ﻋﺒﺎﺱ ﺯﺭﺯﺭ ﻭﺣﻨﺒﻚ ﻣﻦ ﻛﻼﻡ ﺍﻟﺘﺎﺝ ﻣﻌﺎﻫﻮ ﻭﺷﻌﺮ ﺍﻧﻮ ﺯﻱ ﺍﻟﺒﻘﻰ ﻣﻜﺮﻭﻩ ﻓﻲ ﺍﻱ ﻣﻜﺎﻥ ﻭﺍﻧﻮ ﺍﻟﺪﻧﻴﺎ ﺑﺪﺕ ﺗﻌﺎﻛﺴﻮ ﻭﻗﺒﺎﻝ ﻳﻘﻮﻡ ﻳﻤﺸﻲ ﻗﺎﻝ ﻟﻠﺘﺎﺝ
_ ﺳﻤﺢ ﺍﻧﺎ ﺑﻤﺸﻲ ﻟﻜﻦ ﻗﺒﺎﻝ ﻣﺎ ﺍﻣﺸﻲ ﺍﻧﺖ ﻣﺎﻟﻚ ﻣﻌﺎﻱ ﻳﺎ ﺍﻟﺘﺎﺝ ؟
_ ﻣﺎﻟﻲ ﻣﻌﺎﻙ ﻛﻴﻒ ﻳﻌﻨﻲ ؟
_ ﺩﺍﻳﺮ ﺍﻋﺮﻑ ﺍﻟﻐﻴﺮﻙ ﺷﻨﻮ ؟ ﻣﻮﺵ ﻛﻨﺖ ﻋﺎﺩﻳﻨﻲ ﺯﻱ ﺃﺧﻮﻙ ؟ ﺍﻧﺎ ﻋﻤﻠﺖ ﺷﻨﻮ ﺧﻼﻙ ﺗﻘﻮﻝ ﻟﻲ ﻛﻼﻣﻚ ﺩﺍ ، ﻳﻌﻨﻲ ﻋﺸﺎﻥ ﺍﺗﺸﺎﻛﻠﺖ ﻣﻊ ﺍﻟﻨﺠﻮﻣﻲ ؟
_ ﻣﺎ ﻋﺸﺎﻥ ﻛﺪﺍ ﺑﺲ ؟
_ ﻳﻠﻼ ﻋﺸﺎﻥ ﺍﻧﺎ ﺍﻓﻮﺕ ﻣﻦ ﻫﻨﺎ ﻭﺗﺎﻧﻲ ﻻ ﺍﺟﻴﻚ ﻓﻲ ﺍﻟﻤﻜﺎﺗﺐ ﻭﻻ ﺍﺟﻴﻚ ﻭﺭﻳﻨﻲ ﻭﻧﺘﺼﺎﺭﺡ ﺑﻜﻞ ﺷﻲ ﻭﺯﻱ ﻣﺎ ﺍﻧﺖ ﻋﺎﺩﻳﻨﻲ ﺍﺧﻮﻙ ، ﺍﻧﺎ ﺑﺮﺿﻮ ﻋﺎﺩﻳﻚ ﺍﺧﻮﻱ ﺍﻟﻜﺒﻴﺮ ﻭﻣﺎ ﺩﺍﻳﺮ ﺍﻓﺎﺭﻗﻚ ﻭﻣﺎ ﻋﺎﺭﻑ ﺍﻟﺴﺒﺐ ﺷﻨﻮ
_ ﻫﺴﻲ ﻛﻼﻣﻚ ﺍﻟﻘﺒﻞ ﺷﻮﻳﺔ ﺩﺍ ﺻﺎﺡ ؟
_ ﻳﺎﺗﻮ ؟
_ ﻟﻤﻦ ﻗﻠﺖ ﻟﻲ ﻃﻠﻊ ﻧﺎﺱ ﺧﻀﺮ ﻭﺍﺩﻳﻨﻲ ﺍﻟﻤﺤﻞ .
