ﺍﻟﺪﻛﺎﻥ ﻋﺠﺐ ﻭﺩ ﺍﻟﺴﺖ ﻭﻣﺎ ﻛﺎﻥ ﻣﺘﺨﻴﻠﻮ ﻛﺪﺍ ﻗﺎﻳﻠﻮ ﺩﻛﺎﻥ ﺻﻐﻴﺮ ﻭﻣﺒﺸﺘﻦ ﺯﻱ ﺣﻖ ﺣﺴﻦ ﺍﻟﻔﻲ ﺍﻟﺤﻠﺔ ﻭﻟﻘﺎﻫﻮ ﺩﻛﺎﻥ ﻛﺒﻴﺮ ﻭﻭﺍﺳﻊ ﻣﺎ ﺯﻱ ﺩﻛﺎﻛﻴﻦ ﺍﻟﻘﺮﻯ ﻭﻣﻼﻥ ﺭﻓﻮﻑ ﻭﻛﻤﺎﻥ ﻓﻮﻗﻮ ﺗﻼﺟﺔ ﺑﺲ ﺍﻟﺮﻓﻮﻑ ﻛﻠﻬﺎ ﻛﺎﻧﺖ ﻓﺎﺿﻴﺔ ﺍﻻ ﻛﻢ ﺭﻑ ﻭﺑﺴﻴﻄﺎﺕ ﺍﻟﻤﻼﻧﺎﺕ ﻭﺍﻟﺘﻼﺟﺔ ﻣﺎ ﺷﻐﺎﻟﺔ ﻭﺻﻨﺎﺩﻳﻖ ﺍﻟﺒﺒﺴﻲ ﻭﺍﻟﻔﺮﺍﺕ ﺟﺖ ﻓﺎﺿﻴﺎﺕ ﻭﻣﺨﺘﻮﺗﺎﺕ ﻓﻲ ﺣﻮﺵ ﺍﻟﺪﻳﻮﺍﻥ ﻭﻓﻲ ﺷﺒﺎﻙ ﺑﺠﻮﺓ ﻓﺎﺗﺤﻮ ﺍﻟﺰﻳﻦ ﻟﻨﺎﺱ ﺍﻟﺒﻴﺖ
ﺍﻟﺰﻳﻦ ﻗﺎﻝ ﻟﻴﻬﻮ ﺍﻧﺎ ﻓﻲ ﺍﻟﺴﻌﻮﺩﻳﺔ ﺍﻛﻨﺖ ﺷﻐﺎﻝ ﻓﻲ ﺳﻮﺑﺮ ﻣﺎﺭﻛﺖ ﻛﺒﻴﺮ ﻭﻗﻠﺖ ﺍﻋﻤﻞ ﺯﻳﻮ ﻫﻨﺎ ﺑﻌﺪ ﺟﻴﺖ ﻭﺍﻟﺮﻓﻮﻑ ﺩﻳﻞ ﻛﻠﻬﻦ ﺍﻛﺎﻧﻦ ﻣﻼﻧﺎﺕ ﺑﺲ ﺍﻧﺎ ﺯﻱ ﻣﺎ ﻭﺭﻳﺘﻚ ﺍﻟﻨﺎﺱ ﺩﻳﻞ ﭼﺖ ﺃﻫﻠﻲ ﻭﻣﺎ ﺑﻘﺪﺭ ﺃﺑﻘﻰ ﻛﻌﺐ ﻣﻌﺎﻫﻢ ﻭﺻﻌﺐ ﺍﺭﺟﻊ ﺍﻟﺒﺠﻴﻨﻲ ﻣﻨﻬﻢ ﺑﺮﺍ ﻗﺮﻭﺵ ﻭﻛﻠﻬﻢ ﺩﻳﻨﺘﻬﻢ ﻭﺳﺠﻠﺖ ﺍﻟﺪﻳﻮﻥ ﺑﺲ ﺍﻟﺒﺸﻴﻞ ﺩﻳﻦ ﻛﻠﻮ ﻣﺎ ﺑﺠﻲ ﻳﺮﺟﻌﻮ ﻭﺍﻧﺎ ﻻ ﺑﻘﺪﺭ ﺍﺷﺘﻜﻲ ﻭﻻ ﺑﻘﺪﺭ ﺍﺿﺎﺭﺑﻬﻢ ﻭﺑﻄﻨﻲ ﻃﻤﺖ ﻣﻨﻬﻢ ﻭﻣﻦ ﺍﻟﺪﻛﺎﻥ ﻭﺑﻘﻴﺖ ﻣﺎ ﺑﻬﺘﻢ ﺑﻴﻬﻮ ﻭﺑﺠﻴﺐ ﺑﺲ ﺍﻟﻀﺮﻭﺭﻳﺎﺕ ﺷﺪﻳﺪ ﺍﻟﺒﻨﺒﺎﻋﻦ ﻳﻮﻣﻲ ﻟﻜﻦ ﺑﻌﺪ ﻛﺪﺍ ﺍﻟﺒﺴﻌﻠﻨﻲ ﻛﻠﻮ ﺑﻘﻮﻝ ﻟﻴﻬﻮ ﺍﻟﺪﻛﺎﻥ ﺑﻌﺘﻮ ﻭﺍﻧﺎ ﺯﺍﺗﻲ ﻗﺎﻋﺪ ﺍﺷﺘﺮﻱ ﺑﻘﺮﻭﺷﻲ ﻋﺸﺎﻥ ﻣﺎ ﺍﺩﺧﻞ ﻣﻌﺎﻫﻢ ﻓﻲ ﻛﻼﻡ ﻭﺯﻋﻞ ﻭﺍﻧﺖ ﻋﻠﻲ ﻛﻴﻔﻚ ﺍﺷﺘﻐﻞ ﻭﺍﻟﻔﺎﻳﺪﺓ ﺑﺎﻟﻨﺺ ﻭﺍﻥ ﺩﺭﺕ ﺍﻣﻼﻫﻮ ﻟﻴﻚ ﺯﻱ ﺍﻭﻝ ﻣﺎ ﻋﻨﺪﻱ ﻣﺎﻧﻊ
