ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﻓﻴﻀﻚ ﺩﺍﻭﻱ ﻧﺘﺞ ﺯﺭﻋﻚ ﺷﺎﺑﻚ ﻣﺘﻼﻭﻱ ﺣﺮﺑﻴﻨﺎ
ﻗﻮﻡ ﻳﺎ ﺭﺍﻭﻱ ﻧﺰﻩ ﻟﻲ ﺍﻟﻤﺎ ﻟﻴﻬﻮ ﻣﺨﺎﻭﻱ
ﻋﺴﺎﻩ ﻳﺴﺎﻣﺢ ﻛﻞ ﻣﺴﺎﻭﻱ ﻟﻨﺎ ﻳﺤﻔﻆ ﻣﻦ ﻛﻞ ﺑﻼﻭﻱ
****************
ﻋﻠﻰ ﺍﻟﻤﻜﺎﻭﻱ ﺑﺴﺒﻚ ﻧﻈﻤﻲ ﻭﺑﺤﻜﻲ ﺣﻜﺎﻭﻱ
ﺭﺳﻮﻝ ﺍﻟﻠﻪ ﻗﻤﺮﻧﺎ ﺍﻟﻀﺎﻭﻱ ﺷﻔﻊ ﺍﻟﻘﻤﻄﺮﻳﺮ ﺍﻟﻌﺎﻭﻱ
****************
ﺃﻳﻀﺎ ﺁﻭﻱ ﻋﻠﻰ ﺧﻠﻔﺎﻫﻮ ﺍﻟﺠﺎﻫﻬﻢ ﺣﺎﻭﻱ
ﻋﺴﺎﻙ ﺑﻬﻢ ﺗﺴﻤﻮ ﺗﺴﺎﻭﻱ ﻗﻮﻡ ﺍﻟﺠﻴﻠﻲ ﺍﻟﻠﻴﻬﻢ ﺭﺍﻭﻱ
***************
ﺑﺠﻴﺒﻮ ﻛﻼﻣﻲ ﻋﻠﻰ ﺍﻟﺠﻴﻼﻥ ﻭﺃﺏ ﻓﺮﻛﺔ ﺇﻣﺎﻣﻲ
ﻭﺣﺴﻦ ﺍﻟﻔﻮﻕ ﺃﺏ ﺑﺤﺮﺍ ﻃﺎﻣﻲ ﻭﺃﺷﻘﺮ ﻋﻨﺪﻭ ﺷﺮﺍﺏ ﺍﻟﻈﺎﻣﻲ
*****************
ﺑﻌﺪﻫﻢ ﺣﻮﻝ ﻓﻮﻕ ﺍﻟﻜﺎﺗﻢ ﺃﻃﻨﺐ ﻭﻃﻮﻝ
ﺃﺑﻮ ﺳﻌﺪ ﺍﻟﺤﻜﺎﻳﺘﻮ ﺗﻬﻮﻝ ﺫﺍﻙ ﺭﻛﺎﺯﺓ ﺍﻟﻤﺘﺠﻮﻝ
************
ﻋﻤﺮ ﺩﻳﻮﺍﻧﻮ ﻳﻄﻮﻑ ﻛﻞ ﻟﻴﻠﺔ ﺑﻲ ﺃﻡ ﺃﺭﻛﺎﻧﻮ
ﺃﺑﻮ ﺳﻌﺪ ﺍﻟﻨﺪﺭ ﻓﻲ ﺯﻣﺎﻧﻮ ﻭﺭﺍﺀ ﺩﺍﺭ ﻓﺎﺱ ﺑﺸﻴﻞ ﻧﻴﺸﺎﻧﻮ
*******************
ﺫﻭﻱ ﺍﻟﺘﺒﺠﻴﻞ ﺃﺑﻮ ﺍﻟﻘﻴﻤﺎﻥ ﺍﻟﻄﺮﻗﻮ ﻋﺪﻳﻞ
