ﻳﻮﻣﺪﺍﻙ ﻟﻤﻦ ﻗﻠﺖ ﻟﻴﻚ ﺍﻧﺎ ﺷﻔﺖ ﻋﺒﺎﺱ ﻫﻨﺎ ﻛﻠﻜﻢ ﻣﺎ ﺻﺪﻗﺘﻮﻧﻲ ﺁ ﻋﺒﺪ ﺍﻟﻘﻴﻮﻡ
_ ﻣﺎ ﺻﺪﻗﻨﺎﻙ ﻻﻧﻮ ﻣﺎ ﺑﻌﺮﻑ ﺯﻭﻝ ﺑﺲ ﻣﺸﻰ ﻭﻳﻦ ؟
_ ﺍﻧﺎ ﻛﻮﺭﻛﺖ ﻟﻴﻬﻮ ﻭﻣﺘﺄﻛﺪ ﺳﻤﻌﻨﻲ ﺑﺲ ﺃﺑﻰ ﺍﺗﻠﻔﺖ ﻋﻠﻲ ﻭﻓﺎﺕ ﻋﻠﻲ ﻣﻮﺍﺻﻼﺕ ﺍﻟﻌﺮﺑﻲ
_ ﻟﻮ ﺑﻌﺮﻑ ﻧﺎﺱ ﻫﻨﺎ ﻧﻘﻮﻝ ﻣﺸﻰ ﻋﻠﻴﻬﻢ ﻟﻜﻦ ﻣﺎ ﺑﻌﺮﻑ ﺍﻱ ﺯﻭﻝ ﻭﺍﻧﺎ ﻣﺘﺄﻛﺪ ﻣﻦ ﻛﻼﻣﻲ ﺩﺍ ، ﻃﻴﺐ ﺍﻧﺖ ﻟﻤﻦ ﺷﻔﺘﻮ ﺍﻛﺎﻥ ﻣﻌﺎﻫﻮ ﺯﻭﻝ ﻭﻟﻼ ﺑﺮﺍﻭ ؟
_ ﺑﺮﺍﺍﺍﺍﻭ ﺍﻟﻠﻪ ﻭﺭﻗﺒﺘﻮ ﻭﻣﻨﻜﺮﺏ ﺯﻱ ﺍﻟﻤﺎ ﺩﺍﻳﺮﻧﺎ ﻧﺸﻮﻓﻮ
_ ﻭﺍﻟﻠﻪ ﺍﻛﺎﻥ ﺗﺠﺮ ﻋﻠﻴﻬﻮ ﻳﺎﺥ
_ ﻗﻠﺖ ﻟﻴﻚ ﻛﻮﺭﻛﺖ ﻟﻴﻬﻮ ﻭﺳﻤﻌﻨﻲ ﻟﻜﻦ ﻣﺎ ﺍﺗﻠﻔﺖ ﻋﻠﻲ ﻭﺑﻌﺪﻳﻦ ﺍﻧﺎ ﻣﺎ ﻣﻌﺎﻱ ﺯﻭﻝ ﺍﺣﺮﺳﻮ ﺍﻟﻄﺒﻠﻴﺔ ﻭﺗﺎﻧﻲ ﻗﻠﺖ ﺍﻣﻜﻦ ﺑﺸﺒﻬﻮ ﺳﺎﻱ ﻣﺎ ﻫﻮ
_ ﻏﺎﻳﺘﻮ ﻓﻲ ﺍﺣﺘﻤﺎﻝ ﻭﺍﺣﺪ ﺑﺲ ﺍﻧﻮ ﺍﺗﻌﺮﻑ ﻋﻠﻲ ﺯﻭﻝ ﻭﻏﺎﻟﺒﺎ ﻳﻜﻮﻥ ﺍﻟﻀﺎﺑﻂ ﺍﻟﺤﺬﺭ ﺍﻟﻨﺠﻮﻣﻲ
_ ﻣﺎﻓﻲ ﻏﻴﺮ ﻛﺪﺍ
_ ﻗﺮﻳﺒﻮ ﺍﻟﺠﺎﺀ ﻫﻨﺎ ﻓﺎﺕ ﻭﻳﻦ؟
_ ﻗﺎﻝ ﻓﺎﻳﺖ ﺍﻡ ﺩﺭﻣﺎﻥ
_ ﻳﺎﺥ ﻧﺤﻦ ﻣﻔﺮﻭﺽ ﻧﻤﺶ ﻧﻔﺘﺶ ﻟﻌﺒﺎﺱ ﺩﺍ
_ ﺍﻟﺰﻭﻝ ﺩﺍ ﻣﺎ ﺭﺍﻳﺢ ﻋﺸﺎﻥ ﻧﻤﺶ ﻧﻔﺘﺶ ﻟﻴﻮ ﻭﻗﺮﻳﺒﻮ ﻗﺎﻝ ﻟﻴﻚ ﺟﺎﺀ ﺑﻤﻮﺍﺻﻼﺕ ﺍﻟﺠﺰﻳﺮﺓ ﻳﻌﻨﻲ ﻧﺰﻝ ﺟﻤﺒﻲ ﻋﻠﻰ ﺍﻻﻗﻞ ﺍﻛﺎﻥ ﻳﺠﻲ ﻳﻮﺭﻳﻨﻲ ﻭﻳﻔﻮﺕ ﻭﻟﻼ ﻳﻮﺭﻱ ﺍﻟﺘﺎﺝ
_ ﻻ ﻻ ﻓﻲ ﺳﺮ
