ﻛﻴﻒ ﺗﺮﻣﻲ ﻭﺭﺩﺍﺕ ﺭﻳﺪﻱ ﻟﻴﻚ
ﻭﺃﻧﺎ ﻣﻦ ﺯﻣﺎﻥ ﻟﻴﻚ ﻳﺎﻣﻼﻙ ﻛﺖ ﺩﺍﺧﺮﻫﺎ
ﺑﺴﻘﻴﻬﺎ ﻣﻦ ﺩﻡ ﺍﻟﻘﻠﻴﺐ
ﻭﻣﻦ ﺍﻟﻌﻴﻮﻥ ﻓﻲ ﻋﻴﻮﻧﻲ ﻛﻨﺖ ﺑﻀﺎﻳﺮﻫﺎ
ﻛﻴﻒ ﻫﺴﻲ ﺑﺲ ﻫﺎﻧﺖ ﻋﻠﻴﻚ !
ﻭﺃﻫﺪﻳﻚ ﺷﻨﻮ؟ ﻣﺎﺩﺍﻡ ﻏﺸﺎﻙ ﺍﻹﻓﺘﺮﺍ
ﻻﺯﻡ ﻭﺃﻛﻴﺪ ﻋﻴﻦ ﺻﺎﺑﺘﻚ
ﻓﻲ ﺭﻳﺪﺗﻲ ﻟﻴﻚ ﻭﻣﺤﺒﺘﻚ
ﻳﻼﻙ ﻗﻠﻮﺑﻨﺎ ﻧﺒﺨﺮﻫﺎ
ﺍﻟﻨــــــــــــــــــــﺺ ...
ﻭﺃﻧﺎ ﻣﺸﺘﻬﻴﻚ
ﻣﺸﺘﺎﻗﻬﺎ ﻧﻈﺮﺍﺗﻚ ﺟﻨﻮﻥ
ﻟﻲ ﺑﺴﻤﻪ ﺍﻟﻀﻮ ﻓﻲ ﻭﺷﻴﻚ
ﻟﻲ ﺩﻫﺸﻪ ﺍﻹﺣﺴﺎﺱ ﻣﻌﺎﻙ
ﺳﺎﻋﻪ ﻋﻴﻮﻧﻲ ﺑﺘﺤﺘﻮﻳﻚ
ﻟﻲ ﻓﺮﺣﻪ ﺍﻟﻮﺍﻃﻪ
ﻭﻭﻗﺖ ﺗﺘﻘﺪﻟﻲ ﻭﺑﺮﺍﺍﺍﺣﻪ
ﺗﺴﺮﻋﻲ ﻓﻲ ﻣﺸﻴﻚ
ﻟﻲ ﻛﻞ ﺣﺎﺟﻪ ﺑﺘﺘﻔﻬﻢ ﻓﻲ ﺣﻀﺮﺗﻚ
ﻛﻞ ﺍﻷﺣﺎﺳﻴﺲ ﺍﻟﺒﺘﺸﺮﺡ ﺭﻭﺣﻬﺎ
ﻣﺎﺑﺘﺘﻘﺎﻝ ﻭﻗﺖ ﺗﻈﻬﺮ ﺑﻌﻴﺪ
ﻋﻴﻨﻴﻚ ﻫﺪﻳﻴﻴﻴﻴﻚ
ﻟﻲ ﻛﻞ ﺑﻴﺖ ﻣﻨﻚ ﻳﻄﻞ ﻭﺍﻟﻘﺎﻓﻴﻪ ﺳﻬﻮﺍ "
ﻭﺩﻭﻥ ﻗﺼﺪ ﺗﺸﺮﺡ ﺑﺮﺍﺀﻩ ﺭﻳﺪﻱ ﻟﻴﻚ
ﻟﻲ ﻃﻠﺘﻚ ﻓﻲ ﺍﻟﻘﻌﺪﻩ ﻟﻤﺎ ﻧﻜﻮﻥ ﺑﻌﺎﺍﺍﺍﺩ
ﻓﺎﺭﻗﺎﻧﺎ ﻃﺎﻭﻟﻪ ﻭﻛﻢ ﺷﺒﺮ
ﻭﺃﻓﻀﻞ ﺃﺟﺎﺑﺪ ﻓﻴﻨﻲ
ﻳﺎﺥ ﺃﻧﺎ ﺩﺍﻳﺮ ﺃﺟﻴﻚ
ﻭﺃﺷﺮﺏ ﻣﻦ ﺍﻟﻜﺎﺱ ﺍﻟﺤﺪﺍﻙ
