ﺟﺎﺑﻮ ﺣﻲ .. ﻗﺼﻴﺪﺓ ﺍﻟﻨﺼﺮ ﻋﻠﻲ ﺍﻟﻨﺠﻢ ﺍﻟﺴﺎﺣﻠﻲ
..
ﻳﺎ ﻫﻼﻝ ﺍﻟﻮﻃﻦ .. ﺭﻳﺪﺗﻨﺎ ﻟﻴﻚ ﻣﺤﺴﻮﺳﺔ
ﺭﻳﺪﺗﻚ ﻭﺍﺿﺤﺔ ﺟﺪﺍ ﻭﺍﺻﻠﻮ ﻣﺎ ﻣﺪﺳﻮﺳﺔ
ﺍﺩﻫﺸﺘﺎ ﺍﻟﺠﻤﻴﻊ ﺑﻲ ﻛﻮﺭﺗﻚ ﺍﻟﻤﺪﺭﻭﺳﺔ
ﺟﺒﺖ ﺍﻟﻨﺠﻢ ﺣﻲ ... ﺩﻗﻴﺘﻮ ﺩﻕ ﻓﻲ ﺳﻮﺳﺔ
...
ﻳﺎ ﻫﻼﻝ ﺍﻟﻮﻃﻦ ﺷﺮﻓﺘﺎ ﺑﻠﺪﻙ ﺟﻤﻠﺔ
ﺍﺳﻌﺪﺗﺎ ﺍﻟﺠﻤﻴﻊ ﻛﺎﻟﻌﺎﺩﺓ ﻟﻠﻌﻴﻦ ﺗﻤﻠﻲ
ﺩﺍﻳﻤﺎ ﻓﻲ ﺍﻻﻣﺎﻡ ﻣﺎ ﻛﻨﺖ ﺍﺻﻼ ﺧﻠﻤﺔ
ﻧﺴﻴﺖ ﺍﻟﻤﻮﺍﻃﻦ .. ﺍﻧﻬﻴﺎﺭ ﺍﻟﻌﻤﻠﺔ
...
ﻳﺎ ﻫﻼﻝ ﺍﻟﻮﻃﻦ .. ﺍﻟﺪﺭﺱ ﻭﺍﺿﺢ ﺟﺪ
ﻟﻠﻌﺮﺏ ﺍﺟﻤﻌﻴﻦ .. ﻫﺬﺍ ﺍﻟﻜﻼﻡ ﻳﻤﺘﺪ
ﻧﺤﻦ ﻣﻤﻴﺰﻳﻦ ﻭ ﺍﺑﺪﺍﻉ ﻻﺧﺮ ﺣﺪ
ﺑﺎﻟﻠﻌﺐ ﺍﻟﺠﻤﻴﻞ ﺍﻟﻠﻴﻠﺔ ﻛﺎﻥ ﺍﻟﺮﺩ
...
ﻳﺎ ﻫﻼﻝ ﺍﻟﻮﻃﻦ ... ﻓﺨﺮ ﺍﻟﻮﻃﻦ ﺳﻴﺪ ﺑﻠﺪﻭ
ﻳﺎﻣﺎ ﺧﺼﻮﻡ ﻛﺘﺎﺭ ﻣﻦ ﺣﻀﺮﺗﻚ ﺍﻧﺠﻠﺪﻭ
ﻭﺩ ﻣﺠﺬﻭﺏ ﺳﻌﻴﺪ ﺍﻟﻠﻴﻠﺔ ﺑﻘﺪﻭﻡ ﻭﻟﺪﻭ
ﻭﺍﻟﻨﺠﻢ ﺍﻧﻀﺮﺏ ﺟﻮﺓ ﻭﺟﻤﺎﻋﺘﻮ ﻭﺍﻧﺠﻠﺪﻭ
...
ﻳﺎ ﻫﻼﻝ ﺍﻟﻮﻃﻦ ... ﺩﻗﻴﺖ ﺩﻕ ﻣﺎ ﻋﺎﺩﻱ
ﻭﺍﺑﺪﺍﻋﻚ ﻣﺎﺻﻞ ﻳﺎ ﻫﻼﻟﻨﺎ ﺍﻟﻨﺎﺩﻱ
ﺍﻟﻠﻴﻠﺔ ﺍﻟﻔﺮﺡ ﻏﻤﺮ ﺍﻟﻮﻃﻦ ﺣﺪﺍﺩﻱ
ﻣﺎ ﺍﻇﻦ ﻳﺎ ﻫﻼﻝ ﺗﻮﻓﻴﻚ ﻣﻌﺎﻧﻲ ﻣﺪﺍﺩﻱ
...
ﺍﺧﺮ ﻗﻮﻟﻲ ﻟﻠﺸﻤﺎﺕ ﺍﺧﻴﺮ ﺗﺘﻠﻤﻮ
ﻭﺍﻟﻠﻴﻠﺔ ﺍﻟﻘﻤﺮ ﻛﺎﻥ ﻓﻲ ﻛﻤﺎﻟﻮ ﻭﺗﻤﻮ
ﻧﺤﻦ ﻣﻊ ﺍﻟﻜﺒﺎﺭ .. ﺍﻱ ﻧﺴﻴﺢ ﺩﻣﻮ
ﺷﻮﻓﻮ ﺍﻟﺪﻭﺭﻱ ﻭﻳﻦ .. ﻛﻞ ﺯﻭﻝ ﺑﻲ ﻫﻤﻮ
...
ﺍﻟﺒﻲ ﺍﻥ ﺳﻼﻡ ﻭﺍﻟﻠﻴﻠﺔ ﺷﻔﺘﻮ ﺍﻟﺪﻕ
ﺷﻘﻴﻨﺎ ﺍﻟﻨﺠﻢ ﻓﻲ ﺍﺭﺿﻮ ﻣﻠﻴﻮﻥ ﺷﻖ
ﻧﺤﻦ ﺍﻟﻨﺎﺭ ﻭﻛﺖ ﺗﺸﻠﻊ ﺗﻮﻟﻊ ﺑﻖ
ﻭﺑﺎﻻﺑﻄﺎﻝ ﻫﻼﻟﻨﺎ ﺑﻜﻞ ﺻﺮﺍﺣﺔ ﺍﺣﻖ
...
ﻳﺎ ﻫﻼﻻﺏ ﺩﺭﺱ ﺩﺭﺳﻨﺎ ﻟﻴﻬﻢ ﻗﻮﺓ
ﻓﻲ ﺭﺍﺩﺱ ﺿﺮﺏ ﺷﻔﻨﺎﻫﻮ ﻓﻲ ﺍﻟﺘﺮﻗﻮﺓ
ﺍﻟﺸﻮﺍﻟﻲ ﺷﺎﻳﻔﻮ ﺯﻣﺎﻥ ﻣﺴﻮﻱ ﻓﺘﻮﺓ
ﻋﻨﺪﻱ ﺭﺳﺎﻟﺔ ﻟﻴﻬﻮ ﺑﻘﻮﻻ .. ﺟﻴﺐ ﻣﻦ ﺟﻮﺓ