ﻭﺩ ﺍﻟﻀﻮ ﻓﺎﺕ ﺍﻡ ﺩﺭﻣﺎﻥ ﻭﺍﺗﺬﻛﺮ ﻳﻮﻡ ﻋﺒﺎﺱ ﻗﺎﻝ ﻟﻴﻬﻮ ﺍﻧﻮ ﻗﺎﺑﻞ ﻓﺮﺡ ﺍﻟﺒﻮﻟﻴﺲ ﻓﻲ ﻣﺪﻧﻲ ﻭﻗﺎﻝ ﺑﺤﻞ ﻟﻴﻬﻮ ﺍﻟﻤﺸﻜﻠﺔ ﻟﻜﻦ ﺍﻟﻤﺎ ﻛﺎﻥ ﻋﺎﺭﻓﻮ ﺍﻧﻮ ﻋﺒﺎﺱ ﻣﺎ ﻧﺰﻝ ﻋﻦ ﺩﻳﻞ ﻓﻲ ﺍﻟﺴﻮﻕ ﺍﻟﺸﻌﺒﻲ ﻭﻧﺴﻰ ﻳﺴﺎﻟﻬﻢ ﻣﻦ ﺍﻟﻤﺸﻜﻠﺔ ﻭﻃﻮﺍﻟﻲ ﺟﺎﻫﻢ ﺭﺍﺟﻊ ﻣﻦ ﺍﻡ ﺩﺭﻣﺎﻥ ﻭﻓﺎﺕ ﻟﻌﺜﻤﺎﻥ ﻓﻲ ﺍﻟﻄﺒﻠﻴﺔ ﻟﻘﺎﻫﻮ ﺩﺍﻳﺮ ﻳﻘﻔﻞ ﻭﻋﺒﺪ ﺍﻟﻘﻴﻮﻡ ﺯﺍﺗﻮ ﻣﻌﺎﻫﻢ
ﻋﺒﺪ ﺍﻟﻘﻴﻮﻡ ﻣﻦ ﺷﺎﻓﻮ ﻗﺎﻝ ﻟﻴﻬﻮ ﻛﻮﻳﺲ ﺍﻧﻚ ﺟﻴﺖ ﻭﺍﻟﻠﻪ ﻗﺒﻴﻞ ﻓﻲ ﺳﻴﺮﺗﻚ ﻭﺩﺍﻳﺮ ﺍﺳﻌﻠﻚ
_ ﺍﻧﺎ ﺯﺍﺗﻲ ﺟﻴﺖ ﺍﺗﺬﻛﺮﺕ ﻣﺸﻜﻠﺔ ﻋﺒﺎﺱ ﻭﺟﻴﺖ ﺍﺷﻮﻑ ﺍﻟﺤﺼﻞ ﺷﻨﻮ
_ ﺍﻧﺖ ﻋﺒﺎﺱ ﺩﺍ ﻋﻨﺪﻭ ﻗﺮﻳﺒﻮ ﺷﻐﺎﻝ ﻫﻨﺎ ﺿﺎﺑﻂ ؟
_ ﻻ ﻟﻜﻦ ﻗﺎﺑﻞ ﻟﻴﻬﻮ ﻋﻠﻰ ﻭﺍﺣﺪ ﻓﻲ ﻣﺪﻧﻲ ﺑﻮﻟﻴﺲ ﻭﻗﺎﻝ ﺑﺤﻞ ﻟﻴﻬﻮ ﺍﻟﻤﺸﻜﻠﺔ
_ ﺧﻼﺱ ﻳﺎﻫﻮ ﻫﻮ ﻻﻧﻮ ﺣﻼﻫﺎ ﻭﻋﺒﺎﺱ ﺑﻜﻮﻥ ﻫﺴﻲ ﻗﺎﻋﺪ ﻣﻌﺎﻫﻮ
_ ﻃﻴﺐ ﻣﺎﻟﻮ ﻣﺎ ﺟﺎﻛﻢ ﻗﺒﺎﻝ ﻳﻔﻮﺕ ﻟﻴﻬﻮ ؟
_ ﺍﻣﻜﻦ ﺍﻟﻀﺎﺑﻂ ﻗﺎﻝ ﻟﻴﻬﻮ ﻣﺎ ﻓﻲ ﺯﻭﻝ ﻳﻌﺮﻓﻚ ﺟﻴﺖ ﺍﻟﺨﺮﻃﻮﻡ ﺍﻭ ﺧﺎﻑ ﺍﻟﻨﺠﻮﻣﻲ ﻳﻼﻗﻴﻬﻮ ، ﻭﺩﺍ ﺍﻗﺮﺏ ﺍﺣﺘﻤﺎﻝ
_ ﻃﻴﺐ ﻟﻮ ﺣﻼﻫﺎ ﻣﺎﻟﻮ ﻣﺎ ﺟﺎﺀ ؟
_ ﻣﺎ ﻋﺎﺭﻑ ﻭﺍﻟﻠﻪ ، ﺑﻌﺪ ﻛﺪﻱ ﻣﺎ ﻓﻲ ﻣﺸﻜﻠﺔ ﻭﻛﻼﻣﻚ ﺩﺍ ﻃﻤﻨﺎ ﺗﺐ ﻭﺍﻧﺖ ﺍﻋﻤﻞ ﻧﺎﻳﻢ ﻟﻮ ﻻﻗﻴﺖ ﺍﻟﺘﺎﺝ ﻣﺎ ﺗﻘﻮﻝ ﻟﻴﻬﻮ ﺍﻟﻜﻼﻡ ﺩﺍ ﻋﺸﺎﻥ ﺍﻟﻨﺠﻮﻣﻲ ﺻﺎﺣﺒﻮ
ﺍﻟﺘﺎﺝ ﻛﻼﻡ ﻭﺩ ﺍﻟﻀﻮ ﺩﺍ ﻣﺎ ﻋﺎﺭﻓﻮ ﻟﻜﻦ ﻛﺎﻥ ﻣﺘﺄﻛﺪ ﺍﻧﻮ ﻋﺒﺎﺱ ﻓﻲ ﺍﻟﺨﺮﻃﻮﻡ ﻭﺑﻌﺪ ﺍﻟﻤﺸﻜﻠﺔ ﺩﻱ ﺍﻧﺤﻠﺖ ﺑﺠﻲ ﻭﺑﻌﺮﻑ ﻣﻨﻮ ﻛﻞ ﺷﻲ
