ﻣﻤﻜﻦ ﺃﻋﺮﻑ ﻋﻤﻖ ﺍﺣﺴﺎﺳﻚ؟
ﻭﻫﻞ ﻻ ﺯﻟﻨﺎ ﺟﻤﺎﻋﺘﻚ ﻭﻧﺎﺳﻚ؟
ﻭﻟﺴﻪ ﺣﺪﻳﺜﻚ ﺑﻴﻦ ﺟﻼﺳﻚ؟
ﻭﻻ ﺍﻟﻮﺍﻗﻊ ﻏﻴﺮ ﺭﻭﺣﻚ ..
ﻭﻟﻮﺙ ﺣﺘﻰ ﻋﺒﻴﺮ ﺃﻧﻔﺎﺳﻚ? !!
.........
ﻣﺎ ﺑﺘﺨﻴﻞ ﻳﻮﻡ ﺗﺘﻐﻴﺮ ...
ﺃﻭ ﺗﺘﺤﻮﻝ ﻋﻨﻰ ﺣﻮﺍﺳﻚ !!!
ﺇﻧﺖ ﺭﺑﻴﻊ ﺍﻟﻌﻤﺮ ﺍﻟﺰﺍﻫﺮ ..
ﻭﻣﻬﻤﺎ ﺗﻌﻠﻰ ﺑﻨﻔﻀﻞ ﺳﺎﺳﻚ
ﻭﺣﺒﻨﺎ ﺑﻔﻀﻞ ﻧﻮﺭ ﺃﻳﺎﻣﻚ ..
ﻭﻟﻮﻥ ﺃﺣﻼﻣﻚ .. ﻭﺿﻲ ﻧﺒﺮﺍﺳﻚ
ﻭﺍﻧﺖ ﺍﻟﻌﻴﺪ ﺍﻟﻌﺎﺩ ﺑﺎﻟﻔﺮﺣﺔ ..
ﻭﻋﻢّ ﺍﻟﺤﻠﺔ ﺭﻧﻴﻦ ﺃﺟﺮﺍﺳﻚ
ﻭﺍﻧﺖ ﺍﻟﻨﻴﻞ ﺍﻟﻔﺎﺽ ﺑﻲ ﺧﻴﺮﻭ ..
ﻭﻧﺤﻨﺎ ﺍﻟﻤﻄﺮ ﺍﻟﺒﺮﻭﻱ ﻳﺒﺎﺳﻚ
ﻭﺍﻧﺖ ﺍﻟﻜﻨﺰ ﺍﻟﻐﺎﻟﻲ ﻋﻠﻴﻨﺎ ..
ﻭﻧﻔﻀﻞ ﺟﻨﺒﻚ ﺯﻱ ﺣﺮﺍﺳﻚ
ﺭﻭﺣﻚ ﺟﻮﻫﺮ ﻣﺎﺑﺘﻜﺮﺭ ..
ﻭﻧﺤﻦ ﺑﻨﻌﺮﻑ ﻗﻴﻤﺔ ﻣﺎﺳﻚ
ﻛﻀﺎﺏ ﺍﻟﺤﺎﻭﻝ ﻳﺠﻬﻞ ﻗﺪﺭﻙ ..
ﻭﻗﺎﻝ ﺑﻲ ﻛﻠﻤﺔ ﺃﻫﺎﻧﻚ ﻭﺩﺍﺳﻚ
ﺗﺴﻠﻢ ﻟﻴﻨﺎ ﻛﺘﻴﺮ ﻳﺎ ﺭﻳﺪﻧﺎ ..
ﻳﺴﻠﻢ ﻋﻤﺮﻙ .. ﻭﻳﺴﻠﻢ ﺭﺍﺳﻚ
ﻋﺎﻟﻲ ﻣﻘﺎﻣﻚ ... ﻭﻳﻦ ﺃﻳﺎﻣﻚ ..
ﻭﻣﻴﻦ ﺑﺎﻟﻠﻪ ﺍﻟﻨﺎﻟﻚ ﻭﺣﺎﺯﻙ? !!
ﻣﺎ ﺑﺘﺨﻴﻞ ﺃﻧﻚ ﺗﻨﺴﻰ ...
ﻭﺃﻧﺎ ﻣﺘﺄﻛﺪﺓ ﻣﻦ ﺇﺧﻼﺻﻚ
...........
ﻭﻣﻤﻜﻦ ﺃﺣﻠﻒ ﺇﻧﻰ ﺣﺒﻴﺒﺘﻚ
ﻭﺇﻧﻲ ﺻﺪﻳﻘﺘﻚ .. ﻭﺇﻧﻲ ﻗﺮﻳﺒﺘﻚ
