ﻧﻘﻄﻪ ﻭﺣﻨﺒﺪﺃ ﺳﻄﺮ ﺟﺪﻳﺪ ﻧﻜﺘﺐ ﺳﻤﺎﺡ ﻓﻲ ﺃﻭﻟﻮ
ﻧﻨﺴﻰ ﺃﻟﻌﺬﺍﺏ ﺑﺎﻗﻲ ﺃﻟﻌﺘﺎﺏ ﺃﺷﻮﻗﻨﺎ ﺯﺍﺩﻭ ﻭﻃﻮﻟﻮ
ﺃﺻﻠﻮ ﺃﻟﻔﺮﺍﻕ ﻣﺎﺑﺒﻘﻰ ﺣﻞ ﻭﺃﻧﺎ ﻭﺇﻧﺖ ﻣﺎ ﺃﻇﻦ ﻧﺤﻤﻠﻮ
ﻭﻣﻬﻤﺎ ﺗﺰﻳﺪﻭ ﺟﻔﺎﻙ ﻋﻠﻲ ﺃﺷﻮﺍﻗﻲ ﻣﺎﺑﺘﺤﻮﻟﻮ
ﻣﺎ ﺇﻧﺖ ﻣﺎﺑﺘﻘﺒﻞ ﺳﻮﺍﻱ ﻭﺃﻧﺎ ﺯﻭﻝ ﺳﻮﺍﻙ ﻣﺎﺑﻘﺒﻠﻮ
ﻣﻠﻴﺎﻧﻪ ﻛﻞ ﺩﻭﺍﺧﻠﻲ ﺑﻴﻚ ﻭﺩﻣﺎﻳﺎ ﻓﻴﻚ ﺑﺘﺠﻮﻟﻮ
ﻭﺃﻧﺎ ﻟﻮ ﺳﺮﺣﺖ ﺃﻛﻴﺪ ﻣﻌﺎﻙ ﻭﺩﻭﺍﺧﻠﻲ ﻓﻴﻚ ﺑﺘﺄﻣﻠﻮ
ﻣﺎﺇﻧﺖ ﻣﺎﻟﻴﻪ ﺃﻟﻘﻠﻴﺐ ﻭﺑﺲ ﺇﻧﺖ ﺃﺧﺮﻭﺍ ﻭﺃﻭﻟﻮ
ﻳﻼﻙ ﻧﻘﻄﻪ ﺳﻄﺮ ﺟﺪﻳﺪ ﻧﻜﺘﺐ ﺳﻤﺎﺡ ﻓﻲ ﺃﻭﻟﻮ
ﻳﻼﻙ ﻧﻨﺴﺎﻩ ﺃﻟﻜﺎﻥ ...
ﻭﻧﻔﺮﺡ ﻭﻧﺮﺟﻊ ﺯﻱ ﺯﻣﺎﻥ ...
ﻻ ﺇﻧﺖ ﺣﺘﺤﺎﺳﺒﻨﻲ ﻳﻮﻡ ﻻﺑﺒﻘﻰ ﺩﺍﻳﻦ ﻻ ﻣﺪﺍﻥ ..
ﻭﺃﻧﺎ ﻣﺎﺑﺸﻴﻞ ﻣﻨﻚ ﺟﻮﺍﻱ ﻻﺣﺘﻰ ﺑﻐﻠﻂ ﺑﺎﻟﻠﺴﺎﻥ
ﻧﺒﻨﻴﻪ ﻋﺸﻨﺎ ﺑﺎﻟﻔﺮﺡ ﻭﻧﻌﻴﺶ ﻋﻠﻰ ﻋﻄﻒ ﻭﺣﻨﺎﻥ
ﻭﻣﻌﺎﻙ ﻭﻻ ﺑﺮﺍﻭﺩﻧﻲ ﺧﻮﻑ ﻭﻣﻌﺎﻱ ﺣﺘﺸﻌﺮ ﺑﺎﻵﻣﺎﻥ
ﻧﻌﻠﻦ ﻣﻘﺎﻃﻌﻪ ﺃﻟﺨﻠﻮﻕ ﻭﻧﻌﻴﺶ ﻛﺄﻧﻨﺎ ﻓﻲ ﺟﻨﺎﻥ
ﻭﻧﻌﺰﺯ ﺃﻳﺎﻣﻨﺎ ﺑﻌﺾ ﻭﺣﺴﻮﺩﻧﺎ ﻳﺼﺒﺢ ﺟﺪ ﻣﻬﺎﻥ
ﻭﻧﺤﻘﻖ ﺁﻣﺎﻟﻨﺎ ﺃﻟﻘﺒﻴﻞ ﻭﺃﺣﻼﻣﻨﺎ ﺩﻳﻚ ﺗﺼﺒﺢ ﻋﻴﺎﻥ
ﻣﺎﺇﻧﺖ ﺟﺪ ﺑﺘﺤﺒﻨﻲ ﻭﺃﻧﺎ ﺫﺍﺗﻲ ﺑﻬﻮﺍﻙ ﻣﻦ ﺯﻣﺎﻥ
ﻣﺎﻧﻠﺘﻔﺖ ﻟﻘﻠﻨﺎ ﻗﺎﻝ ﻭﻛﺄﻧﻨﺎ ﺑﻨﺴﻤﻊ ﺭﻃﺎﻥ
ﻭﻣﺎﻧﺒﻘﻰ ﺳﺎﻣﻌﻴﻦ ﻏﻴﺮ ﺑﻌﺾ ﻭﻣﺎﻧﺸﻮﻑ ﺳﻮﺍﻧﺎ ﻓﻲ ﺃﻱ ﻣﻜﺎﻥ
ﻭﻻﺑﻨﺒﻘﻰ ﻣﺤﺘﺎﺟﻴﻦ ﺃﺣﺪ ﻭﺇﻻﻫﻨﺎ ﺑﺲ ﻭﺣﺪﻭ ﺃﻷﻋﺎﻥ
ﻭﺃﻧﺎ ﻋﻨﺪﻱ ﺇﺣﺴﺎﺱ ﺑﺒﻘﻰ ﻟﻴﻚ ! ﻭﺇﺣﺴﺎﺳﻲ ﺗﺐ ﻣﺎ ﻣﺮﻩ ﺧﺎﻥ
ﻟﻮ ﺇﻧﺖ ﻋﺎﺷﻖ ﺩﻧﻴﺘﻲ ﺃﺗﺄﻛﺪ ﺇﻧﻲ ﺃﻧﺎ ﻟﻴﻚ ﻛﻤﺎﻥ