ﻛﻨﺖ ﺭﺍﻛﺐ ﻓﻲ ﺍﻟﺤﺎﻓﻠﻪ ﻣﺎﺷﻲ ﻋﻠﻲ ﻛﺎﻓﻮﺭﻱ ﻓﻲ ﻧﺺ ﺍﻟﻄﺮﻳﻖ
ﺍﻟﺤﺎﻓﻠﻪ ﻭﻗﻔﺖ
ﺭﻓﻌﺖ ﻟﻴﻬﺎ ﺑﻨﺖ ﺳﻤﺤﻪ ﺳﻤﺎﺡ ﻭﺻﻔﺮﺍﺀ ﺗﻘﻮﻝ ﻣﻨﻘﻪ ﻣﺴﺘﻮﺭﺩﻩ ﻭﻣﻌﺎﻫﺎ
ﺍﺑﻮﻫﺎ ﺍﻫﺎ ﺭﻛﺒﻮﺍ ﺍﻟﺤﺎﻓﻠﻪ ﻭﺍﻧﺎ ﻗﺎﻋﺪ ﻓﻲ ﺍﻟﻤﻘﻌﺪ ﻭﺍﻟﻤﻘﻌﺪ ﺍﻟﺠﻨﺒﻲ
ﻓﺎﺿﻲ .
ﺍﻫﺎ ﻗﻤﺖ ﻝ ﺃﺑﻮﻫﺎ ﻷﻧﻮ ﺯﻭﻝ ﻛﺒﻴﺮ ﻭﻛﺪﺍ
ﻷﻧﻮ ﺍﻧﺎ ﺍﻧﺴﺎﻥ ﺑﻌﺮﻑ ﺍﻷﺻﻮﻝ ﻭﺍﻟﺰﻭﻕ
ﺃﺑﻮﻫﺎ ﻭ ﺍﻟﻤﻨﻘﻪ ﺩﻱ ﻗﻌﺪﻭﺍ ﻓﻲ ﺍﻟﻤﻘﺎﻋﺪ ﺍﻷﺛﻨﻴﻦ ﻭﺍﻧﺎ ﻭﺍﻗﻒ ﺟﻨﺒﻬﻢ
ﻭﺳﺮﺣﺎﻥ ﺑﺎﻟﺤﻠﻮﻩ ﺩﻱ ﺣﻜﺎﻳﺔ 10 ﺩﻗﺎﻳﻖ ﻭﺍﻧﺎ ﺑﻌﺎﻳﻦ ﻓﻲ
ﻋﻴﻮﻧﻬﺎ ﻭﻛﻤﺎﻥ ﺍﻟﺸﻲ ﺍﻟﺴﻤﺢ ﻓﻴﻬﺎ
ﻋﻨﺪﻫﺎ ﺣﻼﺕ ﻭﺟﻨﻪ ﻭ ﺍﺑﺘﺴﺎﻣﻪ ﺍﺳﻜﺖ ﺳﺎﻱ
ﻟﻤﻦ ﻭﺻﻠﻮﺍ ﺍﻟﺒﻼﺑﻞ ﻭﻗﻔﻮﺍ ﺍﻟﻌﺮﺑﻴﻪ
ﻭﺍﺑﻮﻫﺎ ﺷﻜﺮﻧﻲ ﻟﻴﻚ ﻗﺎﻝ ﻟﻲ ﺍﻧﺖ ﺍﻧﺴﺎﻥ ﻇﺮﻳﻒ ﻭﻛﻠﻚ ﺯﻭﻕ ﻭﺷﻜﺮﺍ
ﻟﻴﻚ
ﻣﻌﻘﻮﻟﻪ ﻳﺎ ﺣﺎﺝ ﺍﻧﺖ ﻓﻲ ﻣﻘﺎﻡ ﺍﺑﻮﻱ
ﻭﺍﻧﺎ ﺍﺻﻶ ﻗﻤﺖ ﻋﺸﺎﻥ ﺍﻟﺴﻜﺮﻩ ﺩﻱ
ﻗﺎﻣﻮﺍ ﻧﺰﻟﻮﺍ ﻭﺍﻧﺎ ﻗﻌﺪﺕ ﻓﻲ ﻣﻜﺎﻧﻲ
ﻭﺍﻟﺤﺎﻓﻠﻪ ﻓﺎﺗﺖ ﺑﻌﺪ ﺷﻮﻳﺔ ﺍﺷﻮﻑ ﻟﻴﻚ ﺷﻨﻄﻪ ﺗﺤﺖ ﺍﻟﻤﻘﻌﺪ
ﻋﺎﻳﻨﺖ ﺟﺎﻱ ﻭﺟﺎﻱ ﻣﺎﺷﺎﻳﻒ ﺍﻱ ﺯﻭﻝ
ﻣﺸﻴﺖ ﺑﻴﻬﺎ ﺍﻟﺒﻴﺖ ﺗﻼﺗﻪ ﺃﻳﺎﻡ ﺍﻧﺎ ﻣﺎﻓﺘﺤﺘﻬﺎ ﻭﺍﻟﻴﻮﻡ ﺍﻟﺮﺍﺑﻊ ﻗﻠﺖ ﻛﺪﻱ
ﻧﻔﺘﺤﻬﺎ ﻧﺸﻮﻑ ﻓﻴﻬﺎ ﺷﻨﻮ ؟
ﻗﻤﺖ ﻓﺘﺤﺘﻬﺎ ﻟﻘﻴﺖ ﻓﻴﻬﺎ ﺟﻨﺲ ﻗﺮﻭﺵ ﺟﺪﻳﺪﻩ ﺑﺘﻠﻤﻊ ﻟﻤﻊ ﺯﻱ
ﺍﻟﺼﻠﻌﻪ ﺍﻟﻤﻤﺴﺤﻨﻬﺎ ﺯﻳﺖ .
ﺍﻟﺘﻘﻮﻝ ﺟﺎﺑﻮﻫﺎ ﻣﻦ ﺍﻟﺒﻨﻚ ﻫﺴﻲ ﺩﺍ .
ﻭﻣﻌﺎﻫﺎ ﺗﻠﻔﻮﻥ HTC ﺟﺪﻳﺪ ﻟﻜﻦ ﺍﻟﺘﻠﻔﻮﻥ ﻣﻐﻠﻖ ﻗﻤﺖ ﺷﺤﻨﺘﻮ ﻭﺍﻭﻝ
ﻣﺎ ﻓﺘﺤﺘﻮ ﻃﻮﺍﻟﻲ ﺟﺎﺗﻨﻲ ﻣﻜﺎﻟﻤﻪ
ﺃﻟﻮ . ﻳﺎﻣﺮﺣﺐ ﺃﺳﻤﻊ ﻟﻴﻚ ﺻﻮﺕ ﺭﻗﻴﻖ ﻭﺣﻨﻴﻴﻦ ﻗﺎﻟﺖ ﺃﻟﻮ ﺍﻧﺎ ﺍﺳﻤﻲ
ﻣﻼﺫ ﻧﺴﻴﻨﺎ ﺷﻨﻄﻪ ﻓﻲ ﺍﻟﺤﺎﻓﻠﻪ
ﺍﻧﺎ ﻗﻠﺖ ﻟﻴﻬﺎ ﺍﻟﺸﻨﻄﻪ ﺩﻱ ﻣﻌﺎﻱ ﺍﻧﺎ ﺍﻟﻮﻟﺪ ﺍﻟﻜﺎﻥ ﻗﺎﻡ ﻷﺑﻮﻛﻲ ﻣﻦ
ﺍﻟﻤﻘﻌﺪ
ﻗﺎﻟﺖ ﻧﻌﻢ ﺍﺗﺬﻛﺮﺗﻚ ﻣﺶ ﺍﻧﺖ ﺍﻷﺑﻮﻱ ﻗﺎﻝ ﻟﻴﻚ ﺍﻧﺖ ﺯﻭﻗﻚ ﺟﻤﻴﻞ
ﻭﻃﻴﺐ
ﺍﻟﺴﺎﻋﻪ ﺩﻳﻚ ﻗﻠﺐ ﺷﻐﺎﻝ ﺩﻕ ﺩﻕ ﺩﻕ ﺯﺍﺩﺕ ﺳﺮﻋﺘﻮ ﻋﺪﻳﻞ
ﻛﺪﺍ
ﻗﻠﺖ ﻟﻴﻬﺎ ﻭﺻﻔﻲ ﻟﻲ ﺑﻴﺘﻜﻢ ﻗﺎﻟﺖ ﺍﻧﺎ ﺳﺎﻛﻨﻪ ﺍﻟﺒﻼﺑﻞ ﻣﺤﻞ ﻣﻮﻗﻒ
