ﺍﻟﺼﺒﺎﺡ ﻋﺒﺎﺱ ﺩﺧﻞ ﺍﻻﻭﺿﺔ ﻋﺸﺎﻥ ﻳﻐﻴﺮ ﻫﺪﻭﻣﻮ ﻭﻳﺎﺧﺪ ﻟﻴﻬﻮ ﻟﻔﺔ ﺯﻱ ﻣﺎ ﻗﺎﻝ ﻟﻔﺮﺡ ﻭﻟﻘﻰ ﻃﺮﺑﻴﺰﺓ ﻓﻲ ﺍﻟﺮﻛﻦ ﻓﻴﻬﺎ ﻛﺘﺐ ﻛﺘﻴﺮﺓ ﻭﻫﻮ ﻣﻦ ﻳﻮﻡ ﺳﺎﺏ ﺍﻟﻤﺪﺭﺳﺔ ﻣﺎ ﻓﺘﺢ ﻟﻴﻬﻮ ﻛﺘﺎﺏ ﻳﻘﺮﺍ ﻓﻴﻬﻮ ﺍﻻ ﺍﻟﻤﺼﺤﻒ ﺍﻻﺩﺗﻮ ﻟﻴﻬﻮ ﻋﻤﺘﻮ ﺑﺖ ﺍﻟﻤﻬﻞ ﻭﻗﻌﺪ ﻳﻘﻠﺐ ﻓﻴﻬﺎ ﻟﻘﺎﻫﺎ ﺍﻏﻠﺒﻬﺎ ﻛﺘﺐ ﺷﻌﺮ ﻭﺩﻭﺍﻭﻳﻦ ﺷﻌﺮﺍﺀ ﻣﺎ ﺣﺼﻞ ﺳﻤﻊ ﺑﻴﻬﻢ ﻭﺷﺎﻑ ﻛﺘﺎﺏ ﻛﺒﻴﺮ ﺗﺤﺖ ﺍﻟﻜﺘﺐ ﺷﺎﻝ ﺍﻟﻜﺘﺐ ﻣﻨﻮ ﻓﺮﺡ ﻟﻤﻦ ﻟﻘﺎﻫﻮ ﻛﺘﺎﺏ ﺍﻻﻏﺎﻧﻲ ﻗﺎﻝ ﺩﺍ ﻛﻮﻳﺲ ﻣﻊ ﺍﻧﻮ ﻛﺒﻴﺮ ﻣﺎ ﺯﻱ ﻛﺘﺐ ﺍﻻﻏﺎﻧﻲ ﺍﻟﻔﻲ ﻃﺒﻠﻴﺔ ﺍﻟﺼﺪﻳﻖ ﻭﻋﺜﻤﺎﻥ ﻟﻜﻦ ﻣﻦ ﺍﺳﻤﻮ ﺩﺍ ﺳﺎﻱ ﺍﻟﻈﺎﻫﺮ ﺳﻤﺢ ﻭﺷﺎﻟﻮ ﺧﺘﺎﻫﻮ ﻓﻲ ﺍﻟﺴﺮﻳﺮ ﻭﻗﺎﻝ ﺑﺪﻝ ﺍﻣﺮﻕ ﺍﺣﺴﻦ ﺍﻗﺮﺍ ﺷﻮﻳﺔ ﻭﺍﻟﻤﺮﻗﺔ ﺍﺧﻠﻴﻬﺎ ﺑﻌﺪﻳﻦ ﻭﺑﺪﺍ ﻳﻘﻠﺐ ﻓﻴﻬﻮ ﻭﺍﻭﻝ ﺍﻟﺼﻔﺤﺎﺕ ﻣﺎ ﻓﻬﻢ ﻓﻴﻬﺎ ﺍﻱ ﺣﺎﺟﺔ ﻭﻣﺎ ﻋﺠﺒﺘﻮ ﻭﻓﻮﺕ ﻟﻴﻬﻮ ﻛﻢ ﺻﻔﺤﺔ ﻭﻗﻌﺪ ﻳﺴﻨﺘﺖ ﻗﺎﻝ ﺑﺮﺿﻮ ﻛﺘﺎﺏ ﺷﻌﺮ ﻭﺍﻧﺎ ﺍﻓﺘﻜﺮﺗﻮ ﺍﻏﺎﻧﻲ ﻫﺴﻲ ﻭﻳﻦ ﺍﻻﻏﺎﻧﻲ ﺩﻱ ؟ ﻭﻗﺎﻡ ﻳﺮﺟﻌﻮ ﻭﻣﻊ ﺭﻓﻌﺘﻮ ﻟﻴﻬﻮ ﻭﻗﻌﺖ ﻣﻨﻮ ﻛﻢ ﺻﻮﺭﺓ ﺭﻓﻌﻦ ﻭﻣﺎ ﺭﻛﺰ ﻓﻴﻬﻦ ﻭﺩﺧﻠﻦ ﻓﻲ ﻓﺠﺘﻦ ﺟﻮﺓ ﺍﻟﻜﺘﺎﺏ ﻭﺭﺟﻊ ﺍﻟﻜﺘﺎﺏ ﻣﻜﺎﻧﻮ ﻭﻣﺮﻕ ﺍﻟﺼﺎﻟﺔ