ﺃﺑﻮ ﺳﻌﺪ ﺍﻟﻨﺪﺭ ﻓﻲ ﺟﻴﻠﻮ ﻋﻠﻰ ﺍﻟﺴﺎﺑﻘﻴﻦ ﻣﻴﺰﺍﻧﻮ ﺗﻘﻴﻞ
****************
ﻣﻮﺍﻇﺐ ﺍﻟﺴﻜﺘﺔ ﻳﻠﻔﻰ ﺍﻟﻀﺎﻳﻘﻴﻦ ﻓﻲ ﺍﻟﻘﺒﻞ ﺍﻟﺴﺘﺔ
ﺃﺑﻮ ﺳﻌﺪ ﺍﻟﻮﺭﺙ ﻻ ﻏﻠﻄﺔ ﺣﺴﻦ ﺃﺏ ﻛﻢ ﻭﺍﻟﺴﺎﻛﻦ ﻃﻨﻄﺎ
********************
ﻣﻼﺯﻡ ﺍﻟﺼﺒﺮ ﻧﺎﻓﻲ ﺍﻟﻌﺠﺐ ﻭﻧﺎﻓﻲ ﺍﻟﻜﺒﺮ
ﺃﺑﻮ ﺳﻌﺪ ﺍﻟﻤﻨﻮﻣﺲ ﺣﺒﺮﻱ ﻟﺤﻈﺘﻮ ﺗﺨﻠﻲ ﺍﻟﺰﻭﻝ ﻛﺎﻟﺘﺒﺮ
*********************
ﺭﺍﻣﻖ ﻃﺮﻓﻮ ﻓﻲ ﻭﺍﺳﻊ ﺍﻟﻜﻮﻥ ﺗﻠﻤﻴﺬﻭ ﺗﻌﺮﻓﻮ
ﻋﻠﻰ ﺍﻟﻤﺎﺑﻴﻬﻮ ﻳﻜﺘﺮ ﺻﺮﻓﻮ ﻳﻄﺎﻭﻝ ﻟﻴﻬﻮ ﻳﻘﺒﻞ ﻳﻐﺮﻓﻮ
******************
ﺑﺸﻮﻓﻮ ﻳﻮﺍﻳﻖ ﻭﻓﻲ ﺍﻟﻤﺠﻤﻮﻋﺔ ﻳﺤﻞ ﺍﻟﻀﺎﻳﻖ
ﻛﺘﻞ ﺑﻠﺪﻳﻦ ﻭﺃﺻﺒﺢ ﻓﺎﻳﻖ ﺑﺤﺮ ﺍﻟﻨﻴﻞ ﺃﺑﻮ ﻣﻮﺟﺎ ﺭﺍﺋﻖ
*************
ﻛﻒ ﻳﺎ ﻓﻤﻲ ﺑﺤﺮ ﺍﻟﺤﺮﺑﻲ ﻣﺎ ﺑﻨﻀﻤﻲ
ﺷﺎﻝ ﺛﻤﺎﺭﻭ ﺷﺒﻚ ﻣﺘﺮﻣﻲ ﻳﺒﻜﻢ ﻋﺎﻟﻢ ﻳﻔﺼﺢ ﺃﻣﻲ
*****************
ﺳﺒﻚ ﻟﻲ ﻗﻮﻟﻮ ﻋﻠﻴﻚ ﻳﺎ ﺍﻝ ﻣﻦ ﻛﺮﺍﻡ ﻣﻨﺴﻮﻝ
ﺍﺑﻦ ﺍﺑﻨﻚ ﺭﺍﺟﻴﻚ ﺑﻲ ﺧﻤﻮﻟﻮ ﺑﻴﻬﺎ ﺍﻟﻨﺬﻳﺮ ﺗﺘﻮﻟﻰ ﺣﻤﻮﻟﻮ
************
ﺻﻞ ﻳﺎ ﺫﻭ ﺍﻟﻤﻦ ﻋﻠﻰ ﺍﻟﺮﺳﻮﻝ ﻣﻔﺘﺎﺡ ﺍﻟﺠﻨﺔ
ﺍﻵﻝ ﻭﺍﻟﺨﻠﻔﺎﺀ ﺍﻷﺣﻴﻮﺍ ﺍﻟﺴﻨﺔ ﻭﺃﻫﻞ ﺍﻟﻠﻪ ﺑﻴﻬﻢ ﺃﻣﻨﺎ