ﺍﻟﺮﻛﺸﺎﺕ ﻃﻮﺍﻟﻲ ﺍﻧﺎ ﺍﺳﺘﺤﻤﻴﺖ ﻭﻟﺒﺴﺖ ﻟﻲ ﻟﺒﺴﻪ ﺟﺪﻳﺪﻩ ﻭ ﺍﺗﺮﻳﺤﺖ
ﻟﻴﻚ ﺣﺘﻲ ﺑﺨﻴﺖ ﺧﺸﻤﻲ ﻛﻢ ﺑﺨﻪ ﻣﻦ ﺍﻟﺮﻳﺤﻪ .
ﻭﺑﻘﺖ ﺗﻮﺻﻒ ﻟﻲ ﺑﺎﻟﺘﻠﻔﻮﻥ ﻟﺤﺪﻱ ﻣﺎﻭﺻﻠﺖ ﺍﻟﺒﻴﺖ ﻋﻤﺎﺭﻩ 4 ﻃﺎﺑﻖ
ﺩﻗﻴﺖ ﺍﻟﺠﺮﺱ ﻃﻮﺍﻟﻲ ﺟﺎﺕ ﻓﺘﺤﺖ ﺍﻟﺒﺎﺏ ﻭﻭﻭﻭﺏ ﻋﻠﻲ ﺍﻧﺎ .
ﻭﻫﻲ ﻳﺎﺩﺍﺏ ﻃﺎﻟﻌﻪ ﻣﻦ ﺍﻟﺤﻤﺎﻡ ﻭﺍﻟﺸﻌﺮ ﺩﺍ ﻣﻨﺪﻱ ﻣﻮﻳﻪ ﻭﺍﻟﺠﺴﻢ ﻧﺎﻳﺮ
ﻗﺎﻟﺖ ﻟﻲ ﺍﺗﻔﻀﻞ ﺍﻫﺎ ﺩﺧﻠﺖ ﻻﻗﻴﺖ ﺍﺑﻮﻫﺎ ﺳﻠﻤﺖ ﻟﻴﻪ ﻭ ﺍﺩﻳﺘﻮ
ﺍﻟﺸﻨﻄﻪ ﻭﺍﻟﺤﻠﻮﺓ ﺩﻱ ﺟﺎﺑﺖ ﻟﻲ ﻋﺼﻴﺮ ﻣﻨﻘﺔ ﻭﻫﻲ ﺯﺍﺗﻬﺎ ﻣﻨﻘﻪ
ﻣﺎﻋﺮﻓﺖ ﺍﺷﺮﺑﻬﺎ ﻫﻲ ﻭﻻ ﺍﻟﻤﻨﻘﻪ ﺟﻨﺲ ﻟﺨﺒﻄﻪ ﺍﻫﺎ
ﺍﺑﻮﻫﺎ ﺣﺴﺐ ﺍﻟﻘﺮﻭﺱ ﻟﻘﺎﻫﺎ ﺗﺎﻣﻪ ﻛﺎﻧﺖ 450 ﻣﻠﻴﻮﻥ
ﻗﺎﻡ ﻃﻠﻊ ﻣﻨﻬﺎ 20 ﻣﻠﻴﻮﻥ ﻭﺍﻧﺎ ﺣﻠﻔﺖ ﻣﺎ ﺃﺷﻴﻠﻬﺎ
ﻗﻠﺖ ﻟﻴﻬﻮ ﻣﻌﻘﻮﻟﻪ ﻳﺎﺣﺎﺝ ﺩﻱ ﻗﺮﻭﺷﻚ ﻭﺍﻧﺎ ﻋﻤﻠﺖ ﺍﻟﻌﻠﻲ ﻣﺎ ﺑﺸﻴﻞ
ﻣﻨﻬﺎ ﻭﻻ ﺟﻨﻴﻪ
ﺍﺑﻮﻫﺎ ﻗﺎﻝ ﻟﻲ ﺍﻧﺖ ﺯﻭﻝ ﺻﺎﺩﻕ ﻭﺍﻣﻴﻦ ﻭﺑﺘﻲ ﺩﻱ ﺍﻧﺎ ﺑﻌﺮﺳﻬﺎ ﻟﻴﻚ ﻣﺎ
ﺃﻇﻦ ﺗﻠﻘﻲ ﻭﺍﺣﺪ ﺯﻳﻚ ﻛﺪﺍ .