ﻭﺇﻧﻲ ﺍﻟﺰﻭﻝ ﺍﻟﻮﺍﺛﻖ ﻓﻴﻬﻮ ...
ﺑﻴﻔﻬﻢ ﻗﺼﺪﻙ ﻭﻳﺴﺘﺮ ﻋﻴﺒﺘﻚ
ﻭﺇﻧﻲ ﺑﺴﺎﻣﺢ ﺩﺍﻳﻤﺎً ﻭﺃﻏﻔﺮ ..
ﺣﺘﻰ ﻇﻨﻮﻧﻚ ﻭﺷﻜﻚ ﻭﺭﻳﺒﺘﻚ
ﻭﺇﻧﻲ ﺧﻠﻴﻠﺘﻚ ... ﻭﺇﻧﻲ ﺻﻐﻴﺮﺗﻚ ..
ﻭﺇﻧﻲ ﺣﻼﻟﻚ ﻭﺇﻧﻲ ﺭﺑﻴﺒﺘﻚ
ﻭﺇﻧﻲ ﻣﻬﻨﺪﺱ ﻛﻞ ﺃﻳﺎﻣﻚ ... ﻭ
ﻓﻲ ﺃﻭﺟﺎﻋﻚ ﺑﺒﻘﻰ ﻃﺒﻴﺒﺘﻚ
ﻭﺇﻧﻲ ﺍﻟﻌﺸﺘﺎ ﻣﻌﺎﻙ ﺍﻟﻔﺮﺣﺔ ...
ﻭﺇﻧﻲ ﻭﻗﻔﺖ ﻣﻌﺎﻙ ﻓﻲ ﻣﺼﻴﺒﺘﻚ
ﻭﺇﻧﻲ ﺍﻟﻨﻮﺭ ﺍﻟﻀﻮّﺍ ﻇﻼﻣﻚ ...
ﻭﺇﻧﻲ ﺍﻷﻣﻞ ﺍﻟﺒﺪﺩ ﺧﻴﺒﺘﻚ
ﻭﺇﻧﻲ ﻭﺣﺎﺗﻚ ﻣﺎ ﺑﺘﻜﺮﺭ ..
ﻻ ﻓﻲ ﺣﻀﻮﺭﻙ .. ﻭﻻ ﻓﻲ ﻏﻴﺒﺘﻚ
ﻭﺇﻧﻲ ﺣﺒﻴﺒﺔ ﻋﻤﺮﻙ ﻛﻠﻮ ...
ﺻﺒﺎﻙ ﻭﺷﺒﺎﺑﻚ .. ﻭﻋﺠﺰﻙ ﻭﺷﻴﺒﺘﻚ
.................
ﻭﺣﺎﻭﻝ ﺃﻓﻬﻢ ﻋﻤﻖ ﺇﺣﺴﺎﺳﻚ
ﻭﺍﻋﺮﻑ ﺇﻧﻨﺎ ﺃﺭﻭﻉ ﻧﺎﺳﻚ
ﻭﺇﻧﻨﺎ ﺭﻳﺪﻙ ﻭﺳﺎﺳﻚ ﻭﺭﺍﺳﻚ
ﻭﻣﻬﻤﺎ ﺗﺒﻌﺪ ﻋﻨﻲ ﻭﺗﺮﺣﻞ ...
ﺑﺮﺿﻚ ﺑﻔﻀﻞ ﻳﺎﺧﻲ ﻣﻼﺫﻙ
ﻭﺑﺠﺮﻱ ﻣﺤﻞ ﺍﻟﺪﻡ ﻓﻲ ﻭﺭﻳﺪﻙ ..
ﻭﺑﻲ ﺗﺘﺤﺮﻙ ﻛﻞ ﺣﻮﺍﺳﻚ
ﺳﻴﺐ ﺃﻭﻫﺎﻣﻚ ﻭﺃﻟﺤﻖ ﻧﻔﺴﻚ ..
ﺃﻧﺎ ﻳﺎ ﻏﺎﻟﻲ ﺷﻬﻴﻖ ﺃﻧﻔﺎﺳﻚ
ﻭﺩﻭﻧﻲ ﺑﺘﻔﻘﺪ ﻣﻌﻨﻰ ﺣﻴﺎﺗﻚ ..
ﻭﺑﻴﻨﻄﻔﻲ ﺑﺎﻟﺠﺪ ﻧﺒﺮﺍﺳﻚ .
.........
ﺩﺍﻟﻴﺎ ﺍﻟﻴﺎﺱ

