ﻣﺎﺍﺍ ﺗﻀﺮﺏ ﻟﻲ
ﺍﻟﻨﻤﺮﺓ ﻏﻠﻂ
ﺃﻧﺎ ﻣﺎ ﺍﻹﻧﺴﺎﻥ ﺍﻟﻔﺘﻮ ﺯﻣﺎﻥ
ﺃﻧﺎ ﻋﺎﻳﺶ ﺭﻳﺪ
ﻣﺸﻐﻮﻝ ﺍﻟﺨﻂ !
ﻣﺎ ﺗﻌﺎﻭﺩ ﺗﺎﻧﻲ ﺣﻨﻴﻨﻚ ﻟﻲ
ﻓﻲ ﺍﻟﻔﺮﺻﺔ ﺯﻣﺎﻥ ﻗﻠﺒﻚ ﻓﺮﻁ
.........
ﻣﺎ ﺗﺠﻴﻨﻲ ﺗﻜﻮﺱ ﺍﻟﺮﻳﺪ ﺗﺎﻧﻲ
ﻭﻣﺎ ﺗﺮﺟﻰ ﺃﺣﺒﻚ ﺯﻱ ﺃﻭﻝ
ﺯﻱ ﻣﺎ ﺇﺗﺒﺪﻝ ﺇﺣﺴﺎﺳﻚ ﺑﻲ
ﺃﻧﺎ ﻗﻠﺒﻲ ﻛﻤﺎﻥ ﺳﺒﺘﻮ ﺇﺗﺤﻮﻝ
ﺍﻟﺒﻴﻨﺎ ﺇﺗﻼﺷﻰ ﻭﺟﺎﺗﻮ ﺍﻟﺮﻳﺢ
ﺇﺗﺪﻓﻖ ﻭﻃﺎﺭ ﺻﻌﺐ ﻳﺘﻠﻘﻂ
ﺍﻟﻨﻤﺮﺓ ﻏﻠﻂ !!
......
ﻣﺎ ﺗﻘﻌﺪ ﺗﺘﻌﺰﺭ ﻭﺗﺸﻜﻲ
ﻭﺗﺰﺭﻑ ﺩﻣﻌﺎﺗﻚ ﻭﻟﻲ ﺗﺒﻜﻲ
ﺍﻧﺎ ﻓﺎﻫﻢ ﻛﻞ ﺍﻻﻋﻴﺒﻚ
ﺍﻟﻤﺎﺿﻲ ﺑﻼﺵ ﻧﻘﻌﺪ ﻧﺤﻜﻲ
ﻗﻔﻠﺖ ﺩﺭﻭﺏ ﺍﻟﺮﺟﻌﺔ ﻭﺭﺍﻙ
ﻭﺍﻧﺎ ﺑﻴﻨﻲ ﻭﺑﻴﻨﻚ ﻋﺎﻣﻞ ﺧﻂ
ﺍﻟﻨﻤﺮﺓ ﻏﻠﻂ !
.........
ﻳﺎ ﺣﻠﻴﻠﻚ ﺷﺎﻳﻔﻚ ﻣﺘﺎﺳﻒ
ﻭﺍﻟﻤﺎﺿﻲ ﺑﻘﻴﺖ ﻛﺎﻳﺴﻮ ﻛﻮﺍﺳﺔ
ﻭﺇﻧﺖ ﺍﻟﻬﺪﻣﺖ ﺑﻴﻮﺕ ﺍﻟﺮﻳﺪ
ﻭﺿﻴﻌﺖ ﺍﻟﺮﻳﺪﺓ ﻭﺇﺣﺴﺎﺳﺎ
ﻏﺮﻗﺎﻥ ﻓﻲ ﺑﺤﻮﺭ ﻧﺪﻣﻚ ﻋﺎﺭﻓﻚ
ﺃﻧﺎ ﻏﺎﻳﺘﻮ ﻣﻌﺎﻱ ﻣﺎ ﺑﺘﻠﻘﻰ ﺍﻟﺸﻂ
ﺍﻟﻨﻤﺮﺓ ﻏﻠﻂ ....
-