ﻗﺎﻝ ﺩﻱ ﺧﺼﻮﺻﻴﺎﺕ ﻣﻔﺮﻭﺽ ﺍﻧﺎ ﻣﺎ ﺍﻫﺒﺶ ﺍﻟﻜﺘﺐ ﺩﻱ ﺍﻻ ﺑﻌﺪ ﺃﻛﻠﻢ ﻓﺮﺡ ﺍﺣﺘﻤﺎﻝ ﻣﺎ ﺣﻘﺎﺗﻮ ﺍﻭ ﻣﺎ ﺑﺮﺿﻰ ﺯﻭﻝ ﻳﻬﺒﺶ ﺣﺎﺟﺘﻮ ﻭﻫﺴﻲ ﻟﻮ ﺟﺎﺀ ﺩﺍﺧﻞ ﻭﻟﻘﺎﻧﻲ ﺷﺎﻳﻠﻮ ﺑﻘﻮﻝ ﺷﻨﻮ ، ﻭﺭﻗﺪ ﺑﺮﺓ ﻓﻲ ﺍﻟﺼﺎﻟﺔ ﻭﺳﺮﺡ ﻛﺎﻓﻲ ﺍﻱ ﻣﻮﺿﻮﻉ ﻭﻗﻌﺪ ﻳﻔﻜﺮ ﺑﻌﺪ ﻣﺴﺎﻓﺔ ﻗﺎﻡ ﺗﺎﻧﻲ ﻋﻠﻲ ﺍﻟﻜﺘﺐ ﻭﻫﻔﺖ ﻟﻴﻬﻮ ﻳﺸﻮﻑ ﺍﻟﺼﻮﺭ ﺍﺣﺘﻤﺎﻝ ﺻﻮﺭ ﻓﺮﺡ ﻭﺍﺻﺤﺎﺑﻮ ﺍﻟﺴﺎﻛﻨﻴﻦ ﻣﻌﺎﻫﻮ ﻫﻨﺎ ﻭﻫﻮ ﻋﻠﻰ ﺣﺴﺐ ﺷﻜﻞ ﻓﺮﺡ ﺧﺎﺗﻲ ﻟﻴﻬﻢ ﺻﻮﺭ ﻓﻲ ﺭﺍﺳﻮ ﺍﻻﺗﻨﻴﻦ ﻣﻊ ﺍﻧﻮ ﻓﺮﺡ ﻣﺎ ﺍﺗﻜﻠﻢ ﻟﻴﻬﻮ ﻋﻨﻬﻢ ﻭﻻ ﻭﺻﻔﻬﻢ ﻟﻴﻬﻮ ﺑﺲ ﻣﺘﺨﻴﻞ ﻟﻴﻬﻢ ﺻﻮﺭ ﻓﻲ ﺭﺍﺳﻮ ﻭﻟﻮ ﻗﻠﺖ ﻟﻴﻬﻮ ﻭﺻﻒ ﺍﻟﺼﻮﺭ ﺍﻟﺨﺎﺗﻴﻬﺎ ﻟﻴﻬﻢ ﻣﺎ ﺑﻘﺪﺭ ﻳﻮﺻﻔﻬﺎ ﻟﻜﻦ ﻓﻲ ﻋﻘﻠﻮ ﻣﻮﺟﻮﺩﺓ
ﻭﺷﺎﻝ ﺍﻟﻜﺘﺎﺏ ﺗﺎﻧﻲ ﻭﺍﺗﻤﻨﻰ ﻓﻌﻼ ﺗﻜﻮﻥ ﺻﻮﺭ ﻓﺮﺡ ﻭﺍﺻﺤﺎﺑﻮ ﻋﻠﻲ ﺍﻻﻗﻞ ﻳﻜﻮﻥ ﻋﺮﻓﻬﻢ ﻗﺒﺎﻝ ﻳﻼﻗﻴﻬﻢ
ﻓﺘﺢ ﺍﻟﻜﺘﺎﺏ ﻭﻃﻠﻊ ﺍﻟﺼﻮﺭ ﻭﻃﻠﻌﺖ ﺻﻮﺭ ﺷﺒﺎﺏ ﺑﺲ ﻓﺮﺡ ﻣﺎ ﻣﻌﺎﻫﻢ ﻭﺍﻱ ﺯﻭﻝ ﺑﺮﺍﻫﻮ ﻭﺍﺷﻜﺎﻟﻬﻢ ﻏﺮﻳﺒﺔ ﻭﺍﻏﻠﺐ ﺍﻟﺼﻮﺭ ﻣﺎ ﺻﻮﺭ ﻣﺼﻮﺭﺓ ﻓﻲ ﺍﺳﺘﻮﺩﻳﻮ ﻭﺍﻛﺘﺮ ﻣﻦ ﻋﺸﺮﺓ ﺻﻮﺭ ﻭﻗﻌﺪ ﻳﻘﻠﺐ ﻓﻴﻬﻦ ﻭﻛﻞ ﺻﻮﺭﺓ ﺑﻌﺪ ﻳﺸﻮﻑ ﺍﻟﺰﻭﻝ ﺍﻟﻔﻴﻬﺎ ﻳﻘﻠﺒﻬﺎ ﻭﻛﻠﻬﻦ ﻓﻴﻬﻦ ﺭﻗﻢ ﺑﻮﺭﺍﺀ ﻭﺍﻟﺮﻗﻢ ﺟﻤﺒﻮ ﺣﺮﻑ ﻭﻓﻲ ﻧﺼﻬﻦ ﻟﻘﻰ ﺻﻮﺭﺓ ﺍﻟﺘﺎﺝ ﻭﻗﻠﺒﻬﺎ ﻟﻘﻰ ﻣﻜﺘﻮﺏ ‏( 4 _ ﺵ ‏)
ﻭﺭﺟﻊ ﺍﻟﺼﻮﺭ ﻛﻠﻬﺎ ﺳﺮﻳﻊ ﻓﻲ ﻣﺤﻠﻬﺎ ﻭﺭﻓﻊ ﺍﻟﻜﺘﺎﺏ ﻭﺭﺟﻊ ﺍﻟﻜﺘﺎﺏ ﺗﺤﺖ ﻓﻲ ﻣﺤﻠﻮ ﺯﻱ ﻣﺎ ﻛﺎﻥ ﻭﻣﺮﻕ ﻣﻦ ﺍﻻﻭﺿﺔ ﻭﻃﻮﺍﻟﻲ ﺍﻟﺤﻮﺵ ﻭﻗﺒﻞ ﻳﺼﻞ ﺍﻟﺒﺎﺏ ﺟﺎﺀ ﻓﺮﺡ ﺩﺍﺧﻞ ﻭﻣﻌﺎﻫﻮ ﺍﻟﺮﺷﻴﺪ ﻭﻣﻦ ﺷﺎﻑ ﻗﺎﻝ
