ﻣﺼﺎﺻﺔ ﻭﺑﺎﺭﺩ ﻭﺑﺎﻗﺔ ﻭﺭﺩ ..
ﻳﺎﺧﻲ ﺍﻟﺮﻳﺪﺓ ﻣﻌﺎﻧﻲ ﺟﻤﻴﻠﺔ
ﺃﻧﺒﻞ ﻋﺸﺮﺓ .. ﻭﺳﻜﺔ ﻃﻮﻳﻠﺔ ..
ﺇﺣﺴﺎﺱ ﺇﻟﻔﺔ ..
ﺻﺪﻕ .. ﻭﻋﻔﺔ ..
ﺧﻮﺓ .. ﻭﻋﺮﻓﺔ .
ﻭﺣﺸﺔ .. ﻭﻟﻬﻔﺔ ..
ﻭﻟﻮﺣﺔ ﻣﻮﺝ ﺑﻌﺎﻧﻖ ﺿﻔﺔ ..
ﻭﻣﻤﻜﻦ ﻳﺠﻴﻚ ﺍﻟﺮﻳﺪ ﺑﺎﻟﺼﺪﻓﺔ ..
ﻭ ﺃﻋﺮﻑ ﺇﻧﻮ ﺍﻟﻨﺎﺱ ﻣﺨﺘﻠﻔﺔ ..
ﻭ ﻟﻮ ﻟﻲ ﺑﻨﻴﺔ ﻗﻠﺒﻴﻚ ﺭﻑ ..
ﻣﺎ ﺗﺘﺨﻴﻞ ﺍﻧﻮ ﺍﻟﺪﻧﻴﺎ ﺧﻼﺹ ﺭﺍﺡ
ﺗﺼﻔﻰ ..!!
ﻭ ﻣﺎﺗﺘﻐﺸﻰ ﺗﺴﻮﻗﻚ ﺧﻔﺔ ...
ﻓﻠﻮ ﺣﺒﻴﺘﻬﺎ ﺟﻤﻴﻠﺔ .. ﻭﺗﺤﻔﺔ ..
ﺧﻴﻞ ﺍﻟﻤﺎﻝ ﺑﻈﻬﺮ ﻓﻲ ﺍﻟﻠﻔﺔ .
ﻭﻗﺒﻞ ﻣﺎ ﺗﻠﺤﻖ ﺇﻧﺖ ﻭﺗﻠﻔﻰ ..
ﺑﻜﺮﺓ ﺑﺠﻴﻚ ‏) ﺷﻤﺎﺭ ‏( ﺍﻟﺰﻓﺔ ..
ﺗﻠﻘﻰ ﺍﻟﺒﺤﺮ ﺍﻟﺒﻴﻨﻜﻢ ﺟﻒ ..
ﻭﺗﻤﺮﻕ ﺇﻧﺖ ﺑﻘﺪ ﺍﻟﻘﻔﻪ ..
ﻫﻲ ﺗﻨﺴﻰ ﺍﻟﺮﻳﺪﺓ ..
ﻭﺗﻨﻜﺮ ﺇﻧﻚ ﻛﻨﺖ ﺣﺒﻴﺒﻬﺎ
ﻭﺗﻨﺴﻰ ﺍﻟﺴﻬﺮ ﺍﻟﻜﺎﻥ ﺑﺄﺭﻳﺒﺎ
ﻭﻟﻲ ﺻﺎﺣﺒﺎﺗﻬﺎ ﺍﻟﻜﻨﺖ ﺧﻄﻴﺒﻬﺎ
ﻛﺎﻧﺖ ﺗﺤﻜﻲ ..
ﻋﻦ ﺣﻨﻴﺘﻚ ..
ﻭﺑﻴﺎﺽ ﻧﻴﺘﺘﻚ
ﻭﺃﻱ ﻫﺪﻳﺔ ﺇﻧﺖ ﺗﺠﻴﺒﻬﺎ ..
ﻭ ﺇﻧﺖ ﻣﺼﺪﻕ .. ﻭﻣﺎ ﻗﺼﺮﺕ ..
ﻻﺧﻠﻴﺖ ﺩﺑﺪﻭﺑﺎً ﺃﺣﻤﺮ
ﺇﺗﻠﺒﺴﺖ ﻭﻗﻤﺘﺎ ﻃﻠﻌﺘﺎ ...
ﻭﻛﻞ ﻣﺎ ﺗﻮﻋﺪ ﺇﻧﺖ ﺑﺘﻮﻓﻲ
ﻻ ﺑﺘﺘﻠﻔﺖ ﻻﺑﺘﻌﺎﻳﻦ ..
ﻭﺁﺧﺮ ﺍﻟﻘﻮﻝ ﻳﺎﻋﺎﺷﻖ .. ﻋﺎﻳﻦ ..!
ﺃﺻﻠﻮ ﺍﻟﻨﺎﺱ ﻓﻲ ﺍﻟﺮﻳﺪ ﻣﺨﺘﻠﻔﺔ ..
ﻓﻴﻬﺎ ﺍﻟﺨﺎﺋﻦ .. ﻭﻓﻴﻬﺎ ﺍﻷﻭﻓﻰ
ﻓﻴﻬﺎ ﺍﻷﻭﻓﻰ .. ﻭﻓﻴﻬﺎ ﺍﻟﺨﺎﺋﻦ
ﻭﻟﻮ ﺍﻟﺮﻳﺪ ﻓﻲ ﻋﻴﻮﻧﻜﻢ ﺑﺎﻳﻦ
ﻣﺎ ﻣﺤﺘﺎﺝ ﻟﻲ ﻓﻠﻨﺘﺎﻳﻦ