السما فوووقنا ترعف والهنبريب والانه
صبحت خريف من تالاي جفا ومحلانه
وقت اتزكرك سااااعت الغميد يا فلانه
كان ختوني في فريزر تجيني سخانه

الجو جابلو نسااااااام والخلق طربانه
فرحانين جميييع اهل باديتي وعربانه
فلانه الديمه في الواجبات بتمله الخانه
من تالاها يوت روحي مكركره ودركانه

السما جابلو دعااااش والخلق فرحانه
صبحت الارض بي السيووول مطرانه
تعال يا الكاهلي وسمع كلمت العرضانه
افراحي بي زكراها محزنه وقمحانه

هبا نسيم من الشمااااال ولا رض تريانه
جابلو برد نفيف العروب كجرت ضريانه
فلاا نه الربتك والدتك علييك رضيانه
جروحي من تالاكي لا القيامه ما بريانه

وصفها احتارو فيهو العربي والرطانه
ضامرت هااف ومن الكفل وحلااااانه
المازكروووها مرق وتبرجت عريانه
من يوم لاقيته عارف الايام كملانه

خربشه صباحيه
ناصر عبد الرحيم الكباشي