_ ﻣﺎ ﺻﺎﺡ ﻋﺎﺭﻓﻮ ﺑﺲ ﺩﺍ ﻣﺎ ﺍﻟﺴﺒﺐ ﻻﻧﻮ ﻓﻲ ﺣﺎﺟﺔ ﻗﺒﻠﻮ ، ﺷﻨﻲ ﺍﻟﺤﺎﺟﺔ ﺩﻱ ؟
_ ﺳﺎﻱ ﻳﺎﺥ ﺍﻧﺎ ﻣﺎ ﺑﺮﻳﺪ ﺯﻭﻝ ﻳﺴﻜﻦ ﻣﻌﺎﻱ
_ ﺍﻛﻨﺖ ﺳﺎﻛﻦ ﻣﻌﺎﻙ ﺧﻤﺴﺔ ﺷﻬﻮﺭ ﺍﻟﻤﺸﻜﻠﺔ ﺷﻨﻮ ؟ ﺑﺎﻟﻠﻪ ﻭﺭﻳﻨﻲ ﺑﺼﺮﺍﺣﺔ
_ ﺑﺼﺮﺍﺣﺔ ؟ ﻻﻧﻚ ﻛﻀﺎﺏ ﻭﺟﻴﺖ ﻫﻨﺎ ﻭﺑﺘﻌﺮﻑ ﻟﻴﻚ ﻋﺴﺎﻛﺮ ﻣﺸﻴﺖ ﻟﻴﻬﻢ ﻭﻗﻌﺪﺕ ﻣﻌﺎﻫﻢ ﻭﺳﻼﻡ ﻣﺎ ﻗﻠﺘﻮ ﻟﻴﻨﺎ ،
_ ﻭﺭﻳﺘﻚ ﺍﻧﺎ ﻗﻠﺖ ﻓﻲ ﻭﺍﺣﺪ ﺻﺎﺣﺒﻲ ﻭ ..
_ ﻭﺍﺑﻮﻫﻮ ﺿﺎﺑﻂ ﻭﻛﻠﻢ ﺿﺎﺑﻂ ﺻﺎﺣﺒﻮ ﻫﻨﺎ ﻭﻭﻭ .… ﺻﺎﺡ ؟
_ ﺍﻳﻮﺓ ﺩﺍ ﺻﺎﺡ ﻭﺩﺍ ﺍﻟﺤﺼﻞ
_ ﻛﻀﺎﺏ ﻭﺍﻟﻠﻪ
_ ﻛﻀﺎﺏ ﻛﻴﻒ ﻳﺎﺥ ؟
_ ﺷﻔﺖ ﻳﻮﻡ ﺍﻧﺖ ﺟﻴﺖ ﻣﻦ ﻣﺪﻧﻲ ﻭﺍﻟﻠﻪ ﻟﻮ ﺟﻴﺖ ﻭﺭﻳﺘﻨﻲ ﺍﻛﺎﻥ ﺍﻧﺎ ﺑﺮﺍﻱ ﺣﻠﻴﺖ ﺍﻟﻤﺸﻜﻠﺔ ﺩﻱ ﻭﺍﻧﺎ ﺑﻌﺪ ﺍﻧﺖ ﻣﺸﻴﺖ ﺍﻫﻠﻚ ﺑﻴﻮﻣﻴﻦ ﻣﺸﻴﺖ ﻟﻠﻨﺠﻮﻣﻲ ﻭﺍﺗﻜﻠﻤﺖ ﻣﻌﺎﻫﻮ ﻭﻫﻮ ﺯﻭﻝ ﻣﻤﺘﺎﺯ ﻣﺎ ﺯﻱ ﻣﺎ ﺍﻧﺖ ﻓﺎﻛﺮ ﻭﻗﺎﻝ ﻟﻲ ﺧﻼﺹ ﻣﺎ ﻓﻲ ﻣﺸﻜﻠﺔ ﻭﻛﻼﻣﻮ ﻛﺎﻥ ﺣﻖ ﺯﻋﻞ ﺑﺲ ، ﻭﺍﻧﺎ ﻟﻮ ﻣﺎ ﻛﻨﺖ ﺧﺎﻳﻒ ﻋﻠﻴﻚ ﻭﻋﺎﺩﻳﻚ ﺯﻱ ﺍﺧﻮﻱ ﻣﺎ ﻛﺎﻥ ﻗﻠﺖ ﻟﻴﻚ ﺳﺎﻓﺮ ﺍﻫﻠﻚ ﻭﻻ ﻛﺎﻥ ﺧﺘﻴﺖ ﻟﻴﻚ ﺍﻟﻘﺮﻭﺵ ﻓﻲ ﺍﻟﺸﻨﻄﺔ ﻭﺍﻧﺎ ﻋﺸﺎﻥ ﺍﺑﻘﻰ ﻣﻊ ﺻﺮﻳﺢ ﺃﻛﺘﺮ ﺧﺘﻴﺖ ﻟﻴﻚ ﺍﻟﻘﺮﻭﺵ ﻻﻧﻲ ﺣﺴﻴﺖ ﺍﻧﻲ ﺍﻧﺎ ﺍﻟﺴﺒﺐ ﻓﻲ ﻣﺸﻜﻠﺘﻚ ﺩﻱ ﻻﻧﻲ ﻣﺮﻗﺘﻚ ﻣﻦ ﺷﻐﻠﻚ ﻭﻗﻠﺖ ﻟﻴﻚ ﺍﺷﺘﻐﻞ ﻓﻲ ﺍﻟﺪﻛﺎﻥ ﻭﻋﺸﺎﻥ ﺃﻛﻔﺮ ﺫﻧﺒﻲ ﺩﺍ ﺧﺘﻴﺖ ﻟﻴﻚ ﺍﻟﻘﺮﻭﺵ ﻗﻠﺖ ﺗﺴﺎﻋﺪﻙ ﻭﺗﺴﺎﻋﺪ ﺑﻴﻬﺎ ﺍﻫﻠﻚ
_ ﻳﻠﻼ ﺍﻧﺎ ﻏﻠﻄﺎﻥ ﻓﻲ ﺷﻨﻮ ؟
_ ﻓﻲ ﺍﻟﻜﻀﺐ ، ﺍﻧﺖ ﻛﻀﺒﺖ ﻋﻠﻲ ﻳﺎ ﻋﺒﺎﺱ ﻭﺍﻧﺎ ﺟﻨﻲ ﻭﺟﻦ ﺍﻟﻜﻀﺐ ﻭﺍﻟﺒﻜﻀﺐ ﻣﺮﺓ ﺑﻜﻀﺐ ﻣﻴﺔ ﻣﺮﺓ
_ ﻛﻀﺒﺖ ﻓﻲ ﺷﻨﻮ ؟
_ ﻳﺎﺧﻲ ﺍﻧﺖ ﺳﻤﻌﺖ ﻋﺜﻤﺎﻥ ﻳﻮﻡ ﺟﻴﺖ ﺳﺎﻋﺔ ﻛﻮﺭﻙ ﻟﻴﻚ ﺻﺎﺡ ﻭﻟﻼ ﻣﺎ ﺻﺎﺡ ؟
_ ﻣﺎ ﺳﻤﻌﺘﻮ
_ ﺗﺎﻧﻲ ﺩﺍﻳﺮ ﺗﻜﻀﺐ ؟
ﻋﺒﺎﺱ ﺳﻜﺖ ﻣﺴﺎﻓﺔ ﻭﺍﺗﺬﻛﺮ ﻓﺮﺡ ﻭﻣﺎ ﺩﺍﻳﺮ ﻳﻮﺭﻱ ﺍﻟﺘﺎﺝ ﺑﻴﻬﻮ ﻭﻓﻌﻼ ﻛﻀﺐ ﻻﻧﻮ ﺳﻤﻊ ﻛﻮﺭﺍﻙ ﻋﺜﻤﺎﻥ ﻟﻴﻬﻮ ﻭﻗﺎﻝ ﻳﺴﺘﻤﺮ ﻓﻲ ﻛﻀﺒﺘﻮ ﻭﻳﻘﻨﻊ ﺍﻟﺘﺎﺝ ﺑﺈﻧﻮ ﻣﺎ ﺳﻤﻌﻮ ﻭﺣﺘﻰ ﻟﻮ ﻳﺤﻠﻒ ﺑﺲ ﻣﺎ ﻳﺨﻠﻴﻬﻮ ﻳﻘﻮﻝ ﻋﻠﻴﻬﻮ ﻛﻀﺎﺏ ﻭﻗﺎﻝ ﻟﻴﻬﻮ ﻣﺎ ﺳﻤﻌﺘﻮ ﻳﺎﺥ
