ﺷﻜﻼﺍً ﺟﺰﻳﻼً ﻳﺎﻣﻄﺮ
ﻫﺒﻦ ﻛﺘﺎﺗﻴﺢ ﺍﻟﻮﺟﻊ
ﻃﺸﺸﺖ ﻓﻲ ﺳﻜﻚ ﺍﻟﻮﺩﺭ
ﺷﺎﻳﻔﺎﻙ ﺟﻮﺍﻳﺎ ﺭﻫﺎﺏ ﺭﻫﺎﺏ
ﺍﻧﺎ ﻭﺍﻧﺖ ﻗﺎﻋﺪﻳﻦ ﻓﻮﻕ ﺣﺠﺮ
ﻧﺘﻮﻧﺲ ﺍﻟﺸﻮﻕ ﺍﻟﺮﻫﻴﻒ
ﻭﻳﻀﻮﻱ ﺟﻮﺍﻧﺎ ﺍﻟﻘﻤﺮ
ﻭﻗﺪﺭﻙ ﺍﻣﺮ
ﻭﺍﻣﺮﻙ ﺃﻣﺮ
ﻣﻦ ﻛﻮﻧﻲ ﺍﺑﻠﻌﻮ ﺑﻲ ﺳﻜﺎﺕ
ﻭﺍﻟﺬﻛﺮﻯ ﺳﺮﻃﺎﻥ ﻓﻲ ﺩﻣﺎﻱ
ﺑﺘﺰﺍﺣﻤﻚ ﺟﻮﻩ ﺍﻟﻌﺮﻭﻕ
ﻭﻟﺴﻊ ﺯﻓﻴﺮﻙ ﻓﻲ ﺟﻮﺍﻱ
ﻛﺎﺗﻤﺎﻭ ﺭﺋﺎﻱ ﺣﺎﻣﻴﻪ ﺍﻟﻤﺮﻭﻕ
ﻭﺍﻧﺎ ﻣﺎﺑﻔﻮﻕ
ﻭﺇﻳﺪﻙ ﻃﻮﻳﻠﻪ ﻋﻠﻰ ﺍﻟﺸﺮﻭﻕ
ﻛﻔﺘﻬﺎ
ﻭﺣﻤﺮ ﺧﺪﻭﺩﻩ ﻣﻦ ﺍﻟﻀﻼﻡ
ﺣﺼﻞ ﺇﻧﻔﺼﺎﻡ
ﻭﺑﻘﻴﺖ ﺷﺨﻮﺹ
ﻣﺎﺳﻜﻴﻦ ﺳﻜﺎﻛﻴﻦ ﺍﻟﻨﻮﻳﺢ
ﻭﺑﻘﻄﻌﻮﻧﻲ ﺣﺘﺖ ﺣﺘﺖ
ﺷﻜﺮﺍً ﺟﺰﻳﻼً ﻳﺎﻣﻄﺮ
ﺍﻟﻠﻴﻞ ﺳﺪﻝ
ﻭﺳﻤﻌﺖ ﺩﻝ
ﺗﺎﺭﻳﻮ ﺟﻮﺍﻱ ﻃﺮﺷﻖ ﺣﻨﻴﻨﻚ ﻭﺇﻧﺒﻬﻞ
ﻭﻳﺎﺭﺑﻲ ﻫﻞ ؟
ﻫﻞ ﺇﻧﺖ ﺭﺿﻴﺎﻧﻠﻲ ﺍﻟﻌﺬﺍﺏ ؟
ﻫﻞ ﻛﻠﻤﺎ ﺍﻓﺘﺤﻠﻲ ﺑﺎﺏ ﻟﻠﺮﺟﻌﻪ
ﺗﻘﻔﻞ ﺍﻟﻒ ﺑﺎﺏ ؟
ﻫﻞ ﺗﺴﺘﺤﻖ ﺍﻟﺮﻳﺪﻩ ﺑﻌﺪ ﺻﻔﺎﻫﺎ
ﺗﺘﺒﺪﻝ ﺧﺮﺍﺏ ؟
ﻫﻞ ﻛﻞ ﺣﻠﻴﻔﺎﺕ ﺍﻟﺨﻠﻮﺩ
ﺗﺒﻘﺎﻟﻲ ﻓﻲ ﺍﻻﺧﺮ ﺳﺮﺍﺏ ؟
ﻫﻼﺕ ﻛﺘﺎﺭﺍﺕ ﺑﻨﺪﻫﻦ
ﻣﺎﺑﻨﺘﻬﻦ
ﺟﻮﺍﻱ ﺑﻔﻮﺭﻥ ﻳﻠﻬﻠﻬﻦ
ﻛﺒﺪ ﺍﻟﺴﻜﺎﺕ ﺟﻮﺍﻳﺎ ﺑﺎﻟﺨﻮﻑ ﺇﻧﻬﺮﺍ
ﻛﻠﻤﺎ ﺗﺠﻤﻠﻚ ﺍﻟﺤﺮﻭﻑ