ﺩﺍﻟﻴﺎ ﺍﻟﻴﺎﺱ
*****
ﻧﺎﺱ ﺑﺘﺪﺧﻞ ﻓﻲ ﺣﻴﺎﺗﻚ .. ﻭﻓﺠﺄﺓ ﺗﺮﺣﻞ ﻭﺗﺨﺘﻔﻲ
ﻭﻛﻨﺖ ﻣﻔﺘﻜﺮﻫﻢ ﺃﺣﺒﺔ .. ﻭﻓﻴﻬﻢ ﺍﻟﺨﻞ ﺍﻟﻮﻓﻲ
ﻟﻴﻬﻢ ﺃﺩﻳﺖ ﺍﻷﻣﺎﻥ .. ﻭﻛﻨﺖ ﺑﻴﻬﻢ ﻣﺤﺘﻔﻲ
ﻋﺮﻓﻮﺍ ﺳﺮﻙ ﻭﺫﻛﺮﻳﺎﺗﻚ .. ﻭﻛﻠﻮ ﻣﺎ ﻗﺪ ﻛﺎﻥ ﺧﻔﻲ
ﻭﻓﺠﺄﺓ ﺗﻜﺘﺸﻒ ﺍﻟﺤﻘﻴﻘﺔ .. ﻭﻧﺎﺭ ﺳﻌﺎﺩﺗﻚ ﺗﻨﻄﻔﻲ
ﺩﻳﻞ ﻣﺠﺮﺩ ﻧﺎﺱ ﻋﺠﻴﻴﻴﻴﺒﺔ .. ﺑﺎﻟﻮﺩﺍﺩ ﻣﺎ ﺑﺘﻜﺘﻔﻲ
ﻭﺣﻘﻮ ﺗﺘﻌﻠﻢ ﻭﺗﻔﻬﻢ .. ﻣﺎ ﺃﻱ ﺯﻭﻝ ﻛﺪﻩ ﺗﺼﻄﻔﻲ
-
****
-
ﺍﻟﺼﺪﺍﻗﺔ ﺑﻘﺖ ﻣﺼﺎﻟﺢ .. ﻭﺿﺎﻉ ﺧﻼﺹ ﻣﻌﻨﻰ ﺍﻟﻤﻮﺩﺓ
ﻣﺎﻓﻲ ﺯﻭﻝ ﻣﺨﻠﺺ ﻋﺸﺎﻧﻚ .. ﻭﻻ ﻓﻲ ﺯﻭﻝ ﺑﻘﻰ ﻋﻨﺪﻭ ﻣﺒﺪﺃ
ﻭﻛﻢ ﻋﻼﻗﺔ ﺭﻳﺪ ﻭﻋﺸﺮﺓ .. ﺍﻧﺘﻬﺖ ﻣﻦ ﻗﺒﻞ ﺗﺒﺪﺃ
ﻭﺍﻟﺘﺠﺎﺭﺏ ﻋﻠﻤﺘﻨﺎ .. ﺃﺣﺴﻦ ﺇﻧﻮ ﻧﻌﻴﺶ ﻓﻲ ﻭﺣﺪﺓ
ﻭﻧﺤﻔﻆ ﺃﺳﺮﺍﺭﻧﺎ ﻓﻲ ﻗﻠﻮﺑﻨﺎ .. ﻭﻧﻘﻀﻲ ﻳﻮﻣﻨﺎ ﺭﻛﻮﻉ ﻭﺳﺠﺪﺓ
-
***
-
ﻭﻳﺎﻣﺎ ﻧﺎﺱ ﺃﺣﺴﻨﺖ ﻟﻴﻬﺎ .. ﻭﻣﺎ ﺭﻋﺖ ﻟﻴﻚ ﺍﻟﺠﻤﻴﻞ