_ ﺍﺣﻠﻒ
_ ﻭﺍﻟﻠﻪ ﻣﺎ ﺳﻤﻌﺘﻮ
_ ﻭﺍﻟﻠﻪ ﻛﻀﺎﺏ ﻻﻧﻲ ﺍﻧﺎ ﺍﻟﺠﻮﺓ ﺍﻟﻤﻜﺘﺐ ﺳﻤﻌﺘﻮ ﻭﺍﻗﻮﻝ ﻟﻴﻚ ﺷﻲ ؟ ﺍﻧﺎ ﺯﺍﺗﻲ ﺷﻔﺘﻚ ﻻﻧﻮ ﻣﻦ ﺟﺎﺀ ﺟﺎﺭﻱ ﻭﻛﻮﺭﻙ ﻟﻴﻚ ﺳﺎﻱ ﺍﻧﺎ ﻣﺮﻗﺖ ﻭﻫﻮ ﻣﺎ ﺷﺎﻓﻨﻲ ﻭﺍﻧﺎ ﺯﺍﺗﻲ ﺷﻔﺘﻚ ، ﻃﻴﺐ ﻣﺎ ﻣﺸﻜﻠﺔ ﺍﻟﻀﺎﺑﻂ ﻣﺸﻴﺖ ﻟﻴﻬﻮ ﻭﻳﻦ ﻭﺍﺳﻤﻮ ﻣﻨﻮ ؟
_ ﻣﺸﻴﺖ ﻟﻴﻬﻮ ﻓﻲ ﺑﺤﺮﻱ ﻭﺍﺳﻤﻮ ﺩﺍ ﻣﻌﻠﻴﺶ ﺍﻋﻔﻴﻨﻲ ﻣﻨﻮ
_ ﺳﻤﺢ ﻋﻔﻴﺘﻚ ﻣﻨﻮ ، ﻃﻴﺐ ﻫﻮ ﺯﻭﻝ ﻛﺒﻴﺮ ﻭﻟﻼ ﺻﻐﻴﺮ ؟
_ ﺯﻭﻝ ﻛﺒﻴﺮ ، ﺍﻧﺖ ﺩﺍﻳﺮ ﺑﻴﻬﻮ ﺷﻨﻮ ؟
_ ﻣﺎ ﺩﺍﻳﺮ ﺑﻴﻬﻮ ﺷﻲ ﺑﺲ ﺩﺍﻳﺮ ﺍﻭﺭﻳﻚ ﺍﻧﻚ ﻛﻀﺎﺏ
_ ﻣﺎ ﻛﻀﺒﺖ ﻋﻠﻴﻚ ﻓﻲ ﺷﻲ ﺍﻧﺎ ﺟﻴﺖ ﺻﺎﺡ ﻭﺭﻛﺒﺖ ﻣﺸﻴﺖ ﻟﻴﻬﻮ ﻓﻲ ﺑﺤﺮﻱ ﻭﻣﺸﻴﺖ ﻣﻌﺎﻫﻮ ﺑﻴﺘﻮ ﻭﻗﻌﺪﺕ ﻣﻌﺎﻫﻮ ﺗﻼﺗﺔ ﻳﻮﻡ ﻣﻊ ﺍﻭﻻﺩﻭ ﻟﻤﻦ ﺍﻟﻤﺸﻜﻠﺔ ﺍﻧﺤﻠﺖ ﺟﻴﺘﻜﻢ
_ ﻭﺍﻟﻠﻪ ﻛﻀﺎﺏ ﻭﺍﻧﺖ ﺭﻛﺒﺖ ﻣﺸﻴﺖ ﺍﻟﻌﺮﺑﻲ ﻭﻣﻨﻬﺎ ﺭﻛﺒﺖ ﺑﺤﺮﻱ ﻭﺍﻟﻀﺎﺑﻂ ﺻﺎﺡ ﻫﻨﺎﻙ ﻭﻣﺸﻴﺖ ﻣﻌﺎﻫﻮ ﺑﻴﺘﻮ ﻭﻫﻮ ﺻﻐﻴﺮ ﻭﻣﺎ ﻣﺘﺰﻭﺝ ﻭﺍﺳﻤﻮ ﻓﺮﺡ