ﻋﺒﺎﺱ ﻗﻠﺐ ﺍﻟﻜﺘﺐ ﺣﻘﺎﺕ ﻓﺮﺡ ﻛﻠﻬﺎ ﻣﺎ ﻟﻘﻰ ﻓﻴﻬﺎ ﺍﻱ ﺷﻲ ﺣﺘﻰ ﺍﻟﺼﻮﺭ ﻟﻘﺎﻫﻮ ﻟﻤﺎﻫﺎ ﻭﺍﻧﺘﻈﺮ ﻓﺮﺡ ﻟﻤﻦ ﺟﺎﺀ ﻭﻗﺎﻝ ﻟﻴﻬﻮ ﺩﺍﻳﺮ ﺍﺳﻌﻠﻚ
_ ﺍﺗﻔﻀﻞ
_ ﺻﺎﺣﺒﻚ ﺍﻟﻘﻠﺖ ﻟﻲ ﺻﺎﺣﺐ ﺍﻟﺘﺎﺝ ﻭﻳﻦ ﺍﻟﺰﻭﻝ ﺩﺍ ؟
_ ﻣﺎﻟﻮ ﻭﺍﻟﺬﻛﺮﻙ ﻟﻴﻬﻮ ﺷﻨﻮ ﻫﺴﻲ ؟
_ ﻟﻤﻦ ﻻﻗﻴﺘﻚ ﻓﻲ ﻣﺪﻧﻲ ﻗﻠﺖ ﻟﻲ ﻋﻨﺪﻱ ﺻﺎﺣﺒﻲ ﺻﺎﺣﺒﻮ
_ ﺁﻱ ﻣﻮﺟﻮﺩ . ﺩﺍﻳﺮ ﺑﻴﻬﻮ ﺷﻨﻮ ؟
_ ﻻ ﻻ ﺳﺄﻟﺘﻚ ﻣﻨﻮ ﺳﺎﻱ
_ ﻣﺎ ﺳﺎﻱ ﻭﺍﻧﺖ ﺑﺘﻌﺮﻑ ﻓﻮﺭ ﺷﻴﻦ ﺻﺎﺡ ؟
_ ﺻﺎﺡ ﻭﺍﻟﻠﻪ ﺑﺲ ﻋﺮﻓﺘﻨﻲ ﻛﻴﻒ ؟
_ ﻋﺮﻓﺘﻚ ﻣﻦ ﺍﻣﺲ ﻻﻧﻲ ﻟﻘﻴﺘﻚ ﻫﺒﺸﺖ ﺍﻟﻜﺘﺐ ﻭﻗﻠﺒﺖ ﺍﻟﺼﻮﺭ ﻛﻠﻬﺎ ﻭﺍﻧﺎ ﻛﻨﺖ ﻣﺮﺗﺒﻬﺎ ﺗﺮﺗﻴﺐ ﻣﻌﻴﻦ ﻭﻋﺎﺭﻑ ﺍﻟﺼﻔﺤﺔ ﺍﻟﺨﺎﺗﻴﻬﻦ ﻓﻴﻬﺎ ﻭﻣﻦ ﻟﻘﻴﺘﻦ ﻓﻲ ﺍﻟﻨﺺ ﻭﻣﺎ ﻣﺮﺗﺒﺎﺕ ﻋﺮﻓﺘﻚ ﺷﻔﺘﻬﻦ
_ ﻭﺍﻟﻠﻪ ﻳﺎﺥ ﺍﻧﺎ ﺑﻌﺘﺬﺭ ﻟﻴﻚ ﻭﻳﻮﻣﺪﺍﻙ ﻓﻌﻼ ﺷﻔﺘﻬﻦ ﺑﺲ ﺑﺎﻟﺼﺪﻓﺔ ﻭﺟﻴﺖ ﺍﺷﻴﻞ ﻟﻲ ﻛﺘﺎﺏ ﺍﻗﺮﺍ ﻓﻮﻗﻮ
_ ﻣﺎ ﻣﺸﻜﻠﺔ ﺑﺲ ﺍﻧﺎ ﻓﻲ ﺍﻟﻤﺒﺎﺣﺚ ﻭﻋﻤﺮﻙ ﺩﺍ ﺍﻧﺎ ﻋﺪﻳﺘﻮ ﻛﻠﻮ ﻣﻊ ﺍﻟﻨﺎﺱ ﻭﻣﻊ ﺍﻟﻨﺎﺱ ﺍﻟﻤﺠﺮﻣﻴﻦ ﻭﺍﻟﺰﻭﻝ ﻣﻦ ﻭﺷﻮ ﺳﺎﻱ ﻭﺣﺮﻛﺎﺗﻮ ﻭﻃﺮﻳﻘﺔ ﻛﻼﻣﻮ ﺑﻌﺮﻓﻮ
_ ﺳﻤﺢ ﻓﻮﺭ ﺷﻴﻦ ﺩﻱ ﻳﻌﻨﻲ ﺷﻨﻮ ؟
_ 4 ﺵ ﻳﻌﻨﻲ ﺭﻗﻢ 4 ﻭﺍﻟﺸﻴﻦ ﺍﻟﺴﻮﻕ ﺍﻟﺸﻌﺒﻲ
_ ﻭﺍﻟﺘﺎﺝ ﻣﺎﻟﻮ ﻣﺎ ﻳﻜﻮﻥ ﺷﻐﺎﻝ ﻣﺨﺪﺭﺍﺕ
_ ﺃﻳﻮﺓ ﻟﻜﻦ ﺣﺎﺟﺔ ﺣﺮﻳﺼﺔ
_ ﺣﺎﺟﺔ ﺣﺮﻳﺺ ﻛﻴﻒ ؟
_ ﻳﻌﻨﻲ ﺯﻭﻝ ﺣﺮﻳﺺ ﺷﺪﻳﺪ ﻭﻣﺎ ﺑﻘﻊ ﺑﺎﻟﺴﺎﻫﻞ
_ ﻳﻌﻨﻲ ﻟﻮ ﺍﻧﺎ ﻣﺎ ﻗﻠﺖ ﻟﻴﻚ ﺳﺎﻛﻦ ﻣﻌﺎﻫﻮ ﻣﺎ ﻛﺎﻥ ...