ﻋﺰ ﺍﻟﻬﺠﻴﺮ ﺍﻟﻘﺎﻫﻮ ﺿﺎﺭﺑﻨﻲ ﺍﻟﺼﻘﺖ
ﻣﻨﻚ ﻣﺴﺮﺏ ﻓﻴﻨﻲ _ ﺭﺍﺟﻊ ﺷﻮﻕ
ﻳﻐﺎﺯﻝ ﻣﻘﻠﺘﻴﻚ
ﻭﺃﻧﺎ ﻛﺎﻥ ﻣﺰﺍﺝ ﺍﻟﺮﻳﺪ ﻣﻔﺮﻫﺪ ﻓﻴﻨﻲ
ﻟﻴﻚ ﺑﺸﺪﺩﻧﻲ
ﻭﻛﺎﻥ ﻧﻔﺴﻲ ﻧﺘﻮﻫﻂ ﻋﻨﺎﻗﺮﻳﺐ ﺍﻟﺠﻨﻮﻥ
ﻧﻘﻌﺪ ﻧﻐﺎﺯﻝ ﻓﻲ ﺑﻌﺾ
ﻭﻣﻦ ﺍﻟﺸﺘﺎﺕ ﻋﻴﻨﻴﻚ ﺗﺎﻧﻲ ﺗﻠﻤﻨﻨﻲ
ﻛﺎﻥ ﻧﻔﺴﻲ ﺑﺲ ﺃﻫﺪﻳﻚ ﻭﺭﻭﺩ
ﺗﺸﺒﻪ ﺻﻔﺎﻙ _ ﺑﺲ ﻳﻮﻡ ﺗﺸﻮﻓﻚ ﺗﻨﺤﻨﻲ
ﻭﺃﻧﺎ ﻳﺎﻏﺪﻳﺮ ﺍﻟﺪﻫﺸﻪ ﺭﺍﺟﻴﻚ ﺩﻭﻥ ﺻﺒﺮ
ﺳﺎﻋﻪ ﺗﺼﺐ ﻏﻴﻤﻪ ﻫﻮﺍﻙ ﻭﺗﺒﻠﻨﻲ
ﻭﺳﺎﻋﻪ ﺭﺷﺎﺷﻚ _ ﻳﻮﻡ ﻳﻄﻞ ﻋﺼﺮﻳﻪ
ﻣﻦ ﺍﻟﺸﻔﻘﻪ ﺑﻜﺮﻳﻚ ﻣﺎﻛﻤﻞ
ﺃﻟﻘﺎﻧﻲ ﺑﺸﺮﺏ ﻓﻴﻚ ﺗﻨﻲ
ﻭﺣﺎﻟﻒ ﺑﺎﻟﻴﻤﻴﻦ ﺃﺑﺮﺍﻙ ﻣﺤﻞ ﻣﺎﺗﻔﻮﺗﻲ
ﻳﺎﺑﺖ ﺍﻷﺻﻮﻝ ﺇﻧﺒﺤﺎ ﺑﻌﺪﻙ ﺻﻮﺗﻲ
ﻋﺠﻠﻲ ﺑﺎﻟﻮﺻﻮﻝ ﻗﺒﺎﻝ ﻳﻌﻴﻘﻨﻲ ﺳﻜﻮﺗﻲ
ﻳﺒﺮﺩ ﺑﻴﻚ ﺣﺸﺎﻱ ﺗﺘﺴﺎﻣﻲ ﺑﻴﻚ ﺑﻴﻮﺗﻲ
ﻭﻳﺎﺯﻳﻨﻪ ﺍﻟﺒﻨﺎﺕ ﺍﻟﺮﻳﺪﻫﺎ ﺗﺐ ﻛﻤﻠﻨﻲ
ﺷﺎﻝ ﻣﻨﻲ ﺍﻟﻌﻮﺝ ﺑﻲ ﺗﻮﺏ ﺭﺿﺎﻙ ﺟﻤﻠﻨﻲ
ﺷﺮﻳﺎﻧﻲ ﺇﺗﺸﺮﻁ ﺷﺘﺖ ﺩﻣﺎﻱ ﻫﻤﻠﻨﻲ
ﻗﺎﻝ ﻳﺎﻓﻴﻪ ﺑﺮﺍﻙ _ ﻳﺎ٠ﺭﺑﻲ ﺳﺎﻱ ﻳﺸﻤﻠﻨﻲ
ﻳﺎﺑﺖ ﺍﻟﺤﻼﻝ ﺷﺎﺭﻗﺎﻧﻲ ﻓﻴﻚ ﺍﻟﺮﻳﺪﻩ