ﻭﺩ ﺍﻟﺴﺖ ﻗﺎﻝ ﻟﻴﻬﻮ ﻓﻲ ﺍﻻﻭﻝ ﻧﺠﻴﺐ ﻛﺮﺍﺱ ﻭﻗﻠﻢ ﻭﻧﺤﺴﺐ ﺍﻟﻔﻴﻬﻮ ﻛﻠﻮ ﻋﺸﺎﻥ ﺑﻌﺪﻳﻦ ﻧﺘﺤﺎﺳﺐ ﺻﺎﺡ ﻭﻣﺎ ﺩﺍﻳﺮ ﻣﻨﻚ ﺑﻀﺎﻋﺔ ﻏﻴﺮ ﺍﻟﻔﻴﻬﻮ ﺩﻱ ﻭﺑﺒﻴﻊ ﻭﺑﺠﻴﺐ ﻟﻤﻦ ﺍﻣﻼﻫﻮ ﺑﺮﺍﻱ ﻭﺍﻟﺒﺸﻴﻠﻮﻫﻮ ﺍﻫﻠﻚ ﻛﻠﻮ ﺑﺴﺠﻠﻮ ﻋﻠﻴﻚ ﻭﺁﻧﺖ ﺗﺪﻓﻌﻮ ﻟﻲ ﺯﻳﻚ ﻭﺯﻱ ﺍﻟﻨﺎﺱ ﻣﺎ ﺗﻌﻤﻞ ﻟﻲ ﻓﻴﻬﺎ ﺍﻟﺪﻛﺎﻥ ﺣﻘﻚ ﻭﺑﻌﺪﻳﻦ ﺩﺍﻳﺮﻙ ﺗﺨﻠﻴﻨﻲ ﺑﺮﺍﺣﺘﻲ ﻻﻧﻲ ﺩﺍﻳﺮ ﺍﻧﻮﻡ ﻫﻨﺎ ﺟﻮﺓ ﻓﻲ ﺍﻟﺪﻛﺎﻥ ﻣﺎ ﺑﻨﻮﻡ ﻓﻲ ﺍﻟﺪﻳﻮﺍﻥ ﺣﻘﻜﻢ
ﺍﻟﺰﻳﻦ ﺍﺗﻜﻴﻒ ﻣﻦ ﻭﺩ ﺍﻟﺴﺖ ﻭﻋﺠﺒﻮ ﻛﻼﻣﻮ ﺩﺍ ﻭﻗﺎﻝ ﻟﻴﻬﻮ ﺍﻋﻤﻞ ﺍﻟﺪﺍﻳﺮﻭ ﻋﻠﻲ ﻛﻴﻔﻚ
ﻭﺩ ﺍﻟﺴﺖ ﻣﻦ ﺻﻐﻴﺮ ﻣﻌﻮﻟﻖ ﻭﺣﺮﺍﻣﻲ ﻭﻣﺎ ﺣﺼﻞ ﺍﺷﺘﻐﻞ ﺷﻐﻠﺔ ﻧﺎﻓﻌﺔ ﻭﻫﺴﻲ ﺍﻟﻔﺮﺻﺔ ﺟﺎﺗﻮ ﻓﻲ ﺻﻤﺔ ﺧﺸﻤﻮ ﻳﺎ ﻳﻨﺠﺢ ﻭﻳﺒﻘﻰ ﺯﻭﻝ ﻳﺎ ﻳﻌﺪﻱ ﻋﻤﺮﻭ ﻛﻠﻮ ﻣﻌﻮﻟﻖ ﻭﺧﺎﺯﻭﻕ
ﻋﺒﺎﺱ ﻣﺸﻰ ﺍﺗﻌﺸﻰ ﻭﻫﻮ ﻣﻦ ﺍﻟﺼﺒﺎﺡ ﻣﺎ ﺍﻛﻞ ﺷﻲ ﻭﻗﻌﺪ ﻳﻔﺘﺶ ﻟﻔﺠﺔ ﻳﻨﻮﻡ ﻓﻴﻬﺎ ﻭﺗﺎﻧﻲ ﺍﺗﺬﻛﺮ ﺭﺑﻴﻊ ﻭﻋﺼﺮ ﺭﺍﺳﻮ ﻟﻤﻦ ﺍﺗﺬﻛﺮ ﺍﻟﺒﻴﺖ ﺍﻟﺠﺎﻫﻮ ﻓﻴﻬﻮ ﻣﻊ ﻭﺩ ﺍﻟﺴﺖ ﻭﻃﻮﺍﻟﻲ ﻣﺸﻰ ﺃﺟﺮ ﻟﻴﻬﻮ ﺗﻜﺴﻲ ﻭﻓﺎﺕ ﻟﻴﻬﻮ ﻣﺎ ﻛﺎﻥ ﻓﻲ ﺍﻟﺤﻲ ﺣﻖ ﻧﺎﺱ ﺍﺑﺠﺎﻛﻮﻣﺔ ﻭﺭﺑﻴﻊ ﺍﻟﻴﻮﻡ ﺩﺍﻙ ﻏﺸﺎﻫﻮ ﺳﺎﻱ ﻭﻫﻮ ﺍﺗﺬﻛﺮﻭ ﻛﻮﻳﺲ ﻭﻗﻌﺪ ﻳﻮﺻﻒ ﻟﺒﺘﺎﻉ ﺍﻟﺘﻜﺴﻲ ﻟﻤﻦ ﻃﻖ ﻟﻘﺎﻫﻮ ﻭﻛﻮ ﻛﻮ ﺩﻕ ﺍﻟﺒﺎﺏ ﻭﺭﺑﻴﻊ ﺟﺎﻫﻮ ﻣﺎﺭﻕ