_ ﺍﻟﻜﻠﻤﻚ ﻣﻨﻮ ؟
_ ﺧﻠﻴﻬﻮ ﺍﻟﻜﻠﻤﻨﻲ ﻳﻠﻼ ﻣﻊ ﺍﻟﺴﻼﻣﺔ ﻳﺎﺥ ﻭﺍﻣﺶ ﻭﺍﻧﺴﻰ ﺯﻭﻝ ﺍﺳﻤﻮ ﺍﻟﺘﺎﺝ
_ ﺁﺧﺮ ﺳﺆﺍﻝ ، ﻋﻠﻴﻚ ﺍﻟﻠﻪ ﺍﻟﻜﻠﻤﻚ ﺑﻔﺮﺡ ﻣﻨﻮ ؟
_ ﻣﺎ ﺩﺍﻳﺮ ﺍﻭﺭﻳﻚ ﻟﻴﻬﻮ
ﻋﺒﺎﺱ ﻃﻠﻊ ﻣﻦ ﺍﻟﺘﺎﺝ ﻭﻓﺎﺕ ﻟﺤﻴﺪﺭ ﻟﻘﺎﻫﻮ ﻣﺎﻓﻴﺶ ﻭﻓﺎﺕ ﺍﻟﺒﻴﺖ ، ﺳﻠﻢ ﻋﻠﻲ ﺍﻟﺸﺒﺎﺏ ﻭﺍﺗﻌﺮﻑ ﻋﻠﻴﻬﻢ ﻭﻃﻠﻊ ﻟﻴﻬﻮ ﻟﺤﺎﻑ ﻓﻲ ﺍﻟﺴﺮﻳﺮ ﺍﻟﻔﻲ ﺍﻟﺤﻮﺵ ﻭﺭﻗﺪ ﻓﻮﻗﻮ ﻭﻗﻌﺪ ﻳﻔﻜﺮ ﻭﻣﺤﺘﺎﺭ ﻛﻴﻒ ﺍﻟﺘﺎﺝ ﻋﺮﻑ ﺍﻧﻮ ﻛﺎﻥ ﻣﻊ ﻓﺮﺡ ﻭﻛﻴﻒ ﻋﺮﻑ ﻓﺮﺡ ﺍﺻﻼ ،
ﺣﻴﺪﺭ ﺟﺎﺀ ﻗﻌﺪ ﻣﻌﺎﻫﻮ ﻭﻗﻄﻊ ﻟﻴﻬﻮ ﺗﻔﻜﻴﺮﻭ ﻭﻗﺎﻝ ﻟﻴﻬﻮ ﻛﻴﻔﻚ ﻳﺎﺥ
_ ﺍﻟﺤﻤﺪ ﻟﻠﻪ ﺗﻤﺎﻡ
_ ﻋﻨﺪﻱ ﻗﺰﺍﺯﺓ ﻋﺮﻗﻲ ، ﺍﺟﻴﺒﻬﺎ ﺗﺸﺮﺏ ﻣﻌﺎﻱ
_ ﻻ ﻻ ﺍﻧﺎ ﻣﺎ ﺑﺴﻜﺮ
_ ﺳﻤﺢ ﺳﺠﺎﺭﺓ ﺧﻀﺮﺍﺀ ﻛﻴﻒ ؟
_ ﺑﺮﺿﻮ ﻣﺎ ﺑﺴﺠﺮ
_ ﺍﻧﺖ ﺟﺎﺩﻱ ؟ ﻓﻲ ﺯﻭﻝ ﺍﻟﺰﻣﻦ ﺩﺍ ﻻ ﺑﺴﻜﺮ ﻭﻻ ﺑﻀﺮﺏ ﺑﻨﻘﻮ ؟
_ ﺃﻧﺎ
_ ﻣﺘﺄﻛﺪ ؟
_ ﻣﺎﻟﻚ ﺷﺎﻳﻒ ﻋﻠﻲ ﺷﻨﻮ ؟
