ﻗﺎﻟﻮ ﺍﻟﺸﻤﺲ ﺃﺑﺖ ﺍﻟﻤﺮﻭﻕ
ﻭﺣﺮﺩﺕ ﺗﻔﺎﺻﻴﻞ ﺍﻟﺸﺮﻭﻕ
ﻭﺍﻟﺪﻧﻴﺎ ﻟﺒﺴﺖ ﺗﻮﺏ ﺭﺿﺎ
ﺟﺎﻧﺎ ﺍﻟﻤﻄﺮ ﻣﻦ ﺩﻭﻥ ﺑﺮﻭﻕ
ﻭﺇﺗﻔﺎﺭﻗﻮ ﺍﻟﺰﻳﻒ ﻭﺍﻟﻌﺪﻡ
ﻭﺇﺗﺼﺎﻟﺤﻮ ﺍﻟﺸﻮﻕ ﻭﺍﻟﻐﺮﺍﻡ
ﻭﺇﺗﻜﺒﻜﺒﺖ ﻛﻞ ﺍﻟﺤﺮﻭﻑ ﻗﺪﺍﻡ ﻫﻮﺍﻙ ﻏﻠﺒﻪ ﺍﻟﻜﻼﻡ
ﻭﺍﻧﺎ ﻭﺇﻧﺪﻫﺎﺷﻲ ﻋﻠﻰ ﻣﺠﻴﻚ
ﺣﻠﻠﻨﺎ ﺷﻮﻗﻨﺎ ﺍﻟﻜﺎﻥ ﺣﺮﺍﻡ
ﺩﻗﻴﻨﺎ ﻟﻴﻚ ﺭﻏﻢ ﺍﻟﻈﺮﻭﻑ ﻳﺎﻏﺎﻟﻲ ﺗﻌﻈﻴﻤﺎﺕ ﺳﻼﻡ
ﻭﺩﺧﻠﺘﻨﺎ
ﻳﺎﻛﺎ ﺍﻟﺒﺘﺴﺘﺎﻫﻞ ﺗﺠﻴﻨﺎ ﻭﺗﺒﻘﻰ ﺫﺍﺗﻨﺎ ﻭﻛﻠﻨﺎ
ﻳﺎﻧﺎ ﺍﻟﺒﻨﺴﺘﺎﻫﻞ ﺗﺨﻮﻧﺎ ﻣﻊ ﺻﺮﺍﻋﻨﺎ ﻭﻇﻨﻨﺎ
ﺗﻔﺘﺢ ﻣﻮﺍﺳﻤﻚ ﻟﻲ ﻓﺮﺡ ﻫﻄﺎﻝ ﻣﺪﻓﻖ ﻣﻨﻨﺎ
ﻳﺎﺭﻭﻋﺔ ﺍﻟﺮﻳﺪ ﺍﻟﺼﺒﺢ ﺑﻠﺴﻢ ﺟﺮﺍﺣﻨﺎ ﻭﻫﻤﻨﺎ
ﻳﺎﺭﻭﻋﺔ ﺍﻟﺸﻮﻕ ﺍﻟﺒﺸﺤﺘﻒ ﻓﻴﻨﺎ ﺭﺍﺟﻲ ﺗﻄﻠﻨﺎ
ﺳﺎﺩﻳﻨﺎ ﻣﻦ ﺣﺮ ﺍﻟﻬﻤﻮﻡ ﺍﻧﺎ ﻭﺍﻷﻣﻞ ﻳﺎﺿﻠﻨﺎ
ﻣﻌﻘﻮﻝ ﺗﺠﻴﻨﺎ ﻣﻌﺎﻙ ﺑﻴﺎﺽ ﺍﻟﺪﻧﻴﺎ ﻭﺗﺰﻳﻞ ﺍﻟﺴﻮﺍﺩ ! ؟
ﻻﺟﻴﺘﻨﺎ ﺑﺒﻄﺎﻗﺔ ﺩﺧﻮﻝ ﻻﻗﻠﺒﻲ ﻋﺎﺭﻓﻠﻚ ﻣﻌﺎﺩ
ﺟﻴﺘﻚ ﻣﻠﺨﺒﻄﻪ ﺑﺎﻟﺤﻮﺍﺱ ﻭﻣﻌﻮﺩﺍﻧﻲ ﻋﻠﻰ ﺍﻟﺴﻬﺎﺩ
ﻳﺎﺯﻭﻝ ﻣﺤﺎﻝ ﺍﻧﺴﺎﻩ ﻳﻮﻡ ﻣﻌﻘﻮﻟﺔ ﺍﻧﺴﺎﻱ ﻣﺮﺓ ﻋﺎﺩ ! ؟