_ ﻋﺒﺎﺱ ؟ ﺍﺻﻠﻮ ﻣﺎ ﺑﺼﺪﻕ ﺩﻱ ﻋﻤﻠﺘﻬﺎ ﻛﻴﻒ ؟
ﻋﺒﺎﺱ ﺳﻠﻢ ﻋﻠﻴﻬﻮ ﻭﻣﺸﻰ ﺣﺎﺳﺐ ﺑﺘﺎﻉ ﺍﻟﺘﻜﺴﻲ ﻭﺟﺎﻫﻮ
_ ﺟﺎﻱ ﻣﻦ ﻭﻳﻦ ﻳﺎ ﺯﻭﻝ ؟
_ ﻣﻦ ﺍﻟﺨﺮﻃﻮﻡ
_ ﻭﻋﺮﻓﺖ ﺍﻟﺒﻴﺖ ﻛﻴﻒ
_ ﻗﻌﺪﺕ ﻓﻴﻬﻮ ﻳﻮﻡ ﺟﻴﺘﻚ ﻣﻊ ﻭﺩ ﺍﻟﺴﺖ ﺗﻼﺗﺔ ﻳﻮﻡ . ﺑﻨﺴﺎﻫﻮ ؟
_ ﻭﺍﻟﻠﻪ ﻛﻮﻳﺲ ﺫﺍﻛﺮﺗﻚ ﻗﻮﻳﺔ ﻭﺣﻈﻚ ﺳﻤﺢ ﻻﻧﻲ ﻟﻲ ﻓﺘﺮﺓ ﻣﺎ ﺟﻴﺖ ﻫﻨﺎ
_ ﻭﺩﺍ ﺑﻴﺖ ﻣﻨﻮ ؟ ﻣﺎ ﺑﻴﺘﻜﻢ ؟
_ ﻣﺎ ﺑﻴﺘﻨﺎ ﻭﻟﻼ ﺷﻲ ، ﺩﺍ ﺣﻖ ﻭﺍﺣﺪ ﺻﺎﺣﺒﻲ ﻧﺤﻦ ﺑﻴﺘﻨﺎ ﻗﺮﻳﺐ ﻣﻦ ﺑﻴﺖ ﺍﺑﺠﺎﻛﻮﻣﺔ ﻟﻮ ﺑﺘﺘﺬﻛﺮﻭ
_ ﻭﺻﺎﺣﺒﻚ ﺳﻴﺪ ﺍﻟﺒﻴﺖ ﺩﺍ ﻣﻨﻮ ؟
_ ﻣﺎ ﺑﺘﻌﺮﻓﻮ ﻭﻫﻮ ﺯﺍﺗﻮ ﺑﺠﻲ ﻫﻨﺎ ﻣﺮﺓ ﻣﺮﺓ ﻭﻣﺪﻳﻨﻲ ﻣﻔﺘﺎﺣﻮ
_ ﺃﻳﻮﺍﺍﺍﺍﺍ ﻭﺍﻟﺸﻐﻞ ﻛﻴﻒ ﻣﻌﺎﻙ ؟
_ ﻣﺎﺷﻲ ﺍﻟﺤﺎﻝ ، ﺍﺟﻴﺐ ﻟﻴﻚ ﻋﺸﺎﺀ ؟
_ ﻻ ﻻ ﻣﺘﻌﺸﻲ ﻭﺟﻴﺖ ﻣﻦ ﺍﻟﺨﺮﻃﻮﻡ ﻟﻘﻴﺖ ﺑﺺ ﺍﻟﺤﻠﺔ ﻓﺎﺗﻨﻲ ﺟﻴﺘﻚ ﻗﻠﺖ ﺍﺑﻴﺖ ﻣﻌﺎﻙ ﻭﻛﻮﻳﺲ ﺍﻧﻲ ﻟﻘﻴﺘﻚ ﻫﻨﺎ ﻓﻲ ﺍﻟﻮﻛﺮ ﺩﺍ
_ ﺍﺻﻼ ﻣﺴﻤﻨﻮ ﺍﻟﻮﻛﺮ ﺍﻛﻴﺪ ﻭﺭﺍﻙ ﺍﻻﺳﻢ ﺩﺍ ﻭﺩ ﺍﻟﺴﺖ ، ﺑﺎﻟﻤﻨﺎﺳﺒﺔ ﺍﻟﺰﻭﻝ ﺩﺍ ﻭﻳﻦ ؟
_ ﻣﺎ ﻋﺎﺭﻓﻮ ﻭﺍﻟﻠﻪ ﻃﻮﻟﺖ ﻣﻨﻮ ﻟﻜﻦ ﻗﺎﻋﺪ ﻳﺠﻲ ﻣﺪﻧﻲ ﻫﻨﺎ ﻃﻮﺍﻟﻲ ﻣﺎ ﻗﺎﻋﺪ ﻳﺠﻴﻚ ؟