ﻭﺍﺳﻴﻬﻮ ﺍﻟﻘﻠﻴﺐ ﻣﺎﺗﻔﺮﻱ ﻫﻮﻱ ﺁ ﺍﻟﺼﻴﺪﻩ
ﺑﻠﻘﺎﻙ ﺗﺎﻧﻲ ﻣﻬﻤﺎ ﺗﻜﻮﻥ ﺧﻄﺎﻛﻲ ﺑﻌﻴﺪﻩ
ﺑﺲ ﺧﺎﻳﻒ ﺟﺮﻳﻚ ﺩﻗﺎﺕ ﻗﻠﻴﺒﻚ ﻳﺰﻳﺪﺍ
ﻭﺃﻧﺎ ﻛﺖ ﻣﺤﺘﺎﺭ
ﺃﺑﺪﺍﻙ ﺃﻧﺎ ﻛﻴﻒ ﻭﺍﻟﺮﻳﺪ ﻣﻤﻜﻮﻥ
ﺳﺎﻗﻴﻨﻲ ﻫﻮﺍﻙ ﻃﺎﻓﻴﻬﺎ ﻋﻴﻮﻥ
ﺷﺎﻗﻴﻚ ﻧﺼﻴﻦ _ ﻧﺺ ﻓﻴﻚ ﺟﻮﺍﻱ
ﻭﺍﻟﺘﺎﻧﻲ ﺣﺪﺍﻱ _ ﻳﺎﺍﺥ ﺭﻳﺪ ﻣﺠﻨﻮﻥ
ﻣﺘﻤﺤﻦ ﻓﻴﻚ
ﻛﻴﻒ ﺳﺎﻋﻪ ﺃﺷﻮﻑ ﻋﻴﻨﻴﻚ ﺑﺼﺒﺮ
ﻭﺃﻧﺎ ﻓﻴﻚ ﻣﻐﺒﻮﻭﻭﻭﻥ
ﺃﺑﻘﻴﻠﻲ ﻏﺪﻳﺮ _ ﺃﺭﻣﻴﻨﻲ ﺍﻟﺒﻴﺮ
ﻋﻄﺸﺎﻥ ﺍﻟﺸﻮﻕ ﺍﻟﻔﻴﻚ ﻣﻌﻄﻮﻥ
ﺧﺘﻴﻨﻲ ﺣﺪﺍﻙ _ ﻣﺎﺑﺒﻘﻲ ﺑﺒﺮﺍﻙ
ﻭﺇﻥ ﺧﻔﺘﻲ ﺃﺭﻭﺡ _ ﺑﺒﻨﻴﻠﻚ ﻟﻲ
ﺟﻮﺍﻙ ﺳﺠﻮﻥ
ﺃﻧﺎ ﺑﻴﻚ ﻣﻔﺘﻮﻥ
****
‏( ﻭﺃﻧﺎ ﻣﺎ ﻣﺠﻨﻮﻥ ﻭﺃﻧﺎ ﻣﺎﻧﻲ ﺃﺳﻴﺮ
ﺑﺲ ﻛﺎﻥ ﻻﻗﻴﺘﻬﺎ ﻓﻲ ﺃﻭﻝ ﻳﻮﻡ
ﻭﺍﻹﻟﻔﻪ ﺍﻟﺒﻴﻨﻨﺎ ﻣﺪﺍﻫﺎ ﻛﺒﻴﻴﺮ
ﻭﻫﻈﺎﺭ ﻓﻲ ﻫﻈﺎﺭ ﺃﺩﻳﺘﻬﺎ ﻭﺭﻭﺩ
ﻭﺩﻭﻥ ﻣﺎﺗﻘﺼﺪ ﺭﻣﺖ ﺍﻟﻮﺭﺩﺍﺕ
ﻭﻫﻈﺎﺭ ﻓﻲ ﻫﻈﺎﺭ ﻋﺎﺗﺒﺖ ﻛﺘﻴﺮ
ﻛﻴﻒ ﺑﺲ ﺗﺮﻣﻴﻬﺎ ﻭﺭﻭﺩ ﺍﻟﺸﻮﻕ
ﻭﺩﺍ ﻛﺎﻥ ﺍﻟﻤﺪﺧﻞ _ ﻭﻭﺭﻳﺘﻬﺎ
ﺣﺎ ﺃﺗﻤﻮ ﺃﻛﻴﺪ _ ﻟﻮ ﻣﻬﻤﺎ ﻳﻄﻴﺮ
ﻭﺃﻧﺎ ﻫﺴﻲ ﻭﻓﻴﺖ ﻟﻠﻐﺎﻟﻴﻪ ﻏﺪﻳﺮ ‏