_ ﻻ ﻻ ﺍﻟﻌﻔﻮ ﻳﺎﺥ ﺑﺲ ﻛﻨﺖ ﺩﺍﻳﺮﻙ ﺗﻤﺨﻤﺦ ﻣﻌﺎﻱ ﺑﺲ
_ ﻣﺨﻤﺦ ﺑﺮﺍﻙ ﻳﺎ ﺍﺧﻮﻱ ﻭﺑﻌﻴﺪ ﺑﻌﻴﺪ
_ ﺗﻤﺎﻡ ﻭﺍﻧﺎ ﻭﺍﻟﻠﻪ ﺍﻻﺗﻨﻴﻦ ﻣﺎ ﺑﺴﻮﻳﻬﻦ ﻭﻻ ﻓﻴﻨﺎ ﺯﻭﻝ ﺑﺴﻮﻳﻬﻦ ﻭﺳﺄﻟﺘﻚ ﻋﺸﺎﻥ ﺍﻋﺮﻓﻚ ﺑﺲ ﺯﻭﻟﻨﺎ ﻭﻟﻼ ﻣﺎ ﺯﻭﻟﻨﺎ ﻭﻟﻘﻴﺘﻚ ﺯﻭﻟﻨﺎ ﺗﺐ ، ﻳﻠﻼ ﻧﺤﻦ ﻫﻨﺎ ﻋﻨﺪﻧﺎ ﻋﺎﺩﺓ ﻳﻮﻣﻲ ﻻﺯﻡ ﻧﺴﻮﻳﻬﺎ
_ ﺷﻨﻮ ﺩﻱ
_ ﺍﻟﺼﻼﺓ ﻓﻲ ﺍﻟﺠﺎﻣﻊ ﻭﻛﻞ ﻳﻮﻡ ﻗﺒﺎﻝ ﻧﻘﻔﻞ ﻭﻧﻨﻮﻡ ﺑﻨﻘﺮﺍ ﻟﻴﻨﺎ ﺟﺰﻭ ﻣﻊ ﺑﻌﺾ ﺣﺘﻴﻦ ﻧﻄﻔﻲ ﻭﻧﻨﻮﻡ ،
_ ﺗﻤﺎﻡ ﻭﺍﻧﺎ ﻣﻌﺎﻛﻢ
_ ﺑﻨﺠﻲ ﻣﻦ ﺍﻟﺸﻐﻞ ﻭﺑﻨﻤﺸﻲ ﻧﺼﻠﻲ ﺍﻟﻌﺸﺎﺀ ﻭﺑﻨﺠﻴﺐ ﻣﻌﺎﻧﺎ ﻋﺸﺎﻧﺎ ﻭﻧﺠﺮ ﻛﺸﺘﻴﻨﺔ ﻳﻮﻣﻲ ﻭﺑﻌﺪﻫﺎ ﻧﻘﺮﺍ ﺍﻟﺠﺰﻭ ﻭﻧﻨﻮﻡ
_ ﻣﻌﺎﻛﻢ ﺗﺐ ﺑﺲ ﻣﺎ ﺑﻌﺮﻑ ﺍﻟﻌﺐ ﻛﺸﺘﻴﻨﺔ
_ ﺑﻨﻌﻠﻤﻚ ﻟﻴﻬﺎ ﻣﺎ ﻣﺸﻜﻠﺔ ﺑﺲ ﺍﻫﻢ ﺣﺎﺟﺔ ﺍﻧﻚ ﻣﺎ ﺑﺘﺴﻜﺮ ﻭﻻ ﺑﺘﺸﺮﺏ ﺑﻨﻘﻮ ﻭﺑﺘﺼﻠﻲ ، ﻭﻧﺤﻦ ﺍﻱ ﻭﺍﺣﺪ ﻓﻴﻨﺎ ﻣﻦ ﺑﻠﺪ ﺍﺗﻌﺎﺭﻓﻨﺎ ﻫﻨﺎ ﻭﻣﻊ ﺍﻻﻳﺎﻡ ﺑﺘﻌﺮﻓﻨﺎ ﻛﻠﻨﺎ ﺍﻧﺎ ﻣﻦ ﺍﻟﺠﺰﻳﺮﺓ ﻭﺍﻻﺗﻨﻴﻦ ﺩﻳﻞ ﻭﺍﺣﺪ ﻣﻦ ﺍﻟﺸﻤﺎﻟﻴﺔ ﻭﻭﺍﺣﺪ ﻣﻦ ﺍﻟﺪﻭﻳﻢ ﻭﺣﺎﻟﺘﻨﺎ ﻭﺍﺣﺪﺓ ﻭﻛﻠﻨﺎ ﺍﺧﻮﺍﻥ