_ ﻣﺎ ﻗﺎﻋﺪ ﻳﺠﻴﻨﻲ ﻭﻣﺴﻚ ﺩﺭﺏ ﺍﻟﺴﺮﻗﺔ . ﻭﻣﺸﻜﻠﺘﻮ ﺯﻭﻝ ﻏﺒﻲ ﻟﻮ ﻣﻔﺘﺢ ﺍﻛﺎﻥ ﺷﻐﻠﺘﻮ ﻣﻌﺎﻧﺎ ﻟﻜﻦ ﻣﺎ ﺑﻨﻔﻊ
_ ﺗﺸﻐﻠﻮ ﺷﻨﻮ ؟
_ ﻣﺨﺪﺭﺍﺕ ﻳﻌﻨﻲ ﺡ ﺍﺷﻐﻠﻮ ﺷﻨﻮ
_ ﺍﻧﺖ ﻫﺴﻲ ﺷﻐﺎﻝ ﻣﺨﺪﺭﺍﺕ ؟
_ ﻭﺑﻤﺰﺍﺍﺍﺍﺍﺝ
ﻋﺒﺪ ﺍﻟﻘﻴﻮﻡ ﺑﻘﻰ ﻣﺤﺘﺎﺭ ﻓﻲ ﺍﻟﻘﺮﻭﺵ ﺍﻛﺘﺮ ﻣﻦ ﻋﺒﺎﺱ ﻣﻊ ﺍﻧﻮ ﻋﺒﺎﺱ ﻣﺎ ﻭﺭﺍﻫﻮ ﻟﻴﻬﺎ ﻭﻭﺿﺢ ﻟﻴﻬﻮ ﺍﻟﺼﻮﺭﺓ ﻟﻜﻦ ﻣﻦ ﻛﻼﻡ ﺣﺴﻦ ﻓﺘﺮﻳﻨﺔ ﻣﻌﺎﻫﻮ ﻭﺳﺆﺍﻝ ﻋﺒﺎﺱ ﻟﻴﻬﻮ ﻟﻤﻦ ﻗﺎﻝ ﻟﻴﻬﻮ ﺍﺩﻳﺘﻨﻲ ﻛﻢ ، ﻋﺮﻑ ﺍﻧﻮ ﻓﻌﻼ ﻋﺒﺎﺱ ﻣﻌﺎﻫﻮ ﻗﺮﻭﺵ ﻛﺘﻴﺮﺓ ﻭﻣﺎ ﻋﺎﺭﻓﻬﺎ ﺟﺎﺗﻮ ﻣﻦ ﻭﻳﻦ ، ﻻﻧﻮ ﻟﻮ ﻓﻌﻼ ﻋﻨﺪﻭ ﻣﺒﻠﻎ ﺯﻱ ﺩﺍ ﻣﺎ ﻛﺎﻥ ﺍﺷﺘﻐﻞ ﻣﻌﺎﻫﻮ ﺑﺎﻟﻜﺮﺗﻮﻧﺔ ﺧﻤﺴﺔ ﺷﻬﻮﺭ ﻭﻋﺒﺎﺱ ﻣﻦ ﺯﻣﺎﻥ ﻣﻮﺭﻳﻬﻮ ﺣﺎﻟﻮ ﻭﺣﺎﻝ ﺍﻫﻠﻮ ﻛﻠﻬﻢ ﻧﺎﺱ ﺑﺴﻴﻄﻴﻦ ﻭﻣﺴﺎﻛﻴﻦ ﻭﻣﺎ ﻋﻨﺪﻫﻢ ﻗﺮﻭﺵ ﻗﺪﺭ ﺩﻱ
ﻭﻗﺎﻝ ﺃﻛﻴﺪ ﻓﻲ ﺳﺮ ﻓﻲ ﺍﻟﻘﺮﻭﺵ ﺩﻱ ﻭﻓﻲ ﺯﻭﻝ ﺧﺘﺎﻫﻦ ﻟﻌﺒﺎﺱ ﺩﺍ ﻣﻦ ﻏﻴﺮ ﻫﻮ ﻣﺎ ﻳﻌﺮﻑ ﻟﻜﻦ ﺍﻟﺰﻭﻝ ﺩﺍ ﻣﻨﻮ ﻭﺧﺘﺎﻫﻦ ﻟﺸﻨﻮ ؟ .
ﺍﻟﺘﺎﺝ ﺳﺎﻛﻦ ﺑﺮﺍﻫﻮ ﻭﻳﻮﻣﻲ ﺑﺠﻐﻢ ﻛﻔﺘﻴﺮﺗﻮ ﻭﺑﻨﻮﻡ ﻭﻣﺮﺗﺎﺡ ﻣﺎ ﻋﻨﺪﻭ ﺃﻱ ﺷﻐﻠﺔ ﺑﺰﻭﻝ ﻭﻣﻦ ﺍﻟﺴﻮﻕ ﻟﻠﺒﻴﺖ ﻭﺑﺎﻟﻌﻜﺲ ﺿﺮﺏ ﺿﺮﺑﺘﻮ ﺍﻟﻮﺭﺍﻫﺎ ﻓﺮﺡ ﻟﻌﺒﺎﺱ ﻭﺷﺎﻝ ﺍﻟﻘﺮﻭﺵ ﻭﺑﻌﺪ ﻧﻬﺎﺋﻲ ﻣﻦ ﺣﺎﺟﺔ ﺍﺳﻤﻬﺎ ﻣﺨﺪﺭﺍﺕ ، ﻭﻧﺎﺱ ﺍﻟﻤﺒﺎﺣﺚ ﺭﺍﻗﺒﻮﻫﻮ ﻓﺘﺮﺓ ﻃﻮﻳﻠﺔ ﻭﻣﺎ ﻣﺴﻜﻮﺍ ﻋﻠﻴﻬﻮ ﺃﻱ ﺷﻲ ﻭﻛﻢ ﻣﺮﺓ ﺭﺳﻠﻮﺍ ﻟﻴﻬﻮ ﻧﺎﺱ ﻭﻓﻲ ﻭﺍﺣﺪ ﻣﻨﻬﻢ ﺷﻐﺎﻝ ﻓﻲ ﺍﻟﻤﻜﺎﺗﺐ ﺣﻘﺎﺕ ﺍﻟﺴﻔﺮﻳﺎﺕ ﺟﻤﺒﻮ ﻭﻳﻮﻣﻲ ﻣﺮﺍﻗﺒﻮ ﻣﺎ ﺷﺎﻑ ﻋﻠﻴﻬﻮ ﺍﻱ ﺷﻲ ، ﺯﻭﻝ ﺫﻛﻲ ﺧﻼﺱ ﺣﻴﺮﻫﻢ ﻋﺪﻳﻞ ﺣﺘﻰ ﺍﻟﻘﺮﻭﺵ ﺍﻟﻘﺴﻤﻬﺎ ﻣﻊ ﺍﻟﻤﺴﺆﻭﻝ ﺍﻟﻄﻠﻊ ﻟﻴﻬﻮ ﺍﻟﺒﻀﺎﻋﺔ ﻋﺮﻑ ﻳﺼﺮﻓﻬﺎ ﻭﻳﻮﻇﻔﻬﺎ ﺻﺎﺡ ﻭﺍﻟﺒﺸﻮﻑ ﺧﻠﻘﺘﻮ ﻭﺣﺎﻟﺘﻮ ﻳﻘﻮﻝ ﻗﺮﺵ ﻣﺎ ﻋﻨﺪﻭ ﻭﺯﻭﻝ ﺟﻠﺪﺓ ﺧﻼﺱ ﻭﺑﺨﻴﻞ
ﻓﻲ ﻣﺪﻧﻲ ﺭﺑﻴﻊ ﻟﻒ ﻟﻴﻬﻮ ﺳﺠﺎﺭﺓ ﺟﺒﺪ ﻣﻨﻬﺎ ﺷﻮﻳﺔ ﻭﻧﺎﻭﻟﻬﺎ ﻟﻌﺒﺎﺱ ﻭﻋﺒﺎﺱ ﻓﻲ ﺍﻻﻭﻝ ﺃﺑﻰ ﻟﻜﻦ ﺭﺑﻴﻊ ﺣﻨﺴﻮ ﺷﺎﻟﻬﺎ ﻋﺸﺎﻥ ﻣﺎ ﺩﺍﻳﺮ ﻳﺤﺮﺟﻮ ﻭﻗﺎﻝ ﻟﻴﻬﻮ ﺍﻧﺖ ﺍﻟﻤﺨﺪﺭﺍﺕ ﺩﻱ ﻣﺴﺘﻔﻴﺪ ﻣﻨﻬﺎ ﺷﻨﻮ ﻫﺴﻲ ﻳﺎ ﺭﺑﻴﻊ ؟
_ ﺷﻮﻑ ﺍﻟﺸﻐﻠﺔ ﺩﻱ ﻳﺎ ﺭﻓﻌﺘﻚ ﺑﻘﺘﻚ ﺃﻏﻨﻰ ﺯﻭﻝ ﻳﺎ ﺿﻴﻌﺘﻚ ، ﻭﺍﻟﺒﺸﺘﻐﻠﻬﺎ ﻟﻮ ﺑﻘﻰ ﺍﻏﻨﻰ ﺯﻭﻝ ﻣﺎ ﺑﺨﻠﻴﻬﺎ
_ ﻛﻴﻒ ﻛﻴﻒ ، ﻋﻴﺪ ﻟﻲ ﻛﻼﻣﻚ ﺩﺍ ؟
_ ﺍﻟﺸﻐﻠﺔ ﺩﻱ ﻣﺮﺽ
_ ﻛﻴﻒ ﻣﺮﺽ ؟
_ ﻳﺎﺧﻲ ﻓﻲ ﻧﺎﺱ ﻋﻤﻠﻮﺍ ﻣﻨﻬﺎ ﻣﻠﻴﺎﺭﺍﺕ ﻭﻗﺮﻭﺵ ﺍﻟﻨﺎﺭ ﻣﺎ ﺑﺘﺎﻛﻠﻬﺎ ﻭﻟﻮ ﻋﺎﺷﻮﺍ ﻣﻴﺔ ﺳﻨﺔ ﻭﻗﻌﺪﻭﺍ ﻳﺎﻛﻠﻮﺍ ﻭﻳﺼﺮﻓﻮﺍ ﻓﻴﻬﺎ ﺑﺲ ﺑﺪﻭﻥ ﺷﻐﻞ ﻣﺎ ﺑﻜﻤﻠﻮﻫﺎ . ﻭﻫﻢ ﻟﺴﺔ ﺷﻐﺎﻟﻴﻦ ﻓﻴﻬﺎ
_ ﻳﻌﻨﻲ ﻣﻔﺮﻭﺽ ﻳﻘﻴﻔﻮﺍ ﻭﻳﺨﻠﻮﻫﺎ ؟
