ﺷﻦ ﺍﻟﺤﺸﺮﻙ ﻓﻲ ﺃﺣﻮﺍﻟﻲ؟ !
ﺷﻦ ﺍﻟﺪﺧﻞ ﻭﻣﺮﻕ ﻋﻮﺩ ﺍﻟﺮﻳﺪﻩ ﺍﻟﺴﻠﺖ ﺭﻭﺡ ﺍﻟﺸﺎﻏﻞ
ﺑﺎﻟﻲ؟ !
ﻣﺎﻟﻚ ﻭﻣﺎﻟﻲ؟
ﻳﺎﺥ ﺇﻥ ﺷﺎﺀ ﺍﻟﻠﻪ
ﺁﺍﺳﻒ ﺍﻟﺮﻣﻠﻪ ﻭﺁﻛﻞ ﺍﻟﻄﻴﻦ،
ﻭﺃﺣﺐ ﻋﺰﺍﻟﻲ،
ﻣﻮﺵ ﻋﺰﺍﻟﻲ؟ !
ﻣﺎﻟﻚ ﻭﻣﺎﻟﻲ؟ !;
ﻳﺎﺥ ﺇﻥ ﺷﺎﺀ ﻟﻠﻪ ﺍﻛﻮﺭﻙ ﻭﺍﺍﺍﻱ،
ﻭﺍﻋﻤﻞ ﻓﺮﻗﻪ ﻳﻜﻮﺭﻛﻮ ﻭﺭﺍﻱ،
ﻳﺎﺥ ﺇﻥ ﺷﺎﺀ ﺍﻟﻠﻪ ﺃﺿﻴﻊ ﺟﻮﺍﻱ،
ﻭﺍﻓﺘﺶ ﻟﻲ ﺃﻧﺎ ﺑﺮﻩ ﺍﻟﺸﺎﺭﻉ، ﻭﺍﺳﺄﻝ ﻋﻨﻲ ﺍﻟﻨﺎﺯﻝ ﻭﻃﺎﻟﻊ،
ﻭﺍﺷﻮﻓﻨﻲ ﻫﻨﺎﻙ،
ﻭﺍﻛﻮﺭﻙ ﻟﻲ،
ﻭﺍﻗﻮﻝ ﻣﺎﺟﺎﻱ ..
ﻭﺃﺭﺟﻊ ﺑﻜﺮﻩ ﻭﺍﺧﺶ ﻗﺒﺎﻟﻲ،
ﻷ ﻣﺎﻗﺒﺎﻟﻲ ..!
ﻣﺎﻟﻚ ﻭﻣﺎﻟﻲ؟ !
ﻳﺎﺥ ﺇﻥ ﺷﺎﺀ ﻟﻠﻪ ﺍﺟﻴﺐ ﺻﻠﺼﺎﻝ،
ﻭﺍﻗﻌﺪ ﺍﻋﻤﻞ ﺑﻴﻪ ﺗﻤﺜﺎﻝ،
ﻭﺍﻋﺮﺱ ﻟﻴﻪ ﺗﻤﺜﺎﻟﻪ ﻭﺟﻴﻬﺔ، ﻭﻳﻤﻠﻮ ﺍﻟﺒﻴﺖ ﺑﻨﻮﺕ ﻭﻋﻴﺎﻝ،
ﻣﻮﺵ ﺻﻠﺼﺎﻟﻲ؟ !
ﻣﻮﺵ ﺗﻤﺜﺎﻟﻲ؟ !
ﻣﺎﻟﻚ ﻭﻣﺎﻟﻲ؟