_ ﻣﺎ ﺗﻜﻤﻞ ﻛﻼﻣﻚ ﻋﻴﺐ ﻋﻴﺐ ﻭﻟﻮ ﺍﻧﺎ ﺩﺍﻳﺮ ﺍﺳﺘﻐﻠﻚ ﻋﺸﺎﻥ ﺍﻟﺤﺘﺔ ﺍﻛﺎﻥ ﻭﺭﻳﺘﻚ ﻣﻦ ﺍﻭﻝ ﻳﻮﻡ ﻭﺍﻧﺎ ﻭﺍﻟﻠﻪ ﺳﺎﻋﺪﺗﻚ ﻋﺸﺎﻥ ﻋﺮﻓﺘﻚ ﻭﺩ ﻧﺎﺱ ﻭﺯﻭﻝ ﻃﻴﺐ ﻭﺍﻫﻠﻚ ﻧﺎﺱ ﺑﺴﻴﻄﻴﻦ ﻭﻃﻴﺒﻴﻦ ﻭﻋﺪﻳﺘﻚ ﺯﻱ ﺍﺧﻮﻱ ﻭﺣﺮﻗﺘﻨﻲ ﺣﻘﺎﺭﺓ ﺍﻟﻨﺠﻮﻣﻲ ﻭﺍﻟﻌﺴﻜﺮﻱ ﺍﻻﻫﺒﻞ ﺻﺎﺣﺒﻮ
_ ﻃﻴﺐ ﺍﻧﺎ ﺑﻘﺪﺭ ﺍﺳﺎﻋﺪﻙ ﺑﺸﻲ ؟
_ ﺑﺈﻧﻚ ﻻ ﺑﺘﻌﺮﻓﻨﻲ ﻭﻻ ﺍﻧﺎ ﺑﻌﺮﻓﻚ ﺑﺲ ﻭﻣﺎ ﺗﺪﺧﻞ ﻧﻔﺴﻚ ﻓﻲ ﺍﻟﻤﻮﺍﺿﻴﻊ ﺩﻱ ﻭﺧﻠﻴﻚ ﻓﻲ ﺷﻐﻠﻚ ﺑﺲ ﻭﺍﻟﺘﺎﺝ ﻟﻮ ﺍﺩﺍﻙ ﺍﻱ ﺣﺎﺟﺔ ﻗﺎﻝ ﻟﻴﻚ ﻭﺩﻳﻬﺎ ﻣﻜﺎﻥ ﻣﺎ ﺗﺸﻴﻠﻬﺎ
_ ﻳﻌﻨﻲ ﻣﻤﻜﻦ ﻳﺸﻐﻠﻨﻲ ﻣﻌﺎﻫﻮ ﻣﺨﺪﺭﺍﺕ
_ ﻣﻦ ﻏﻴﺮ ﺍﻧﺖ ﻣﺎ ﺗﻜﻮﻥ ﻋﺎﺭﻑ ﻛﻤﺎﻥ
_ ﻭﺍﻧﺖ ﻟﻤﻦ ﻣﺸﻴﺖ ﻟﻌﺒﺪ ﺍﻟﻘﻴﻮﻡ ﻻﻗﻴﺖ ﻋﺒﺪ ﺍﻟﻘﻴﻮﻡ ؟
_ ﻻﻗﻴﺘﻮ ﻭﺷﻔﺘﻮ ﻟﻜﻦ ﻫﻮ ﻣﺎ ﻻﻗﺎﻧﻲ ﻻﻧﻲ ﻛﻠﻔﺖ ﻭﺍﺣﺪ ﻳﺴﺄﻝ ﻋﻨﻮ ﻭﻣﺸﻰ ﺳﺄﻝ ﻭﻣﻦ ﻏﻴﺮ ﻋﺒﺪ ﺍﻟﻘﻴﻮﻡ ﻣﺎ ﻳﺤﺲ ﺑﻴﻬﻮ ﻭﻻ ﻳﻌﺮﻑ ﺷﻲ
_ ﻃﻴﺐ ﻟﻮ ﺍﻧﺎ ﻣﺸﻴﺖ ﺍﻟﺸﻌﺒﻲ ﻭﺳﺄﻟﻮﻧﻲ ﺍﻟﺤﻼ ﻟﻴﻚ ﺍﻟﻤﺸﻜﻠﺔ ﻣﻨﻮ ﺍﻗﻮﻝ ﺍﻟﺤﻼﻫﺎ ﻣﻨﻮ ؟
_ ﻗﻮﻝ ﻟﻴﻬﻢ ﺍﻟﺼﺎﺡ ﺣﻼﻫﺎ ﻭﺍﺣﺪ ﻻﻗﻴﺘﻮ ﻓﻲ ﻣﺪﻧﻲ ﻭﻟﻼ ﺍﻗﻮﻝ ﺣﺎﺟﺔ ﺍﻧﺎ ﺑﻤﺶ ﻣﻌﺎﻙ ﻋﺪﻳﻞ ﻻﻧﻮ ﺍﻟﻨﺠﻮﻣﻲ ﺍﻛﻴﺪ ﺑﻜﻮﻥ ﻛﻠﻢ ﺍﻟﺘﺎﺝ ﺍﻧﻚ ﺑﺘﻌﺮﻑ ﺿﺎﺑﻂ
_ ﻻ ﻻ ﺍﻧﺖ ﻣﺎ ﺗﻤﺶ ﺍﻧﺎ ﻣﺎ ﺩﺍﻳﺮﻫﻢ ﻳﻌﺮﻓﻮﻙ ﺯﺍﺗﻮ
_ ﺍﻫﺎ ﺑﺘﻌﻤﻞ ﺷﻨﻮ ؟
_ ﺑﺘﺼﺮﻑ ﺍﻧﺎ
_ ﺑﺒﺘﺼﺮﻑ ﻭﺭﻳﻨﻲ ﺑﺘﻘﻮﻝ ﻟﻴﻬﻢ ﺷﻨﻮ ؟