‏( ﻋﺒﺎﺱ ﻋﺒﺎﺱ ﺍﺫﺍ ﺍﺣﺘﺪﻡ ﺍﻟﻮﻏﻰ ‏) ﻭﻳﻦ ﻳﺎ ﻣﺎﺷﻲ ﻳﺎ ﺭﻛﺲ ؟
_ ﻣﺎ ﻗﻠﺖ ﻟﻴﻚ ﻗﺒﻴﻞ ﺩﺍﻳﺮ ﺁﺧﺪ ﻟﻲ ﻟﻔﺔ ﻭﺃﺟﻲ
_ ﻛﻮﻳﺲ ﺍﻧﻮ ﻟﺤﻘﻨﺎﻙ ﻗﺒﺎﻝ ﺗﻤﺮﻕ ﻭﺩﺍ ﺍﻟﺮﺷﻴﺪ ﺻﺎﺣﺒﻲ ﺟﺎﺀ ﻳﺴﻠﻢ ﻋﻠﻴﻚ
_ ﺍﻫﻼ ﻭﺳﻬﻼ
ﻭﺑﻌﺪ ﺍﻟﺴﻼﻡ ﻭﺍﻟﺘﺤﺎﻳﺎ ﺩﺧﻠﻮﺍ ﺍﻟﺘﻼﺗﺔ ﺍﻟﺼﺎﻟﺔ ﻭﺍﻟﺮﺷﻴﺪ ﺿﺤﻚ ﻭﻗﺎﻝ ﻟﻔﺮﺡ ﺑﺎﻟﻠﻪ ﺩﺍ ﻳﺎﻫﻮ ﻋﺒﺎﺱ ؟ ﻭﺍﻟﻠﻪ ﺍﻧﺎ ﻗﺎﻳﻠﻮ ﺯﻭﻝ ﻛﺒﻴﺮ ﻭﻣﺎﻛﻦ ﻭﻋﻨﺪﻭ ﻭﻋﻀﻼﺕ
ﻋﺒﺎﺱ ﺿﺤﻚ ﻭﻗﺎﻝ ﻟﻴﻬﻮ ﻟﻴﻪ ﺧﺘﻴﺖ ﻟﻲ ﺍﻟﺼﻮﺭﺓ ﺩﻱ ؟
_ ﻋﺸﺎﻥ ﻻﻗﻴﺖ ﺍﻟﻨﺠﻮﻣﻲ ﻭﻓﺮﺡ ﻗﺎﻝ ﻟﻲ ﺍﻧﺖ ﺩﻗﻴﺘﻮ
_ ﺩﻗﻴﺘﻮ ﻟﻤﻦ ﺑﻜﻰ
_ ﻛﻴﻒ ﺩﻗﻴﺘﻮ ﺩﺍ ﺑﺎﻟﻠﻪ ؟ ﺍﻧﺖ ﻳﺎ ﻓﺮﺡ ﺷﻔﺖ ﺍﻟﻨﺠﻮﻣﻲ ؟
ﻓﺮﺡ ﻗﺎﻝ ﻟﻴﻮ ﺃﺑﺪﻧﻨﻨﻨﻨﻨﻨﻦ
_ ﻳﺎﺧﻲ ﺍﻟﻨﺠﻮﻣﻲ ﺩﺍ ﺯﻭﻝ ﻃﻮﻳﻞ ﻭﺭﻳﺎﺿﻲ ﻭﻗﻮﻱ ﻳﺎﺥ ﻟﻮ ﺷﻔﺘﻚ ﻳﺎ ﻋﺒﺎﺱ ﻭﺍﻧﺖ ﺑﺘﺪﻕ ﻓﻴﻬﻮ ﻣﺎ ﺑﺼﺪﻕ . ﻛﺪﻱ ﻭﺭﻳﻨﻲ ﺩﻱ ﻋﻤﻠﺘﻬﺎ ﻛﻴﻒ
_ ﻫﻮ ﺯﻭﻝ ﺣﻘﺎﺭ ﻳﺎﺥ ﻭﺩﻗﻴﻘﺘﻴﻦ ﻣﺎ ﺍﺧﺪﻥ ﻣﻌﺎﻱ
_ ﻻ ﻻ ﺍﺣﻜﻲ ﻟﻲ ﺑﺎﻟﺘﻔﺼﻴﻞ
_ ﻫﻮ ﺍﻛﺎﻥ ﻣﻌﺎﻱ ﻓﻲ ﺍﻟﺪﻛﺎﻥ ﺍﻟﻤﻬﻢ ﺷﺪﻳﻨﺎ ﻣﻊ ﺑﻌﺾ ﻓﻲ ﺍﻟﻜﻼﻡ ﻭﻫﻮ ﻗﻌﺪ ﻳﻨﺒﺰ ﻓﻴﻨﻲ ﻭﺷﺎﻓﻨﻲ ﺭﻗﻴﻖ ﻗﺎﻝ ﻟﻲ ﺍﻟﻠﻴﻠﺔ ﺑﻜﻔﺘﻚ ﻭﻣﺸﻰ ﻗﻔﻞ ﺍﻟﺒﺎﺏ ﻗﺎﻝ ﻟﻲ ﻋﺸﺎﻥ ﻣﺎﻓﻲ ﺯﻭﻝ ﻳﺤﺠﺰﻧﺎ ﻭﺍﻧﺎ ﻭﻻ ﻛﻀﺒﺖ ﺍﻭﻝ ﻣﺎ ﻗﺮﺏ ﻣﻨﻲ ﺻﻔﻘﺖ ﻟﻴﻬﻮ ﻓﻲ ﺍﺿﻨﻴﻬﻮ ﻗﻮﻭﻭﻭﻱ ﻟﻤﻦ ﺍﺿﻨﻴﻮ ﺍﻻﺗﻨﻴﻦ ﺻﻨﻦ ﻭﻃﻮﺍﻟﻲ ﻛﺒﺴﺘﻮ ﺑﻨﻴﺔ ﻓﻲ ﻭﺷﻮ ﻭﻫﻮ ﻭﻗﻊ ﻭﻗﻌﺪ ﻳﺒﻜﻲ ﻭﻳﻜﻮﺭﻙ ﻭﻣﺎﺳﻚ ﺭﺍﺳﻮ ﻭﺍﻧﺎ ﻣﺸﻴﺖ ﻓﺘﺤﺖ ﺍﻟﺒﺎﺏ ﻭﺍﻟﻨﺎﺱ ﺟﻮﺍ ﺩﺍﺧﻠﻴﻦ ﺩﺍ ﻛﻞ ﺍﻟﺤﺼﻞ
