ﻳﺎ ﺍﻣﻲ ﺍﻧﺘﻲ ﻣﻌﺎﻱ
ﺑﻴﻚ ﺍﻟﻔﺮﺡ ﻣﻨﺸﻮﺭ
ﻧﺮﻗﺺ ﻧﻤﺪﺍ ﺯﻫﻮﺭ
ﻧﻔﺮﺡ ﻧﻐﻨﻲ ﺳﺮﻭﺭ
ﺍﻧﺘﻲ ﺍﻟﺸﻤﺲ ﻭﺍﻟﻨﻮﺭ
ﻻ ﺩﻧﻴﺎ ﺗﻈﻠﻤﻨﻲ
ﻳﺎﻏﺎﺑﺔ ﺍﻟﺒﻠﻮﺭ
ﺑﻴﻚ ﺍﻟﺤﺰﻥ ﻣﺒﺘﻮﺭ
ﻳﻮﻡ ﻗﺎﻋﺪﻩ ﻭﺻﺘﻨﻲ
ﻻﺗﻜﺴﺮ ﺍﻟﻤﻈﻠﻮﻡ
ﻻ ﺗﻔﻀﺢ ﺍﻟﻤﻜﺘﻮﻡ
ﺧﻠﻲ ﺍﻟﺤﺰﻥ ﻳﺮﺣﻞ
ﺧﻠﻲ ﺍﻟﺴﻌﺎﺩﻩ ﺗﺪﻭﻡ
ﺇﻥ ﺷﻔﺖ ﻋﻮﺭﺓ ﺍﺧﻮﻙ
ﺍﺑﻘﻰ ﻟﻴﻪ ﻭﺷﺎﺡ
ﺧﻠﻲ ﺍﻟﻌﻮﺝ ﻣﺴﺘﻮﺭ
ﻛﻦ ﻟﻠﻌﻘﻞ ﻗﻬﻮﻩ
ﺑﻲ ﺟﻨﺰﺑﻴﻞ ﻭﺑﺨﻮﺭ
ﻛﻦ ﻟﻠﺠﺮﺡ ﻋﺎﻓﻴﻪ
ﻳﺎ ﻋﺎﻓﻴﺔ ﺍﻟﻤﺸﻠﻮﻝ
ﺧﻠﻲ ﺍﻟﻐﺮﺍﻡ ﻳﻨﻤﻮ
ﺗﺒﻘﻰ ﺍﻟﻤﺤﺒﻪ ﺷﺘﻮﻝ
ﻻﺗﻨﺴﻰ ﻋﺸﺮﺓ ﺯﻭﻝ
ﻻ ﺗﻘﺘﻞ ﺍﻟﻤﺰﻟﻮﻝ
ﻳﺎ ﻭﻟﺪﻱ ﻳﺮﺿﻰ ﻋﻠﻴﻚ
ﺧﻠﻴﻚ ﺍﻣﻞ ﻟﻠﻨﺎﺱ
ﺧﻠﻲ ﺍﻟﺨﻴﺎﻧﻪ ﺗﻐﻮﺭ
ﺧﻠﻲ ﺍﻟﺤﺒﻴﺐ ﻳﺸﺮﻕ
ﺗﻠﻘﻰ ﺍﻟﻤﺤﺒﻪ ﺑﺰﻭﺭ
ﻳﺎ ﺍﻣﻲ ﻭﺍﻟﻠﻪ
ﺑﺤﻔﻆ ﻭﺻﺘﻚ ﺩﻱ
ﻟﻲ ﻭﻟﺪﻱ ﺍﺣﻜﻴﻬﺎ
ﻟﻲ ﻣﺮﺗﻲ ﺍﻭ ﺑﺘﻲ
ﺍﺣﻔﻈﻬﺎ ﺫﻱ ﺳﻮﺭﻩ
ﺫﻱ ﺳﻮﺭﻩ ﻓﻲ ﺍﻟﻘﺮﺍﻥ
ﺫﻱ ﺳﻮﺭﺓ ﺍﻝ ﻋﻤﺮﺍﻥ
ﻭﺻﺘﻚ ﻃﺎﻫﺮﻩ
ﺫﻱ ﻃﻬﺎﺭﺓ ﺍﻻﺩﻳﺎﻥ
ﺫﻱ ﺑﻠﺪﻱ ﺍﻟﺴﻮﺩﺍﻥ
ﻭﺍﺣﻜﻲ ﺍﻟﺤﻨﺎﻥ ﺍﻟﻔﻴﻚ
ﻳﺎ ﺍﺟﻤﻞ ﺍﻻﻭﻃﺎﻥ
ﻣﺎ ﺇﻧﺘﻲ ﺟﻨﻪ ﺑﺮﺍﻙ
ﻳﺎ ﻛﺴﻮﺓ ﺍﻟﻌﺮﻳﺎﻥ
ﻳﺎﺑﺴﻤﺔ ﺍﻟﺤﺰﻧﺎﻥ
ﻭﺍﻟﺸﻴﺐ ﺑﻴﺒﺮﻕ ﻓﻴﻚ
ﺫﻱ ﻟﻤﻌﺔ ﺍﻻﺳﻨﺎﻥ
ﻭﺍﻟﻘﻤﺮﻩ ﻳﻮﻡ ﺗﻄﻠﻊ
ﺗﻠﻘﺎﻙ ﺷﻌﻠﺔ ﻧﻮﺭ
ﺗﺮﺟﻊ ﻓﻲ ﻟﻴﻠﻪ ﺗﻐﻴﺐ