_ ﻭﺍﻟﻠﻪ ﻣﺎ ﻋﺎﺭﻑ ﻭﺍﻣﻜﻦ ﻣﺎ ﻳﺴﺄﻟﻮﻧﻲ ﻻﻧﻬﻢ ﻣﺎ ﻋﺎﺭﻓﻨﻲ ﺟﻴﺖ ﻫﻨﺎ ﻭﻟﻮ ﺳﺄﻟﻮﻧﻲ ﺑﻘﻮﻝ ﻟﻴﻬﻢ ﺃﻱ ﺣﺎﺟﺔ ﺑﻤﺸﻴﻬﻢ ﺑﻴﻬﺎ
_ ﻣﺎﻓﻲ ﺣﺎﺟﺔ ﺍﺳﻤﻬﺎ ﺍﻱ ﺣﺎﺟﺔ ﻻﺯﻡ ﻛﻼﻣﻚ ﻳﻜﻮﻥ ﻛﻼﻡ ﻣﻘﻨﻊ
_ ﻳﻌﻨﻲ ﻫﺴﻲ ﻫﻢ ﻋﺎﺭﻓﻴﻦ ﺍﻧﻮ ﺍﻧﺎ ﻋﻨﺪﻱ ﺿﺎﺑﻂ ﺑﻌﺮﻓﻮ ﻫﻨﺎ ؟
_ ﺃﻛﻴﺪ
_ ﻃﻴﺐ ﺍﻟﻤﺸﻜﻠﺔ ﺷﻨﻮ ؟
_ ﺍﻟﻤﺸﻜﻠﺔ ﺍﻟﺘﺎﺝ ﺗﺎﻧﻲ ﻣﺎ ﺑﺜﻖ ﻓﻴﻚ ، ﺍﻧﺖ ﺑﻜﺮﺓ ﺗﻤﺸﻲ ﻣﻌﺎﻱ ﺑﻴﺘﻨﺎ
_ ﺑﻴﺘﻜﻢ ﻟﺸﻨﻮ ؟
_ ﻣﻨﻬﺎ ﺗﻌﺮﻑ ﻧﺎﺱ ﺑﻴﺘﻨﺎ ﻭﻣﻨﻬﺎ ﺗﺮﺟﻊ ﺍﻟﺴﻮﻕ ﺍﻟﺸﻌﺒﻲ ﻣﻊ ﺃﻳﻤﻦ ﻭﺍﻳﻤﻦ ﺩﺍ ﻭﺩ ﻋﻤﻲ ﻭﻗﺪﺭﻙ ﻛﺪﺍ ﺯﻭﻝ ﺗﻔﺘﻴﺤﺔ ﺷﺪﻳﺪ ﻭﻗﻮﻝ ﻟﻴﻬﻢ ﻻﻗﻴﺘﻮ ﻓﻲ ﻣﺪﻧﻲ ﻭﺍﺗﻌﺮﻓﺖ ﻋﻠﻴﻬﻮ ﻭﻭﺭﻳﺘﻮ ﺑﺎﻟﻤﺸﻜﻠﺔ ﻛﻠﻢ ﻋﻤﻮ ﺣﻼﻫﺎ ﻟﻲ ﻭﺍﻳﻤﻦ ﺑﺮﺍﻫﻮ ﻟﻮ ﻓﻬﻤﻨﺎﻫﻮ ﺍﻟﻤﻮﺿﻮﻉ ﺑﻘﻨﻌﻬﻢ
_ ﻳﺎ ﺯﻭﻝ ﺗﻤﺎﻡ ، ﺑﺲ ﺗﺎﻧﻲ ﻋﻨﺪﻱ ﺳﺆﺍﻝ
_ ﺍﺳﺄﻝ
_ ﺍﻟﺘﺎﺝ ﻣﻦ ﺯﻣﺎﻥ ﺷﻐﺎﻝ ﻣﺨﺪﺭﺍﺕ ؟
_ ﺍﻟﺘﺎﺝ ﺩﺍ ﻗﻠﺖ ﻟﻴﻚ ﻋﻨﺪﻭ ﺧﺎﻟﻮ ﺗﺎﺟﺮ ﻏﻨﻲ ﺟﺪﺍ ﺟﺪﺍ ﻭﻫﻮ ﺩﺍﻳﺮ ﺑﺘﻮ ﻭﺧﺎﻟﻮ ﺭﻓﺾ ﻭﺣﻠﻒ ﻳﺒﻘﻰ ﺍﻏﻨﻰ ﻣﻨﻮ ﺑﺄﻱ ﻃﺮﻳﻘﺔ ﻭﻗﺒﺎﻝ ﻳﺠﻲ ﺍﻟﺸﻌﺒﻲ ﻭﺍﺷﺘﻐﻞ ﺍﺗﻌﺮﻑ ﻟﻴﻬﻮ ﻋﻠﻲ ﺗﺎﺟﺮ ﺑﺘﺎﻉ ﻣﺨﺪﺭﺍﺕ ﻛﺒﻴﺮ ﻭﻓﻲ ﻓﺘﺮﺓ ﻭﺟﻴﺰﺓ ﺑﻘﻰ ﺿﺮﺍﻋﻮ ﺍﻟﻴﻤﻴﻦ ﻭﺍﻧﺘﻬﻰ ﻣﻨﻮ ﻭﻣﺴﻚ ﻣﻜﺎﻧﻮ ﻓﺘﺮﺓ
_ ﻛﻴﻒ ﺍﻧﺘﻬﻰ ﻣﻨﻮ ؟
_ ﺍﻟﺘﺎﺝ ﻛﺎﻥ ﺯﻭﻝ ﻣﻨﺪﻓﻊ ﻭﻣﺎ ﺑﺨﺎﻑ ﻭﺃﻱ ﺣﺎﺟﺔ ﺑﺘﺠﻴﺐ ﻟﻴﻬﻮ ﻗﺮﻭﺵ ﻭﺑﺘﺒﻘﻴﻬﻮ ﺍﺣﺴﻦ ﻣﻦ ﺧﺎﻟﻮ ﺑﺴﻮﻳﻬﺎ ﻋﺸﺎﻥ ﻛﺪﺍ ﺍﺷﺘﻐﻞ ﻣﺨﺪﺭﺍﺕ