ﻓﺮﺡ ﻗﺎﻝ ﻟﻴﻬﻮ ﻭﺍﻟﻠﻪ ﻋﺎﻓﻲ ﻣﻨﻚ ﺩﺍ ﺍﻟﻜﻼﻡ ﺍﻟﺼﺎﺡ
ﺍﻟﺮﺷﻴﺪ ﺿﺤﻚ ﻟﻤﻦ ﺩﻣﻊ ﻭﻗﺤﻘﺢ ﻭﻋﺒﺎﺱ ﻣﺸﻰ ﺟﺎﺏ ﻟﻴﻬﻮ ﻣﻮﻳﺔ ﻭﻗﺎﻝ ﻟﻴﻮ ﻭﺍﻟﻠﻪ ﺁ ﺟﻨﻰ ﻣﺎﻙ ﺳﺎﻫﻞ ﺗﺐ ﻟﻜﻦ ﺍﻟﺤﺮﻛﺔ ﺣﻘﺖ ﺍﻟﺼﻔﻴﻘﺔ ﺩﻱ ﺍﻟﻌﻠﻤﻚ ﻟﻴﻬﺎ ﻣﻨﻮ ﻭﻟﻼ ﺷﻔﺘﻬﺎ ﻭﻳﻦ ؟
_ ﻭﺭﺍﻧﻲ ﻟﻴﻬﺎ ﻭﺍﺣﺪ ﺻﺎﺣﺒﻲ ﺍﺳﻤﻮ ﻋﺒﺪ ﺍﻟﻘﻴﻮﻡ ﻗﺎﻝ ﻟﻲ ﺍﻟﺒﺸﺎﻛﻠﻚ ﻃﻮﺍﻟﻲ ﺍﻋﻤﻠﻬﺎ ﻟﻴﻬﻮ ﻭﻃﻠﻌﺖ ﺣﺮﻛﺔ ﺣﺎﺭﺓ ﺍﻧﺎ ﻣﺎ ﻗﺎﻳﻠﻬﺎ ﻛﺪﺍ ﻳﺎﺥ
_ ﺣﺎﺭﺓ ﺑﺲ ؟ ﺍﻧﺖ ﻋﺎﺭﻑ ﺍﻧﻮ ﺩﻱ ﻣﻤﻜﻦ ﺑﺴﺒﺒﻬﺎ ﺗﺎﻧﻲ ﻣﺎ ﻳﺴﻤﻊ ؟
_ ﻣﻌﻘﻮﻝ ؟
_ ﺁﻱ ﻣﻌﻘﻮﻝ ﺧﺎﺻﺔ ﻟﻮ ﻛﺎﻧﺖ ﺍﻟﻀﺮﺑﺔ ﻗﻮﻳﺔ ﻋﺸﺎﻥ ﺍﻻﺿﻨﻴﻦ ﺩﻳﻞ ﺣﺴﺎﺳﺎﺕ ﺷﺪﻳﺪ ﻭﺑﻜﺒﺴﻦ ﻫﻮﺍﺀ ﻭﺍﺣﺘﻤﺎﻝ ﻳﻨﺰﻓﻦ ﺩﻡ . ﻳﺎﺧﻲ ﺩﻱ ﺗﺎﻧﻲ ﻣﺎ ﺗﻀﺮﺏ ﺑﻴﻬﺎ ﺯﻭﻝ
_ ﻣﺎ ﺑﺨﻠﻴﻬﺎ ﻭﻫﺴﻲ ﻟﻮ ﻣﺎﻫﻲ ﺍﻟﻨﺠﻮﻣﻲ ﺩﺍ ﺍﻧﺎ ﺑﻨﻘﺪﺭ ﻟﻲ؟
_ ﺍﻟﻨﺠﻮﻣﻲ ﻣﺎﻛﻦ ﻭﺍﻛﺎﻥ ﺑﺪﻗﻚ ﺩﻗﺔ ﺣﺎﺭﺓ ﻭﺍﻧﺎ ﻻﻗﻴﺘﻮ ﻭﺷﻔﺘﻮ ﻣﺎ ﺑﺘﻘﺪﺭﻭ ﺍﻻ ﻛﺪﺍ
_ ﻫﻮ ﻣﻤﻜﻦ ﻳﺪﻗﻨﻲ ﻭﺃﻱ ﺣﺎﺟﺔ ﻻﻧﻮ ﻃﻮﻳﻞ ﻭﺍﻛﺒﺮ ﻣﻨﻲ ﻟﻜﻦ ﻣﺎ ﺑﻨﻔﻚ ﻣﻨﻲ ﺍﻻ ﻳﻜﺘﻠﻨﻲ ﻭﻟﻼ ﺍﻛﺘﻠﻮ
_ ﻛﻴﻒ ؟
_ ﻳﻌﻨﻲ ﻳﺪﻗﻨﻲ ﻭﻳﻔﻮﺕ ﺳﺎﻱ ؟ ﻣﺎ ﺑﺘﺤﺼﻞ ﺩﻱ
_ ﺑﺘﻌﻤﻞ ﺷﻨﻮ ﻳﻌﻨﻲ ﻛﺪﻱ ﻭﺭﻳﻨﺎ ؟
