ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﻳﺎ ﺗﻤﺴﺎﺡ ﺍﻻﺭﺑﻌﻴﻦ ﻳﺎ ﻣﻜﺪﻙ ﻧﺎﻳﺒﻚ ﺳﻨﻴﻦ
ﻧﺎﺩﺭ ﻭﺩ ﺑﺪﺭ ﺍﻟﻔﻲ ﺍﻡ ﺿﺒﺎﻥ ﺳﺎﺳﻚ ﻣﺘﻴﻦ
ﺑﺎﺩﻱ ﺑﻲ ﺍﻟﺤﻲ ﺍﻟﻤﻌﻴﻦ
ﺑﺘﻜﻠﻢ ﻳﺎ ﺳﺎﻣﻌﻴﻦ
ﻓﻮﻕ ﺗﻤﺴﺎﺡ ﺍﻻﺭﺑﻌﻴﻦ
ﺍﻟﺤﺎﺯ ﻭﻻﻳﺔ ﺍﻟﺼﺎﺩﻗﻴﻦ
ﻭﺣﺎﺯ ﺃﻣﺎﻧﺔ ﺍﻟﺮﺍﺷﺪﻳﻦ
ﺍﺗﺤﻜﺮ ﻏﻠﺐ ﺍﻟﻠﻌﻴﻦ
ﻣﺎ ﺟﻠﻖ ﺭﻛﺐ ﺍﻟﻬﺠﻴﻦ
ﻣﺎ ﺷﺪ ﺣﻤﺎﺭﻭ ﺍﻟﺴﻤﻴﻦ
ﻣﺎ ﺑﺴﺄﻝ ﺣﻴﺮﺍﻧﻮ ﻭﻳﻦ
ﺍﻟﻔﻲ ﺍﻣﻀﺒﺎﻥ ﻳﺎ ﺳﺎﻣﻌﻴﻦ
ﻋﻨﺪﻱ ﺍﻟﺒﺤﺮ ﻟﻠﻮﺍﺭﺩﻳﻦ
***********
ﺑﺘﻜﻠﻢ ﺑﺠﻴﺐ ﻗﺼﻴﺪ
ﻓﻮﻕ ﺍﻟﻘﺎﺻﻊ ﻣﻮﻫﻮ ﻭﻟﻴﺪ
ﺩﻗﻮﺍ ﻟﻮ ﻣﺮﻕ ﻟﻠﻌﻴﺪ
ﻋﻴﻨﻮ ﺗﺸﻮﻑ ﺷﻠﻚ ﺍﻟﺒﻌﻴﺪ
ﻭﻣﻦ ﺍﻟﺴﺎﻓﻞ ﻟﻠﺼﻌﻴﺪ
ﻳﺪﻭ ﺗﺘﻢ ﻛﻒ ﺍﻟﻤﺮﻳﺪ
ﻓﺮﺣﺖ ﺑﻴﻚ ﺿﺮﺑﻚ ﻧﺠﻴﺾ
ﻭﻫﺪﻡ ﻗﻴﻮﻓﻮ ﻭﺯﺍﺩ ﺑﻌﻴﺪ
**************
ﺑﺘﻜﻠﻢ ﻓﻮﻗﻚ ﺑﻨﻢ
ﻳﺎ ﺭﻛﺎﺏ ﺍﻣﺎﺕ ﻟﺠﻢ
ﻟﻠﺤﻴﺮﺍﻥ ﻓﺮﺳﻚ ﺑﻠﻢ
ﻟﻠﻄﻼﺏ ﻭﺍﻫﻞ ﺍﻟﻌﻠﻢ
ﻭﺍﻟﻤﺎﺳﻜﻴﻦ ﻗﻠﻢ ﺍﻟﺤﻜﻢ