ﺑﺎﻋﺘﻚ ﺑﻲ ﺳﺮﻋﺔ ﺟﺪﺍً .. ﻭﻓﺘﺸﺖ ﻟﻴﻚ ﺍﻟﺒﺪﻳﻞ
ﻭﺇﻧﺖ ﺣﺎﻓﻆ ﻟﻲ ﻭﺩﺍﺩﻫﻢ .. ﻭﻃﺎﺭﻱ ﻟﻠﻌﺸﺮﺓ ﺍﻟﻘﺒﻴﻞ
ﺫﻛﺮﻳﺎﺗﻬﻢ ﻓﻴﻚ ﻋﺰﻳﺰﺓ .. ﻭﺩﻣﻌﺘﻚ ﺩﺍﻳﻤﺎً ﺗﺴﻴﻞ
ﺗﺒﻜﻲ ﻛﻞ ﺍﻟﻜﺎﻥ ﻣﻌﺎﻫﻢ .. ﻛﻞ ﻟﺤﻈﺔ .. ﻧﻬﺎﺭ ﻭﻟﻴﻞ
ﻭﻣﺮﺓ ﻣﺮﺓ ﺿﺮﻭﺭﻱ ﺗﻘﺴﻰ .. ﻣﺎ ﺗﻤﻠﻲ ﺗﻜﻮﻥ ﻧﺒﻴﻞ
-
***
-
ﺍﻟﺠﺤﻮﺩ ﻓﻲ ﺍﻟﺮﻳﺪ ﺧﻴﺎﻧﺔ .. ﻭﺍﻟﺨﻴﺎﻧﺔ ﺩﻟﻴﻠﻬﺎ ﻭﺍﺿﺢ
ﻭﺍﻟﺰﻣﻦ ﻫﺴﻊ ﺗﻐﻴﺮ .. ﻭﺍﻟﻐﺮﺍﻡ ﺃﺻﺒﺢ ﻣﺼﺎﻟﺢ
ﻭﻗﺪﺭ ﻣﺎ ﺗﺨﺪﻉ ﺣﺒﺎﻳﺒﻚ .. ﺗﺒﻘﻰ ﺇﻧﺖ ﺧﻄﻴﺮ ﻭﻓﺎﻟﺢ
ﺍﻟﻤﻬﺎﺯﻝ ﻓﻴﻨﺎ ﺗﻤﺮﺡ .. ﻭﻟﻠﻔﺴﺎﺩ ﺷﺪﻧﺎ ﺍﻟﻤﺴﺎﺭﺡ
ﺍﻟﺤﻘﻴﺮ ﺑﻘﻰ ﻓﻴﻨﺎ ﺳﻴﺪ .. ﻭﺍﻟﺤﺮﺍﻣﻲ ﻋﻈﻴﻢ ﻭﻧﺎﺟﺢ
-
****
-
ﻭﻧﺎﺱ ﺑﺘﺪﺧﻞ ﻓﻲ ﺣﻴﺎﺗﻚ .. ﻭﺗﺴﺘﻔﻴﺪ ﻣﻦ ﻛﻞ ﻟﻤﺤﺔ
ﺗﺨﺪﻋﻚ ﺑﻲ ﺫﻭﻕ ﻭﺧﻔﺔ .. ﻭﺇﺑﺘﺴﺎﻣﺔ ﻣﻌﺎﻫﺎ ﻣﺰﺣﺔ
ﻭﺇﻧﺖ ﺗﻔﺘﺢ ﻟﻴﻬﺎ ﻗﻠﺒﻚ .. ﻭﺑﻴﻬﺎ ﺗﻔﺮﺡ ﺃﺣﻠﻰ ﻓﺮﺣﺔ
ﻭﻟﻴﻬﺎ ﺑﺘﻘﺪﻡ ﺣﻴﺎﺗﻚ .. ﻭﻛﻞ ﻣﻌﺰﺍﺗﻚ ﻛﻤﻨﺤﺔ