_ ﻭﺍﻟﻠﻪ ﺍﻻ ﻳﻜﺘﻠﻨﻲ ﺣﺘﻴﻦ ﻳﻨﻔﻚ ﻣﻨﻲ ﻭﺑﺒﻘﻰ ﻟﻴﻬﻮ ﻓﻲ ﺭﻗﺒﺘﻮ ﻣﻮﺕ ﻣﻮﺕ ﺣﻴﺎﺓ ﺣﻴﺎﺓ ﻭﻳﺎ ﻛﺎﺗﻞ ﻳﺎ ﻣﻜﺘﻮﻝ
_ ﻻ ﻻ ﺍﻧﺖ ﻛﻌﺐ
ﻓﺮﺡ ﻗﺎﻝ ﻟﻌﺒﺎﺱ ﺍﻟﻤﻬﻢ ﺍﻧﻚ ﺩﻗﻴﺘﻮ ﻣﺎ ﺧﻠﻴﺘﻮ ﺣﻘﺮﻙ ﻭﺧﻼﺱ ﺍﻟﺮﺷﻴﺪ ﺩﺍ ﺍﻧﺘﻬﻰ ﻟﻴﻚ ﻣﻦ ﻣﺸﻜﻠﺘﻚ ﻣﻌﺎﻫﻮ ﺩﻱ ﻧﻬﺎﺋﻲ؟
_ ﻛﻴﻒ ؟
_ ﻛﻴﻒ ﺩﻱ ﺧﻠﻴﻬﺎ ﻭﺍﻟﻤﻬﻢ ﺗﺎﻧﻲ ﻣﺎ ﻓﻴﻬﻢ ﺯﻭﻝ ﺑﻨﻀﻢ ﻣﻌﺎﻙ
_ ﺗﻤﺎﻡ . ﻳﺎﺧﻲ ﻭﺍﻟﻠﻪ ﺍﻧﺎ ﻣﺎ ﻋﺎﺭﻑ ﺍﺷﻜﺮﻛﻢ ﻛﻴﻒ
_ ﻣﺎ ﻋﻤﻠﻨﺎ ﺷﻲ ﻭﺍﻧﺖ ﺍﺧﻮﻧﺎ ﺍﻟﺼﻐﻴﺮ _ ﺍﻟﻠﻪ ﻳﺪﻳﻜﻢ ﺍﻟﻌﺎﻓﻴﺔ ﻳﺎﺥ ﻭﻳﺪﻳﻢ ﺍﻻﺧﻮﺓ . ﺧﻼﺱ ﺍﻧﺎ ﺑﻌﺪﻳﻦ ﺍﻟﻌﺼﺮ ﺑﻤﺸﻲ ﺍﻟﺴﻮﻕ ﺍﻟﺸﻌﺒﻲ
_ ﻣﺎﻟﻚ ﻣﺴﺘﻌﺠﻞ ؟
_ ﺩﺍﻳﺮ ﺍﺷﻮﻑ ﺍﻟﺪﻛﺎﻥ ﺍﻟﺤﺼﻞ ﻋﻠﻴﻬﻮ ﺷﻨﻮ
_ ﺑﻤﻨﺎﺳﺒﺔ ﺍﻟﺪﻛﺎﻥ ﺩﻱ ﺍﻧﺎ ﻧﺴﻴﺖ ﺍﻛﻠﻤﻚ ، ﻭﺍﻧﺎ ﻟﻤﻦ ﺟﻴﺖ ﻣﻦ ﻣﺪﻧﻲ ﻏﺸﻴﺖ ﻋﺒﺪ ﺍﻟﻘﻴﻮﻡ ﺯﻱ ﻣﺎ ﻗﻠﺖ ﻟﻲ ﻭﻟﻘﻴﺘﻮ ﻓﻌﻼ ﺃﺟﺮ ﺩﻛﺎﻥ ﺍﻟﺘﺎﺝ ﺑﺲ ﻣﺎ ﺍﺗﺬﻛﺮﺕ ﺍﻟﻜﻼﻡ ﺩﺍ ﺍﻻ ﻫﺴﻲ
ﺍﻟﺮﺷﻴﺪ ﻋﺸﺎﻥ ﻳﻌﻤﻞ ﻓﻴﻬﺎ ﻟﻌﺒﺎﺱ ﺍﻧﻮ ﻣﺎ ﺑﻌﺮﻑ ﺍﻟﺘﺎﺝ ﻗﺎﻝ ﻟﻴﻬﻮ ﻋﺒﺪ ﺍﻟﻘﻴﻮﻡ ﺩﺍ ﻣﻮﺵ ﺍﻟﻘﻠﺖ ﻋﻠﻤﻚ ﺣﺮﻛﺔ ﺍﻟﺼﻔﻘﺔ ؟
_ ﻳﺎﻫﻮ ﺁﻱ
_ ﻫﻮ ﻫﻨﺎ ﺑﺎﻟﻠﻪ ؟
_ ﺁﻱ ﻫﻨﺎ ﻭﺃﻛﻨﺎ ﺷﻐﺎﻟﻴﻦ ﺳﻮﺍ
_ ﻭﺍﻟﺘﺎﺝ ﺩﺍ ﻣﻨﻮ ؟
_ ﻭﺍﺣﺪ ﻛﻨﺖ ﺳﺎﻛﻦ ﻣﻌﺎﻫﻮ ﻭﻫﻮ ﺍﻻﺷﺘﺮﻯ ﺍﻟﺪﻛﺎﻥ ﻣﻦ ﺍﻟﻨﺠﻮﻣﻲ
_ ﺍﻳﻮﺍﺍﺍﺍﺍ
ﻓﺮﺡ ﻗﺎﻝ ﻟﻴﻬﻮ ﻓﻮﺭ ﺷﻴﻦ
ﻋﺒﺎﺱ ﻃﻮﺍﻟﻲ ﺳﺄﻟﻮ ﻗﺎﻝ ﻟﻴﻬﻮ ﻓﻮﺭ ﺷﻴﻦ ؟ ﻳﻌﻨﻲ ﺷﻨﻮ !