_ ﻭﻛﻴﻒ ﺍﻧﺘﻬﻰ ﻣﻦ ﺍﻟﺘﺎﺟﺮ ؟
_ ﻛﺎﻥ ﻋﻨﺪﻫﻢ ﻋﻤﻠﻴﺔ ﺍﺳﺘﻼﻡ ﻭﺑﻀﺎﻋﺔ ﻏﺎﻟﻴﺔ ﺷﺪﻳﺪ ﻭﻫﻮ ﺍﻟﻤﻨﻔﺬﻫﺎ ﻭﺍﻟﻌﻤﻠﻴﺔ ﺗﻤﺖ ﺑﻮﺍﺳﻄﺔ ﺍﻟﺸﺮﻃﺔ ﻭﻓﻲ ﻣﺴﺆﻭﻝ ﻛﺒﻴﺮ ﺍﻟﺘﺎﺝ ﻭﺻﻞ ﻟﻴﻬﻮ ﻭﻗﺴﻢ ﺍﻟﻤﺒﻠﻎ ﻣﻌﺎﻫﻮ ، ﻭﺍﻧﻘﺒﺾ ﻓﻴﻬﺎ ﺍﻟﺘﺎﺟﺮ ﻭﻣﻌﺎﻫﻮ ﻛﻢ ﻭﺍﺣﺪ ﻭﻫﻮ ﻫﺮﺏ ﻭﺍﻟﺒﻀﺎﻋﺔ ﺍﺗﺼﺎﺩﺭﺕ ﻭﺍﻟﺘﺎﺟﺮ ﺍﻧﺴﺠﻦ ﻭﺑﻌﺪ ﺍﻳﺎﻡ ﺍﻟﺒﻀﺎﻋﺔ ﻃﻠﻌﺖ ﻋﻠﻰ ﺍﺳﺎﺱ ﺍﻧﻬﻢ ﺍﺗﻠﻔﻮﻫﺎ ﻭﺍﺑﺎﺩﻭﻫﺎ ﻭﻫﻲ ﺍﺳﺘﻠﻤﻬﺎ ﺍﻟﺘﺎﺝ ﻭﺑﺎﻋﻬﺎ ﻭﺍﺗﻘﺴﻤﻮﺍ ﻗﺮﻭﺷﻬﺎ ﻫﻮ ﻭﺍﻟﺰﻭﻝ ﺍﻟﻤﺴﺆﻭﻝ ﺍﻟﻨﺺ ﺍﻟﻨﺺ ﺑﻌﺪﻫﺎ ﺳﺎﺏ ﺍﻟﻤﺨﺪﺭﺍﺕ ﻭﻓﺎﺕ ﺍﻟﺴﻮﻕ ﺍﻟﺸﻌﺒﻲ ﻭﺍﺷﺘﺮﻯ ﺑﺎﻟﻘﺮﻭﺵ ﺑﻴﺖ ﻛﺒﻴﺮ ﻓﻲ ﺍﻡ ﺩﺭﻣﺎﻥ ﻭﺍﺷﺘﺮﻯ ﻟﻴﻬﻮ ﺑﺺ ﻧﻴﺴﺎﻥ ﻣﺸﻐﻠﻮ ﺍﻟﺨﺮﻃﻮﻡ ﺑﻮﺭﺳﻮﺩﺍﻥ ﻭﺍﺷﺘﺮﻯ ﺍﻟﺒﻴﺖ ﺍﻟﻜﻨﺖ ﺳﺎﻛﻦ ﻓﻴﻬﻮ ﺍﻧﺖ ﺩﺍ ﻣﻌﺎﻫﻮ
_ ﻭﻟﺴﺔ ﺷﻐﺎﻝ ﻣﺨﺪﺭﺍﺕ ؟
_ ﺧﻼﻫﺎ ﺑﺲ ﺍﻧﺎ ﺷﺎﻛﻲ ﺍﻧﻮ ﻟﺴﺔ ﺷﻐﺎﻝ ﻟﻜﻦ ﻣﺎﻓﻲ ﺯﻭﻝ ﻋﺎﺭﻓﻮ ﻛﻴﻒ ﺷﻐﺎﻝ
_ ﻃﻴﺐ ﻟﻴﻪ ﻣﺎ ﻗﺒﻀﺘﻮﻫﻮ ؟
_ ﻣﺎ ﻓﻲ ﺩﻟﻴﻞ ﻋﻠﻴﻬﻮ ﻭﺍﻟﺘﺎﺟﺮ ﺍﻋﺘﺮﻑ ﺍﻧﻬﺎ ﺣﻘﺘﻮ ﻭﻣﺎ ﺟﺎﺏ ﺳﻴﺮﺓ ﺍﻟﺘﺎﺝ
_ ﻭﺍﻟﻤﺴﺆﻭﻝ ﻭﻳﻦ ﻫﺴﻲ ؟
_ ﻣﺎ ﻓﻲ ﺯﻭﻝ ﻋﺎﺭﻓﻮ . ﻭﺍﻭﺭﻳﻚ ﺣﺎﺟﺔ ﻋﺸﺎﻥ ﻣﺎ ﺗﺘﻔﺎﺟﺄ ﺑﻴﻬﺎ ﺑﻌﺪﻳﻦ ؟
_ ﺷﻨﻮ ؟
_ ﺍﻟﺘﺎﺝ ﻣﻤﻜﻦ ﺗﺴﻌﻴﻦ ﻓﻲ ﺍﻟﻤﻴﺔ ﺗﺎﻧﻲ ﻣﺎ ﻳﺴﻜﻨﻚ ﻣﻌﺎﻫﻮ
_ ﻟﻴﻪ ﺍﻧﺎ ﻋﻤﻠﺖ ﺷﻨﻮ ؟
