صفي ضميرك و قول الكلام الصاح
الجرح كان بزيد نزيفو سيدو مابرتاح
لوك الصبر مادام باقي للفرج مفتاح
زى ماقالو الصابرات روابح لو اجن قماح

الدنيا سيبا اصلو معروفة ما بتلم
اتجه لربك عديل و الفرح اضربو الهم
مالك ومال مشاكل الدنيا ام حسابن كم
صلاة النبي كتير قالو بتعطر الفم

القدر أن وقع مابلزمو سيف ودرقة
والبنيان مابقيف أن ماربعولو الدرقة
الزاملة التعبانه اصلو مابتقطع فرقة
حليل اعمارنا الضاعة شمار فى مرقة

صلي شان تفرق من المسلم والكافر
و الروح مسبلة عن الكريم الغافر
رزقك بجيك ماتشفقلو وتقوم تعافر
عدم اليقين هو البخليك تروح وتسافر