ﻟﻠﺠﻼﺱ ﻭﺍﻟﺤﻀﺮﺓ ﺗﻢ
ﻳﺘﺠﺰﺃ ﻋﻠﻰ ﻛﻢ ﻗﺴﻢ
ﺧﻴﻞ ﺍﻟﻐﻴﺐ ﺟﺎﺑﻦ ﻋﻜﻢ
ﻫﻮ ﺍﺏ ﺭﺳﻮﺓ ﻭﻋﺎﺟﺘﻮ ﻛﻢ
***********
ﻋﺮﺝ ﻓﻮﻕ ﺻﺎﺣﺐ ﺍﻟﻤﺰﻳﺔ
ﺍﺑﻮﻱ ﺗﺎﻱ ﺍﻟﻠﻪ ﺍﻟﻔﻲ ﺍﻟﺒﻨﻴﺔ
ﻣﺎ ﺷﺪ ﺑﻜﻮﺱ ﺍﻟﻬﺪﻳﺔ
ﻭﻣﺎ ﺗﺒﻊ ﺍﻟﺪﻧﻴﺎ ﺍﻟﺪﻧﻴﺔ
ﻭﻣﺎ ﺑﺮﻗﺪ ﻛﻴﻒ ﺍﻟﺮﺯﻳﺔ
ﻭﻣﺎ ﺍﺗﺤﻜﺮﻟﻮ ﻓﻮﻕ ﺻﻴﻨﻴﺔ
ﻭﻣﺎ ﺷﺒﻊ ﺳﻼﺕ ﻭﺷﻴﺔ
ﻓﻲ ﺍﻟﻤﺠﻨﻮﻥ ﻣﺎ ﺑﺪﻭﺭ ﻫﺪﻳﺔ
ﺭﺃﺱ ﺳﻜﺮ ﻭﺷﺎﻫﻲ ﺍﻟﻮﻗﻴﺔ
ﺍﻟﺤﺴﻜﻨﻴﺖ ﺫﻛﺮﻭﻫﺎ ﻟﻴﺎ
..………………
ﺣﺎﺭﺳﻮ ﺍﻟﻨﺒﺎ ﻣﻦ ﻭﺩ ﺭﻳﺔ
ﺣﺴﻦ ﺍﻟﺮﻛﺰﺓ ﺍﻟﻘﻮﻳﺔ
ﻳﺎ ﺍﻟﻠﻤﻴﺖ ﺍﻟﻨﻔﻴﺪﻳﺔ
ﺧﻠﻴﺘﻢ ﺭﺍﺱ ﻓﻲ ﻃﺎﻗﻴﺔ
ﺍﻟﻔﻲ ﺳﺮﺣﺎﻥ ﻳﺎ ﺍﺏ ﻗﺮﻧﺎ ﻟﻴﺎ
ﻭﻗﻮﻝ ﻟﻲ ﻧﻮﻡ ﺣﻤﻠﻚ ﻋﻠﻴﺎ
************
ﺑﺘﻜﻠﻢ ﺃﻧﺎ ﺑﻲ ﻧﻬﺎﻳﺔ
ﻭﻓﻮﻕ ﺍﺭﺑﺎﺏ ﺍﻟﻮﻻﻳﺔ
ﻣﺎ ﺷﺪ ﺑﻜﻮﺱ ﺍﻟﻬﺪﺍﻳﺎ
ﻭﻣﺎ ﺑﺼﺮﻑ ﻣﻦ ﺍﻟﺴﺮﺍﻳﺎ
ﺣﺎﺭﺱ ﺍﻟﺮﺣﻤﺔ ﺍﻟﻐﻴﺮ ﻧﻬﺎﻳﺔ
ﻓﻲ ﺍﻟﻀﺤﻰ ﺩﺧﻞ ﺍﻟﺒﻨﺎﻳﺔ
ﻣﺎ ﺧﻮﺟﻞ ﻟﺒﺲ ﺍﻟﻌﺒﺎﻳﺔ
ﻛﻢ ﻛﺴﻰ ﺍﻟﻘﺎﻋﺪﻳﻦ ﻋﺮﺍﻳﺎ