ﺍﻟﻘﻰ ﺍﻟﺤﻮﺍﺱ ﺍﻟﺼﺎﺩﻗﺔ ﺟﻮﺍﻱ ﺗﻨﻬﺮﺍ
ﻭﺩﺍﻳﻤﺎً ﺗﻘﻮﻟﻬﺎ ﻛﺎﻥ ﻣﺮﺍ
ﻳﻮﻡ ﺗﻨﻀﻤﻴﻬﻮ ﺑﺪﻭﻥ ﻧﻔﺲ
ﻭﺭﻳﻨﻲ ﻛﻴﻔﻦ ﺗﻠﻘﻲ ﻟﻴﻚ ﻣﻦ ﺩﻭﻥ ﻫﻮﺍﻭ
ﻓﻲ ﺍﻟﺪﻧﻴﺎ ﺣﺲ
ﺷﻜﺮﺍً ﺟﺰﻳﻼً ﻳﺎﻣﻄﺮ
ﻟﻴﻪ ﺇﻧﺪﻓﻖ ﻓﻮﻗﻨﺎ ﺍﻟﻐﺮﺍﻡ
ﻣﺎﺩﺍﻡ ﻫﻮ ﻣﺎﺑﺴﻘﻲ ﺍﻟﻘﻠﻴﺐ
ﻳﻠﺒﺲ ﻭﺷﻠﺮﻗﺎﻫﻮ ﺍﻟﺪﻣﻮﻉ
ﻭﺍﻧﺎ ﺧﺎﻳﺠﻪ ﺑﻲ ﺭﺟﻠﻴﻦ ﺷﻘﺎﻱ
ﺑﻌﻔﺺ ﻗﻠﻴﺒﻲ ﻭﺍﻫﺮﺩﻭ
ﻭﺍﻧﺎ ﻧﻔﺴﻲ ﻣﻨﻚ ﺍﺟﺮﺩﻭ
ﻭﺍﻧﺎ ﻧﻔﺴﻲ ﻃﻴﺮﺍﺕ ﺍﻟﻔﺮﺡ
ﻟﻮﻳﻘﺮﺑﻨﻠﻲ ﻳﻐﺮﺩﻭ
ﻭﺍﻧﺎ ﻧﻔﺴﻲ ﻧﺮﺟﻊ ﺯﻱ ﺯﻣﺎﻥ
ﻋﻴﻨﻚ ﺗﺤﻤﺮ ﻟﻠﻔﺮﺍﻕ
ﻳﺮﺟﻊ ﻳﺨﺎﻑ
ﻣﺎﺳﻜﻨﻲ ﻣﺎﺷﻴﻦ ﻓﻲ ﻃﺮﻳﻖ
ﻭﺍﺭﻭﺍﺣﻨﺎ ﺩﺍﻳﻤﺎً ﻓﻲ ﺇﺋﺘﻼﻑ
ﻭﺍﻧﺎ ﻧﻔﺴﻲ ﺭﻏﻢ ﺍﻻﺧﺘﻼﻑ
ﻧﻔﻀﻞ ﻧﻮﺍﺩﺩ ﻓﻲ ﺑﻌﺾ
ﻗﺪ ﻳﺼﻠﺢ ﺍﻟﻮﺩ ﺇﺧﺘﻼﻑ
ﺷﻜﺮﺍً ﺟﺰﻳﻼً ﻳﺎﺟﻔﺎﻑ
ﺷﻜﺮﺍً ﺟﺰﻳﻼً ﻳﺎﻣﻄﺮ
ﻣﺎﺯﻣﺠﺮﻥ ﺑﻌﺪﻙ ﺣﻮﺍﺱ
ﺑﺤﺼﻞ ﺗﻨﺎﻓﺮ ﻓﻲ ﺍﻟﺸﺒﻪ
ﻛﺎﻥ ﺣﺼﻞ ﺍﻟﺠﻮﻑ ﺇﻟﺘﻤﺎﺱ
ﻣﻠﻤﻮﺳﺔ ﻓﻴﻚ ﻛﻞ ﺍﻟﻨﻮﺍﺯﻉ ﺍﻟﻔﻲ ﺟﻮﺍﻙ
ﻭﺍﻧﺎ ﻓﻴﻚ ﺍﻛﻴﺪ ﻣﺎﻓﺖ ﺳﺎﻱ
ﻗﺎﻋﺪ ﻫﻮﺍﻱ
ﻗﺎﺩﺭ ﻋﻠﻴﻚ
ﺭﻏﻢ ﺍﻟﻤﺴﺎﻓﺎﺕ ﻭﺍﻟﺒﻌﺎﺩ
ﺷﻜﻞ ﺍﻟﺘﻀﺎﺩ
ﻟﺴﻊ ﺑﺘﺎﻭﺭ ﻓﻴﻚ ﺣﻨﻴﻦ
ﺑﻌﻠﻨﻲ ﺟﻮﺍﻙ ﻟﺴﻪ ﻓﻲ
ﻭﻣﺎﺑﻨﺘﻔﻲ