_ ﻣﺎ ﺑﺴﻜﻨﻚ ﻭﺍﻛﺎﻥ ﺳﻜﻨﻚ ﻣﻌﺎﻫﻮ ﺗﻌﺎﻝ ﻗﻮﻝ ﺍﻧﺎ ﻛﻀﺎﺏ
_ ﻳﻌﻨﻲ ﻋﺸﺎﻥ ﺍﻧﺎ ﺑﻌﺮﻑ ﻟﻲ ﺿﺎﺑﻂ
_ ﺍﻳﻮﺓ
_ ﺍﻧﺖ ﻣﺎ ﻗﻠﺖ ﺑﻤﺶ ﻣﻌﺎﻱ ﺃﻳﻤﻦ ﻭﺩﻋﻤﻚ
_ ﺑﺮﺿﻮ ﻣﺎ ﺑﺴﻜﻨﻚ ﻣﻌﺎﻫﻮ ﻭﺍﺣﺘﻤﺎﻝ ﻓﻲ ﺍﻟﺪﻛﺎﻥ ﻣﺎ ﻳﺨﻠﻴﻚ ﺗﺸﺘﻐﻞ
_ ﻣﺸﻜﻠﺔ ﻭﺍﻟﻠﻪ
_ ﺍﻟﻤﺸﻜﻠﺔ ﺷﻨﻮ ﻳﻌﻨﻲ ؟
_ ﺣﻘﻮ ﺍﻧﺎ ﺍﻣﺶ ﺑﻜﺮﺓ ﻳﺎﺥ ﻭﻣﺎﻓﻲ ﺩﺍﻋﻲ ﺍﺳﻮﻕ ﺍﻳﻤﻦ ﻣﻌﺎﻱ ﻭﺍﻧﺎ ﺑﻌﺮﻑ ﺍﺗﺼﺮﻑ ﻣﻌﺎﻫﻢ ﻛﻮﻳﺲ
_ ﻋﻠﻲ ﻛﻴﻔﻚ ، ﺍﻧﺎ ﻣﺎ ﺩﺍﻳﺮ ﺍﺿﻐﻂ ﻋﻠﻴﻚ ﻭﺗﻘﻌﺪ ﺳﺎﻱ
_ ﻃﻴﺐ ﺍﻟﺘﺎﺝ ﻣﺮﺍﻗﺒﻨﻮ ؟
_ ﻣﻮﺿﻮﻉ ﺍﻟﺘﺎﺝ ﺩﺍ ﺍﻭﻋﻰ ﺗﺘﻜﻠﻢ ﺑﻴﻬﻮ ﻣﻊ ﺯﻭﻝ ﻧﻬﺎﺋﻲ ﻭﺍﻧﺎ ﻣﻔﺮﻭﺽ ﻣﺎ ﺍﻭﺭﻳﻚ ﻟﻴﻬﻮ ﻟﻜﻦ ﻭﺭﻳﺘﻚ ﻋﺸﺎﻥ ﺗﻌﻤﻞ ﺣﺴﺎﺑﻚ ﺷﺪﻳﺪ ﻭﺗﺒﻘﻰ ﻓﻲ ﺷﻐﻠﻚ ﺑﺲ
ﻋﺒﺪ ﺍﻟﻘﻴﻮﻡ ﻓﻲ ﺍﻟﺒﻴﺖ ﻗﺎﻝ ﻟﺨﻀﺮ ﻋﺒﺎﺱ ﻫﻨﺎ ﻓﻲ ﺍﻟﺨﺮﻃﻮﻡ
_ ﻭﺑﻌﺪﻳﻦ ؟
_ ﺍﻣﻜﻦ ﻳﺠﻲ ﺑﻜﺮﺓ
_ ﻣﺎ ﻳﺠﻲ ﻭﺍﻧﺎ ﺩﺧﻠﻲ ﺷﻨﻮ ﺗﻜﻠﻤﻨﻲ ؟
_ ﺭﺍﻳﻚ ﺷﻨﻮ ﻧﺸﻐﻠﻮ ﻣﻌﺎﻧﺎ
_ ﺷﻮﻑ ﻳﺎ ﻋﺒﺪ ﺍﻟﻘﻴﻮﻡ ﻧﺤﻦ ﺧﻠﻴﻨﺎ ﺑﻠﺪﻧﺎ ﻭﺍﻫﻠﻨﺎ ﻭﺟﻴﻨﺎ ﻫﻨﺎ ﻋﺸﺎﻥ ﺍﻟﺸﻐﻞ ﻭﺍﻟﻘﺮﻭﺵ ﻭﺍﻟﺪﺍﻳﺮ ﻗﺮﻭﺵ ﻣﺎ ﺑﺠﺎﻣﻞ ﻓﻲ ﺷﻐﻠﻮ ﺯﻭﻝ ﻭﺍﻟﺪﻛﺎﻥ ﺩﺍ ﺍﻧﺎ ﺑﺮﺍﻱ ﺑﺸﺘﻐﻞ ﻓﻮﻗﻮ ﻣﺎ ﺑﺤﻤﻞ ﺍﺗﻨﻴﻦ ﻭﺍﻧﺖ ﺩﺍﻳﺮ ﺗﺒﻘﻴﻨﺎ ﺗﻼﺗﺔ ؟
_ ﻟﻜﻦ ﻫﻮ ﻛﺎﻥ ﺷﻐﺎﻝ ﻓﻴﻬﻮ
