ياداااااااليا القلتيهو اصلــــــــــو ما مقبول
السودانــي عزه وفـــي الحديث ممهول
قلتي كلام شين وبرضــــــــو ما معقول
بسراع اعتزري قبال في القوافي تطول
سودانيه نحن ومــــــــا بندنقرو راسنا
مرين ضوق وارثيــــــن كلاشنا وفاسنا
يوم عركه المقحقح ممتـــــــــن ساسنا
ما اتوجد البقيسنا وبنقـــــــــرو نحاسنا
قدمي عزرك قبال بالقوافــــــي اهينك
حروفي حـــــــاده بتطلع صليبك وعينك
لو اعتزرتي من الجميع ربي ينصر دينك
وان ابيتي كمـــــــــــان ربي مني يعينك
ياداليا كفــــــــــاك والقلتيهو فينا كفايه
خربتي سمعتنا فــــــــي كل بيت ولايه
حسب السمعتو منك والله عايزه رعايه
واحدين قالو من اســـــي حاجزه الدايه
السودان فيهو رجـــــــال وفيهو فطاحله
والسودانــــــي يدو لليتامه نافقه وباهله
بالنسبه لي انا غايتـــــــو قضيتك ساهله
يودوكي المصحه عشان يعالجوك ياجاهله
حقو الناس جمـــــــــــيع ما تشتغل بكلامك
لانك مجنونه بتهضربي في صحاك ومنامك
ثلاثه تجارب زواج ماعضضوكي ابهامك
خليهو القلتيهو انتـــــــــي وكل زولا لامك
انا غايتو القلتي في السوداني ده يبقى في احلامك