ﻟﻴﻜﻲِ ﺍﻟﻘﻌﺪﺓ ﻟﻴﻚِ ﺍﻟﻮﻗﻔﺔ ﻟﻴﻚِ ﺍﻟﻘﻮﻣﺔ
ﺇﻻ ﺗﺮﺍﻛﻲ ﻳﺎ ﺑﻠﺪ ﺍﻟﺴُﻤُﺮ ﻣﻈﻠﻮﻣﺔ
ﺍﻟﺨﻼﻛﻲ ﻓﻲ ﺳﺠﻦ ﺍﻟﻀﻴﺎﻉ ﻣﺤﻜﻮﻣﺔ
ﺷﻌﺒﻚ ﻛﻠﻮ ﺩﺍﻳﺮ ﻳﺒﻘﻲ ﻓﻴﻚِ ﺣﻜﻮﻣﺔ
..
ﻳﺒﻜﻮﺍ ﻋﻠﻴﻜﻲ ﻳﺎ ﺑﻠﺪﻱ ﺍﻟﺒﺨﺎﻓﻮ ﺿﻴﺎﻋِﻚ
ﺗﺒﻜﻲ ﺍﻟﺤﻮﺟﺔ ﻳﺒﻜﻮ ﺍﻟﻤَﺮﺿﻲ ﻳﺒﻜﻮ ﺟِﻴﺎﻋِﻚ
ﺑﻌﺪ ﻣﺎ ﺟِﺒﺘﻲ ﺗِﻴﺠﺎﻥ ﺍﻟﻨَّﺼُﺮ ﺑﻲ ﺿﺮﺍﻋِﻚ
ﻫﺴﻲ ﺗﻼﻭﻱ ﻓﻲ ﻗﻴﻮﺩ ﺍﻟﻤﺬﻟﺔ ﻛﺮﺍﻋِﻚ
..
ﻳﺎ ﺑﻠﺪ ﺍﻟﺒِﻌِﺰﻭ ﺍﻟﺠﺎﺭ ﻭِﺍﺣﻔﻀُﻮﺍ ﺍﻟﺴﺎﻟِﻒ
ﻣﺎﻟﻮ ﺍﻟﻠﻴﻠﺔ ﻣﻄﺮﻙ ﺭﺵ ﻭﺯﺭﻋﻚ ﺗﺎﻟِﻒ ؟
ﺍﻟﻔَﻘُﺮ ﺍﻟﻤِﻮﻫِّﻂ ﺳَﺮﺟﻮ ﻓﻮﻗﻚ ﻭﺧﺎﻟِﻒ
ﻓﻲ ﺍﻟﺸِﻲ ﺍﻟﺸﺎﻳﻔﻮ ﺻﺎﺣَﺒْﻨﺎ ﻭﺑﻘﺎﻟﻨﺎ ﻣﻮﺍﻟﻒ