ﻓﺮﺡ ﺿﺤﻚ ﻭﻗﺎﻝ ﻟﻴﻬﻮ ﻻ ﻻ ﺩﺍ ﻣﺼﻄﻠﺢ ﺑﺘﺎﻉ ﻣﺒﺎﺣﺚ ﺑﻨﻘﻮﻟﻮ ﻟﻮ ﻓﻲ ﻭﺍﺣﺪ ﺳﺄﻝ ﻣﻦ ﺯﻭﻝ ﻭﻣﺎ ﺑﺨﺼﻮ ﻓﺒﻨﻘﻮﻝ ﻟﻴﻬﻮ ﻓﻮﺭ ﺷﻴﻦ ﻭﺍﺧﺘﺼﺎﺭ ﻟﻜﻠﻤﺔ ﻓﺎﻳﻖ ﺷﺪﻳﺪ ﺍﻧﺖ ﻭﻟﻼ ﻣﺎ ﻛﺪﺍ ﻳﺎ ﺍﻟﺮﺷﻴﺪ ﻣﻮﺵ ﺍﻧﺖ ﻓﻮﺭ ﺷﻴﻦ ؟
ﺍﻟﺮﺷﻴﺪ ﺿﺤﻚ ﻭﻗﺎﻝ ﻓﻮﺭ ﺷﻴﻦ ﺑﺲ ؟ ﺍﻧﺎ ﻓﻮﺭ ﺷﻴﻦ ﺧﺎﻟﺺ ﺧﺎﻟﺺ . ﻭﻳﻠﻼ ﻳﺎ ﻋﺒﺎﺱ ﻧﺤﻦ ﻣﺎﺷﻴﻦ ﻭﻓﺮﺻﺔ ﺳﻌﻴﺪﺓ ﻭﺍﻣﺶ ﻋﻠﻲ ﺷﻐﻠﻚ ﺳﺎﻱ ﻣﻦ ﺑﺎﻛﺮ ﻣﺎ ﺗﺨﺎﻑ ﻣﻦ ﺷﻲ
ﻋﺒﺎﺱ ﻗﺎﻝ ﻟﻴﻬﻮ ﻭﺍﻟﻠﻪ ﻭﺍﻧﺎ ﺍﻻﺳﻌﺪ ﻭﺍﺗﺸﺮﻓﺖ ﻛﺘﻴﺮ ﺑﻤﻌﺮﻓﺘﻚ ﻭﺗﺎﻧﻲ ﺷﻜﺮﺍ ﻟﻴﻚ
_ ﻋﺎﺩﻱ ﻋﺎﺩﻱ ﻣﺎ ﻳﺤﺘﺎﺝ ﺗﺸﻜﺮﻧﻲ
_ ﺍﻧﺎ ﺍﻟﻠﻴﻠﺔ ﺑﻌﺪﻱ ﺑﺎﻗﻲ ﺍﻟﻴﻮﻡ ﺩﺍ ﻫﻨﺎ ﻣﻌﺎﻛﻢ ﻣﻊ ﺍﻧﻲ ﺑﻌﺪ ﺗﻤﺸﻮﺍ ﺑﻜﻮﻥ ﻓﻮﺭ ﺷﻴﻦ ﺗﺐ ﺗﺐ ﻭﺑﻤﺶ ﺍﻟﺸﻌﺒﻲ ﺑﻜﺮﺓ ﺍﻥ ﺷﺎﺀ ﺍﻟﻠﻪ
ﺍﻟﺘﻼﺗﺔ ﻗﻌﺪﻭﺍ ﻳﻀﺤﻜﻮﺍ ﻭﻓﺮﺡ ﻗﺎﻝ ﻟﻴﻬﻮ ﺍﻟﻜﻠﻤﺔ ﺩﻱ ﺗﺎﻧﻲ ﻣﺎ ﺗﻘﻮﻟﻬﺎ ﻭﻻ ﺗﻮﺭﻱ ﺑﻴﻬﺎ ﺯﻭﻝ ﻻﻧﻬﺎ ﺧﺎﺻﺔ ﺑﺪﻓﻌﺘﻨﺎ ﺑﺲ ﻭﻣﺎ ﺍﻱ ﺯﻭﻝ ﺑﻌﺮﻓﻬﺎ
ﻋﺒﺎﺱ ﻗﺎﻝ ﻟﻴﻬﻮ ﺣﺎﺿﺮ
ﻭﻣﺮﻗﻮﺍ ﻓﺎﺗﻮﺍ
ﻭﻋﺒﺎﺱ ﺑﻘﻰ ﻣﺤﺘﺎﺭ ﻓﻲ ﺍﻟﺘﺎﺝ ﺩﺍ ﻭﻋﻼﻗﺘﻮ ﺷﻨﻮ ﺑﺎﻟﻨﺎﺱ ﺩﻳﻞ ﻭﺍﻟﺼﻮﺭﺓ ﺣﻘﺘﻮ ﺩﻱ ﺟﺎﺑﻮﻫﺎ ﻣﻨﻮ ﻛﻴﻒ ﻻﻧﻬﺎ ﺻﻮﺭﺓ ﺍﺳﺘﺪﻳﻮ ﻭﻛﺎﻧﺖ ﺻﻐﻴﺮﺓ ﻟﻜﻦ ﺩﻳﻞ ﺍﻟﻈﺎﻫﺮ ﻫﻢ ﺍﻟﻜﺒﺮﻭﻫﺎ ﻻﻧﻬﺎ ﺑﺎﻫﺘﺔ ﺷﻮﻳﺔ
