ﻗﺎﻝ ﻟﻴﻬﺎ ﻭﻳﻦ ﺍﻧﺘﻲ ﻭﻛﺎﻥ ﺍﻟﺴﺆﺍﻝ ﺟﺎﺭﺡ ﺭﺩﺕ ﻋﻠﻴﻪ ﺑﻲ ﺫﻭﻕ ﻭﺍﻟﺮﺩ ﻛﻤﺎﻥ ﻭﺍﺿﺢ .
ﻓﺘﺸﻨﻲ ﻓﻲ ﺟﻮﺍﻙ
ﺗﻠﻘﺎﻧﻲ ﻣﻨﻚ ﻭﻓﻴﻚ
ﺑﻤﻼﻙ ﺭﻳﺪ ﻭﻭﺋﺎﻡ
ﺑﺎﻟﻔﺮﺣﺔ ﺩﺍﺋﻤﺂ ﺍﺟﻴﻚ
ﺇﻧﺖ ﺍﻟﻔﺮﺡ ﻛﻠﻪ ...
ﻃﻮﻝ ﺍﻟﻌﻤﺮ ﺭﺍﺟﻴﻚ
ﻟﻮﺟﺎﺭﺕ ﺍﻟﺪﻧﻴﺎ ..
ﻓﻲ ﺷﻮﻗﻲ ﺗﺘﺪﺳﻰ
ﻳﺎﺳﻴﺪ ﺍﻹﺣﺴﺎﺱ ..
ﻭﺍﻟﻄﻴﺒﺔ ﻟﻴﻚ ﻣﺮﺳﻰ
ﻻﺗﻘﻮﻟﻲ ﺃﺟﻴﻚ ﻣﺘﻴﻦ
ﺍﺭﺟﻮﻙ ﺗﻌﺎﻝ ﻫﺴﺔ .
ﻳﺎﺯﻭﻝ ﻣﻼﻧﻲ ﻓﺮﺡ
ﺃﻭﻋﺪﻧﻲ ﻻﺗﻨﺴﻰ ..
ﻭﻻﺗﺠﻴﻨﻲ ﻣﺘﺄﺧﺮ
ﺃﻭﻋﺎﻙ ﺗﺘﻤﺴﻰ ...
ﻓﺘﺶ ﺑﺘﻠﻘﺎﻧﻲ
ﻣﺎﺑﻴﻦ ﻣﺴﺎﻣﺎﺗﻚ
ﻭﺇﻣﻜﻦ ﺃﻛﻮﻥ ﺃﻗﺮﺏ
ﺗﻠﻘﺎﻧﻲ ﻓﻲ ﺫﺍﺗﻚ ..
ﻣﺘﻠﻬﻔﺔ ﻟﺸﻮﻓﺘﻚ
ﻭﺍﺣﺸﺎﻧﻲ ﺑﺴﻤﺎﺗﻚ
ﻳﺪﺭﺩﺵ ﻣﻌﺎﻱ ﻃﻴﻔﻚ
ﻳﻘﻮﻟﻲ ﻋﺎﺷﻘﻚ ﻣﻮﺕ
ﻭﺃﻧﺎ ﻋﺎﺭﻓﺔ ﺟﻮﺍﻙ ...
ﺍﻟﺮﻳﺪ ﺣﻠﻒ ﻣﺎﻳﻔﻮﺕ
ﻭﺩﺭﺩﺷﺔ ﻃﻴﻔﻚ ...
ﻟﻲ ﺗﺮﺩ ﺍﻟﺮﻭﺡ ...
ﻳﺎﺑﺎﻗﻲ ﻓﻲ ﺟﻮﺍﻱ
ﻭﺫﻛﺮﺍﻙ ﻭﻳﻦ ﻣﺎﺃﺭﻭﺡ
ﻟﻴﻪ ﺍﻧﺖ ﺗﺒﻘﻰ ﺑﻌﻴﺪ؟؟
ﺳﺒﺖ ﺍﻟﻘﻠﻴﺐ ﻣﺠﺮﻭﺡ
ﻻﺷﺎﻓﻠﻮ ﻳﻮﻡ ﻓﺮﺣﺔ ...
ﻻ ﻧﺒﻀﻮ ﻣﺘﻮﺍﺯﻥ .
ﺍﻣﺎ ﺍﻟﻌﻘﻞ ﻭﺍﻟﺮﻭﺡ ..
ﻣﺎﺷﻠﺖ ﺇﺣﺴﺎﺳﻬﻦ
ﻻﻋﺪﺕ ﻣﻦ ﺗﺎﻧﻲ ...
ﻻ ﺃﻃﻠﻘﺖ ﻟﺴﺮﺍﺣﻬﻦ
ﺭﺍﺟﻴﺎﻙ ﺗﻔﻬﻤﻨﻲ
ﺍﻳﻪ ﺍﻟﺤﺼﻞ ﻭﺍﻟﻜﺎﻥ
ﻣﺎﻛﻨﺎ ﻣﺘﻔﺎﻫﻤﻴﻦ
ﺑﻴﻨﺎﺗﻨﺎ ﺣﺐ ﻭﺃﻣﺎﻥ
ﻗﺎﺻﺪﻧﻨﺎ ﺍﻟﺤﺴﺎﺩ
ﻭﻻ ﺍﻟﻘﺼﺪ ﻫﻮ ﺍﻟﻜﺎﻥ؟؟؟
ﻓﺘﺸﻨﻲ ﻓﻲ ﺟﻮﺍﻙ .