ﻭﻣﺎ ﺣﺘﺠﻨﻲ ﺳﻮﻯ ﺍﻷﺳﻴﺔ .. ﻭﺩﻣﻌﺔ ﻣﺎﻟﺤﺔ .. ﻭﻫﻢ ﻭﺳﺮﺣﺔ
-
*****
-
ﺃﻱ ﺯﻭﻝ ﻳﺪﺧﻞ ﺣﻴﺎﺗﻚ .. ﺣﻘﻮ ﺗﻌﺮﻑ ﺳﺮ ﺩﺧﻮﻟﻮ
ﻫﻞ ﺣﻘﻴﻘﺔ ﺷﻌﻮﺭﻭ ﺻﺎﺩﻕ .. ﻭﺇﻧﺖ ﻓﻌﻼً ﻛﻨﺖ ﺯﻭﻟﻮ؟
ﻭﻫﻞ ﺣﻴﻔﻀﻞ ﺩﻳﻤﺔ ﺟﻨﺒﻚ .. ﻭﺍﻟﺴﻨﻴﻦ ﺑﻴﻜﻢ ﻳﻄﻮﻟﻮ؟
ﻭﻫﻞ ﺭﺑﻴﻊ ﺍﻟﺤﺐ ﺣﻴﺒﺪﺃ .. ﻭﺗﺰﺩﻫﺮ ﺑﺎﻟﺸﻮﻕ ﻓﺼﻮﻟﻮ؟
ﻭﻻ ﺑﺲ ﻟﺤﻈﺔ ﻭﺗﻌﺪﻱ .. ﻭﻣﺎﻓﻲ ﺣﺘﻰ ﻛﻼﻡ ﻧﻘﻮﻟﻮ
ﻭﺗﻜﺘﺸﻒ ﺇﻧﻚ ﻣﺠﺮﺩ.. ﺣﺎﺟﺔ ﺑﺘﺤﺮﻙ ﻓﻀﻮﻟﻮ !
-
***
-
ﺗﺎﻧﻲ ﻣﺮﺓ ﺿﺮﻭﺭﻱ ﺗﻬﺪﺃ .. ﺃﻭﻋﻰ ﺗﺠﺮﻱ ﻭﺭﺍﺀ ﺍﻟﺴﺮﺍﺏ
ﺃﺩﻱ ﻧﻔﺴﻚ ﻓﺮﺻﺔ ﺗﻔﻬﻢ .. ﻭﺃﺣﺴﺐ ﺍﻟﻜﻠﻤﺎﺕ ﺣﺴﺎﺏ
ﻟﺴﻪ ﻋﻨﺪﻙ ﻓﺮﺻﺔ ﺗﺎﻧﻴﺔ.. ﻭﻟﻠﻤﻮﺩﺓ ﺿﺮﻭﺭﻱ ﺑﺎﺏ
ﺑﺲ ﺗﻤﻌﻦ ﻓﻲ ﺍﻟﻤﺸﺎﻫﺪ .. ﻗﺒﻞ ﻳﻨﻘﺸﻊ ﺍﻟﻀﺒﺎﺏ
ﻭﺗﻜﺘﺸﻒ ﺯﻳﻒ ﺍﻟﺴﻌﺎﺩﺓ .. ﻭﺇﻧﻮ ﻛﺎﻧﺖ ﺑﺲ ﻋﺬﺍﺏ
ﻭﺍﻟﻨﺪﻡ ﻳﻜﺘﺐ ﺣﻜﺎﻳﺘﻚ .. ﻭﺗﺎﻧﻲ ﻧﺮﺟﻊ ﻟﻠﻌﺘﺎﺏ !!