ﻭﻗﺎﻝ ﺍﻟﻘﺮﻭﺵ ﺍﻟﻜﺎﻧﺖ ﻋﻨﺪﻱ ﺩﻱ ﻣﻌﻘﻮﻝ ﻳﻜﻮﻥ ﺧﺘﺎﻫﺎ ﻟﻲ ﺍﻟﺘﺎﺝ ؟ ﻭﻗﺼﺪﻭ ﺷﻨﻮ ﻭﻟﺸﻨﻮ ﻣﺎ ﻭﺭﺍﻧﻲ ﺑﻴﻬﺎ ﻭﻫﻮ ﺯﺍﺗﻮ ﺷﻐﺎﻝ ﺷﻨﻮ ﻋﺸﺎﻥ ﻳﻜﻮﻥ ﻋﻨﺪﻭ ﻗﺮﻭﺵ ﻛﺘﻴﺮﺓ ﻛﺪﺍ ؟ ﻭﻓﺮﺡ ﺩﺍ ﺷﻐﺎﻝ ﺗﺒﻊ ﻣﺒﺎﺣﺚ ﺍﻟﻤﺨﺪﺭﺍﺕ ﻭﺍﻟﺼﻮﺭ ﺍﻟﻔﻲ ﺍﻟﻜﺘﺎﺏ ﺩﻱ ﻛﻠﻬﺎ ﺍﻟﻈﺎﻫﺮ ﺣﻘﺖ ﻧﺎﺱ ﻣﺠﺮﻣﻴﻦ ﻋﺸﺎﻥ ﺍﺷﻜﺎﻟﻬﻢ ﻣﺠﺮﻣﻴﻦ ﻣﺠﺮﻣﻴﻦ
ﻋﺒﺎﺱ ﺩﺧﻞ ﻓﻲ ﺩﻭﺍﻣﺔ ﺗﻔﻜﻴﺮ ﻃﻮﻳﻞ ﻭﻋﻘﻠﻮ ﻛﻞ ﻣﺮﺓ ﻳﻮﺩﻳﻬﻮ ﻣﻜﺎﻥ ﻭﻳﻄﺮﺡ ﻓﻲ ﺍﺳﺌﻠﺔ ﻛﺘﻴﺮﺓ ﻋﻠﻲ ﻧﻔﺴﻮ ﻭﻣﺎ ﻻﻗﻲ ﻟﻴﻬﺎ ﺍﻱ ﺍﺟﺎﺑﺎﺕ
ﻭﺩ ﺍﻟﻜﺮﺍﺏ ﻓﻲ ﺍﻟﺤﻠﺔ ﺟﻤﻊ ﺍﻟﺸﺒﺎﺏ ﺍﻟﻘﺒﻀﻮﺍ ﺍﻟﺤﺮﺍﻣﻴﺔ ﻛﻠﻬﻢ ﻭﺟﻮﺍ ﻣﻌﺎﻫﻮ ﺍﻟﺪﻳﻮﺍﻥ ﺣﻘﻬﻢ ﻻﺑﻮﻫﻮ
ﻭﺍﻟﻜﺮﺍﺏ ﻗﺎﻝ ﻟﻴﻬﻢ ﺍﻻﻭﻻﺩ ﺍﻟﺤﺮﺍﻣﻴﺔ ﺩﻳﻞ ﺍﻧﺎ ﻟﻤﻦ ﺍﻣﺲ ﻗﻠﺖ ﻟﻴﻜﻢ ﺟﻴﺒﻮﻫﻢ ﻟﻲ ﻫﻨﺎ ﻓﻲ ﺍﻻﻭﺿﺔ ﻋﺸﺎﻥ ﺍﻛﺮﺑﻦ ﻭﺍﺩﻗﻬﻢ ﻭﺍﻟﻠﻪ ﻣﺎ ﻋﺸﺎﻥ ﺩﺍﻳﺮ ﺍﺩﻗﻬﻢ ﻭﻗﺒﻴﻠﻚ ﻣﺸﻴﺖ ﻋﻠﻴﻬﻢ ﻭﺩﻗﻴﺘﻬﻢ ﺍﻟﺘﻼﺗﺔ ﻭﺩﻗﺔ ﺣﺎﺭﺓ ﻟﻤﻦ ﺑﻜﻮﺍ ﻭﺍﻛﻠﻮﺍ ﻳﺪﻳﻬﻢ ﻭﻋﺰﻳﺖ ﺑﻴﻬﺎ ﺣﻠﻴﻔﺘﻲ ﺍﻻﻣﺲ
ﺍﻟﻌﺒﻴﺪ ﻗﺎﻝ ﻟﻴﻬﻮ ﺍﻫﺎ ﺟﺒﺘﻬﻢ ﻫﻨﻲ ﻟﺸﻨﻮ ؟
_ ﺟﺒﺘﻬﻢ ﻫﻨﻲ ﻋﺸﺎﻥ ﻣﺎ ﺩﺍﻳﺮﻛﻢ ﺗﻮﺩﻭﻫﻢ ﻣﺪﻧﻲ ﻭﺗﺴﻠﻤﻮﻫﻢ ﺍﻟﺒﻮﻟﻴﺲ
_ ﺩﺍ ﻛﻼﻡ ﺷﻨﻮ ﺩﺍ ؟
_ ﻣﺎ ﺗﺴﺘﻌﺠﻞ ﺁ ﺍﻟﻌﺒﻴﺪ ﻭﺍﺳﻤﻊ ﻛﻼﻣﻲ ﻟﻶﺧﺮ . ﻳﻠﻼ ﻫﻢ ﻟﻮ ﺑﻘﻮﺍ ﻛﻠﻬﻢ ﻣﻦ ﺑﺮﺓ ﺍﻛﺎﻥ ﺍﻧﺎ ﺍﻭﻝ ﻭﺍﺣﺪ ﻗﻠﺖ ﻟﻴﻜﻢ ﺳﻠﻤﻮﻫﻢ ﺍﻟﺒﻮﻟﻴﺲ ﻃﻮﺍﻟﻲ ﻟﻜﻦ ﺑﻘﻰ ﻣﻌﺎﻫﻢ ﺍﻟﻤﻌﻮﻟﻖ ﻭﺩ ﺍﻟﺴﺖ ﺩﺍ ﻭﻫﻮ ﺍﻟﺠﺎﺑﻬﻢ ﻫﻨﺎ ﻭﻟﻮ ﻣﺎ ﻫﻮ ﻣﺎ ﻛﺎﻧﻮﺍ ﺟﻮﺍ ﺍﻟﺤﻠﺔ ﺩﻱ ﻭﺍﻧﺎ ﺍﻟﻨﺼﻴﺤﺔ ﺍﻟﺠﻨﻰ ﺩﺍ ﺑﻌﺪ ﺣﺮﻣﻨﺘﻮ ﺩﻱ ﻣﺎ ﺩﺍﻳﺮﻭ ﻳﻨﺴﺠﻦ ﻋﺸﺎﻥ ﺧﺎﻃﺮ ﺍﻣﻮ ﺍﻟﻤﺴﻜﻴﻨﺔ ﺩﻱ ﻭﺍﻟﺠﻨﻰ ﺩﺍ ﺃﺗﻴﻢ ﻭﺍﻟﻠﻴﻠﺔ ﻟﻮ ﺍﺑﻮﻫﻮ ﺣﻲ ﺍﻛﻨﺎ ﻧﻘﻮﻝ