_ ﺩﺍ ﺍﻟﻤﻔﺮﻭﺽ ﻟﻜﻦ ﺑﻨﻲ ﺁﺩﻡ ﻃﻤﺎﻉ ﻭﻋﻴﻨﻮ ﻣﺎ ﺑﻤﻼﻫﺎ ﻋﻼ ﺍﻟﺘﺮﺍﺏ
_ ﺍﻫﺎ ﺍﻧﺎ ﺑﻌﺮﻑ ﻭﺍﺣﺪ ﺍﺷﺘﻐﻞ ﻣﺨﺪﺭﺍﺕ ﻭﺿﺮﺏ ﻟﻴﻬﻮ ﺿﺮﺑﺔ ﺟﺎﻣﺪﺓ ﻭﺧﻼﻫﺎ
_ ﻭﺍﻟﻠﻪ ﺍﺗﺤﺪﺍﻙ ﻭﺍﺗﺤﺪﺍﻫﻮ ﻫﻮ ﺯﺍﺗﻮ ، ﻣﺎ ﺑﺨﻠﻴﻬﺎ ﻳﻌﻨﻲ ﻣﺎ ﺑﺨﻠﻴﻬﺎ
_ ﻳﺎﺧﻲ ﺍﻧﺎ ﺑﻌﺮﻓﻮ ﻣﻌﺮﻓﺔ ﺷﺨﺼﻴﺔ ﻣﺎ ﺗﻐﺎﻟﻄﻨﻲ ﺳﺎﻱ
_ ﻭﺍﻟﻠﻪ ﻟﻮ ﺳﺎﻛﻦ ﻣﻌﺎﻫﻮ ﻭﻳﻮﻣﻲ ﺑﺘﻼﻗﻴﻬﻮ ﻣﺎ ﻳﻘﺪﺭ ﻳﺨﻠﻴﻬﺎ ، ﺍﺳﻌﻠﻨﻲ ﺍﻧﺎ ، ﻭﺯﻭﻟﻚ ﺩﺍ ﺑﻜﻮﻥ ﺷﻐﺎﻝ ﻭﺍﻧﺖ ﻣﺎ ﺟﺎﻳﺐ ﺧﺒﺮ ،
_ ﺍﻧﺎ ﻣﺘﺄﻛﺪ ﻣﺎ ﺷﻐﺎﻝ ﻭﻫﺴﻲ ﻗﺎﻋﺪ ﻓﻲ ﺍﻟﺨﺮﻃﻮﻡ
_ ﺍﺳﻤﻮ ﻣﻨﻮ ﺩﺍ ﺍﻟﺒﺘﻌﺮﻓﻮ ﺩﺍ ؟ ﺍﻧﺎ ﺃﻱ ﺯﻭﻝ ﺷﻐﺎﻝ ﻣﺨﺪﺭﺍﺕ ﻓﻲ ﺍﻟﺨﺮﻃﻮﻡ ﺑﻮﺭﻳﻚ ﺗﺎﺭﻳﺦ ﺣﻴﺎﺗﻮ
_ ﻻ ﻻ ﺍﻧﺎ ﻗﻠﺘﻮ ﻟﻴﻚ ﺳﺎﻱ ﺩﺍﻳﺮ ﺍﻏﺎﻟﻄﻚ ﺑﺲ ﻻ ﺑﻌﺮﻑ ﺯﻭﻝ ﻭﻻ ﺷﺘﻴﻦ
_ ﻛﻼﻣﻚ ﻛﺎﻥ ﻛﻼﻡ ﺯﻭﻝ ﻭﺍﺛﻖ ﻣﺎ ﺩﺍﻳﺮ ﺗﻐﺎﻟﻄﻨﻲ ، ﻗﻮﻟﻮ ﺳﺎﻱ ﺍﻧﺸﻮﻑ ﺑﻌﺮﻓﻮ ﻭﻟﻼ ﻣﺎ ﺑﻌﺮﻓﻮ
_ ﻣﺎ ﻓﻲ ﺯﻭﻝ ﻭﻣﺜﻠﺖ ﻋﻠﻴﻚ ﺳﺎﻱ ﺍﻧﻲ ﺟﺎﺩﻱ ﻋﺸﺎﻥ ﺗﺼﺪﻕ
_ ﺍﻟﻤﻬﻢ ﺍﻟﺸﻐﻠﺔ ﺩﻱ ﻣﺮﺽ
_ ﺍﻣﻜﻦ ﻋﺸﺎﻥ ﺷﻐﻞ ﺣﺮﺍﻡ ﻭﺭﺑﻨﺎ ﺑﻤﻬﻞ ﻭﻣﺎ ﺑﻬﻤﻞ ؟
_ ﺃﺻﻼ ﻛﺪﺍ ﻭﻛﺘﺎﺭ ﺍﻟﻮﻗﻌﻮﺍ ﻭﻫﺴﻲ ﻣﺴﺠﻮﻧﻴﻦ