تم الإرسال من خلال التطبيق Topic'it

داليا الياس
--------------------------------
ﻣﺸﻜﻠﺘﻲ ﺍﻭﻝ ﻣﺎﺍﺍﺍ ﻗﺮﻳﺖ
ﻣﻨﻬﺞ ﺣﻴﺎﺗﻚ ﻭﺩﻧﻴﺘﻚ
ﺳﻠﻤﺖ ﺭﻭﺣﻲ ﻭﻗﻠﺒﻲ ﻟﻴﻚ
ﺍﺣﻼﻣﻲ ﺻﺒﺤﺖ ﺣﻘﺘﻚ
ﻭﺩﺧﻠﺖ ﻛﻮﻧﻚ ﻣﻄﻤﺌﻦ
ﺍﻧﻮ ﺍﻟﻤﻘﺎﺩﻳﺮ ﺟﺎﺑﺘﻚ
ﻭﺍﻧﻮ ﺍﻟﺴﻌﺎﺩﻩ ﺑﺪﺕ ﻣﻌﺎﻙ
ﻓﺮﺣﺖ ﻋﻴﻮﻧﻲ ﺍﻟﺸﺎﻓﺘﻚ
ﻣﺎ ﻛﻨﺖ ﺷﺎﻛﻚ ﺑﺎﻟﻐﻠﻂ
ﻭﺍﻗﻊ ﻣﺼﻴﺮﻙ ﻭﺳﻜﺘﻚ
ﺗﺘﺤﺠﻲ ﻟﻠﻨﺎﺱ ﻓﻲ ﺍﻟﻈﺮﻭﻑ
ﻭﺍﺣﻤﺪ ﻇﺮﻭﻓﻨﺎ ﺍﻟﺨﻠﺘﻚ
ﺗﻨﻬﺪﻱ ﻓﻲ ﻧﺺ ﺍﻟﻄﺮﻳﻖ
ﺗﻜﺸﻒ ﺑﻮﺍﺩﺭ ﻟﻌﺒﺘﻚ
ﺗﺪﻳﻨﻲ ﺣﻖ ﺍﻻﻋﺘﺬﺍﺭ
ﻣﻦ ﺍﻧﻲ ﺍﺭﺣﻞ ﺩﻧﻴﺘﻚ
ﻭﺍﻧﺰﻑ ﺩﻣﻮﻋﻲ ﻋﻠﻲ ﺍﻟﺤﻨﺎﻥ
ﺷﺮﺩﺗﻮ ﻛﺎﻥ ﻓﻲ ﺻﺤﺒﺘﻚ
ﻭﺍﻗﻠﻊ ﺗﻴﺎﺏ ﺍﻟﺮﺣﻤﻪ ﻓﻴﻚ
ﺍﻛﺴﺮ ﻋﻴﻮﻧﻲ ﺍﻟﺤﺒﺘﻚ
ﻭﺍﻗﻔﻞ ﻃﺒﻞ ﺍﺷﻮﺍﻗﻲ ﻟﻴﻚ
ﻭﺍﻣﺴﺢ ﺣﺮﻭﻓﻲ ﺍﻟﺸﺎﻟﺘﻚ
ﻛﺎﻥ ﻳﺎﺍﺍﺍﺧﻲ ﺣﻘﻮ ﺗﺮﺍﻋﻲ ﺑﺲ
ﺻﺪﻕ ﺍﻟﺸﺠﻮﻥ ﺍﻟﻌﻠﺘﻚ
ﺗﺪﻳﻨﻲ ﻣﻨﻚ ﺍﻋﺘﺒﺎﺭ
ﻣﻬﻤﺎ ﺣﻴﺎﺍﺍﺍﺍﺍﺗﻚ ﻏﺮﺗﻚ
-
-
___________________________________
اذا لم تتفاعل مع المنشور لن تظهر لگ
منشوراتنا علي الصفحة الرئيسية

تم الإرسال من خلال التطبيق Topic'it

ﺷﻔﺘﻪ ﻛﻴﻒ ﺍﻟﺪﻧﻴﺎ ﺗﻀﺤﻚ
ﻟﻤﺎ ﺗﺒﺴﻢ ﻟﻲ ﻋﻴﻮﻧﻚ
ﻣﺎﻓﻲ ﺣﺎﺟﻪ ﺗﺨﻠﻲ ﻗﻠﺒﻲ
ﻭﻣﺎﻓﻲ ﻣﺎﻧﻊ ﻣﺎﻳﺼﻮﻧﻚ
ﺍﻧﺖ ﺍﺻﻠﻚ ﻳﺎﺧﻲ ﻛﻮﻧﻲ
ﻭﺑﺒﻘﻰ ﺍﺳﻌﺪ ﻟﻮ ﺍﻛﻮﻧﻚ
ﻛﺘﺮ ﺍﻟﺸﻮﻕ ﻓﻲ ﻏﻴﺎﺑﻲ
ﻭﻣﺎ ﺗﻔﻜﺮ ﻓﻲ ﻇﻨﻮﻧﻚ
ﺍﺻﻠﻮ ﺍﺧﺮ ﺣﺎﺟﻪ ﻣﻨﻲ
ﻛﻮﻧﻮ ﻣﺮﺓ ﺍﻗﻮﻝ ﺍﺧﻮﻧﻚ
ﻗﻠﺒﻲ ﻣﺨﻠﻮﻕ ﻟﻴﻚ ﻋﺸﺎﻧﻚ
ﻛﻞ ﺣﻴﺎﺗﻮ ﻳﻌﻴﺶ ﻳﺼﻮﻧﻚ
ﻭﻟﻮ ﻳﻔﻜﺮ ﻣﺮﺓ ﻳﺒﻌﺪ
ﻣﺎ ﺣﻴﺒﻘﻰ ﺍﻛﻴﺪ ﺑﺪﻭﻧﻚ
ﻳﺎ ﻭﺭﺕ ﻻﻣﺲ ﺣﻨﺎﻧﻲ
ﺑﺈﻧﺪﻫﺎﺵ ﺭﻭﻋﻪ ﺷﺠﻮﻧﻚ
ﺯﻱ ﻣﻼﻙ ﺍﻧﺴﺎﻥ ﻣﺠﻤﻞ
ﻳﺎﺍﺍﺍﺍﺍﺍﺍﺍﺍﺍﺧﻲ تسلم ﻟﻲ ﻋﻴﻮﻧﻚ