_ ﺍﻧﺎ ﺯﺍﺗﻲ ﻣﻦ ﺍﻟﺠﺰﻳﺮﺓ ﻭﺍﺧﻮﻛﻢ ﺗﺐ
_ ﺷﻐﺎﻝ ؟
_ ﺣﺎﻟﻴﺎ ﻣﺎ ﺷﻐﺎﻝ ﻟﻜﻦ ﻋﺎﺭﻑ ﺑﺸﺘﻐﻞ ﻭﻳﻦ ﻣﺎ ﻣﺸﻜﻠﺔ ﺑﺲ ﺍﻧﺎ ﺑﻜﺮﺓ ﺑﻤﺶ ﺑﺤﺮﻱ ﻭﺑﺠﻲ ﻳﺎ ﻓﻲ ﻧﻔﺲ ﺍﻟﻴﻮﻡ ﻳﺎ ﺍﻟﻴﻮﻡ ﺍﻟﺘﺎﻧﻲ
ﻋﺒﺎﺱ ﻛﻀﺐ ﻋﻠﻲ ﺣﻴﺪﺭ ﻭﻫﻮ ﺍﻻﺗﻨﻴﻦ ﻋﻤﻠﻦ ﻭﺍﻟﺴﻜﺮ ﺳﺎﺑﻮ ﻭﺗﺎﺏ ﻣﻨﻮ ﻟﻜﻦ ﺍﻟﺒﻨﻘﻮ ﺍﻣﺲ ﺍﻟﻘﺮﻳﺒﺔ ﺩﻱ ﺷﺮﺑﻮ ﻭﺍﻟﻜﻮﻳﺲ ﺍﻧﻮ ﺣﻴﺪﺭ ﻣﺎ ﻋﺼﺮ ﻋﻠﻴﻬﻮ ﻭﺣﻨﺴﻮ ﻛﺘﻴﺮ ﻟﻤﻦ ﻗﺎﻝ ﻟﻴﻬﻮ ﺗﺸﺮﺏ ﻣﻌﺎﻱ ﻻﻧﻮ ﺍﻛﺎﻥ ﺑﺠﺎﻣﻠﻮ ﻭﺑﻘﻮﻝ ﻟﻴﻬﻮ ﺟﻴﺒﻮ
ﻋﺒﺎﺱ ﺍﻟﻌﺸﺎﺀ ﻣﺎ ﺻﻼﻫﻮ ﻟﻜﻦ ﺑﻌﺪ ﺍﺗﻌﺸﻮﺍ ﻗﺎﻡ ﺍﺗﻮﺿﺎ ﻭﺟﺎﺀ ﻗﺮﺍ ﺍﻟﺠﺰﻭ ﻣﻌﺎﻫﻢ ﻭﺭﻗﺪ ﻧﺎﻡ
ﻭﺩ ﺍﻟﺴﺖ ﺍﻟﺸﻐﻠﺔ ﺑﻘﺖ ﻭﺍﺭﺓ ﻣﻌﺎﻫﻮ ﺷﺪﻳﺪ ﻭﻇﺒﻂ ﺍﻟﺪﻛﺎﻥ ﻇﺒﻴﻄﺔ ﺻﺎﺡ ﻭﺍﻟﺮﻓﻮﻑ ﺍﻟﻜﺘﻴﺮﺓ ﺍﻟﻜﺎﻧﺖ ﻓﺎﺿﻴﺔ ﻣﻼ ﻧﺼﻬﺎ ﻭﻳﻮﻣﻲ ﺑﺠﻴﺐ ﺑﻀﺎﻋﺔ ﺍﻻ ﻣﺎ ﻳﺸﻮﻑ ﺯﻭﻝ ﻣﺎﺭﻕ ﻣﻦ ﺍﻟﺤﻠﺔ ﺑﻮﺻﻴﻬﻮ ﻟﻐﺮﺽ ﻳﺠﻴﺒﻮ ﻟﻴﻬﻮ ﻭﺗﻌﺎﻣﻠﻮ ﺳﻤﺢ ﻣﻊ ﺍﻟﻨﺎﺱ ﻭﻃﻠﻬﻢ ﺑﺮﻳﺪﻭﻫﻮ ﻭﺍﻱ ﺯﻭﻝ ﺑﺪﻳﻨﻮ ﻧﻬﺎﺋﻲ ﻣﺎ ﺭﺟﻊ ﻟﻴﻬﻮ ﺯﻭﻝ . ﻭﺣﺮﻳﻒ ﺷﺪﻳﺪ ﻛﻞ ﺯﻭﻝ ﺑﺪﻳﻬﻮ ﺣﺎﺟﺔ ﺑﺎﻟﺪﻳﻦ ﺑﻘﻮﻝ ﻟﻴﻬﻮ ﺍﻟﺪﻛﺎﻥ ﺩﻛﺎﻧﻚ ﻭﻟﻮ ﺩﺍﻳﺮﻭ ﭼﺖ ﺑﺪﻳﻚ ﻟﻴﻬﻮ ﺑﺲ ﺍﺣﺬﺭ ﻣﻦ ﻣﺎﻝ ﺍﻟﻴﺘﻴﻢ ﻭﻣﻦ ﺣﻖ ﺍﻟﻴﺘﻴﻢ ﺍﻭﻋﻚ ﺗﺎﻛﻠﻮﺍ ﻭﻻ ﺗﻮﻛﻠﻮﺍ ﺍﻫﻠﻚ ﻭﺍﻭﻻﺩﻙ ، ﻭﻓﻲ ﻭﺍﺣﺪ ﻓﻲ ﺍﻟﺤﻠﺔ ﺧﻄﺎﻁ ﻓﺎﺕ ﻟﻴﻬﻮ ﺟﺎﺑﻮ ﻭﻛﺘﺐ ﻟﻴﻬﻮ ﻓﻲ ﺍﻟﺒﺎﺏ ﺩﻛﺎﻥ ﺍﻟﻴﺘﻴﻢ ﻭﺗﺤﺘﻬﺎ ‏( ﻓﺄﻣﺎ ﺍﻟﻴﺘﻴﻢ ﻓﻼ ﺗﻘﻬﺮ ‏)
ﻭﺍﻟﺰﻳﻦ ﻣﺘﻜﻴﻒ ﻣﻨﻮ ﺷﺪﻳﺪ ﻭﻛﻞ ﻣﺮﺓ ﺑﻘﻮﻝ ﻟﻴﻬﻮ ﻋﻨﺪﻱ ﻗﺮﻭﺵ ﻟﻮ ﺩﺍﻳﺮ ﺑﻀﺎﻋﺔ ﻭﺭﻳﻨﻲ ﺍﻧﺠﻴﺒﻬﺎ ﻟﻴﻚ ، ﻭﺩ ﺍﻟﺴﺖ ﻗﺎﻝ ﻟﻴﻬﻮ ﻣﺎ ﻋﻨﺪﻙ ﺷﻐﻠﺔ ﺑﻲ ﺧﻠﻲ ﻗﺮﻭﺷﻚ ﻣﻌﺎﻙ ﻭﺍﻧﺎ ﺑﻌﺮﻑ ﻛﻴﻒ ﺍﻋﺒﻲ ﺍﻟﺪﻛﺎﻥ
ﺍﻟﺼﺒﺎﺡ ﻋﺒﺎﺱ ﺍﻟﺠﻤﺎﻋﺔ ﺻﺤﻮﻫﻮ ﻣﺸﻰ ﻣﻌﺎﻫﻢ ﺻﻠﻰ ﺍﻟﺼﺒﺢ ﻭﺟﺎﺀ ﺗﺎﻧﻲ ﻧﺎﻡ ﻭﺑﻌﺪ ﺍﻟﺸﻤﺶ ﻃﻠﻌﺖ ﻭﺑﻘﺖ ﻓﻮﻕ ﻣﺮﻕ ﻣﺸﻰ ﺍﻟﺴﻮﻕ ﻭﻻ ﻏﺸﻰ ﺍﻱ ﺯﻭﻝ ﻭﻣﺸﻰ ﺑﺤﺮﻱ ﻟﻔﺮﺡ ﺍﻟﻜﻌﺐ