ﻗﻠﺖ ﻟﻴﻪ ﺍﻭﻝ ﺍﺳﺄﻝ ﺑﻨﺘﻚ ﻟﻮ ﻣﻮﺍﻓﻘﻪ ﺑﻲ ﻭﻻ ﻻ
ﺍﻫﺎ ﺍﻟﺒﻨﺖ ﻋﺎﻳﻨﺖ ﻷﺑﻮﻫﺎ ﻭ ﻋﺎﻳﻨﺖ ﻟﻲ ﻭﺍﺑﺘﺴﻤﺖ
ﺍﺑﻮﻫﺎ ﻗﺎﻝ ﺍﻟﺠﻮﺍﺏ ﺑﻜﻔﻴﻚ ﻋﻨﻮﺍﻧﻮ .
ﻭﺍﻱ ﺣﺎﺟﻪ ﻋﻠﻲ ﺍﻧﺎ
ﺍﻧﺖ ﻣﺎ ﻋﻠﻴﻚ ﺇﻻ ﺗﺸﻴﻞ ﻣﺮﺗﻚ ﻭﺗﻤﺸﻲ
ﻭﺍﻧﺎ ﺑﺸﻐﻠﻚ ﻣﻌﺎﻱ ﻓﻲ ﺷﺮﻛﺘﻲ ﺷﺮﻛﻪ ﻋﻘﺎﺭﺍﺕ
ﻳﺎﺥ ﺍﻧﺎ ﻣﻦ ﺍﻟﻔﺮﺣﻪ ﻣﺸﻴﺖ ﻣﻦ ﺍﻟﺒﻼﺑﻞ ﻟﺤﺪﻱ ﺍﻟﺴﻠﻤﻪ ﻛﺪﺍﺭﻱ .
ﻭﺯﻣﻦ ﺍﻟﻌﺮﺱ ﺟﺎﺀ ﻭﺑﺪﻳﻨﺎ ﻧﻌﻘﺪ ﻋﻘﺪ ﺍﻟﺰﻭﺍﺝ
ﻭﺑﻘﻴﻨﺎ ﻧﻘﺮﺃ ﺍﻟﻔﺎﺗﺤﻪ ﻭﻛﺖ ﺣﺼﻠﻨﺎ ﻭﻻ ﺍﻟﻀﺎﻟﻴﻦ
ﺍﻣﻲ ﻗﺎﻣﺖ ﻛﺸﺤﺖ ﻓﻴﻨﻲ ﺟﻚ ﻣﻮﻳﺔ ﺑﺎﺭﺩﻩ ﻗﺎﻟﺖ ﻟﻲ ﻗﻮﻡ ﺗﻘﻮﻡ
ﻗﻴﺎﻣﺘﻚ ﻳﺎﻛﻠﺐ
ﺍﻧﺖ ﻭﻛﺖ ﺗﻜﻮﻥ ﺻﺎﺣﻲ ﻡ ﺑﺘﻘﺮﭐ ﻗﺮﺁﻥ ﺗﻘﺮﺍﻫﻮ ﻭﺍﻧﺖ ﻧﺎﻳﻢ