ﻓﻲ ﺗﺎﺟﺮ ﺍﻧﺎ ﺑﻌﺮﻓﻮ ﻓﻲ ﺍﻟﺨﺮﻃﻮﻡ ﺍﻟﺠﻴﺖ ﻣﻨﻬﺎ ﺍﻧﺖ ﺩﻱ ، ﺍﻟﺰﻭﻝ ﺩﺍ ﻗﺒﻀﻮﺍ ﻋﻨﺪﻭ ﺑﻀﺎﻋﺔ ﺑﻤﻼﻳﻴﻦ ﻭﻫﺴﻲ ﻣﺴﺠﻮﻥ ، ﻳﺎﺥ ﺩﺍ ﻋﻨﺪﻭ ﻣﻠﻴﺎﺭﺍﺕ ﻭﻋﺮﺑﺎﺕ ﻣﺎ ﺗﺪﻳﻚ ﺍﻟﺪﺭﺏ ﻭﻋﻤﺎﺭﺍﺕ ﻭﺩﻛﺎﻛﻴﻦ ﻛﺘﻴﺮﺓ ﻣﻔﺮﻭﺽ ﻣﺎ ﻳﺸﺘﻐﻞ ﺗﺎﻧﻲ ﺑﻌﺪ ﺍﻟﻘﺮﻭﺵ ﺍﻟﻌﻨﺪﻭ ﺩﻱ ، ﻟﻜﻦ ﺍﺷﺘﻐﻞ ﻟﻤﻦ ﺍﻧﻘﺒﺾ ﻭﺍﻧﺴﺠﻦ
_ ﻫﺴﻲ ﺍﻟﺒﻀﺎﻋﺔ ﺩﻱ ﺍﻟﺒﻮﻟﻴﺲ ﻟﻤﻦ ﻳﻘﺒﻀﻬﺎ ﺑﻮﺩﻭﻫﺎ ﻭﻳﻦ ؟
_ ﺑﺒﻴﻌﻮﻫﺎ ﺍﻧﺖ ﻗﺎﻳﻞ ﺑﺘﻠﻔﻮﻫﺎ ﻭﻟﻼ ﺷﻨﻮ ؟ ﺩﻱ ﻣﻼﻳﻴﻦ ﻳﺎ ﻋﺒﺎﺱ
_ ﺍﻟﺒﺒﻴﻌﻬﺎ ﻣﻨﻮ ؟
_ ﺍﻟﻌﺴﺎﻛﺮ ﺯﺍﺗﻦ ﻭﻟﻼ ﻳﺠﻲ ﺿﺎﺑﻂ ﻋﻨﺪﻭ ﺭﺗﺒﺔ ﻳﻄﻠﻌﻬﺎ ﻋﻠﻰ ﺍﺳﺎﺱ ﺍﻧﻬﻢ ﺍﺗﻠﻔﻮﻫﺎ ﻭﺑﺘﺼﺮﻓﻮﺍ ﻓﻴﻬﺎ
ﻋﺒﺎﺱ ﺍﺗﺬﻛﺮ ﻛﻼﻡ ﻓﺮﺡ ﺍﻟﻜﻌﺐ ﻛﻠﻮ ﻭﺍﻟﻀﺮﺑﺔ ﺍﻟﻀﺮﺑﻬﺎ ﺍﻟﺘﺎﺝ ﻭﻗﺎﻝ ﺍﻛﻴﺪ ﺭﺑﻴﻊ ﺩﺍ ﺑﺘﻜﻠﻢ ﻋﻦ ﺍﻟﺘﺎﺟﺮ ﺍﻟﻠﻜﺎﻥ ﺷﻐﺎﻝ ﻣﻌﺎﻫﻮ ﺍﻟﺘﺎﺝ ﺯﺍﺗﻮ
_ ﺍﻧﺖ ﻳﺎ ﺭﺑﻴﻊ ﺍﻟﺘﺎﺟﺮ ﺩﺍ ﺍﺳﻤﻮ ﻣﻨﻮ ؟
_ ﺍﺳﻤﻮ ﻧﺎﺑﻠﻴﻮﻥ
_ ﻧﺎﺑﻠﻴﻮﻥ ﻋﺪﻳﻴﻴﻞ ؟
_ ﻧﺎﺑﻠﻴﻮﻥ ﻟﻘﺒﻮ ﻭ ﺃﻱ ﺯﻭﻝ ﺑﺘﺎﻉ ﻣﺨﺪﺭﺍﺕ ﺑﻌﺮﻓﻮ . ﻭﻣﻮﺵ ﻫﻮ ﺣﺎﻟﻴﺎ ﻣﺴﺠﻮﻥ ؟ ﻟﻜﻦ ﻟﺴﺔ ﺟﻤﺎﻋﺘﻮ ﺷﻐﺎﻟﻴﻦ ﻭﺯﻱ ﺍﻟﻤﺎ ﻣﺴﺠﻮﻥ
_ ﻃﻴﺐ ﻟﻮ ﺍﻧﺎ ﻣﺜﻼ ﺷﻐﺎﻝ ﻣﻊ ﻧﺎﺑﻠﻴﻮﻥ ﺩﺍ ﻭﻣﺎ ﺍﻧﻘﺒﻀﺖ ﻣﻌﺎﻫﻮ ﻭﺩﺍﻳﺮ ﺍﺗﻮﺏ ﻭﺧﻠﻴﺖ ﺍﻟﺸﻐﻞ
_ ﻣﺎ ﻋﻠﻲ ﻛﻴﻔﻚ ﻣﺎ ﺗﺸﺘﻐﻞ ﻣﻌﺎﻫﻢ ﻭﺍﺣﺘﻤﺎﻝ ﻛﺒﻴﺮ ﻳﻜﺘﻠﻮﻙ ﻟﻮ ﺃﺑﻴﺖ ﺗﺸﺘﻐﻞ ﻻﻧﻚ ﻋﺎﺭﻑ ﺍﺳﺮﺍﺭﻫﻢ .