ﺍﻟﻌﺒﻴﺪ ﺍﺗﻀﺎﻳﻖ ﻭﻣﺎ ﻋﺠﺒﻮﺍ ﻛﻼﻡ ﺍﻟﻜﺮﺍﺏ ﻭﻗﺎﻝ ﻟﻴﻬﻮ ﺍﻧﺎ ﺍﻟﺴﺠﻦ ﺯﺍﺗﻮ ﻣﺎ ﺩﺍﻳﺮﻭ ﻟﻴﻬﻢ ﻭﻗﻠﺖ ﻟﻴﻜﻢ ﻣﻦ ﺍﻣﺲ ﻧﻐﺮﻗﻬﻢ ﺍﻟﺘﻼﺗﺔ ﻭﻧﺮﺗﺎﺡ ﻣﻨﻬﻢ ﺑﺲ
ﻓﻲ ﻭﺍﺣﺪ ﺍﺳﻤﻮ ﻋﺒﺪ ﺍﻟﻠﻪ ﻗﺎﻝ ﻟﻠﻜﺮﺍﺏ ﻃﻴﺐ ﺍﻟﺴﺠﻦ ﺍﺣﺘﻤﺎﻝ ﻳﻌﺪﻟﻮ ﻭﻳﻤﺮﻕ ﻣﻨﻮ ﺗﺎﻳﺐ ﻭﺗﺎﻧﻲ ﻣﺎ ﻳﺴﺮﻕ ﻳﺎ ﻋﻤﻲ
_ ﺍﻟﺴﺠﻦ ﻓﻮﻗﻮ ﺷﻨﻮ ﺁ ﻋﺒﺪ ﺍﻟﻠﻪ ﻏﻴﺮ ﺍﻟﺤﺮﺍﻣﻴﺔ ؟ ﻭﻟﻮ ﺩﺧﻠﻮ ﺍﺣﺘﻤﺎﻝ ﻛﺒﻴﺮ ﻳﻤﺮﻕ ﻣﻨﻮ ﻭﻣﻌﺎﻫﻮ ﻋﺼﺎﺑﺔ ﻋﺪﻳﻞ
_ ﻫﺴﻲ ﺩﻳﻞ ﻣﻮﻥ ﻋﺼﺎﺑﺔ ؟
_ ﺍﻟﺠﻨﻰ ﺩﺍ ﻳﺎ ﺍﻭﻻﺩﻱ ﻣﻨﻨﺎ ﻭﻓﻴﻨﺎ ﻭﺯﻱ ﻣﺎ ﻗﻠﺖ ﻟﻴﻜﻢ ﺍﻧﺎ ﺩﺍﻳﺮ ﻓﻜﺘﻮ ﺩﻱ ﻋﺸﺎﻥ ﺍﻣﻮ ﺑﺲ ﻭﺍﻻﻡ ﻣﻬﻤﺎ ﻛﺎﻥ ﺟﻨﺎﻫﺎ ﻛﻌﺐ ﻣﺎ ﺑﺘﺪﻭﺭ ﻟﻴﻬﻮ ﺍﻟﺠﻬﺠﻬﺔ ﻭﺍﻟﺪﺭﺩﺭﺓ ﻭﺍﻟﺴﺠﻦ
_ ﺳﻤﺢ ﻟﻮ ﻧﺤﻦ ﺣﻨﻴﻨﺎ ﻓﻲ ﺣﺎﻝ ﺍﻣﻮ ﻭﻓﻜﻴﻨﺎﻫﻮ ﻭﺗﺎﻧﻲ ﺟﺎﺀ ﺳﺮﻕ ؟
_ ﻻ ﻻ ﺗﺎﻧﻲ ﻣﺎ ﺑﺴﺮﻕ
_ ﺿﻤﺎﻧﻮ ﺷﻨﻮ ؟
_ ﻣﺎ ﺑﻜﻀﺐ ﻣﺎ ﺿﺎﻣﻨﻮﺍ ﻟﻜﻦ ﻧﺤﻦ ﻣﺎ ﺑﻨﻔﻜﻮﺍ ﺳﺎﻱ ﻭﺑﻨﺠﻤﻊ ﻧﺎﺱ ﺍﻟﺤﻠﺔ ﻛﻠﻬﻢ ﻭﺑﻨﺸﻬﺪﻡ ﻋﻠﻴﻬﻮ ﻭﺗﺎﻧﻲ ﺍﻛﺎﻥ ﺳﺮﻕ ﻳﺎﻧﺎ ﺍﻟﻤﻐﺮﻗﻨﻮ ﻓﻲ ﺍﻟﻜﻨﺎﺭ
ﻭﺩ ﺍﻟﻀﻮ ﻓﻲ ﻣﺪﻧﻲ ﻟﻘﻰ ﻟﻴﻬﻮ ﺩﻛﺎﻥ ﺳﻤﻴﺢ ﻭﻗﺮﺭ ﻳﺸﺘﺮﻳﻬﻮ ﺑﺲ ﻣﺎ ﺩﺍﻳﺮ ﻳﻜﺘﺒﻮ ﺑﺎﺳﻤﻮ ﻫﻮ ﻭﻻ ﻗﺎﺩﺭ ﻳﻜﻠﻢ ﺑﻴﻬﻮ ﺯﻭﻝ