_ ﻛﺎﻥ ﻭﻣﺎ ﻗﻌﺪ ﻓﻴﻬﻮ ﻳﻮﻣﻴﻦ ، ﻭﻧﺤﻦ ﺍﻻﺟﺮﻧﺎﻫﻮ ﻋﺸﺎﻥ ﻧﺘﺮﺯﻕ ﻣﻨﻮ ﻭﺍﻧﺎ ﺑﺎﻟﻮﺍﺿﺢ ﻛﺪﺍ ﺯﻱ ﺍﻟﺼﺪﻳﻖ ﺍﺧﻮﻙ ﻭﻣﺎ ﺑﻌﺮﻑ ﻏﻴﺮ ﺍﻟﺸﻐﻞ ﺑﺲ ﻭﺍﻧﺖ ﻋﺎﺭﻑ ﻛﺪﺍ ﻭﺍﻟﺰﻭﻝ ﺩﺍ ﺍﻧﺎ ﻣﺎ ﺑﻨﻔﻊ ﻣﻌﺎﻱ
_ ﻣﺎﻟﻮ ﻋﻤﻞ ﻟﻴﻚ ﺷﻨﻮ ؟
_ ﻻ ﻋﻤﻞ ﻟﻲ ﻭﻻ ﻋﻨﺪﻱ ﺷﻐﻠﺔ ﺑﻴﻬﻮ ﺍﻧﺎ ﻫﻨﺎ ﺑﻌﺮﻑ ﺷﻐﻠﻲ ﺑﺲ ﻗﻠﺖ ﻟﻴﻚ ، ﻭﺍﻧﺖ ﺯﺍﺗﻚ ﺣﻘﻮ ﺗﺮﺟﻊ ﻟﻄﺒﻠﻴﺘﻚ ﺳﺎﻱ ﺍﻛﺎﻥ ﺩﺍ ﻛﻼﻣﻚ ﻭﺍﻧﺎ ﺑﺪﻳﻚ ﻗﺮﻭﺷﻚ ﺍﻟﺪﻓﻌﺘﻬﺎ ﻭﻧﻔﻚ ﺍﻟﺸﺮﺍﻛﺔ ﻣﻦ ﻫﺴﻲ ﻣﺎ ﻋﻨﺪﻱ ﺍﻱ ﻣﺎﻧﻊ ﻭﺑﺮﺳﻞ ﺑﻜﺮﺓ ﻳﺠﻴﺒﻮﺍ ﻟﻲ ﺍﻟﺒﻜﺴﻲ ﻭﺑﺒﻴﻌﻮ ﻭﺑﺪﻳﻚ ﺣﻘﻚ ﻭﻟﻼ ﺍﻧﺖ ﺍﺩﻳﻨﻲ ﺣﻘﻲ ﻭﺍﻧﺎ ﺑﺘﺨﺎﺭﺝ ﻟﻴﻚ ﻣﻨﻮ
ﻋﺒﺪ ﺍﻟﻘﻴﻮﻡ ﺳﻜﺖ ﺳﺎﻱ ﻭﻋﺜﻤﺎﻥ ﻛﺎﻥ ﺣﺎﺿﺮ ﻗﺎﻝ ﻟﻴﻬﻮ ﺧﻀﺮ ﻛﻼﻣﻮ ﺻﺎﺡ ﻣﺎﻟﻚ ﻭﻣﺎﻟﻮ ﻫﻮ ﺍﻟﺪﻛﺎﻥ ﺣﻘﻮ ؟
ﺧﻀﺮ ﻣﺸﻰ ﺍﻻﻭﺿﺔ ﺍﻟﺘﺎﻧﻴﺔ ﻭﻛﻠﻢ ﺍﻟﺼﺪﻳﻖ ﺑﻜﻼﻣﻮ ﻣﻊ ﻋﺒﺪ ﺍﻟﻘﻴﻮﻡ ﻛﻠﻮ ﻭﺍﻟﺼﺪﻳﻖ ﻗﺎﻝ ﻟﻴﻬﻮ ﻣﺎ ﻋﻨﺪﻙ ﺍﻱ ﺷﻐﻠﺔ ﺑﻴﻬﻮ ﻭﻧﺤﻦ ﺑﻨﻌﺮﻑ ﺷﻐﻞ ﻭﺑﺲ ﻻ ﻋﻨﺪﻧﺎ ﺷﻐﻠﺔ ﺑﻌﺒﺎﺱ ﻭﻻ ﻓﺮﻧﺎﺱ ﻭﻻ ﻏﻴﺮﻭ ﻭﻛﻮﺭﻙ ﻟﻌﺒﺪ ﺍﻟﻘﻴﻮﻡ ﻗﺎﻝ ﻟﻴﻬﻮ ﺧﻠﻴﻚ ﻓﻲ ﺷﻐﻠﻚ ﺑﺲ ﻭﻋﺒﺎﺱ ﻟﻮ ﺟﺎﺀ ﻭﺩﺍﻳﺮ ﻳﺸﺘﻐﻞ ﺑﺎﻟﻜﺮﺗﻮﻧﺔ ﺯﻱ ﺍﻭﻝ ﺣﺒﺎﺑﻮ ﻟﻜﻦ ﺍﻭﻋﻚ ﺗﺪﺧﻠﻮ ﺍﻟﺪﻛﺎﻥ ﻭﻟﻮ ﺩﺧﻠﺘﻮ ﺑﺼﻔﻘﻚ ﻭﺑﺮﺟﻌﻚ ﺍﻟﺤﻠﺔ
ﻋﺒﺪ ﺍﻟﻘﻴﻮﻡ ﺳﻜﺖ ﺳﺎﻱ
ﻭﺩ ﺍﻟﺴﺖ ﻭﻻ ﺭﻛﻌﺔ ﻣﺎ ﺭﻛﻌﻬﺎ ﻓﻲ ﺍﻟﺠﺎﻣﻊ ﻭﻻ ﻓﻲ ﺍﻟﺒﻴﺖ ﻭﻓﻜﻮﻫﻮ ﺑﺠﺎﻱ ﻗﻌﺪ ﻳﺘﻤﺮﺿﻦ ﻭﻳﺘﻮﺣﻮﺡ ﺑﺠﺎﻱ ﻭﺍﻟﻴﻮﻡ ﻛﻠﻮ ﻣﺎ ﻣﺮﻕ ﻣﻦ ﺍﻟﺒﻴﺖ ﻭﻋﺎﻣﻞ ﻟﻴﻬﻢ ﻓﻴﻬﺎ ﻋﻴﺎﻥ