ﺍﻧﺖ ﻭﻳﻦ ﻭﺍﻟﻨﺎﺱ ﺑﺘﺴﺎﻝ ...
ﺍﻟﺤﺒﻴﺐ ﻣﻮ ﺟﺎﻱ ﺑﺎﻛﺮ !!
ﻭﺍﻟﻮﻃﻦ ﻣﻦ ﻏﻴﺮ ﻋﻴﻮﻧﻚ .. ﻻﻫﻮ
ﻃﻴﺐ ﻭﻻﻫﻮ ﻋﺎﻣﺮ
ﻭﺍﻱ ﺯﻭﻝ ﻓﻲ ﺍﻟﺤﻠﻲ ﻓﺎﻗﺪﻙ ..
ﻭﺍﻟﻌﻴﻮﻥ ﺗﺒﻜﻲ ﻭﺗﺴﺎﻫﺮ
ﺍﻟﻀﻠﻴﻞ ﺣﺘﺔ ﻣﻘﻴﻠﻚ .. ﺍﻟﻔﻨﺎﺟﻴﻦ
ﻭﺍﻟﺒﻨﺎﺑﺮ
ﺍﻟﺤﻴﻂ ﺟﻴﺮ ﺍ ﺍﻟﻤﻐﺒﺶ .. ﺧﺘﺔ
ﺍﻳﺪﻙ ﻓﻴﻬﻮ ﻇﺎﻫﺮ
ﻭﻇﺎﻫﺮ ﺍﻛﺘﺮ ﻓﻮﻕ ﻛﺘﻮﻓﻨﺎ .. ﻳﻮﻡ
ﻣﻘﺎﻟﺪﻧﺎ ﻭﻣﺴﺎﻓﺮ
ﺍﻧﺖ ﻭﻳﻦ ﻳﺎﺯﻭﻝ ﻓﻘﺪﺗﻚ .. ﻳﺎﻗﻤﺮ
ﻟﻴﻠﻨﺎ ﻭﺿﻴﺎﻫﻮ
ﻳﺎﻏﻨﺎﻧﺎ ﺍﻟﻜﺎﻥ ﺑﺮﺩﺩ .. ﻓﻲ ﻓﻀﺎ
ﺍﻻﻳﺎﻡ ﺻﺪﺍﻫﻮ
ﺍﺷﺘﻬـﻴﻨﺎﻙ ﻭﺍﻟﻠﻪ ﺷﺎﻫﺪ . ﻭﺷﻮﻗﻨﺎ
ﻭﺍﺻﻞ ﻣﻨﺘﻬﺎﻫﻮ
ﻣﻦ ﺭﺣﻠﺖ ﻭﺭﺍﻛﺎ ﺭﺍﺣﻞ .. ﻗﻠﺒﻲ
ﻓﻲ ﻋﺘﻤﺔ ﻫﻮﺍﻫﻮ
ﻋﻨﻚ ﺍﻟﻌﺎﺑﺮﻳﻦ ﻭﻳﻨﺸﺪ .. ﻫﺴﺔ
ﻛﻴﻔﻦ ﻭﺍﻟﻤﻌﺎﻫﻮ
ﻳﺒﻘﻮ ﻛﻴﻒ ﻳﺎ ﺍﻟﻠﻪ ﺯﻳﻲّ .. ﻭﺯﻱ
ﻋﻴﻮﻧﻲ ﺍﻟﻤﺸﺘﻬﺎﻫﻮ !
ﻣﺮﺓ ﻭﺍﺣﺪﺓ ﺣﻠﻤﺖ ﺑﻴﻜﺎ .. ﺟﻴﺖ
ﻭﺑﺎﻻﺣﻀﺎﻥ ﺗﺴﺎﻟﻢ
ﻳﺎﻛﺎ ﺫﺍﺗﻚ ﺑﻲ ﺻﻔﺎﺗﻚ ﺟﻴﺘﺎ ﻃﻴﺐ
ﻭﺟﻴﺘﻨﺎ ﺳﺎﻟﻢ
ﻫﻤﺒﺮﻳﺐ ﺍﻟﺤﻠﻲ ﺟﺎﻫﺎ .. ﻭﻫﺒﻬﺒﺖ
ﺗﺎﻧﻲ ﺍﻟﻨﺴﺎﻳﻢ
ﻛﻨﺖ ﻭﻳﻦ ﻭﺍﻟﺸﻮﻕ ﻛﺘﻠﻨﺎ .. ﻗﺎﺳﻲ
ﻗﻠﺒﻚ ﺿُﻤﺔ ﻇﺎﻟﻢ
ﺍﻧﺖ ﺭﻭﺣﻨﺎ ﻭﻧﻮﺭ ﻋﻴﻮﻧﻨﺎ ﻭﺍﻧﺖ ﻛُﻠﻨﺎ
ﻭﺍﻟﻠﻪ ﻋﺎﻟﻢ
ﺍﻣﺎ ﻋﻨﻲ ﻭﺳﺮ ﻫﻮﺍﻳﺎ .. ﻟﻴﻠﻲ
ﻭﺍﻟﺸﻮﻕ ﻭ ﺍﻻﻣﺎﻧﻲ
ﺍﺑﻜﻲ ﻻﻣﻦ ﺭﻭﺣﻲ ﺗﻤﺮﻕ ..
ﻭﺍﺣﺮﺩﻙ ﻭﻭﺍﻫﻮﺍﻛﺎ ﺗﺎﻧﻲ
ﻭﺍﺳﺘﺮﻳﺢ ﻓﻲ ﺍﻟﺬﻛﺮﻱ ﻭﺍﻃﺮﻱ ..
ﻫﺠﺮﺗﻚ ﻛﺎﻧﺖ ﻋﺸﺎﻧﻲ
ﻭﺭﻳﺪﻙ ﺍﻟﻌﻠﻤﻨﻲ ﺍﻃﻠﻊ .. ﻗﻤﺔ
ﺍﻟﺤﺐ ﻭﺍﻟﺘﻔﺎﻧﻲ