ﺯﻭﻻ ً ﺭﺩﺗﻮ ﻳﺎ ﻗﻠﺒﻲ ﻭﺳﻘﻴﺘﻮ ﻣﺤﻨﺔ
ﻗﺪّﺱ ﺭﻳﺪﻭ ﺗﻘﺪﻳﺲ ﻣﻦ ﺗِﺒِﻊ ﻳﻮﺣﻨﺎ
ﺍﻟﺠﻮﺍﻙ ﺧﺪّﺭ ﺯﻱ ﻓﺮﻳﻊ ﺍﻟﺤﻨﺔ
ﻣﺎﻟﻮ ﻋﻠﻴﻚ ﻻ ﻫﺰّﺍ ﺍﻟﺒﻌﺎﺩ ﻻ ﺣﻦّ
...
ﻣﺼﻴﺒﺘﻚ ﺍﻧﺖ ﻣﺎ ﺑﺘﺴﻤﻊ ﻛﻼﻡ ﻫﺎﺩﻳﻚ
ﺍﻓﻜّﻚ ﻣﻦ ﺩﻱ ﺃﻟﻘﺎﻙ ﺇﻧﻘﺮﻥ ﻓﻲ ﺩﻳﻚ
ﻣﻤﺎ ﻗﻤﺖ ﺗﺰﺭﻉ ﻣﺎ ﻣﻄِﺮ ﻭﺍﺩﻳﻚ
ﺣﺎﻟﻚ ﺇﺣﻨﻦ ﺍﻟﺸﻤﺎ ﺕ ﻭﺇﺧﺎﻓﻮ ﻋﻠﻴﻚ
…
ﻋﺎﺭﻓﻚ ﺍﻧﺖ ﻳﺎ ﻗﻠﺒﻲ ﺍﻟﻐﺮﺍﻡ ﻣﺎﻙ ﺯﻭﻟﻮ
ﻣﺎ ﺑﺘﻘﺪﺭ ﻋﻠﻲ ﻣﺤﻨﻮ ﻭﺑﺸﺎﺗﻨﻮ ﻭﻫﻮﻟﻮ
ﺍﻟﻔﻲ ﺍﻟﺪﻧﻴﺎ ﺑﺎﺭﻱ ﺍﻟﺮﻳﺪﺓ ﺍﻫﻠﻨﺎ ﺑﻘﻮﻟﻮ
ﺯﻱ ﻣﻮﺕ ﺍﻟﺸﺪﺭ ﺑﺘﻜﺘﻠﻮ ﻭﺍﻗﻒ ﻃﻮﻟﻮ
…
ﺷﻘﺎﻭﺗﻚ ﺍﻧﺖ ﻓﻲ ﺯﻭﻝ ﺍﺻﻠﻮ ﻣﺎ ﻻﻗﺘﻨﻲ
ﺟﺎﺭﻱ ﻣﻌﺎﻙ ﻻﻣﺘﻴﻦ ﺍﻟﺴﻨﻴﻦ ﺳﺮﻗﺘﻨﻲ
ﺭﻳﺪﺗﺎ ً ﺑﺎﻟﻤﺂﺍﺍﺍﺳﻲ ﻭﺍﻟﻨﺪﻡ ﺷﻘّﺘﻨﻲ
ﻋﻘﺒﺎﻥ ﺗﺎﻧﻲ ﻓﻲ ﻋﻤﺮﻱ ﺍﻟﻌﺰﻳﺰ ﻟﺤﻘﺘﻨﻲ
…
ﻗﺒﻴﻞ ﻣﺎ ﻗﻠﺖ ﻟﻴﻚ ﻳﺎ ﻗﻠﺒﻲ ﺍﺭﻗﺪ ﻧﻮﻡ
ﺑﺮﺍﻙ ﻣﺸﻴﺖ ﺗﻔﺘﺶ ﻟﻲ ﺍﻟﻤﺼﺎﻳﺐ ﻭﺗﺤﻮﻡ
ﺟﻴﺘﻨﻲ ﻣﺠﺮﺟﺮ ﺍﻟﺨﻴﺒﺔ ﻭﺗﺸﻴﻞ ﻭﺗﻠﻮﻡ
ﺍﻧﺎ ﺇﻥ ﺩﺍﻳﺮﻧﻲ ﺍﺳﻮﻳﻠﻚ؟ ﺑﺮﺍﻱ ﻣﻬﻤﻮﻡ
…
ﺣﺰﻧﺎﻥ ﺩﻳﻤﺔ ﺑﻴﻦ ﺍﻟﻨﺎﺱ ﻣِﻤﺴِّﺦ ﻋﻴﺪﻱ
ﻳﺎﺭﻳﺖ ﻟﻮ ﺳﻌﺎﺩﺗﻚ ﻭﺍﻟﻨﺼﻴﺐ ﻓﻲ ﺇﻳﺪﻱ
ﻗﻮﻝ ﻟﻲ ﻣﻠﻬﻤﺖ ﻓﻨﻲ ﻭﻏﻨﺎﻱ ﻭﻗﺼﻴﺪﻱ
ﺣﻈﻲ ﻣﻌﺎﻙ ﺩﺍﻳﻤﺎً ﻛُﺞْ ﻭﻧﺎﺟﻊ ﺻﻴﺪﻱ
…
ﻳﺎ ﻗﻠﺒﻲ ﺍﻟﺰﻣﺎﻥ ﻋﻨﺪﻙ ﺷﻤﻮﺥ ﻭﺟﺴﺎﺭﺓ
ﻫﺴﻲ ﺟﻠﺒﺖ ﻟﻲ ﺭﻭﺣﻲ ﺍﻟﻐﺒﻴﻦ ﻭﺣﺴﺎﺭﺍ
ﻗﻮﻝ ﻟﻲ ﻣِﺴْﻜﺔ ﺍﺏ ﻧﻴﻒ ﺍﻟﺤَﺘَﻞ ﻓﻲ ﺍﻟﺴّﺎﺭﺓ
ﻋﻴﺸﺘﻲ ﺑﺮﺍﻛﻲ ﻓﻲ ﺍﻟﺪﻧﻴﺎ ﻭﺣﻴﺎﺗﻲ ﺧﺴﺎﺭﺓ