ﺗﺎﻧﻲ ﺭﺑﻴﻊ ﻭﻟﻊ ﺳﺠﺎﺭﺓ ﻭﺍﺩﺍﻫﺎ ﻋﺒﺎﺱ ﻭﻋﺒﺎﺱ ﺷﺎﻟﻬﺎ ﻭﻗﻌﺪ ﻳﺠﺒﺪ ﻓﻴﻬﺎ ﺭﺑﻴﻊ ﺿﺤﻚ ﻭﻗﺎﻝ ﻟﻴﻬﻮ ﺷﻜﻠﻚ ﻛﺪﺍ ﺟﺎﺗﻚ ﻓﻜﺮﺓ ﺗﺸﺘﻐﻞ ﻣﺨﺪﺭﺍﺕ ﻭﺗﺨﻤﺶ ﻟﻴﻚ ﻣﺒﻠﻎ ﻛﺒﻴﺮ ﻭﺗﺘﻮﺏ ﻣﻮﺵ ؟
_ ﻻ ﻻ ﻻ ﺩﻱ ﻓﻴﻬﺎ ﻛﺘﻞ ﺍﻧﺖ ﻗﻠﺖ
_ ﻣﺎ ﻓﻴﻬﺎ ﻛﺘﻞ ﻭﻻ ﺷﻲ ﻭﻛﺘﺎﺭ ﺍﻟﻌﻤﻠﻮﺍ ﻛﺪﺍ ﺑﺲ ﺩﻳﻞ ﺍﺷﺘﻐﻠﻮﺍ ﻣﻊ ﺗﺠﺎﺭ ﺻﻐﺎﺭ ﻭﺍﻟﺼﻐﺎﺭ ﻣﺎ ﻣﻨﻬﻢ ﺧﻮﻑ . ﻭﻟﻮ ﺩﺍﻳﺮ ﺑﻜﺮﺓ ﺑﻮﺩﻳﻚ ﻟﻮﺍﺣﺪ ﺑﺪﻳﻚ ﺑﻀﺎﻋﺔ ﺗﺸﻴﻠﻬﺎ ﻣﻌﺎﻙ ﺍﻟﺨﺮﻃﻮﻡ ﻭﺑﺠﻴﻚ ﺯﻭﻝ ﻳﺴﺘﻠﻤﻬﺎ ﻣﻨﻚ ﻭﻳﺪﻳﻚ ﺣﻘﻚ ﻃﻮﺍﻟﻲ
_ ﺍﻧﺘﻲ ﺟﺎﺩﻱ ؟
_ ﻭﺍﻟﻠﻪ ﺻﺎﺡ ﻭﻟﻮ ﺩﺍﻳﺮ ﻫﺴﻲ ﻓﻲ ﻟﻴﻠﻨﺎ ﺑﻮﺩﻳﻚ ﻟﻴﻬﻮ
_ ﺑﺪﻭﻧﻲ ﻛﻢ ؟
_ ﻋﻠﻰ ﺣﺴﺐ ﺣﺠﻢ ﺍﻟﺒﻀﺎﻋﺔ ﺍﻟﺪﺧﻠﺘﻬﺎ ﻟﻴﻬﻢ ﻟﻜﻦ ﻫﻢ ﻣﺎ ﺑﺪﻭﻙ ﺑﻀﺎﻋﺔ ﻛﺘﻴﺮﺓ ﻋﺸﺎﻥ ﻟﻮ ﺍﻧﻘﺒﻀﺖ ﻣﺎ ﻳﺨﺴﺮﻭﺍ ﻛﺘﻴﺮ
_ ﻣﺎ ﻳﺨﺴﺮﻭﺍ ﻛﺘﻴﺮ ﻭﺃﺿﻴﻊ ﺃﻧﺎ . ﺻﺎﺡ ؟
_ ﻟﻮ ﻣﻔﺘﺢ ﻣﺎ ﺑﺘﻀﻴﻊ ﻭﻟﻮ ﺩﺧﻠﺘﻬﺎ ﺃﻗﻞ ﺷﻲ ﺑﺴﻠﻤﻮﻙ ﺧﻤﺴﻴﻦ ﺃﻟﻒ
_ ﺧﻤﺴﻴﻦ ﺃﻟﻒ ؟
_ ﻓﻲ ﻣﺸﻮﺍﺭ ﻭﺍﺣﺪ ﺯﻱ ﺟﻴﺘﻚ ﺩﻱ . ﺩﺍﻳﺮ ؟
_ ﻣﺨﺪﺭﺍﺕ ﺷﻨﻮ ﻫﺎ ﻭﻻ ﺑﻔﻜﺮ ﻓﻲ ﻛﻼﻡ ﺯﻱ ﺩﺍ ، ﺍﻧﺎ ﺩﺍﻳﺮ ﺍﻧﻮﻡ ﻳﺎﺥ ﻧﻌﺴﺖ ﻭﺍﻟﻠﻪ
_ ﻧﻮﻡ ﻧﻮﻡ ﺍﻧﺎ ﻓﻲ ﺯﻭﻝ ﺑﺠﻴﻨﻲ ﺑﻌﺪ ﺷﻮﻳﺔ ﺑﻤﺸﻲ ﻣﻌﺎﻫﻮ ﻣﺸﻮﺍﺭ ﻭﺑﺠﻲ ﻭﻟﻮ ﻣﺎ ﺟﻴﺖ ﻭﺍﻧﺖ ﻣﺎﺭﻕ ﺟﺮ ﻣﻌﺎﻙ ﺍﻟﺒﺎﺏ
_ ﺗﻤﺎﻡ
ﻋﺒﺎﺱ ﺭﻗﺪ ﻋﻤﻞ ﻓﻴﻬﺎ ﺩﺍﻳﺮ ﻳﻨﻮﻡ ﻟﻜﻦ ﻣﺎ ﺟﺎﻫﻮ ﻧﻮﻡ ﻭﺭﺍﺳﻮ ﻛﺎﻥ ﺗﻘﻴﻞ ﻣﻦ ﺍﻟﺴﻄﻠﺔ ﻭﻋﻴﻮﻧﻮ ﻣﺎ ﻗﺎﺩﺭ ﻳﻔﺘﺤﻦ ﻭﻻ ﻧﻌﺴﺎﻥ ﻭﻧﺴﻰ ﻋﻤﺮ ﻭﺩ ﺍﻟﻀﻮ ﻭﻗﻌﺪ ﻳﻔﻜﺮ ﻓﻲ ﺍﻟﺘﺎﺝ ﻭﻓﻲ ﺭﺑﻴﻊ ﻭﻓﻲ ﺷﻐﻠﺔ ﺍﻟﻤﺨﺪﺭﺍﺕ ﺩﻱ ، ﺧﻤﺴﻴﻦ ﺃﻟﻒ ﻓﻲ ﻣﺸﻮﺍﺭ ﻭﺍﺣﺪ ، ﻗﺎﻝ ﻳﻌﻨﻲ ﺍﻟﺸﻐﻞ ﺍﻟﺒﺸﺘﻐﻠﻮ ﺑﺎﻟﻜﺮﺗﻮﻧﺔ ﻓﻲ ﻣﺪﺓ ﺳﻨﺔ ﺑﺠﻴﺒﻮ ﻓﻲ ﻣﺸﻮﺍﺭ ﻭﺍﺣﺪ ﺑﺲ