ﺍﻣﻲ ﺍﻟﻌﺰﺓ ﻭﺍﻻﺧﻼﻕ ﻭﺍﻣﻲ ﺟﺴﺎﺭﺓ
ﻭﺍﻣﻲ ﻃﺮﻳﻘﺔ ﻟﻲ ﺍﺑﻮﺍﺏ ﺍﻟﻘﻠﻮﺏ ﻭﻣﻨﺎﺭﺓ
ﺍﻣﻲ ﺍﻟﺤﺎﻓﻈﺔ ﻟﻲ ﺻﻠﻪ ﺍﻟﻘﺮﺍﺑﺔ ﻭﺟﺎﺭﺓ
ﺍﻣﻲ ﺣﻠﻴﻤﺔ ﺍﻣﻲ ﺭﺯﻳﻨﺔ ﻣﺎ ﺟﺒﺎﺭﺓ
ﺍﻣﻲ ﺑﺘﻜﺮﻡ ﺍﻟﻀﻴﻒ ﺍﻥ ﻏﺸﺎﻫﺎ ﻭﺟﺎﻫﺎ
ﻭﺍﻣﻲ ﻣﻼﻧﻪ ﺑﺎﻟﻄﻴﺐ ﺍﻟﻤﻌﻄﺮﻭ ﻓﺎﻫﺎ
ﺍﻣﻲ ﺍﻟﻘﻤﺮﺓ ﺑﺘﻐﻴﺐ ﻳﻮﻡ ﺗﺰﻭﺭﻭ ﺳﻤﺎﻫﺎ
ﺍﻣﻲ ﺑﺪﻭﺭﻩ ﻓﻲ ﺍﻟﺠﻨﻪ ﻭﺟﻤﻴﻌﻨﺎ ﻣﻌﺎﻫﺎ
ﺭﻳﺪﻙ ﻓﻲ ﺟﻮﺍﻱ ﺷﺎﻣﺦ ﺑﻌﺎﺩﻝ ﺍﻣﻪ
ﻭﻣﺎﻓﻲ ﺍﺣﻦ ﻣﻨﻚ ﻓﻲ ﺍﻟﺨﻼﻳﻖ ﺿﻤﺔ
ﻣﺎ ﺑﻴﺮﺗﺎﺣﻠﻲ ﺑﺎﻝ ﺍﻧﺎ ﻟﻮ ﺗﺼﻴﺒﻚ ﺣﻤﺔ
ﻣﺎ ﻟﻲ ﻏﻴﺮ ﺭﺿﺎﻙ ﻓﻲ ﺍﻟﺪﻧﻴﺎ ﺑﺲ ﻳﺎ ﻳﻤﺔ

تقودنى خطواتى العجلى نحوك.... أحاول أن أتريث حتى يستعيد قلبى رباطة جأشه وتهدأ أنفاسى المتهدجة.
يرتفع (الأدرينالين) داخل أعصابى....ويضج الدم فى عروقى.
ثمة أناس يمعنون فى (تحديث) نسختنا البشرية ويقلبون كياننا رأساً على عقب.
يعيدون لوجوهنا إبتسامتها الوضيئة...ولأعمارنا شبابها الزاهر وإن هرمت.
شكرا" لكل هذا الإرباك الحميد.

د(اليا)س

* عدسة محمد تركى التى تحبنى

تم الإرسال من خلال التطبيق Topic'it

مهب الأشواق!

* في شبه القارة الهندية مرتفع طبيعي يسمى (مهب الأشواق).. يحكي كل من زاره عن روعته وجماله الخلاب وطبيعته الساحرة وأجوائه الخريفية المستمرة طوال العام.. وقد استوقفني الاسم طويلاً وحرض مخيلتي على العمل فرأيتني بعين الوهم أقف على قمته والأشواق تتقاذفني من كل جانب ممزوجةً بزخات من المطر الرذاذ.. وأغمضت عيني على ذلك المشهد العجيب للشوق حين يصبح قوةً محسوسة تلتف حولك وتنفخ في روحك وجلدك لوعة التوق والحنين.
وها أنا الآن.. تستبد بي الأشواق.. وأحسبها الدليل الأصدق والأعمق على ارتفاع معدل محبتنا وتعلقنا بالآخر, فالشوق وحده هو الذي يحدد لك درجة الوجدان التي يحتلها.. وكيفية احتشاده في خاطرك بالحضور الوريف والهيام الذي لا يهدأ.
ومتعة الشوق الحقيقي لا تضاهى.. فهي تطهر روحك بنيرانها.. وتجلي دواخلك من المشاعر الصدئة.. وتجعلك خفيفاً قابلاً للطيران حالما هبت الأشواق من مرقدها واستحالت (هبوباً) من التساؤلات والرغبات المكبوته والتنهيد. ثم تجد نفسك مستعيناً بالذكريات والعبارات القديمه والتفاصيل الصغيرة والأفعال الإيجابية ذات الصله بينك وبين المشتاق به أو المشتاق إليه دون أن يكون لإصرارك يد في الأمر.
* كل شيء يتداعى لذهنك بسلاسة ويسر.. وتجد نفسك تبتسم وحدك مراراً كلما استرجع ذهنك إحدى الحكايا.. ذلك لأن الشوق لا يرتبط إلا بالمعاني الجميلة والمريحة في حياتنا.
* فلا يمكن أن تشتاق لشخص تسبب لك في أذى أو ألم أو مشكلة ما لم تكن تعاني من إعوجاج نفسي يجعلك تستمتع بسادية الآخرين عليك! فتكون بذلك قد خرجت من زمرة الأسوياء من أهل الشوق.
فالشوق الحقيقي لا يستقيم والوجدان أعوج.. ونسائمه لا تهب في الأرض القاحلة أو المسطحات الصحراوية.. لا بد له أن ينمو في ظل الأجواء العليلة والقلوب الخضراء والمشاعر ذات الحسن.
* ومشاعري إليك جميلة بالقدر الذي يجعل لأشواقي ألف وجه حسن.. وإحساسي تجاهك مرتفِع حتى كاد يوازي مرتفَع مهب الأشواق!! لهذا ربما يحوطني شوقي إليك من الجهات الأربع.. وأحملك في خاطري غيماً لا يكفي قطره المطير ليطفئ نيران الولع والأمنيات العزيزة بلقاءٍ قريب.
فهل تراني تجاوزت حدود التمني حين تمنيت من كل الدنيا لقاءك؟.. وهل أنت عصي على شوقي بهذا القدر؟.. ومتى تنزل من برجك العاجي المصفح لتتجول معي في شوارع الحلم الخلفيه ببراءة الأطفال وصدق الكبار؟
* إنها العاشرة مساءً بتوقيت الشوق.. فهل تأتي؟ هو الوقت الذي لم أعتد على انتظارك فيه ولكنك تباغتني أحياناً بأجمل ما يتأتى لك من حضور.. فهل أتوقعك أم أكتفي بالوجد مشدود الأعصاب؟
حكايتي معك لم تبدأ ولم تنته.. ولن تبدأ لتنتهى.. ولن تنتهي دون أن تبدأ.. ولكنها تكتفي من كل ما أحدثته في حياتي من إرباك بهذا الشوق العاصف على قمة (مهب الأشواق).

*تلويح:
حدث الأشواق عن لهفي عليك.. كي تعلم الأشواق أني – مذ عرفتك – لم تعد تقوى على شوقي إليك..!!!

داليا الياس

تم الإرسال من خلال التطبيق Topic'it

سهرانة صباحى....عينى مجافية النوم
وكيف تنعس الأجفان...دام القليب مهموم؟!
ومابين حنين الشوق....وبين دمعة المظلوم
مرت ليالى سهاد...فيها الحزن بالكوم !!

إتنهدت أرواح....عشمانة فى المولى
يبقالنا درقة ونور...والقوة والحولا
يملانا بالإيمان....شان نكسب الجولة
نمسح سطور الفات...ونكبر الشولة

قوم صلى فجر اليوم ...وأغسل أساك بالنور
شمس الصباح راجياك....شان تبقى فينا حضور
تبرا الجراح الفيك....والخاطر المكسور
بى قيمة الإحسان....بيصبح سليم مجبور

د(اليا)س

تم الإرسال من خلال التطبيق Topic'it

قسم الشاعرة داليا الياس