ﻣﻌﻘﻮﻟﺔ ﻣﺎﺷﻴﻦ ﻓﻲ ﻃﺮﻳﻖ ﻣﺎﻓﻴﻬﻮ ﻏﻴﺮ ﺇﺣﺴﺎﺳﻨﺎ ﺯﺍﺩ ! ؟
ﻭﺭﺿﻴﺎﻧﺔ ﺍﻣﺸﻲ ﻭﻣﺎ ﺍﻗﻴﻒ
ﻭﻧﺘﺠﺎﻭﺯ ﺍﻟﻴﺄﺱ ﺍﻟﻤﺨﻴﻒ
ﻭﺍﺗﻨﺴﻤﻚ ﺭﻳﺤﺔ ﻣﻄﺮ ﻳﺎﺯﻭﻝ ﻣﺴﺘﻒ ﺑﺎﻟﺨﺮﻳﻒ
ﺟﺎﻳﻴﻨﻲ ﻓﻲ ﻋﺰ ﺍﻟﺠﻔﺎﻑ ﻭﺍﻟﺪﻧﻴﺎ ﻛﻞ ﻓﺼﻮﻟﻪ ﺻﻴﻒ ! ؟
ﻭﺍﻧﺎ ﺩﻭﻥ ﻋﻴﻮﻧﻚ ﺍﻣﺸﻲ ﻛﻴﻒ ! ؟
ﻭﺍﻧﺎ ﺑﻌﺸﻘﻚ
ﺑﺲ ﺑﻌﺸﻘﻚ
ﺍﻧﺎ ﺑﻌﺸﻖ ﺍﻟﺮﻳﺪ ﺍﻟﻤﺮﻕ ﻛﺎﻳﺲ ﻣﺸﺎﻋﺮﻙ ﻣﻦ ﺯﻣﻦ
ﻭﺍﻧﺎ ﺑﻌﺸﻖ ﺍﻟﻘﻠﺐ ﺍﻟﻬﻮﺍﻙ ﻭﺇﺧﺘﺎﺭ ﻣﺴﺎﻣﺎﺗﻚ ﺳﻜﻦ
ﻭﺍﻧﺎ ﺑﻌﺸﻖ ﺍﻟﺼﻤﺖ ﺍﻟﻌﺸﺎﻧﻚ ﻏﻨﻰ ﻭﺇﺗﺤﺪﻯ ﻭﺭﻃﻦ
ﻛﻞ ﻻﻧﻬﺎﻳﺎﺕ ﺍﻟﻌﺸﻖ ﻣﺎﺑﺘﺴﻮﻯ ﻓﻲ ﺣﻘﻚ ﺗﻤﻦ
ﻳﺎﺯﻭﻝ ﻣﺴﺘﻒ ﺑﻲ ﻫﻮﺍﻭ
ﺑﻨﺪﻡ ﻋﻠﻰ ﻛﻞ ﺍﻟﺴﻨﻴﻦ ﺍﻹﻧﻘﻀﺖ ﻭﺍﻧﺎ ﻣﺎﻣﻌﺎﻭ
ﺑﻨﺪﻡ ﻋﻠﻰ ﻋﺮﻓﺔ ﺑﺸﺮ ﻛﺎﻧﺖ ﺗﻌﺐ ﻗﻠﺒﻲ ﻭﺃﺯﺍﻭ
ﻭﺍﻧﺎ ﺻﺒﺮﻱ ﻣﺎﺑﺠﻲ ﻣﻦ ﻓﺮﺍﻍ ﺍﻧﺎ ﺑﻠﻘﻰ ﻓﻲ ﺭﻳﺪﻙ ﺟﺰﺍﻭ
ﺑﻌﺪ ﺍﻟﻌﺬﺍﺏ ﺍﻟﺪﺍﻡ ﻛﺘﻴﺮ ﺍﻟﻠﻴﻠﺔ ﻭﺁﺣﻈﻮ ﻭﻫﻨﺎﻭ
ﻭﺍﻧﺎ ﺑﻌﺸﻘﻚ
ﻗﺪﺭ ﺍﻷﻣﺎﻧﻲ ﺍﻟﻄﺎﻟﺔ ﻣﻦ ﻧﻈﺮﺍﺕ ﻋﻴﻮﻧﻚ .. ﺑﻌﺸﻘﻚ
ﻋﺪ ﻣﺎﻧﺒﺾ ﻗﻠﺒﻲ ﺍﻟﻲ ﻣﺎﻣﻤﻜﻦ ﻳﺨﻮﻧﻚ .. ﺑﻌﺸﻘﻚ
ﺍﻧﺎ ﺑﻌﺸﻘﻚ
ﺍﻧﺎ ﺑﻌﺸﻘﻚ