ﻛﻢ ﺩﺭﺝ ﻟﻲ ﻛﻢ ﻭﻻﻳﺎ
ﺍﻟﻔﻲ ﺍﻡ ﺿﺒﺎﻥ ﻋﺎﺟﺒﻨﻲ ﻏﺎﻳﺔ
ﻫﻮ ﺍﻟﺒﺤﺮ ﻭﺭﺩﻭﺍ ﺍﻟﻈﻤﺎﻳﺎ
***************
ﻳﺎ ﺍﺧﻮﺍﻧﻲ ﻛﻴﻒ ﺍﻟﺒﺼﺎﺭﺓ
ﻗﺎﻟﻮﺍ ﻟﻲ ﺷﻦ ﺍﻟﺒﺼﺎﺭﺓ
ﻭﺷﻜﺮﺕ ﺍﻟﻨﺠﺒﺎﺀ ﺍﻟﺨﻴﺎﺭﺍ
ﺻﺎﻳﻤﻴﻦ ﺍﻟﻀﻲ ﻭﺍﻟﻠﻴﻞ ﺳﻬﺎﺭﺍ
ﻓﻲ ﺍﻟﺤﻀﺮﺓ ﺍﺟﺘﻤﻌﻮﺍ ﺍﻟﻨﺪﺍﺭﺍ
ﺑﻌﺪ ﺍﻟﺼﻴﻒ ﺟﺎﺑﻮﺍ ﺍﻟﺨﻀﺎﺭﺍ
ﻃﺒﻘﻮﺍ ﺍﻟﻜﻲ ﺟﻠﺒﻮﺍ ﺍﻟﺴﻜﺎﺭﺍ
ﺍﻧﺎ ﻋﻨﺪﻱ ﺷﻴﻮﺥ ﺍﻟﻘﺪﺍﺭﺍ
ﻭﺍﺣﺪﻳﻦ ﻛﻜﺮ ﻭﺍﺣﺪﻳﻦ ﻧﻈﺎﺭﺓ
ﺍﻟﻔﻲ ﺍﻣﻀﺒﺎﻥ ﺍﻫﻞ ﺍﻟﺘﺠﺎﺭﺓ
ﺍﺻﻠﻮ ﺍﻷﺩﺏ ﺣﺴﺐ ﺍﻻﺷﺎﺭﺓ
*************
ﻳﺎ ﺍﻟﺒﺎﺩﺭﺍﺏ ﺍﻫﻞ ﺍﻟﺼﻼﺡ
ﺍﻟﻨﻔﻴﺪﻱ ﻟﻴﻜﻢ ﺻﺎﺡ
ﻳﺎ ﺭﻛﺎﺑﻴﻦ ﻋﻠﻲ ﺍﻟﻤﺮﺍﺡ
ﻭﺳﻤﺎﻋﻴﻦ ﺻﻴﺤﺔ ﺍﻟﺼﻴﺎﺡ
ﻭﻗﺸﺎﺷﻴﻦ ﺩﻣﻊ ﺍﻟﻨﻮﺍﺡ
ﻗﻮﻟﻮﺍ ﻟﻲ ﻭﺯﺭﻙ ﻣﺒﺎﺡ
ﻭﺑﻌﺪ ﺍﻟﻮﻗﺎﺭ ﻧﻜﺴﻴﻚ ﻭﺷﺎﺡ
****************
ﺻﻠﻰ ﺍﻟﺤﻲ ﺍﻟﻤﻌﻴﻦ
ﻋﻠﻰ ﺷﻔﺎﻉ ﺍﻟﻤﺬﻧﺒﻴﻦ
ﺗﺮﺿﻲ ﺍﺻﺤﺎﺑﻮ ﺍﻟﺮﺍﺷﺪﻳﻦ
ﻭﺑﺸﺮﺍﻛﻢ ﻳﺎ ﻣﺴﻠﻤﻴﻦ
ﻧﻘﻼ ﻋﻦ ﻭﺩ ﺍﻟﺨﻠﻴﻔﻪ ، ﺑﺘﺼﺮﻑ