ﻳﺎﻋﺸﺔ ﺍﻟﺰﺭﺯﻭﺭ
ﻳﺎ ﻧﻴﻞ ﻭﻗﻤﺮﻳﻪ
ﻭﺻﻮﺕ ﺍﻟﺴﻮﺍﻗﻲ ﻳﺪﻭﺭ
ﺷﺘﻠﺔ ﻧﺨﻴﻞ ﻋﺎﻟﻴﻪ
ﺳﺪﺭﺓ ﻧﺒﻖ ﻭﺗﻤﻮﺭ
ﻳﺎ ﺍﻣﻲ ﺍﺩﻋﻲ ﻟﻲ
ﺑﻲ ﺩﻋﻮﺗﻚ ﺑﻜﺒﺮ
ﺑﺮﻛﺐ ﺳﻔﻦ ﻭﺑﺤﻮﺭ
ﻭﺩﻋﻮﺗﻚ ﺗﻤﺴﺢ
ﻛﻞ ﺍﻟﻈﻠﻢ ﻭﺍﻟﺠﻮﺭ
ﻭﺗﻔﺘﺢ ﻃﺮﻳﻖ ﻟﻴﺎ
ﻭﻛﻞ ﺍﻟﻘﻮﺍﺳﻲ ﺗﻬﻮﻥ
ﺭﺏ ﺍﻟﻌﺒﺎﺩ ﺣﺎﻓﻆ
ﻭﺭﺏ ﺍﻟﺤﻮﺍﺱ ﺑﻴﺼﻮﻥ
ﺑﻲ ﺩﻋﻮﺗﻚ ﺑﺴﻌﺪ
ﺗﺒﻘﻰ ﺍﻟﻌﻴﻮﻥ ﺗﻠﻤﻊ
ﺫﻱ ﻟﺆﻟﺆﺍ " ﻣﻨﺜﻮﺭ
ﻳﺒﻘﻰ ﺍﻟﻔﺮﺡ ﻋﺎﺗﻲ
ﻣﻦ ﺍﻱ ﺑﺎﺏ ﺍﻭ ﺍﺳﻮﺭ
ﺑﻲ ﺩﻋﻮﺗﻚ ﺑﺒﻘﻰ
ﺑﺒﻘﻰ ﺯﻭﻝ ﻣﺤﺒﻮﺏ
ﻭﺍﻟﻨﺎﺱ ﺟﻨﺒﻲ ﺑﺘﺘﺠﻤﻊ
ﺫﻱ ﺍﻱ ﺯﻭﻝ ﻣﺸﻬﻮﺭ
ﻣﻄﺮﺏ ﺍﻭ ﺷﺎﻋﺮ
ﺑﻴﻐﻨﻲ ﻟﻲ ﺟﻤﻬﻮﺭ
ﻭ ﺍﻟﺸﻖ ﺑﺒﺴﻤﺘﻚ ﺑﻴﺒﺮﻯ
ﻭ ﺇﻥ ﻛﺎﻥ ﻋﻀﻢ ﻣﻜﺴﻮﺭ
ﻭﺍﻻﻡ ﺇﻥ ﻏﺎﺑﺔ
ﻳﺒﻘﻰ ﺍﻟﻔﺮﺡ ﻣﻬﺠﻮﺭ
ﻳﺎ ﺍﻣﻲ ﺧﻠﻴﻜﻲ
ﺧﻠﻴﻜﻲ ﻗﺎﻋﺪﻩ ﺣﺪﺍﻱ
ﺑﻲ ﻗﻌﺪﺗﻚ ﺑﻨﺴﻰ
ﻛﻞ ﺍﺯﺍﻱ ﻭﺷﻘﺎﻱ
ﻭﺇﻥ ﻏﺒﺘﻲ ﻳﻮﻡ ﻋﻨﻲ
ﻫﻢ ﻳﻼﺯﻣﻨﻲ
ﺗﺪﻣﻊ ﻋﻮﻳﻨﺎﺗﻲ
ﺗﺘﺴﻮﺩ ﻓﺮﺍﺷﻲ ﻣﻌﺎﻱ
ﻳﺒﻘﻰ ﺍﻟﻨﺴﻴﻢ ﻣﺎﻓﻲ
ﻭ ﺗﻮﻗﺪ ﻧﺎﺭ ﺟﻮﺍﻱ
ﻻ ﺗﻨﻄﻔﻲ ﻭﺗﺰﻭﻝ
ﻻ ﺗﺨﻮﻓﻪ ﻣﻄﺎﻓﻲ
ﺗﺒﺮﺩ ﻭﺗﻤﺸﻲ ﺗﺮﻭﺡ
ﺑﻲ ﻋﻮﺩﺓ ﺍﻣﻲ ﻣﻌﺎﻱ
ﻋﺎﺩ ﺍﻟﺼﺒﺎﺡ ﺩﺍﻓﻲ
ﻭﺇﻥ ﻣﺮﺽ ﻳﻮﻡ ﺯﺍﺭﻙ
ﺑﻠﻘﻰ ﺍﻟﻴﺪﻳﻦ ﺭﺍﻓﻌﻪ
ﻳﺎ ﺭﺑﻲ ﻳﺎ ﻋﺎﻓﻲ
ﺑﻠﻘﻰ ﺍﻟﻄﻴﻮﺭ ﺗﺪﻋﻲ
ﻳﺎﺭﺑﻲ ﻳﺎﺷﺎﻓﻲ
ﺑﻘﻠﻢ ﻋﺒﺪﺍﻟﻌﺰﻳﺰ ﻭﻫﺒﻲ