ﻭﻛﻞ ﺫﻧﺒﻲ ﺇﻧﻚ ﻣﺎﻭﻓﻲ
ﻭﺷﻜﺮﺍً ﺟﺰﻳﻼً ﻳﺎﻣﻄﺮ
ﺣﺮﺷﻨﻲ ﺷﻮﻗﻚ ﻣﺎ ﺍﺟﻴﻚ
ﺑﻨﻮﺕ ﻫﻮﺍﻙ ﺑﺘﺸﺎﺑﻬﻦ
ﻭﺍﻟﺮﻳﺪﻩ ﻣﺎﻛﻠﻤﻪ ﺑﺤﺒﻚ ﻭﺍﻟﺴﻼﻡ
ﻭﺭﻱ ﺍﻟﺒﻨﺎﺕ ﺗﺎﺭﻳﺦ ﻫﻮﺍﻱ
ﻛﺎﻥ ﻳﻔﻬﻤﻦ ﻣﻌﻨﻰ ﺍﻟﻐﺮﺍﻡ
ﻣﺎﺗﺠﻔﻞ ﺍﻟﻌﺸﺮﺓ ﻭﺗﻔﻮﺕ
ﻭﺍﻧﺎ ﺩﺍﻳﺮﻩ ﺍﻣﻮﺕ
ﺍﻧﺎ ﻛﻴﻒ ﺍﻋﻴﺶ ﻣﻦ ﺩﻭﻥ ﺍﻧﺎﻱ
ﻭﺍﻧﻔﺎﺳﻲ ﻭﺍﺣﺴﺎﺳﻲ ﻭﻏﻨﺎﻱ
ﺑﻨﺰﻑ ﻭﻣﺎﻛﻤﻠﺖ ﺩﻣﺎﻱ
ﻭﺳﻂ ﺍﻟﺨﻠﻮﻕ ﻟﻜﻦ ﺑﺮﺍﻱ
ﺑﻀﺤﻚ ﻭﻛﺖ ﻣﺎﻳﺰﻳﺪ ﺑﻜﺎﻱ
ﺷﻜﺮﺍً ﺟﺰﻳﻼً ﻳﺎ ....
ﺷﻜﺮﺍً ﺟﺰﻳﻼً ﻳﺎﻣﻄﺮ
ﺑﻜﺮﻩ ﺍﻟﻜﻔﻮﻑ ﺑﺘﻌﺎﺩﻟﻦ
ﻭﺑﺨﺎﻑ ﻋﻠﻴﻚ
ﻛﻒ ﺍﻟﻤﺂﺳﻲ ﻳﺮﺟﺤﻚ
ﻭﻳﻮﻡ ﺇﻣﺘﺤﺎﻧﺎﺕ ﺍﻟﺼﺪﻕ
ﻣﺎﺗﻠﻘﻰ ﻏﻴﺮﻱ ﻳﻨﺠﺤﻚ
ﻭﺑﺮﺷﺤﻚ
ﻟﻠﻤﺎﺿﻲ ﺍﺻﺪﻗﻤﺎ ﻳﻜﻮﻥ
ﻭﻣﺎﺗﺨﺎﻑ ﻋﻠﻲ
ﻟﻮﻗﻠﻨﺎ ﺇﻧﻚ ﺣﺎﺳﻲ ﺑﻲ
ﺍﻧﺎ ﻟﺴﻪ ﺑﻲ ﻧﻔﺲ ﺍﻟﺼﺪﻕ
ﻭﺍﻟﺮﻳﺪ ﺟﻮﺍﻱ ﺭﻏﻢ ﺇﺳﺘﻮﺍﻭ ﻟﺴﺎﺗﻮ ﻧﻲ
ﻭﻓﻲ ﻧﺺ ﻫﻀﺎﻟﻴﻢ ﺍﻟﺠﻨﻮﻥ
ﺍﻧﺎ ﻟﺴﻪ ﺑﻨﺪﻫﻠﻚ ﺗﻌﺎﻝ
ﺭﻏﻢ ﺇﻧﻲ ﻣﺎﺩﺍﻳﺮﺍﻙ ﺗﺠﻲ
ﻭﺧﻠﺼﺎﻥ ﺟﻮﺍﻱ ﺍﻹﺣﺘﻤﺎﻝ
ﻭﺍﻧﺎ ﺗﺎﻧﻲ ﻣﺎﺑﻘﺪﺭ ﻋﻠﻴﻚ
ﺷﻜﺮﺍً ﺇﻟﻴﻚ
ﺧﻠﻴﺘﻨﻲ ﺍﻫﻮﺍﻙ ﺑﻲ ﺻﺪﻕ
ﺷﻜﺮﺍً ﻷﻧﻚ ﻳﺎﻫﻮﺍﻱ
ﺧﻠﻴﺘﻨﻲ ﺍﻧﺴﺎﻙ ﺑﻲ ﺻﺪﻕ
ﺷﻜﺮﺍً ﺟﺰﻳﻼً ﻳﺎﻣﻄﺮ