ﺻﺒﺎﺣﻜﻢ ﺧﻴﺮ - ﺩ ﻧﺎﻫﺪ ﻗﺮﻧﺎﺹ
ﺍﺳﺘﺮﺍﺣﺔ ﺍﻟﺠﻤﻌﺔ : ﺍﻟﺴﻤﺤﺔ ﻣﻦ ﻛﺴﻼ
ﺍﻟﺴﻔﺮﻳﺎﺕ ﺍﻟﺪﺍﺧﻠﻴﺔ .. ﺻﺎﻟﺔ ﺍﻟﻤﻐﺎﺩﺭﺓ .. ﻛﻨﺖ ﺟﺎﻟﺴﺔ ﺑﻤﻔﺮﺩﻱ ﺍﺣﻤﻞ ﻛﺘﺎﺏ ﺣﺠﻲ ﺟﺎﺑﺮ ‏( ﻟﻌﺒﺔ ﺍﻟﻤﻐﺰﻝ ‏) .. ﺍﻟﻨﺎﺱ ﻣﻮﺯﻋﺔ ﻓﻲ ﻛﺮﺍﺳﻲ ﺍﻻﻧﺘﻈﺎﺭ .. ﺗﻮﻗﻌﺎ ﻟﻨﺪﺍﺀ ﺻﻌﻮﺩ ﺍﻟﻄﺎﺋﺮﺓ .. ﺍﺗﺖ ﺳﻴﺪﺓ ﻟﺘﺠﻠﺲ ﺑﻘﺮﺑﻲ .. ﺗﺎﺑﻌﺖ ﻧﻈﺮﺍﺗﻬﺎ ﻭﻫﻲ ﺗﺘﺎﻣﻠﻨﻲ ﻣﻦ ﻃﺮﻑ ﺧﻔﻲ .. ﻭﻣﻦ ﺛﻢ ﺑﺎﺩﺭﺗﻨﻲ
‏( ﺍﻧﺖ ﻣﻦ ﻛﺴﻼ ؟ ﻭﻻ ﻣﺎﺷﺔ ﺯﻳﺎﺭﺓ ‏) ..
‏( ﻻ ﻭﺍﻟﻠﻪ .. ﺍﻧﺎ ﻻ ﻣﻦ ﻛﺴﻼ ﻭﻻ ﻣﺎﺷﺔ ﺯﻳﺎﺭﺓ ‏) .. ﺣﻴﺮﺓ ﻋﻠﺖ ﻭﺟﻬﻬﺎ ﺟﻌﻠﺘﻨﻲ ﺍﻋﺎﺟﻠﻬﺎ ﺑﺘﻮﺿﻴﺢ ‏( ﺍﻧﺎ ﻣﺎﺷﺔ ﺣﻠﻔﺎ ﺍﻟﺠﺪﻳﺪﺓ ‏) ..‏( ﺍﻫﺎ .. ﺍﻧﺖ ﺣﻠﻔﺎﻭﻳﺔ ؟ ‏) .. ﺍﻏﻠﻘﺖ ﺍﻟﻜﺘﺎﺏ ﻳﺒﺪﻭ ﺍﻥ ﺍﻻﻣﺮ ﻟﻦ ﻳﻨﺘﻬﻲ .. ﻗﻠﺖ ﻟﻬﺎ ‏( ﻧﻌﻢ ﻭﺍﻟﺤﻤﺪ ﻟﻠﻪ ‏) .. ﺿﺤﻜﺖ ﻭﻗﺎﻟﺖ ﻟﻲ ‏( ﻭﺍﻟﻠﻪ ﺍﻟﺤﻠﻔﺎﻭﻳﻴﻦ ﻃﻴﺒﻴﻦ ﻭﺣﻠﻔﺎ ﺍﻟﺤﺎﺟﺎﺕ ﻓﻴﻬﺎ ﺭﺧﻴﺼﺔ ﺍﻟﺰﻳﺖ ﻭﺍﻟﺠﺒﻨﺔ ﻭﺍﻟﻄﺤﻨﻴﺔ .. ‏) .. ﺭﺣﻢ ﺍﻟﻠﻪ ﺗﻠﻚ ﺍﻻﻳﺎﻡ ﻳﺎ ﺍﺧﺘﻲ ﻋﻨﺪﻣﺎ ﻛﺎﻧﺖ ﻣﺼﺎﻧﻊ ﺣﻠﻔﺎ ﺍﻟﺠﺪﻳﺪﺓ ﺗﻬﺪﺭ ﻣﺎﻛﻴﻨﺎﺗﻬﺎ ﻃﻮﺍﻝ ﺍﻟﻮﻗﺖ .. ﺍﻟﻰ ﺍﻥ ﺗﻮﻗﻒ ﺍﻏﻠﺒﻬﺎ ﻧﺘﻴﺠﺔ ﺍﻟﺴﻴﺎﺳﺎﺕ ﺍﻟﻌﺠﻴﺒﺔ ﻟﻠﻌﻬﺪ ﺍﻟﺒﺎﺋﺪ .. ‏( ﺍﻟﻠﻪ ﻳﺠﺎﺯﻱ ﺍﻟﻠﻲ ﻛﺎﻥ ﺍﻟﺴﺒﺐ ‏) ... ﻓﺠﺎﺓ ﺍﺣﺴﺴﺖ ﺑﺎﻧﻨﻲ ﺷﺨﺼﻴﺔ ﺛﻘﻴﻠﺔ ﺍﻟﺪﻡ .. ﻋﺎﺩﺓ ﻻ ﺍﺣﺐ ﺣﻮﺍﺭﺍﺕ ﺍﻟﻤﻮﺍﺻﻼﺕ .. ﻻ ﺍﻓﻀﻞ ﺍﻟﺼﺪﺍﻗﺎﺕ ﺍﻟﻌﺎﺑﺮﺓ .. ﺭﻏﻢ ﺍﻥ ﻫﻨﺎﻙ ﻣﻘﻮﻟﺔ ﺗﻮﺻﻴﻚ ﺑﻤﺤﺎﺩﺛﺔ ﺍﻟﻐﺮﺑﺎﺀ .. ﺍﺣﻜﻲ ﻟﻬﻢ ﻛﻞ ﻣﺎ ﻳﺸﻐﻠﻚ ﻭﻣﺎ ﻳﺜﻴﺮ ﺣﻨﻘﻚ .. ﺍﻓﺮﻍ ﺭﺃﺳﻚ ﺍﻟﻤﻬﻤﻮﻡ ﻣﻦ ﻛﻞ ﺍﻟﻬﻮﺍﺟﺲ ﻭﺳﻠﻤﻬﺎ ﻟﺮﻓﻴﻖ ﺍﻟﻄﺮﻳﻖ ﺍﻟﻌﺎﺑﺮ .. ﺳﻴﺘﻌﺎﻃﻒ ﻣﻌﻚ .. ﺭﺑﻤﺎ ﻣﻨﺤﻚ ﻧﺼﻴﺤﺔ . ﺑﻞ ﺭﺑﻤﺎ ﺫﻫﺐ ﺍﻟﻰ ﺃﻛﺜﺮ ﻣﻦ ﺫﻟﻚ ﻭﺍﻓﺘﻰ ﻟﻚ ﺑﺠﻮﺍﺯ ﻓﻌﻞ ﺫﻟﻚ ﻣﻦ ﻋﺪﻣﻪ .. ﺍﻟﻤﻬﻢ ﺍﻧﻪ ﺳﻴﻜﻮﻥ ﺷﺨﺼﺎ ﻣﻨﺤﺎﺯﺍ ﺍﻟﻰ ﻗﺼﺘﻚ ﻣﺤﺎﻳﺪﺍ ﺗﺠﺎﻩ ﺍﻻﺧﺮ .. ﻭﺳﻴﺬﻫﺐ ﺍﻟﻰ ﺣﺎﻝ ﺳﺒﻴﻠﻪ ﻓﻲ ﻧﻬﺎﻳﺔ ﺍﻟﺤﻜﻲ .. ﻭﺭﺑﻤﺎ ﻟﻦ ﺗﺠﻤﻌﻜﻤﺎ ﺍﻟﺼﺪﻑ ﻣﺮﺓ ﺍﺧﺮﻯ .
