ .. ﻭﺟﺮﻳﺖ ﻭﺭﺍﻙ ﻻﻣﻦ ﺣﻔﻴﺖ ..
ﺟﻨﻴﺖ ﺑﻼﻙ ﻭﺍﻟﻠﻪ ﻋﺪﻳﻴﻴﻞ .. . ﻻ ﻋﺮﻓﺖ ﺭﻗﺖ ﻭﻻﻫﺪﻳﺖ ..
ﺷﻤﺖَّ ﻛﻞ ﺍﻟﻨﺎﺱ ﻋﻠﻲ .. ﻭﺑﻘﻴﺖ ﺣﻜﺎﻳﺔ ﻓﻲ ﻛﻞ ﺑﻴﺖ ..
ﺃﻧﺎ ﻛﻨﺖ ﺭﺍﺿﻴﺔ ﺃﻋﻴﺶ ﻣﻌﺎﻙ .. ﻟﻜﻨﻚ ﺇﻧﺖ ﺍﻟﻤﺎ ﺭﺿﻴﺖ ..
ﺑﺎﺭﻳﺖ ﻏﺮﻭﺭﻙ ﻭﺍﻟﻀﻼﻝ .. ﻭﺑﻘﻴﺖ ﺃﻧﺎﻧﻲ ﻭﺍﻓﺘﺮﻳﺖ ..
ﻭﺃﻧﺎ ﻗﺪﺭ ﻣﺎ ﺃﺩﻳﻚ ﺣﻨﺎﻥ .. ﺃﻟﻘﺎﻙ ﻣﻊ ﺍﻷﻳﺎﻡ ﻗﺴﻴﺖ ..
ﻗﺪﺍﻣﻲ ﻣﺎ ﺧﻠﻴﺖ ﺧﻴﺎﺭ .. ﻟﻤﻠﻤﺖ ﺃﺣﺰﺍﻧﻲ ﻭﻣﺸﻴﺖ ..
ﻭﺳﺒﺘﻚ ﻭﺭﺍﻱ ﻟﻠﺤﺴﺮﺓ ﻭﺍﻟﺨﻮﻑ ﻭﺍﻟﻨﺪﻡ ..
ﻭﺍﻟﻈﺎﻟﻢ ﺍﻟﺠﻮﺍﻙ ﺗﺮﺍﺟﻊ ﻭﺍﻧﻬﺰﻡ ..
ﻭﺃﻧﺎ ﻫﺴﻪ ﻓﻘﺖ ﻣﻦ ﺍﻟﻮﻫﻢ ..
ﺑﺲ ﻗﻠﺒﻲ ﻣﻨﻚ .. ﻣﺎﺍﺍﺍﺍﺍﺍﺳﻠﻢ
ﺗﻠﻮﻳﺢ :
ﻧﺤﻦ ﻻ ﻧﻨﺴﻰ ..
ﻭﻟﻜﻨﻨﺎ ﻧﺠﺘﺮ ﺍﻟﺬﻛﺮﻳﺎﺕ ﻟﻨﺼﻨﻊ ﻣﻦ ﺃﺧﻄﺎﺋﻬﺎ ﻭﺍﻗﻌﺎً ﺃﻓﻀﻞ