ﺭﻏﻢ ﻛﻞ ﺫﻟﻚ ﻻ ﺍﺣﺐ ﺍﻟﻌﻼﻗﺎﺕ ﺍﻻﻧﺴﺎﻧﻴﺔ ﺍﻟﻌﺎﺑﺮﺓ .. ﻭﺍﺭﺳﻞ ﺍﺷﺎﺭﺍﺕ ﻋﺪﻳﺪﺓ ﺑﺬﻟﻚ .. ﻟﻜﻦ ﻻ ﻳﻠﺘﻘﻄﻬﺎ ﺍﻟﺠﻤﻴﻊ .. ﻭﺍﻟﺪﻟﻴﻞ ﺭﻓﻴﻘﺔ ﺍﻟﻄﺮﻳﻖ ﻫﺬﻩ .. ‏( ﺳﺮﺣﺘﻲ ﻭﻳﻦ ؟ ﻗﻠﺖ ﻟﻴﻚ ﻋﻨﺪﻙ ﻣﻨﻮ ﻓﻲ ﺣﻠﻔﺎ ﻭﻻ ﺍﻧﺖ ﻣﺴﺘﻘﺮﺓ ﻓﻴﻬﺎ ؟ ‏) .. ‏( ﻻ ﻭﺍﻟﻠﻪ ﺍﻧﺎ ﺳﺎﻛﻨﺔ ﺍﻟﺨﺮﻃﻮﻡ .. ﻣﺎﺷﺔ ﺃﺯﻭﺭ ﺍﺧﺘﻲ ‏) .. ﺻﻤﺘﺖ ﻗﻠﻴﻼ ﻭﻣﻦ ﺛﻢ ﺑﺎﻏﺘﺘﻨﻲ ﺑﺴﺆﺍﻝ ‏( ﺍﻧﺖ ﻣﺎ ﻋﻨﺪﻙ ﻋﻴﺎﻝ ﻭﻻ ﺷﻨﻮ ‏) .. ﺿﺤﻜﺖ .. ﻳﺒﺪﻭ ﺍﻥ ﺍﻻﻣﺮ ﺳﻴﺘﺤﻮﻝ ﺍﻟﻰ ﺍﺳﺘﺠﻮﺍﺏ ﺍﻟﺴﺠﻞ ﺍﻟﻤﺪﻧﻲ ‏( ﺍﻟﺤﻤﺪﻟﻠﻪ ﻋﻨﺪﻱ ﺗﻼﺗﺔ ‏) .. ‏( ﻃﻴﺐ ﻟﻴﻪ ﻣﺎ ﺟﺒﺘﻴﻬﻢ ﻣﻌﺎﻙ ؟ ‏) .. ﻻ ﻛﺪﺍ ﺃﻭﻭﻭﻓﺮ ‏( ﻭﺍﻟﻠﻪ ﺷﻐﺎﻟﻴﻦ ﺟﺎﻣﻌﺎﺕ .. ﻣﺎ ﻓﻲ ﻃﺮﻳﻘﺔ ﺍﺧﻠﻴﻬﻢ ﻳﻐﻴﺒﻮﺍ ﺍﺳﺒﻮﻉ ‏) .. ‏( ﻃﻴﺐ ﻛﺎﻥ ﺗﺎﺧﺮﻱ ﺳﻔﺮﺗﻚ ﻟﻐﺎﻳﺔ ﺍﻻﺟﺎﺯﺓ ﺣﻘﺘﻬﻢ .. ‏) .. ﻳﺎ ﺟﻤﺎﻋﺔ ﺍﻧﺠﺪﻭﻧﻲ .. ‏( ﻭﺍﻟﻠﻪ ﺍﻧﺎ ﻣﺎﺷﺔ ﻟﻈﺮﻭﻑ ﺧﺎﺻﺔ ‏) .. ‏( ﻇﺮﻭﻑ ﺯﻱ ﺷﻨﻮ ﻣﺜﻼ ؟ ﺍﺧﺘﻚ ﻋﻴﺎﻧﺔ ؟ ‏) ... ﻗﺒﻞ ﺍﻥ ﺍﺭﺩ .. ﺭﻥ ﻫﺎﺗﻔﻬﺎ ﺍﻟﻨﻘﺎﻝ ﻭﺻﺎﺭﺕ ﺗﺘﺤﺪﺙ ﻣﻊ ﺍﻟﻄﺮﻑ ﺍﻵﺧﺮ ‏( ﻣﺎ ﻣﻤﻜﻦ ﺍﻟﻤﻮﻳﺔ ﻟﺴﻪ ﻣﺎ ﺟﺎﺕ ؟ .. ﻃﻴﺐ ﺷﻐﻠﻮﺍ ﺍﻟﻤﻮﺗﻮﺭ .. ﺷﻨﻮ ؟ ﺍﻟﻜﻬﺮﺑﺎﺀ ﻟﺴﻪ ﻗﺎﻃﻌﺔ ؟ ﻣﺎ ﻣﻤﻜﻦ .. ﺍﻣﺸﻲ ﺍﻋﻤﻞ ﺑﻼﻍ ؟ ﻛﻴﻒ ﻳﻌﻨﻲ ﺍﻟﻌﺮﺑﻴﺔ ﻓﻴﻬﺎ ﻣﺸﻜﻠﺔ ﺍﻟﺒﻄﺎﺭﻳﺔ ﻣﺎ ﻛﺎﻥ ﺟﺒﺘﻮﺍ ﻭﺍﺣﺪﺓ ﺟﺪﻳﺪﺓ ؟ ﻃﻴﺐ ﺍﻋﻤﻠﻮﺍ ﻣﺸﺘﺮﻙ ﻣﻦ ﻋﺮﺑﻴﺔ ﻋﻤﺎﺩ ﺟﺎﺭﻧﺎ .. ﺍﻫﺎ ﻃﻠﻊ ﺍﻟﺸﻐﻞ ﺑﺪﺭﻱ ؟؟ .. ﻏﺎﻳﺘﻮ ﺍﻧﺎ ﻋﺎﺭﻓﺔ ﻟﻤﺎ ﺍﺳﺎﻓﺮ ﺍﻟﻤﺸﺎﻛﻞ ﻛﻠﻬﺎ ﺗﻄﻠﻊ .. ﺍﺻﻠﻲ ﻗﻔﺎﻱ ﺃﻋﻮﺝ ‏) .. ﻛﻨﺖ ﺍﺗﺎﺑﻊ ﺣﺪﻳﺜﻬﺎ ﺿﺎﺣﻜﺔ .. ﺫﻛﺮﺗﻨﻲ ﺣﺎﻟﺘﻬﺎ ﻣﺜﻞ ﺣﺎﻟﺔ ﺍﻟﺴﻮﺩﺍﻥ ﺗﻤﺎﻣﺎ .. ﺩﺍﺋﻤﺎ ﻧﺤﻦ ﻣﺸﻐﻮﻟﻮﻥ ﺑﺎﺧﺒﺎﺭ ﺍﻵﺧﺮﻳﻦ .. ﻭﻣﺘﺎﺑﻌﺔ ﺃﺣﻮﺍﻟﻬﻢ .. ﻭﺍﻟﺒﻠﺪ ‏( ﺑﻄﺎﺭﻳﺘﻬﺎ ﻧﺎﺯﻟﺔ .. ﻭﻋﻤﺎﺩ ﺟﺎﺭﻧﺎ ﻣﺸﻰ ﺍﻟﺸﻐﻞ ‏) .. ﺣﻜﻮﻣﺔ ﺍﻟﺒﺸﻴﺮ ﻟﻢ ﻳﻜﻦ ﺍﻟﺸﻌﺐ ﺩﺍﺧﻞ ﺩﺍﺋﺮﺓ ﺍﻫﺘﻤﺎﻣﺎﺗﻬﺎ .. ﻫﻲ ﺩﺍﺋﻤﺎ ﻣﻮﺟﻬﺔ ‏( ﺍﻟﺪﺵ ‏) ﺗﺠﺎﻩ ﺍﻟﺨﺎﺭﺝ .. ﻓﻬﻲ ﻓﻲ ﺣﺎﻟﺔ ﺍﻟﻤﺴﺎﻫﻤﺔ ﻓﻲ ﺩﻋﻢ ﺣﻤﺎﺱ .. ﺍﻭﺑﻨﺎﺀ ﻣﺴﺘﺸﻔﻰ ﻓﻲ ﺟﻴﺒﻮﺗﻲ .. ﺍﻭﺍﻧﺎﺭﺓ ﻗﺮﻯ ﺍﻟﺤﺪﻭﺩ ﻣﻊ ﺗﺸﺎﺩ .. ﺍﻭ ﺩﻋﻢ ﻃﻼﺏ ﺟﺎﻣﻌﺔ ﺍﻓﺮﻳﻘﻴﺎ ﻋﺸﺎﻥ ﻟﻤﺎ ﻳﺮﺟﻌﻮﺍ ﻟﻲ ﺃﻫﻠﻬﻢ ﻳﻘﻮﻟﻮﺍ ﺍﻟﺴﻮﺩﺍﻧﻴﻴﻦ ﻛﺮﻳﻤﻴﻦ .. ﻭﻛﻠﻮ ﻛﻮﻡ ﻭ‏( ﺍﻟﺘﻠﺼﻖ .. ﺑﻜﺴﺮ ﺍﻟﺘﺎﺀ ﻭﺍﻟﻼﻡ ﻭﺍﻟﺼﺎﺩ ‏) ﻓﻲ ﺍﻟﺪﻭﻝ ﺍﻟﻌﺮﺑﻴﺔ ﻛﻮﻡ ﺗﺎﻧﻲ .. ﻛﻞ ﺍﺳﺒﻮﻉ ﻭﻓﻮﺩ ﺭﺍﻳﺤﺔ ﺍﻟﺴﺒﻮﺭﺓ ﻭﺟﺎﻳﺔ ﻣﻦ ﺍﻟﺴﺒﻮﺭﺓ .. ﻭﻳﺎ ﻗﻠﺒﻲ ﻻ ﺗﺤﺰﻥ .
ﺣﺪﻳﺜﻲ ﻣﻊ ﺭﻓﻴﻘﺔ ﺍﻟﺮﺣﻠﺔ ﺍﻟﻜﺴﻼﻭﻳﺔ .. ﺟﻌﻠﺘﻨﻲ ﺍﻋﺮﻑ ﻟﻤﺎﺫﺍ ﺗﺰﻳﻠﺖ ﺑﻼﺩﻧﺎ ﻛﻞ ﺍﻟﺒﻼﺩ ﺍﻟﺘﻲ ﻛﺎﻧﺖ ﺗﺘﻘﺪﻣﻬﺎ .. ﻭﺻﺮﻧﺎ ﻧﻘﺒﻊ ﻓﻲ ﺍﻟﻘﺎﻉ ﻭﺭﺑﻤﺎ ﺍﺻﺒﺤﻨﺎ ﻣﻀﺮﺏ ﺍﻟﻤﺜﻞ ﻓﻲ ﺳﻮﺀ ﺍﺩﺍﺭﺓ ﺍﻟﻤﻮﺍﺭﺩ ﻧﺘﻴﺠﺔ ﻋﺪﻡ ‏( ﺍﻟﺘﺮﻛﻴﺰ ﻓﻲ ﺍﻟﻮﺭﻕ ‏) ... ﻟﻜﻦ ﺍﻟﺠﺰﺀ ﺍﻟﺠﻤﻴﻞ ﻣﻦ ﺍﻻﻣﺮ ﺍﻥ ﺍﻟﻮﻗﺖ ﻗﺪ ﻣﻀﻰ ﺳﺮﻳﻌﺎ .. ﻓﻘﺪ ﺍﺗﺎﻧﻲ ﺻﻮﺗﻬﺎ ﻭﻧﺤﻦ ﻧﻬﺒﻂ ﻓﻲ ﻣﻄﺎﺭ ﻛﺴﻼ .. ﻭﻫﻲ ﺗﻘﻮﻝ ‏( ﺍﻟﻒ ﺣﻤﺪ ﺍﻟﻠﻪ ﻋﻠﻰ ﺍﻟﺴﻼﻣﺔ .. ﺍﻟﻤﺮﺓ ﺍﻟﺠﺎﻳﺔ ﺟﻴﺒﻲ ﻣﻌﺎﻙ ﺍﻭﻻﺩﻙ ﻋﺸﺎﻥ ﺗﻘﻌﺪﻱ ﺷﻮﻳﺔ ﻭﺗﺰﻭﺭﻱ ﺗﻮﺗﻴﻞ ﻓﻲ ﻛﺴﻼ ‏) .
ﺍﻟﺠﺮﻳﺪﺓ